ഒന്നില​ധി​കം വർഷം​കൊ​ണ്ടാ​ണു ബഥേലി​ലെ സഹോ​ദ​രങ്ങൾ ന്യൂ​യോർക്ക്‌ നഗരത്തി​ലെ സ്റ്റേറ്റൺ ദ്വീപിൽ ഡബ്ല്യു​ബി​ബി​ആർ റേഡി​യോ നിലയം പണിതത്‌. അതിനാ​യി ആദ്യം അവർ നിലം നിരപ്പാ​ക്കി. എന്നിട്ട്‌ അവിടത്തെ ജോലി​ക്കാർക്കു താമസി​ക്കാൻ വലി​യൊ​രു കെട്ടി​ട​വും സ്റ്റുഡി​യോ​യ്‌ക്കും മറ്റ്‌ ഉപകര​ണ​ങ്ങൾക്കും വേണ്ടി വേറൊ​രു കെട്ടി​ട​വും നിർമി​ച്ചു. അതു കഴിഞ്ഞ്‌ ‘പ്രക്ഷേ​പ​ണ​ത്തി​നുള്ള ഉപകര​ണങ്ങൾ’ അവർ അവിടെ സ്ഥാപി​ക്കാൻതു​ടങ്ങി. എന്നാൽ അതത്ര എളുപ്പ​മാ​യി​രു​ന്നില്ല, അവർക്കു പല തടസ്സങ്ങ​ളും നേരിട്ടു.

ആ നിലയ​ത്തി​ന്റെ മുഖ്യ ആന്റിന പിടി​പ്പി​ക്കു​ന്ന​താ​യി​രു​ന്നു ഏറ്റവും ബുദ്ധി​മു​ട്ടുള്ള പണി. 91 മീറ്റർ (300 അടി) ആയിരു​ന്നു ആന്റിന​യു​ടെ നീളം. അത്‌ 61 മീറ്റർ (200 അടി) വീതമുള്ള രണ്ടു മരത്തൂ​ണു​ക​ളു​ടെ ഇടയിൽ കുറുകെ തൂക്കി​യി​ട​ണ​മാ​യി​രു​ന്നു. അതിനു​വേ​ണ്ടി​യുള്ള ആദ്യ​ശ്രമം പരാജ​യ​പ്പെ​ട്ടെ​ങ്കി​ലും അവർ യഹോ​വ​യിൽ ആശ്രയി​ച്ചു​കൊണ്ട്‌ മുന്നോ​ട്ടു​പോ​യി. അങ്ങനെ ഒടുവിൽ അവർ വിജയി​ച്ചു! ആ നിർമാ​ണ​പ്ര​വർത്ത​ന​ത്തിൽ പങ്കെടുത്ത കാൽവിൻ പ്രോസ്സൻ അതെക്കു​റിച്ച്‌ പറയുന്നു: “ആദ്യ​ശ്രമം വിജയി​ച്ചി​രു​ന്നെ​ങ്കിൽ ഞങ്ങൾ അഹങ്കാ​ര​ത്തോ​ടെ പറഞ്ഞേനേ, ‘കണ്ടോ, ഞങ്ങൾ ചെയ്‌തത്‌’ എന്ന്‌.” എന്നാൽ സഹോ​ദ​രങ്ങൾ ആ വിജയ​ത്തി​ന്റെ എല്ലാ മഹത്ത്വ​വും യഹോ​വ​യ്‌ക്കു നൽകി. പക്ഷേ പ്രശ്‌നങ്ങൾ അവിടം​കൊണ്ട്‌ തീർന്നില്ല.

റേഡി​യോ പ്രക്ഷേ​പണം അന്ന്‌ അതിന്റെ ശൈശ​വ​ദ​ശ​യി​ലാ​യി​രു​ന്നു. അതു​കൊ​ണ്ടു​തന്നെ ആവശ്യ​മായ ഉപകര​ണ​ങ്ങ​ളൊ​ന്നും അത്ര എളുപ്പ​ത്തിൽ ലഭ്യമാ​യി​രു​ന്നില്ല. എന്നാൽ ആ പ്രദേ​ശ​ത്തുള്ള ആരോ ഉണ്ടാക്കി​യെ​ടുത്ത ഒരു ഉപകരണം സഹോ​ദ​ര​ങ്ങൾക്കു കിട്ടി. 500 വാട്ടിന്റെ ഒരു ട്രാൻസ്‌മി​റ്റ​റാ​യി​രു​ന്നു അത്‌. കൂടാതെ വില കൊടുത്ത്‌ മൈക്ക്‌ വാങ്ങു​ന്ന​തി​നു പകരം ഒരു സാധാരണ ടെലി​ഫോ​ണി​ലെ മൈ​ക്രോ​ഫോ​ണാണ്‌ അവർ ഉപയോ​ഗി​ച്ചത്‌. ഫെബ്രു​വ​രി​യി​ലെ ഒരു രാത്രി​യിൽ ആ ‘തട്ടിക്കൂട്ട്‌’ ഉപകരണം ഒന്നു പരീക്ഷി​ച്ചു​നോ​ക്കാൻ സഹോ​ദ​രങ്ങൾ തീരു​മാ​നി​ച്ചു. എന്തെങ്കി​ലും പ്രക്ഷേ​പണം ചെയ്യണ​മ​ല്ലോ. അതു​കൊണ്ട്‌ അവർ രാജ്യ​ഗീ​തങ്ങൾ പാടി. അതുമാ​യി ബന്ധപ്പെട്ട്‌ ഉണ്ടായ രസകര​മായ ഒരു സംഭവം ഏണസ്റ്റ്‌ ലോ സഹോ​ദരൻ ഓർക്കു​ന്നു. പാട്ടു പാടി​ക്കൊ​ണ്ടി​രി​ക്കു​മ്പോൾ റഥർഫോർഡ്‌  സഹോ​ദ​രന്റെ ഫോൺ വന്നു. ഏതാണ്ട്‌ 25 കിലോ​മീ​റ്റർ അകലെ ബ്രൂക്‌ലി​നിൽ ഇരുന്ന്‌, റേഡി​യോ​യി​ലൂ​ടെ​യുള്ള അവരുടെ പാട്ടു കേട്ടിട്ട്‌ വിളി​ച്ച​താ​യി​രു​ന്നു അദ്ദേഹം.

“അതൊന്നു നിറു​ത്താ​മോ?” സഹോ​ദരൻ പറഞ്ഞു. “എല്ലാവ​രും​കൂ​ടെ കാറി​പ്പൊ​ളി​ക്കു​വാ.” ചെറി​യൊ​രു ചമ്മലോ​ടെ സഹോ​ദ​രങ്ങൾ പെട്ടെ​ന്നു​തന്നെ ട്രാൻസ്‌മി​റ്റർ ഓഫ്‌ ചെയ്‌തു. പക്ഷേ ഒരു കാര്യം അവർക്ക്‌ ഉറപ്പായി: ആദ്യത്തെ പ്രക്ഷേ​പ​ണ​ത്തിന്‌ എല്ലാം റെഡി​യാണ്‌!

1924 ഫെബ്രു​വരി 24-ന്‌, ആദ്യത്തെ ഔദ്യോ​ഗിക പ്രക്ഷേ​പ​ണ​സ​മ​യത്ത്‌ റഥർഫോർഡ്‌ സഹോ​ദരൻ ആ റേഡി​യോ നിലയം “മിശി​ഹൈക രാജ്യ​ത്തി​ന്റെ പ്രവർത്ത​ന​ങ്ങൾക്കു​വേണ്ടി” സമർപ്പി​ച്ചു. “ബൈബിൾസ​ത്യ​ങ്ങ​ളും നമ്മൾ ജീവി​ക്കുന്ന കാലത്തി​ന്റെ പ്രാധാ​ന്യ​വും മനസ്സി​ലാ​ക്കാൻ ആളുകളെ സഹായി​ക്കുക” എന്നതാണ്‌ ആ റേഡി​യോ നിലയ​ത്തി​ന്റെ ഉദ്ദേശ്യം എന്ന്‌ അദ്ദേഹം പ്രസ്‌താ​വി​ച്ചു.

ആദ്യത്തെ ആ പ്രക്ഷേ​പണം വൻ വിജയ​മാ​യി​രു​ന്നു. തുടർന്നുള്ള 33 വർഷം യഹോ​വ​യു​ടെ ജനത്തിന്റെ പരിപാ​ടി​കൾ പ്രക്ഷേ​പണം ചെയ്യു​ന്ന​തിന്‌ ആ റേഡി​യോ നിലയം ഉപയോ​ഗി​ച്ചു.

1924 ജൂ​ലൈ​യിൽ ഒഹാ​യോ​യി​ലെ കൊളം​ബ​സിൽ നടന്ന ഒരു കൺ​വെൻ​ഷനു ബൈബിൾവി​ദ്യാർഥി​കൾ കൂടി​വന്നു. ലോക​ത്തി​ന്റെ പല ഭാഗങ്ങ​ളിൽനിന്ന്‌ സഹോ​ദ​രങ്ങൾ അവിടെ എത്തിയി​രു​ന്നു. അവർക്ക്‌ അറബി, ഇംഗ്ലീഷ്‌, ഫ്രഞ്ച്‌, ജർമൻ, ഗ്രീക്ക്‌, ഹംഗേ​റി​യൻ, ഇറ്റാലി​യൻ, ലിത്വാ​നി​യൻ, പോളിഷ്‌, റഷ്യൻ, യു​ക്രെ​യി​നി​യൻ എന്നീ ഭാഷക​ളി​ലും സ്‌കാൻഡി​നേ​വി​യൻ ഭാഷക​ളി​ലും പ്രസം​ഗങ്ങൾ കേൾക്കാൻ കഴിഞ്ഞു. ചില പ്രസം​ഗങ്ങൾ റേഡി​യോ​യി​ലൂ​ടെ പ്രക്ഷേ​പണം ചെയ്‌തു. കൂടാതെ ഓരോ ദിവസ​ത്തെ​യും കൺ​വെൻ​ഷൻ പരിപാ​ടി​യെ​ക്കു​റി​ച്ചുള്ള ലേഖനങ്ങൾ പ്രാ​ദേ​ശിക പത്രത്തിൽ പ്രസി​ദ്ധീ​ക​രി​ക്കാ​നുള്ള ക്രമീ​ക​ര​ണ​ങ്ങ​ളും ചെയ്‌തു.

കൺ​വെൻ​ഷ​നു വന്ന 5,000-ത്തിലേറെ സഹോ​ദ​രങ്ങൾ ജൂലൈ 24 വ്യാഴാഴ്‌ച ആ നഗരത്തിൽ പ്രസം​ഗ​പ്ര​വർത്തനം നടത്തി. അവർ 30,000-ത്തോളം പുസ്‌ത​കങ്ങൾ സമർപ്പി​ക്കു​ക​യും ആയിര​ക്ക​ണ​ക്കി​നു ബൈബിൾപ​ഠ​നങ്ങൾ ആരംഭി​ക്കു​ക​യും ചെയ്‌തു. ആ ദിവസ​ത്തെ​ക്കു​റിച്ച്‌ വീക്ഷാ​ഗോ​പു​രം പറഞ്ഞത്‌ “കൺ​വെൻ​ഷ​നി​ലെ ഏറ്റവും സന്തോഷം നൽകിയ അനുഭ​വ​മാ​യി​രു​ന്നു അത്‌” എന്നാണ്‌.

ആ കൺ​വെൻ​ഷനു മറ്റൊരു സവി​ശേ​ഷ​ത​യു​മു​ണ്ടാ​യി​രു​ന്നു. ജൂലൈ 25 വെള്ളി​യാഴ്‌ച ഒരു പ്രസംഗം നടത്തു​ന്ന​തി​നി​ടെ റഥർഫോർഡ്‌ സഹോ​ദരൻ ധൈര്യ​ത്തോ​ടെ മതപു​രോ​ഹി​ത​ന്മാ​രെ കുറ്റം വിധി​ച്ചു​കൊ​ണ്ടുള്ള ഒരു ഡോക്യു​മെന്റ്‌ വായിച്ചു. “മനുഷ്യ​കു​ലത്തെ അനു​ഗ്ര​ഹി​ക്കു​ന്ന​തി​നു ദൈവം ഉപയോ​ഗി​ക്കുന്ന ദൈവ​രാ​ജ്യ​ത്തെ​ക്കു​റി​ച്ചുള്ള സത്യം മറച്ചു​വെ​ച്ചു​കൊണ്ട്‌” രാഷ്ട്രീയ-മത-വാണിജ്യ നേതാ​ക്ക​ന്മാർ പ്രവർത്തി​ക്കു​ന്ന​താ​യി അദ്ദേഹം ആരോ​പി​ച്ചു. കൂടാതെ “സർവരാ​ജ്യ​സ​ഖ്യ​ത്തെ പിന്തു​ണ​യ്‌ക്കു​ക​യും ദൈവ​രാ​ജ്യ​ത്തെ പ്രതി​നി​ധീ​ക​രി​ക്കുന്ന ഭൂമി​യി​ലെ രാഷ്ട്രീ​യ​സം​ഘടന എന്ന്‌ അതിനെ വിളി​ക്കു​ക​യും” ചെയ്യു​ന്ന​തി​ലൂ​ടെ അവർ എത്ര വലിയ തെറ്റാണു ചെയ്യു​ന്ന​തെ​ന്നും അദ്ദേഹം പറഞ്ഞു. ഈ സന്ദേശം ആളുകളെ അറിയി​ക്കു​ന്ന​തി​നു ബൈബിൾവി​ദ്യാർഥി​കൾക്കു നല്ല ധൈര്യം വേണമാ​യി​രു​ന്നു.

പിന്നീട്‌ വീക്ഷാ​ഗോ​പു​ര​ത്തിൽ വന്ന ഒരു ലേഖനം കൊളം​ബ​സിൽ നടന്ന കൺ​വെൻ​ഷ​നെ​ക്കു​റിച്ച്‌ പറഞ്ഞത്‌, “അത്‌  ഉത്സാഹി​ക​ളായ സഹോ​ദ​രീ​സ​ഹോ​ദ​ര​ന്മാ​രു​ടെ വിശ്വാ​സം ശക്തമാക്കി” എന്നാണ്‌. എന്തൊക്കെ എതിർപ്പു​ക​ളു​ണ്ടാ​യാ​ലും പ്രസം​ഗ​പ്ര​വർത്തനം തുടരു​ന്ന​തി​നുള്ള ധൈര്യം അത്‌ അവർക്കു നൽകി. ആ കൺ​വെൻ​ഷൻ കൂടിയ ലിയോ ക്ലോസ്‌ അതെക്കു​റിച്ച്‌ പറയുന്നു: “ഞങ്ങളുടെ പ്രദേ​ശ​ത്തുള്ള എല്ലാവ​രോ​ടും ആ സന്ദേശം അറിയി​ക്കാ​നുള്ള ഉത്സാഹ​ത്തോ​ടെ​യാ​ണു ഞങ്ങൾ ആ സമ്മേള​ന​സ്ഥ​ല​ത്തു​നിന്ന്‌ പോന്നത്‌.”

ഒക്‌ടോ​ബ​റിൽ ബൈബിൾവി​ദ്യാർഥി​കൾ, റഥർഫോർഡ്‌ സഹോ​ദരൻ ആ പ്രസം​ഗ​ത്തിൽ പറഞ്ഞ കാര്യങ്ങൾ ഒരു ലഘു​ലേ​ഖ​യു​ടെ രൂപത്തിൽ അച്ചടിച്ച്‌ വിതരണം ചെയ്യാൻതു​ടങ്ങി. പുരോ​ഹി​ത​ന്മാർ കുറ്റം ചുമത്ത​പ്പെ​ട്ടി​രി​ക്കു​ന്നു (ഇംഗ്ലീഷ്‌) എന്ന ആ ലഘു​ലേ​ഖ​യു​ടെ ലക്ഷക്കണ​ക്കി​നു പ്രതി​ക​ളാണ്‌ അവർ വിതരണം ചെയ്‌തത്‌. ഓക്‌ല​ഹോ​മ​യി​ലെ ക്ലിവ്‌ലാൻഡ്‌ എന്ന ചെറിയ പട്ടണത്തിൽ ഫ്രാങ്ക്‌ ജോൺസൺ സഹോ​ദരൻ ആ ലഘുലേഖ വിതരണം ചെയ്യു​ക​യാ​യി​രു​ന്നു. മറ്റു പ്രചാ​രകർ അദ്ദേഹത്തെ കൂട്ടി​ക്കൊ​ണ്ടു​പോ​കാൻ വരുന്ന​തിന്‌ 20 മിനിട്ട്‌ മുമ്പു​തന്നെ അദ്ദേഹം തന്റെ പ്രദേശം പ്രവർത്തി​ച്ചു​തീർത്തു. അവർ വരുന്ന​തു​വരെ അദ്ദേഹ​ത്തിന്‌ അവിടെ കാത്തു​നിൽക്കാൻ കഴിയു​മാ​യി​രു​ന്നില്ല. കാരണം അദ്ദേഹ​ത്തി​ന്റെ പ്രവർത്ത​ന​ത്തിൽ ദേഷ്യം​പി​ടിച്ച ആളുകൾ അദ്ദേഹത്തെ പിടി​കൂ​ടാ​നാ​യി നോക്കി​ന​ട​ക്കു​ക​യാ​യി​രു​ന്നു. അതു​കൊണ്ട്‌ അടുത്തുള്ള ഒരു പള്ളിയിൽ കയറി ഒളിച്ചി​രി​ക്കാൻ അദ്ദേഹം തീരു​മാ​നി​ച്ചു. ആ സമയത്ത്‌ അവിടെ ആരുമു​ണ്ടാ​യി​രു​ന്നില്ല. അതു​കൊണ്ട്‌ അദ്ദേഹം ആ ലഘു​ലേ​ഖ​യു​ടെ കോപ്പി​കൾ പാസ്റ്ററി​ന്റെ ബൈബി​ളി​ലും ഓരോ ഇരിപ്പി​ട​ത്തി​ലും വെച്ചു. എന്നിട്ട്‌ പെട്ടെ​ന്നു​തന്നെ അവി​ടെ​നിന്ന്‌ ഇറങ്ങി. എന്നാൽ പിന്നെ​യും കുറെ സമയം ബാക്കി​യു​ണ്ടാ​യി​രു​ന്നു. അതു​കൊണ്ട്‌ അദ്ദേഹം വേറെ രണ്ടു പള്ളിക​ളി​ലും​കൂ​ടെ പോയി അതുതന്നെ ചെയ്‌തു.

അതു കഴിഞ്ഞ്‌ അദ്ദേഹം സഹോ​ദ​ര​ങ്ങ​ളു​മാ​യി കൂടി​ക്കാ​ണാ​മെന്നു പറഞ്ഞ സ്ഥലത്തേക്കു ചെന്നു. തന്നെ പിടി​കൂ​ടാൻ ഇറങ്ങി​യി​രി​ക്കു​ന്നവർ വരുന്നു​ണ്ടോ എന്നു നോക്കി അദ്ദേഹം ഒരു പെ​ട്രോൾപ​മ്പി​ന്റെ പുറകിൽ ഒളിച്ചി​രു​ന്നു. അവർ ഒരു വണ്ടിയിൽ അതുവഴി വന്നെങ്കി​ലും സഹോ​ദ​രനെ കണ്ടുപി​ടി​ച്ചില്ല. അവർ കടന്നു​പോയ ഉടനെ, സഹോ​ദ​രനെ കൂട്ടി​ക്കൊ​ണ്ടു​പോ​കാ​നി​രുന്ന സഹോ​ദ​രങ്ങൾ അവിടെ എത്തി. തൊട്ട​ടുത്ത പ്രദേ​ശ​ത്തു​തന്നെ അവർ പ്രവർത്തി​ക്കു​ന്നു​ണ്ടാ​യി​രു​ന്നു. എല്ലാവ​രും​കൂ​ടി അവി​ടെ​നിന്ന്‌ രക്ഷപ്പെട്ടു.

അന്ന്‌ ഉണ്ടായ അനുഭ​വ​ത്തെ​ക്കു​റിച്ച്‌ ഒരു സഹോ​ദരൻ പറയുന്നു: “ആ മൂന്നു പള്ളിക​ളു​ടെ​യും മുന്നി​ലൂ​ടെ​യാ​ണു ഞങ്ങൾ മടങ്ങി​പ്പോ​യത്‌. ഓരോ പള്ളിയു​ടെ​യും മുന്നിൽ ഏതാണ്ട്‌ 50 പേരെ​ങ്കി​ലു​മു​ണ്ടാ​യി​രു​ന്നു. ചിലർ ലഘുലേഖ വായി​ക്കു​ന്ന​തും മറ്റു ചിലർ പാസ്റ്ററി​ന്റെ നേരെ അതു പൊക്കി​ക്കാ​ണി​ക്കു​ന്ന​തും ഞങ്ങൾ കണ്ടു. ശരിക്കും തലനാ​രി​ഴ​യ്‌ക്കാ​ണു ഞങ്ങൾ അവി​ടെ​നിന്ന്‌ രക്ഷപ്പെ​ട്ടത്‌! ആ സന്ദേശം അറിയി​ക്കാ​നും അതേസ​മയം ആ ശത്രു​ക്ക​ളിൽനിന്ന്‌ രക്ഷപ്പെ​ടാ​നും സഹായി​ച്ച​തി​നു ഞങ്ങൾ യഹോ​വ​യ്‌ക്കു നന്ദി പറഞ്ഞു.”

ബൈബിൾവി​ദ്യാർഥി​കൾ മറ്റു ദേശങ്ങ​ളി​ലും ധൈര്യ​ത്തോ​ടെ പ്രസം​ഗ​പ്ര​വർത്തനം ചെയ്‌തു. വടക്കൻ ഫ്രാൻസിൽ യോ​സെഫ്‌ ക്രെറ്റ്‌ സഹോ​ദരൻ, പോള​ണ്ടിൽനിന്ന്‌ കൽക്കരി​ഖ​നി​ക​ളിൽ ജോലി​ക്കാ​യി എത്തിയ ആളുക​ളോ​ടു സന്തോ​ഷ​വാർത്ത അറിയി​ച്ചു. കൂടാതെ “മരിച്ച​വ​രു​ടെ പുനരു​ത്ഥാ​നം ഉടനെ” എന്ന വിഷയ​ത്തി​ലുള്ള ഒരു പ്രസംഗം നടത്താ​നും അദ്ദേഹം തീരു​മാ​നി​ച്ചു. അതിനുള്ള ക്ഷണക്കത്തു​കൾ സഹോ​ദ​രങ്ങൾ ആ പട്ടണത്തി​ലെ​ല്ലാം വിതരണം ചെയ്‌തു. എന്നാൽ ആ പ്രസംഗം കേൾക്കാൻ പോക​രു​തെന്ന്‌ അവിടത്തെ പുരോ​ഹി​തൻ ഇടവക​ക്കാ​രോ​ടു പറഞ്ഞു. പക്ഷേ അദ്ദേഹ​ത്തി​ന്റെ വാക്കു​കൾക്കു വിപരീ​ത​ഫ​ല​മാ​ണു​ണ്ടാ​യത്‌. കാരണം 5,000-ത്തിലേറെ ആളുകൾ ആ പ്രസംഗം കേൾക്കാൻ എത്തി, അതിൽ ആ പുരോ​ഹി​ത​നു​മു​ണ്ടാ​യി​രു​ന്നു! ക്രെറ്റ്‌ സഹോ​ദരൻ ആ പുരോ​ഹി​ത​നോട്‌ അദ്ദേഹ​ത്തി​ന്റെ വിശ്വാ​സ​ത്തെ​ക്കു​റിച്ച്‌ സംസാ​രി​ക്കാൻ ആവശ്യ​പ്പെ​ട്ടെ​ങ്കി​ലും അദ്ദേഹം അതിനു തയ്യാറാ​യില്ല. പ്രസം​ഗ​ത്തി​നു ശേഷം ക്രെറ്റ്‌ സഹോ​ദരൻ തന്റെ കൈയി​ലു​ണ്ടാ​യി​രുന്ന പ്രസി​ദ്ധീ​ക​ര​ണങ്ങൾ മുഴുവൻ അവിടെ കൂടി​വ​ന്ന​വർക്കു വിതരണം ചെയ്‌തു. കാരണം ബൈബിൾസ​ത്യ​ങ്ങ​ളെ​ക്കു​റിച്ച്‌ അറിയാ​നുള്ള അവരുടെ ദാഹം അത്ര വലുതാ​യി​രു​ന്നു.—ആമോസ്‌ 8:11.

ആഫ്രി​ക്ക​യിൽ ക്ലോഡ്‌ ബ്രൗൺ സഹോ​ദരൻ ഗോൾഡ്‌ കോസ്റ്റ്‌ (ഇന്നു ഘാന എന്ന്‌ അറിയ​പ്പെ​ടു​ന്നു.) എന്ന സ്ഥലത്ത്‌ സന്തോ​ഷ​വാർത്ത എത്തിച്ചു. അദ്ദേഹ​ത്തി​ന്റെ പ്രസം​ഗ​ങ്ങ​ളും അദ്ദേഹം വിതരണം ചെയ്‌ത പ്രസി​ദ്ധീ​ക​ര​ണ​ങ്ങ​ളും ആ രാജ്യത്ത്‌ ബൈബിൾസ​ത്യം പെട്ടെന്നു വ്യാപി​ക്കാൻ സഹായി​ച്ചു. ഒരു ഫാർമ​സിസ്റ്റ്‌ ആകാൻ പരിശീ​ലനം നേടി​ക്കൊ​ണ്ടി​രുന്ന ജോൺ ബ്ലാങ്ക്‌സൺ, ബ്രൗൺ സഹോ​ദ​രന്റെ ഒരു പ്രസംഗം കേൾക്കാ​നി​ട​യാ​യി. താൻ സത്യം കണ്ടെത്തി​യെന്ന്‌  അദ്ദേഹ​ത്തിന്‌ അപ്പോൾത്തന്നെ മനസ്സി​ലാ​യി. അദ്ദേഹം പറയുന്നു, “സത്യ​ത്തെ​ക്കു​റിച്ച്‌ കേട്ട​പ്പോൾ എനിക്ക്‌ ഒരുപാ​ടു സന്തോഷം തോന്നി. കൂടെ പഠിച്ചി​രു​ന്ന​വ​രോ​ടൊ​ക്കെ ഞാൻ അതെക്കു​റിച്ച്‌ സംസാ​രി​ച്ചു.”

ത്രിത്വ​വി​ശ്വാ​സം ബൈബിൾവി​രു​ദ്ധ​മാ​ണെന്നു മനസ്സി​ലാ​ക്കിയ ജോൺ അതെക്കു​റിച്ച്‌ ചോദി​ക്കാൻ ആംഗ്ലിക്കൻ സഭയിലെ ഒരു പുരോ​ഹി​തന്റെ അടുത്ത്‌ ചെന്നു. പുരോ​ഹി​തൻ ദേഷ്യ​ത്തോ​ടെ അദ്ദേഹ​ത്തി​ന്റെ നേരെ ഇങ്ങനെ അലറി, “നീ ഒരു ക്രിസ്‌ത്യാ​നി​യല്ല, പിശാ​ചി​ന്റെ ആളാണ്‌. കടക്കു പുറത്ത്‌!”

തിരിച്ച്‌ വീട്ടി​ലെ​ത്തിയ ജോൺ, പുരോ​ഹി​തന്‌ ഒരു കത്ത്‌ എഴുതി. ത്രിത്വ​വി​ശ്വാ​സം ശരിയാ​ണെന്ന്‌ ഒരു പൊതു​സ​ദ​സ്സിൽവെച്ച്‌ തെളി​യി​ക്കാൻ പറഞ്ഞു​കൊ​ണ്ടു​ള്ള​താ​യി​രു​ന്നു ആ കത്ത്‌. അതു വായിച്ച പുരോ​ഹി​തൻ ജോണി​നോട്‌, പോയി പ്രിൻസി​പ്പ​ലി​നെ കാണാൻ ആവശ്യ​പ്പെട്ടു. പുരോ​ഹി​തന്‌ അങ്ങനെ ഒരു കത്ത്‌ എഴുതി​യോ എന്നു പ്രിൻസി​പ്പൽ ജോണി​നോ​ടു ചോദി​ച്ചു.

“ഞാൻ എഴുതി സാർ,” ജോൺ പറഞ്ഞു.

പുരോ​ഹി​ത​നോ​ടു ക്ഷമ പറഞ്ഞു​കൊണ്ട്‌ അദ്ദേഹ​ത്തിന്‌ ഒരു കത്ത്‌ എഴുതാൻ പ്രിൻസി​പ്പൽ ജോണി​നോട്‌ ആവശ്യ​പ്പെട്ടു. അപ്പോൾ ജോൺ ഇങ്ങനെ എഴുതി:

“സാർ, താങ്ക​ളോ​ടു ക്ഷമ പറഞ്ഞു​കൊണ്ട്‌ ഒരു കത്ത്‌ എഴുതാൻ എന്റെ അധ്യാ​പകൻ എന്നോട്‌ ആവശ്യ​പ്പെട്ടു. ഞാൻ ക്ഷമ പറയാം, പക്ഷേ താങ്കൾ പഠിപ്പി​ക്കു​ന്നതു തെറ്റാ​ണെന്ന്‌ ആദ്യം സമ്മതി​ക്കണം.”

അധ്യാ​പ​കൻ അതു കണ്ട്‌ ഞെട്ടി​പ്പോ​യി. അദ്ദേഹം ചോദി​ച്ചു: “ബ്ലാങ്ക്‌സൺ, ഇതാണോ നീ അയയ്‌ക്കാൻപോ​കു​ന്നത്‌?”

“അതെ സാർ, സത്യസ​ന്ധ​മാ​യി എനിക്ക്‌ ഇങ്ങനെയേ എഴുതാൻ പറ്റൂ.”

“നിന്നെ ഈ സ്‌കൂ​ളിൽനിന്ന്‌ പുറത്താ​ക്കും. ഗവൺമെ​ന്റി​ന്റെ അംഗീ​കാ​ര​മുള്ള ഒരു മതത്തിന്റെ പുരോ​ഹി​തന്‌ എതിരെ ഇങ്ങനെ സംസാ​രി​ച്ചു​കൊണ്ട്‌ നിനക്ക്‌ ഈ സ്‌കൂ​ളിൽ തുടരാ​നാ​കില്ല.”

“പക്ഷേ സാർ, . . . സാറു ഞങ്ങളെ പഠിപ്പി​ക്കു​മ്പോൾ ചില കാര്യങ്ങൾ മനസ്സി​ലാ​യി​ല്ലെ​ങ്കിൽ ഞങ്ങൾ ചോദ്യ​ങ്ങൾ ചോദി​ക്കാ​റി​ല്ലേ?”

“ഉണ്ട്‌, ചോദി​ക്കാ​റുണ്ട്‌.”

“സാർ, ഇവി​ടെ​യും അത്രയേ സംഭവി​ച്ചി​ട്ടു​ള്ളൂ. ആ മനുഷ്യൻ ഞങ്ങളെ ബൈബിൾ പഠിപ്പി​ക്കു​ക​യാ​യി​രു​ന്നു, ഞാൻ അദ്ദേഹ​ത്തോട്‌ ഒരു ചോദ്യം ചോദി​ച്ചു. അതിന്‌ ഉത്തരം പറയാൻ അദ്ദേഹ​ത്തി​നു പറ്റിയി​ല്ലെ​ങ്കിൽ ഞാൻ അദ്ദേഹ​ത്തോ​ടു ക്ഷമ പറയണോ?”

ബ്ലാങ്ക്‌സ​ണെ സ്‌കൂ​ളിൽനിന്ന്‌ പുറത്താ​ക്കി​യില്ല. ക്ഷമാപണം നടത്തി​ക്കൊ​ണ്ടുള്ള കത്തും അയയ്‌ക്കേ​ണ്ടി​വ​ന്നില്ല.

ആ വർഷത്തെ പ്രവർത്ത​നത്തെ സംഗ്ര​ഹി​ച്ചു​കൊണ്ട്‌ വീക്ഷാ​ഗോ​പു​രം ഇങ്ങനെ പറഞ്ഞു: “ദാവീ​ദി​നോ​ടൊ​പ്പം നമുക്കും ഇങ്ങനെ പറയാം: ‘യുദ്ധത്തി​നു​വേണ്ട ശക്തി നൽകി അങ്ങ്‌ എന്നെ സജ്ജനാ​ക്കും.’ (സങ്കീർത്തനം 18:39) വളരെ പ്രോ​ത്സാ​ഹനം നൽകിയ ഒരു വർഷമാ​യി​രു​ന്നു ഇത്‌. കാരണം നമ്മുടെ പ്രവർത്ത​നത്തെ യഹോവ സമൃദ്ധ​മാ​യി അനു​ഗ്ര​ഹി​ച്ചു. . . . ദൈവ​ത്തി​ന്റെ വിശ്വ​സ്‌താ​രാ​ധ​കർക്ക്‌ . . . ഉത്സാഹ​ത്തോ​ടെ സന്തോ​ഷ​വാർത്ത ആളുകളെ അറിയി​ക്കാ​നും കഴിഞ്ഞു.”

വർഷാ​വ​സാ​ന​ത്തോ​ടെ മറ്റൊരു റേഡി​യോ നിലയം തുടങ്ങു​ന്ന​തി​നെ​ക്കു​റിച്ച്‌ സഹോ​ദ​ര​ന്മാർ ചിന്തി​ച്ചു​തു​ടങ്ങി. അങ്ങനെ ചിക്കാ​ഗോ​യ്‌ക്ക്‌ അടുത്ത്‌ അതിന്റെ പണി ആരംഭി​ച്ചു. ഈ പുതിയ റേഡി​യോ നിലയത്തെ ഡബ്ല്യു​ഓ​ആർഡി എന്നാണു വിളി​ച്ചി​രു​ന്നത്‌. 5,000 വാട്ട്‌ ട്രാൻസ്‌മി​റ്റർ ഉപയോ​ഗിച്ച്‌ ഈ റേഡി​യോ നിലയ​ത്തിൽനിന്ന്‌ രാജ്യ​സ​ന്ദേശം നൂറു​ക​ണ​ക്കി​നു കിലോ​മീ​റ്റ​റു​കൾ അകലേക്ക്‌, വടക്ക്‌ കാനഡ​യി​ലേ​ക്കു​പോ​ലും, എത്തിക്കാ​നാ​കു​മാ​യി​രു​ന്നു.

1925-ൽ, വെളി​പാട്‌ 12-ാം അധ്യാ​യ​ത്തെ​ക്കു​റി​ച്ചുള്ള പുതിയ ചില ഗ്രാഹ്യ​ങ്ങൾ വെളി​പ്പെ​ടാ​നി​രി​ക്കു​ക​യാ​യി​രു​ന്നു. ചിലർക്ക്‌ അത്‌ ഇടർച്ച​യ്‌ക്കു കാരണ​മാ​കു​മാ​യി​രു​ന്നെ​ങ്കി​ലും പലരും അതു സന്തോ​ഷ​ത്തോ​ടെ സ്വീക​രി​ക്കു​മാ​യി​രു​ന്നു. കാരണം അതിലൂ​ടെ സ്വർഗ​ത്തിൽ നടന്ന സംഭവ​ങ്ങ​ളെ​ക്കു​റി​ച്ചും ഭൂമി​യി​ലെ ദൈവ​ദാ​സ​രു​ടെ കാര്യ​ത്തിൽ അതിനുള്ള പ്രസക്തി​യെ​ക്കു​റി​ച്ചും അവർ കൂടു​ത​ലാ​യി മനസ്സി​ലാ​ക്കു​മാ​യി​രു​ന്നു.