സഹായി​ക്കാൻ ആരുമി​ല്ലാ​തെ, പ്രശ്‌ന​ങ്ങ​ളിൽ ഒറ്റയ്‌ക്കാ​യി​പ്പോയ എതെങ്കി​ലും സാഹച​ര്യം നിങ്ങൾക്ക്‌ ഉണ്ടായി​ട്ടു​ണ്ടോ? നമ്മൾ ജീവി​ക്കു​ന്നത്‌ ‘ബുദ്ധി​മുട്ട്‌ നിറഞ്ഞ സമയങ്ങ​ളിൽ’ ആയതു​കൊണ്ട്‌ നിരു​ത്സാ​ഹ​വും ഒറ്റപ്പെ​ട​ലും ഒക്കെ തോന്നാ​നുള്ള സാധ്യ​ത​യുണ്ട്‌. (2 തിമൊ. 3:1) എങ്കിലും ജീവി​ത​ത്തി​ലെ പ്രശ്‌ന​ങ്ങ​ളൊ​ന്നും നമ്മൾ ഒറ്റയ്‌ക്കു നേരി​ടേ​ണ്ട​തില്ല. “കഷ്ടതക​ളു​ടെ സമയത്ത്‌” ഒരു യഥാർഥ​സ്‌നേ​ഹി​തൻ ഉണ്ടായി​രി​ക്കു​ന്ന​തി​ന്റെ മൂല്യം ബൈബിൾ എടുത്തു​കാ​ണി​ക്കു​ന്നു.—സുഭാ. 17:17.

മിഷന​റി​യാ​ത്ര​യിൽ തന്റെ കൂടെ​യു​ണ്ടാ​യി​രു​ന്ന​വ​രു​മാ​യുള്ള സൗഹൃദം അപ്പോ​സ്‌ത​ല​നായ പൗലോ​സി​നു ശരിക്കും പ്രയോ​ജനം ചെയ്‌തു. (കൊലോ. 4:7-11) റോമിൽ തടവി​ലാ​യി​രുന്ന സമയത്ത്‌, തനിക്ക്‌ സ്വന്തമാ​യി ചെയ്യാൻ കഴിയാ​തി​രുന്ന കാര്യങ്ങൾ ചെയ്യാൻ പൗലോ​സി​ന്റെ സുഹൃ​ത്തു​ക്കൾ അദ്ദേഹത്തെ സഹായി​ച്ചു. ഉദാഹ​ര​ണ​ത്തിന്‌, ഫിലി​പ്പി​യി​ലുള്ള സഹോ​ദ​രങ്ങൾ പൗലോ​സി​നു കൊടു​ത്തയച്ച ആവശ്യ​മായ സാധനങ്ങൾ എപ്പ​ഫ്രൊ​ദി​ത്തൊ​സാ​ണു പൗലോ​സി​ന്റെ അടുത്ത്‌ എത്തിച്ചത്‌. (ഫിലി. 4:18) ഇനി തിഹിക്കൊസ്‌ a പൗലോ​സി​ന്റെ കത്തുകൾ പല സഭകളി​ലേ​ക്കും എത്തിച്ചു. (കൊലോ. 4:7) ഇങ്ങനെ സുഹൃ​ത്തു​ക്ക​ളു​ടെ സഹായം ഉണ്ടായി​രു​ന്ന​തു​കൊണ്ട്‌ വീട്ടു​ത​ട​ങ്ക​ലി​ലാ​യി​രു​ന്ന​പ്പോ​ഴും തടവിൽ ഒറ്റയ്‌ക്കാ​യി​രു​ന്ന​പ്പോ​ഴും ശുശ്രൂഷ ചെയ്യാൻ പൗലോ​സി​നു കഴിഞ്ഞു. നിങ്ങൾക്ക്‌ എങ്ങനെ ഒരു യഥാർഥ​സ്‌നേ​ഹി​ത​നാ​കാം?

ഒരു യഥാർഥ​സു​ഹൃ​ത്തി​ന്റെ മൂല്യം വ്യക്തമാ​ക്കുന്ന അനുഭ​വങ്ങൾ ഇന്നുമുണ്ട്‌. സ്‌പെ​യി​നി​ലെ ഒരു സാധാരണ മുൻനി​ര​സേ​വി​ക​യായ എലിസ​ബത്ത്‌ സഹോ​ദ​രിക്ക്‌ നല്ലൊരു സുഹൃ​ത്തി​ന്റെ സഹായം കിട്ടി. എലിസ​ബ​ത്തി​ന്റെ അമ്മയ്‌ക്കു ഗുരു​ത​ര​മായ ക്യാൻസ​റാ​ണെന്നു കണ്ടെത്തി​യ​പ്പോൾ, ഒരു സഹോ​ദരി ബൈബിൾവാ​ക്യ​ങ്ങൾ അടങ്ങിയ, പ്രോ​ത്സാ​ഹി​പ്പി​ക്കുന്ന മെസേ​ജു​കൾ അയച്ചു. എലിസ​ബത്ത്‌ പറയുന്നു, “ആ മെസേ​ജു​കൾ കണ്ടപ്പോൾ എന്നെക്കു​റിച്ച്‌ ചിന്തയു​ള്ള​വ​രു​ണ്ട​ല്ലോ എന്ന്‌ എനിക്കു തോന്നി. ഓരോ ദിവസ​വും പിടി​ച്ചു​നിൽക്കാ​നുള്ള ശക്തി അത്‌ എനിക്കു തന്നു.”—സുഭാ. 18:24.

സഭാ​പ്ര​വർത്ത​ന​ങ്ങ​ളിൽ നമ്മുടെ സഹോ​ദ​ര​ങ്ങളെ സഹായി​ച്ചു​കൊണ്ട്‌ അവരു​മാ​യുള്ള സൗഹൃദം നമുക്കു ശക്തമാ​ക്കാം. ഉദാഹ​ര​ണ​ത്തിന്‌, മീറ്റി​ങ്ങി​നോ ശുശ്രൂ​ഷ​യ്‌ക്കോ പ്രായ​മായ ഒരു സഹോ​ദ​ര​നെ​യോ സഹോ​ദ​രി​യെ​യോ നിങ്ങൾക്കു കൊണ്ടു​പോ​കാൻ പറ്റുമോ? അങ്ങനെ ചെയ്യു​മ്പോൾ പരസ്‌പരം പ്രോ​ത്സാ​ഹനം കൈമാ​റാ​നുള്ള നല്ലൊരു അവസര​മാണ്‌ അത്‌. (റോമ. 1:12) എന്നാൽ ചില സഹോ​ദ​ര​ങ്ങൾക്കു വീട്ടിൽനിന്ന്‌ പുറ​ത്തേക്കു പോകാൻ പറ്റാത്ത സാഹച​ര്യ​മാണ്‌. അവരുടെ ഒരു യഥാർഥ​സ്‌നേ​ഹി​ത​നാ​കാൻ നമുക്ക്‌ എങ്ങനെ കഴിയും?

നമ്മുടെ ചില സഹോ​ദ​ര​ങ്ങൾക്ക്‌ ആരോ​ഗ്യ​പ്ര​ശ്‌ന​മോ മറ്റു ചില സാഹച​ര്യ​ങ്ങ​ളോ കാരണം മീറ്റി​ങ്ങു​കൾക്കു നേരിട്ട്‌ കൂടി​വ​രാൻ കഴിയു​ന്നില്ല. ഡേവി​ഡി​ന്റെ അനുഭവം നോക്കുക. അദ്ദേഹ​ത്തി​നു ക്യാൻസർ ആണെന്നു കണ്ടെത്തി​യ​തു​കൊണ്ട്‌ ആറു മാസത്തി​ല​ധി​കം കീമോ​തെ​റാ​പ്പി ചെയ്യേ​ണ്ടി​വന്നു. ചികിത്സ നടന്ന സമയത്ത്‌ ഡേവി​ഡും ഭാര്യ ലിഡി​യ​യും വീട്ടി​ലി​രുന്ന്‌ ഓൺ​ലൈ​നാ​യാ​ണു മീറ്റി​ങ്ങു​കൾ കൂടി​യത്‌.

സഭയിലെ സഹോ​ദ​ര​ങ്ങ​ളിൽനി​ന്നും അവർക്ക്‌ എന്തു പിന്തു​ണ​യാ​ണു കിട്ടി​യത്‌? ഓരോ മീറ്റി​ങ്ങി​നു ശേഷവും രാജ്യ​ഹാ​ളി​ലുള്ള സഹോ​ദ​രങ്ങൾ ഡേവി​ഡി​നെ​യും ലിഡി​യ​യെ​യും  വീഡി​യോ​യി​ലൂ​ടെ കണ്ട്‌ സംസാ​രി​ക്കാൻ ശ്രമം ചെയ്യു​മാ​യി​രു​ന്നു. അതു​പോ​ലെ അവർ ഉത്തരങ്ങൾ പറയു​മ്പോൾ പ്രോ​ത്സാ​ഹി​പ്പി​ച്ചു​കൊ​ണ്ടുള്ള മെസേ​ജു​ക​ളും സഹോ​ദ​രങ്ങൾ അയയ്‌ക്കു​മാ​യി​രു​ന്നു. അത്‌ ഒരുപാ​ടു പ്രയോ​ജനം ചെയ്‌തു. തങ്ങൾ ഒറ്റയ്‌ക്ക​ല്ലെന്നു ഡേവി​ഡി​നും ലിഡി​യ​യ്‌ക്കും തോന്നി.

വീട്ടിൽനിന്ന്‌ പുറത്തി​റ​ങ്ങാൻ കഴിയാത്ത സഹോ​ദ​ര​ങ്ങളെ ശുശ്രൂ​ഷ​യിൽ ഉൾപ്പെ​ടു​ത്താൻ നമുക്കു കഴിയു​മോ? ചില ചെറിയ പൊരു​ത്ത​പ്പെ​ടു​ത്ത​ലു​കൾ വരുത്തു​ന്നെ​ങ്കിൽ അത്തരം പരിമി​തി​ക​ളു​ള്ള​വരെ മറക്കു​ന്നി​ല്ലെന്നു നമ്മൾ ഉറപ്പു​കൊ​ടു​ക്കു​ക​യാ​യി​രി​ക്കും. (സുഭാ. 3:27) കത്ത്‌ സാക്ഷീ​ക​ര​ണ​ത്തി​നോ ടെലി​ഫോൺ സാക്ഷീ​ക​ര​ണ​ത്തി​നോ അവരുടെ കൂടെ​യി​രി​ക്കാൻ നിങ്ങൾക്കു കുറച്ച്‌ സമയം ക്രമീ​ക​രി​ക്കാൻ കഴിയി​ല്ലേ? വീട്ടിൽത്തന്നെ കഴിയുന്ന സഹോ​ദ​ര​ങ്ങൾക്കു വീഡി​യോ കോൺഫ​റൻസി​ലൂ​ടെ വയൽസേ​വ​ന​യോ​ഗം കൂടാ​നുള്ള ക്രമീ​ക​രണം ചെയ്യാൻ മൂപ്പന്മാർക്കു കഴി​ഞ്ഞേ​ക്കും. സഭ ചെയ്‌ത ആ ക്രമീ​ക​ര​ണത്തെ ഡേവി​ഡും ലിഡി​യ​യും ഒരുപാ​ടു വിലമ​തി​ച്ചു. ഡേവിഡ്‌ പറയുന്നു: “സഹോ​ദ​രീ​സ​ഹോ​ദ​ര​ന്മാ​രോ​ടൊ​പ്പം ചെറി​യൊ​രു ചർച്ചയ്‌ക്കും പ്രാർഥ​ന​യ്‌ക്കും ആയി കൂടി​വ​രാൻ കഴിഞ്ഞ​തു​തന്നെ ഞങ്ങൾക്കു വലിയ ഊർജം തന്നു.” ഇനി അതു​പോ​ലെ സാഹച​ര്യ​ങ്ങൾ അനുവ​ദി​ക്കു​ന്നെ​ങ്കിൽ, സുരക്ഷി​ത​മാ​ണെ​ങ്കിൽ, നിങ്ങളു​ടെ ഒരു ബൈബിൾവി​ദ്യാർഥി​യെ വീട്ടിൽനിന്ന്‌ പുറത്ത്‌ ഇറങ്ങാൻ കഴിയാ​ത്ത​വ​രു​ടെ അടുത്ത്‌ കൊണ്ടു​വന്ന്‌ ഇടയ്‌ക്കൊ​ക്കെ ബൈബിൾപ​ഠനം നടത്താൻ നിങ്ങൾക്കു കഴിയു​മോ?

വീട്ടിൽനിന്ന്‌ പുറത്ത്‌ ഇറങ്ങാൻ കഴിയാത്ത സഹോ​ദ​ര​ങ്ങ​ളോ​ടൊ​പ്പം പ്രവർത്തി​ക്കു​ക​യും അവരുടെ നല്ല ഗുണങ്ങ​ളൊ​ക്കെ കാണു​ക​യും ചെയ്യു​മ്പോൾ നമ്മൾ അവരോ​ടു കൂടുതൽ അടുക്കും. ഉദാഹ​ര​ണ​ത്തിന്‌, നമ്മൾ അവരോ​ടൊ​പ്പം ശുശ്രൂ​ഷ​യിൽ ആയിരി​ക്കുന്ന സമയത്ത്‌ അവർ ആളുക​ളു​ടെ ഹൃദയ​ത്തിൽ എത്തുന്ന വിധത്തിൽ, വൈദ​ഗ്‌ധ്യ​ത്തോ​ടെ ദൈവ​വ​ചനം ഉപയോ​ഗി​ക്കു​ന്നതു കാണു​മ്പോൾ നമുക്ക്‌ അവരോ​ടു കൂടുതൽ അടുപ്പം തോന്നും. സഹാരാ​ധ​കരെ ആത്മീയ​പ്ര​വർത്ത​ന​ങ്ങ​ളിൽ പിന്തു​ണ​യ്‌ക്കു​മ്പോൾ നിങ്ങളു​ടെ സുഹൃ​ദ്‌വ​ലയം വലുതാ​കു​ക​യാണ്‌.—2 കൊരി. 6:13.

തന്റെ സുഹൃ​ത്തായ തീത്തോസ്‌ കൂടെ​യു​ണ്ടാ​യി​രു​ന്നതു പൗലോ​സി​നെ ഒരുപാട്‌ ആശ്വസി​പ്പി​ച്ചു. (2 കൊരി. 7:5-7) നമ്മൾ സഹോ​ദ​ര​ങ്ങളെ വാക്കു​ക​ളി​ലൂ​ടെ മാത്രം ആശ്വസി​പ്പി​ച്ചാൽ പോരാ, പകരം അവരോ​ടൊ​പ്പം സമയം ചെലവ​ഴി​ച്ചു​കൊ​ണ്ടും അവരെ പിന്തു​ണ​ച്ചു​കൊ​ണ്ടും ആശ്വസി​പ്പി​ക്കാൻ ഈ വിവരണം നമ്മളെ പ്രോ​ത്സാ​ഹി​പ്പി​ക്കു​ന്നു.—1 യോഹ. 3:18.

റഷ്യയി​ലുള്ള നമ്മുടെ സഹോ​ദ​രങ്ങൾ പരസ്‌പരം പിന്തു​ണ​യ്‌ക്കുന്ന കാര്യ​ത്തിൽ നല്ല മാതൃ​ക​ക​ളാണ്‌. സെർഗി​യു​ടെ​യും ഭാര്യ റ്ററ്റ്യാ​ന​യു​ടെ​യും അനുഭവം നോക്കാം. പോലീസ്‌ അവരുടെ വീടു പരി​ശോ​ധി​ച്ച​ശേഷം ചോദ്യം ചെയ്യാ​നാ​യി അവരെ കൊണ്ടു​പോ​യി. റ്ററ്റ്യാ​ന​യെ​യാണ്‌ അവർ ആദ്യം വീട്ടി​ലേക്ക്‌ വിട്ടയ​ച്ചത്‌. സെർഗി പറയുന്നു: “റ്ററ്റ്യാന വീട്ടി​ലെ​ത്തിയ ഉടനെ​തന്നെ ഒരു സഹോ​ദരി ഞങ്ങളുടെ വീട്ടി​ലേക്കു വരാൻ ധൈര്യം കാണിച്ചു. മറ്റു കൂട്ടു​കാ​രും വന്ന്‌ അന്വേ​ഷ​ണ​ത്തി​ന്റെ സമയത്ത്‌ അലങ്കോ​ല​മായ ഞങ്ങളുടെ വീട്‌ പഴയ​പോ​ലെ ആക്കാൻ സഹായി​ച്ചു.”

സെർഗി തുടർന്നു​പ​റ​യു​ന്നു, “എനിക്ക്‌ ഇഷ്ടമുള്ള ഒരു വാക്യ​മാ​ണു സുഭാ​ഷി​തങ്ങൾ 17:17. അവിടെ പറയു​ന്നത്‌: ‘യഥാർഥ​സ്‌നേ​ഹി​തൻ എല്ലാ കാലത്തും സ്‌നേ​ഹി​ക്കു​ന്നു; കഷ്ടതക​ളു​ടെ സമയത്ത്‌ അവൻ കൂടപ്പി​റ​പ്പാ​യി​ത്തീ​രു​ന്നു’ എന്നാണ്‌. ഉപദ്ര​വ​ങ്ങ​ളു​ടെ സമയത്ത്‌ ഈ വാക്യ​ത്തിന്‌ എന്റെ ജീവി​ത​ത്തിൽ ഒന്നുകൂ​ടെ അർഥം​വന്നു. ആ സമയത്ത്‌ എനിക്ക്‌ ഒറ്റയ്‌ക്കു പിടി​ച്ചു​നിൽക്കാൻ കഴിയി​ല്ലാ​യി​രു​ന്നു. എന്നാൽ ധൈര്യ​ത്തോ​ടെ കൂടെ​നിൽക്കുന്ന കൂട്ടു​കാ​രെ യഹോവ എനിക്കു തന്നു.”

നമുക്ക്‌ ഇനിയും ബുദ്ധി​മു​ട്ടുള്ള സാഹച​ര്യ​ങ്ങൾ ഉണ്ടാകു​മ്പോൾ താങ്ങായി കൂട്ടു​കാ​രെ വേണ്ടി​വ​രും. പ്രത്യേ​കി​ച്ചും മഹാക​ഷ്ട​ത​യു​ടെ സമയത്ത്‌ നമുക്ക്‌ അവരെ ശരിക്കും ആവശ്യ​മാണ്‌. അതു​കൊണ്ട്‌ ഇപ്പോൾത്തന്നെ ഒരു യഥാർഥ​സ്‌നേ​ഹി​തൻ ആയിരി​ക്കാൻ നമുക്ക്‌ എല്ലാ ശ്രമവും ചെയ്യാം.—1 പത്രോ. 4:7, 8.