അപ്പോ​സ്‌ത​ല​നായ പൗലോസ്‌ തെസ്സ​ലോ​നി​ക്യ​യി​ലെ ക്രിസ്‌ത്യാ​നി​കൾക്ക്‌ ഇങ്ങനെ എഴുതി: “ഈ കത്തിൽ ഞങ്ങൾ പറയുന്ന കാര്യങ്ങൾ അനുസ​രി​ക്കാ​ത്ത​യാ​ളെ നിരീ​ക്ഷ​ണ​ത്തിൽ വെക്കണം.” (2 തെസ്സ. 3:14) മുമ്പ്‌ നമ്മൾ പറഞ്ഞി​രു​ന്നത്‌, ഈ നിർദേശം മൂപ്പന്മാർക്കു​ള്ള​താണ്‌ എന്നാണ്‌. അതനു​സ​രിച്ച്‌ പല പ്രാവ​ശ്യം ബുദ്ധി​യു​പ​ദേശം കൊടു​ത്തി​ട്ടും ഒരാൾ തുടർച്ച​യാ​യി ബൈബിൾത​ത്ത്വ​ങ്ങൾ അവഗണി​ക്കു​ക​യാ​ണെ​ങ്കിൽ മൂപ്പന്മാർ സഭയ്‌ക്കു​വേണ്ടി ഒരു മുന്നറി​യി​പ്പു പ്രസംഗം നടത്തി​യി​രു​ന്നു. അതിനു ശേഷം സഹോ​ദ​രങ്ങൾ, നിരീ​ക്ഷ​ണ​ത്തിൽ വെച്ചി​രി​ക്കുന്ന ആ വ്യക്തി​യു​മാ​യി ഇടപഴ​കി​ല്ലാ​യി​രു​ന്നു.

എന്നാൽ ഇപ്പോൾ ഇതിന്‌ ഒരു മാറ്റം വന്നിരി​ക്കു​ന്നു. പൗലോസ്‌ കൊടുത്ത ഈ ഉപദേശം ചില പ്രത്യേ​ക​സാ​ഹ​ച​ര്യ​ങ്ങ​ളിൽ സഭയിലെ ഓരോ വ്യക്തി​യും പിൻപ​റ്റേ​ണ്ട​താ​ണെന്ന്‌ ഇപ്പോൾ മനസ്സി​ലാ​ക്കു​ന്നു. അതു​കൊണ്ട്‌ മൂപ്പന്മാർ സഭയ്‌ക്കു​വേണ്ടി ഒരു മുന്നറി​യി​പ്പു പ്രസംഗം നടത്തേ​ണ്ട​തില്ല. എന്തു​കൊ​ണ്ടാണ്‌ ഇങ്ങനെ ഒരു മാറ്റം? അത്‌ അറിയാൻ പൗലോസ്‌ ആ ഉപദേശം കൊടു​ത്ത​തി​ന്റെ സന്ദർഭം ഒന്നു നോക്കാം.

തെസ്സ​ലോ​നി​ക്യ​സ​ഭ​യി​ലെ ചിലർ “ക്രമം​കെട്ട്‌ നടക്കു​ന്ന​താ​യി” പൗലോസ്‌ ശ്രദ്ധിച്ചു. ദൈവ​വ​ച​നത്തെ അടിസ്ഥാ​ന​മാ​ക്കി പൗലോസ്‌ കൊടുത്ത ചില ഉപദേ​ശങ്ങൾ അവർ അനുസ​രി​ക്കാൻ കൂട്ടാ​ക്കി​യില്ല. മുമ്പ്‌ ആ സഭ സന്ദർശി​ച്ച​പ്പോൾ പൗലോസ്‌ ഇങ്ങനെ ഒരു കല്പന നൽകി​യി​രു​ന്നു: “പണി​യെ​ടു​ക്കാൻ മനസ്സി​ല്ലാ​ത്തവൻ തിന്നാ​നും പാടില്ല.” എന്നാൽ പണി​യെ​ടു​ക്കാൻ പറ്റുമാ​യി​രു​ന്നി​ട്ടും അവരിൽ ചിലർ അതിനു തയ്യാറാ​യില്ല. കൂടാതെ അവർ മറ്റുള്ള​വ​രു​ടെ കാര്യ​ങ്ങ​ളിൽ അനാവ​ശ്യ​മാ​യി തലയി​ടു​ക​യും ചെയ്‌തി​രു​ന്നു. ഇങ്ങനെ ക്രമം​കെട്ട്‌ നടക്കു​ന്ന​വ​രു​ടെ കാര്യ​ത്തിൽ ക്രിസ്‌ത്യാ​നി​കൾ എന്തു ചെയ്യണ​മാ​യി​രു​ന്നു? —2 തെസ്സ. 3:6, 10-12.

“അവരെ നിരീ​ക്ഷ​ണ​ത്തിൽ വെക്കണം” എന്നു പൗലോസ്‌ പറഞ്ഞു. ഇവിടെ ഉപയോ​ഗി​ച്ചി​രി​ക്കുന്ന ഗ്രീക്കു പദം അങ്ങനെ​യു​ള്ള​വ​രു​ടെ കാര്യ​ത്തിൽ പ്രത്യേ​ക​ശ്രദ്ധ വേണ​മെന്നു സൂചി​പ്പി​ക്കു​ന്നു. പൗലോസ്‌ ഈ ഉപദേശം നൽകി​യതു മൂപ്പന്മാർക്കു മാത്ര​മാ​യി​ട്ടല്ല, മുഴു​സ​ഭ​യ്‌ക്കു​മാണ്‌. (2 തെസ്സ. 1:1; 3:6) അതു​കൊണ്ട്‌ ഒരു ക്രിസ്‌ത്യാ​നി ദിവ്യോ​പ​ദേ​ശങ്ങൾ അവഗണി​ക്കു​ന്ന​താ​യി ശ്രദ്ധയിൽപ്പെ​ട്ടാൽ ക്രമം​കെട്ട്‌ നടക്കുന്ന ആ വ്യക്തി​യു​മാ​യി ഇടപഴ​കു​ന്നതു നിറു​ത്താൻ മറ്റു ക്രിസ്‌ത്യാ​നി​കൾ വ്യക്തി​പ​ര​മാ​യി തീരു​മാ​നി​ക്കു​മാ​യി​രു​ന്നു.

അതിന്റെ അർഥം സഭയിൽനിന്ന്‌ നീക്കം ചെയ്‌ത​വ​രോട്‌ ഇടപെ​ടു​ന്ന​തു​പോ​ലെ ഈ വ്യക്തി​യോട്‌ ഇടപെ​ട​ണ​മെ​ന്നാ​യി​രു​ന്നോ? അല്ല. കാരണം പൗലോസ്‌ ഇങ്ങനെ​യും പറഞ്ഞു: “ഒരു സഹോ​ദ​ര​നാ​യി​ത്തന്നെ കണ്ട്‌ അയാളെ ഉപദേ​ശിച്ച്‌ നേർവ​ഴി​ക്കാ​ക്കാൻ നോക്കുക.” അതു​കൊണ്ട്‌ സഹോ​ദ​രങ്ങൾ മീറ്റി​ങ്ങി​നു വരു​മ്പോ​ഴും ശുശ്രൂ​ഷ​യി​ലാ​യി​രി​ക്കു​മ്പോ​ഴും അയാളു​മാ​യി ഇടപഴ​കു​മാ​യി​രു​ന്നു. എന്നാൽ സാമൂ​ഹി​ക​കൂ​ടി​വ​ര​വു​കൾക്കോ വിനോ​ദ​പ​രി​പാ​ടി​കൾക്കോ അയാളു​മാ​യി ഇടപഴ​കേണ്ടാ എന്ന്‌ അവർ തീരു​മാ​നി​ക്കു​മാ​യി​രു​ന്നു. എന്തു​കൊണ്ട്‌? പൗലോസ്‌ പറഞ്ഞു: “അയാൾക്കു നാണ​ക്കേടു തോന്നാൻ.” ഇങ്ങനെ നിരീ​ക്ഷ​ണ​ത്തിൽ വെക്കു​മ്പോൾ ക്രമം​കെട്ട്‌ നടക്കുന്ന ആ ക്രിസ്‌ത്യാ​നി​ക്കു തന്റെ പെരു​മാ​റ്റ​ത്തെ​ക്കു​റിച്ച്‌ നാണ​ക്കേടു തോന്നാ​നും അങ്ങനെ അയാൾ തന്റെ രീതി​കൾക്കു മാറ്റം വരുത്താ​നും ഇടയു​ണ്ടാ​യി​രു​ന്നു.—2 തെസ്സ. 3:14, 15.

ഇന്നു ക്രിസ്‌ത്യാ​നി​കൾക്ക്‌ എങ്ങനെ ഈ ഉപദേശം പ്രാവർത്തി​ക​മാ​ക്കാം? ആദ്യം​തന്നെ, പൗലോസ്‌ ഇവിടെ പറഞ്ഞി​രി​ക്കുന്ന ക്രമം​കെട്ട്‌ നടക്കു​ന്നവർ ആരാ​ണെന്നു മനസ്സി​ലാ​ക്കണം. മനസ്സാ​ക്ഷി​ക്കു വിട്ടി​രി​ക്കുന്ന കാര്യ​ങ്ങ​ളിൽ നമ്മൾ എടുക്കുന്ന അതേ തീരു​മാ​ന​ങ്ങ​ളെ​ടു​ക്കാ​ത്ത​വ​രു​ടെ കാര്യ​മോ നമ്മു​ടേ​തിൽനിന്ന്‌ വ്യത്യ​സ്‌ത​മായ ഇഷ്ടാനി​ഷ്ട​ങ്ങ​ളു​ള്ള​വ​രു​ടെ കാര്യ​മോ അല്ല പൗലോസ്‌ ഇവിടെ പറയു​ന്നത്‌. ഇനി, നമ്മളെ ഏതെങ്കി​ലും രീതി​യിൽ വിഷമി​പ്പി​ച്ച​വ​രു​ടെ കാര്യ​വു​മല്ല. പകരം ദൈവ​വ​ച​നത്തെ അടിസ്ഥാ​ന​മാ​ക്കി നൽകിയ ഉപദേ​ശങ്ങൾ അനുസ​രി​ക്കാൻ മനഃപൂർവം കൂട്ടാ​ക്കാ​ത്ത​വ​രെ​യാ​ണു പൗലോസ്‌ ഇവിടെ ഉദ്ദേശി​ച്ചത്‌.

ഇന്നു സഹക്രി​സ്‌ത്യാ​നി​ക​ളിൽ ആരെങ്കി​ലും, ബൈബി​ളി​നെ അടിസ്ഥാ​ന​മാ​ക്കി നൽകിയ ഉപദേശം തുടർച്ച​യാ​യി അവഗണി​ക്കു​ന്നതു കണ്ടാൽ a ആ വ്യക്തി​യു​മാ​യി സാമൂ​ഹി​ക​കൂ​ടി​വ​ര​വു​ക​ളി​ലോ വിനോ​ദ​പ​രി​പാ​ടി​ക​ളി​ലോ ഇടപഴ​കേണ്ടാ എന്ന്‌ ഒരു ക്രിസ്‌ത്യാ​നി വ്യക്തി​പ​ര​മാ​യി തീരു​മാ​നി​ക്കും. ഇതൊരു വ്യക്തി​പ​ര​മായ തീരു​മാ​ന​മാ​യ​തു​കൊണ്ട്‌ നമ്മുടെ വീട്ടിൽ താമസി​ക്കുന്ന അടുത്ത കുടും​ബാം​ഗ​ങ്ങ​ളു​മാ​യി​ട്ട​ല്ലാ​തെ മറ്റാരു​മാ​യും നമ്മൾ ഇതെക്കു​റിച്ച്‌ ചർച്ച ചെയ്യില്ല. എന്നാൽ മീറ്റി​ങ്ങി​നു വരു​മ്പോ​ഴും ശുശ്രൂ​ഷ​യി​ലാ​യി​രി​ക്കു​മ്പോ​ഴും നമ്മൾ തുടർന്നും ആ വ്യക്തി​യു​മാ​യി ഇടപഴ​കും. ഇനി, ആ വ്യക്തി തന്റെ മനോ​ഭാ​വ​ത്തി​നും രീതി​കൾക്കും മാറ്റം വരുത്തു​മ്പോൾ നമ്മൾ അദ്ദേഹ​വു​മാ​യി വീണ്ടും പഴയ​പോ​ലെ അടുത്ത്‌ ഇടപഴ​കും.