കൂടുതൽ പഠിക്കാനായി. . .
വരച്ചാൽ ഓർത്തിരിക്കാം!
പഠിച്ച കാര്യങ്ങൾ ഓർത്തിരിക്കാൻ നിങ്ങൾക്കു ബുദ്ധിമുട്ട് തോന്നാറുണ്ടോ? എന്നാൽ ദൃഷ്ടാന്തങ്ങളിലൂടെ യേശു പഠിപ്പിച്ച കാര്യങ്ങൾ പെട്ടെന്നു നിങ്ങളുടെ മനസ്സിലേക്കു വരാറില്ലേ? കാരണം അതു ചിത്രങ്ങളായി മനസ്സിൽ ഉള്ളതുകൊണ്ട് നിങ്ങൾക്ക് ഓർത്തിരിക്കാൻ കഴിയുന്നു. അതുപോലെ, പഠിക്കുന്ന കാര്യങ്ങൾ ചിത്രങ്ങളായി മനസ്സിൽ കാണുന്നെങ്കിൽ കൂടുതൽ കാര്യങ്ങൾ ഓർത്തിരിക്കാൻ നിങ്ങൾക്കു കഴിയും. അതിന് എന്തു ചെയ്യാം? പഠിക്കുന്ന കാര്യങ്ങളുടെ ചിത്രങ്ങൾ വരയ്ക്കാം.
പുതിയ കാര്യങ്ങൾ പഠിക്കുമ്പോൾ അതിന്റെ ചിത്രങ്ങൾ വരയ്ക്കുന്നത്, ഓർത്തിരിക്കാൻ സഹായിക്കുമെന്നു പലരും മനസ്സിലാക്കിയിട്ടുണ്ട്. അങ്ങനെ ചിത്രങ്ങൾ വരയ്ക്കുന്നത്, വാക്കുകൾ മാത്രമല്ല പഠിച്ച മുഖ്യ ആശയങ്ങളും ഓർത്തിരിക്കാൻ അവരെ സഹായിക്കുന്നു. അവർ വരയ്ക്കുന്നതു വളരെ സങ്കീർണമായ ചിത്രങ്ങളല്ല പകരം ലളിതമായ, ചെറിയ ചിത്രങ്ങളാണ്. ഈ രീതി പരീക്ഷിക്കുന്നത് പ്രായമായവർക്കു പ്രത്യേകിച്ചും ഒരു സഹായമാണെന്നു തെളിവുകൾ സൂചിപ്പിക്കുന്നു.
അടുത്ത തവണ പഠിക്കുമ്പോൾ അതിന്റെ ചിത്രങ്ങൾ വരച്ചുനോക്കുന്നോ? അത് എത്രത്തോളം ഓർത്തിരിക്കുന്നു എന്നു കാണുമ്പോൾ നിങ്ങൾക്ക് അതിശയം തോന്നും!