1. യേശു ഉടൻതന്നെ എന്തു ചെയ്യും?

 വലിയ മാറ്റങ്ങൾ സംഭവി​ക്കാൻപോ​കുന്ന ഒരു കാലത്താ​ണു നമ്മൾ ജീവി​ക്കു​ന്നത്‌. യേശു ഉടൻതന്നെ എല്ലാ മനുഷ്യ​രെ​യും ന്യായം വിധി​ക്കും. ആ ന്യായ​വി​ധി​ക്കു മുമ്പായി ഈ ലോകത്തു നടക്കാൻപോ​കുന്ന സംഭവ​ങ്ങ​ളെ​ക്കു​റിച്ച്‌ യേശു ശിഷ്യ​ന്മാ​രോ​ടു പറഞ്ഞു. യേശു​വി​ന്റെ അദൃശ്യ​സാ​ന്നി​ധ്യ​ത്തി​ന്റെ​യും “വ്യവസ്ഥി​തി അവസാ​നി​ക്കാൻപോ​കു​ന്നു എന്നതി​ന്റെ​യും” ഒരു പ്രാവ​ച​നിക “അടയാളം” നൽകി​ക്കൊ​ണ്ടാണ്‌ യേശു അതു ചെയ്‌തത്‌. (മത്താ. 24:3) ആ പ്രവചനം മത്തായി 24, 25 അധ്യാ​യ​ങ്ങ​ളി​ലും അതിന്റെ സമാന്ത​ര​വി​വ​ര​ണ​ങ്ങ​ളായ മർക്കോസ്‌ 13-ാം അധ്യാ​യ​ത്തി​ലും ലൂക്കോസ്‌ 21-ാം അധ്യാ​യ​ത്തി​ലും കാണാം.

2. ഈ ലേഖന​ത്തിൽ നമ്മൾ എന്തു ചർച്ച ചെയ്യും, അവ നമ്മളെ സഹായി​ക്കു​ന്നത്‌ എങ്ങനെ?

² യേശു മൂന്നു ദൃഷ്ടാ​ന്ത​ക​ഥകൾ പറഞ്ഞു​കൊണ്ട്‌ നമുക്കു ചില മുന്നറി​യി​പ്പു​കൾ തന്നു. ഏതൊ​ക്കെ​യാണ്‌ ആ ദൃഷ്ടാ​ന്തങ്ങൾ? ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ദൃഷ്ടാന്തം, വിവേ​ക​മ​തി​ക​ളും വിവേ​ക​മി​ല്ലാ​ത്ത​വ​രും ആയ കന്യക​മാ​രു​ടെ ദൃഷ്ടാന്തം, താലന്തു​ക​ളു​ടെ ദൃഷ്ടാന്തം. യേശു ഒരു വ്യക്തിയെ ന്യായം വിധി​ക്കു​ന്നത്‌ അയാളു​ടെ പ്രവൃ​ത്തി​ക​ളു​ടെ അടിസ്ഥാ​ന​ത്തി​ലാ​യി​രി​ക്കും എന്നു മനസ്സി​ലാ​ക്കാൻ ഈ ഓരോ ദൃഷ്ടാ​ന്ത​ക​ഥ​യും നമ്മളെ സഹായി​ക്കും. ആ മൂന്നു കഥകളും അതിൽനിന്ന്‌ നമുക്ക്‌ എന്തു പഠിക്കാ​മെ​ന്നും ഈ ലേഖന​ത്തിൽ നമ്മൾ നോക്കും. ചെമ്മരി​യാ​ടു​ക​ളെ​യും കോലാ​ടു​ക​ളെ​യും കുറി​ച്ചുള്ള ദൃഷ്ടാ​ന്ത​ക​ഥ​യാണ്‌ നമ്മൾ ആദ്യം നോക്കാൻപോ​കു​ന്നത്‌.

ചെമ്മരി​യാ​ടു​ക​ളും കോലാ​ടു​ക​ളും

3. യേശു ആളുകളെ ന്യായം വിധി​ക്കു​ന്നത്‌ എപ്പോ​ഴാണ്‌?

³ ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ദൃഷ്ടാ​ന്ത​ത്തിൽ ആളുകളെ ന്യായം വിധി​ക്കു​ന്ന​തി​നെ​ക്കു​റി​ച്ചാണ്‌ യേശു പറയു​ന്നത്‌. അവർ സന്തോ​ഷ​വാർത്ത​യോട്‌ എങ്ങനെ പ്രതി​ക​രി​ച്ചു, ക്രിസ്‌തു​വി​ന്റെ സഹോ​ദ​ര​ന്മാ​രെ എങ്ങനെ പിന്തു​ണച്ചു എന്നതിന്റെ അടിസ്ഥാ​ന​ത്തി​ലാണ്‌ ആ ന്യായ​വി​ധി നടത്തു​ന്നത്‌. (മത്താ. 25:31-46) അതു ‘മഹാക​ഷ്ട​ത​യു​ടെ’ സമയത്ത്‌, അർമ​ഗെ​ദോ​നു തൊട്ടു​മു​മ്പാ​യി​ട്ടാ​യി​രി​ക്കും സംഭവി​ക്കു​ന്നത്‌. (മത്താ. 24:21) ഇടയൻ കോലാ​ടു​ക​ളിൽനിന്ന്‌ ചെമ്മരി​യാ​ടു​കളെ വേർതി​രി​ക്കു​ന്ന​തു​പോ​ലെ, അഭിഷി​ക്ത​ക്രി​സ്‌ത്യാ​നി​കളെ പിന്തു​ണ​ച്ച​വരെ അങ്ങനെ ചെയ്യാ​ത്ത​വ​രിൽനിന്ന്‌ യേശു വേർതി​രി​ക്കും.

4. യശയ്യ 11:3, 4 അനുസ​രിച്ച്‌ യേശു ആളുകളെ നീതി​യോ​ടെ ന്യായം വിധി​ക്കു​മെന്നു നമുക്ക്‌ ഉറപ്പു​ള്ളത്‌ എന്തു​കൊണ്ട്‌? (ചിത്ര​വും കാണുക.)

 ⁴ യഹോവ നിയമി​ച്ചി​രി​ക്കുന്ന ന്യായാ​ധി​പ​നാണ്‌ യേശു. നീതി​യോ​ടെ യേശു ന്യായം വിധി​ക്കു​മെന്ന്‌ ബൈബിൾപ്ര​വ​ച​നങ്ങൾ കാണി​ക്കു​ന്നു. (യശയ്യ 11:3, 4 വായി​ക്കുക.) ആളുകൾ എന്തു ചെയ്യുന്നു, എന്തു ചിന്തി​ക്കു​ന്നു, എന്തു പറയുന്നു എന്നതൊ​ക്കെ യേശു നിരീ​ക്ഷി​ക്കു​ന്നു. തന്റെ അഭിഷി​ക്ത​സ​ഹോ​ദ​ര​ന്മാ​രോട്‌ അവർ എങ്ങനെ​യാണ്‌ ഇടപെ​ടു​ന്ന​തെ​ന്നും യേശു നോക്കും. (മത്താ. 12:36, 37; 25:40) തന്റെ അഭിഷി​ക്ത​സ​ഹോ​ദ​ര​ന്മാ​രെ​യും അവരുടെ പ്രവർത്ത​ന​ത്തെ​യും പിന്തു​ണ​ച്ചത്‌ ആരെല്ലാ​മാ​ണെന്ന്‌ യേശു​വിന്‌ അറിയാൻ കഴിയും. a ചെമ്മരി​യാ​ടു​തു​ല്യ​രായ ആളുകൾക്കു ക്രിസ്‌തു​വി​ന്റെ സഹോ​ദ​ര​ന്മാ​രെ പിന്തു​ണ​യ്‌ക്കാൻ കഴിയുന്ന പ്രധാ​ന​പ്പെട്ട ഒരു വിധം, പ്രസം​ഗ​പ്ര​വർത്ത​ന​ത്തിൽ അവരെ സഹായി​ക്കു​ന്ന​താണ്‌. ഇങ്ങനെ പിന്തു​ണ​യ്‌ക്കു​ന്ന​വരെ യേശു ‘നീതി​മാ​ന്മാ​രാ​യി’ വിധി​ക്കും; അവർക്കു ഭൂമി​യിൽ ‘നിത്യം ജീവി​ക്കാ​നുള്ള’ അവസര​മു​ണ്ടാ​യി​രി​ക്കും. (മത്താ. 25:46; വെളി. 7:16, 17) വിശ്വ​സ്‌ത​രാ​യി നിൽക്കു​ന്ന​വരെ എത്ര വലിയ അനു​ഗ്ര​ഹ​മാ​ണു കാത്തി​രി​ക്കു​ന്നത്‌! മഹാക​ഷ്ട​ത​യു​ടെ സമയത്തും അതിനു ശേഷവും വിശ്വ​സ്‌ത​രാ​യി നിൽക്കു​ന്നെ​ങ്കിൽ അവരുടെ പേരുകൾ “ജീവന്റെ പുസ്‌ത​ക​ത്തിൽ” ഉണ്ടായി​രി​ക്കും.—വെളി. 20:15.

5. ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ദൃഷ്ടാ​ന്തകഥ എന്തു ചെയ്യാ​നാണ്‌ നമ്മളെ പ്രോ​ത്സാ​ഹി​പ്പി​ക്കു​ന്നത്‌, ആരെല്ലാം ഈ ദൃഷ്ടാ​ന്ത​ത്തി​നു ശ്രദ്ധ കൊടു​ക്കണം?

⁵ വിശ്വ​സ്‌ത​രാ​ണെന്നു തെളി​യി​ക്കുക. ചെമ്മരി​യാ​ടു​ക​ളെ​യും കോലാ​ടു​ക​ളെ​യും കുറി​ച്ചുള്ള ദൃഷ്ടാന്തം പ്രധാ​ന​മാ​യും ഭൂമി​യിൽ ജീവി​ക്കാൻ പ്രത്യാ​ശ​യു​ള്ള​വരെ ഉദ്ദേശിച്ച്‌ യേശു പറഞ്ഞതാണ്‌. അവർ പ്രസം​ഗ​പ്ര​വർത്ത​ന​ത്തിൽ ക്രിസ്‌തു​വി​ന്റെ സഹോ​ദ​ര​ന്മാ​രെ സഹായി​ക്കു​ന്നു. അതോ​ടൊ​പ്പം യേശു തിര​ഞ്ഞെ​ടു​ത്തി​രി​ക്കുന്ന വിശ്വ​സ്‌ത​നും വിവേ​കി​യും ആയ അടിമ തരുന്ന നിർദേ​ശ​ങ്ങൾക്കു മനസ്സോ​ടെ കീഴ്‌പെ​ട്ടു​കൊ​ണ്ടും അവർ വിശ്വ​സ്‌ത​രാ​ണെന്നു തെളി​യി​ക്കു​ന്നു. (മത്താ. 24:45) എന്നാൽ ഭൂമി​യിൽ ജീവി​ക്കാൻ പ്രത്യാ​ശ​യു​ള്ളവർ മാത്രമല്ല സ്വർഗീ​യ​പ്ര​ത്യാ​ശ​യു​ള്ള​വ​രും ഈ ദൃഷ്ടാ​ന്ത​ത്തി​ലെ മുന്നറി​യി​പ്പി​നു ചെവി കൊടു​ക്കേ​ണ്ട​തുണ്ട്‌. എന്തു​കൊ​ണ്ടാണ്‌? യേശു അവരു​ടെ​യും പ്രവൃ​ത്തി​ക​ളും മനോ​ഭാ​വ​വും സംസാ​ര​വും ഒക്കെ നിരീ​ക്ഷി​ക്കു​ന്നുണ്ട്‌. അവരും വിശ്വ​സ്‌ത​രാ​ണെന്നു തെളി​യി​ക്കണം. ശരിക്കും​പ​റ​ഞ്ഞാൽ, അഭിഷി​ക്തർക്കുള്ള ചില പ്രത്യേ​ക​മു​ന്ന​റി​യി​പ്പു​കൾ അടങ്ങിയ രണ്ടു ദൃഷ്ടാ​ന്ത​ക​ഥ​കൾകൂ​ടെ യേശു പറഞ്ഞി​ട്ടുണ്ട്‌. അതും മത്തായി 25-ൽ കാണാം. ആദ്യത്തെ ദൃഷ്ടാന്തം നോക്കാം. വിവേ​ക​മ​തി​ക​ളും വിവേ​ക​മി​ല്ലാ​ത്ത​വ​രും ആയ കന്യക​മാ​രെ​ക്കു​റി​ച്ചുള്ള ദൃഷ്ടാ​ന്ത​മാണ്‌ അത്‌.

വിവേ​ക​മ​തി​ക​ളും വിവേ​ക​മി​ല്ലാ​ത്ത​വ​രും ആയ കന്യക​മാർ

6. അഞ്ചു കന്യക​മാർ തങ്ങൾക്കു വിവേ​ക​മു​ണ്ടെന്നു തെളി​യി​ച്ചത്‌ എങ്ങനെ​യാണ്‌? (മത്തായി 25:6-10)

⁶ കന്യക​മാ​രെ​ക്കു​റി​ച്ചുള്ള ദൃഷ്ടാ​ന്ത​ക​ഥ​യിൽ മണവാ​ളനെ വരവേൽക്കാൻ പോയ പത്തു കന്യക​മാ​രെ​ക്കു​റിച്ച്‌ യേശു പറയുന്നു. (മത്താ. 25:1-4) വിവാ​ഹ​വി​രു​ന്നിൽ മണവാ​ള​നൊ​പ്പം പങ്കെടു​ക്കാ​നാ​യി​രു​ന്നു അവരു​ടെ​യെ​ല്ലാം ആഗ്രഹം. അവരിൽ അഞ്ചു പേർ “വിവേ​ക​മ​തി​ക​ളും” അഞ്ചു പേർ “വിവേ​ക​മി​ല്ലാ​ത്ത​വ​രും” ആയിരു​ന്നു എന്ന്‌ യേശു പറഞ്ഞു. വിവേ​ക​മുള്ള കന്യക​മാർ ജാഗ്ര​ത​യോ​ടെ ഒരുങ്ങി​യി​രു​ന്നു. മണവാളൻ വരാൻ എത്ര വൈകി​യാ​ലും, അർധരാ​ത്രി ആയാൽപ്പോ​ലും, അതുവരെ കാത്തി​രി​ക്കാൻ ഒരുങ്ങി​യാണ്‌ അവർ വന്നത്‌. അതു​കൊ​ണ്ടാണ്‌ അവർ വെളി​ച്ച​ത്തി​നാ​യി വിളക്കു​കൾ കരുതി​യ​തും, മണവാളൻ വൈകി​യാ​ലോ എന്നോർത്ത്‌ കയ്യിൽ കൂടുതൽ എണ്ണ എടുത്ത​തും. അതു​കൊണ്ട്‌ തങ്ങളുടെ വിളക്കു​കൾ കെട്ടു​പോ​കാ​തി​രി​ക്കാൻവേണ്ട എല്ലാ ഒരുക്ക​ങ്ങ​ളും അവർ ചെയ്‌തി​രു​ന്നെന്നു പറയാം. (മത്തായി 25:6-10 വായി​ക്കുക.) അവസാനം മണവാളൻ വന്നപ്പോൾ വിവേ​ക​മുള്ള കന്യക​മാർ വിവാ​ഹ​വി​രു​ന്നിന്‌ അദ്ദേഹ​ത്തോ​ടൊ​പ്പം അകത്ത്‌ പ്രവേ​ശി​ച്ചു. ആ കന്യക​മാ​രെ​പ്പോ​ലെ​തന്നെ അഭിഷി​ക്ത​ക്രി​സ്‌ത്യാ​നി​ക​ളും മണവാ​ള​നായ യേശു​വി​നോ​ടൊ​പ്പം സ്വർഗ​രാ​ജ്യ​ത്തിൽ പ്രവേ​ശി​ക്കാ​നാ​യി കാത്തി​രി​ക്കു​ക​യാണ്‌. ക്രിസ്‌തു വരുന്ന​തു​വരെ ജാഗ്ര​ത​യോ​ടെ, വിശ്വ​സ്‌ത​രാ​യി തുടർന്നു​കൊണ്ട്‌ ഒരുങ്ങി​യി​രി​ക്കു​ന്ന​വർക്ക്‌ അതിനുള്ള അവസരം കിട്ടും. b (വെളി. 7:1-3) എങ്കിൽ വിവേ​ക​മി​ല്ലാത്ത മറ്റ്‌ അഞ്ചു കന്യക​മാ​രു​ടെ കാര്യ​മോ?

7. വിവേ​ക​മി​ല്ലാത്ത അഞ്ചു കന്യക​മാർക്ക്‌ എന്താണു സംഭവി​ച്ചത്‌, എന്തു​കൊണ്ട്‌?

⁷ വിവേ​ക​മുള്ള കന്യക​മാ​രിൽനിന്ന്‌ വ്യത്യ​സ്‌ത​മാ​യി വിവേ​ക​മി​ല്ലാത്ത അഞ്ചു കന്യക​മാർ മണവാളൻ  എത്തിയ​പ്പോൾ അദ്ദേഹത്തെ സ്വീക​രി​ക്കാൻ ഒട്ടും തയ്യാറാ​യി​രു​ന്നില്ല. അവരുടെ വിളക്കു​കൾ കെടാൻ തുടങ്ങു​ക​യാ​യി​രു​ന്നു. കയ്യിൽ വേറെ എണ്ണയും ഉണ്ടായി​രു​ന്നില്ല. മണവാളൻ ഉടനെ എത്തു​മെന്ന്‌ അറിഞ്ഞ​പ്പോൾ അവർക്ക്‌ എണ്ണ വാങ്ങാൻ പോ​കേ​ണ്ടി​വന്നു. അദ്ദേഹം എത്തിയ​പ്പോ​ഴാ​കട്ടെ അവർ തിരികെ വന്നിരു​ന്നു​മില്ല. ആ സമയത്ത്‌ “ഒരുങ്ങി​യി​രുന്ന കന്യക​മാർ വിവാ​ഹ​വി​രു​ന്നിന്‌ അദ്ദേഹ​ത്തോ​ടൊ​പ്പം അകത്ത്‌ പ്രവേ​ശി​ച്ചു; അതോടെ വാതി​ലും അടച്ചു.” (മത്താ. 25:10) കുറെ കഴിഞ്ഞ​പ്പോൾ വിവേ​ക​മി​ല്ലാത്ത കന്യക​മാർ തിരി​ച്ചെത്തി. അവർക്ക്‌ അകത്ത്‌ പ്രവേ​ശി​ക്കണം എന്നുണ്ടാ​യി​രു​ന്നു. എന്നാൽ മണവാളൻ അവരോട്‌ “എനിക്കു നിങ്ങളെ അറിയില്ല” എന്നു പറഞ്ഞു. (മത്താ. 25:11, 12) ആ കന്യക​മാർ മണവാളൻ എപ്പോ​ഴാ​ണോ എത്തുന്നത്‌ അതുവരെ കാത്തി​രി​ക്കാ​നുള്ള ഒരുക്കങ്ങൾ ചെയ്‌തി​രു​ന്നില്ല. ഇതിൽനിന്ന്‌ അഭിഷി​ക്തർക്കുള്ള പാഠം എന്താണ്‌?

8-9. കന്യക​മാ​രു​ടെ ദൃഷ്ടാ​ന്ത​ക​ഥ​യിൽനിന്ന്‌ അഭിഷി​ക്തർക്ക്‌ എന്തു പാഠമാ​ണു പഠിക്കാ​നു​ള്ളത്‌? (ചിത്ര​വും കാണുക.)

⁸ ജാഗ്ര​ത​യു​ള്ള​വ​രും ഒരുങ്ങി​യി​രി​ക്കു​ന്ന​വ​രും ആണെന്നു തെളി​യി​ക്കുക. വ്യവസ്ഥി​തി​യു​ടെ അവസാ​നം​വരെ ഒരുങ്ങി​യി​രി​ക്കുന്ന അഭിഷി​ക്ത​രു​ടെ ഒരു കൂട്ടവും അങ്ങനെ ചെയ്യാത്ത അഭിഷി​ക്ത​രു​ടെ ഒരു കൂട്ടവും ഉണ്ടായി​രി​ക്കു​മെന്ന്‌ യേശു ഈ ദൃഷ്ടാ​ന്ത​ത്തി​ലൂ​ടെ മുൻകൂ​ട്ടി​പ്പ​റ​യു​ക​യാ​യി​രു​ന്നോ? അല്ല. പകരം അവസാ​ന​ത്തോ​ളം, വിശ്വ​സ്‌ത​ത​യോ​ടെ സഹിച്ചു​നിൽക്കാൻ ഒരുങ്ങി​യി​ല്ലെ​ങ്കിൽ അഭിഷി​ക്തർക്ക്‌ എന്തു സംഭവി​ക്കു​മെന്ന്‌ പറയു​ക​യാ​യി​രു​ന്നു യേശു. അങ്ങനെ​യു​ള്ള​വർക്കു പ്രതി​ഫലം കിട്ടു​ക​യില്ല. (യോഹ. 14:3, 4) അത്‌ എത്ര വലി​യൊ​രു നഷ്ടമാ​യി​രി​ക്കും! നമ്മുടെ പ്രത്യാശ സ്വർഗ​ത്തി​ലാ​യാ​ലും ഭൂമി​യി​ലാ​യാ​ലും നമ്മൾ എല്ലാവ​രും കന്യക​മാ​രു​ടെ ഈ ദൃഷ്ടാ​ന്ത​ത്തിൽനി​ന്നുള്ള മുന്നറി​യി​പ്പി​നു ചെവി കൊടു​ക്കേ​ണ്ട​താണ്‌. നമ്മൾ ഓരോ​രു​ത്ത​രും ജാഗ്ര​ത​യു​ള്ള​വ​രും ഒരുങ്ങി​യി​രി​ക്കു​ന്ന​വ​രും അവസാ​ന​ത്തോ​ളം സഹിച്ചു​നിൽക്കാൻ തയ്യാറു​ള്ള​വ​രും ആയിരി​ക്കണം.—മത്താ. 24:13.

⁹ ഒരുങ്ങി​യി​രി​ക്കു​ന്ന​വ​രും ജാഗ്ര​ത​യു​ള്ള​വ​രും ആയിരി​ക്കേ​ണ്ടത്‌ എത്ര പ്രധാ​ന​മാ​ണെന്ന്‌ കന്യക​മാ​രു​ടെ ദൃഷ്ടാ​ന്ത​ത്തി​ലൂ​ടെ വിശദീ​ക​രി​ച്ച​തി​നു ശേഷം യേശു താലന്തു​ക​ളു​ടെ ദൃഷ്ടാ​ന്തകഥ പറഞ്ഞു. അതു കഠിനാ​ധ്വാ​ന​ത്തി​ന്റെ പ്രാധാ​ന്യം എടുത്തു​കാ​ണി​ക്കുന്ന ഒന്നാണ്‌.

താലന്തു​കൾ

10. രണ്ട്‌ അടിമകൾ വിശ്വ​സ്‌ത​രാ​ണെന്നു തെളി​യി​ച്ചത്‌ എങ്ങനെ? (മത്തായി 25:19-23)

¹⁰ താലന്തു​ക​ളെ​ക്കു​റി​ച്ചുള്ള ദൃഷ്ടാ​ന്ത​ക​ഥ​യിൽ യജമാ​ന​നോ​ടു വിശ്വ​സ്‌ത​രാ​യി​രുന്ന രണ്ട്‌ അടിമ​ക​ളെ​ക്കു​റി​ച്ചും അങ്ങനെ​യ​ല്ലാ​തി​രുന്ന ഒരു അടിമ​യെ​ക്കു​റി​ച്ചും  യേശു പറഞ്ഞു. (മത്താ. 25:14-18) ആ രണ്ട്‌ അടിമകൾ വിശ്വ​സ്‌ത​രാ​ണെന്നു തെളി​യി​ച്ചത്‌, യജമാ​നന്റെ പണം വർധി​പ്പി​ക്കാ​നാ​യി കഠിനാ​ധ്വാ​നം ചെയ്‌തു​കൊ​ണ്ടാണ്‌. അന്യ​ദേ​ശ​ത്തേക്കു യാത്ര പോകു​ന്ന​തി​നു മുമ്പ്‌ യജമാനൻ അവരുടെ കയ്യിൽ താലന്തു​കൾ, അതായത്‌ വലി​യൊ​രു തുക ഏൽപ്പി​ച്ചി​രു​ന്നു. രണ്ട്‌ അടിമകൾ നല്ല അധ്വാ​ന​ശീ​ല​മു​ള്ള​വ​രാ​യി​രു​ന്നു. അവർ ആ പണം ബുദ്ധി​യോ​ടെ ഉപയോ​ഗി​ച്ചു. എന്തായി​രു​ന്നു ഫലം? യജമാനൻ തിരി​ച്ചു​വ​ന്ന​പ്പോ​ഴേ​ക്കും അദ്ദേഹം കൊടുത്ത പണം ഇരട്ടി​യാ​ക്കാൻ അവർക്കു കഴിഞ്ഞു. അതു​കൊണ്ട്‌ യജമാനൻ അവരെ അഭിന​ന്ദി​ച്ചു. അവർ ‘യജമാ​നന്റെ സന്തോ​ഷ​ത്തിൽ പങ്കു​ചേ​രു​ക​യും’ ചെയ്‌തു. (മത്തായി 25:19-23 വായി​ക്കുക.) എങ്കിൽ ആ മൂന്നാ​മത്തെ അടിമ​യു​ടെ കാര്യ​മോ? യജമാനൻ ഏൽപ്പിച്ച പണം അയാൾ എന്താണു ചെയ്‌തത്‌?

11. ‘മടിയ​നായ’ അടിമ​യ്‌ക്ക്‌ എന്തു സംഭവി​ച്ചു, എന്തു​കൊണ്ട്‌?

¹¹ മൂന്നാ​മത്തെ അടിമ​യ്‌ക്ക്‌ ഒരു താലന്ത്‌ ലഭി​ച്ചെ​ങ്കി​ലും അയാൾ ‘മടിയ​നാ​യി​രു​ന്നു.’ കൊടുത്ത താലന്ത്‌ അയാൾ ബുദ്ധി​പൂർവം ഉപയോ​ഗി​ക്കാ​നാണ്‌ യജമാനൻ പ്രതീ​ക്ഷി​ച്ചത്‌. പക്ഷേ അയാൾ അതു നിലത്ത്‌ കുഴി​ച്ചി​ട്ടു. യജമാനൻ മടങ്ങി​വ​ന്ന​പ്പോൾ കൂടു​ത​ലാ​യൊ​ന്നും തിരികെ കൊടു​ക്കാൻ അയാളു​ടെ കൈയി​ലു​ണ്ടാ​യി​രു​ന്നില്ല. ഇനി ആ അടിമ​യു​ടെ മനോ​ഭാ​വ​വും ശരിയ​ല്ലാ​യി​രു​ന്നു. കൊടുത്ത പണം വർധി​പ്പി​ക്കാ​ത്ത​തു​കൊണ്ട്‌ അയാൾ യജമാ​ന​നോ​ടു ക്ഷമ പറയേ​ണ്ട​താ​യി​രു​ന്നു. അതിനു പകരം, അയാൾ അന്യാ​യ​മാ​യി യജമാ​നനെ കുറ്റ​പ്പെ​ടു​ത്തി​ക്കൊണ്ട്‌ അദ്ദേഹത്തെ ‘കഠിന​ഹൃ​ദയൻ’ എന്നു വിളിച്ചു. ഈ അടിമ​യ്‌ക്ക്‌ യജമാ​നന്റെ അംഗീ​കാ​രം ലഭിച്ചില്ല. അതു മാത്രമല്ല, കൊടുത്ത താലന്ത്‌ തിരികെ വാങ്ങു​ക​യും അയാളെ യജമാ​നന്റെ വീട്ടിൽനി​ന്നു​തന്നെ പുറത്താ​ക്കു​ക​യും ചെയ്‌തു.—മത്താ. 25:24, 26-30.

12. വിശ്വ​സ്‌ത​രായ രണ്ട്‌ അടിമകൾ ഇന്ന്‌ ആരെ അർഥമാ​ക്കു​ന്നു?

¹² വിശ്വ​സ്‌ത​രായ രണ്ട്‌ അടിമകൾ വിശ്വ​സ്‌ത​രായ അഭിഷി​ക്ത​ക്രി​സ്‌ത്യാ​നി​ക​ളെ​യാണ്‌ അർഥമാ​ക്കു​ന്നത്‌. ‘യജമാ​നന്റെ സന്തോ​ഷ​ത്തിൽ പങ്കു​ചേ​രാൻ’ യജമാ​ന​നായ യേശു അവരെ ക്ഷണിക്കു​ന്നു. അവർക്ക്‌ ഒന്നാമത്തെ പുനരു​ത്ഥാ​ന​ത്തി​ലൂ​ടെ സ്വർഗ​ത്തി​ലുള്ള പ്രതി​ഫലം ലഭിക്കും. (മത്താ. 25:21, 23; വെളി. 20:5ബി) എന്നാൽ മടിയ​നായ അടിമ അഭിഷി​ക്തർക്കുള്ള ഒരു മുന്നറി​യി​പ്പു മാത്ര​മാണ്‌. എന്തു മുന്നറി​യിപ്പ്‌?

13-14. താലന്തു​ക​ളെ​ക്കു​റി​ച്ചുള്ള ദൃഷ്ടാ​ന്ത​ക​ഥ​യിൽനിന്ന്‌ അഭിഷി​ക്തർ പഠിക്കുന്ന പാഠം എന്താണ്‌? (ചിത്ര​വും കാണുക.)

¹³ കഠിനാ​ധ്വാ​നി​ക​ളാ​ണെന്നു തെളി​യി​ക്കുക. കന്യക​മാ​രു​ടെ ദൃഷ്ടാ​ന്ത​ത്തി​ന്റെ കാര്യ​ത്തി​ലെ​ന്ന​പോ​ലെ താലന്തു​ക​ളെ​ക്കു​റി​ച്ചുള്ള ദൃഷ്ടാ​ന്ത​ത്തി​ലും അഭിഷി​ക്ത​രിൽ ചിലർ മടിയു​ള്ള​വ​രാ​യി​ത്തീ​രു​മെന്ന്‌ യേശു മുൻകൂ​ട്ടി​പ്പ​റ​യു​ക​യാ​യി​രു​ന്നില്ല. പകരം തീക്ഷ്‌ണത നഷ്ടപ്പെ​ട്ടാൽ അഭിഷി​ക്തർക്ക്‌ എന്തു സംഭവി​ക്കു​മെന്ന്‌ യേശു വിശദീ​ക​രി​ക്കു​ക​യാ​യി​രു​ന്നു.  അങ്ങനെ സംഭവി​ച്ചാൽ തങ്ങളു​ടെ​തന്നെ “ദൈവ​വി​ളി​യും തിര​ഞ്ഞെ​ടു​പ്പും ഉറപ്പാ​ക്കാൻ” അവർക്കു കഴിയാ​തെ വരും. സ്വർഗ​രാ​ജ്യ​ത്തി​ലേക്കു പ്രവേ​ശി​ക്കാൻ അവരെ അനുവ​ദി​ക്കു​ക​യും ഇല്ല.—2 പത്രോ. 1:10.

¹⁴ കന്യക​മാ​രെ​ക്കു​റി​ച്ചും താലന്തു​ക​ളെ​ക്കു​റി​ച്ചും ഉള്ള ദൃഷ്ടാ​ന്ത​ങ്ങ​ളി​ലൂ​ടെ അഭിഷി​ക്ത​ക്രി​സ്‌ത്യാ​നി​കൾ ഒരുങ്ങി​യി​രി​ക്കു​ക​യും ജാഗ്ര​ത​യു​ള്ള​വ​രാ​യി​രി​ക്കു​ക​യും കഠിനാ​ധ്വാ​നി​ക​ളാ​യി​രി​ക്കു​ക​യും ചെയ്യണ​മെന്ന്‌ യേശു വ്യക്തമാ​ക്കി. അഭിഷി​ക്തർക്ക്‌ ഒരു മുന്നറി​യി​പ്പാ​യി യേശു മറ്റെ​ന്തെ​ങ്കി​ലും പറഞ്ഞി​ട്ടു​ണ്ടോ? ഉണ്ട്‌. മത്തായി 24:40, 41-ൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ വാക്കു​ക​ളിൽ നമുക്ക്‌ ആ മുന്നറി​യി​പ്പു കാണാം.

ആരെ “കൂട്ടി​ക്കൊ​ണ്ടു​പോ​കും?”

15-16. മത്തായി 24:40, 41 അഭിഷി​ക്തർ ഉണർന്നി​രി​ക്കേ​ണ്ട​തി​ന്റെ ആവശ്യം വ്യക്തമാ​ക്കു​ന്നത്‌ എങ്ങനെ?

¹⁵ ഈ മൂന്നു ദൃഷ്ടാ​ന്ത​ക​ഥ​ക​ളും പറയു​ന്ന​തി​നു മുമ്പ്‌ വയലിൽ പണി​യെ​ടു​ത്തു​കൊ​ണ്ടി​രി​ക്കുന്ന രണ്ടു പുരു​ഷ​ന്മാ​രെ​ക്കു​റി​ച്ചും തിരി​ക​ല്ലിൽ പൊടി​ച്ചു​കൊ​ണ്ടി​രി​ക്കുന്ന രണ്ടു സ്‌ത്രീ​ക​ളെ​ക്കു​റി​ച്ചും യേശു പറഞ്ഞു. ഇതു പറഞ്ഞ​പ്പോൾ അഭിഷി​ക്ത​രിൽ ആർക്കാണ്‌ അന്തിമ​മു​ദ്ര കിട്ടു​ന്ന​തെന്നു സൂചി​പ്പി​ക്കു​ക​യാ​യി​രു​ന്നു യേശു. ഒറ്റനോ​ട്ട​ത്തിൽ ആ പുരു​ഷ​ന്മാർ രണ്ടു​പേ​രും ഒരേ ജോലി​യാണ്‌ ചെയ്യു​ന്ന​തെ​ന്നും അതു​പോ​ലെ ആ സ്‌ത്രീ​കൾ രണ്ടു​പേ​രും ഒരേ ജോലി​ത​ന്നെ​യാ​ണു ചെയ്യു​ന്ന​തെ​ന്നും തോന്നും. എന്നാൽ രണ്ടു കൂട്ടരു​ടെ​യും കാര്യ​ത്തിൽ യേശു പറഞ്ഞത്‌, “ഒരാളെ കൂട്ടി​ക്കൊ​ണ്ടു​പോ​കും, മറ്റേയാ​ളെ ഉപേക്ഷി​ക്കും” എന്നാണ്‌. (മത്തായി 24:40, 41 വായി​ക്കുക.) എന്നിട്ട്‌ യേശു തന്റെ അനുഗാ​മി​കളെ ഇങ്ങനെ പ്രോ​ത്സാ​ഹി​പ്പി​ച്ചു: “അതു​കൊണ്ട്‌ എപ്പോ​ഴും ഉണർന്നി​രി​ക്കുക. നിങ്ങളു​ടെ കർത്താവ്‌ ഏതു ദിവസം വരു​മെന്നു നിങ്ങൾക്ക്‌ അറിയി​ല്ല​ല്ലോ.” (മത്താ. 24:42) കന്യക​മാ​രു​ടെ ദൃഷ്ടാ​ന്തകഥ പറഞ്ഞതി​നു ശേഷവും യേശു ഇതു​പോ​ലെ​തന്നെ ഒരു കാര്യം പറഞ്ഞു. (മത്താ. 25:13) യേശു​വി​ന്റെ ഈ വാക്കുകൾ തമ്മിൽ ബന്ധമു​ണ്ടോ? ഉണ്ടെന്നു​വേണം കരുതാൻ. ആത്മാർഥ​ത​യുള്ള, വിശ്വ​സ്‌ത​രായ അഭിഷി​ക്തരെ മാത്രമേ സ്വർഗ​രാ​ജ്യ​ത്തി​ലേക്കു ‘കൂട്ടി​ക്കൊ​ണ്ടു​പോ​കു​ക​യു​ള്ളൂ,’ അഥവാ യേശു സ്വീക​രി​ക്കു​ക​യു​ള്ളൂ.—യോഹ. 14:3.

¹⁶ ഉണർന്നി​രി​ക്കു​ന്ന​വ​രാ​ണെന്നു തെളി​യി​ക്കുക. ആത്മീയ​മാ​യി ജാഗ്ര​ത​യു​ള്ള​വ​രാ​യി തുടരാത്ത അഭിഷി​ക്ത​രിൽ ആരെയും ‘തിര​ഞ്ഞെ​ടു​ത്തി​രി​ക്കു​ന്ന​വ​രു​ടെ’ കൂട്ടത്തിൽ കൂട്ടി​ച്ചേർക്കില്ല. (മത്താ. 24:31) ഒരർഥ​ത്തിൽ ദൈവ​ജ​ന​ത്തി​ലെ എല്ലാവ​രും, അവരുടെ പ്രത്യാശ എന്തായി​രു​ന്നാ​ലും, ഉണർന്നി​രി​ക്കാ​നും വിശ്വ​സ്‌ത​രാ​യി തുടരാ​നും ഉള്ള ഒരു മുന്നറി​യി​പ്പാ​യി യേശു​വി​ന്റെ വാക്കു​കളെ കാണേ​ണ്ട​താണ്‌.

17. യഹോവ ചിലരെ പരിശു​ദ്ധാ​ത്മാ​വി​നാൽ അഭി​ഷേകം ചെയ്യു​ന്നത്‌ എപ്പോ​ഴാ​യാ​ലും നമ്മൾ ആ തീരു​മാ​നത്തെ ചോദ്യം ചെയ്യി​ല്ലാ​ത്തത്‌ എന്തു​കൊണ്ട്‌?

¹⁷ യഹോ​വയെ നമുക്കു നന്നായിട്ട്‌ അറിയാം. അതു​കൊണ്ട്‌ യഹോ​വ​യു​ടെ തീരു​മാ​ന​ങ്ങളെ നമ്മൾ പൂർണ​മാ​യി വിശ്വ​സി​ക്കു​ന്നു. യഹോവ നമ്മുടെ ഈ കാലത്ത്‌ വിശ്വ​സ്‌ത​രായ ചില സഹോ​ദ​ര​ങ്ങളെ അഭിഷി​ക്ത​രാ​യി തിര​ഞ്ഞെ​ടു​ത്താ​ലും നമ്മൾ യഹോ​വ​യു​ടെ ആ തീരു​മാ​നത്തെ ചോദ്യം ചെയ്യില്ല. c മുന്തി​രി​ത്തോ​ട്ട​ത്തി​ന്റെ ദൃഷ്ടാ​ന്ത​ത്തിൽ 11-ാം മണി നേരത്ത്‌ വന്ന പണിക്കാ​രെ​ക്കു​റിച്ച്‌ യേശു പറഞ്ഞത്‌ നമുക്ക്‌ അറിയാം. (മത്താ. 20:1-16) ദിവസ​ത്തി​ന്റെ അവസാനം പണിക്കു നിയമിച്ച ആളുകൾക്ക്‌, അന്ന്‌ നേര​ത്തേ​തന്നെ ജോലി തുടങ്ങിയ പണിക്കാർക്കുള്ള അതേ കൂലി​തന്നെ കിട്ടി. അതു​പോ​ലെ അഭിഷി​ക്തരെ തിര​ഞ്ഞെ​ടു​ക്കു​ന്നത്‌ എപ്പോ​ഴാ​യാ​ലും അവർ വിശ്വ​സ്‌ത​രാ​യി തുടരു​ക​യാ​ണെ​ങ്കിൽ അവർക്കെ​ല്ലാം സ്വർഗീ​യ​പ്ര​തി​ഫലം ലഭിക്കും.

മുന്നറി​യി​പ്പു​കൾക്ക്‌ ചെവി കൊടു​ക്കു​ക

18-19. നമ്മൾ എന്തെല്ലാം പാഠങ്ങ​ളും മുന്നറി​യി​പ്പു​ക​ളും ആണ്‌ കണ്ടത്‌?

¹⁸ നമ്മൾ എന്താണ്‌ പഠിച്ചത്‌? ആദ്യം കണ്ടത്‌ ചെമ്മരി​യാ​ടി​ന്റെ​യും കോലാ​ടി​ന്റെ​യും ദൃഷ്ടാ​ന്ത​മാണ്‌. ഭൂമി​യിൽ എന്നും ജീവി​ക്കാൻ പ്രതീ​ക്ഷി​ക്കു​ന്നവർ യഹോ​വ​യോ​ടു വിശ്വ​സ്‌ത​രാ​യി തുട​രേ​ണ്ട​തി​ന്റെ പ്രാധാ​ന്യം അത്‌ എടുത്തു​കാ​ണി​ക്കു​ന്നു; ഇപ്പോ​ഴും വരാൻപോ​കുന്ന മഹാക​ഷ്ട​ത​യു​ടെ സമയത്തും. അർമ​ഗെ​ദോ​നു തൊട്ടു​മുമ്പ്‌ യേശു വിശ്വ​സ്‌ത​രാ​യ​വരെ, ‘നിത്യ​ജീ​വ​നി​ലേക്കു കടക്കാൻ’ യോഗ്യ​ത​യു​ള്ള​വ​രാ​യി വിധി​ക്കും.—മത്താ. 25:46.

¹⁹ അഭിഷി​ക്തർക്കുള്ള മുന്നറി​യി​പ്പു​കൾ അടങ്ങിയ രണ്ടു ദൃഷ്ടാ​ന്ത​ക​ഥ​കൾകൂ​ടെ നമ്മൾ പഠിക്കു​ക​യു​ണ്ടാ​യി. യേശു പറഞ്ഞ, വിവേ​ക​മ​തി​ക​ളും വിവേ​ക​മി​ല്ലാ​ത്ത​വ​രും ആയ കന്യക​മാ​രു​ടെ ദൃഷ്ടാ​ന്ത​ത്തിൽ അഞ്ചു കന്യക​മാർ വിവേ​ക​മ​തി​ക​ളാ​ണെന്നു തെളി​യി​ച്ചു. അവർ ഒരുങ്ങി​യി​രി​ക്കു​ന്ന​വ​രും ജാഗ്ര​ത​യു​ള്ള​വ​രും  ആയിരു​ന്നു. മണവാ​ള​നു​വേണ്ടി എത്ര സമയം വേണ​മെ​ങ്കി​ലും കാത്തി​രി​ക്കാൻ അവർ തയ്യാറു​മാ​യി​രു​ന്നു. പക്ഷേ വിവേ​ക​മി​ല്ലാത്ത കന്യക​മാർ തയ്യാ​റെ​ടു​പ്പു​കൾ ഒന്നും നടത്തി​യി​രു​ന്നില്ല. അതു​കൊണ്ട്‌ മണവാളൻ തന്റെ വിവാ​ഹ​വി​രു​ന്നി​ലേക്കു പ്രവേ​ശി​ക്കാൻ അവരെ അനുവ​ദി​ച്ചില്ല. യേശു ഈ വ്യവസ്ഥി​തി അവസാ​നി​പ്പി​ക്കു​ന്നത്‌ എപ്പോ​ഴാ​ണോ അതുവരെ കാത്തി​രി​ക്കാൻ നമ്മളും ഒരുങ്ങി​യി​രി​ക്കണം. ഇനി താലന്തു​ക​ളെ​ക്കു​റി​ച്ചുള്ള യേശു​വി​ന്റെ ദൃഷ്ടാ​ന്ത​ത്തിൽ, നമ്മൾ വിശ്വ​സ്‌ത​രായ രണ്ട്‌ അടിമ​ക​ളെ​ക്കു​റിച്ച്‌ പഠിച്ചു. അവർ നല്ല കഠിനാ​ധ്വാ​നി​ക​ളാ​യി​രു​ന്നു. അതു​കൊ​ണ്ടു​തന്നെ അവർ തങ്ങളുടെ യജമാ​നന്റെ അംഗീ​കാ​രം നേടി. എന്നാൽ മടിയ​നായ അടിമയെ തള്ളിക്ക​ളഞ്ഞു. എന്താണ്‌ പാഠം? യഹോ​വ​യു​ടെ സേവന​ത്തിൽ നമ്മൾ അവസാ​നം​വരെ തിരക്കു​ള്ള​വ​രാ​യി തുടരണം. ഇനി, യേശു അഭിഷി​ക്തരെ സ്വർഗീ​യ​പ്ര​തി​ഫ​ല​ത്തി​ലേക്കു ‘കൂട്ടി​ക്കൊ​ണ്ടു​പോ​ക​ണ​മെ​ങ്കിൽ’ അവർ എങ്ങനെ​യാണ്‌ ഉണർന്നി​രി​ക്കേ​ണ്ട​തെ​ന്നും നമ്മൾ അവസാനം കണ്ടു. വലിയ പ്രതീ​ക്ഷ​യോ​ടെ അവർ സ്വർഗ​ത്തിൽ യേശു​വി​നോ​ടൊ​പ്പം ‘കൂട്ടി​ച്ചേർക്ക​പ്പെ​ടു​ന്ന​തി​നാ​യി’ നോക്കി​യി​രി​ക്കു​ക​യാണ്‌. അർമ​ഗെ​ദോൻ യുദ്ധത്തി​നു ശേഷം കുഞ്ഞാ​ടി​ന്റെ വിവാ​ഹ​വി​രു​ന്നിൽ അവർ യേശു​വി​ന്റെ മണവാ​ട്ടി​യാ​യി​ത്തീ​രും.—2 തെസ്സ. 2:1; വെളി. 19:7, 9.

20. തന്റെ മുന്നറി​യി​പ്പു​കൾക്കു ചെവി കൊടു​ക്കു​ന്ന​വർക്കു​വേണ്ടി യഹോവ എന്തു ചെയ്യും?

²⁰ ന്യായ​വി​ധി വേഗത്തിൽ അടുത്തു​കൊ​ണ്ടി​രി​ക്കു​ക​യാ​ണെ​ങ്കി​ലും നമുക്കു ഭയപ്പെ​ടാൻ ഒന്നുമില്ല. വിശ്വ​സ്‌ത​രാ​യി തുടരു​ക​യാ​ണെ​ങ്കിൽ നമ്മുടെ സ്‌നേ​ഹ​വാ​നായ സ്വർഗീ​യ​പി​താവ്‌ നമുക്ക്‌ “അസാധാ​ര​ണ​ശക്തി” നൽകും. അതു​കൊണ്ട്‌ നമുക്കു “രക്ഷപ്പെ​ടാ​നും മനുഷ്യ​പു​ത്രന്റെ മുന്നിൽ നിൽക്കാ​നും” കഴിയും. (2 കൊരി. 4:7; ലൂക്കോ. 21:36) നമ്മുടെ പ്രത്യാശ സ്വർഗ​ത്തി​ലാ​യാ​ലും ഭൂമി​യി​ലാ​യാ​ലും യേശു​വി​ന്റെ ദൃഷ്ടാ​ന്ത​ക​ഥ​ക​ളി​ലെ മുന്നറി​യി​പ്പു​കൾക്കു ചെവി കൊടു​ക്കു​ന്നെ​ങ്കിൽ അതു നമ്മുടെ പിതാ​വി​നെ സന്തോ​ഷി​പ്പി​ക്കും. യഹോ​വ​യു​ടെ അനർഹ​ദ​യ​യാൽ ജീവന്റെ ‘പുസ്‌ത​ക​ത്തിൽ പേര്‌ എഴുതി​ക്കാ​ണു​ന്ന​വ​രു​ടെ’ കൂട്ടത്തിൽ നമ്മുടെ പേരു​ക​ളും ഉണ്ടായി​രി​ക്കും.—ദാനി. 12:1; വെളി. 3:5.