1. യേശു നമുക്കു നൽകി​യി​രി​ക്കുന്ന ചില സമ്മാനങ്ങൾ എന്തൊ​ക്കെ​യാണ്‌?

 യേശു​വി​നെ​പ്പോ​ലെ ഉദാര​മാ​യി കൊടുത്ത വേറൊ​രു മനുഷ്യ​നും ഭൂമി​യിൽ ഉണ്ടായി​ട്ടില്ല. ഭൂമി​യി​ലാ​യി​രു​ന്ന​പ്പോൾ പല തവണ അത്ഭുതങ്ങൾ ചെയ്‌തു​കൊണ്ട്‌ യേശു ആളുകളെ സഹായി​ച്ചു. (ലൂക്കോ. 9:12-17) നമുക്കു​വേണ്ടി സ്വന്തം ജീവൻ നൽകി​ക്കൊണ്ട്‌ എക്കാല​ത്തെ​യും ഏറ്റവും വലിയ സമ്മാനം യേശു തന്നു. (യോഹ. 15:13) പുനരു​ത്ഥാ​ന​ത്തി​നു ശേഷവും യേശു ഉദാര​മാ​യി കൊടു​ത്തു​കൊ​ണ്ടി​രി​ക്കു​ക​യാണ്‌. നമ്മളെ പഠിപ്പി​ക്കാ​നും ആശ്വസി​പ്പി​ക്കാ​നും ആയി പരിശു​ദ്ധാ​ത്മാ​വി​നെ തരാൻ പിതാ​വി​നോട്‌ അപേക്ഷി​ക്കു​മെന്നു യേശു പറഞ്ഞി​രു​ന്നു. യേശു അതുതന്നെ ചെയ്‌തു. (യോഹ. 14:16, 17, അടിക്കു​റിപ്പ്‌; 16:13) ഇനി സഭാ​യോ​ഗ​ങ്ങ​ളി​ലൂ​ടെ ലോക​മെ​ങ്ങും ആളുകളെ ശിഷ്യ​രാ​ക്കാ​നുള്ള പരിശീ​ല​ന​വും യേശു നൽകി​ക്കൊ​ണ്ടി​രി​ക്കു​ന്നു.—മത്താ. 28:18-20.

2. എഫെസ്യർ 4:7, 8-ൽ പറഞ്ഞി​രി​ക്കുന്ന ‘മനുഷ്യ​രാ​കുന്ന സമ്മാന​ങ്ങ​ളിൽ’ ആരെല്ലാം ഉൾപ്പെ​ടും?

² യേശു നമുക്കു തന്നിരി​ക്കുന്ന മറ്റൊരു സമ്മാന​ത്തെ​ക്കു​റിച്ച്‌ ചിന്തി​ക്കാം. സ്വർഗ​ത്തി​ലേക്കു പോയ​തി​നു ശേഷം യേശു “മനുഷ്യ​രെ സമ്മാന​ങ്ങ​ളാ​യി തന്നു” എന്ന്‌ അപ്പോ​സ്‌ത​ല​നായ പൗലോസ്‌ എഴുതി. (എഫെസ്യർ 4:7, 8 വായി​ക്കുക.) യേശു ഈ സമ്മാനം തന്നതു വ്യത്യസ്‌ത വിധങ്ങ​ളിൽ സഭയെ പിന്തു​ണ​യ്‌ക്കാൻ വേണ്ടി​യാ​ണെന്നു പൗലോസ്‌ വിശദീ​ക​രി​ച്ചു. (എഫെ. 1:22, 23; 4:11-13) ഇന്നു ‘മനുഷ്യ​രാ​കുന്ന സമ്മാന​ങ്ങ​ളിൽ’ ശുശ്രൂ​ഷാ​ദാ​സ​ന്മാ​രും സഭാമൂ​പ്പ​ന്മാ​രും സർക്കിട്ട്‌ മേൽവി​ചാ​ര​ക​ന്മാ​രും ഉൾപ്പെ​ടു​ന്നു. a ഈ മനുഷ്യർ അപൂർണ​രാ​യ​തു​കൊണ്ട്‌ അവർക്കു തെറ്റു​ക​ളൊ​ക്കെ പറ്റും എന്നതു ശരിയാണ്‌. (യാക്കോ. 3:2) എങ്കിലും കർത്താ​വായ യേശു നമ്മളെ സഹായി​ക്കു​ന്ന​തി​നു​വേണ്ടി അവരെ ഉപയോ​ഗി​ക്കു​ന്നു. യേശു നമുക്കു നൽകി​യി​രി​ക്കുന്ന സമ്മാന​ങ്ങ​ളാണ്‌ അവർ.

3. യേശു ‘സമ്മാന​ങ്ങ​ളാ​യി തന്ന’ മനുഷ്യ​രു​ടെ കഠിനാ​ധ്വാ​നത്തെ നമു​ക്കെ​ല്ലാം എങ്ങനെ പിന്തു​ണ​യ്‌ക്കാ​മെന്ന്‌ ഒരു ഉദാഹ​ര​ണ​ത്തി​ലൂ​ടെ പറയുക.

³ സഭയെ ബലപ്പെ​ടു​ത്താ​നാണ്‌ യേശു ഈ ‘മനുഷ്യ​രെ സമ്മാന​ങ്ങ​ളാ​യി’ തന്നിരി​ക്കു​ന്നത്‌. (എഫെ. 4:12) പ്രധാ​ന​പ്പെട്ട ഈ ഉത്തരവാ​ദി​ത്വം അവർ ചെയ്യു​മ്പോൾ നമുക്കും അവരെ സഹായി​ക്കാ​നാ​കും. ഒരു ഉദാഹ​രണം നോക്കാം. ഒരു രാജ്യ​ഹാ​ളി​ന്റെ പണി നടക്കു​മ്പോൾ ചിലർ അതിൽ നേരിട്ട്‌ ഉൾപ്പെ​ടു​ന്നു. വേറെ ചിലർ ഭക്ഷണം കൊടു​ത്തു​കൊ​ണ്ടും  യാത്രാ​സൗ​ക​ര്യം ഒരുക്കി​ക്കൊ​ണ്ടും മറ്റു ചില സേവനങ്ങൾ ചെയ്‌തു​കൊ​ണ്ടും അതിനെ പിന്തു​ണ​യ്‌ക്കു​ന്നു. ഇതു​പോ​ലെ ശുശ്രൂ​ഷാ​ദാ​സ​ന്മാ​രു​ടെ​യും സഭയിലെ മൂപ്പന്മാ​രു​ടെ​യും സർക്കിട്ട്‌ മേൽവി​ചാ​ര​ക​ന്മാ​രു​ടെ​യും ശ്രമങ്ങളെ നമു​ക്കെ​ല്ലാ​വർക്കും നമ്മുടെ വാക്കു​ക​ളാ​ലും പ്രവൃ​ത്തി​ക​ളാ​ലും പിന്തു​ണ​യ്‌ക്കാ​നാ​കും. ഈ ലേഖന​ത്തിൽ, അവരുടെ കഠിനാ​ധ്വാ​നം നമുക്ക്‌ എങ്ങനെ​യാ​ണു പ്രയോ​ജനം ചെയ്യു​ന്ന​തെന്നു നമ്മൾ കാണും. അതു​പോ​ലെ, അവരോ​ടും അവരെ “സമ്മാന​ങ്ങ​ളാ​യി” തന്ന യേശു​വി​നോ​ടും നമുക്ക്‌ എങ്ങനെ വിലമ​തി​പ്പു കാണി​ക്കാ​മെ​ന്നും നോക്കും.

“സഹായം ചെയ്യുന്ന” ശുശ്രൂ​ഷാ​ദാ​സ​ന്മാർ

4. ഒന്നാം നൂറ്റാ​ണ്ടി​ലെ ശുശ്രൂ​ഷാ​ദാ​സ​ന്മാർ ചെയ്‌തു​കൊ​ടുത്ത ചില ‘സഹായങ്ങൾ’ എന്തൊ​ക്കെ​യാണ്‌?

⁴ ഒന്നാം നൂറ്റാ​ണ്ടിൽ ചില സഹോ​ദ​ര​ന്മാ​രെ ശുശ്രൂ​ഷാ​ദാ​സ​ന്മാ​രാ​യി നിയമി​ച്ചി​രു​ന്നു. (1 തിമൊ. 3:8) “സഹായം ചെയ്യു​ന്നവർ” എന്നു പൗലോസ്‌ എഴുതി​യത്‌ ഇവരെ​ക്കു​റിച്ച്‌ ആയിരി​ക്കാം. (1 കൊരി. 12:28) ഈ ശുശ്രൂ​ഷാ​ദാ​സ​ന്മാർ സാധ്യ​ത​യ​നു​സ​രിച്ച്‌ പ്രധാ​ന​പ്പെട്ട പല കാര്യ​ങ്ങ​ളി​ലും മൂപ്പന്മാ​രെ സഹായി​ച്ചി​രു​ന്നു. അതു​കൊണ്ട്‌ മൂപ്പന്മാർക്കു പഠിപ്പി​ക്കു​ന്ന​തി​ലും ഇടയവേല ചെയ്യു​ന്ന​തി​ലും കൂടുതൽ ശ്രദ്ധി​ക്കാ​നാ​യി. ഉദാഹ​ര​ണ​ത്തിന്‌, തിരു​വെ​ഴു​ത്തു​ക​ളു​ടെ പകർപ്പു​ക​ളു​ണ്ടാ​ക്കാ​നും അതിനു​വേണ്ട സാധനങ്ങൾ വാങ്ങാ​നും ഒക്കെ ശുശ്രൂ​ഷാ​ദാ​സ​ന്മാർ സഹായി​ച്ചി​ട്ടു​ണ്ടാ​കണം.

5. ഇന്ന്‌ ശുശ്രൂ​ഷാ​ദാ​സ​ന്മാർ ചെയ്യുന്ന ചില സഹായങ്ങൾ എന്തൊ​ക്കെ​യാണ്‌?

⁵ നിങ്ങളു​ടെ സഭയ്‌ക്കു​വേ​ണ്ടി​യും ശുശ്രൂ​ഷാ​ദാ​സ​ന്മാർ ഒരുപാട്‌ സഹായങ്ങൾ ചെയ്യു​ന്നുണ്ട്‌. (1 പത്രോ. 4:10) അതിൽ ചിലത്‌ ഇതാണ്‌: സംഭാ​വ​ന​ക​ളു​മാ​യി ബന്ധപ്പെട്ട കാര്യങ്ങൾ ചെയ്യുന്നു, സഭാ​പ്ര​ദേ​ശ​ത്തി​ന്റെ കാര്യങ്ങൾ നോക്കു​ന്നു, പ്രസി​ദ്ധീ​ക​ര​ണങ്ങൾ ഓർഡർ ചെയ്‌ത്‌ അതു സഹോ​ദ​ര​ങ്ങൾക്കു ലഭ്യമാ​ക്കു​ന്നു, മീറ്റി​ങ്ങി​ന്റെ സമയത്ത്‌ സേവക​ന്മാ​രാ​യി പ്രവർത്തി​ക്കു​ന്നു, ഓഡി​യോ-വീഡി​യോ വിഭാ​ഗ​ത്തിൽ സേവി​ക്കു​ന്നു, രാജ്യ​ഹാ​ളി​ന്റെ അറ്റകു​റ്റ​പ്പ​ണി​ക​ളിൽ സഹായി​ക്കു​ന്നു. സഭാ​പ്ര​വർത്ത​നങ്ങൾ നന്നായി മുന്നോ​ട്ടു​പോ​കാൻ ഈ സഹായ​ങ്ങ​ളെ​ല്ലാം വളരെ ആവശ്യ​മാണ്‌. (1 കൊരി. 14:40) ഇതിനു പുറമേ ചില ശുശ്രൂ​ഷാ​ദാ​സ​ന്മാർ ജീവിത-സേവന യോഗ​ത്തി​ലെ പരിപാ​ടി​ക​ളും പൊതു​പ്ര​സം​ഗ​ങ്ങ​ളും നടത്താ​റുണ്ട്‌. ഇനി ഗ്രൂപ്പ്‌ മേൽവി​ചാ​ര​കനെ സഹായി​ക്കാൻ ഒരു ശുശ്രൂ​ഷാ​ദാ​സനെ നിയമി​ച്ചേ​ക്കാം. ചില​പ്പോൾ മൂപ്പന്മാർ ഇടയസ​ന്ദർശ​നങ്ങൾ നടത്തു​മ്പോൾ യോഗ്യ​ത​യുള്ള ശുശ്രൂ​ഷാ​ദാ​സ​ന്മാ​രെ കൂടെ കൂട്ടാ​റു​മുണ്ട്‌.

6. കഠിനാ​ധ്വാ​നം ചെയ്യുന്ന ശുശ്രൂ​ഷാ​ദാ​സ​ന്മാ​രെ നമ്മൾ വിലമ​തി​ക്കു​ന്ന​തി​ന്റെ ചില കാരണങ്ങൾ എന്തൊ​ക്കെ​യാണ്‌?

⁶ ശുശ്രൂ​ഷാ​ദാ​സ​ന്മാർ ചെയ്യു​ന്ന​തെ​ല്ലാം സഭയ്‌ക്കു പ്രയോ​ജ​ന​പ്പെ​ടു​ന്നത്‌ എങ്ങനെ​യാണ്‌? ബൊളീ​വി​യ​യി​ലുള്ള ബിബെർലി b സഹോ​ദരി പറയുന്നു: “ശുശ്രൂ​ഷാ​ദാ​സ​ന്മാർ ഉള്ളതു​കൊണ്ട്‌ എനിക്കു മീറ്റിങ്ങ്‌ എല്ലാം നന്നായി കൂടാൻ പറ്റുന്നുണ്ട്‌. എനിക്കു പാട്ടു പാടാ​നും അഭി​പ്രാ​യങ്ങൾ പറയാ​നും പ്രസം​ഗങ്ങൾ കേൾക്കാ​നും വീഡി​യോ​ക​ളിൽനി​ന്നും ചിത്ര​ങ്ങ​ളിൽനി​ന്നും പഠിക്കാ​നും ഒക്കെ പറ്റുന്നത്‌ അവർ കാര്യങ്ങൾ നന്നായി ചെയ്യു​ന്ന​തു​കൊ​ണ്ടാണ്‌. മീറ്റിങ്ങ്‌ കൂടുന്ന എല്ലാവ​രും സുരക്ഷി​ത​രാ​ണെന്ന്‌ അവർ ഉറപ്പു​വ​രു​ത്തു​ന്നു. വീഡി​യോ കോൺഫ​റൻസിങ്‌ വഴി മീറ്റിങ്ങ്‌ കൂടു​ന്ന​വർക്ക്‌ ആവശ്യ​മായ സഹായ​ങ്ങ​ളും ചെയ്‌തു​കൊ​ടു​ക്കു​ന്നു. ശുശ്രൂ​ഷാ​ദാ​സ​ന്മാർ മീറ്റി​ങ്ങി​നു ശേഷം ക്ലീനി​ങ്ങിൽ നേതൃ​ത്വം എടുക്കു​ന്നു. സഭാ കണക്കുകൾ കൈകാ​ര്യം ചെയ്യുന്നു. നമുക്ക്‌ ആവശ്യ​ത്തി​നു പ്രസി​ദ്ധീ​ക​ര​ണ​ങ്ങ​ളു​ണ്ടെന്ന്‌ ഉറപ്പു​വ​രു​ത്തു​ന്നു. അവരോട്‌ എനിക്ക്‌ ഒരുപാ​ടു നന്ദിയുണ്ട്‌.” കൊളം​ബി​യ​യിൽനി​ന്നുള്ള ഒരു മൂപ്പന്റെ ഭാര്യ​യായ ലെസ്‌ലി പറയുന്നു: “പല നിയമ​ന​ങ്ങ​ളും ചെയ്യാൻ എന്റെ ഭർത്താ​വി​നു ശുശ്രൂ​ഷാ​ദാ​സ​ന്മാ​രു​ടെ സഹായം വേണ്ടി​വ​രാ​റുണ്ട്‌. അവർ ഇല്ലായി​രു​ന്നെ​ങ്കിൽ അദ്ദേഹ​ത്തിന്‌ ഇതിലും തിരക്കാ​യി​പ്പോ​യേനേ. സഹായി​ക്കാ​നുള്ള അവരുടെ മനസ്സൊ​രു​ക്ക​ത്തി​നും ഉത്സാഹ​ത്തി​നും എനിക്ക്‌ അവരോട്‌ ശരിക്കും നന്ദിയുണ്ട്‌.” ഇതുത​ന്നെ​യാ​യി​രി​ക്കും നമുക്ക്‌ എല്ലാവർക്കും തോന്നു​ന്നത്‌.—1 തിമൊ. 3:13.

7. ശുശ്രൂ​ഷാ​ദാ​സ​ന്മാ​രോ​ടുള്ള വിലമ​തി​പ്പു നമുക്ക്‌ എങ്ങനെ കാണി​ക്കാം? (ചിത്ര​വും കാണുക.)

⁷ ശുശ്രൂ​ഷാ​ദാ​സ​ന്മാ​രോ​ടു നന്ദി തോന്നി​യാൽ മാത്രം പോരാ. പകരം ബൈബിൾ പറയു​ന്നത്‌, “നന്ദിയു​ള്ള​വ​രാ​ണെന്നു കാണി​ക്കു​ക​യും വേണം” എന്നാണ്‌. (കൊലോ. 3:15) ഫിൻലൻഡി​ലുള്ള ക്രിസ്റ്റഫർ എന്ന മൂപ്പൻ, താൻ നന്ദി കാണി​ക്കു​ന്നത്‌ എങ്ങനെ​യാ​ണെന്നു പറയുന്നു: “ഞാൻ ഒരു കാർഡോ മെസ്സേ​ജോ അയയ്‌ക്കും. അതിൽ ഞാൻ ഒരു തിരു​വെ​ഴുത്ത്‌ എഴുതും. അതു​പോ​ലെ ആ ശുശ്രൂ​ഷാ​ദാ​സൻ പറഞ്ഞതോ ചെയ്‌ത​തോ ആയ ഒരു കാര്യം എന്നെ പ്രോ​ത്സാ​ഹി​പ്പി​ച്ചത്‌ എങ്ങനെ​യാ​ണെ​ന്നോ അല്ലെങ്കിൽ അദ്ദേഹം ചെയ്‌ത എന്തെങ്കി​ലും സേവന​ത്തിന്‌ എനിക്ക്‌ നന്ദി തോന്നു​ന്നത്‌ എന്തു​കൊ​ണ്ടാ​ണെ​ന്നോ എഴുതും.” ന്യൂ കാലി​ഡോ​ണി​യ​യിൽ താമസി​ക്കുന്ന പാസ്‌ക​ലും ജായലും ശുശ്രൂ​ഷാ​ദാ​സ​ന്മാർക്കു​വേണ്ടി  പ്രത്യേ​കം പ്രാർഥി​ക്കു​ന്നു. പാസ്‌കൽ ഇങ്ങനെ പറയുന്നു: “അടുത്തി​ടെ​യാ​യി ശുശ്രൂ​ഷാ​ദാ​സ​ന്മാർക്കു​വേണ്ടി ഞങ്ങൾ ഒരുപാ​ടു പ്രാർഥി​ക്കാ​റുണ്ട്‌. അവരെ തന്നതിന്‌ യഹോ​വ​യോ​ടു നന്ദി പറയും. അതു​പോ​ലെ അവരെ സഹായി​ക്ക​ണേ​യെന്ന്‌ അപേക്ഷി​ക്കു​ക​യും ചെയ്യും.” ഇതു​പോ​ലുള്ള പ്രാർഥ​നകൾ യഹോവ കേൾക്കും. അതു മുഴു​സ​ഭ​യ്‌ക്കും പ്രയോ​ജനം ചെയ്യും.—2 കൊരി. 1:11.

‘നിങ്ങൾക്കി​ട​യിൽ അധ്വാ​നി​ക്കുന്ന’ മൂപ്പന്മാർ

8. ഒന്നാം നൂറ്റാ​ണ്ടി​ലെ മൂപ്പന്മാർ കഠിനാ​ധ്വാ​നം ചെയ്യു​ന്നെന്നു പൗലോസ്‌ എഴുതി​യത്‌ എന്തു​കൊ​ണ്ടാണ്‌? (1 തെസ്സ​ലോ​നി​ക്യർ 5:12, 13)

⁸ ഒന്നാം നൂറ്റാ​ണ്ടി​ലെ മൂപ്പന്മാർ സഭയ്‌ക്കു​വേണ്ടി കഠിനാ​ധ്വാ​നം ചെയ്‌തു. (1 തെസ്സ​ലോ​നി​ക്യർ 5:12, 13 വായി​ക്കുക; 1 തിമൊ. 5:17) യോഗങ്ങൾ നടത്തി​ക്കൊ​ണ്ടും മൂപ്പന്മാ​രു​ടെ സംഘം എന്ന നിലയിൽ തീരു​മാ​ന​ങ്ങ​ളെ​ടു​ത്തു​കൊ​ണ്ടും അവർ സഭയിൽ ‘നേതൃ​ത്വ​മെ​ടു​ത്തു.’ അതു​പോ​ലെ സഭയെ സംരക്ഷി​ക്കു​ന്ന​തി​നു​വേണ്ടി അവർ സഹോ​ദ​ര​ങ്ങൾക്കു സ്‌നേ​ഹ​ത്തോ​ടെ വേണ്ട ‘ഉപദേ​ശ​വും’ തിരു​ത്ത​ലു​ക​ളും നൽകി​യി​രു​ന്നു. (1 തെസ്സ. 2:11, 12; 2 തിമൊ. 4:2) ഇതിനു പുറമേ അവർ കുടും​ബ​ത്തി​നു​വേണ്ടി കരുതാ​നും സ്വന്തം ആത്മീയത ശക്തി​പ്പെ​ടു​ത്താ​നും കഠിനാ​ധ്വാ​നം ചെയ്‌തു.—1 തിമൊ. 3:2, 4; തീത്തോ. 1:6-9.

9. ഇന്നു മൂപ്പന്മാർ കൈകാ​ര്യം ചെയ്യുന്ന ചില ഉത്തരവാ​ദി​ത്വ​ങ്ങൾ എന്തൊ​ക്കെ​യാണ്‌?

⁹ മൂപ്പന്മാർ ഇന്നും വളരെ തിര​ക്കോ​ടെ പ്രവർത്തി​ക്കു​ന്നു. അവർ സുവി​ശേ​ഷ​ക​രാണ്‌. (2 തിമൊ. 4:5) അവർ ശുശ്രൂ​ഷ​യിൽ തീക്ഷ്‌ണ​ത​യോ​ടെ ഉൾപ്പെ​ടു​ക​യും സഭാ​പ്ര​ദേ​ശത്ത്‌ പ്രസം​ഗ​പ്ര​വർത്തനം സംഘടി​പ്പി​ക്കു​ക​യും നന്നായി പ്രസം​ഗി​ക്കാ​നും പഠിപ്പി​ക്കാ​നും നമ്മളെ പരിശീ​ലി​പ്പി​ക്കു​ക​യും ചെയ്യുന്നു. കൂടാതെ മൂപ്പന്മാർ കരുണ​യുള്ള, പക്ഷപാ​ത​മി​ല്ലാത്ത ന്യായാ​ധി​പ​ന്മാ​രാ​യും സേവി​ക്കു​ന്നു. സഭയിൽ ആരെങ്കി​ലും ഗുരു​ത​ര​മായ തെറ്റു ചെയ്‌താൽ യഹോ​വ​യു​മാ​യുള്ള ബന്ധം വീണ്ടെ​ടു​ക്കാൻ മൂപ്പന്മാർ അവരെ സഹായി​ക്കു​ന്നു. അതേസ​മയം സഭയെ ശുദ്ധി​യു​ള്ള​താ​ക്കി നിലനി​റു​ത്താ​നും അവർ പ്രത്യേ​കം ശ്രദ്ധി​ക്കും. (1 കൊരി. 5:12, 13; ഗലാ. 6:1) ഏറ്റവും പ്രധാ​ന​മാ​യി മൂപ്പന്മാർ ഇടയന്മാ​രും ആണ്‌. (1 പത്രോ. 5:1-3) അവർ നന്നായി തയ്യാറാ​യി ബൈബി​ള​ധി​ഷ്‌ഠിത പ്രസം​ഗങ്ങൾ നടത്തു​ക​യും സഭയിലെ എല്ലാവ​രെ​യും അടുത്ത​റി​യാൻ ശ്രമി​ക്കു​ക​യും ഇടയസ​ന്ദർശ​നങ്ങൾ നടത്തു​ക​യും ചെയ്യുന്നു. ഇതിനു പുറമേ ചില മൂപ്പന്മാർ വേറെ ഉത്തരവാ​ദി​ത്വ​ങ്ങ​ളും ചെയ്യു​ന്നുണ്ട്‌. രാജ്യ​ഹാ​ളി​ന്റെ നിർമാ​ണ​ത്തി​ലും പരിപാ​ല​ന​ത്തി​ലും, കൺ​വെൻ​ഷൻ സംഘടി​പ്പി​ക്കു​ന്ന​തി​ലും, ആശുപ​ത്രി ഏകോ​പ​ന​സ​മി​തി​ക​ളു​ടെ​യും രോഗീ​സ​ന്ദർശന കൂട്ടങ്ങ​ളു​ടെ​യും പ്രവർത്ത​ന​ത്തി​ലും ഒക്കെ അവർ സഹായി​ക്കു​ന്നു. അതെ, മൂപ്പന്മാർ നമുക്കു​വേണ്ടി കഠിനാ​ധ്വാ​നം ചെയ്യു​ന്ന​വ​രാണ്‌!

10. കഠിനാ​ധ്വാ​നി​ക​ളായ മൂപ്പന്മാ​രെ നമ്മൾ വിലമ​തി​ക്കു​ന്ന​തി​ന്റെ ചില കാരണങ്ങൾ എന്തൊ​ക്കെ​യാണ്‌?

¹⁰ ഇടയന്മാർ നമുക്കു​വേണ്ടി നന്നായി കരുതു​ന്ന​തു​കൊണ്ട്‌ നമ്മൾ “മേലാൽ പേടി​ക്കു​ക​യോ സംഭ്ര​മി​ക്കു​ക​യോ ഇല്ല” എന്ന്‌ യഹോവ മുൻകൂ​ട്ടി​പ്പ​റ​ഞ്ഞി​രി​ക്കു​ന്നു. (യിരെ. 23:4) ഫിൻലൻഡിൽനി​ന്നുള്ള യൊഹാ​നാ സഹോ​ദരി തന്റെ അമ്മയ്‌ക്കു ഗുരു​ത​ര​മായ ഒരു അസുഖം വന്നപ്പോൾ യഹോ​വ​യു​ടെ ആ വാക്കുകൾ എത്ര സത്യമാ​ണെന്ന്‌ അനുഭ​വി​ച്ച​റി​ഞ്ഞു. സഹോ​ദരി പറയുന്നു: “എന്റെ ഉള്ളിലു​ള്ള​തെ​ല്ലാം മറ്റുള്ള​വ​രോ​ടു തുറന്നു​പ​റ​യുക എന്നത്‌ എനിക്ക്‌ അത്ര എളുപ്പ​മ​ല്ലാ​യി​രു​ന്നു. പക്ഷേ എനിക്കു വലിയ പരിച​യ​മി​ല്ലാ​തി​രുന്ന ഒരു മൂപ്പൻ ഞാൻ സംസാ​രി​ച്ച​പ്പോൾ എന്നോടു ക്ഷമ കാണിച്ചു. എന്നോ​ടൊ​പ്പം പ്രാർഥി​ച്ചു; യഹോവ എന്നെ സ്‌നേ​ഹി​ക്കു​ന്നു​ണ്ടെന്ന്‌ ഉറപ്പു​തന്നു. ആ സഹോ​ദരൻ എന്താണു പറഞ്ഞത്‌ എന്നൊ​ന്നും എനിക്ക്‌ ഓർമ​യില്ല. പക്ഷേ ആ സമയത്ത്‌ എനിക്കു വളരെ​യ​ധി​കം സുരക്ഷി​ത​ത്വം തോന്നി​യതു ഞാൻ ഓർക്കു​ന്നുണ്ട്‌. കൃത്യ​സ​മ​യ​ത്തു​തന്നെ എന്നെ സഹായി​ക്കാൻ യഹോ​വ​യാണ്‌ അദ്ദേഹത്തെ അയച്ച​തെന്നു ഞാൻ വിശ്വ​സി​ക്കു​ന്നു.” നിങ്ങളു​ടെ സഭയിലെ മൂപ്പന്മാർ നിങ്ങളെ എങ്ങനെ​യാ​ണു സഹായി​ച്ചി​ട്ടു​ള്ളത്‌?

11. നമുക്ക്‌ എങ്ങനെ​യെ​ല്ലാം മൂപ്പന്മാ​രോ​ടു നന്ദി കാണി​ക്കാം? (ചിത്ര​വും കാണുക.)

¹¹ മൂപ്പന്മാ​രു​ടെ “അധ്വാനം ഓർത്ത്‌” അവരോ​ടു നമ്മൾ ആത്മാർഥ​മായ വിലമ​തി​പ്പു കാണി​ക്കാൻ യഹോവ ആഗ്രഹി​ക്കു​ന്നു. (1 തെസ്സ. 5:12, 13) ഫിൻലൻഡിൽത്തന്നെ താമസി​ക്കുന്ന ഹെൻറീറ്റ ഇങ്ങനെ പറയുന്നു: “മൂപ്പന്മാർ മനസ്സോ​ടെ മറ്റുള്ള​വരെ സഹായി​ക്കു​ന്നു. പക്ഷേ അതിന്റെ അർഥം അവർക്കു നമ്മളെ​ക്കാൾ സമയവും ഊർജ​വും കൂടു​ത​ലു​ണ്ടെ​ന്നോ ജീവി​ത​ത്തിൽ പ്രശ്‌ന​ങ്ങ​ളൊ​ന്നും ഇല്ലെന്നോ അല്ല. ചില​പ്പോ​ഴൊ​ക്കെ ഞാൻ അവരോ​ടു പറയാ​റുണ്ട്‌, ‘നിങ്ങൾക്ക​റി​യാ​മോ, നിങ്ങൾ നല്ലൊരു മൂപ്പനാണ്‌. സഹോ​ദ​ര​നോട്‌ അതു പറയണ​മെന്ന്‌ എനിക്കു തോന്നി.‘” തുർക്കിയെയിലുള്ള c സേറ സഹോ​ദരി പറയുന്നു: “മൂപ്പന്മാർക്കു മുന്നോ​ട്ടു​പോ​കാൻ ‘ഇന്ധനം’ വേണം. അതു​കൊണ്ട്‌ അവർക്കു​വേണ്ടി നമുക്ക്‌ ഒരു  കാർഡ്‌ എഴുതു​ക​യോ അവരെ ഒരു നേരത്തെ ഭക്ഷണത്തി​നു വിളി​ക്കു​ക​യോ അവരു​ടെ​കൂ​ടെ ശുശ്രൂ​ഷ​യ്‌ക്കു പോകു​ക​യോ ഒക്കെ ചെയ്യാം.” ഏതെങ്കി​ലും ഒരു മൂപ്പന്റെ കഠിനാ​ധ്വാ​നം കണ്ടിട്ട്‌ നിങ്ങൾക്ക്‌ അദ്ദേഹ​ത്തോ​ടു വിലമ​തി​പ്പു തോന്നി​യി​ട്ടു​ണ്ടോ? എങ്കിൽ ആ നന്ദി കാണി​ക്കാ​നുള്ള അവസരങ്ങൾ കണ്ടെത്തുക.—1 കൊരി. 16:18.

സഭകളെ ശക്തി​പ്പെ​ടു​ത്തുന്ന സർക്കിട്ട്‌ മേൽവി​ചാ​ര​ക​ന്മാർ

12. ഒന്നാം നൂറ്റാ​ണ്ടി​ലെ സഭകളെ ശക്തി​പ്പെ​ടു​ത്താൻ എന്തു ക്രമീ​ക​രണം ഉണ്ടായി​രു​ന്നു? (1 തെസ്സ​ലോ​നി​ക്യർ 2:7, 8)

¹² മറ്റൊരു വിധത്തിൽ സഭകളെ സഹായി​ക്കുന്ന ‘മനുഷ്യ​രാ​കുന്ന സമ്മാന​ങ്ങ​ളെ​യും’ യേശു തന്നു. പൗലോ​സി​നെ​യും ബർന്നബാ​സി​നെ​യും മറ്റു ചില​രെ​യും സഞ്ചാര മേൽവി​ചാ​ര​ക​ന്മാ​രാ​യി അയയ്‌ക്കാൻ യേശു യരുശ​ലേ​മി​ലെ മൂപ്പന്മാ​രെ വഴിന​യി​ച്ചു. (പ്രവൃ. 11:22) അവരെ അയച്ചതി​ന്റെ ഉദ്ദേശ്യം എന്തായി​രു​ന്നു? ശുശ്രൂ​ഷാ​ദാ​സ​ന്മാ​രെ​യും മൂപ്പന്മാ​രെ​യും നിയമിച്ച അതേ കാരണം​കൊ​ണ്ടു​തന്നെ: സഭകളെ ശക്തി​പ്പെ​ടു​ത്താൻ. (പ്രവൃ. 15:40, 41) ഈ നിയമനം ചെയ്യാൻ അവർ ഒരുപാ​ടു ത്യാഗങ്ങൾ ചെയ്‌തു. മറ്റുള്ള​വരെ പഠിപ്പി​ക്കാ​നും പ്രോ​ത്സാ​ഹി​പ്പി​ക്കാ​നും ആയി സ്വന്തം ജീവൻ വിട്ടു​കൊ​ടു​ക്കാൻപോ​ലും അവർ തയ്യാറാ​യി​രു​ന്നു.—1 തെസ്സ​ലോ​നി​ക്യർ 2:7, 8 വായി​ക്കുക.

13. സർക്കിട്ട്‌ മേൽവി​ചാ​ര​ക​ന്മാ​രു​ടെ ചില ഉത്തരവാ​ദി​ത്വ​ങ്ങൾ എന്തൊ​ക്കെ​യാണ്‌?

¹³ സർക്കിട്ട്‌ മേൽവി​ചാ​ര​ക​ന്മാർക്ക്‌ ഒരുപാ​ടു യാത്ര ചെയ്യേ​ണ്ടി​വ​രാ​റുണ്ട്‌. ചില സഭകൾ തമ്മിൽ നൂറു​ക​ണ​ക്കി​നു കിലോ​മീ​റ്റ​റു​കൾ ദൂരം കാണും. ഓരോ ആഴ്‌ച​യും സർക്കിട്ട്‌ മേൽവി​ചാ​ര​ക​ന്മാർ പല പ്രസം​ഗങ്ങൾ നടത്തുന്നു. ഇടയസ​ന്ദർശ​ന​ങ്ങൾക്കു പോകു​ന്നു. മുൻനി​ര​സേ​വ​ക​രു​മാ​യുള്ള യോഗ​വും മൂപ്പന്മാ​രു​മാ​യുള്ള യോഗ​വും വയൽസേവന യോഗ​ങ്ങ​ളും ഒക്കെ നടത്തുന്നു. അതു​പോ​ലെ അവർ സർക്കിട്ട്‌ സമ്മേള​ന​ങ്ങ​ളും കൺ​വെൻ​ഷ​നു​ക​ളും സംഘടി​പ്പി​ക്കു​ക​യും അവയ്‌ക്കാ​യുള്ള പ്രസം​ഗങ്ങൾ തയ്യാറാ​കു​ക​യും ചെയ്യുന്നു. അവർ മുൻനി​ര​സേ​വ​ന​സ്‌കൂ​ളു​ക​ളിൽ അധ്യാ​പ​ക​ന്മാ​രാ​യി പ്രവർത്തി​ക്കു​ന്നു. സർക്കി​ട്ടി​ലെ മുൻനി​ര​സേ​വ​ക​രു​മൊത്ത്‌ പ്രത്യേ​ക​യോ​ഗം നടത്തുന്നു. ഇതി​നെ​ല്ലാം പുറമേ ബ്രാഞ്ച്‌ ഓഫീസ്‌ ഏൽപ്പി​ക്കുന്ന പ്രധാ​ന​പ്പെട്ട ചില കാര്യ​ങ്ങ​ളും അവർ ചെയ്യാ​റുണ്ട്‌. ചില​പ്പോൾ അത്‌ അടിയ​ന്തി​ര​മാ​യി ചെയ്യേ​ണ്ട​താ​യി​രി​ക്കും.

14. കഠിനാ​ധ്വാ​നി​ക​ളായ സർക്കിട്ട്‌ മേൽവി​ചാ​ര​ക​ന്മാ​രെ നമ്മൾ വിലമ​തി​ക്കു​ന്ന​തി​ന്റെ ചില കാരണങ്ങൾ എന്തൊ​ക്കെ​യാണ്‌?

 ¹⁴ സർക്കിട്ട്‌ മേൽവി​ചാ​ര​ക​ന്മാർ എന്ന സമ്മാനം സഭകൾക്കു പ്രയോ​ജനം ചെയ്യു​ന്നത്‌ എങ്ങനെ​യാണ്‌? സർക്കിട്ട്‌ മേൽവി​ചാ​ര​ക​ന്മാ​രു​ടെ സന്ദർശ​ന​ത്തെ​ക്കു​റിച്ച്‌ തുർക്കി​യെ​യി​ലുള്ള ഒരു സഹോ​ദരൻ ഇങ്ങനെ പറയുന്നു: “അവരുടെ ഓരോ സന്ദർശ​ന​ത്തിൽനി​ന്നും സഹോ​ദ​ര​ങ്ങളെ കൂടുതൽ സഹായി​ക്കാ​നുള്ള പ്രോ​ത്സാ​ഹനം എനിക്കു കിട്ടി. ഞാൻ പല സർക്കിട്ട്‌ മേൽവി​ചാ​ര​ക​ന്മാ​രെ പരിച​യ​പ്പെ​ട്ടി​ട്ടുണ്ട്‌. വളരെ തിരക്കുള്ള ഒരാളാ​യി​ട്ടോ എന്നോടു സംസാ​രി​ക്കാൻ താത്‌പ​ര്യ​മി​ല്ലാത്ത ഒരാളാ​യി​ട്ടോ അവരിൽ ആരെക്കു​റി​ച്ചും എനിക്കു തോന്നി​യി​ട്ടില്ല. അങ്ങനെ തോന്നാൻ അവർ ഒരിക്ക​ലും ഇടയാ​ക്കി​യി​ട്ടില്ല.” മുമ്പു കണ്ട യൊഹാ​നാ സഹോ​ദരി ഒരു സർക്കിട്ട്‌ മേൽവി​ചാ​ര​കന്റെ കൂടെ ശുശ്രൂ​ഷ​യ്‌ക്കു പോയി. പക്ഷേ അന്ന്‌ വീടു​ക​ളി​ലൊ​ന്നും അവർ ആരെയും കണ്ടില്ല. സഹോ​ദരി പറയുന്നു: “എങ്കിലും ആ ദിവസം ഞാൻ ഒരിക്ക​ലും മറക്കില്ല. ആ സമയത്ത്‌ എന്റെ രണ്ടു ചേച്ചി​മാർ മറ്റൊരു സ്ഥലത്തേക്ക്‌ മാറി​ത്താ​മ​സി​ച്ചതേ ഉണ്ടായി​രു​ന്നു​ള്ളൂ. എനിക്ക്‌ അവരെ പിരി​ഞ്ഞ​തിൽ നല്ല വിഷമം ഉണ്ടായി​രു​ന്നു. ആ സർക്കിട്ട്‌ മേൽവി​ചാ​രകൻ എന്നെ നന്നായി പ്രോ​ത്സാ​ഹി​പ്പി​ച്ചു. ഇന്ന്‌ കുടും​ബാം​ഗ​ങ്ങ​ളു​ടെ​യും കൂട്ടു​കാ​രു​ടെ​യും അടുത്ത്‌ താമസി​ക്കാൻ എപ്പോ​ഴും നമുക്കു കഴിഞ്ഞി​ല്ലെ​ങ്കി​ലും പുതിയ ലോക​ത്തിൽ എല്ലാവ​രു​ടെ​യും​കൂ​ടെ സമയം ചെലവ​ഴി​ക്കാൻ നമുക്ക്‌ ഒരുപാട്‌ അവസരങ്ങൾ കിട്ടു​മെന്ന്‌ സഹോ​ദരൻ ഓർമി​പ്പി​ച്ചു.” നമ്മളെ സന്ദർശിച്ച സർക്കിട്ട്‌ മേൽവി​ചാ​ര​ക​ന്മാ​രെ​ക്കു​റിച്ച്‌ ചിന്തി​ക്കു​മ്പോൾ നമുക്കും ഇതു​പോ​ലുള്ള നല്ല ഓർമ​ക​ളു​ണ്ടാ​യി​രി​ക്കും.—പ്രവൃ. 20:37–21:1.

15. (എ) 3 യോഹ​ന്നാൻ 5-8 അനുസ​രിച്ച്‌ സർക്കിട്ട്‌ മേൽവി​ചാ​ര​ക​ന്മാ​രോ​ടു നമുക്ക്‌ എങ്ങനെ വിലമ​തി​പ്പു കാണി​ക്കാം? (ചിത്ര​വും കാണുക.) (ബി) നിയമിത പുരു​ഷ​ന്മാ​രു​ടെ ഭാര്യ​മാ​രോ​ടു നമ്മൾ വിലമ​തിപ്പ്‌ കാണി​ക്കേ​ണ്ടത്‌ എന്തു​കൊണ്ട്‌, നമുക്ക്‌ അത്‌ എങ്ങനെ ചെയ്യാം? (“ അവരുടെ ഭാര്യ​മാ​രെ ഓർക്കുക” എന്ന ചതുരം കാണുക.)

¹⁵ സഭകളെ ശക്തി​പ്പെ​ടു​ത്താ​നാ​യി വന്നിരുന്ന സഹോ​ദ​ര​ന്മാ​രോട്‌ ആതിഥ്യം കാണി​ക്കാ​നും ‘ദൈവ​ത്തി​നു പ്രസാ​ദ​ക​ര​മായ വിധത്തിൽ അവരെ യാത്ര​യാ​ക്കാ​നും’ അപ്പോ​സ്‌ത​ല​നായ യോഹ​ന്നാൻ ഗായൊ​സി​നെ പ്രോ​ത്സാ​ഹി​പ്പി​ച്ചു. (3 യോഹ​ന്നാൻ 5-8 വായി​ക്കുക.) നമുക്ക്‌ അതു ചെയ്യാൻ കഴിയുന്ന ഒരു വിധം സർക്കിട്ട്‌ മേൽവി​ചാ​ര​ക​ന്മാ​രെ ഒരു നേരത്തെ ഭക്ഷണത്തി​നു ക്ഷണിച്ചു​കൊ​ണ്ടാണ്‌. മറ്റൊരു വിധം, ആ ആഴ്‌ചത്തെ വയൽസേവന ക്രമീ​ക​ര​ണ​ങ്ങളെ പിന്തു​ണ​യ്‌ക്കു​ന്ന​താണ്‌.  മുമ്പു കണ്ട ലെസ്‌ലി സഹോ​ദരി മറ്റു വിധങ്ങ​ളി​ലും അവരോ​ടു വിലമ​തി​പ്പു കാണി​ക്കു​ന്നു. സഹോ​ദരി പറയുന്നു: “അവരുടെ ആവശ്യ​ങ്ങൾക്കാ​യി കരുത​ണേ​യെന്നു ഞാൻ യഹോ​വ​യോ​ടു പ്രാർഥി​ക്കാ​റുണ്ട്‌. അവരുടെ സന്ദർശ​നങ്ങൾ ഞങ്ങൾക്ക്‌ എത്രയ​ധി​കം പ്രയോ​ജ​ന​പ്പെ​ട്ടെന്നു പറഞ്ഞു​കൊണ്ട്‌ ഞാനും ഭർത്താ​വും അവർക്കു കത്തുകൾ എഴുതി​യി​ട്ടുണ്ട്‌.” സർക്കിട്ട്‌ മേൽവി​ചാ​ര​ക​ന്മാർ അമാനു​ഷി​കർ ഒന്നുമല്ല എന്നു നമുക്ക്‌ എപ്പോ​ഴും ഓർക്കാം. അവർക്കും ചില​പ്പോ​ഴൊ​ക്കെ അസുഖം വരുക​യും ഉത്‌ക​ണ്‌ഠ​യും നിരു​ത്സാ​ഹ​വും ഒക്കെ തോന്നു​ക​യും ചെയ്യാ​റുണ്ട്‌. ചില​പ്പോൾ നിങ്ങൾ പറയുന്ന ഒരു വാക്കോ, കൊടു​ക്കുന്ന ചെറി​യൊ​രു സമ്മാന​മോ നിങ്ങളു​ടെ സർക്കിട്ട്‌ മേൽവി​ചാ​ര​കന്റെ പ്രാർഥ​ന​യ്‌ക്കുള്ള ഒരു ഉത്തരമാ​യി​ത്തീർന്നേ​ക്കാം.—സുഭാ. 12:25.

‘മനുഷ്യ​രാ​കുന്ന സമ്മാനങ്ങൾ’ നമുക്ക്‌ ആവശ്യ​മാണ്‌

16. സുഭാ​ഷി​തങ്ങൾ 3:27 അനുസ​രിച്ച്‌ സഹോ​ദ​ര​ന്മാർക്കു സ്വയം ഏതെല്ലാം ചോദ്യ​ങ്ങൾ ചോദി​ക്കാം?

¹⁶ ലോക​മെ​ങ്ങു​മാ​യി ‘മനുഷ്യ​രാ​കുന്ന സമ്മാന​ങ്ങ​ളാ​യി’ സേവി​ക്കാൻ നമുക്കു കൂടുതൽ സഹോ​ദ​ര​ന്മാ​രെ ആവശ്യ​മുണ്ട്‌. നിങ്ങൾ സ്‌നാ​ന​മേറ്റ ഒരു സഹോ​ദരൻ ആണെങ്കിൽ നിങ്ങൾക്ക്‌ ഈ വിധത്തിൽ ‘നന്മ ചെയ്യാൻ കഴിയു​മോ?’ (സുഭാ​ഷി​തങ്ങൾ 3:27 വായി​ക്കുക.) ഒരു ശുശ്രൂ​ഷാ​ദാ​സൻ ആയിത്തീ​രുക എന്ന ലക്ഷ്യം​വെച്ച്‌ അതിനു​വേണ്ടി പ്രവർത്തി​ക്കാൻ നിങ്ങൾ തയ്യാറാ​ണോ? ഇനി നിങ്ങൾ ഇപ്പോൾത്തന്നെ ഒരു ശുശ്രൂ​ഷാ​ദാ​സൻ ആണെങ്കിൽ സഹോ​ദ​ര​ങ്ങളെ കൂടുതൽ സേവി​ക്കാ​നാ​യി ഒരു മൂപ്പനാ​യി​ത്തീ​രുക എന്ന ലക്ഷ്യം വെക്കാ​നാ​കു​മോ? d ജീവി​ത​ത്തിൽ ചില മാറ്റങ്ങ​ളൊ​ക്കെ വരുത്തി രാജ്യ​സു​വി​ശേ​ഷ​കർക്കുള്ള സ്‌കൂ​ളിന്‌ അപേക്ഷി​ക്കാൻ നിങ്ങൾക്കു കഴിയു​മോ? ആ സ്‌കൂ​ളിൽനിന്ന്‌ കിട്ടുന്ന പരിശീ​ലനം നിങ്ങളെ യേശു​വി​നു കൂടുതൽ ഉപയോ​ഗി​ക്കാൻ പറ്റുന്ന ഒരാളാ​ക്കി​ത്തീർക്കും. ഈ കാര്യങ്ങൾ ഒന്നും ചെയ്യാ​നുള്ള കഴിവ്‌ നിങ്ങൾക്കില്ല എന്നു തോന്നു​ന്നെ​ങ്കിൽ യഹോ​വ​യോ​ടു പ്രാർഥി​ക്കുക. നിങ്ങൾക്കു കിട്ടുന്ന ഏതൊരു നിയമ​ന​വും ഏറ്റവും നന്നായി ചെയ്യാൻ പരിശു​ദ്ധാ​ത്മാ​വി​നെ തന്ന്‌ സഹായി​ക്കണേ എന്ന്‌ അപേക്ഷി​ക്കുക.—ലൂക്കോ. 11:13; പ്രവൃ. 20:28.

17. ‘മനുഷ്യ​രാ​കുന്ന സമ്മാനങ്ങൾ’ നമ്മുടെ രാജാ​വായ ക്രിസ്‌തു​യേ​ശു​വി​നെ​ക്കു​റിച്ച്‌ എന്തു തെളി​യി​ക്കു​ന്നു?

¹⁷ യേശു നിയമി​ച്ചി​രി​ക്കുന്ന ‘മനുഷ്യ​രാ​കുന്ന സമ്മാനങ്ങൾ,’ ഈ അവസാ​ന​കാ​ലത്ത്‌ യേശു നമ്മളെ വഴിന​യി​ക്കു​ന്നു എന്നതിന്റെ തെളി​വാണ്‌. (മത്താ. 28:20) നമ്മുടെ ആവശ്യങ്ങൾ അറിയുന്ന, നമ്മളെ സഹായി​ക്കാ​നാ​യി യോഗ്യ​ത​യുള്ള സഹോ​ദ​ര​ന്മാ​രെ തന്നിരി​ക്കുന്ന, സ്‌നേ​ഹ​നി​ധി​യായ, ഉദാര​നായ ഒരു രാജാ​വു​ള്ള​തിൽ നമ്മൾ നന്ദിയു​ള്ള​വ​രല്ലേ! അതു​കൊണ്ട്‌ നമുക്കു​വേണ്ടി കഠിനാ​ധ്വാ​നം ചെയ്യുന്ന സഹോ​ദ​ര​ന്മാ​രോ​ടുള്ള വിലമ​തി​പ്പു കാണി​ക്കാൻ അവസരങ്ങൾ കണ്ടെത്തുക. ഇനി, യഹോ​വ​യ്‌ക്കു നന്ദി പറയാ​നും മറക്കരുത്‌. കാരണം ‘എല്ലാ നല്ല ദാനങ്ങ​ളു​ടെ​യും തികവുറ്റ സമ്മാന​ങ്ങ​ളു​ടെ​യും’ ഉറവിടം യഹോ​വ​യാണ്‌.—യാക്കോ. 1:17.