1-2. ബൈബി​ളി​ലെ വിശ്വാ​സ​ങ്ങ​ളോ​ടു ബന്ധപ്പെട്ട്‌ മക്കൾ ചോദ്യ​ങ്ങൾ ചോദി​ക്കു​മ്പോൾ മാതാ​പി​താ​ക്കൾ എങ്ങനെ പ്രതി​ക​രി​ക്കണം?

 മക്കളെ വളർത്തി​ക്കൊ​ണ്ടു​വ​രു​ന്നത്‌ ഒട്ടും എളുപ്പ​മുള്ള കാര്യമല്ല. അതു പല മാതാ​പി​താ​ക്ക​ളും അംഗീ​ക​രി​ക്കും. മാതാ​പി​താ​ക്കളേ, യഹോ​വ​യി​ലുള്ള വിശ്വാ​സം വളർത്താൻ മക്കളെ സഹായി​ക്കു​ന്ന​തി​നു നിങ്ങൾ ചെയ്യുന്ന എല്ലാ ശ്രമങ്ങ​ളെ​യും ഞങ്ങൾ അഭിന​ന്ദി​ക്കു​ന്നു. (ആവ. 6:6, 7) വളർന്നു​വ​രു​ന്ന​ത​നു​സ​രിച്ച്‌ മക്കൾ ബൈബി​ള​ധി​ഷ്‌ഠിത വിശ്വാ​സ​ങ്ങ​ളോ​ടു ബന്ധപ്പെട്ട്‌ ചില ഗൗരവ​മേ​റിയ ചോദ്യ​ങ്ങൾ ചോദി​ച്ചേ​ക്കാം. ഉദാഹ​ര​ണ​ത്തിന്‌, എന്തു​കൊ​ണ്ടാ​ണു ബൈബി​ളിൽ ചില പ്രവൃ​ത്തി​കൾ ശരിയാ​ണെ​ന്നും ചിലതു തെറ്റാ​ണെ​ന്നും പറഞ്ഞി​രി​ക്കു​ന്നത്‌ എന്നതു​പോ​ലുള്ള ചോദ്യ​ങ്ങൾ.

² മക്കളുടെ ചോദ്യ​ങ്ങൾ കേൾക്കു​മ്പോൾ ആദ്യ​മൊ​ക്കെ നിങ്ങൾക്കു പേടി തോന്നി​യേ​ക്കാം. അവർക്കു ദൈവ​ത്തി​ലും ബൈബി​ളി​ലും ഒക്കെയുള്ള വിശ്വാ​സം കുറഞ്ഞു​വ​രു​ക​യാ​ണോ എന്നു ചിന്തി​ച്ചേ​ക്കാം. എന്നാൽ മക്കൾ വളർന്നു​വ​രു​ന്ന​ത​നു​സ​രിച്ച്‌ ചോദ്യ​ങ്ങൾ ചോദി​ക്കണം. എങ്കിലേ അവരുടെ വിശ്വാ​സം ശക്തമാ​കു​ക​യു​ള്ളൂ. (1 കൊരി. 13:11) അതു​കൊണ്ട്‌ ചോദ്യ​ങ്ങൾ കേട്ട്‌ പേടി​ക്കേണ്ട കാര്യ​മില്ല. പകരം അവർ ചോദി​ക്കുന്ന ആത്മാർഥ​മായ ഓരോ ചോദ്യ​വും അവരുടെ വിശ്വാ​സം ശക്തമാ​ക്കാ​നും ചിന്താ​പ്രാ​പ്‌തി മെച്ച​പ്പെ​ടു​ത്താ​നും ഉള്ള അവസര​ങ്ങ​ളാ​യി കാണാം.

3. ഈ ലേഖന​ത്തിൽ നമ്മൾ എന്തു ചിന്തി​ക്കും?

³ ഈ ലേഖന​ത്തിൽ നമ്മൾ (1) ദൈവ​ത്തി​ലും ബൈബി​ളി​ലും ഉള്ള വിശ്വാ​സം സ്വന്തമാ​യി വളർത്താ​നും (2) ബൈബി​ളി​ന്റെ നിലവാ​ര​ങ്ങ​ളോ​ടു വിലമ​തി​പ്പു വളർത്തി​യെ​ടു​ക്കാ​നും (3) സ്വന്തം വിശ്വാ​സ​ത്തെ​ക്കു​റിച്ച്‌ മറ്റുള്ള​വ​രോ​ടു വിശദീ​ക​രി​ക്കാ​നും മാതാ​പി​താ​ക്കൾക്കു മക്കളെ എങ്ങനെ സഹായി​ക്കാ​മെന്നു കാണും. അതു​പോ​ലെ കുട്ടികൾ ചോദ്യ​ങ്ങൾ ചോദി​ക്കു​ന്നതു നല്ലതാ​യി​രി​ക്കു​ന്നത്‌ എന്തു​കൊ​ണ്ടാ​ണെ​ന്നും വിശ്വാ​സ​ത്തെ​ക്കു​റിച്ച്‌ മക്കളോ​ടു പറയാൻ മാതാ​പി​താ​ക്കൾക്ക്‌ എന്തെല്ലാം അവസരങ്ങൾ കിട്ടു​മെ​ന്നും കാണും.

ദൈവ​ത്തി​ലും ബൈബി​ളി​ലും ഉള്ള വിശ്വാ​സം ശക്തമാ​ക്കാൻ സഹായി​ക്കു​ക

4. മക്കൾ ഏതെല്ലാം ചോദ്യ​ങ്ങൾ ചോദി​ച്ചേ​ക്കാം, എന്തു​കൊണ്ട്‌?

⁴ ദൈവ​ത്തി​ലുള്ള വിശ്വാ​സം പാരമ്പ​ര്യ​മാ​യി കിട്ടുന്ന ഒന്നല്ല എന്ന്‌ ക്രിസ്‌തീ​യ​മാ​താ​പി​താ​ക്കൾക്ക്‌ അറിയാം. നിങ്ങൾക്ക്‌ അതു ജന്മനാ കിട്ടാ​ത്ത​തു​പോ​ലെ  നിങ്ങളു​ടെ മക്കൾക്കും അങ്ങനെ കിട്ടില്ല. അതു​കൊ​ണ്ടു​തന്നെ ഇതു​പോ​ലുള്ള ചില ചോദ്യ​ങ്ങൾ നിങ്ങളു​ടെ മക്കൾ ചോദി​ക്കാൻ സാധ്യ​ത​യുണ്ട്‌: ‘ഒരു ദൈവ​മു​ണ്ടെന്ന്‌ എനിക്ക്‌ എങ്ങനെ അറിയാം? ബൈബിൾ പറയു​ന്ന​തെ​ല്ലാം എനിക്കു ശരിക്കും വിശ്വ​സി​ക്കാൻ പറ്റുമോ?’ വാസ്‌ത​വ​ത്തിൽ, ബൈബിൾ നമ്മളെ പ്രോ​ത്സാ​ഹി​പ്പി​ക്കു​ന്നത്‌ ‘ചിന്താ​പ്രാ​പ്‌തി ഉപയോ​ഗി​ക്കാ​നും’ ‘എല്ലാ കാര്യ​ങ്ങ​ളും പരി​ശോ​ധിച്ച്‌ ഉറപ്പു​വ​രു​ത്താ​നും’ ആണ്‌. (റോമ. 12:1; 1 തെസ്സ. 5:21) ശരി, വിശ്വാ​സം ശക്തമാ​ക്കാൻ നിങ്ങൾക്ക്‌ എങ്ങനെ മക്കളെ സഹായി​ക്കാം?

5. ബൈബി​ളി​ലുള്ള വിശ്വാ​സം വളർത്തി​യെ​ടു​ക്കാൻ മാതാ​പി​താ​ക്കൾക്കു മക്കളെ എങ്ങനെ സഹായി​ക്കാം? (റോമർ 12:2)

⁵ ബൈബിൾ സത്യമാ​ണെന്നു സ്വയം ബോധ്യ​പ്പെ​ടാൻ മക്കളെ സഹായി​ക്കുക. (റോമർ 12:2 വായി​ക്കുക.) നിങ്ങളു​ടെ മക്കൾ ചോദ്യ​ങ്ങൾ ചോദി​ക്കു​മ്പോൾ യഹോ​വ​യു​ടെ സാക്ഷി​കൾക്കു​വേ​ണ്ടി​യുള്ള ഗവേഷ​ണ​സ​ഹാ​യി​യും മറ്റും ഉപയോ​ഗി​ച്ചു​കൊണ്ട്‌ എങ്ങനെ ഉത്തരം കണ്ടെത്താ​മെന്നു പഠിപ്പി​ക്കുക. ഗവേഷ​ണ​സ​ഹാ​യി​യി​ലെ “ബൈബിൾ” എന്ന വിഷയ​ത്തി​നു കീഴിൽ “ദൈവ​പ്ര​ചോ​ദി​തം” എന്ന ഭാഗത്ത്‌, ബൈബിൾ മനുഷ്യൻ എഴുതിയ ഒരു നല്ല പുസ്‌തകം മാത്രമല്ല പകരം, അതു ‘ദൈവ​ത്തി​ന്റെ വചനമാണ്‌’ എന്നതി​നുള്ള തെളി​വു​കൾ കാണാം. (1 തെസ്സ. 2:13) ഉദാഹ​ര​ണ​ത്തിന്‌, പുരാതന അസീറി​യൻ നഗരമായ നിനെ​വെ​യെ​ക്കു​റിച്ച്‌ കൂടുതൽ മനസ്സി​ലാ​ക്കാ​നാ​യി കുട്ടി​കൾക്കു ഗവേഷണം ചെയ്യാം. മുമ്പ്‌ ചില പണ്ഡിത​ന്മാർ അവകാ​ശ​പ്പെ​ട്ടി​രു​ന്നത്‌, നിനെവെ എന്നൊരു നഗരം ഇല്ലായി​രു​ന്നു എന്നാണ്‌. എന്നാൽ 1850-കൾ ആയപ്പോ​ഴേ​ക്കും ആ നഗരത്തി​ന്റെ ചില അവശി​ഷ്ടങ്ങൾ ഭൂമി​യു​ടെ അടിയിൽനിന്ന്‌ കണ്ടെത്തി. അതിലൂ​ടെ ബൈബി​ളിൽ പറയു​ന്നതു കൃത്യ​മാ​ണെന്നു തെളിഞ്ഞു. (സെഫ. 2:13-15) നിനെ​വെ​യു​ടെ നാശ​ത്തെ​ക്കു​റി​ച്ചുള്ള ബൈബിൾപ്ര​വ​ചനം എങ്ങനെ​യാ​ണു നിറ​വേ​റി​യത്‌ എന്ന്‌ അറിയാൻ 2021 നവംബർ ലക്കം വീക്ഷാ​ഗോ​പു​ര​ത്തി​ന്റെ “നിങ്ങൾക്ക്‌ അറിയാ​മോ?” എന്ന ലേഖനം മക്കൾക്കു നോക്കാ​നാ​കും. നമ്മുടെ പ്രസി​ദ്ധീ​ക​ര​ണ​ങ്ങ​ളിൽനി​ന്നും അതു​പോ​ലെ എൻ​സൈ​ക്ലോ​പീ​ഡി​യ​ക​ളിൽനി​ന്നും വിശ്വ​സ​നീ​യ​മായ മറ്റു ഉറവി​ട​ങ്ങ​ളിൽനി​ന്നും പഠിച്ചത്‌ അവർക്കു താരത​മ്യം ചെയ്‌തു​നോ​ക്കാം. അങ്ങനെ ചെയ്യു​മ്പോൾ ബൈബി​ളി​ലുള്ള അവരുടെ വിശ്വാ​സം കൂടുതൽ ശക്തമാ​കും.

6. ചിന്താ​പ്രാ​പ്‌തി ഉപയോ​ഗി​ക്കാൻ മാതാ​പി​താ​ക്കൾക്ക്‌ എങ്ങനെ മക്കളെ സഹായി​ക്കാം? ഒരു ഉദാഹ​രണം പറയുക. (ചിത്ര​വും കാണുക.)

⁶ ചിന്താ​പ്രാ​പ്‌തി ഉപയോ​ഗി​ക്കാൻ മക്കളെ സഹായി​ക്കുക. ദൈവ​ത്തി​ലുള്ള വിശ്വാ​സ​ത്തെ​ക്കു​റി​ച്ചും ബൈബി​ളി​നെ​ക്കു​റി​ച്ചും മക്കളോ​ടു സംസാ​രി​ക്കാ​നുള്ള പല അവസര​ങ്ങ​ളും മാതാ​പി​താ​ക്കൾക്കു കിട്ടും. ഒരു മ്യൂസി​യ​ത്തിൽ പോകു​മ്പോ​ഴോ പൂക്കളുള്ള ഒരു പാർക്കിൽ പോകു​മ്പോ​ഴോ യഹോ​വ​യു​ടെ സാക്ഷി​ക​ളു​ടെ ബ്രാ​ഞ്ചോ​ഫീ​സി​ലുള്ള ഒരു പ്രദർശ​ന​ശാല സന്ദർശി​ക്കു​മ്പോ​ഴോ എല്ലാം അതിനുള്ള അവസരങ്ങൾ കിട്ടി​യേ​ക്കാം. ഉദാഹ​ര​ണ​ത്തിന്‌ ഒരു മ്യൂസി​യം, നേരി​ട്ടോ ഓൺ​ലൈ​നി​ലൂ​ടെ​യോ കാണു​മ്പോൾ നിങ്ങൾക്ക്‌ എന്തു ചെയ്യാ​നാ​കും? ബൈബി​ളി​ലുള്ള വിശ്വാ​സം ശക്തമാ​ക്കാൻ സഹായി​ക്കുന്ന, ചരി​ത്ര​പ്രാ​ധാ​ന്യ​മുള്ള ഏതെങ്കി​ലും സംഭവ​ങ്ങ​ളി​ലേ​ക്കോ പുരാ​വ​സ്‌തു​ക്ക​ളി​ലേ​ക്കോ മക്കളുടെ ശ്രദ്ധ തിരി​ക്കാം. നിങ്ങളു​ടെ മക്കൾക്കു മോവാ​ബ്യ​ശി​ല​യെ​ക്കു​റിച്ച്‌ അറിയാ​മോ? 3,000 വർഷ​ത്തോ​ളം പഴക്കമുള്ള ആ ശിലയിൽ യഹോവ എന്ന ദൈവ​നാ​മ​മുണ്ട്‌. ഫ്രാൻസി​ലെ പാരീ​സി​ലുള്ള ലൂവ്‌ർ മ്യൂസി​യ​ത്തിൽ ഈ മോവാ​ബ്യ​ശില പ്രദർശ​ന​ത്തി​നു വെച്ചി​ട്ടുണ്ട്‌. ന്യൂ​യോർക്കി​ലെ വാർവി​ക്കി​ലുള്ള യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​നത്തെ “ബൈബി​ളും ദിവ്യ​നാ​മ​വും” എന്ന പ്രദർശ​ന​ശാ​ല​യിൽ ഈ മോവാ​ബ്യ​ശി​ല​യു​ടെ ഒരു മാതൃക കാണാം. മോവാ​ബ്യ​രാ​ജാ​വായ മേഷ ഇസ്രാ​യേ​ലിന്‌  എതിരെ മത്സരിച്ചു എന്നു മോവാ​ബ്യ​ശി​ല​യിൽ പറയു​ന്നുണ്ട്‌. ഇതേ കാര്യം​ത​ന്നെ​യാ​ണു ബൈബിൾവി​വ​ര​ണ​ങ്ങ​ളി​ലും പറയു​ന്നത്‌. (2 രാജാ. 3:4, 5) ബൈബിൾ സത്യവും കൃത്യ​വും ആണെന്നു കാണി​ക്കുന്ന ഇത്തരം തെളി​വു​കൾ മക്കൾ സ്വന്തം കണ്ണാലെ കാണു​മ്പോൾ അവരുടെ വിശ്വാ​സം കൂടുതൽ ശക്തമാ​കും.—2 ദിനവൃ​ത്താ​ന്തം 9:6 താരത​മ്യം ചെയ്യുക.

7-8. (എ) പ്രകൃ​തി​യിൽ കാണുന്ന മനോ​ഹ​ര​മായ ഡി​സൈ​നു​ക​ളിൽനിന്ന്‌ നമുക്ക്‌ എന്തു പഠിക്കാം? (ചിത്ര​വും കാണുക.) (ബി) സ്രഷ്ടാ​വി​ലുള്ള വിശ്വാ​സം ശക്തമാ​ക്കാൻ കുട്ടി​കളെ ഏതു ചോദ്യ​ങ്ങൾ സഹായി​ക്കും?

⁷ സൃഷ്ടി​ക​ളെ​ക്കു​റിച്ച്‌ ചിന്തി​ക്കാൻ മക്കളെ പ്രോ​ത്സാ​ഹി​പ്പി​ക്കുക. ഒരു പാർക്കി​ലൂ​ടെ നടക്കു​മ്പോ​ഴോ പൂന്തോ​ട്ടം പരിപാ​ലി​ക്കു​മ്പോ​ഴോ പ്രകൃ​തി​യിൽ കാണുന്ന അതിശ​യി​പ്പി​ക്കുന്ന സൃഷ്ടികൾ മക്കളെ കാണി​ച്ചു​കൊ​ടു​ക്കാം. അങ്ങനെ ചെയ്യു​മ്പോൾ ഇതി​ന്റെ​യൊ​ക്കെ പിന്നിൽ ജ്ഞാനവും ബുദ്ധി​യും ഉള്ള ആരോ ഉണ്ടെന്നു അവർക്കു മനസ്സി​ലാ​കും. ഉദാഹ​ര​ണ​ത്തിന്‌, പ്രകൃ​തി​യി​ലെ പല സൃഷ്ടി​ക​ളി​ലും സർപ്പി​ളാ​കൃ​തി (Spiral pattern) കാണാം. ഗാലക്‌സി​ക​ളി​ലും ഒച്ചിന്റെ പുറം​തോ​ടി​ലും ചെടി​ക​ളി​ലെ ഇലകളു​ടെ ക്രമത്തി​ലും സൂര്യ​കാ​ന്തി​പ്പൂ​ക്ക​ളു​ടെ മധ്യഭാ​ഗ​ത്തും ഒക്കെ. a സർപ്പി​ളാ​കൃ​തി​യി​ലുള്ള ഘടനക​ളെ​ക്കു​റിച്ച്‌ ശാസ്‌ത്ര​ജ്ഞ​ന്മാർ വർഷങ്ങ​ളോ​ളം പഠനം നടത്തി​യി​ട്ടുണ്ട്‌. ഒരു ശാസ്‌ത്ര​ജ്ഞ​നായ നിക്കോ​ളാ ഫമൈലി പറയു​ന്ന​ത​നു​സ​രിച്ച്‌, പ്രകൃ​തി​യി​ലുള്ള ചില വസ്‌തു​ക്ക​ളി​ലെ സർപ്പിള ഡി​സൈ​നു​കൾക്ക്‌ ഒരു പ്രത്യേ​ക​ത​യുണ്ട്‌. അതിലെ സർപ്പി​ള​ങ്ങ​ളു​ടെ എണ്ണമെ​ടു​ത്താൽ കിട്ടു​ന്നത്‌ കേവലം ചില സംഖ്യ​കളല്ല, മറിച്ച്‌ ഫിബോ​നാ​ച്ചി ശ്രേണി b (Fibonacci sequence) എന്നു വിളി​ക്കുന്ന പ്രത്യേ​ക​ശ്രേ​ണി​യിൽപ്പെട്ട സംഖ്യ​ക​ളാ​യി​രി​ക്കും.

⁸ ഇനി നിങ്ങളു​ടെ കുട്ടി സ്‌കൂ​ളിൽവെച്ച്‌, പ്രകൃ​തി​യിൽ കാണുന്ന പലപല ഡി​സൈ​നു​ക​ളെ​യും ആകൃതി​ക​ളെ​യും കുറിച്ച്‌ കൂടു​ത​ലാ​യി പഠിക്കും. ഉദാഹ​ര​ണ​ത്തിന്‌, മിക്ക മരങ്ങളി​ലും ഒരേ ഡിസൈൻ ആവർത്തി​ച്ചു​വ​രു​ന്നതു കാണാം. വൃക്ഷത്തി​ന്റെ തടിയിൽനിന്ന്‌ ശാഖകൾ ഉണ്ടാകു​ന്നു. അതിൽനിന്ന്‌ ഉപശാ​ഖകൾ ഉണ്ടാകു​ന്നു. അതു ചെറു ചില്ലക​ളാ​യി പിരി​യു​ന്നു. ഇങ്ങനെ ആവർത്തി​ച്ചു​കാ​ണുന്ന ഡി​സൈ​നു​കളെ ഫ്രാക്ട​ലു​കൾ എന്നാണു വിളി​ക്കു​ന്നത്‌. ഇതു​പോ​ലുള്ള ഫ്രാക്ട​ലു​കൾ പ്രകൃ​തി​യി​ലുള്ള മറ്റു കാര്യ​ങ്ങ​ളി​ലും കാണാം. ആവർത്തി​ച്ചു​കാ​ണുന്ന ഈ ഡി​സൈ​നു​കൾക്കു പിന്നിൽ ആരാണ്‌? ഇത്ര ക്രമത്തിൽ ഇവയെ​ല്ലാം സൂക്ഷ്‌മ​ത​യോ​ടെ സൃഷ്ടി​ച്ചത്‌ ആരായി​രി​ക്കും? ഇത്തരം ചോദ്യ​ങ്ങ​ളെ​ക്കു​റിച്ച്‌ കുട്ടി എത്ര​ത്തോ​ളം ചിന്തി​ക്കു​ന്നോ അത്ര​ത്തോ​ളം ദൈവ​ത്തി​ലുള്ള അവന്റെ വിശ്വാ​സം ശക്തമാ​കാ​നുള്ള സാധ്യത കൂടു​ത​ലാണ്‌. (എബ്രാ. 3:4) ഇടയ്‌ക്കു കുട്ടി​ക​ളോട്‌ ഇങ്ങനെ ചോദി​ക്കാ​നാ​യേ​ക്കും: “നമ്മളെ സൃഷ്ടി​ച്ചതു ദൈവ​മാ​ണെ​ങ്കിൽ, നമ്മൾ സന്തോ​ഷ​ത്തോ​ടെ​യി​രി​ക്കാൻ എന്തു ചെയ്യണ​മെന്നു പറഞ്ഞു​ത​രാൻ ന്യായ​മാ​യും ദൈവ​ത്തി​നല്ലേ കഴിയു​ന്നത്‌?” എന്നിട്ട്‌ അതിനു​വേ​ണ്ടി​യാ​ണു ദൈവം ബൈബിൾ തന്നിരി​ക്കു​ന്ന​തെന്നു നിങ്ങൾക്കു പറഞ്ഞു​കൊ​ടു​ക്കാം.

ശരി​തെ​റ്റു​ക​ളെ​ക്കു​റി​ച്ചുള്ള ബൈബി​ളി​ന്റെ നിലവാ​ര​ങ്ങ​ളോട്‌ ആദരവ്‌ വളർത്താൻ സഹായി​ക്കു​ക

9. മക്കൾ ബൈബി​ളി​ന്റെ ധാർമി​ക​നി​ല​വാ​ര​ങ്ങളെ ചോദ്യം ചെയ്യു​ന്നത്‌ എന്തു​കൊ​ണ്ടാ​യി​രി​ക്കാം?

⁹ നിങ്ങളു​ടെ മക്കൾ ബൈബി​ളി​ന്റെ ധാർമി​ക​നി​ല​വാ​ര​ങ്ങളെ ചോദ്യം ചെയ്യു​ന്നെ​ങ്കിൽ, അതിനു പിന്നിലെ കാരണങ്ങൾ മനസ്സി​ലാ​ക്കാൻ ശ്രമി​ക്കുക. ബൈബി​ളി​ന്റെ നിലവാ​ര​ങ്ങ​ളോട്‌ യോജി​ക്കാൻ കഴിയാ​ത്ത​തു​കൊ​ണ്ടാ​ണോ അതോ ക്രിസ്‌തീ​യ​മൂ​ല്യ​ങ്ങ​ളെ​ക്കു​റിച്ച്‌ മറ്റുള്ള​വ​രോ​ടു വിശദീ​ക​രി​ക്കാൻ ബുദ്ധി​മു​ട്ടു​ള്ള​തു​കൊ​ണ്ടാ​ണോ  അവൻ ചോദ്യ​ങ്ങൾ ചോദി​ക്കു​ന്നത്‌? കാര്യം എന്തുത​ന്നെ​യാ​ണെ​ങ്കി​ലും ബൈബി​ളി​ന്റെ നിലവാ​ര​ങ്ങളെ ആദരി​ക്കാൻ മക്കളെ സഹായി​ക്കു​ന്ന​തി​നു നിങ്ങൾക്കു ജീവിതം ആസ്വദി​ക്കാം പുസ്‌തകം അവരോ​ടൊ​പ്പം പഠിക്കാം. c

10. യഹോ​വ​യു​മാ​യുള്ള വ്യക്തി​പ​ര​മായ ബന്ധത്തെ​ക്കു​റിച്ച്‌ ചിന്തി​ക്കാൻ നിങ്ങൾക്ക്‌ എങ്ങനെ കുട്ടിയെ സഹായി​ക്കാം?

¹⁰ യഹോ​വ​യു​മാ​യുള്ള വ്യക്തി​പ​ര​മായ ബന്ധം വിലമ​തി​ക്കാൻ മക്കളെ പ്രോ​ത്സാ​ഹി​പ്പി​ക്കുക. കുട്ടി​യോ​ടൊ​പ്പം ബൈബിൾ പഠിക്കു​മ്പോൾ ജീവിതം ആസ്വദി​ക്കാം പുസ്‌ത​ക​ത്തി​ലെ വീക്ഷണ​ചോ​ദ്യ​ങ്ങ​ളും ദൃഷ്ടാ​ന്ത​ങ്ങ​ളും ഒക്കെ ഉപയോ​ഗിച്ച്‌ അവന്റെ ചിന്തകൾ മനസ്സി​ലാ​ക്കാൻ ശ്രമി​ക്കുക. (സുഭാ. 20:5) ഉദാഹ​ര​ണ​ത്തിന്‌ 8-ാം പാഠത്തിൽ, നമ്മളെ സംരക്ഷി​ക്കു​ക​യും നമുക്കു പ്രയോ​ജനം ചെയ്യുന്ന നിർദേ​ശങ്ങൾ തരുക​യും ചെയ്യുന്ന നല്ലൊരു സുഹൃ​ത്താണ്‌ യഹോവ എന്നു പറഞ്ഞി​രി​ക്കു​ന്നു. അതിലെ 1 യോഹ​ന്നാൻ 5:3 ചർച്ച ചെയ്‌ത​ശേഷം നിങ്ങൾക്ക്‌ ഇങ്ങനെ ചോദി​ക്കാ​നാ​യേ​ക്കും: “യഹോവ നല്ലൊരു സുഹൃ​ത്താ​ണെ​ങ്കിൽ യഹോവ നമ്മളോ​ടു ചെയ്യാൻ പറയുന്ന കാര്യ​ങ്ങളെ നമ്മൾ എങ്ങനെ കാണണം?” അത്‌ ഒരു ചെറിയ ചോദ്യ​മാ​ണെന്നു തോന്നി​യേ​ക്കാം. എന്നാൽ അങ്ങനെ ചോദി​ക്കു​ന്നത്‌, ദൈവം വെക്കുന്ന നിയമ​ങ്ങളെ സ്‌നേ​ഹ​ത്തി​ന്റെ തെളി​വാ​യി കാണാൻ കുട്ടിയെ സഹായി​ച്ചേ​ക്കും.—യശ. 48:17, 18.

11. ബൈബിൾത​ത്ത്വ​ങ്ങൾ വിലമ​തി​ക്കാൻ നിങ്ങൾക്ക്‌ എങ്ങനെ മക്കളെ സഹായി​ക്കാം? (സുഭാ​ഷി​തങ്ങൾ 2:10, 11)

¹¹ ബൈബിൾത​ത്ത്വ​ങ്ങൾ അനുസ​രി​ക്കു​ന്നത്‌ എങ്ങനെ പ്രയോ​ജനം ചെയ്യു​മെന്നു ചർച്ച ചെയ്യുക. നിങ്ങൾ ഒരുമിച്ച്‌ ബൈബി​ളോ ദിനവാ​ക്യ​മോ വായി​ക്കു​മ്പോൾ ബൈബിൾത​ത്ത്വ​ങ്ങൾ അനുസ​രി​ച്ചതു നിങ്ങളു​ടെ കുടും​ബത്തെ എങ്ങനെ​യാ​ണു സഹായി​ച്ച​തെന്നു ചർച്ച ചെയ്യുക. ഉദാഹ​ര​ണ​ത്തിന്‌, കഠിനാ​ധ്വാ​നം ചെയ്യു​ന്ന​തി​ന്റെ​യും എപ്പോ​ഴും സത്യം സംസാ​രി​ക്കു​ന്ന​തി​ന്റെ​യും പ്രയോ​ജനം കുട്ടിക്ക്‌ അറിയാ​മോ? (എബ്രാ. 13:18) അതു​പോ​ലെ ബൈബിൾത​ത്ത്വ​ങ്ങൾ അനുസ​രി​ക്കു​ന്നതു നല്ല ആരോ​ഗ്യ​ത്തോ​ടി​രി​ക്കാ​നും സന്തോഷം കിട്ടാ​നും സഹായി​ക്കു​ന്നത്‌ എങ്ങനെ​യാ​ണെ​ന്നും പറഞ്ഞു​കൊ​ടു​ക്കാം. (സുഭാ. 14:29, 30) ഇതു​പോ​ലുള്ള തത്ത്വങ്ങ​ളെ​ക്കു​റിച്ച്‌ സംസാ​രി​ക്കു​ന്നതു ബൈബി​ളിൽ അടങ്ങി​യി​രി​ക്കുന്ന ഉപദേ​ശ​ങ്ങളെ കൂടുതൽ വിലമ​തി​ക്കാൻ മക്കളെ സഹായി​ക്കും.—സുഭാ​ഷി​തങ്ങൾ 2:10, 11 വായി​ക്കുക.

12. ബൈബിൾത​ത്ത്വ​ങ്ങ​ളു​ടെ മൂല്യം വിലമ​തി​ക്കാൻ സ്റ്റീവും ഭാര്യ​യും എങ്ങനെ​യാ​ണു തന്റെ മകനെ സഹായി​ക്കു​ന്നത്‌?

¹² ഫ്രാൻസി​ലുള്ള സ്റ്റീവും ഭാര്യ​യും കൗമാ​ര​ത്തി​ലുള്ള തന്റെ മകനായ ഏഥനെ യഹോ​വ​യു​ടെ നിയമ​ങ്ങൾക്കു പിന്നിലെ സ്‌നേഹം മനസ്സി​ലാ​ക്കാൻ എപ്പോ​ഴും സഹായി​ക്കും. അതെക്കു​റിച്ച്‌ സ്റ്റീവ്‌ പറയുന്നു: “ഞങ്ങൾ അവനോട്‌ ഇങ്ങനെ​യുള്ള ചോദ്യ​ങ്ങ​ളൊ​ക്കെ ചോദി​ക്കും: ‘ഈ തത്ത്വം അനുസ​രി​ക്കാൻ യഹോവ എന്തു​കൊ​ണ്ടാ​യി​രി​ക്കും പ്രതീ​ക്ഷി​ക്കു​ന്നത്‌? യഹോവ നമ്മളെ സ്‌നേ​ഹി​ക്കു​ന്നു​ണ്ടെന്ന്‌ ഇതു കാണി​ക്കു​ന്നത്‌ എങ്ങനെ​യാണ്‌? നമ്മൾ ആ തത്ത്വം അനുസ​രി​ച്ചി​ല്ലെ​ങ്കിൽ എന്തു സംഭവി​ക്കും?’” ഇത്തരം സംഭാ​ഷ​ണങ്ങൾ, യഹോ​വ​യു​ടെ നിലവാ​രങ്ങൾ ശരിയാ​ണെന്ന്‌ ഉറച്ചു​വി​ശ്വ​സി​ക്കാൻ ഏഥനെ സഹായി​ച്ചു. “മനുഷ്യ​രു​ടെ ജ്ഞാന​ത്തെ​ക്കാൾ എത്രയോ ഉയർന്ന​താ​ണു ബൈബി​ളി​ന്റെ ജ്ഞാനം എന്നു മനസ്സി​ലാ​ക്കാൻ ഏഥനെ സഹായി​ക്കുക എന്നതാണു ഞങ്ങളുടെ ലക്ഷ്യം.”

13. ബൈബിൾത​ത്ത്വ​ങ്ങൾ അനുസ​രി​ക്കാൻ മാതാ​പി​താ​ക്കൾക്ക്‌ എങ്ങനെ മക്കളെ പരിശീ​ലി​പ്പി​ക്കാം എന്നതിന്‌ ഒരു ഉദാഹ​രണം പറയുക.

¹³ ബൈബിൾത​ത്ത്വ​ങ്ങൾ അനുസ​രി​ക്കാൻ മക്കളെ പരിശീ​ലി​പ്പി​ക്കുക. ഉദാഹ​ര​ണ​ത്തിന്‌, നിങ്ങളു​ടെ മക്കൾക്കു സ്‌കൂ​ളി​ലെ ഒരു പ്രോ​ജ​ക്ടി​ന്റെ ഭാഗമാ​യി ഏതെങ്കി​ലും ഒരു കഥയോ നോവ​ലോ വായി​ക്കേ​ണ്ടി​വ​ന്നേ​ക്കാം. ചില​പ്പോൾ ആ പുസ്‌ത​ക​ത്തി​ലെ കഥാപാ​ത്രങ്ങൾ, യഹോവ തെറ്റെന്നു പറയുന്ന കാര്യങ്ങൾ ചെയ്യു​ന്ന​വ​രാ​യി​രി​ക്കും. അതായത്‌, ലൈം​ഗിക അധാർമി​ക​ത​യോ അക്രമ​മോ പോലുള്ള കാര്യങ്ങൾ. എന്നാൽ അത്തരം കാര്യങ്ങൾ വലിയ തെറ്റൊ​ന്നു​മല്ല എന്നു തോന്നി​പ്പി​ക്കുന്ന രീതി​യി​ലാ​യി​രി​ക്കും ആ പുസ്‌തകം എഴുതി​യി​രി​ക്കു​ന്നത്‌. ആ പ്രവൃ​ത്തി​കളെ ബൈബിൾത​ത്ത്വ​ങ്ങ​ളു​ടെ അടിസ്ഥാ​ന​ത്തിൽ വിലയി​രു​ത്താൻ നിങ്ങൾക്കു മക്കളെ പ്രോ​ത്സാ​ഹി​പ്പി​ക്കാം. (സുഭാ. 22:24, 25; 1 കൊരി. 15:33; ഫിലി. 4:8) അപ്പോൾ, പ്രോ​ജ​ക്ടി​ന്റെ ഭാഗം ക്ലാസ്സിൽ ചർച്ച ചെയ്യുന്ന സമയത്ത്‌, ടീച്ചർക്കും കുട്ടി​കൾക്കും നല്ലൊരു സാക്ഷ്യം കൊടു​ക്കാൻ അത്‌ അവനെ സഹായി​ച്ചേ​ക്കും.

തന്റെ വിശ്വാ​സ​ങ്ങ​ളെ​ക്കു​റിച്ച്‌ മറ്റുള്ള​വ​രോ​ടു വിശദീ​ക​രി​ക്കാൻ മക്കളെ പരിശീ​ലി​പ്പി​ക്കുക

14. ചെറു​പ്പ​ക്കാ​രായ ക്രിസ്‌ത്യാ​നി​കൾക്ക്‌ ഏതു വിഷയ​ത്തെ​ക്കു​റിച്ച്‌ മറ്റുള്ള​വ​രോ​ടു സംസാ​രി​ക്കാൻ ബുദ്ധി​മുട്ട്‌ തോന്നി​യേ​ക്കാം, എന്തു​കൊണ്ട്‌?

¹⁴ ചില​പ്പോ​ഴൊ​ക്കെ വിശ്വാ​സ​ങ്ങ​ളെ​ക്കു​റിച്ച്‌ മറ്റുള്ള​വ​രോ​ടു പറയാൻ ചെറു​പ്പ​ക്കാ​രായ ക്രിസ്‌ത്യാ​നി​കൾക്ക്‌ ഒരു പേടി​യു​ണ്ടാ​യി​രി​ക്കും. ഉദാഹ​ര​ണ​ത്തിന്‌,  പരിണാ​മ​ത്തിൽ വിശ്വ​സി​ക്കാ​ത്ത​തി​ന്റെ കാരണ​ത്തെ​ക്കു​റിച്ച്‌ മറ്റുള്ള​വ​രോ​ടു വിശദീ​ക​രി​ക്കാൻ അവർക്കു ധൈര്യ​ക്കു​റവ്‌ തോന്നി​യേ​ക്കാം. കാരണം, തെളി​യി​ക്ക​പ്പെട്ട ഒരു വസ്‌തു​ത​യാ​യി​ട്ടാ​യി​രി​ക്കും അധ്യാ​പകർ പരിണാ​മ​ത്തെ​ക്കു​റിച്ച്‌ പഠിപ്പി​ക്കു​ന്നത്‌. അതു​കൊണ്ട്‌ ധൈര്യ​ത്തോ​ടെ തന്റെ വിശ്വാ​സ​ത്തിൽ ഉറച്ചു​നിൽക്കാൻ മാതാ​പി​താ​ക്കൾക്ക്‌ മക്കളെ എങ്ങനെ സഹായി​ക്കാം?

15. താൻ വിശ്വ​സി​ക്കുന്ന കാര്യ​ത്തിൽ ശക്തമായ ബോധ്യ​മു​ണ്ടാ​യി​രി​ക്കാൻ ചെറു​പ്പ​ക്കാ​രായ ക്രിസ്‌ത്യാ​നി​കളെ എന്തു സഹായി​ക്കും?

¹⁵ താൻ വിശ്വ​സി​ക്കുന്ന കാര്യ​ത്തിൽ ശക്തമായ ബോധ്യ​മു​ണ്ടാ​യി​രി​ക്കാൻ മക്കളെ സഹായി​ക്കുക. സൃഷ്ടി​യെ​ക്കു​റി​ച്ചുള്ള സത്യം അറിയാം എന്നതു​കൊണ്ട്‌ നിങ്ങളു​ടെ മക്കൾക്കു നാണ​ക്കേടു തോ​ന്നേ​ണ്ട​തില്ല. (2 തിമൊ. 1:8) എന്തു​കൊണ്ട്‌? ജീവൻ യാദൃ​ശ്ചി​ക​മാ​യോ പെട്ടെ​ന്നോ ഉണ്ടായ​താ​ണെന്നു പല ശാസ്‌ത്ര​ജ്ഞ​ന്മാ​രും വിശ്വ​സി​ക്കു​ന്നില്ല എന്നതാണു വസ്‌തുത. ബുദ്ധി​ശ​ക്തി​യുള്ള ആരോ സൃഷ്ടിച്ച സങ്കീർണ​ത​യുള്ള ഒന്നാണു ജീവൻ എന്ന്‌ ഈ ശാസ്‌ത്ര​ജ്ഞ​ന്മാർ മനസ്സി​ലാ​ക്കു​ന്നു. അതു​കൊ​ണ്ടു​തന്നെ ലോക​മെ​ങ്ങു​മുള്ള സ്‌കൂ​ളു​ക​ളിൽ പഠിപ്പി​ക്കുന്ന ഈ പരിണാ​മ​സി​ദ്ധാ​ന്ത​ത്തോട്‌ അവർ യോജി​ക്കു​ന്നില്ല. ജീവൻ സൃഷ്ടി​ക്ക​പ്പെ​ട്ട​താണ്‌ എന്നു വിശ്വ​സി​ക്കാൻ മറ്റു സഹോ​ദ​ര​ങ്ങളെ പ്രേരി​പ്പിച്ച കാരണ​ങ്ങ​ളെ​ക്കു​റിച്ച്‌ ചിന്തി​ക്കു​ന്നതു മക്കളുടെ ബോധ്യം കൂടുതൽ ശക്തമാ​ക്കും. d

16. സ്രഷ്ടാ​വി​ലുള്ള വിശ്വാ​സ​ത്തെ​ക്കു​റിച്ച്‌ മറ്റുള്ള​വ​രോ​ടു വിശദീ​ക​രി​ക്കാൻ മാതാ​പി​താ​ക്കൾക്ക്‌ എങ്ങനെ മക്കളെ സഹായി​ക്കാം? (1 പത്രോസ്‌ 3:15) (ചിത്ര​വും കാണുക.)

¹⁶ സ്രഷ്ടാ​വി​ലുള്ള വിശ്വാ​സ​ത്തെ​ക്കു​റിച്ച്‌ മറ്റുള്ള​വ​രോ​ടു വിശദീ​ക​രി​ക്കാൻ മക്കളെ പരിശീ​ലി​പ്പി​ക്കുക. (1 പത്രോസ്‌ 3:15 വായി​ക്കുക.) ഇതെക്കു​റിച്ച്‌ പറയുന്ന ലേഖനങ്ങൾ ഒരുമിച്ച്‌ ചർച്ച ചെയ്യു​ന്നതു നിങ്ങൾക്ക്‌ ഒരു സഹായ​മാ​യി​രി​ക്കും. ഉദാഹ​ര​ണ​ത്തിന്‌, jw.org-ൽ “യുവജ​നങ്ങൾ ചോദി​ക്കു​ന്നു—സൃഷ്ടി​യോ പരിണാ​മ​മോ?” എന്നു സെർച്ച്‌ ചെയ്യാം. ആ ലേഖന​പ​ര​മ്പ​ര​യിൽനിന്ന്‌ ഒരു സ്രഷ്ടാ​വു​ണ്ടെന്നു വിശ്വ​സി​ക്കാൻ മറ്റുള്ള​വരെ സഹായി​ക്കു​മെന്നു തോന്നുന്ന ഒരു വിശദീ​ക​രണം മക്കൾക്കു തിര​ഞ്ഞെ​ടു​ക്കാം. എന്നിട്ട്‌ അത്‌ അവരോ​ടൊ​പ്പം പരിശീ​ലി​ക്കുക. ഇക്കാര്യ​ത്തിൽ കൂട്ടു​കാ​രു​മാ​യി തർക്കി​ക്ക​രു​തെന്ന്‌ അവനെ ഓർമി​പ്പി​ക്കാം. ഈ വിഷയ​ത്തെ​ക്കു​റിച്ച്‌ സംസാ​രി​ക്കാൻ ഇഷ്ടമു​ള്ള​വ​രോ​ടു ലളിത​മാ​യി, യുക്തിക്കു നിരക്കുന്ന രീതി​യിൽ കാര്യങ്ങൾ അവതരി​പ്പി​ക്കാൻ അവനെ പ്രോ​ത്സാ​ഹി​പ്പി​ക്കാ​നാ​കും. ഉദാഹ​ര​ണ​ത്തിന്‌, സ്‌കൂ​ളി​ലുള്ള ഒരു കുട്ടി ഇങ്ങനെ പറഞ്ഞേ​ക്കാം: “ഞാൻ കാണുന്ന കാര്യങ്ങൾ മാത്രമേ വിശ്വ​സി​ക്കു​ക​യു​ള്ളൂ. ദൈവത്തെ ഞാൻ ഇതുവരെ കണ്ടിട്ടില്ല.” അപ്പോൾ നിങ്ങളു​ടെ മക്കൾക്ക്‌ ഇങ്ങനെ മറുപടി പറയാ​നാ​കു​മോ: “മനുഷ്യ​രൊ​ന്നും അടുത്തി​ല്ലാത്ത ദൂരെ​യുള്ള ഒരു കാട്ടി​ലൂ​ടെ നിങ്ങൾ നടക്കു​ക​യാ​ണെന്നു വിചാ​രി​ക്കുക. അപ്പോ​ഴാ​ണു കല്ലു​കൊണ്ട്‌ നല്ല ഭംഗി​യാ​യി കെട്ടിയ ഒരു കിണർ കാണു​ന്നത്‌. നിങ്ങൾ എന്തു നിഗമ​ന​ത്തി​ലെ​ത്തും? ആ കിണർ ആരോ നിർമി​ച്ച​താ​ണെന്നു നിങ്ങൾ മനസ്സി​ലാ​ക്കും. അങ്ങനെ​യെ​ങ്കിൽ ഈ പ്രപഞ്ച​ത്തി​ന്റെ​യും അതിൽ കാണുന്ന ജീവനുള്ള എല്ലാത്തി​ന്റെ​യും കാര്യ​ത്തിൽ അതു സത്യമല്ലേ?”

17. ബൈബിൾസ​ത്യ​ങ്ങ​ളെ​ക്കു​റിച്ച്‌ മറ്റുള്ള​വ​രോ​ടു പറയാ​നുള്ള വഴികൾ കണ്ടെത്താൻ മക്കളെ എങ്ങനെ പ്രോ​ത്സാ​ഹി​പ്പി​ക്കാം? സ്‌കൂ​ളി​ലെ കുട്ടി​യോട്‌ അത്തരത്തിൽ ഒരു സത്യം വിശദീ​ക​രി​ക്കു​ന്ന​തി​ന്റെ ഉദാഹ​രണം പറയുക.

 ¹⁷ ബൈബിൾസ​ത്യ​ങ്ങ​ളെ​ക്കു​റിച്ച്‌ മറ്റുള്ള​വ​രോ​ടു പറയാ​നുള്ള വഴികൾ കണ്ടെത്താൻ മക്കളെ പ്രോ​ത്സാ​ഹി​പ്പി​ക്കുക. (റോമ. 10:10) തന്റെ വിശ്വാ​സ​ത്തെ​ക്കു​റിച്ച്‌ മറ്റുള്ള​വ​രോ​ടു പറയാൻ കുട്ടി ചെയ്യുന്ന ശ്രമങ്ങൾ ഒരു സംഗീ​തോ​പ​ക​രണം വായി​ക്കാൻ പഠിക്കു​ന്ന​തു​പോ​ലെ​യാ​ണെന്ന്‌ അവനോ​ടു പറയാം. ആദ്യം ലളിത​മായ പാട്ടു​ക​ളാ​യി​രി​ക്കും ഒരാൾ പരിശീ​ലി​ക്കു​ന്നത്‌. കാലങ്ങൾകൊണ്ട്‌ സംഗീ​തോ​പ​ക​രണം വായി​ക്കു​ന്നത്‌ എളുപ്പ​മാ​കും. അതു​പോ​ലെ തന്റെ വിശ്വാ​സ​ത്തെ​ക്കു​റിച്ച്‌ മറ്റുള്ള​വ​രോ​ടു പറയാൻ മക്കൾക്ക്‌ ആദ്യം ലളിത​മായ രീതി പരീക്ഷി​ക്കാം. ഉദാഹ​ര​ണ​ത്തിന്‌, സ്‌കൂ​ളി​ലുള്ള ഒരു കുട്ടി​യോട്‌ അവന്‌ ഇങ്ങനെ ചോദി​ക്കാം: “പ്രകൃ​തി​യിൽ കാണു​ന്നതു പകർത്തി​ക്കൊ​ണ്ടാണ്‌ എഞ്ചിനീ​യർമാർ പലതും ഉണ്ടാക്കു​ന്ന​തെന്നു നിങ്ങൾക്ക്‌ അറിയാ​മോ? ഞാൻ നല്ലൊരു വീഡി​യോ കാണി​ക്കട്ടേ?” ആരുടെ കരവി​രുത്‌? എന്ന പരമ്പര​യി​ലെ ഒരു വീഡി​യോ കാണി​ച്ചിട്ട്‌ അവന്‌ ഇങ്ങനെ പറയാം: “പ്രകൃ​തി​യിൽനിന്ന്‌ പകർത്തിയ കാര്യ​ങ്ങൾക്കുള്ള ബഹുമതി ശാസ്‌ത്ര​ജ്ഞ​ന്മാർക്കു കിട്ടു​ന്നു​ണ്ടെ​ങ്കിൽ ഒറിജി​ന​ലി​ന്റെ ബഹുമതി കിട്ടേ​ണ്ടത്‌ ആർക്കാണ്‌?” ഇതു​പോ​ലുള്ള ലളിത​മായ രീതി പരീക്ഷി​ച്ചാൽത്തന്നെ സഹപാ​ഠി​യു​ടെ താത്‌പ​ര്യം ഉണർത്താൻ കഴി​ഞ്ഞേ​ക്കും. അങ്ങനെ ആ സഹപാ​ഠി​ക്കു കൂടുതൽ പഠിക്കാൻ ആഗ്രഹം തോന്നി​യേ​ക്കാം.

വിശ്വാ​സം ശക്തമാ​ക്കാൻ മക്കളെ സഹായി​ക്കു​ന്ന​തിൽ തുടരുക

18. ദൈവ​ത്തി​ലുള്ള വിശ്വാ​സം ശക്തമാ​ക്കാൻ മാതാ​പി​താ​ക്കൾക്ക്‌ എങ്ങനെ മക്കളെ തുടർന്നും സഹായി​ക്കാം?

¹⁸ യഹോ​വ​യിൽ വിശ്വാ​സ​മി​ല്ലാത്ത ആളുക​ളു​ടെ ചുറ്റു​മാ​ണു നമ്മൾ ഇന്നു ജീവി​ക്കു​ന്നത്‌. (2 പത്രോ. 3:3) അതു​കൊണ്ട്‌ മാതാ​പി​താ​ക്കളേ, മക്കളോ​ടൊ​പ്പം ബൈബിൾ പഠിക്കു​മ്പോൾ ബൈബി​ളി​നെ​യും ബൈബി​ളി​ന്റെ നിലവാ​ര​ങ്ങ​ളെ​യും ആദരി​ക്കാൻ സഹായി​ക്കുന്ന വിഷയങ്ങൾ ഗവേഷണം ചെയ്യാൻ മക്കളെ പ്രോ​ത്സാ​ഹി​പ്പി​ക്കുക. യഹോ​വ​യു​ടെ സൃഷ്ടി​ക​ളെ​ക്കു​റിച്ച്‌ സംസാ​രി​ച്ചു​കൊണ്ട്‌ ചിന്താ​പ്രാ​പ്‌തി വർധി​പ്പി​ക്കാ​നും യഹോ​വ​യി​ലുള്ള വിശ്വാ​സം ശക്തമാ​ക്കാ​നും മക്കളെ സഹായി​ക്കുക. ഇതി​നോ​ടകം നിറ​വേ​റിയ ബൈബിൾപ്ര​വ​ച​ന​ങ്ങ​ളെ​ക്കു​റിച്ച്‌ ചിന്തി​ക്കാൻ അവരെ പ്രോ​ത്സാ​ഹി​പ്പി​ക്കുക. ഏറ്റവും പ്രധാ​ന​മാ​യി, മക്കളോ​ടൊ​പ്പ​വും മക്കൾക്കു​വേ​ണ്ടി​യും പ്രാർഥി​ക്കുക. അങ്ങനെ ചെയ്യു​മ്പോൾ അവരുടെ വിശ്വാ​സം ശക്തമാ​ക്കാൻ നിങ്ങൾ ചെയ്യുന്ന എല്ലാ ശ്രമങ്ങ​ളെ​യും യഹോവ അനു​ഗ്ര​ഹി​ക്കു​മെന്ന്‌ ഉറപ്പു​ണ്ടാ​യി​രി​ക്കാം.—2 ദിന. 15:7.