1. നിത്യം ജീവി​ക്കു​ന്ന​തി​നെ​ക്കു​റിച്ച്‌ ചില ആളുകൾക്ക്‌ എന്തു തോന്നി​യേ​ക്കാം?

 ആരോ​ഗ്യ​ത്തോ​ടെ​യി​രി​ക്കാൻ ഇന്നു പല ആളുക​ളും നന്നായി വ്യായാ​മം ചെയ്യു​ക​യും നല്ല ഭക്ഷണം കഴിക്കു​ക​യും ചെയ്യുന്നു. ഇങ്ങനെ​യൊ​ക്കെ​യാ​ണെ​ങ്കി​ലും പ്രായ​മാ​കു​മെ​ന്നും മരിക്കു​മെ​ന്നും അവർക്ക്‌ അറിയാം. എന്നേക്കും ജീവി​ക്കാൻ കഴിയുക എന്നതു നടക്കാത്ത കാര്യ​മാ​യി അവർക്കു തോന്നു​ന്നു. എന്നാൽ യേശു, മനുഷ്യർക്കു ‘നിത്യം ജീവി​ക്കാൻ’ കഴിയു​മെന്നു പറഞ്ഞി​ട്ടുണ്ട്‌. യോഹ​ന്നാൻ 3:16-ലും 5:24-ലും നമുക്ക്‌ അതു കാണാം.

2. നിത്യ​ജീ​വ​നെ​ക്കു​റിച്ച്‌ യോഹ​ന്നാൻ 6-ാം അധ്യായം എന്താണു പറയു​ന്നത്‌? (യോഹ​ന്നാൻ 6:39, 40)

² കഴിഞ്ഞ ലേഖന​ത്തിൽ കണ്ടതു​പോ​ലെ, യേശു അത്ഭുത​ക​ര​മാ​യി ആയിര​ക്ക​ണ​ക്കിന്‌ ആളുകൾക്ക്‌ അപ്പവും മീനും കൊടു​ത്തു. a അത്‌ അതിശ​യി​പ്പി​ക്കുന്ന ഒരു കാര്യ​മാ​യി​രു​ന്നെ​ങ്കി​ലും അടുത്ത ദിവസം യേശു പറഞ്ഞത്‌ അവരെ കൂടുതൽ അത്ഭുത​പ്പെ​ടു​ത്തി. ആളുകൾ യേശു​വി​നെ ഗലീല കടൽത്തീ​ര​ത്തിന്‌ അടുത്തുള്ള കഫർന്ന​ഹൂം​വരെ പിന്തു​ടർന്നു. അവി​ടെ​വെച്ച്‌ യേശു പുനരു​ത്ഥാ​ന​ത്തെ​ക്കു​റി​ച്ചും നിത്യ​ജീ​വ​നെ​ക്കു​റി​ച്ചും അവരോ​ടു പറഞ്ഞു. (യോഹ​ന്നാൻ 6:39, 40 വായി​ക്കുക.) മരിച്ചു​പോയ നിങ്ങളു​ടെ പ്രിയ​പ്പെട്ട കുടും​ബാം​ഗ​ങ്ങ​ളെ​ക്കു​റി​ച്ചും സുഹൃ​ത്തു​ക്ക​ളെ​ക്കു​റി​ച്ചും ഒന്നു ചിന്തി​ച്ചു​നോ​ക്കുക. യോഹ​ന്നാൻ 6-ാം അധ്യാ​യ​ത്തി​ലെ യേശു​വി​ന്റെ വാക്കുകൾ കാണി​ക്കു​ന്നത്‌, മരിച്ചു​പോയ പലരും പുനരു​ത്ഥാ​ന​പ്പെ​ടു​മെ​ന്നും നിങ്ങൾക്കും നിങ്ങളു​ടെ പ്രിയ​പ്പെ​ട്ട​വർക്കും നിത്യം ജീവി​ക്കാൻ പറ്റു​മെ​ന്നും ആണ്‌. എന്നാൽ  ആ അധ്യാ​യ​ത്തി​ലെ യേശു​വി​ന്റെ തുടർന്നുള്ള വാക്കുകൾ മനസ്സി​ലാ​ക്കാൻ പല ആളുകൾക്കും ബുദ്ധി​മു​ട്ടാ​യി​രു​ന്നു. ആ വാക്കു​ക​ളെ​ക്കു​റിച്ച്‌ നമുക്ക്‌ ഇപ്പോൾ നോക്കാം.

3. യോഹ​ന്നാൻ 6:51-ൽ കാണു​ന്ന​തു​പോ​ലെ യേശു തന്നെക്കു​റി​ച്ചു​തന്നെ എന്താണു വെളി​പ്പെ​ടു​ത്തി​യത്‌?

³ യേശു ജനക്കൂ​ട്ട​ത്തിന്‌ അത്ഭുത​ക​ര​മാ​യി അപ്പം കൊടു​ത്ത​പ്പോൾ മരുഭൂ​മി​യിൽവെച്ച്‌ യഹോവ ഇസ്രാ​യേ​ല്യർക്കു കൊടുത്ത മന്നയെ​ക്കു​റിച്ച്‌ അവർ ഓർത്തു. മന്നയെ തിരു​വെ​ഴു​ത്തു​ക​ളിൽ വിളി​ക്കു​ന്നതു “സ്വർഗ​ത്തിൽനി​ന്നുള്ള അപ്പം” എന്നാ​ണെന്ന്‌ അവർക്ക്‌ അറിയാ​മാ​യി​രു​ന്നു. (സങ്കീ. 105:40; യോഹ. 6:31) തുടർന്ന്‌ യേശു മന്നയെ​ക്കു​റിച്ച്‌ പറഞ്ഞു​കൊണ്ട്‌ അവരെ ചില പ്രധാ​ന​പ്പെട്ട പാഠങ്ങൾ പഠിപ്പി​ച്ചു. യേശു തന്നെത്തന്നെ വിശേ​ഷി​പ്പി​ച്ചത്‌, ‘സ്വർഗ​ത്തിൽനി​ന്നുള്ള ശരിക്കുള്ള അപ്പം,’ ‘ദൈവ​ത്തി​ന്റെ അപ്പം,’ “ജീവന്റെ അപ്പം” എന്നൊ​ക്കെ​യാണ്‌. (യോഹ. 6:32, 33, 35) മന്ന യഹോ​വ​യിൽനി​ന്നുള്ള അത്ഭുത​ക​ര​മായ കരുത​ലാ​യി​രു​ന്നെ​ങ്കി​ലും അതു കഴിച്ച​വ​രും ഒരുനാൾ മരിച്ചു. (യോഹ. 6:49) തുടർന്ന്‌, താനും മന്നയും തമ്മിലുള്ള പ്രധാ​ന​പ്പെട്ട വ്യത്യാ​സം യേശു ചൂണ്ടി​ക്കാ​ണി​ച്ചു. യേശു പറഞ്ഞു: “ഞാനാണു സ്വർഗ​ത്തിൽനിന്ന്‌ ഇറങ്ങിവന്ന ജീവനുള്ള അപ്പം. ഈ അപ്പം തിന്നു​ന്ന​യാൾ എന്നും ജീവി​ച്ചി​രി​ക്കും.” (യോഹ​ന്നാൻ 6:51 വായി​ക്കുക.) അതു കേട്ട ജൂതന്മാർ അമ്പരന്നു​പോ​യി. സ്വർഗ​ത്തിൽനിന്ന്‌ വന്ന “അപ്പം” താനാ​ണെ​ന്നും ദൈവം തങ്ങളുടെ പൂർവി​കർക്കു കൊടുത്ത മന്നയെ​ക്കാൾ ശ്രേഷ്‌ഠ​മാണ്‌ അതെന്നും പറയാൻ യേശു​വിന്‌ എങ്ങനെ കഴിയു​മാ​യി​രു​ന്നു? യേശു അവരോട്‌ ഇങ്ങനെ പറഞ്ഞു: “എന്റെ മാംസ​മാ​ണു ഞാൻ കൊടു​ക്കാ​നി​രി​ക്കുന്ന അപ്പം.” യേശു എന്താണ്‌ ഉദ്ദേശി​ച്ചത്‌? അതു മനസ്സി​ലാ​ക്കേ​ണ്ടതു പ്രധാ​ന​മാണ്‌. കാരണം നമുക്കും നമ്മുടെ പ്രിയ​പ്പെ​ട്ട​വർക്കും നിത്യ​ജീ​വൻ നേടാൻ കഴിയു​ന്നത്‌ എങ്ങനെ​യാ​ണെന്ന്‌ അതു കാണി​ച്ചു​ത​രു​ന്നു. യേശു പറഞ്ഞതി​ന്റെ അർഥം എന്താ​ണെന്നു നമുക്ക്‌ ഇനി നോക്കാം.

ജീവനുള്ള അപ്പവും യേശു​വി​ന്റെ മാംസ​വും

4. യേശു പറഞ്ഞതു കേട്ട​പ്പോൾ ചിലർ അതിശ​യി​ച്ചത്‌ എന്തു​കൊ​ണ്ടാണ്‌?

⁴ “ലോക​ത്തി​ന്റെ ജീവനു​വേ​ണ്ടി​യുള്ള എന്റെ മാംസ​മാ​ണു ഞാൻ കൊടു​ക്കാ​നി​രി​ക്കുന്ന അപ്പം” എന്നു യേശു പറഞ്ഞ​പ്പോൾ കേട്ടു​നിന്ന ചിലർ ഞെട്ടി​പ്പോ​യി. ‘യേശു ശരിക്കു​മുള്ള മാംസം കഴിക്കാൻ തരുമോ? അങ്ങനെ ചെയ്‌താൽ അതു നരഭോ​ജ​ന​മാ​കി​ല്ലേ’ എന്ന്‌ അവർ ചിന്തി​ച്ചി​രി​ക്കാം. (യോഹ. 6:52) അടുത്ത​താ​യി യേശു പറഞ്ഞ കാര്യം അവരെ ഒന്നുകൂ​ടി അതിശ​യി​പ്പി​ച്ചു: “നിങ്ങൾ മനുഷ്യ​പു​ത്രന്റെ മാംസം തിന്നു​ക​യും രക്തം കുടി​ക്കു​ക​യും ചെയ്യു​ന്നി​ല്ലെ​ങ്കിൽ നിങ്ങൾക്കു ജീവൻ കിട്ടില്ല.”—യോഹ. 6:53.

5. ആളുകൾ തന്റെ ശരിക്കുള്ള രക്തം കുടി​ക്ക​ണ​മെന്നല്ല യേശു ഉദ്ദേശി​ച്ച​തെന്നു നമുക്ക്‌ എങ്ങനെ അറിയാം?

⁵ നോഹ​യു​ടെ നാളിൽ രക്തം ഭക്ഷിക്കു​ന്നത്‌ യഹോവ വിലക്കി​യി​രു​ന്നു. (ഉൽപ. 9:3, 4) അതേ നിയമം യഹോവ ഇസ്രാ​യേ​ല്യർക്കും നൽകി. ‘ആരെങ്കി​ലും രക്തം കഴിച്ചാൽ അവനെ വെച്ചേ​ക്ക​രു​താ​യി​രു​ന്നു’ അഥവാ കൊല്ല​ണ​മാ​യി​രു​ന്നു. (ലേവ്യ 7:27) മോശ​യു​ടെ നിയമം അനുസ​രിച്ച്‌ ജീവി​ക്ക​ണ​മെ​ന്നാ​ണു യേശു​വും ജൂതന്മാ​രെ പഠിപ്പി​ച്ചത്‌. (മത്താ. 5:17-19) അതു​കൊണ്ട്‌ തന്റെ ശരിക്കുള്ള മാംസം കഴിക്കാ​നും രക്തം കുടി​ക്കാ​നും യേശു ജൂതന്മാ​രോ​ടു പറയു​മെന്നു നമുക്കു ചിന്തി​ക്കാൻപോ​ലും കഴിയില്ല. ശരിക്കും അങ്ങനെ പറഞ്ഞതി​ലൂ​ടെ എങ്ങനെ ജീവൻ നേടാ​മെന്ന്‌, അതായത്‌ ‘നിത്യ​ജീ​വൻ’ നേടാ​മെന്ന്‌ യേശു ആളുകളെ പഠിപ്പി​ക്കു​ക​യാ​യി​രു​ന്നു.—യോഹ. 6:54.

6. യോഹ​ന്നാൻ 6:53-ലെ യേശു​വി​ന്റെ വാക്കുകൾ ആലങ്കാ​രി​ക​മാ​ണെന്ന്‌ എങ്ങനെ അറിയാം?

⁶ യേശു എന്താണ്‌ ഉദ്ദേശി​ച്ചത്‌? യേശു ഒരിക്കൽ ശമര്യ സ്‌ത്രീ​യോ​ടു പറഞ്ഞതു​പോ​ലെ ഇതും ആലങ്കാ​രി​ക​മാ​യി പറയു​ക​യാ​യി​രു​ന്നു. “ഞാൻ കൊടു​ക്കുന്ന വെള്ളം കുടി​ക്കു​ന്ന​വ​നോ പിന്നെ ഒരിക്ക​ലും ദാഹി​ക്കില്ല. അയാളിൽ ആ വെള്ളം നിത്യ​ജീ​വ​നേ​കുന്ന ഒരു ഉറവയാ​യി മാറും” എന്ന്‌ യേശു പറഞ്ഞു. (യോഹ. 4:7, 14) b ഏതെങ്കി​ലും ഒരു പ്രത്യേ​ക​കി​ണ​റ്റിൽനി​ന്നുള്ള വെള്ളം കുടി​ച്ചാൽ, നിത്യ​ജീ​വൻ കിട്ടും എന്നു പറയു​ക​യാ​യി​രു​ന്നില്ല യേശു. അതു​പോ​ലെ കഫർന്ന​ഹൂ​മിൽവെച്ച്‌ ജനക്കൂ​ട്ട​ത്തോ​ടു സംസാ​രി​ച്ച​പ്പോൾ തന്റെ ശരിക്കുള്ള മാംസം തിന്നണ​മെ​ന്നും ശരിക്കുള്ള രക്തം കുടി​ക്ക​ണ​മെ​ന്നും അല്ല യേശു ഉദ്ദേശി​ച്ചത്‌.

 യേശു​വി​ന്റെ വാക്കു​കൾക്കു കർത്താ​വി​ന്റെ അത്താഴ​വു​മാ​യി ബന്ധമു​ണ്ടോ?

7. യോഹ​ന്നാൻ 6:53-ലെ യേശു​വി​ന്റെ വാക്കു​ക​ളെ​ക്കു​റിച്ച്‌ ചിലർ ചിന്തി​ക്കു​ന്നത്‌ എന്താണ്‌?

⁷ യോഹ​ന്നാൻ 6:53-ലെ വാക്കുകൾ പല മതവി​ശ്വാ​സി​ക​ളും ഒരു പ്രത്യേ​ക​രീ​തി​യി​ലാ​ണു മനസ്സി​ലാ​ക്കി​യി​രി​ക്കു​ന്നത്‌. തന്റെ മാംസം കഴിക്കാ​നും രക്തം കുടി​ക്കാ​നും പറഞ്ഞ​പ്പോൾ യേശു, കർത്താ​വി​ന്റെ അത്താഴം എങ്ങനെ ആചരി​ക്ക​ണ​മെന്ന നിർദേശം കൊടു​ക്കു​ക​യാ​യി​രു​ന്നു​വെന്ന്‌ അവർ ചിന്തി​ക്കു​ന്നു. കാരണം രണ്ടു സന്ദർഭ​ങ്ങ​ളി​ലും ഏതാണ്ടു സമാന​മായ വാക്കു​ക​ളാ​ണു യേശു ഉപയോ​ഗി​ച്ചത്‌. (മത്താ. 26:26-28) അവർ അവകാ​ശ​പ്പെ​ടു​ന്നതു കർത്താ​വി​ന്റെ അത്താഴ​ത്തിൽ പങ്കെടു​ക്കുന്ന എല്ലാവ​രും അപ്പവും വീഞ്ഞും കഴിക്ക​ണ​മെ​ന്നാണ്‌. എന്നാൽ അതു ശരിയാ​ണോ? അതു മനസ്സി​ലാ​ക്കേ​ണ്ടതു പ്രധാ​ന​മാണ്‌. കാരണം ഓരോ വർഷവും ലോക​മെ​ങ്ങു​മാ​യി ലക്ഷക്കണ​ക്കിന്‌ ആളുക​ളാണ്‌ ഈ ആചരണ​ത്തി​നാ​യി നമ്മളോ​ടൊ​പ്പം കൂടി​വ​രു​ന്നത്‌. അടുത്ത​താ​യി, യോഹ​ന്നാൻ 6:53-ൽ യേശു പറഞ്ഞ വാക്കു​ക​ളും കർത്താ​വി​ന്റെ അത്താഴ​ത്തി​ന്റെ സമയത്ത്‌ യേശു പറഞ്ഞ വാക്കു​ക​ളും തമ്മിലുള്ള വ്യത്യാ​സം നമ്മൾ നോക്കും.

8. ഈ രണ്ടു സന്ദർഭങ്ങൾ തമ്മിലുള്ള വ്യത്യാ​സം എന്താണ്‌? (ചിത്ര​ങ്ങ​ളും കാണുക.)

⁸ ഈ സന്ദർഭങ്ങൾ തമ്മിലുള്ള രണ്ടു വ്യത്യാ​സം നമുക്കു നോക്കാം. ഒന്നാമ​താ​യി, യോഹ​ന്നാൻ 6:53-56 വരെയുള്ള വാക്കുകൾ യേശു എപ്പോ​ഴാ​ണു പറഞ്ഞ​തെ​ന്നും എവി​ടെ​വെ​ച്ചാ​ണു പറഞ്ഞ​തെ​ന്നും നോക്കാം. എ.ഡി. 32-ൽ ഗലീല​യിൽവെ​ച്ചാണ്‌ യേശു അതു പറഞ്ഞത്‌. ആ സംഭവ​ത്തി​നു ശേഷം ഏതാണ്ട്‌ ഒരു വർഷം കഴിഞ്ഞാ​ണു യേശു, കർത്താ​വി​ന്റെ അത്താഴം യരുശ​ലേ​മിൽവെച്ച്‌ ഏർപ്പെ​ടു​ത്തി​യത്‌. രണ്ടാമ​താ​യി, യേശു ആരോ​ടാണ്‌ ഈ വാക്കുകൾ  പറഞ്ഞത്‌? യേശു ഇതു പറഞ്ഞത്‌, ആത്മീയ​കാ​ര്യ​ങ്ങൾക്കു പകരം ഭൗതി​ക​കാ​ര്യ​ങ്ങ​ളെ​ക്കു​റിച്ച്‌ ചിന്തിച്ച ഒരു കൂട്ടം ജൂതന്മാ​രോ​ടാണ്‌. (യോഹ​ന്നാൻ 6:26) ശരിക്കും പറഞ്ഞാൽ, യേശു പറഞ്ഞ കാര്യങ്ങൾ മനസ്സി​ലാ​ക്കാൻ ബുദ്ധി​മുട്ട്‌ തോന്നി​യ​പ്പോൾ യേശു​വി​ലുള്ള അവരുടെ വിശ്വാ​സം പെട്ടെന്നു നഷ്ടപ്പെട്ടു. ശിഷ്യ​ന്മാ​രിൽ ചിലർപോ​ലും യേശു​വി​നെ അനുഗ​മി​ക്കു​ന്നതു നിറുത്തി. (യോഹ​ന്നാൻ 6:14, 36, 42, 60, 64, 66) എന്നാൽ ഏതാണ്ട്‌ ഒരു വർഷത്തി​നു ശേഷം, എ.ഡി. 33-ൽ യേശു കർത്താ​വി​ന്റെ അത്താഴം ഏർപ്പെ​ടു​ത്തിയ സമയത്തെ കാര്യ​മോ? ആ അവസര​ത്തിൽ യേശു​വി​നോ​ടൊ​പ്പം ഉണ്ടായി​രു​ന്നതു തന്റെ വിശ്വ​സ്‌ത​രായ 11 അപ്പോ​സ്‌ത​ല​ന്മാ​രാ​യി​രു​ന്നു. യേശു പഠിപ്പി​ച്ചത്‌ അവർക്കു പൂർണ​മാ​യും മനസ്സി​ലാ​യി​ല്ലെ​ങ്കി​ലും അവർ യേശു​വി​നോ​ടൊ​പ്പം​തന്നെ നിന്നു. ഗലീല​യിൽ കൂടിവന്ന മിക്ക ആളുക​ളിൽനി​ന്നും വ്യത്യ​സ്‌ത​മാ​യി വിശ്വ​സ്‌ത​രായ അപ്പോ​സ്‌ത​ല​ന്മാർക്കു യേശു സ്വർഗ​ത്തിൽനിന്ന്‌ വന്ന ദൈവ​പു​ത്ര​നാ​ണെന്ന്‌ ഉറച്ച​ബോ​ധ്യ​മു​ണ്ടാ​യി​രു​ന്നു. (മത്താ. 16:16) അവരെ അഭിന​ന്ദി​ച്ചു​കൊണ്ട്‌ യേശു ഇങ്ങനെ പറഞ്ഞു: “എന്തായാ​ലും നിങ്ങളാണ്‌ എന്റെ പരീക്ഷ​ക​ളിൽ എന്റെകൂ​ടെ നിന്നവർ.“ (ലൂക്കോ. 22:28) ഈ രണ്ടു വ്യത്യാ​സം​തന്നെ കാണി​ക്കു​ന്നത്‌, യോഹ​ന്നാൻ 6:53-ലെ യേശു​വി​ന്റെ വാക്കു​കൾക്ക്‌ കർത്താ​വി​ന്റെ അത്താഴ​വു​മാ​യി ബന്ധമില്ല എന്നാണ്‌. ഇനിയു​മുണ്ട്‌ വ്യത്യാ​സങ്ങൾ.

യേശു​വി​ന്റെ വാക്കു​ക​ളിൽനിന്ന്‌ നിങ്ങൾക്കുള്ള പ്രയോ​ജ​നം

9. കർത്താ​വി​ന്റെ അത്താഴ​ത്തി​ന്റെ സമയത്ത്‌ യേശു പറഞ്ഞ വാക്കുകൾ ഏതു കൂട്ടത്തി​നാ​ണു ബാധക​മാ​കു​ന്നത്‌?

⁹ കർത്താ​വി​ന്റെ അത്താഴ​ത്തി​ന്റെ സമയത്ത്‌ പുളി​പ്പി​ല്ലാത്ത അപ്പം അപ്പോ​സ്‌ത​ല​ന്മാർക്കു കൊടു​ത്തിട്ട്‌ അതു തന്റെ ശരീരത്തെ അർഥമാ​ക്കു​ന്നു​വെന്നു യേശു പറഞ്ഞു. അതിനു ശേഷം അവർക്കു വീഞ്ഞ്‌ കൊടു​ത്തിട്ട്‌ അത്‌ ഉടമ്പടി​യു​ടെ ‘രക്തത്തിന്റെ പ്രതീ​ക​മാ​ണെ​ന്നും’ പറഞ്ഞു. (മർക്കോ. 14:22-25; ലൂക്കോ. 22:20; 1 കൊരി. 11:24) ആ ഉടമ്പടി​യെ​ക്കു​റിച്ച്‌ യേശു പറഞ്ഞ കാര്യം വളരെ പ്രധാ​ന​മാണ്‌. കാരണം, യേശു ഈ ഉടമ്പടി ചെയ്‌തത്‌, “ദൈവ​രാ​ജ്യ​ത്തിൽ” ഭരിക്കാൻപോ​കുന്ന ആത്മീയ ‘ഇസ്രാ​യേൽഗൃ​ഹ​വു​മാ​യി​ട്ടാണ്‌.’ അല്ലാതെ പൊതു​വാ​യി എല്ലാ മനുഷ്യ​രോ​ടു​മാ​യി​ട്ടല്ല. (എബ്രാ. 8:6, 10; 9:15) അപ്പോ​സ്‌ത​ല​ന്മാർക്ക്‌ ആ സമയത്ത്‌ ഉടമ്പടി​യെ​ക്കു​റി​ച്ചുള്ള എല്ലാ കാര്യ​ങ്ങ​ളും മനസ്സി​ലാ​യി​ല്ലാ​യി​രു​ന്നു. എങ്കിലും അവർ പെട്ടെ​ന്നു​തന്നെ പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെ​ടു​ക​യും പുതിയ ഉടമ്പടി​യു​ടെ ഭാഗമാ​യി​ത്തീ​രു​ക​യും ചെയ്‌തു​കൊണ്ട്‌ ഭാവി​യിൽ യേശു​വി​നോ​ടൊ​പ്പം ഭരിക്കു​മാ​യി​രു​ന്നു.—യോഹ. 14:2, 3.

10. ഗലീല​യിൽവെച്ച്‌ നടന്ന സംഭവ​വും കർത്താ​വി​ന്റെ അത്താഴ​വും തമ്മിൽ ബന്ധമി​ല്ലെന്നു പറയാ​നുള്ള മറ്റൊരു കാരണം എന്താണ്‌? (ചിത്ര​വും കാണുക.)

¹⁰ കർത്താ​വി​ന്റെ അത്താഴ​ത്തി​ന്റെ സമയത്ത്‌ യേശു സംസാ​രി​ച്ചത്‌, ‘ചെറിയ ആട്ടിൻകൂ​ട്ട​ത്തോ​ടാണ്‌.’ ആ ചെറിയ കൂട്ടം, അന്ന്‌ ആ മുറി​യിൽ കൂടി​യി​രുന്ന വിശ്വ​സ്‌ത​രായ അപ്പോ​സ്‌ത​ല​ന്മാ​രിൽനി​ന്നാ​ണു തുടങ്ങി​യത്‌. (ലൂക്കോ. 12:32) യേശു​വി​ന്റെ അപ്പോ​സ്‌ത​ല​ന്മാർക്കും പിന്നീട്‌ ഈ കൂട്ടത്തി​ന്റെ ഭാഗമാ​യി​ത്തീ​രു​ന്ന​വർക്കും മാത്രമേ അപ്പവും വീഞ്ഞും കഴിക്കാൻ കഴിയു​മാ​യി​രു​ന്നു​ള്ളൂ. യേശു​വി​നോ​ടൊ​പ്പം സ്വർഗ​ത്തിൽ ഭരിക്കാ​നുള്ള അവസരം അവർക്കു മാത്ര​മാ​ണു കിട്ടു​ന്നത്‌. അതെ, യേശു ഈ സാഹച​ര്യ​ത്തിൽ അപ്പോ​സ്‌ത​ല​ന്മാ​രോ​ടു പറഞ്ഞതും ഗലീല​യിൽ കൂടിവന്ന ജനക്കൂ​ട്ട​ത്തോ​ടു പറഞ്ഞതും തമ്മിൽ വലിയ വ്യത്യാ​സ​മുണ്ട്‌. ഗലീല​യിൽവെച്ച്‌ യേശു പറഞ്ഞ കാര്യം വലിയ കൂട്ടത്തി​നു ബാധക​മാ​കു​ന്ന​താ​യി​രു​ന്നു.

11. യേശു ഒരു ചെറിയ കൂട്ട​ത്തെ​ക്കു​റി​ച്ചല്ല സംസാ​രി​ക്കു​ന്ന​തെന്നു ഗലീല​യിൽവെ​ച്ചുള്ള യേശു​വി​ന്റെ വാക്കു​ക​ളിൽനിന്ന്‌ നമുക്ക്‌ എങ്ങനെ മനസ്സി​ലാ​ക്കാം?

¹¹ എ.ഡി. 32-ൽ ഗലീല​യിൽവെച്ച്‌ യേശു പ്രധാ​ന​മാ​യും സംസാ​രി​ച്ചത്‌ അപ്പം കിട്ടാൻ ആഗ്രഹിച്ച ജൂതന്മാ​രോ​ടാ​യി​രു​ന്നു. എന്നാൽ യേശു ശരിക്കുള്ള ആഹാര​ത്തെ​ക്കാൾ പ്രധാ​ന​പ്പെട്ട ഒന്നി​നെ​ക്കു​റിച്ച്‌ അവരോ​ടു പറഞ്ഞു. അതു നിത്യ​ജീ​വൻ നേടാൻ സഹായി​ക്കുന്ന ഒന്നാ​ണെന്നു യേശു വ്യക്തമാ​ക്കി. അതു​പോ​ലെ മരിച്ചു​പോ​യവർ അവസാ​ന​നാ​ളിൽ ഉയിർപ്പി​ക്ക​പ്പെ​ടു​മെ​ന്നും അവർക്ക്‌ എന്നേക്കും ജീവി​ക്കാൻ കഴിയു​മെ​ന്നും യേശു പറഞ്ഞു. കർത്താ​വി​ന്റെ അത്താഴ​ത്തി​ന്റെ സമയത്ത്‌ സംസാ​രി​ച്ച​തു​പോ​ലെ യേശു ഇവിടെ തിര​ഞ്ഞെ​ടു​ക്ക​പ്പെട്ട ഒരു ചെറിയ കൂട്ടത്തി​നു കിട്ടുന്ന അനു​ഗ്ര​ഹ​ത്തെ​ക്കു​റിച്ച്‌ പറയു​ക​യാ​യി​രു​ന്നില്ല. പകരം ഗലീല​യിൽവെച്ച്‌ എല്ലാ ആളുകൾക്കും ലഭിക്കു​മാ​യി​രുന്ന നിത്യ​ജീ​വൻ എന്ന അനു​ഗ്ര​ഹ​ത്തെ​ക്കു​റിച്ച്‌ പറയു​ക​യാ​യി​രു​ന്നു. അതു​കൊ​ണ്ടാ​ണു യേശു ഇങ്ങനെ പറഞ്ഞത്‌:  “ലോക​ത്തി​ന്റെ ജീവനു​വേ​ണ്ടി​യുള്ള എന്റെ മാംസ​മാ​ണു ഞാൻ കൊടു​ക്കാ​നി​രി​ക്കുന്ന അപ്പം.”—യോഹ. 6:51.

12. നിത്യ​ജീ​വൻ നേടാൻ നമ്മൾ എന്തു ചെയ്യണം?

¹² യേശു ഗലീല​യിൽവെച്ച്‌ സംസാ​രി​ച്ച​പ്പോൾ ഭൂമി​യി​ലുള്ള എല്ലാവർക്കും നിത്യ​ജീ​വൻ കിട്ടു​മെന്ന്‌ ഉദ്ദേശി​ച്ചില്ല. ‘ഈ അപ്പം തിന്നു​ന്ന​വർക്ക്‌’ അതായത്‌ യേശു​വിൽ വിശ്വ​സി​ക്കു​ന്ന​വർക്കു മാത്രമേ ഈ അനു​ഗ്രഹം ലഭിക്കു​ക​യു​ള്ളൂ. എന്നാൽ ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടുന്ന പലരും ചിന്തി​ക്കു​ന്നതു ‘യേശു​വിൽ വെറുതേ വിശ്വ​സി​ക്കു​ക​യും’ യേശു​വി​നെ രക്ഷകനാ​യി കാണു​ക​യും ചെയ്‌താൽ രക്ഷ കിട്ടു​മെ​ന്നാണ്‌. (യോഹ. 6:29) എന്നാൽ ഓർക്കുക, ആ ജനക്കൂ​ട്ട​ത്തിൽ ചിലർ ആദ്യം യേശു​വിൽ വിശ്വ​സി​ച്ചെ​ങ്കി​ലും പിന്നീട്‌ അവർ യേശു​വി​നെ ഉപേക്ഷി​ച്ചു. അത്‌ എന്തു​കൊ​ണ്ടാ​യി​രു​ന്നു?

13. യേശു​വി​ന്റെ ഒരു യഥാർഥ ശിഷ്യ​നാ​യി​രി​ക്കാൻ എന്തു ചെയ്യണം?

¹³ ആ ജനക്കൂ​ട്ട​ത്തി​ലെ മിക്കയാ​ളു​ക​ളും യേശു​വി​നെ അനുഗ​മി​ച്ചു​ചെ​ന്നത്‌, അവർക്ക്‌ ആവശ്യ​മു​ള്ളതു യേശു കൊടു​ത്ത​തു​കൊണ്ട്‌ മാത്ര​മാണ്‌. അവരുടെ താത്‌പ​ര്യം, അത്ഭുത​ക​ര​മാ​യി സുഖ​പ്പെ​ടു​ന്ന​തി​ലും സൗജന്യ​മാ​യി ഭക്ഷണം കിട്ടു​ന്ന​തി​ലും തങ്ങൾക്ക്‌ ഇഷ്ടമുള്ള കാര്യങ്ങൾ കേൾക്കു​ന്ന​തി​ലും ആയിരു​ന്നു. എന്നാൽ തന്റെ യഥാർഥ ശിഷ്യ​ന്മാ​രിൽനിന്ന്‌ അതിലും കൂടുതൽ പ്രതീ​ക്ഷി​ക്കു​ന്നു​ണ്ടെന്നു യേശു കാണിച്ചു. യേശു ഭൂമി​യി​ലേക്കു വന്നതു വെറുതേ ആളുക​ളു​ടെ ഭൗതി​കാ​ഗ്ര​ഹങ്ങൾ തൃപ്‌തി​പ്പെ​ടു​ത്താ​നല്ല. പകരം തന്റെ യഥാർഥ ശിഷ്യ​നാ​കാൻ എന്തു ചെയ്യണ​മെന്ന്‌ ആളുകളെ പഠിപ്പി​ക്കാ​നാ​യി​രു​ന്നു. അതെ, ആളുകൾ യേശു പഠിപ്പി​ച്ചതു ശ്രദ്ധി​ക്കു​ക​യും അതനു​സ​രിച്ച്‌ ജീവി​ക്കു​ക​യും ചെയ്‌തു​കൊണ്ട്‌ യേശു​വി​ന്റെ ‘അടുത്ത്‌ വരണമാ​യി​രു​ന്നു.’—യോഹ. 5:40; 6:44.

14. യേശു​വി​ന്റെ മാംസ​ത്തിൽനി​ന്നും രക്തത്തിൽനി​ന്നും പ്രയോ​ജനം നേടാൻ നമ്മൾ എന്തു ചെയ്യണം?

¹⁴ തന്റെ മാംസ​വും രക്തവും ബലിയാ​യി കൊടു​ക്കു​മ്പോൾ അവർക്കു നിത്യ​ജീ​വൻ സാധ്യ​മാ​കു​മെന്നു യേശു അവരെ പഠിപ്പി​ച്ചു. എന്നാൽ അവർക്ക്‌ ആ സത്യത്തിൽ വിശ്വാ​സം വേണമാ​യി​രു​ന്നു. അവരെ​പ്പോ​ലെ  ഇന്നു നമുക്കും ആ വിശ്വാ​സം ആവശ്യ​മാണ്‌. (യോഹ. 6:40) അതെ, നിത്യ​ജീ​വൻ കിട്ടണ​മെ​ങ്കിൽ നമ്മൾ മോച​ന​വി​ല​യിൽ വിശ്വാ​സ​മർപ്പി​ക്കണം എന്നു യോഹ​ന്നാൻ 6:53-ൽനിന്ന്‌ മനസ്സി​ലാ​ക്കാം. നിത്യ​ജീ​വൻ എന്ന അനു​ഗ്രഹം വലി​യൊ​രു കൂട്ടം ആളുകൾക്കു സാധ്യ​മാണ്‌.—എഫെ. 1:7.

15-16. യോഹ​ന്നാൻ 6-ാം അധ്യാ​യ​ത്തിൽനിന്ന്‌ പ്രധാ​ന​പ്പെട്ട എന്തെല്ലാം കാര്യങ്ങൾ നമ്മൾ പഠിച്ചു?

¹⁵ യോഹ​ന്നാൻ 6-ാം അധ്യാ​യ​ത്തിൽ വളരെ പ്രധാ​ന​പ്പെ​ട്ട​തും നമുക്കു പ്രോ​ത്സാ​ഹനം തരുന്ന​തും ആയ ഒരുപാ​ടു കാര്യങ്ങൾ അടങ്ങി​യി​ട്ടുണ്ട്‌. യേശു​വിന്‌ ആളുക​ളെ​ക്കു​റിച്ച്‌ എത്രമാ​ത്രം ചിന്തയു​ണ്ടെന്ന്‌ ആ അധ്യായം വ്യക്തമാ​ക്കു​ന്നു. ഗലീല​യി​ലാ​യി​രു​ന്ന​പ്പോൾ യേശു ആളുകളെ സുഖ​പ്പെ​ടു​ത്തി, ദൈവ​രാ​ജ്യ​ത്തെ​ക്കു​റിച്ച്‌ പഠിപ്പി​ച്ചു, അതു​പോ​ലെ അടിസ്ഥാന ആവശ്യ​മായ ഭക്ഷണവും അവർക്കു കൊടു​ത്തു. (ലൂക്കോ. 9:11; യോഹ. 6:2, 11, 12) ഏറ്റവും പ്രധാ​ന​മാ​യി, “ജീവന്റെ അപ്പം” താനാ​ണെ​ന്നും യേശു അവരെ പഠിപ്പി​ച്ചു.—യോഹ. 6:35, 48.

¹⁶ യേശു ‘വേറെ ആടുകൾ’ എന്നു വിളി​ച്ചവർ കർത്താ​വി​ന്റെ അത്താഴം ഓരോ വർഷവും ആചരി​ക്കുന്ന സമയത്ത്‌ അപ്പവും വീഞ്ഞും കഴിക്കില്ല. (യോഹ. 10:16) എങ്കിലും അവർ യേശു​ക്രി​സ്‌തു​വി​ന്റെ മാംസ​ത്തിൽനി​ന്നും രക്തത്തിൽനി​ന്നും പ്രയോ​ജനം നേടും. യേശു​വി​ന്റെ മോച​ന​വി​ല​യി​ലും അതു സാധ്യ​മാ​ക്കുന്ന കാര്യ​ങ്ങ​ളി​ലും വിശ്വ​സി​ച്ചു​കൊ​ണ്ടാണ്‌ അവർ അങ്ങനെ ചെയ്യു​ന്നത്‌. (യോഹ. 6:53) എന്നാൽ അപ്പവും വീഞ്ഞും കഴിക്കു​ന്നവർ തങ്ങൾ പുതിയ ഉടമ്പടി​യു​ടെ ഭാഗമാ​ണെ​ന്നും സ്വർഗീ​യ​രാ​ജ്യ​ത്തി​ന്റെ അവകാ​ശി​ക​ളാ​ണെ​ന്നും തെളി​യി​ക്കു​ന്നു. അതു​കൊണ്ട്‌ അഭിഷി​ക്ത​രാ​ണെ​ങ്കി​ലും വേറെ ആടുക​ളാ​ണെ​ങ്കി​ലും നമു​ക്കെ​ല്ലാം യോഹ​ന്നാൻ 6-ാം അധ്യാ​യ​ത്തി​ലെ വിവര​ണ​ത്തിൽനിന്ന്‌ വില​യേ​റിയ പലതും പഠിക്കാ​നുണ്ട്‌. നമ്മൾ പഠിച്ച പ്രധാ​ന​പാ​ഠം ഇതാണ്‌: യേശു​വി​ന്റെ മോച​ന​വി​ല​യിൽ വിശ്വ​സി​ച്ചാ​ലേ നമുക്കു നിത്യ​ജീ​വൻ കിട്ടു​ക​യു​ള്ളൂ.