1-2. കൊടു​ക്കു​മ്പോൾ കൂടുതൽ സന്തോഷം കിട്ടുന്ന വിധത്തിൽ യഹോവ നമ്മളെ സൃഷ്ടി​ച്ച​തു​കൊണ്ട്‌ നമുക്ക്‌ എന്തു പ്രയോ​ജ​ന​മാ​ണു​ള്ളത്‌?

 യഹോവ മനുഷ്യ​രെ ഒരു പ്രത്യേ​ക​വി​ധ​ത്തി​ലാ​ണു സൃഷ്ടി​ച്ചത്‌; മറ്റുള്ള​വർക്ക്‌ എന്തെങ്കി​ലും കൊടു​ക്കു​മ്പോ​ഴോ അവർക്കു​വേണ്ടി എന്തെങ്കി​ലും ചെയ്യു​മ്പോ​ഴോ ഒക്കെ സന്തോഷം കിട്ടുന്ന വിധത്തിൽ. (പ്രവൃ. 20:35) അതിന്റെ അർഥം നമുക്ക്‌ എന്തെങ്കി​ലും കിട്ടു​മ്പോൾ സന്തോഷം തോന്നില്ല എന്നാണോ? അല്ല. ഒരു സമ്മാനം കിട്ടു​മ്പോൾ നമു​ക്കെ​ല്ലാം സന്തോഷം തോന്നാ​റുണ്ട്‌. പക്ഷേ, മറ്റുള്ള​വർക്ക്‌ കൊടു​ക്കു​മ്പോൾ നമുക്കു കിട്ടുന്ന സന്തോഷം അതിലും വലുതാണ്‌. ശരിക്കും പറഞ്ഞാൽ നമ്മുടെ പ്രയോ​ജ​ന​ത്തി​നു​വേ​ണ്ടി​യാണ്‌ യഹോവ നമ്മളെ ഈ വിധത്തിൽ സൃഷ്ടി​ച്ചത്‌. എന്തു​കൊ​ണ്ടാണ്‌ അങ്ങനെ പറയു​ന്നത്‌?

² യഹോവ നമ്മളെ ഈ വിധത്തിൽ സൃഷ്ടി​ച്ച​തു​കൊണ്ട്‌ നമുക്കു​തന്നെ നമ്മുടെ സന്തോഷം കൂട്ടാൻ കഴിയും. അതു​കൊണ്ട്‌ കൂടുതൽ സന്തോഷം കിട്ടണ​മെ​ങ്കിൽ മറ്റുള്ള​വർക്ക്‌ എന്തെങ്കി​ലും കൊടു​ക്കാ​നാ​കുന്ന അവസരങ്ങൾ കണ്ടെത്തി​യാൽ മതി. ഈ കഴി​വോ​ടെ ദൈവം മനുഷ്യ​രെ സൃഷ്ടി​ച്ചി​രി​ക്കു​ന്നത്‌ അതിശ​യി​പ്പി​ക്കുന്ന ഒരു കാര്യ​മല്ലേ?—സങ്കീ. 139:14.

3. എന്തു​കൊ​ണ്ടാണ്‌ യഹോ​വയെ “സന്തോ​ഷ​മുള്ള ദൈവം” എന്നു വിളി​ക്കാ​നാ​കു​ന്നത്‌?

³ കൊടു​ക്കു​മ്പോൾ സന്തോഷം കിട്ടു​മെന്നു തിരു​വെ​ഴു​ത്തു​കൾ ഉറപ്പു​ത​രു​ന്നു. യഹോ​വയെ ബൈബിൾ “സന്തോ​ഷ​മുള്ള ദൈവം” എന്നു വിളി​ച്ചി​രി​ക്കു​ന്ന​തിൽ നമുക്ക്‌ അത്ഭുത​മില്ല. (1 തിമൊ. 1:11) കാരണം മറ്റുള്ള​വർക്ക്‌ എന്തെങ്കി​ലും ആദ്യമാ​യി കൊടു​ത്തത്‌ യഹോ​വ​യാണ്‌. മാത്രമല്ല യഹോവ കൊടു​ക്കു​ന്ന​തു​പോ​ലെ കൊടു​ക്കാൻ മറ്റാർക്കും കഴിയില്ല. ദൈവം കാരണ​മാണ്‌ “നമ്മൾ ജീവി​ക്കു​ക​യും ചലിക്കു​ക​യും നിലനിൽക്കു​ക​യും ചെയ്യു​ന്നത്‌” എന്ന്‌ അപ്പോ​സ്‌ത​ല​നായ പൗലോസ്‌ പറഞ്ഞു. (പ്രവൃ. 17:28) ശരിക്കും, “എല്ലാ നല്ല ദാനങ്ങ​ളും തികവുറ്റ സമ്മാന​ങ്ങ​ളും” യഹോ​വ​യിൽനി​ന്നാണ്‌ വരുന്നത്‌.—യാക്കോ. 1:17.

4. കൂടുതൽ സന്തോ​ഷ​മു​ള്ള​വ​രാ​യി​രി​ക്കാൻ നമ്മളെ എന്തു സഹായി​ക്കും?

⁴ കൊടു​ക്കു​ന്ന​തി​ന്റെ സന്തോഷം ആസ്വദി​ക്കാൻ നമ്മളെ​ല്ലാം ആഗ്രഹി​ക്കു​ന്നു.  യഹോ​വ​യു​ടെ ഉദാരത അനുക​രി​ക്കു​ന്നെ​ങ്കിൽ നമുക്ക്‌ ആ സന്തോഷം കൂട്ടാൻ കഴിയും. (എഫെ. 5:1) അത്‌ എങ്ങനെ ചെയ്യാ​മെന്നു നമ്മൾ പഠിക്കും. കൂടാതെ നമ്മൾ എന്തെങ്കി​ലും ചെയ്‌തു​കൊ​ടു​ത്തിട്ട്‌ ചിലർ നന്ദി കാണി​ക്കു​ന്നി​ല്ലെന്നു തോന്നു​ന്നെ​ങ്കിൽ നമുക്ക്‌ എന്ത്‌ ചെയ്യാ​നാ​കും എന്നും കാണും. കൊടു​ക്കു​ന്ന​തി​ന്റെ സന്തോഷം നിലനി​റു​ത്താ​നും വർധി​പ്പി​ക്കാ​നും ഈ പഠനം നമ്മളെ സഹായി​ക്കും.

യഹോ​വ​യു​ടെ ഉദാരത അനുക​രി​ക്കു​ക

5. യഹോവ നമുക്കു തരുന്ന ചില കാര്യങ്ങൾ എന്തെല്ലാ​മാണ്‌?

⁵ യഹോവ സന്തോ​ഷ​ത്തോ​ടെ, ഉദാര​മാ​യി നമുക്കു തരുന്ന ചില കാര്യങ്ങൾ എന്തൊ​ക്കെ​യാണ്‌? ചിലതു നോക്കാം. യഹോവ നമുക്കു ജീവി​ക്കാൻ ആവശ്യ​മായ കാര്യങ്ങൾ തരുന്നു. നമുക്ക്‌ എല്ലാ സുഖസൗ​ക​ര്യ​ങ്ങ​ളോ​ടും കൂടിയ ഒരു ജീവിതം നയിക്കാൻ കഴിഞ്ഞി​ല്ലെ​ങ്കി​ലും നമുക്ക്‌ ആവശ്യ​മായ കാര്യങ്ങൾ ഉണ്ടെന്ന്‌ യഹോവ എപ്പോ​ഴും ഉറപ്പു​വ​രു​ത്തും; ഉദാഹ​ര​ണ​ത്തിന്‌, ഭക്ഷണവും വസ്‌ത്ര​വും താമസി​ക്കാൻ ഒരിട​വും പോലുള്ള കാര്യങ്ങൾ. (സങ്കീ. 4:8; മത്താ. 6:31-33; 1 തിമൊ. 6:6-8) യഹോവ ഇതെല്ലാം ചെയ്യു​ന്നത്‌ അതു തന്റെ കടമയാ​യ​തു​കൊണ്ട്‌ മാത്ര​മാ​ണോ? ഒരിക്ക​ലും അല്ല! പിന്നെ എന്തു​കൊ​ണ്ടാണ്‌?

6. മത്തായി 6:25, 26-ൽനിന്ന്‌ നമ്മൾ എന്താണു പഠിക്കു​ന്നത്‌?

⁶ യഹോവ നമ്മളെ സ്‌നേ​ഹി​ക്കു​ന്ന​തു​കൊ​ണ്ടാണ്‌ നമ്മുടെ ഭൗതി​കാ​വ​ശ്യ​ങ്ങൾക്കാ​യി കരുതു​ന്നത്‌. മത്തായി 6:25, 26-ൽ (വായി​ക്കുക.) കാണുന്ന യേശു​വി​ന്റെ വാക്കുകൾ നോക്കുക. യേശു പക്ഷിക​ളു​ടെ ദൃഷ്ടാന്തം ഉപയോ​ഗി​ച്ചു​കൊണ്ട്‌ ഇങ്ങനെ പറഞ്ഞു: “അവ വിതയ്‌ക്കു​ന്നില്ല, കൊയ്യു​ന്നില്ല, സംഭര​ണ​ശാ​ല​ക​ളിൽ കൂട്ടി​വെ​ക്കു​ന്നു​മില്ല.” എന്നിട്ട്‌ യേശു പറഞ്ഞ വാക്കുകൾ ശ്രദ്ധി​ക്കുക: “നിങ്ങളു​ടെ സ്വർഗീ​യ​പി​താവ്‌ അവയെ പോറ്റു​ന്നു.” തുടർന്ന്‌ യേശു ചോദി​ച്ചു: “അവയെ​ക്കാൾ വില​പ്പെ​ട്ട​വ​രല്ലേ നിങ്ങൾ?” എന്താണു പാഠം? തന്റെ വിശ്വ​സ്‌ത​ദാ​സരെ മറ്റു ജീവജാ​ല​ങ്ങ​ളെ​ക്കാൾ വളരെ വില​പ്പെ​ട്ട​താ​യാണ്‌ യഹോവ കാണു​ന്നത്‌. യഹോവ അവയ്‌ക്കു​വേണ്ടി കരുതു​മെ​ങ്കിൽ നമുക്കു​വേ​ണ്ടി​യും കരുതു​മെന്ന കാര്യ​ത്തിൽ ഒട്ടും സംശയം വേണ്ട! ഒരു അപ്പൻ തന്റെ കുടും​ബ​ത്തി​നു​വേണ്ടി കരുതു​ന്ന​തു​പോ​ലെ യഹോ​വ​യും തന്റെ കുടും​ബ​ത്തി​നു​വേണ്ടി സ്‌നേ​ഹ​ത്തോ​ടെ കരുതും.—സങ്കീ. 145:16; മത്താ. 6:32.

7. യഹോ​വ​യു​ടെ ഉദാരത നമുക്ക്‌ അനുക​രി​ക്കാൻ കഴിയുന്ന ഒരു വിധം ഏതാണ്‌? (ചിത്ര​വും കാണുക.)

⁷ യഹോ​വ​യെ​പ്പോ​ലെ നമുക്കും സ്‌നേ​ഹ​ത്തോ​ടെ മറ്റുള്ള​വരെ ഭൗതി​ക​മാ​യി സഹായി​ക്കാ​നാ​കും. ഉദാഹ​ര​ണ​ത്തിന്‌, ഭക്ഷണമോ വസ്‌ത്ര​മോ ആവശ്യ​മുള്ള ഏതെങ്കി​ലും സഹോ​ദ​ര​ങ്ങളെ നിങ്ങൾക്ക്‌ അറിയാ​മോ? അവരുടെ അപ്പോ​ഴത്തെ ആവശ്യം നടത്തി​ക്കൊ​ടു​ക്കാൻ യഹോ​വ​യ്‌ക്കു നിങ്ങളെ ഉപയോ​ഗി​ക്കാ​നാ​കും. എന്തെങ്കി​ലും ദുരന്ത​ങ്ങ​ളു​ണ്ടാ​കുന്ന സമയത്ത്‌ മറ്റുള്ള​വരെ ഉദാര​മാ​യി സഹായി​ക്കുന്ന കാര്യ​ത്തിൽ യഹോ​വ​യു​ടെ ജനം നല്ലൊരു മാതൃ​ക​യാണ്‌. ഉദാഹ​ര​ണ​ത്തിന്‌, കോവിഡ്‌-19 മഹാമാ​രി​യു​ടെ സമയത്ത്‌ സഹോ​ദ​രങ്ങൾ അവർക്കു​ണ്ടാ​യി​രുന്ന ഭക്ഷണവും വസ്‌ത്ര​വും മറ്റു വസ്‌തു​ക്ക​ളും ആവശ്യ​മു​ണ്ടാ​യി​രു​ന്ന​വ​രു​മാ​യി പങ്കു​വെച്ചു. ഒരുപാ​ടു പേർ ലോക​വ്യാ​പക പ്രവർത്ത​ന​ത്തി​ലേക്കു സംഭാ​വ​നകൾ നൽകി. അതു  ദുരി​താ​ശ്വാ​സ പ്രവർത്ത​ന​ങ്ങൾക്ക്‌ ഒരു സഹായ​മാ​യി. ആ സഹോ​ദ​ര​ങ്ങ​ളെ​ല്ലാം എബ്രായർ 13:16-ലെ ഈ വാക്കു​കൾക്കു ചേർച്ച​യിൽ പ്രവർത്തി​ക്കു​ക​യാ​യി​രു​ന്നു: “നന്മ ചെയ്യാ​നും നിങ്ങൾക്കു​ള്ളതു മറ്റുള്ള​വ​രു​മാ​യി പങ്കു​വെ​ക്കാ​നും മറക്കരുത്‌. അങ്ങനെ​യുള്ള ബലിക​ളി​ലാ​ണു ദൈവം പ്രസാ​ദി​ക്കു​ന്നത്‌.”

8. യഹോവ ശക്തി തന്നു​കൊണ്ട്‌ നമ്മളെ സഹായി​ക്കു​ന്നത്‌ എങ്ങനെ​യെ​ല്ലാ​മാണ്‌? (ഫിലി​പ്പി​യർ 2:13)

⁸ യഹോവ നമുക്കു ശക്തി തരുന്നു. നമുക്ക്‌ അളക്കാ​നാ​കാ​ത്തത്ര ശക്തി യഹോ​വ​യ്‌ക്കുണ്ട്‌. ആ ശക്തി യഹോവ തന്റെ വിശ്വ​സ്‌ത​ദാ​സർക്കു സന്തോ​ഷ​ത്തോ​ടെ കൊടു​ക്കു​ന്നു. (ഫിലി​പ്പി​യർ 2:13 വായി​ക്കുക.) ഏതെങ്കി​ലും ഒരു പ്രലോ​ഭ​നത്തെ നേരി​ടാ​നോ ബുദ്ധി​മു​ട്ടുള്ള ഒരു സാഹച​ര്യ​ത്തിൽ പിടി​ച്ചു​നിൽക്കാ​നോ ആവശ്യ​മായ ശക്തിക്കാ​യി നിങ്ങൾ എപ്പോ​ഴെ​ങ്കി​ലും പ്രാർഥി​ച്ചി​ട്ടു​ണ്ടോ? ഇനി ചില​പ്പോൾ, ഒരോ ദിവസ​വും മുന്നോ​ട്ടു​പോ​കാൻ ആവശ്യ​മായ ശക്തിക്കാ​യി​ട്ടാ​യി​രി​ക്കും നിങ്ങൾ പ്രാർഥി​ച്ചത്‌. ആ പ്രാർഥ​ന​യ്‌ക്ക്‌ ഉത്തരം കിട്ടി​യ​പ്പോൾ അപ്പോ​സ്‌ത​ല​നായ പൗലോ​സി​നു തോന്നി​യ​തു​പോ​ലെ​യാ​യി​രി​ക്കും നിങ്ങൾക്കും തോന്നി​യത്‌. അദ്ദേഹം ഇങ്ങനെ എഴുതി: “എല്ലാം ചെയ്യാ​നുള്ള ശക്തി, എന്നെ ശക്തനാ​ക്കുന്ന ദൈവ​ത്തിൽനിന്ന്‌ എനിക്കു കിട്ടുന്നു.”—ഫിലി. 4:13.

9. ഉദാര​മാ​യി ശക്തി നൽകുന്ന യഹോ​വയെ നമുക്ക്‌ എങ്ങനെ​യെ​ല്ലാം അനുക​രി​ക്കാം? (ചിത്ര​വും കാണുക.)

⁹ യഹോ​വ​യ്‌ക്കുള്ള അത്രയും ശക്തി​യൊ​ന്നും നമുക്കില്ല. മാത്രമല്ല യഹോ​വ​യെ​പ്പോ​ലെ നമുക്കു നമ്മുടെ ശക്തി മറ്റൊ​രാൾക്കു കൊടു​ക്കാ​നും പറ്റില്ല. പക്ഷേ നമുക്കുള്ള ശക്തിയും ഊർജ​വും ഉപയോ​ഗിച്ച്‌ മറ്റുള്ള​വരെ സഹായി​ച്ചു​കൊണ്ട്‌ യഹോ​വയെ അനുക​രി​ക്കാ​നാ​കും. ഉദാഹ​ര​ണ​ത്തിന്‌, പ്രായ​മാ​യ​വ​രോ രോഗി​ക​ളോ ആയ സഹോ​ദ​ര​ങ്ങൾക്കു​വേണ്ടി സാധനങ്ങൾ വാങ്ങിച്ച്‌ കൊടു​ക്കാ​നോ അവരുടെ വീട്ടിലെ ജോലി​കൾ ചെയ്‌തു​കൊ​ടു​ക്കാ​നോ നമുക്കു പറ്റി​യേ​ക്കും. ഇനി സാഹച​ര്യം അനുവ​ദി​ക്കു​ന്നെ​ങ്കിൽ രാജ്യ​ഹാ​ളി​ന്റെ ക്ലീനി​ങ്ങി​നോ അറ്റകു​റ്റ​പ്പ​ണി​ക്കോ സഹായി​ക്കാ​നും കഴിയും. ഈ വിധങ്ങ​ളിൽ നമ്മൾ നമ്മുടെ ശക്തി ഉപയോ​ഗി​ക്കു​മ്പോൾ അതു സഹോ​ദ​ര​ങ്ങൾക്ക്‌ ഒരുപാ​ടു പ്രയോ​ജനം ചെയ്യും.

10. വാക്കു​ക​ളു​ടെ ശക്തി നമുക്ക്‌ എങ്ങനെ മറ്റുള്ള​വർക്കു പ്രയോ​ജനം ചെയ്യുന്ന രീതി​യിൽ ഉപയോ​ഗി​ക്കാ​നാ​കും?

¹⁰ വാക്കു​കൾക്കും ശക്തിയുണ്ട്‌ എന്ന കാര്യം മറക്കരുത്‌. ഒരു അഭിന​ന്ദ​ന​വാ​ക്കോ ആശ്വാ​സ​മോ ഒക്കെ കിട്ടാൻ ആഗ്രഹി​ക്കുന്ന ആരെ​യെ​ങ്കി​ലും നിങ്ങൾക്ക്‌ അറിയാ​മോ? എങ്കിൽ നിങ്ങൾ അവരെ​ക്കു​റിച്ച്‌ ചിന്തി​ക്കു​ന്നു​ണ്ടെന്ന്‌ അവരെ അറിയി​ക്കുക. നിങ്ങൾക്ക്‌ അവരെ നേരിട്ട്‌ ചെന്നു​കാ​ണാ​നോ ഒന്നു ഫോൺ വിളി​ക്കാ​നോ കഴി​ഞ്ഞേ​ക്കും. അല്ലെങ്കിൽ ഒരു കാർഡോ ഇ-മെയി​ലോ മെസ്സേ​ജോ അയയ്‌ക്കാൻ സാധി​ക്കും. അവരോട്‌ എന്തു പറയും എന്നോർത്ത്‌ വിഷമി​ക്കേണ്ടാ. നിങ്ങൾ ഹൃദയ​ത്തിൽനിന്ന്‌, സ്‌നേ​ഹ​ത്തോ​ടെ പറയുന്ന ഏതാനും വാക്കു​ക​ളാ​യി​രി​ക്കും ഒരു ദിവസം​കൂ​ടെ വിശ്വ​സ്‌ത​മാ​യി പിടി​ച്ചു​നിൽക്കാ​നോ പ്രത്യാ​ശ​യോ​ടെ മുന്നോ​ട്ടു​പോ​കാ​നോ അവരെ സഹായി​ക്കു​ന്നത്‌.—സുഭാ. 12:25; എഫെ. 4:29.

11. യഹോവ തന്റെ ജ്ഞാനം മറ്റുള്ള​വർക്ക്‌ കൊടു​ക്കു​ന്നത്‌ എങ്ങനെ​യാണ്‌?

¹¹ യഹോവ ജ്ഞാനം കൊടു​ക്കു​ന്നു. ശിഷ്യ​നായ യാക്കോബ്‌ എഴുതി: “നിങ്ങളിൽ ആർക്കെ​ങ്കി​ലും ജ്ഞാനം കുറവാ​ണെ​ങ്കിൽ അയാൾ ദൈവ​ത്തോ​ടു ചോദി​ച്ചു​കൊ​ണ്ടി​രി​ക്കട്ടെ; . . . കുറ്റ​പ്പെ​ടു​ത്താ​തെ എല്ലാവർക്കും ഉദാര​മാ​യി നൽകു​ന്ന​വ​നാ​ണു ദൈവം.” (യാക്കോ. 1:5) ഈ വാക്യം സൂചി​പ്പി​ക്കു​ന്ന​തു​പോ​ലെ യഹോവ തന്റെ ജ്ഞാനം മറ്റാർക്കും കൊടു​ക്കാ​തെ  പിടി​ച്ചു​വെ​ക്കു​ന്നില്ല. പകരം ദൈവം അത്‌ ഉദാര​മാ​യി നൽകുന്നു. ഇനി, യഹോവ ജ്ഞാനം കൊടു​ക്കു​ന്നതു “കുറ്റ​പ്പെ​ടു​ത്താ​തെ” അഥവാ അടിക്കു​റി​പ്പിൽ കാണു​ന്ന​തു​പോ​ലെ “ശകാരി​ക്കാ​തെ” ആണെന്നും യാക്കോബ്‌ പറഞ്ഞു. ജ്ഞാനത്തി​നാ​യി യഹോ​വ​യോട്‌ ചോദി​ക്കേ​ണ്ടി​വ​രു​മ്പോൾ നമുക്കു നാണ​ക്കേടു തോന്നാൻ യഹോവ ഒരിക്ക​ലും ഇടയാ​ക്കു​ന്നില്ല. ശരിക്കും നമ്മൾ അതു ചോദി​ച്ചു​വാ​ങ്ങാ​നാണ്‌ യഹോവ ആഗ്രഹി​ക്കു​ന്നത്‌.—സുഭാ. 2:1-6.

12. ജ്ഞാനം മറ്റുള്ള​വ​രു​മാ​യി പങ്കു​വെ​ക്കു​ന്ന​തി​നു നമുക്ക്‌ എന്തെല്ലാം അവസര​ങ്ങ​ളുണ്ട്‌?

¹² ജ്ഞാനം മറ്റുള്ള​വർക്കു കൊടു​ക്കുന്ന കാര്യ​ത്തിൽ നമുക്ക്‌ യഹോ​വയെ അനുക​രി​ക്കാ​നാ​കു​മോ? (സങ്കീ. 32:8) പഠിച്ച കാര്യങ്ങൾ മറ്റുള്ള​വ​രു​മാ​യി പങ്കു​വെ​ക്കാൻ യഹോ​വ​യു​ടെ ജനത്തിനു ധാരാളം അവസര​ങ്ങ​ളുണ്ട്‌. ഉദാഹ​ര​ണ​ത്തിന്‌, പ്രസം​ഗ​പ്ര​വർത്തനം ചെയ്യു​ന്ന​തി​നാ​യി നമ്മൾ പുതി​യ​വരെ പരിശീ​ലി​പ്പി​ക്കാ​റുണ്ട്‌. ഇനി മൂപ്പന്മാർ, ശുശ്രൂ​ഷാ​ദാ​സ​ന്മാ​രെ​യും സ്‌നാ​ന​പ്പെട്ട സഹോ​ദ​ര​ന്മാ​രെ​യും സഭയിലെ നിയമ​നങ്ങൾ ചെയ്യാൻ ക്ഷമയോ​ടെ സഹായി​ക്കു​ന്നു. അതു​പോ​ലെ ദൈവ​സേ​വ​ന​ത്തി​നാ​യി ഉപയോ​ഗി​ക്കുന്ന കെട്ടി​ട​ങ്ങ​ളു​ടെ നിർമാ​ണ​ത്തി​ലും അറ്റകു​റ്റ​പ്പ​ണി​ക​ളി​ലും അനുഭ​വ​പ​രി​ച​യ​മുള്ള സഹോ​ദ​രങ്ങൾ മറ്റു സഹോ​ദ​ര​ങ്ങളെ പരിശീ​ലി​പ്പി​ക്കു​ന്നു.

13. യഹോവ മറ്റുള്ള​വർക്കു ജ്ഞാനം കൊടു​ക്കുന്ന വിധം നമുക്ക്‌ എങ്ങനെ അനുക​രി​ക്കാം?

¹³ മറ്റുള്ള​വരെ പരിശീ​ലി​പ്പി​ക്കു​മ്പോൾ യഹോ​വയെ അനുക​രി​ക്കാൻ ശ്രമി​ക്കുക. യഹോവ ഉദാര​മാ​യി മറ്റുള്ള​വർക്കു ജ്ഞാനം കൊടു​ക്കു​ന്നു. അതു​പോ​ലെ നമുക്കും നമ്മുടെ അറിവും അനുഭ​വ​പ​രി​ച​യ​വും ഒരു മടിയും കൂടാതെ മറ്റുള്ള​വർക്കു പകർന്നു​കൊ​ടു​ക്കാം. നമ്മൾ പഠിപ്പി​ക്കുന്ന വ്യക്തി, എല്ലാം പഠിച്ച്‌ കഴിഞ്ഞാൽ നമ്മുടെ സ്ഥാനം പോകു​മോ എന്നു പേടിച്ച്‌ നമ്മൾ ചില കാര്യങ്ങൾ അവർക്കു പറഞ്ഞ്‌ കൊടു​ക്കാ​തി​രി​ക്കില്ല. ‘എന്നെ ആരും പഠിപ്പി​ച്ചി​ട്ടി​ല്ല​ല്ലോ! അതു​പോ​ലെ സഹോ​ദ​ര​നും വേണ​മെ​ങ്കിൽ തനിയെ പഠിക്കട്ടെ’ എന്നും നമ്മൾ ചിന്തി​ക്കില്ല. യഹോ​വ​യു​ടെ ജനത്തി​നി​ട​യിൽ ഇതു​പോ​ലുള്ള ചിന്തകൾക്കു സ്ഥാനമില്ല. നമ്മൾ പരിശീ​ലി​പ്പി​ക്കു​ന്ന​വർക്കു നമുക്കുള്ള അറിവ്‌ മാത്രമല്ല, “സ്വന്തം പ്രാണൻ” കൊടു​ക്കാൻപോ​ലും നമ്മൾ സന്തോ​ഷ​മു​ള്ള​വ​രാണ്‌. (1 തെസ്സ. 2:8) പതിയെ “അവരും മറ്റുള്ള​വരെ പഠിപ്പി​ക്കാൻ വേണ്ടത്ര യോഗ്യ​ത​യു​ള്ള​വ​രാ​കും” എന്നാണു നമ്മൾ പ്രതീ​ക്ഷി​ക്കു​ന്നത്‌. (2 തിമൊ. 2:1, 2) അങ്ങനെ ഉദാര​മാ​യി പരിശീ​ലി​പ്പി​ക്കു​ന്നതു തുടർന്നു​കൊ​ണ്ടി​രി​ക്കും. അതിൽനിന്ന്‌ കിട്ടുന്ന സന്തോ​ഷ​വും എല്ലാവർക്കും ലഭിക്കും.

മറ്റുള്ളവർ നന്ദി കാണി​ക്കാ​ത്ത​താ​യി തോന്നു​മ്പോൾ

14. നമ്മൾ മറ്റുള്ള​വർക്ക്‌ എന്തെങ്കി​ലും കൊടു​ക്കു​മ്പോൾ മിക്ക​പ്പോ​ഴും അവർ തിരിച്ച്‌ എന്തു ചെയ്യാ​റുണ്ട്‌?

¹⁴ നമ്മൾ മറ്റുള്ള​വർക്ക്‌, പ്രത്യേ​കിച്ച്‌ സഹോ​ദ​ര​ങ്ങൾക്ക്‌ എന്തെങ്കി​ലും കൊടു​ക്കു​മ്പോൾ അവർ മിക്ക​പ്പോ​ഴും തിരിച്ച്‌ നന്ദി കാണി​ക്കാ​റുണ്ട്‌. ചില​പ്പോൾ അവർ നമു​ക്കൊ​രു കാർഡ്‌ തന്നേക്കാം. അല്ലെങ്കിൽ മറ്റേ​തെ​ങ്കി​ലും വിധത്തിൽ നന്ദി കാണി​ച്ചേ​ക്കാം. (കൊലോ. 3:15) അങ്ങനെ​യൊ​ക്കെ അവർ ചെയ്യു​മ്പോൾ അതു നമുക്കു സന്തോഷം തരും.

15. ചില ആളുകൾ നന്ദി കാണി​ച്ചി​ല്ലെ​ങ്കി​ലും നമ്മൾ എന്ത്‌ ഓർക്കണം?

¹⁵ പക്ഷേ, ചില​പ്പോൾ ആളുകൾ നമ്മൾ ചെയ്‌തു കൊടു​ത്ത​തി​നു തിരിച്ച്‌ നന്ദി കാണി​ക്കാ​തി​രു​ന്നേ​ക്കാം. നമ്മൾ മറ്റുള്ള​വരെ നമ്മുടെ സമയവും ഊർജ​വും വസ്‌തു​വ​ക​ക​ളും ഒക്കെ ഉപയോ​ഗിച്ച്‌ സഹായി​ച്ചി​ട്ടു​ണ്ടാ​കും. എന്നാൽ ചിലർ നമ്മൾ ചെയ്‌ത​തി​നെ​ക്കു​റിച്ച്‌ ഒന്നു ചിന്തി​ക്കു​ക​പോ​ലും ചെയ്യാ​ത്ത​താ​യി നമുക്കു തോന്നി​യേ​ക്കാം. എപ്പോ​ഴെ​ങ്കി​ലും അങ്ങനെ സംഭവി​ച്ചാൽ, നമ്മുടെ സന്തോഷം നഷ്ടപ്പെ​ടാ​തി​രി​ക്കാ​നും അവരോ​ടു ദേഷ്യം തോന്നാ​തി​രി​ക്കാ​നും നമുക്ക്‌ എന്തു ചെയ്യാ​നാ​കും? അപ്പോൾ ഈ ലേഖന​ത്തി​ന്റെ ആധാര​വാ​ക്യ​മായ പ്രവൃ​ത്തി​കൾ 20:35 ഓർക്കുക. കൊടു​ക്കു​മ്പോൾ കിട്ടുന്ന സന്തോഷം ആശ്രയി​ച്ചി​രി​ക്കു​ന്നത്‌ മറ്റുള്ള​വ​രു​ടെ പ്രതി​ക​ര​ണത്തെ അല്ല. മറ്റുള്ളവർ വിലമ​തി​ക്കു​ന്ന​താ​യി തോന്നാ​ത്ത​പ്പോൾപ്പോ​ലും നമുക്കു കൊടു​ക്കു​ന്ന​തി​ന്റെ സന്തോഷം ആസ്വദി​ക്കാൻ പറ്റും. എങ്ങനെ? ചില വഴികൾ നോക്കാം.

16. കൊടു​ക്കു​മ്പോൾ നമ്മൾ ഏതു കാര്യം ഓർക്കണം?

¹⁶ കൊടു​ക്കു​മ്പോൾ യഹോ​വയെ അനുക​രി​ക്കു​ക​യാ​ണെന്ന്‌ ഓർക്കുക. ആളുകൾ വിലമ​തി​ച്ചാ​ലും ഇല്ലെങ്കി​ലും യഹോവ അവർക്കു പല നല്ല കാര്യ​ങ്ങ​ളും കൊടു​ക്കു​ന്നു. (മത്താ. 5:43-48) നമ്മളും അതു​പോ​ലെ “ഒന്നും തിരികെ പ്രതീ​ക്ഷി​ക്കാ​തെ” കൊടു​ക്കു​ക​യാ​ണെ​ങ്കിൽ നമ്മുടെ ‘പ്രതി​ഫലം വളരെ വലുതാ​യി​രി​ക്കു​മെന്ന്‌’ യഹോവ ഉറപ്പു​ത​രു​ന്നു. (ലൂക്കോ. 6:35) ഇവിടെ “ഒന്നും” എന്നു പറയു​ന്ന​തിൽ തിരികെ കിട്ടുന്ന നന്ദി​പോ​ലും ഉൾപ്പെ​ടും. നമുക്ക്‌ അതു കിട്ടി​യാ​ലും ഇല്ലെങ്കി​ലും നമ്മൾ ‘സന്തോ​ഷ​ത്തോ​ടെ കൊടു​ക്കു​ന്ന​വ​രാ​ണെ​ങ്കിൽ’ നമ്മൾ ചെയ്‌ത നന്മയ്‌ക്ക്‌  യഹോവ തീർച്ച​യാ​യും പ്രതി​ഫലം തരും.—സുഭാ. 19:17; 2 കൊരി. 9:7.

17. കൊടു​ക്കു​മ്പോൾ ശരിയായ വീക്ഷണം നിലനി​റു​ത്താൻ നമുക്ക്‌ എങ്ങനെ കഴിയും? (ലൂക്കോസ്‌ 14:12-14)

¹⁷ കൊടു​ക്കു​മ്പോൾ ശരിയായ വീക്ഷണം നിലനി​റു​ത്താൻ സഹായി​ക്കുന്ന ഒരു തത്ത്വം ലൂക്കോസ്‌ 14:12-14-ൽ (വായി​ക്കുക.) യേശു പറഞ്ഞു. നമുക്കു തിരി​ച്ചു​ത​രാൻ പ്രാപ്‌തി​യു​ള്ള​വർക്ക്‌ എന്തെങ്കി​ലും ചെയ്‌ത്‌ കൊടു​ക്കു​ന്ന​തോ അവരെ ഒരു നേരത്തെ ഭക്ഷണത്തി​നു ക്ഷണിക്കു​ന്ന​തോ ഒന്നും ഒരു തെറ്റല്ല. പക്ഷേ, എന്തെങ്കി​ലും തിരികെ പ്രതീ​ക്ഷി​ച്ചാ​ണു നമ്മൾ മിക്ക​പ്പോ​ഴും മറ്റുള്ള​വർക്കു കൊടു​ക്കു​ന്ന​തെ​ങ്കി​ലോ? അങ്ങനെ​യാ​ണെ​ങ്കിൽ യേശു പറഞ്ഞ കാര്യം അനുസ​രി​ക്കാൻ നമ്മൾ കൂടുതൽ ശ്രമി​ക്കേ​ണ്ട​തുണ്ട്‌. തിരി​ച്ചൊ​ന്നും നമുക്കു ചെയ്‌തു​ത​രാൻ പറ്റാത്ത​വ​രോ​ടും നമ്മൾ ആതിഥ്യം കാണി​ക്കണം. അങ്ങനെ ചെയ്യു​മ്പോൾ നമ്മൾ യഹോ​വയെ അനുക​രി​ക്കു​ക​യാ​യി​രി​ക്കും. അതു നമുക്കു സന്തോഷം തരും. അതു​കൊണ്ട്‌ തിരി​ച്ചൊ​ന്നും പ്രതീ​ക്ഷി​ക്കാ​തെ​യാ​ണു നമ്മൾ കൊടു​ക്കു​ന്ന​തെ​ങ്കിൽ അവർ വിലമ​തി​പ്പൊ​ന്നും കാണി​ച്ചി​ല്ലെ​ങ്കിൽപ്പോ​ലും നമുക്കു സന്തോഷം നിലനി​റു​ത്താൻ പറ്റും.

18. നമ്മൾ എന്തു ചെയ്യരുത്‌, എന്തു​കൊണ്ട്‌?

¹⁸ മറ്റുള്ള​വരെ സംശയി​ക്ക​രുത്‌. (1 കൊരി. 13:7) മറ്റുള്ളവർ നന്ദി കാണി​ക്കാ​ത്ത​പ്പോൾ നിങ്ങൾക്കു സ്വയം ഇങ്ങനെ ചോദി​ക്കാം: ‘അവർക്കു ശരിക്കും വിലമ​തി​പ്പി​ല്ലാ​ഞ്ഞി​ട്ടാ​ണോ അതോ അവർ നന്ദി കാണി​ക്കാൻ മറന്നു​പോ​യ​താ​ണോ?’ ഇനി നമ്മൾ പ്രതീ​ക്ഷി​ച്ച​തു​പോ​ലെ നമ്മളോ​ടു നന്ദി പറയാ​ത്ത​തി​നു വേറെ​യും കാരണ​ങ്ങ​ളു​ണ്ടാ​യി​രി​ക്കാം. ചിലർക്ക്‌ ഉള്ളിൽ ഒരുപാട്‌ വിലമ​തി​പ്പു​ണ്ടെ​ങ്കി​ലും അതു പ്രകടി​പ്പി​ക്കാൻ അറിയി​ല്ലാ​യി​രി​ക്കും. അതു​പോ​ലെ മുമ്പ്‌ ഒരുപാ​ടു പേരെ സഹായി​ച്ചി​രുന്ന ഒരാളാ​ണെ​ങ്കിൽ ഇപ്പോൾ സഹായം സ്വീക​രി​ക്കേ​ണ്ടി​വ​ന്ന​തി​ന്റെ ബുദ്ധി​മുട്ട്‌ അയാൾക്കു​ണ്ടാ​കും. കാരണം എന്തുത​ന്നെ​യാ​യാ​ലും, നമ്മൾ സഹോ​ദ​ര​ങ്ങളെ ശരിക്കും സ്‌നേ​ഹി​ക്കു​ന്നു​ണ്ടെ​ങ്കിൽ അവരെ സംശയി​ക്കാ​തെ തുടർന്നും സന്തോ​ഷ​ത്തോ​ടെ കൊടു​ത്തു​കൊ​ണ്ടി​രി​ക്കും.—എഫെ. 4:2.

19-20. മറ്റുള്ള​വർക്ക്‌ കൊടു​ക്കു​മ്പോൾ ക്ഷമ കാണി​ക്കു​ന്നതു പ്രയോ​ജനം ചെയ്‌തേ​ക്കാ​വു​ന്നത്‌ എങ്ങനെ? (ചിത്ര​വും കാണുക.)

¹⁹ ക്ഷമ കാണി​ക്കുക. ഉദാരത കാണി​ക്കു​ന്ന​തു​മാ​യി ബന്ധപ്പെട്ട്‌ ജ്ഞാനി​യായ ശലോ​മോൻ രാജാവ്‌ ഇങ്ങനെ എഴുതി: “നിന്റെ അപ്പം വെള്ളത്തി​ന്മീ​തെ എറിയുക; കുറെ കാലം കഴിഞ്ഞ്‌ നീ അതു വീണ്ടും കണ്ടെത്തും.” (സഭാ. 11:1) ഈ വാക്കുകൾ സൂചി​പ്പി​ക്കു​ന്ന​തു​പോ​ലെ നമ്മൾ കാണിച്ച ഉദാര​ത​യോ​ടു ചിലർ പ്രതി​ക​രി​ക്കു​ന്നതു ‘കുറെ കാലം കഴിഞ്ഞി​ട്ടാ​യി​രി​ക്കാം.’ ഇതു സത്യമാ​ണെന്നു തെളി​യി​ക്കുന്ന ഒരു അനുഭവം നോക്കാം.

 ²⁰ കുറെ വർഷം മുമ്പ്‌ ഒരു സർക്കിട്ട്‌ മേൽവി​ചാ​ര​കന്റെ ഭാര്യ, പുതു​താ​യി സ്‌നാ​ന​മേറ്റ സാന്ദ്ര എന്ന ഒരു സഹോ​ദ​രി​ക്കു പ്രോ​ത്സാ​ഹി​പ്പി​ക്കുന്ന ഒരു കത്ത്‌ കൊടു​ത്തു. യഹോ​വ​യോ​ടു വിശ്വ​സ്‌ത​യാ​യി നിൽക്കു​ന്നത്‌ എത്ര പ്രധാ​ന​മാ​ണെ​ന്നാണ്‌ ആ കത്തിലു​ണ്ടാ​യി​രു​ന്നത്‌. ഏതാണ്ട്‌ എട്ടു വർഷം കഴിഞ്ഞ​പ്പോൾ സാന്ദ്ര കത്തിനു മറുപടി അയച്ചു: “ഈ വർഷങ്ങ​ളിൽ എല്ലാം സഹോ​ദ​രി​യു​ടെ വാക്കുകൾ എന്നെ എത്രമാ​ത്രം സഹായി​ച്ചി​ട്ടു​ണ്ടെന്ന്‌ സഹോ​ദ​രിക്ക്‌ അറിയാ​മോ? ആ കത്ത്‌ വളരെ പ്രോ​ത്സാ​ഹി​പ്പി​ക്കു​ന്ന​താ​യി​രു​ന്നു. അതിൽ എന്നെ ഏറ്റവും സ്വാധീ​നി​ച്ചത്‌ ആ തിരു​വെ​ഴു​ത്താണ്‌. അത്‌ ഞാൻ ഒരിക്ക​ലും മറക്കില്ല.” a താൻ നേരിട്ട പല ബുദ്ധി​മു​ട്ടു​ക​ളെ​ക്കു​റി​ച്ചും പറഞ്ഞിട്ട്‌ സാന്ദ്ര ഇങ്ങനെ എഴുതി: “എനിക്ക്‌ എല്ലാം ഇട്ടിട്ടു​പോ​കാൻ, സത്യവും ഉത്തരവാ​ദി​ത്വ​ങ്ങ​ളും എല്ലാം ഉപേക്ഷി​ച്ചു​പോ​കാൻ തോന്നി​യി​ട്ടുണ്ട്‌. പക്ഷേ സഹോ​ദരി എഴുതിയ ആ വാക്യ​മാണ്‌ വീണു​പോ​കാ​തെ, വിശ്വ​സ്‌ത​മാ​യി പിടി​ച്ചു​നിൽക്കാൻ എന്നെ സഹായി​ച്ചത്‌. ഈ എട്ടു വർഷത്തി​നി​ട​യിൽ എന്നെ ഇത്രയും ബലപ്പെ​ടു​ത്തിയ മറ്റൊ​ന്നും ഉണ്ടായി​ട്ടില്ല.” “കുറെ കാലം കഴിഞ്ഞ്‌” ഇങ്ങനെ​യൊ​രു കത്ത്‌ കിട്ടി​യ​പ്പോൾ ആ സർക്കിട്ട്‌ മേൽവി​ചാ​ര​കന്റെ ഭാര്യക്ക്‌ എത്ര സന്തോഷം തോന്നി​ക്കാ​ണു​മെന്ന്‌ ഒന്നു ചിന്തി​ച്ചു​നോ​ക്കുക! നമ്മുടെ കാര്യ​ത്തി​ലും ഇങ്ങനെ സംഭവി​ച്ചേ​ക്കാം. നമ്മൾ ആർക്കെ​ങ്കി​ലും ഒരു നന്മ ചെയ്‌തിട്ട്‌ കുറെ നാൾ കഴിഞ്ഞ്‌ അവർ തിരിച്ച്‌ നമ്മളോ​ടു നന്ദി കാണി​ച്ചേ​ക്കാം.

21. യഹോവ കാണി​ക്കുന്ന ഉദാരത അനുക​രി​ക്കാൻ നിങ്ങൾ തീരു​മാ​നി​ച്ചി​രി​ക്കു​ന്നത്‌ എന്തു​കൊണ്ട്‌?

²¹ നമ്മൾ കണ്ടതു​പോ​ലെ ഒരു പ്രത്യേ​ക​പ്രാ​പ്‌തി​യോ​ടെ​യാണ്‌ യഹോവ നമ്മളെ സൃഷ്ടി​ച്ചി​രി​ക്കു​ന്നത്‌. എന്തെങ്കി​ലും കിട്ടു​മ്പോൾ നമുക്കു സന്തോഷം തോന്നു​മെ​ങ്കി​ലും, നമ്മൾ മറ്റുള്ള​വർക്കു കൊടു​ക്കു​മ്പോൾ അതി​ലേറെ സന്തോഷം തോന്നും. സഹോ​ദ​ര​ങ്ങളെ സഹായി​ക്കാ​നാ​കു​മ്പോൾ നമുക്കു സംതൃ​പ്‌തി കിട്ടുന്നു. അവർ അതു വിലമ​തി​ക്കു​ന്നതു കാണു​മ്പോ​ഴും നമ്മുടെ സന്തോഷം കൂടും. എന്നാൽ അവർ വിലമ​തി​പ്പു കാണി​ച്ചി​ല്ലെ​ങ്കി​ലും നമ്മൾ ശരിയാ​യതു ചെയ്‌ത​ല്ലോ എന്നോർത്ത്‌ നമുക്കു സന്തോ​ഷി​ക്കാ​നാ​കും. നിങ്ങൾ മറ്റുള്ള​വർക്ക്‌ കൊടു​ക്കു​ന്നത്‌ എന്താ​ണെ​ങ്കി​ലും, ‘അതി​നെ​ക്കാൾ എത്രയോ അധികം നിങ്ങൾക്കു തരാൻ യഹോ​വ​യ്‌ക്കു കഴിയും’ എന്നോർക്കുക. (2 ദിന. 25:9) ദൈവം തരുന്നത്‌ എപ്പോ​ഴും കൂടു​ത​ലാ​യി​രി​ക്കും. യഹോ​വ​യിൽനിന്ന്‌ പ്രതി​ഫലം കിട്ടു​ന്ന​തി​നെ​ക്കാൾ വലിയ സന്തോഷം വേറെ​യില്ല. അതു​കൊണ്ട്‌, ഉദാര​മാ​യി കൊടു​ക്കുന്ന നമ്മുടെ സ്വർഗീ​യ​പി​താ​വി​നെ നമുക്കു തുടർന്നും അനുക​രി​ക്കാം.