1-2. ദൈവ​ജനം സന്തോ​ഷ​മു​ള്ള​വ​രാ​യി​രി​ക്കു​ന്നത്‌ എന്തു​കൊണ്ട്‌? (യാക്കോബ്‌ 1:22-25)

 യഹോ​വ​യും പ്രിയ​മ​ക​നായ യേശു​വും നമ്മൾ സന്തോ​ഷ​മു​ള്ള​വ​രാ​യി​രി​ക്കാൻ ആഗ്രഹി​ക്കു​ന്നു. സങ്കീർത്തനം 119:2 ഇങ്ങനെ പറയുന്നു: “ദൈവ​ത്തി​ന്റെ ഓർമി​പ്പി​ക്ക​ലു​കൾ അനുസ​രി​ക്കു​ന്നവർ, മുഴു​ഹൃ​ദ​യ​ത്തോ​ടെ ദൈവത്തെ തേടു​ന്നവർ, സന്തുഷ്ടർ.” യേശു​വും ഈ ഉറപ്പു നൽകി: “ദൈവ​ത്തി​ന്റെ വചനം കേട്ടനു​സ​രി​ക്കു​ന്ന​വ​രാണ്‌ സന്തുഷ്ടർ.”— ലൂക്കോ. 11:28, അടിക്കു​റിപ്പ്‌.

² യഹോ​വ​യു​ടെ ആരാധ​ക​രായ നമ്മളെ​ല്ലാം സന്തോ​ഷ​മു​ള്ള​വ​രാണ്‌. എന്തു​കൊണ്ട്‌? പല കാരണ​ങ്ങ​ളുണ്ട്‌. അതിൽ പ്രധാ​ന​പ്പെട്ട ഒന്ന്‌ നമ്മൾ ദിവസ​വും ബൈബിൾ വായി​ക്കു​ക​യും പഠിക്കുന്ന കാര്യ​ങ്ങൾക്കു ചേർച്ച​യിൽ ജീവി​ക്കാൻ പരമാ​വധി ശ്രമി​ക്കു​ക​യും ചെയ്യുന്നു എന്നതാണ്‌.—യാക്കോബ്‌ 1:22-25 വായി​ക്കുക.

3. ദൈവ​വ​ച​ന​ത്തിൽനിന്ന്‌ വായിച്ച കാര്യ​ങ്ങൾക്കു ചേർച്ച​യിൽ പ്രവർത്തി​ക്കു​മ്പോൾ നമുക്ക്‌ എന്ത്‌ പ്രയോ​ജനം കിട്ടും?

³ ‘വചനത്തി​നു ചേർച്ച​യിൽ പ്രവർത്തി​ക്കു​മ്പോൾ’ നമുക്കു പല പ്രയോ​ജ​ന​ങ്ങ​ളുണ്ട്‌. ഉദാഹ​ര​ണ​ത്തിന്‌, നമ്മൾ ദൈവ​വ​ചനം അനുസ​രി​ക്കു​ന്നത്‌ യഹോ​വയെ സന്തോ​ഷി​പ്പി​ക്കും. ആ ബോധ്യം നമുക്കു സന്തോഷം തരും. (സഭാ. 12:13) ഇനി, ദൈവ​വ​ച​ന​ത്തിൽനിന്ന്‌ വായി​ച്ച​തി​നു ചേർച്ച​യിൽ ജീവി​ക്കു​മ്പോൾ നമ്മുടെ കുടും​ബ​ജീ​വി​തം മെച്ച​പ്പെ​ടും. അതു​പോ​ലെ സഹോ​ദ​ര​ങ്ങ​ളു​മാ​യുള്ള സൗഹൃ​ദ​വും ശക്തമാ​കും. അതു സത്യമാ​ണെന്നു സ്വന്തം ജീവി​ത​ത്തിൽനിന്ന്‌ നിങ്ങൾക്കു തോന്നു​ന്നി​ല്ലേ? മറ്റൊരു പ്രയോ​ജനം, യഹോ​വ​യു​ടെ വഴികൾ അനുസ​രി​ക്കാ​ത്ത​വർക്ക്‌ ഉണ്ടാകുന്ന പല പ്രശ്‌ന​ങ്ങ​ളും നമുക്ക്‌ ഒഴിവാ​ക്കാ​നാ​കും. ദാവീദ്‌ രാജാവ്‌ പറഞ്ഞതു​പോ​ലെ​യാ​യി​രി​ക്കും നമുക്കും തോന്നു​ന്നത്‌. 19-ാം സങ്കീർത്ത​ന​ത്തിൽ യഹോ​വ​യു​ടെ നിയമ​ത്തെ​യും ആജ്ഞക​ളെ​യും വിധി​ക​ളെ​യും കുറി​ച്ചൊ​ക്കെ പറഞ്ഞതി​നു ശേഷം ഒടുവിൽ ദാവീദ്‌ ഇങ്ങനെ എഴുതി: “അവ പാലി​ച്ചാൽ വലിയ പ്രതി​ഫ​ല​മുണ്ട്‌.”—സങ്കീ. 19:7-11.

4. ദൈവ​വ​ച​ന​ത്തി​നു ചേർച്ച​യിൽ പ്രവർത്തി​ക്കു​ന്നവർ ആയിരി​ക്കു​ന്നത്‌ അത്ര എളുപ്പ​മ​ല്ലാ​ത്തത്‌ എന്തു​കൊണ്ട്‌?

 ⁴ വചനത്തി​നു ചേർച്ച​യിൽ പ്രവർത്തി​ക്കു​ന്ന​വ​രാ​കാൻ, നമ്മൾ ബൈബിൾ വായി​ക്കു​ക​യും പഠിക്കു​ക​യും ചെയ്‌തു​കൊണ്ട്‌ യഹോ​വ​യു​ടെ ഇഷ്ടം എന്താ​ണെന്നു മനസ്സി​ലാ​ക്കണം. ഇന്നത്തെ തിരക്കു​പി​ടിച്ച ജീവി​ത​ത്തിൽ അത്‌ എല്ലായ്‌പോ​ഴും അത്ര എളുപ്പമല്ല. അതു​കൊണ്ട്‌ നമ്മൾ അതിനാ​യി സമയം കണ്ടെ​ത്തേ​ണ്ട​തുണ്ട്‌. ദിവസ​വും ബൈബിൾ വായി​ക്കുന്ന ഒരു ശീലമു​ണ്ടാ​യി​രി​ക്കാൻ നമ്മളെ സഹായി​ക്കുന്ന ചില നിർദേ​ശങ്ങൾ നമുക്കു നോക്കാം. വായി​ക്കുന്ന കാര്യ​ങ്ങ​ളെ​ക്കു​റിച്ച്‌ ചിന്തി​ക്കാ​നും അതനു​സ​രിച്ച്‌ ജീവി​ക്കാ​നും സഹായി​ക്കുന്ന ചില കാര്യ​ങ്ങ​ളും നമ്മൾ ഈ ലേഖന​ത്തിൽ പഠിക്കും.

ദൈവ​വ​ചനം വായി​ക്കാൻ സമയം മാറ്റി​വെ​ക്കു​ക

5. ഏതൊക്കെ ഉത്തരവാ​ദി​ത്വ​ങ്ങൾ കാരണം നമ്മൾ തിരക്കു​ള്ള​വ​രാണ്‌?

⁵ യഹോ​വ​യു​ടെ ജനത്തിൽ മിക്കവ​രും വളരെ തിരക്കു​ള്ള​വ​രാണ്‌. കാരണം, പ്രധാ​ന​പ്പെ​ട്ട​തെന്നു തിരു​വെ​ഴു​ത്തു​കൾ പറയുന്ന പല ഉത്തരവാ​ദി​ത്വ​ങ്ങ​ളും നമു​ക്കെ​ല്ലാം ചെയ്യാ​നുണ്ട്‌. ഉദാഹ​ര​ണ​ത്തിന്‌, നമുക്കും കുടും​ബ​ത്തി​നും വേണ്ടി കരുതാൻ നമ്മളിൽ മിക്കവ​രും ജോലി ചെയ്യുന്നു. (1 തിമൊ. 5:8) പല സഹോ​ദ​ര​ങ്ങൾക്കും പ്രായ​മായ അല്ലെങ്കിൽ രോഗാ​വ​സ്ഥ​യി​ലുള്ള കുടും​ബാം​ഗ​ങ്ങളെ നോക്കാ​നുണ്ട്‌. അതു​പോ​ലെ നമു​ക്കെ​ല്ലാം സ്വന്തം ആരോ​ഗ്യം ശ്രദ്ധി​ക്കാ​നും സമയം വേണം. ഇതി​നെ​ല്ലാം പുറമേ, സഭയിൽ നമുക്കു പല നിയമ​ന​ങ്ങ​ളും ചെയ്യാ​നു​ണ്ടാ​കും. പ്രസം​ഗ​പ്ര​വർത്ത​ന​ത്തിൽ ഉത്സാഹ​ത്തോ​ടെ പ്രവർത്തി​ക്കേ​ണ്ട​തും പ്രധാ​ന​പ്പെട്ട ഒരു ഉത്തരവാ​ദി​ത്വ​മാണ്‌. ഇത്ര​യേറെ കാര്യങ്ങൾ ചെയ്യാ​നു​ള്ള​പ്പോൾ നമുക്ക്‌ എങ്ങനെ പതിവാ​യി ബൈബിൾ വായി​ക്കാ​നും വായി​ച്ച​തി​നെ​ക്കു​റിച്ച്‌ ധ്യാനി​ക്കാ​നും അതനു​സ​രിച്ച്‌ പ്രവർത്തി​ക്കാ​നും സമയം മാറ്റി​വെ​ക്കാ​നാ​കും?

6. ദിവസ​വും മുടങ്ങാ​തെ ബൈബിൾ വായി​ക്കു​ന്ന​തി​നു നിങ്ങൾക്ക്‌ എന്തു ചെയ്യാം? (ചിത്ര​വും കാണുക.)

⁶ ക്രിസ്‌ത്യാ​നി​കൾ ചെയ്യേണ്ട ‘കൂടുതൽ പ്രാധാ​ന്യ​മുള്ള കാര്യ​ങ്ങ​ളിൽ’ ഒന്നാണ്‌ ബൈബിൾവാ​യന. അതു​കൊണ്ട്‌ നമ്മൾ അതു ചെയ്യു​ന്നു​ണ്ടെന്ന്‌ ഉറപ്പു​വ​രു​ത്തണം. (ഫിലി. 1:10) സന്തോ​ഷ​മുള്ള മനുഷ്യ​നെ​ക്കു​റിച്ച്‌ ഒന്നാം സങ്കീർത്തനം ഇങ്ങനെ പറയുന്നു: “യഹോ​വ​യു​ടെ നിയമ​മാണ്‌ അവന്‌ ആനന്ദം പകരു​ന്നത്‌. അവൻ അതു രാവും പകലും മന്ദസ്വ​ര​ത്തിൽ വായി​ക്കു​ന്നു.” (സങ്കീ. 1:1, 2) ദൈവ​വ​ചനം വായി​ക്കാൻ നമ്മൾ സമയം മാറ്റി​വെ​ക്കണം എന്നുത​ന്നെ​യാണ്‌ അതു കാണി​ക്കു​ന്നത്‌. അങ്ങനെ​യെ​ങ്കിൽ ബൈബിൾ വായി​ക്കാ​നുള്ള ഏറ്റവും പറ്റിയ സമയം ഏതാണ്‌? പലർക്കും പലതാ​യി​രി​ക്കും. ഏതു സമയമാ​യാ​ലും ദിവസ​വും വായി​ക്കാൻ പറ്റുന്ന ഒരു സമയം ആയിരി​ക്കണം എന്നു മാത്രം. വിക്‌ടർ സഹോ​ദരൻ  പറയുന്നു: “ഞാൻ രാവി​ലെ​യാണ്‌ ബൈബിൾ വായി​ക്കാ​റു​ള്ളത്‌. രാവിലെ എഴു​ന്നേൽക്കാൻ എനിക്ക്‌ അത്ര ഇഷ്ടമി​ല്ലെ​ങ്കി​ലും ആ സമയത്ത്‌ എന്റെ ശ്രദ്ധ കളയുന്ന കാര്യങ്ങൾ കുറവാണ്‌. മറ്റു ചിന്തക​ളൊ​ന്നും കടന്നു​വ​രാ​തെ നല്ല ഏകാ​ഗ്ര​ത​യോ​ടെ വായി​ക്കാൻ എനിക്ക്‌ അപ്പോൾ കഴിയാ​റുണ്ട്‌.” നിങ്ങൾക്ക്‌ അങ്ങനെ​യാ​ണോ? ‘എനിക്ക്‌ ബൈബിൾ വായി​ക്കാൻ പറ്റിയ ഏറ്റവും നല്ല സമയം ഏതാണ്‌’ എന്നു സ്വയം ചോദി​ക്കുക.

വായി​ക്കു​ന്ന​തി​നെ​ക്കു​റിച്ച്‌ ചിന്തി​ക്കു​ക

7-8. വായി​ക്കുന്ന കാര്യ​ങ്ങ​ളിൽനിന്ന്‌ പൂർണ​പ്ര​യോ​ജനം നേടാൻ നമ്മൾ എന്ത്‌ ഒഴിവാ​ക്കണം? ഒരു ഉദാഹ​രണം പറയുക.

⁷ നമ്മളെ​ല്ലാം ദിവസ​വും ഒരുപാ​ടു കാര്യങ്ങൾ വായി​ക്കാ​റുണ്ട്‌. പക്ഷേ അതിൽ പലതും നമ്മുടെ മനസ്സി​ലേക്കു കയറാ​റില്ല. എന്തെങ്കി​ലും ഒരു കാര്യം വായി​ച്ചിട്ട്‌ കുറച്ച്‌ കഴിയു​മ്പോൾ നിങ്ങൾക്ക്‌ അത്‌ ഓർത്തെ​ടു​ക്കാൻ കഴിയാ​തെ വന്നിട്ടു​ണ്ടോ? നമു​ക്കെ​ല്ലാം അങ്ങനെ സംഭവി​ച്ചി​ട്ടു​ണ്ടാ​കും. ബൈബിൾവാ​യ​ന​യു​ടെ കാര്യ​ത്തി​ലും ചില​പ്പോൾ അങ്ങനെ സംഭവി​ച്ചു​പോ​യേ​ക്കാം. ഓരോ ദിവസ​വും ബൈബി​ളി​ലെ കുറച്ച്‌ അധ്യാ​യങ്ങൾ വായി​ക്കാൻ നിങ്ങൾ ലക്ഷ്യം വെച്ചി​ട്ടു​ണ്ടെന്നു വിചാ​രി​ക്കുക. അതു നല്ലതു തന്നെയാണ്‌. നമ്മൾ ലക്ഷ്യങ്ങൾ വെക്കു​ക​യും അതിൽ എത്തി​ച്ചേ​രാൻ ശ്രമി​ക്കു​ക​യും ചെയ്യേ​ണ്ട​താണ്‌. (1 കൊരി. 9:26) പക്ഷേ ബൈബിൾ വെറുതേ വായി​ച്ചാൽ മാത്രം മതിയോ? പോരാ. ബൈബിൾ വായി​ക്കു​ന്നത്‌ ഒരു തുടക്കം മാത്ര​മാണ്‌. വായി​ക്കു​ന്ന​തിൽനിന്ന്‌ പൂർണ​പ്ര​യോ​ജനം നേടാൻ നമ്മൾ മറ്റു ചില കാര്യ​ങ്ങൾകൂ​ടെ ചെയ്യേ​ണ്ട​തുണ്ട്‌.

⁸ ഒരു ഉദാഹ​രണം നോക്കാം: ചെടികൾ വളരാൻ വെള്ളം വേണം. പക്ഷേ ഒറ്റയടിക്ക്‌ ഒരുപാ​ടു മഴ പെയ്‌താൽ മണ്ണ്‌ വല്ലാതെ നനഞ്ഞു കുതി​രും. അങ്ങനെ കുതിർന്നി​രി​ക്കുന്ന മണ്ണി​ലേക്ക്‌ ഉടൻതന്നെ വീണ്ടും മഴ പെയ്‌താൽ ആ വെള്ളം ഒഴുകി​പ്പോ​കു​കയേ ഉള്ളൂ. അതു ചെടിക്കു പ്രയോ​ജ​ന​പ്പെ​ടില്ല. കാരണം മണ്ണിനു വെള്ളം വലി​ച്ചെ​ടു​ക്കാൻ സമയം ആവശ്യ​മാണ്‌. അതു​പോ​ലെ ബൈബിൾ വായി​ക്കു​മ്പോ​ഴും വേഗത്തിൽ വായി​ച്ചു​തീർക്കുന്ന രീതി നമ്മൾ ഒഴിവാ​ക്കണം. കാരണം അങ്ങനെ ചെയ്‌താൽ വായിച്ച കാര്യ​ങ്ങ​ളെ​ക്കു​റിച്ച്‌ ചിന്തി​ക്കാ​നോ അത്‌ ഓർത്തി​രി​ക്കാ​നോ ജീവി​ത​ത്തിൽ പ്രയോ​ജ​ന​പ്പെ​ടു​ത്താ​നോ നമുക്കു പറ്റാതെ വരും.—യാക്കോ. 1:24.

9. ബൈബിൾ ഓടിച്ച്‌ വായി​ക്കുന്ന ഒരു ശീലം നിങ്ങൾക്കു​ണ്ടെ​ങ്കിൽ എന്തു ചെയ്യണം?

⁹ ചില​പ്പോ​ഴെ​ങ്കി​ലും നിങ്ങൾ, ബൈബിൾ ഓടിച്ച്‌ വായി​ക്കാ​റു​ണ്ടെ​ങ്കിൽ എന്തു ചെയ്യണം? വായന​യു​ടെ വേഗത കുറയ്‌ക്കുക. വായി​ക്കു​ന്ന​തി​നെ​ക്കു​റിച്ച്‌ ധ്യാനി​ക്കാൻ സമയ​മെ​ടു​ക്കണം. ഒന്നുകിൽ വായി​ച്ചു​കൊ​ണ്ടി​രി​ക്കു​മ്പോൾത്ത​ന്നെ​യോ അല്ലെങ്കിൽ വായി​ച്ചു​ക​ഴി​ഞ്ഞോ നമുക്ക്‌ അതു ചെയ്യാ​നാ​കും. ധ്യാനി​ക്കുക എന്നു പറയു​മ്പോൾ അത്‌ എന്തോ വലിയ ഒരു കാര്യ​മാ​യി  നിങ്ങൾക്കു തോന്നു​ന്നെ​ങ്കിൽ ഇങ്ങനെ ചെയ്‌താൽ മതി: എന്താണ്‌ വായി​ച്ചത്‌ എന്ന്‌ വെറുതേ ഒന്നുകൂ​ടി ചിന്തി​ക്കുക. അങ്ങനെ ചിന്തി​ക്കാൻ, അല്ലെങ്കിൽ ധ്യാനി​ക്കാൻ സമയം കിട്ടണം. അതിന്‌ ഒന്നുകിൽ പഠിക്കു​ന്ന​തി​ന്റെ സമയം കൂട്ടാം. അല്ലെങ്കിൽ കുറച്ച്‌ വാക്യങ്ങൾ മാത്രം വായി​ച്ചിട്ട്‌ ബാക്കി സമയം അതെക്കു​റിച്ച്‌ ചിന്തി​ക്കാ​നാ​യി എടുക്കാം. മുമ്പ്‌ കണ്ട വിക്‌ടർ പറയുന്നു: “ഞാൻ കുറച്ച്‌ മാത്രമേ ബൈബിൾ വായി​ക്കു​ക​യു​ള്ളൂ; ചില​പ്പോൾ ഒരു അധ്യാ​യ​മൊ​ക്കെ. രാവിലെ വായി​ക്കു​ന്ന​തു​കൊണ്ട്‌ ആ ദിവസം മുഴുവൻ വായി​ച്ച​തി​നെ​ക്കു​റിച്ച്‌ ചിന്തി​ക്കാൻ എനിക്കു പറ്റും.” നിങ്ങൾ വായി​ക്കാൻ ഏതു രീതി തിര​ഞ്ഞെ​ടു​ത്താ​ലും വായി​ക്കു​ന്ന​തിൽനിന്ന്‌ പ്രയോ​ജനം നേടാ​നാ​കുന്ന ഒരു വേഗത​യിൽ മാത്രമേ വായി​ക്കാ​വൂ.—സങ്കീ. 119:97; “ ചിന്തി​ക്കാൻ ചില ചോദ്യ​ങ്ങൾ” എന്ന ചതുരം കാണുക.

10. പഠിക്കുന്ന കാര്യ​ങ്ങൾക്കു ചേർച്ച​യിൽ പ്രവർത്തി​ക്കാൻ നിങ്ങളെ എന്തു സഹായി​ക്കും, ഒരു ഉദാഹ​ര​ണ​ത്തി​ലൂ​ടെ വിശദീ​ക​രി​ക്കുക. (1 തെസ്സ​ലോ​നി​ക്യർ 5:17, 18)

¹⁰ നിങ്ങൾ എപ്പോൾ ബൈബിൾ വായി​ച്ചാ​ലും എത്ര സമയം അതിനാ​യി ചെലവ​ഴി​ച്ചാ​ലും വായി​ക്കുന്ന കാര്യങ്ങൾ എങ്ങനെ പ്രാവർത്തി​ക​മാ​ക്കാം എന്നു ചിന്തി​ക്കാൻ വിട്ടു​പോ​ക​രുത്‌. ദൈവ​വ​ച​ന​ത്തി​ലെ ഒരു ഭാഗം വായി​ക്കു​മ്പോൾ നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘ഈ വിവരങ്ങൾ ഇപ്പോ​ഴോ ഭാവി​യി​ലോ എനിക്ക്‌ എങ്ങനെ പ്രയോ​ജ​ന​പ്പെ​ടു​ത്താ​നാ​കും?’ ഇത്‌ എങ്ങനെ ചെയ്യാ​മെന്നു മനസ്സി​ലാ​ക്കാൻ ഒരു ഉദാഹ​രണം നോക്കാം: നിങ്ങൾ ഇപ്പോൾ 1 തെസ്സ​ലോ​നി​ക്യർ 5:17, 18 (വായി​ക്കുക.) വായിച്ച്‌ കഴിഞ്ഞതേ ഉള്ളൂ. ഇപ്പോൾ വായന നിറു​ത്തി​യിട്ട്‌, നിങ്ങൾ ഉള്ളിന്റെ ഉള്ളിൽനിന്ന്‌ എത്ര കൂടെ​ക്കൂ​ടെ പ്രാർഥി​ക്കാ​റുണ്ട്‌ എന്ന്‌ ചിന്തി​ക്കു​ന്നു. അതു​പോ​ലെ എന്തൊക്കെ കാര്യ​ങ്ങൾക്കാണ്‌ നിങ്ങൾക്കു ദൈവ​ത്തോ​ടു നന്ദി തോന്നു​ന്ന​തെ​ന്നും ആലോ​ചി​ക്കു​ന്നു. ചില​പ്പോൾ ഏതെങ്കി​ലും മൂന്നു കാര്യങ്ങൾ എടുത്തു​പ​റഞ്ഞ്‌ യഹോ​വ​യോ​ടു നന്ദി പറയാൻ നിങ്ങൾ തീരു​മാ​നി​ച്ചേ​ക്കാം. ഇങ്ങനെ ശ്രദ്ധ​യോ​ടെ ഏതാനും മിനി​ട്ടു​കൾ ചിന്തി​ക്കു​മ്പോൾത്തന്നെ നിങ്ങൾ ഒരു പരിധി​വരെ ദൈവ​വ​ചനം കേൾക്കു​ക​യും അതിനു ചേർച്ച​യിൽ പ്രവർത്തി​ക്കു​ക​യും ചെയ്യുന്ന ഒരാളാ​കു​ക​യാണ്‌. ഓരോ ദിവസ​വും ബൈബിൾ വായി​ക്കു​മ്പോൾ ഇങ്ങനെ ചെയ്യു​ന്നെ​ങ്കിൽ അതു നിങ്ങൾക്ക്‌ എത്രമാ​ത്രം പ്രയോ​ജനം ചെയ്യും എന്നു ചിന്തിച്ച്‌ നോക്കൂ. പതി​യെ​പ്പ​തി​യെ ദൈവ​വ​ച​ന​ത്തി​നു ചേർച്ച​യിൽ പ്രവർത്തി​ക്കുന്ന ഒരാളാ​യി നിങ്ങൾ വളരും. എന്നാൽ മാറ്റം വരുത്തേണ്ട ഒരുപാ​ടു കാര്യങ്ങൾ കണ്ടെത്തു​ന്നെ​ങ്കി​ലോ?

ന്യായ​മായ ലക്ഷ്യങ്ങൾ വെക്കുക

11. ചില സമയത്ത്‌ നിങ്ങൾക്ക്‌ എന്തു​കൊണ്ട്‌ മടുപ്പു തോന്നി​യേ​ക്കാം, ഒരു ഉദാഹ​രണം പറയുക.

¹¹ ബൈബിൾ വായി​ക്കു​മ്പോൾ മാറ്റങ്ങൾ വരുത്താ​നുള്ള ഒരുപാ​ടു കാര്യങ്ങൾ കണ്ടെത്താൻ സാധ്യ​ത​യുണ്ട്‌. അപ്പോൾ നമുക്കു മടുപ്പു തോന്നി​യേ​ക്കാം. ഒരു ഉദാഹ​രണം നോക്കാം: ഒരു ദിവസം ബൈബിൾ വായി​ച്ച​പ്പോൾ പക്ഷപാതം കാണി​ക്ക​രുത്‌ എന്നാണ്‌ നിങ്ങൾ പഠിച്ചത്‌. (യാക്കോ. 2:1-8) അപ്പോൾ നിങ്ങൾക്കു തോന്നി, മറ്റുള്ള​വ​രോട്‌ ഇടപെ​ടുന്ന കാര്യ​ത്തിൽ നിങ്ങൾ കുറച്ച്‌ മാറ്റങ്ങ​ളൊ​ക്കെ വരു​ത്തേ​ണ്ട​തു​ണ്ടെന്ന്‌. അങ്ങനെ ചെയ്യാൻ തീരു​മാ​നി​ക്കു​ക​യും ചെയ്‌തു. അതു നല്ലതാണ്‌. പിറ്റേ ദിവസം ബൈബിൾ വായി​ച്ച​പ്പോൾ സംസാരം ശ്രദ്ധി​ക്കേ​ണ്ട​തി​ന്റെ പ്രാധാ​ന്യം നിങ്ങൾ മനസ്സി​ലാ​ക്കി. (യാക്കോ. 3:1-12) ചില​പ്പോ​ഴൊ​ക്കെ നിങ്ങളു​ടെ സംസാരം അൽപ്പം മോശ​മാ​യി പോകാ​റുണ്ട്‌ എന്ന്‌ നിങ്ങൾ തിരി​ച്ച​റി​യു​ന്നു. അതു​കൊണ്ട്‌ ബലപ്പെ​ടു​ത്തുന്ന രീതി​യിൽ സംസാ​രി​ക്കാൻ  നിങ്ങൾ ലക്ഷ്യം വെച്ചു. ഇനി അടുത്ത ദിവസത്തെ ബൈബിൾവാ​യ​ന​യിൽ ലോക​ത്തി​ന്റെ സുഹൃത്ത്‌ ആകുന്ന​തി​നെ​തി​രെ മുന്നറി​യി​പ്പു​ണ്ടാ​യി​രു​ന്നു. (യാക്കോ. 4:4-12) വിനോ​ദങ്ങൾ തിര​ഞ്ഞെ​ടു​ക്കുന്ന കാര്യ​ത്തിൽ കുറച്ചു​കൂ​ടെ ശ്രദ്ധി​ക്കേ​ണ്ട​തു​ണ്ടെന്നു നിങ്ങൾ മനസ്സി​ലാ​ക്കു​ന്നു. നാലാ​മത്തെ ദിവസം ആകു​മ്പോ​ഴേ​ക്കും ഇത്ര​യേറെ കാര്യങ്ങൾ എനിക്ക്‌ മാറ്റം വരുത്ത​ണ​മ​ല്ലോ എന്നു ചിന്തിച്ച്‌ നിങ്ങൾക്കു മടുപ്പു തോന്നി​യേ​ക്കാം.

12. ബൈബിൾ വായി​ക്കു​മ്പോൾ നിങ്ങൾ മാറ്റങ്ങൾ വരു​ത്തേ​ണ്ട​തു​ണ്ടെന്നു കണ്ടെത്തി​യാൽ നിരു​ത്സാ​ഹി​ത​രാ​യി പോ​കേ​ണ്ട​തി​ല്ലാ​ത്തത്‌ എന്തു​കൊണ്ട്‌? (അടിക്കു​റി​പ്പും കാണുക.)

¹² കുറെ​യേറെ മാറ്റങ്ങൾ വരുത്താ​നു​ണ്ടെന്നു കണ്ടാൽ നിങ്ങൾ നിരു​ത്സാ​ഹി​ത​രാ​യി പോകേണ്ട കാര്യ​മില്ല. നിങ്ങൾക്കു നല്ലൊരു ഹൃദയ​നി​ല​യുണ്ട്‌ എന്നാണ്‌ അതു കാണി​ക്കു​ന്നത്‌. താഴ്‌മ​യുള്ള, സത്യസ​ന്ധ​നായ ഒരു വ്യക്തി ബൈബിൾ വായി​ക്കു​മ്പോൾ ‘എനി​ക്കെന്തു മാറ്റം വരുത്താം’ എന്നതി​നെ​ക്കു​റിച്ച്‌ ചിന്തി​ക്കും; അതു നല്ലതാണ്‌. a “പുതിയ വ്യക്തി​ത്വം” ധരിച്ചാൽ മാത്രം പോരാ, അതു പുതു​ക്കി​ക്കൊ​ണ്ടേ​യി​രി​ക്കണം എന്ന്‌ ഓർക്കാം. (കൊലോ. 3:10) എപ്പോ​ഴും ദൈവ​വ​ച​ന​ത്തി​നു ചേർച്ച​യിൽ പ്രവർത്തി​ക്കു​ന്ന​വ​രാ​യി​രി​ക്കാൻ നിങ്ങളെ എന്തു സഹായി​ക്കും?

13. ന്യായ​മായ ലക്ഷ്യങ്ങൾ വെക്കാൻ നിങ്ങൾക്ക്‌ എന്തു ചെയ്യാം? (ചിത്ര​വും കാണുക.)

¹³ വായി​ച്ച​പ്പോൾ കണ്ടെത്തിയ എല്ലാ കാര്യ​ങ്ങ​ളും ഒന്നിച്ച്‌ ചെയ്യാൻ ശ്രമി​ക്കു​ന്ന​തി​നു പകരം ന്യായ​മായ ലക്ഷ്യങ്ങൾ വെക്കുക. (സുഭാ. 11:2) ഇങ്ങനെ ചെയ്‌തു​നോ​ക്കാം: മാറ്റം വരുത്തേണ്ട കാര്യ​ങ്ങ​ളു​ടെ ഒരു ലിസ്റ്റ്‌ ഉണ്ടാക്കുക. എന്നിട്ട്‌ അതിൽനിന്ന്‌ ഒന്നോ രണ്ടോ എണ്ണം ആദ്യം തിര​ഞ്ഞെ​ടു​ക്കുക. ബാക്കി കാര്യ​ങ്ങ​ളിൽ നമുക്കു പതിയെ മാറ്റങ്ങൾ വരുത്താം. എങ്കിൽ എവിടെ തുടങ്ങും?

14. നിങ്ങൾക്ക്‌ എങ്ങനെ​യുള്ള ലക്ഷ്യങ്ങ​ളിൽ നിന്ന്‌ തുടങ്ങാം?

¹⁴ എത്തി​ച്ചേ​രാൻ എളുപ്പ​മുള്ള ഒരു ലക്ഷ്യം തിര​ഞ്ഞെ​ടു​ത്തു​കൊണ്ട്‌ നിങ്ങൾക്കു തുടങ്ങാ​നാ​കും. അല്ലെങ്കിൽ നിങ്ങൾ ഏറ്റവും കൂടുതൽ മാറ്റം വരു​ത്തേ​ണ്ടത്‌ ഏതു കാര്യ​ത്തി​ലാ​ണോ അതു തിര​ഞ്ഞെ​ടു​ക്കുക. ലക്ഷ്യം തീരു​മാ​നിച്ച്‌ കഴിഞ്ഞാൽ വാച്ച്‌ടവർ ഓൺലൈൻ ലൈ​ബ്ര​റി​യോ യഹോ​വ​യു​ടെ സാക്ഷി​കൾക്കു​വേ​ണ്ടി​യുള്ള ഗവേഷ​ണ​സ​ഹാ​യി​യോ ഒക്കെ ഉപയോ​ഗിച്ച്‌ ആ കാര്യ​ത്തെ​ക്കു​റിച്ച്‌ നന്നായി പഠിക്കുക.  അതു​പോ​ലെ ലക്ഷ്യത്തി​ലെ​ത്താ​നുള്ള “ആഗ്രഹ​വും പ്രവർത്തി​ക്കാ​നുള്ള ശക്തിയും” തരണേ എന്ന്‌ യഹോ​വ​യോ​ടു പ്രാർഥി​ക്കുക. (ഫിലി. 2:13) എന്നിട്ട്‌, പഠിച്ച കാര്യ​ങ്ങൾക്കു ചേർച്ച​യിൽ പ്രവർത്തി​ച്ചു​തു​ട​ങ്ങാം. ആദ്യല​ക്ഷ്യ​ത്തിൽ നിങ്ങൾ പുരോ​ഗതി വരുത്തു​ന്നതു കാണു​മ്പോൾ അടുത്തതു ചെയ്യാൻ കൂടുതൽ ആഗ്രഹം തോന്നും. അതു​പോ​ലെ ഒരു ക്രിസ്‌തീ​യ​ഗു​ണം വളർത്തി​യെ​ടുത്ത്‌ കഴിയു​മ്പോൾ മറ്റു ഗുണങ്ങൾ വളർത്തി​യെ​ടു​ക്കു​ന്നത്‌ എളുപ്പ​മാ​യി​ത്തീ​രു​ക​യും ചെയ്‌തേ​ക്കാം.

ദൈവ​വ​ചനം ‘നിങ്ങളിൽ പ്രവർത്തി​ക്കട്ടെ’

15. ബൈബിൾ വായി​ക്കാ​റുള്ള പല ആളുക​ളിൽനി​ന്നും യഹോ​വ​യു​ടെ ജനം വ്യത്യ​സ്‌ത​രാ​യി​രി​ക്കു​ന്നത്‌ എങ്ങനെ​യാണ്‌? (1 തെസ്സ​ലോ​നി​ക്യർ 2:13)

¹⁵ ബൈബിൾ പല തവണ വായി​ച്ചി​ട്ടു​ണ്ടെന്നു ചിലർ പറഞ്ഞേ​ക്കാം. പക്ഷേ ബൈബിൾ പഠിപ്പി​ക്കുന്ന കാര്യങ്ങൾ അവർ ശരിക്കും വിശ്വ​സി​ക്കു​ന്നു​ണ്ടോ? അതനു​സ​രിച്ച്‌ ജീവി​ക്കാ​നോ മാറ്റങ്ങൾ വരുത്താ​നോ അവർ തയ്യാറാ​കു​ന്നു​ണ്ടോ? പലപ്പോ​ഴും അതിന്റെ ഉത്തരം ഇല്ല എന്നാണ്‌. എന്നാൽ യഹോ​വ​യു​ടെ ജനം വ്യത്യ​സ്‌ത​രാണ്‌. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളെ​പ്പോ​ലെ നമ്മളും, ബൈബി​ളി​നെ “അത്‌ യഥാർഥ​ത്തിൽ ആയിരി​ക്കു​ന്ന​തു​പോ​ലെ ദൈവ​ത്തി​ന്റെ​തന്നെ വചനമാ​യി​ട്ടാണ്‌” കാണു​ന്നത്‌. അതുകൂ​ടാ​തെ ബൈബിൾ പറയു​ന്ന​ത​നു​സ​രിച്ച്‌ പ്രവർത്തി​ക്കാ​നും നമ്മൾ പരമാ​വധി ശ്രമി​ക്കു​ന്നു.—1 തെസ്സ​ലോ​നി​ക്യർ 2:13 വായി​ക്കുക.

16. ദൈവ​വ​ച​ന​ത്തി​നു ചേർച്ച​യിൽ പ്രവർത്തി​ക്കു​ന്നവർ ആകാൻ നമ്മളെ എന്തു സഹായി​ക്കും?

¹⁶ ദിവസ​വും ദൈവ​വ​ചനം വായി​ക്കു​ക​യും അതനു​സ​രിച്ച്‌ പ്രവർത്തി​ക്കു​ക​യും ചെയ്യു​ന്നത്‌ എപ്പോ​ഴും അത്ര എളുപ്പമല്ല. വായി​ക്കാ​നുള്ള സമയം കണ്ടെത്തു​ന്നത്‌ ഒരു ബുദ്ധി​മു​ട്ടാ​യി​രു​ന്നേ​ക്കാം. അല്ലെങ്കിൽ വായി​ക്കു​ന്ന​തി​നെ​ക്കു​റി​ച്ചൊ​ന്നും ചിന്തി​ക്കാ​തെ പെട്ടെന്ന്‌ വായി​ച്ചു​തീർക്കാൻ നിങ്ങൾക്കു തോന്നി​യേ​ക്കാം. അതുമ​ല്ലെ​ങ്കിൽ ഒരുപാ​ടു കാര്യ​ങ്ങ​ളിൽ മാറ്റം വരു​ത്തേ​ണ്ട​തു​ണ്ടെന്നു കാണു​മ്പോൾ മടുപ്പു തോന്നാ​നും ഇടയുണ്ട്‌. നിങ്ങളു​ടെ പ്രശ്‌നം എന്തുത​ന്നെ​യാ​യാ​ലും അതു മറിക​ട​ക്കാൻ പറ്റാത്ത ഒന്നല്ല. യഹോവ അതിനു നിങ്ങളെ സഹായി​ക്കും. യഹോ​വ​യു​ടെ ആ സഹായം സ്വീക​രി​ച്ചു​കൊണ്ട്‌, ദൈവ​വ​ചനം കേട്ട്‌ മറക്കു​ന്ന​വരല്ല അതിനു ചേർച്ച​യിൽ പ്രവർത്തി​ക്കു​ന്നവർ ആകാൻ തീരു​മാ​നി​ച്ചു​റ​യ്‌ക്കുക. എത്രയ​ധി​കം നമ്മൾ ദൈവ​വ​ചനം വായി​ക്കു​ക​യും അതിനു ചേർച്ച​യിൽ പ്രവർത്തി​ക്കു​ക​യും ചെയ്യു​ന്നോ അത്രയ​ധി​കം നമ്മൾ സന്തോ​ഷ​മു​ള്ള​വ​രാ​യി​രി​ക്കും.—യാക്കോ. 1:25.