1. മനുഷ്യർ ‘ക്ഷമിച്ചു’ എന്നു പറയു​മ്പോൾ അതിന്റെ അർഥം മനസ്സി​ലാ​ക്കാൻ പലപ്പോ​ഴും ബുദ്ധി​മു​ട്ടാ​യി​രി​ക്കു​ന്നത്‌ എന്തു​കൊണ്ട്‌?

 “ഞാൻ നിങ്ങ​ളോ​ടു ക്ഷമിച്ചി​രി​ക്കു​ന്നു” എന്ന്‌ ഒരു സുഹൃത്ത്‌ പറയു​മ്പോൾ നിങ്ങൾക്ക്‌ ഒരുപാട്‌ ആശ്വാസം തോന്നു​മല്ലേ? പ്രത്യേ​കിച്ച്‌, നിങ്ങൾ ആ വ്യക്തിയെ വേദനി​പ്പി​ക്കുന്ന എന്തെങ്കി​ലും പറയു​ക​യോ പ്രവർത്തി​ക്കു​ക​യോ ചെയ്‌തി​ട്ടു​ണ്ടെ​ങ്കിൽ. എന്നാൽ, “ഞാൻ നിങ്ങ​ളോ​ടു ക്ഷമിച്ചി​രി​ക്കു​ന്നു” എന്നു പറഞ്ഞ​പ്പോൾ ശരിക്കും ആ വ്യക്തി എന്താണ്‌ ഉദ്ദേശി​ച്ചത്‌? ‘ഞാൻ എല്ലാം മറന്നു, നമുക്ക്‌ ഇനി പഴയതു​പോ​ലെ സുഹൃ​ത്തു​ക്ക​ളാ​കാം’ എന്നാണോ? അതോ അതെക്കു​റിച്ച്‌ ഇനി ഒന്നും സംസാ​രി​ക്കാൻ താത്‌പ​ര്യ​മില്ല എന്നു മാത്ര​മാ​ണോ? മനുഷ്യർ ‘ക്ഷമിച്ചു’ എന്നു പറയു​മ്പോൾ അവർ എന്താണ്‌ ഉദ്ദേശി​ക്കു​ന്ന​തെന്നു മനസ്സി​ലാ​ക്കാൻ പലപ്പോ​ഴും ബുദ്ധി​മു​ട്ടാണ്‌.

 2. തിരു​വെ​ഴു​ത്തു​കൾ യഹോ​വ​യു​ടെ ക്ഷമയെ എങ്ങനെ​യാ​ണു വർണി​ക്കു​ന്നത്‌? (അടിക്കു​റി​പ്പും കാണുക.)

² മനുഷ്യർ പരസ്‌പരം ക്ഷമിക്കു​ന്ന​തിൽനി​ന്നും വളരെ വ്യത്യ​സ്‌ത​മാ​യാണ്‌ അപൂർണ​രായ നമ്മളോട്‌ യഹോവ ക്ഷമിക്കു​ന്നത്‌. യഹോവ ക്ഷമിക്കു​ന്ന​തു​പോ​ലെ ക്ഷമിക്കാൻ മറ്റാർക്കും കഴിയില്ല. യഹോ​വ​യെ​ക്കു​റിച്ച്‌ സങ്കീർത്ത​ന​ക്കാ​രൻ ഇങ്ങനെ പറഞ്ഞു: “അങ്ങ്‌ യഥാർഥക്ഷമ കാണി​ക്കു​ന്ന​വ​നാണ്‌. അതു​കൊണ്ട്‌ ആർക്കും അങ്ങയോ​ടു ഭയാദ​രവ്‌ തോന്നും.” a (സങ്കീ. 130:4) അതെ, യഹോവ കാണി​ക്കു​ന്ന​താണ്‌ “യഥാർഥക്ഷമ!” ക്ഷമിക്കുക എന്നാൽ ശരിക്കും എന്താണ്‌ അർഥ​മെന്ന്‌ യഹോ​വ​യിൽനി​ന്നാണ്‌ നമ്മൾ മനസ്സി​ലാ​ക്കു​ന്നത്‌. എബ്രാ​യ​തി​രു​വെ​ഴു​ത്തു​ക​ളി​ലെ ചില വാക്യ​ങ്ങ​ളിൽ യഹോവ ക്ഷമിക്കു​ന്ന​തി​നെ​ക്കു​റിച്ച്‌ പറയാൻ ഉപയോ​ഗി​ച്ചി​രി​ക്കുന്ന പദം, മനുഷ്യ​രു​ടെ ക്ഷമയെ​ക്കു​റിച്ച്‌ പറയാ​നാ​യി ഒരിക്ക​ലും ഉപയോ​ഗി​ച്ചി​ട്ടില്ല.

 3. യഹോ​വ​യു​ടെ ക്ഷമ നമ്മു​ടേ​തിൽനിന്ന്‌ വ്യത്യ​സ്‌ത​മാ​യി​രി​ക്കു​ന്നത്‌ എങ്ങനെ? (യശയ്യ 55:6, 7)

³ യഹോവ ഒരു വ്യക്തി​യോ​ടു ക്ഷമിക്കു​മ്പോൾ ആ വ്യക്തി​യു​ടെ പാപങ്ങൾ മായ്‌ച്ചു​ക​ള​യു​ന്നു. അതു​പോ​ലെ യഹോ​വ​യു​മാ​യി നമുക്കു​ണ്ടാ​യി​രുന്ന  അടുത്ത​ബന്ധം തിരികെ ലഭിക്കു​ക​യും ചെയ്യുന്നു. യഹോവ നമ്മുടെ തെറ്റുകൾ പൂർണ​മാ​യും ക്ഷമിക്കും. വീണ്ടും​വീ​ണ്ടും അങ്ങനെ ചെയ്യാൻ യഹോവ തയ്യാറാണ്‌. നമ്മൾ അതിന്‌ എത്ര നന്ദിയു​ള്ള​വ​രാ​ണല്ലേ!—യശയ്യ 55:6, 7 വായി​ക്കുക.

 4. യഥാർഥ​ക്ഷ​മ​യു​ടെ അർഥം മനസ്സി​ലാ​ക്കാൻ യഹോവ എങ്ങനെ​യാ​ണു നമ്മളെ സഹായി​ക്കു​ന്നത്‌?

⁴ യഹോ​വ​യു​ടെ ക്ഷമ നമ്മു​ടേ​തിൽനിന്ന്‌ വ്യത്യ​സ്‌ത​മാ​ണെ​ങ്കിൽപ്പി​ന്നെ യഹോവ കാണി​ക്കുന്ന യഥാർഥ​ക്ഷ​മ​യു​ടെ അർഥം അപൂർണ​രായ നമുക്ക്‌ എങ്ങനെ മനസ്സി​ലാ​കും? താൻ എങ്ങനെ, ഏത്‌ അളവോ​ളം മനുഷ്യ​രു​ടെ തെറ്റുകൾ ക്ഷമിക്കും എന്നു മനസ്സി​ലാ​ക്കി​ത്ത​രു​ന്ന​തി​നു​വേണ്ടി പല ദൃഷ്ടാ​ന്ത​ങ്ങ​ളും യഹോവ ഉപയോ​ഗി​ച്ചി​ട്ടുണ്ട്‌. ഈ ലേഖന​ത്തിൽ അവയിൽ ചിലതു നമ്മൾ നോക്കും. അതിലൂ​ടെ, യഹോവ എങ്ങനെ​യാ​ണു നമ്മുടെ പാപങ്ങൾ എടുത്തു​മാ​റ്റു​ന്ന​തെ​ന്നും വീണ്ടും താനു​മാ​യി ഒരു അടുത്ത​ബ​ന്ധ​ത്തി​ലേക്കു വരാൻ സഹായി​ക്കു​ന്ന​തെ​ന്നും പഠിക്കാ​നാ​കും. അതു​പോ​ലെ കരുണാ​മ​യ​നായ ആ പിതാ​വി​നോ​ടുള്ള നമ്മുടെ സ്‌നേ​ഹ​വും വിലമ​തി​പ്പും ആഴമു​ള്ള​താ​യി​ത്തീ​രു​ക​യും ചെയ്യും.

യഹോവ പാപങ്ങൾ എടുത്തു​മാ​റ്റു​ന്നു

 5. യഹോവ നമ്മുടെ തെറ്റുകൾ ക്ഷമിക്കു​മ്പോൾ എന്താണ്‌ സംഭവി​ക്കു​ന്നത്‌?

⁵ ബൈബി​ളിൽ പലയി​ട​ത്തും പാപങ്ങൾ വലിയ ഭാരം​പോ​ലെ​യാ​ണെന്നു പറഞ്ഞി​ട്ടുണ്ട്‌. ദാവീദ്‌ രാജാവ്‌ സ്വന്തം തെറ്റു​ക​ളെ​ക്കു​റിച്ച്‌ ഇങ്ങനെ​യാ​ണു പറഞ്ഞത്‌: “എന്റെ തെറ്റുകൾ എന്റെ തലയ്‌ക്കു മീതെ കുമി​ഞ്ഞു​കൂ​ടി​യി​രി​ക്കു​ന്നു; അത്‌ എനിക്കു താങ്ങാ​നാ​കാത്ത കനത്ത ഭാരമാണ്‌.” (സങ്കീ. 38:4) എന്നാൽ പശ്ചാത്ത​പി​ക്കു​മ്പോൾ യഹോവ തെറ്റുകൾ ക്ഷമിക്കു​ന്നു. (സങ്കീ. 25:18; 32:5) ഈ വാക്യ​ങ്ങ​ളിൽ “ക്ഷമിക്കുക” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന എബ്രാ​യ​പ​ദ​ത്തി​ന്റെ അടിസ്ഥാ​ന​പ​ര​മായ അർഥം “എടുത്തു​പൊ​ക്കുക,” “ചുമക്കുക” എന്നൊ​ക്കെ​യാണ്‌. ശക്തനായ യഹോവ നമ്മുടെ തോളിൽനിന്ന്‌ പാപത്തി​ന്റെ വലിയ ഭാരം എടുത്തു​മാ​റ്റി ദൂരേക്കു കൊണ്ടു​പോ​കുന്ന ഒരു ചിത്ര​മാണ്‌ അതിലൂ​ടെ കിട്ടു​ന്നത്‌.

 6. യഹോവ നമ്മുടെ പാപങ്ങളെ എത്ര ദൂരേക്ക്‌ കൊണ്ടു​പോ​കു​ന്നു?

⁶ യഹോവ നമ്മുടെ പാപങ്ങൾ എത്ര ദൂരേ​ക്കാണ്‌ ചുമന്നു​കൊ​ണ്ടു​പോ​കു​ന്നത്‌? അതു മനസ്സി​ലാ​ക്കാൻ സഹായി​ക്കുന്ന മനോ​ഹ​ര​മായ ഒരു ദൃഷ്ടാന്തം സങ്കീർത്തനം 103:12-ൽ കാണാം: “സൂര്യോ​ദയം സൂര്യാ​സ്‌ത​മ​യ​ത്തിൽനിന്ന്‌ എത്ര അകലെ​യാ​ണോ അത്ര അകലേക്കു ദൈവം നമ്മുടെ ലംഘന​ങ്ങളെ നമ്മിൽനിന്ന്‌ അകറ്റി​യി​രി​ക്കു​ന്നു.” കിഴക്കു​നിന്ന്‌ ഏറ്റവും അകലെ​യാ​ണു പടിഞ്ഞാറ്‌. അവ രണ്ടും ഒരിക്ക​ലും കൂട്ടി​മു​ട്ടില്ല. മറ്റു വാക്കു​ക​ളിൽ പറഞ്ഞാൽ യഹോവ നമ്മുടെ പാപങ്ങളെ നമുക്കു ചിന്തി​ക്കാൻപോ​ലും കഴിയാ​ത്തത്ര ദൂര​ത്തേക്കു കൊണ്ടു​പോ​കു​ന്നു. യഹോവ നമ്മളോ​ടു പൂർണ​മാ​യി ക്ഷമിക്കു​ന്നു എന്നതിന്റെ എത്ര വലിയ ഉറപ്പാണ്‌ അത്‌!

 7. നമ്മുടെ പാപങ്ങൾ യഹോവ എന്തു ചെയ്യു​ന്ന​താ​യാണ്‌ ബൈബിൾ വർണി​ച്ചി​രി​ക്കു​ന്നത്‌? (മീഖ 7:18, 19)

⁷ യഹോവ നമ്മുടെ പാപങ്ങ​ളെ​ടുത്ത്‌ ദൂരേക്കു കൊണ്ടു​പോ​കു​ന്നു എന്നു നമ്മൾ കണ്ടു. എന്നാൽ യഹോവ ആ പാപങ്ങൾ കൈയിൽത്തന്നെ വെച്ചു​കൊ​ണ്ടി​രി​ക്കു​ക​യാ​ണോ? അല്ല. ഹിസ്‌കിയ രാജാവ്‌ യഹോ​വ​യെ​ക്കു​റിച്ച്‌ ഇങ്ങനെ പറഞ്ഞു: “അങ്ങ്‌ എന്റെ പാപങ്ങ​ളെ​ല്ലാം അങ്ങയുടെ പിന്നി​ലേക്ക്‌ എറിഞ്ഞു​ക​ളഞ്ഞു.” അല്ലെങ്കിൽ അടിക്കു​റിപ്പ്‌ പറയു​ന്ന​തു​പോ​ലെ “മുന്നിൽനിന്ന്‌ നീക്കി​ക്ക​ളഞ്ഞു.” (യശ. 38:9, 17; അടിക്കു​റിപ്പ്‌.) ഈ വാങ്‌മ​യ​ചി​ത്ര​ത്തി​ലൂ​ടെ നമുക്കു മനസ്സി​ലാ​കു​ന്നത്‌, പശ്ചാത്ത​പി​ക്കുന്ന ഒരു വ്യക്തി​യു​ടെ പാപങ്ങൾ യഹോവ എടുക്കു​ക​യും കാണാൻ പറ്റാത്ത ഒരിട​ത്തേക്ക്‌ എറിഞ്ഞു​ക​ള​യു​ക​യും ചെയ്യും എന്നാണ്‌. ഹിസ്‌കി​യ​യു​ടെ വാക്കു​കളെ വേണ​മെ​ങ്കിൽ ഇങ്ങനെ​യും പറയാം: ‘അങ്ങ്‌ എന്റെ പാപങ്ങളെ ഒരിക്ക​ലും സംഭവി​ച്ചി​ട്ടി​ല്ലാ​ത്ത​തു​പോ​ലെ ആക്കിയി​രി​ക്കു​ന്നു.’ ഈ ആശയം വ്യക്തമാ​ക്കുന്ന മറ്റൊരു ദൃഷ്ടാന്തം മീഖ 7:18, 19-ൽ (വായി​ക്കുക.) കാണാം. യഹോവ നമ്മുടെ പാപങ്ങ​ളെ​ല്ലാം കടലിന്റെ ആഴങ്ങളി​ലേക്ക്‌ എറിഞ്ഞു​ക​ള​യു​ന്ന​താ​യി അവിടെ പറഞ്ഞി​രി​ക്കു​ന്നു. പണ്ടൊക്കെ ഒരു സാധനം കടലിന്റെ അടിത്ത​ട്ടി​ലേക്കു പോയാൽ അത്‌ തിരി​ച്ചെ​ടു​ക്കാൻ ഒരിക്ക​ലും പറ്റില്ലാ​യി​രു​ന്നു.

 8. ഇതുവരെ നമ്മൾ എന്താണ്‌ മനസ്സി​ലാ​ക്കി​യത്‌?

⁸ ബൈബി​ളി​ലെ ഈ ദൃഷ്ടാ​ന്ത​ങ്ങ​ളിൽനി​ന്നെ​ല്ലാം മനസ്സി​ലാ​ക്കി​യത്‌, യഹോവ ക്ഷമിക്കു​മ്പോൾ നമ്മു​ടെ​മേ​ലുള്ള പാപഭാ​രം പൂർണ​മാ​യി നീക്കി​ക്ക​ള​യു​ന്നു എന്നാണ്‌. അതെക്കു​റിച്ച്‌ ദാവീദ്‌ പറഞ്ഞു: “ധിക്കാരം ക്ഷമിച്ചും പാപം മറച്ചും കിട്ടി​യവർ സന്തുഷ്ടർ. യഹോവ പാപം കണക്കി​ലെ​ടു​ക്കാത്ത മനുഷ്യൻ സന്തുഷ്ടൻ.” (റോമ. 4:6-8) യഹോവ കാണി​ക്കുന്ന ആ ക്ഷമയാണ്‌ യഥാർഥക്ഷമ!

 യഹോവ പാപങ്ങൾ മായ്‌ച്ചു​ക​ള​യു​ന്നു

 9. യഹോവ മുഴു​വ​നാ​യും നമ്മളോ​ടു ക്ഷമിക്കു​മെന്നു മനസ്സി​ലാ​ക്കാൻ ബൈബിൾ എങ്ങനെ​യാ​ണു സഹായി​ക്കു​ന്നത്‌?

⁹ പശ്ചാത്ത​പി​ക്കു​ന്ന​വ​രു​ടെ പാപങ്ങൾ മോച​ന​വി​ല​യു​ടെ അടിസ്ഥാ​ന​ത്തിൽ യഹോവ മായ്‌ച്ചു​ക​ള​യു​ന്നു. അതു മനസ്സി​ലാ​ക്കാൻ സഹായി​ക്കുന്ന ദൃഷ്ടാ​ന്ത​ങ്ങ​ളും ബൈബി​ളി​ലുണ്ട്‌. ഉദാഹ​ര​ണ​ത്തിന്‌, യഹോവ നമ്മുടെ പാപങ്ങൾ കഴുകി​ക്ക​ള​യു​ന്ന​താ​യി പറഞ്ഞി​രി​ക്കു​ന്നു. അങ്ങനെ പാപി ശുദ്ധി​യു​ള്ള​വ​നാ​കു​ന്നു. (സങ്കീ. 51:7; യശ. 4:4; യിരെ. 33:8) ഇങ്ങനെ ചെയ്യു​ന്ന​തി​ലൂ​ടെ എന്താണു സംഭവി​ക്കു​ന്ന​തെന്ന്‌ യഹോ​വ​തന്നെ പറയു​ന്നുണ്ട്‌: “നിങ്ങളു​ടെ പാപങ്ങൾ കടുഞ്ചു​വ​പ്പാ​ണെ​ങ്കി​ലും അവ മഞ്ഞു​പോ​ലെ വെളു​ക്കും; രക്തവർണ​ത്തി​ലുള്ള വസ്‌ത്രം​പോ​ലെ​യാ​ണെ​ങ്കി​ലും വെളുത്ത കമ്പിളി​പോ​ലെ​യാ​കും.” (യശ. 1:18) കടുഞ്ചു​വപ്പു നിറമുള്ള കറ ഒരു വസ്‌ത്ര​ത്തിൽനിന്ന്‌ കളയാൻ വളരെ ബുദ്ധി​മു​ട്ടാണ്‌. എന്നാൽ നമ്മുടെ പാപത്തി​ന്റെ കറകൾ, പിന്നെ ഒരിക്ക​ലും കാണാൻ പറ്റാത്ത വിധത്തിൽ മുഴു​വ​നാ​യി കഴുകി​ക്ക​ള​യാൻ പറ്റു​മെന്ന്‌ ഈ ദൃഷ്ടാ​ന്ത​ത്തി​ലൂ​ടെ യഹോവ ഉറപ്പു​ത​രു​ന്നു.

10. യഹോവ എത്ര വലിയ അളവി​ലാ​ണു നമ്മളോ​ടു ക്ഷമിക്കു​ന്ന​തെന്നു മനസ്സി​ലാ​ക്കാൻ ഏതു ബൈബിൾദൃ​ഷ്ടാ​ന്തം സഹായി​ക്കും?

¹⁰ കഴിഞ്ഞ ലേഖന​ത്തിൽ കണ്ടതു​പോ​ലെ പാപങ്ങൾ “കടങ്ങൾ” പോ​ലെ​യാ​ണെ​ന്നും പറയാം. (മത്താ. 6:12; ലൂക്കോ. 11:4) ഓരോ തവണ നമ്മൾ യഹോ​വ​യോ​ടു പാപം ചെയ്യു​മ്പോ​ഴും ആ കടം കൂടി​ക്കൊ​ണ്ടി​രി​ക്കു​ക​യാണ്‌. അങ്ങനെ നോക്കു​മ്പോൾ വലി​യൊ​രു തുക നമ്മൾ യഹോ​വ​യ്‌ക്കു തിരികെ കൊടു​ക്കാ​നുണ്ട്‌. പക്ഷേ യഹോവ നമ്മളോ​ടു ക്ഷമിച്ചു​കൊണ്ട്‌, കൊടുത്ത്‌ തീർക്കാ​നുള്ള ആ കടങ്ങ​ളെ​ല്ലാം എഴുതി​ത്ത​ള്ളു​ന്നു. ആ പാപങ്ങ​ളു​ടെ കടം തിരി​ച്ച​ട​യ്‌ക്കാൻ യഹോവ പിന്നെ നമ്മളോട്‌ ആവശ്യ​പ്പെ​ടു​ന്നില്ല. യഹോവ ക്ഷമിക്കു​മ്പോൾ നമുക്ക്‌ എത്ര വലിയ ആശ്വാ​സ​മാ​ണു കിട്ടു​ന്ന​തെന്ന്‌ ഈ ദൃഷ്ടാന്തം കാണി​ച്ചു​ത​രു​ന്നു!

11. പാപങ്ങൾ ‘മായ്‌ച്ചു​ക​ള​യു​ന്നു’ എന്നു പറയു​മ്പോൾ ബൈബിൾ എന്താണ്‌ അർഥമാ​ക്കു​ന്നത്‌? (പ്രവൃ​ത്തി​കൾ 3:19)

¹¹ യഹോവ നമ്മുടെ കടങ്ങൾ അല്ലെങ്കിൽ പാപങ്ങൾ വെറുതേ എഴുതി​ത്ത​ള്ളുക മാത്രമല്ല അതു മായ്‌ച്ചു​ക​ള​യു​ക​യും ചെയ്യുന്നു. (പ്രവൃ​ത്തി​കൾ 3:19 വായി​ക്കുക.) കടങ്ങൾ എഴുതി​ത്ത​ള്ളുക എന്നു പറയു​മ്പോൾ, നമ്മൾ കൊടു​ക്കേണ്ട തുകയു​ടെ മുകളിൽ വലി​യൊ​രു വെട്ട്‌ (X) ഇടുന്ന​തു​പോ​ലെ​യാ​യി​രി​ക്കും തോന്നു​ന്നത്‌. പക്ഷേ ആ വെട്ടിന്‌ അടിയി​ലുള്ള സംഖ്യ എത്രയാ​ണെന്ന്‌ അപ്പോ​ഴും കാണാൻ പറ്റും. എന്നാൽ മായ്‌ച്ചു​ക​ള​യു​ന്നത്‌ അങ്ങനെയല്ല. അതു മനസ്സി​ലാ​ക്കാൻ പണ്ടുകാ​ല​ങ്ങ​ളിൽ എഴുതാൻ ഉപയോ​ഗി​ച്ചി​രുന്ന മഷി​യെ​ക്കു​റിച്ച്‌ ചിന്തി​ക്കുക. കാർബ​ണും പശയും വെള്ളവും ഒക്കെ ചേർത്തു​ണ്ടാ​ക്കിയ ആ മഷി, നനഞ്ഞ സ്‌പോ​ഞ്ചു​കൊണ്ട്‌ മായ്‌ച്ചു​ക​ള​യാൻ എളുപ്പ​മാ​യി​രു​ന്നു. അതു​കൊണ്ട്‌ കടം ‘മായ്‌ച്ചു​ക​ളഞ്ഞു’ എന്നു പറയു​മ്പോൾ, അതു പൂർണ​മാ​യും ഇല്ലാതാ​യി എന്നാണ്‌ അർഥം. മുമ്പ്‌ അവിടെ എന്താണ്‌ എഴുതി​യി​രു​ന്ന​തെന്നു പിന്നെ ആർക്കും കാണാൻ കഴിയില്ല. അങ്ങനെ​യൊ​രു കടം ഉണ്ടായി​ട്ടേ ഇല്ലാത്ത​തു​പോ​ലെ​യാണ്‌ അത്‌. യഹോവ നമ്മുടെ പാപങ്ങൾ എഴുതി​ത്ത​ള്ളുക മാത്രമല്ല അതു പൂർണ​മാ​യി മായ്‌ച്ചു​ക​ള​യു​ക​യും ചെയ്യു​ന്നെന്നു മനസ്സി​ലാ​ക്കു​മ്പോൾ നമുക്ക്‌ ഒരുപാട്‌ ആശ്വാസം തോന്നു​ന്നു!—സങ്കീ. 51:9.

12. കാർമേ​ഘ​ത്തെ​ക്കു​റി​ച്ചുള്ള ദൃഷ്ടാ​ന്ത​ത്തിൽനിന്ന്‌ നമ്മൾ എന്താണ്‌ പഠിക്കു​ന്നത്‌?

¹² എത്ര പൂർണ​മാ​യാണ്‌ താൻ തെറ്റുകൾ ക്ഷമിക്കു​ന്ന​തെന്നു വ്യക്തമാ​ക്കുന്ന മറ്റൊരു ദൃഷ്ടാ​ന്ത​വും യഹോവ ഉപയോ​ഗി​ക്കു​ന്നു. ദൈവം പറയുന്നു: “ഒരു മേഘം​കൊണ്ട്‌ എന്നപോ​ലെ ഞാൻ നിന്റെ ലംഘനങ്ങൾ മറയ്‌ക്കും, നിന്റെ പാപങ്ങൾ കാർമേ​ഘം​കൊണ്ട്‌ മൂടും.” (യശ. 44:22) യഹോവ ക്ഷമിക്കു​മ്പോൾ ഒരു കാർമേ​ഘം​കൊണ്ട്‌ നമ്മുടെ തെറ്റുകൾ മറയ്‌ക്കു​ന്ന​തു​പോ​ലെ​യാണ്‌; പിന്നെ അത്‌ ആരും കാണില്ല.

13. യഹോവ നിങ്ങളു​ടെ തെറ്റുകൾ ക്ഷമിക്കു​മ്പോൾ നിങ്ങൾക്ക്‌ എന്താണ്‌ തോന്നു​ന്നത്‌?

¹³ ഈ ദൃഷ്ടാ​ന്ത​ങ്ങ​ളിൽനി​ന്നെ​ല്ലാം നമ്മൾ എന്താണു പഠിക്കു​ന്നത്‌? യഹോവ നമ്മുടെ തെറ്റുകൾ ക്ഷമിച്ചാൽ ആ തെറ്റിന്റെ കറകൾ പിന്നെ നമ്മുടെ ജീവി​ത​ത്തിൽ ഇല്ല. അതു​കൊ​ണ്ടു​തന്നെ, വീണ്ടും അതെക്കു​റിച്ച്‌ ഓർത്ത്‌ കുറ്റ​ബോ​ധം തോ​ന്നേ​ണ്ട​തു​മില്ല. യേശു​വി​ന്റെ രക്തത്തി​ലൂ​ടെ നമ്മുടെ കടങ്ങൾ യഹോവ പൂർണ​മാ​യും എഴുതി​ത്ത​ള്ളും. ആ കടങ്ങൾ എത്രയാ​യി​രു​ന്നു എന്നു​പോ​ലും പിന്നെ ആർക്കും കാണാൻ കഴിയില്ല. നമ്മൾ പശ്ചാത്ത​പി​ക്കു​മ്പോൾ യഹോവ നമ്മളോ​ടു കാണി​ക്കുന്ന യഥാർഥക്ഷമ ഇതാണ്‌.

യഹോവ നമ്മളെ വീണ്ടും സുഹൃ​ത്തു​ക്ക​ളാ​യി അംഗീ​ക​രി​ക്കു​ന്നു

14. ക്ഷമിക്കു​ന്നെന്ന്‌ യഹോവ പറയു​മ്പോൾ നമുക്ക്‌ അതു വിശ്വ​സി​ക്കാ​നാ​കു​ന്നത്‌ എന്തു​കൊണ്ട്‌? (ചിത്ര​ങ്ങ​ളും കാണുക.)

¹⁴ യഹോവ യഥാർഥക്ഷമ കാണി​ക്കു​ന്ന​തു​കൊണ്ട്‌ നമുക്കു വീണ്ടും യഹോ​വ​യു​മാ​യി ഒരു നല്ല ബന്ധത്തി​ലേക്കു  വരാൻ കഴിയു​ന്നു. ചെയ്‌ത തെറ്റി​നെ​ക്കു​റി​ച്ചുള്ള കുറ്റ​ബോ​ധ​ത്തിൽനിന്ന്‌ പുറത്തു​ക​ട​ക്കാൻ അതു നമ്മളെ സഹായി​ക്കും. യഹോ​വ​യ്‌ക്ക്‌ ഇപ്പോ​ഴും നമ്മളോ​ടു ദേഷ്യ​മു​ണ്ടെ​ന്നും നമ്മളെ ശിക്ഷി​ക്കാൻ നോക്കി​യി​രി​ക്കു​ക​യാ​ണെ​ന്നും ഒരിക്ക​ലും ചിന്തി​ക്കേ​ണ്ട​തില്ല. യഹോവ ഒരിക്ക​ലും അങ്ങനെ ചെയ്യില്ല. യഹോവ ക്ഷമി​ച്ചെന്നു പറയു​മ്പോൾ നമുക്ക്‌ അതു പൂർണ​മാ​യും വിശ്വ​സി​ക്കാ​നാ​കു​ന്നത്‌ എന്തു​കൊ​ണ്ടാണ്‌? കാരണം യഹോവ യിരെ​മ്യ​യി​ലൂ​ടെ ഇങ്ങനെ പറഞ്ഞു: “ഞാൻ അവരുടെ തെറ്റു ക്ഷമിക്കും; അവരുടെ പാപം പിന്നെ ഓർക്കു​ക​യു​മില്ല.” (യിരെ. 31:34) ഈ വാക്കുകൾ ഉദ്ധരി​ച്ചു​കൊണ്ട്‌ യഹോ​വ​യെ​ക്കു​റിച്ച്‌ ഇതേ ആശയം പൗലോ​സും എഴുതി. (എബ്രാ. 8:12) ശരിക്കും എന്താണ്‌ ആ വാക്കു​ക​ളു​ടെ അർഥം?

15. യഹോവ നമ്മുടെ പാപങ്ങൾ ഓർക്കു​ക​യില്ല എന്നു പറയു​ന്ന​തി​ന്റെ അർഥ​മെ​ന്താണ്‌?

¹⁵ ബൈബി​ളിൽ “ഓർക്കുക” എന്നു പറയു​മ്പോൾ എപ്പോ​ഴും, മുമ്പു നടന്ന എന്തെങ്കി​ലും സംഭവ​ത്തെ​ക്കു​റിച്ച്‌ വീണ്ടും ചിന്തി​ക്കുക എന്നു മാത്രമല്ല അർഥം. പകരം ആ പദത്തിനു പ്രവർത്തി​ക്കു​ന്ന​തി​നെ സൂചി​പ്പി​ക്കാ​നു​മാ​കും. യേശു​വി​ന്റെ അടുത്ത്‌ സ്‌തം​ഭ​ത്തിൽ കിടന്ന കുറ്റവാ​ളി ഇങ്ങനെ പറഞ്ഞു: “യേശുവേ, അങ്ങ്‌ അങ്ങയുടെ രാജ്യ​ത്തിൽ പ്രവേ​ശി​ക്കു​മ്പോൾ എന്നെയും ഓർക്കേ​ണമേ.” (ലൂക്കോ. 23:42, 43) രാജാ​വാ​കു​മ്പോൾ തന്നെക്കു​റിച്ച്‌ വെറുതെ ചിന്തി​ക്ക​ണ​മെന്നു മാത്രമല്ല ആ കുറ്റവാ​ളി ഉദ്ദേശി​ച്ചത്‌. പകരം തനിക്കു​വേണ്ടി പ്രവർത്തി​ക്ക​ണ​മെ​ന്നാണ്‌. യേശു​വി​ന്റെ മറുപ​ടി​യും അതുത​ന്നെ​യാ​ണു കാണി​ക്കു​ന്നത്‌. കാരണം, ഭാവി​യിൽ അദ്ദേഹത്തെ ഉയിർപ്പി​ക്കാ​നുള്ള നടപടി​കൾ താൻ സ്വീക​രി​ക്കു​മെന്നു യേശു സൂചി​പ്പി​ച്ചു. അതു​കൊണ്ട്‌ യഹോവ നമ്മുടെ പാപങ്ങൾ ഓർക്കു​ക​യില്ല എന്നു പറയു​മ്പോൾ അതിന്റെ അർഥം യഹോവ നമുക്ക്‌ എതിരെ പ്രവർത്തി​ക്കില്ല എന്നാണ്‌. താൻ ക്ഷമിച്ചു​കളഞ്ഞ പാപങ്ങ​ളു​ടെ പേരിൽ യഹോവ ഭാവി​യിൽ നമ്മളെ ശിക്ഷി​ക്കില്ല.

16. യഥാർഥ​ക്ഷ​മ​യി​ലൂ​ടെ നമുക്കു കിട്ടുന്ന സ്വാത​ന്ത്ര്യ​ത്തെ ബൈബിൾ എങ്ങനെ​യാ​ണു വർണി​ക്കു​ന്നത്‌?

¹⁶ ബൈബിൾ മറ്റൊരു ദൃഷ്ടാന്തം ഉപയോ​ഗി​ച്ചു​കൊണ്ട്‌ യഹോ​വ​യു​ടെ യഥാർഥ​ക്ഷ​മ​യി​ലൂ​ടെ നമുക്കു കിട്ടുന്ന സ്വാത​ന്ത്ര്യം വർണി​ക്കു​ന്നു. നമ്മൾ പാപത്തി​ലേക്കു ചായ്‌വു​ള്ള​വ​രും അപൂർണ​രും ആയതു​കൊണ്ട്‌ നമ്മളെ ‘പാപത്തി​ന്റെ അടിമകൾ’ എന്നു വിളി​ച്ചി​രി​ക്കു​ന്നു. എന്നാൽ യഹോവ ക്ഷമിക്കു​മ്പോൾ നമുക്ക്‌ ആ “പാപത്തിൽനിന്ന്‌ സ്വാത​ന്ത്ര്യം” ലഭിക്കു​ക​യാണ്‌. (റോമ. 6:17, 18; വെളി. 1:5) യഹോവ നമ്മളോ​ടു ക്ഷമിച്ചു എന്ന്‌ അറിയു​മ്പോൾ, സ്വാത​ന്ത്ര്യം കിട്ടിയ ഒരു അടിമ​യു​ടേ​തു​പോ​ലുള്ള സന്തോഷം നമുക്കു തോന്നും.

17. യഹോ​വ​യു​ടെ ക്ഷമ സുഖ​പ്പെ​ടു​ത്തു​ന്നത്‌ എങ്ങനെ? (യശയ്യ 53:5)

 ¹⁷ യശയ്യ 53:5 വായി​ക്കുക. നമ്മൾ ചർച്ച ചെയ്യുന്ന അവസാ​ന​ദൃ​ഷ്ടാ​ന്ത​ത്തിൽ മാരക​രോ​ഗ​മുള്ള ഒരാളു​മാ​യാ​ണു നമ്മളെ താരത​മ്യം ചെയ്‌തി​രി​ക്കു​ന്നത്‌. യേശു​വി​ലൂ​ടെ യഹോവ നൽകിയ മോച​ന​വി​ല​യു​ടെ അടിസ്ഥാ​ന​ത്തിൽ നമ്മൾ സുഖം പ്രാപി​ച്ചു എന്നു പറയാം. (1 പത്രോ. 2:24) ആത്മീയ​മാ​യി രോഗാ​വ​സ്ഥ​യി​ലാ​യ​പ്പോൾ നമുക്ക്‌ യഹോ​വ​യു​മാ​യുള്ള ബന്ധം നഷ്ടമായി. എന്നാൽ മോച​ന​വി​ല​യി​ലൂ​ടെ യഹോ​വ​യു​മാ​യി ഉണ്ടായി​രുന്ന ആ നല്ല ബന്ധം തിരി​ച്ചു​കി​ട്ടു​ന്നു. ഗുരു​ത​ര​മായ രോഗ​മുള്ള ഒരാൾക്ക്‌ അതു സുഖ​പ്പെ​ടു​മ്പോൾ വലിയ സന്തോഷം തോന്നും. അതു​പോ​ലെ​തന്നെ, യഹോ​വ​യു​ടെ ക്ഷമയി​ലൂ​ടെ ആത്മീയ​മാ​യി സുഖ​പ്പെ​ടു​ക​യും വീണ്ടും യഹോ​വ​യു​ടെ അംഗീ​കാ​രം കിട്ടു​ക​യും ചെയ്യു​മ്പോൾ നമുക്കും ഒരുപാ​ടു സന്തോഷം തോന്നും.

യഹോ​വ​യു​ടെ ക്ഷമ നമ്മളെ സ്വാധീ​നി​ക്കുന്ന വിധം

18. യഹോവ ക്ഷമിക്കു​ന്ന​തി​നെ​ക്കു​റിച്ച്‌ ബൈബി​ളി​ലെ പല ദൃഷ്ടാ​ന്ത​ങ്ങ​ളിൽനിന്ന്‌ നമ്മൾ എന്താണു പഠിച്ചത്‌? (“യഹോവ ക്ഷമിക്കു​ന്നത്‌ എങ്ങനെ?” എന്ന ചതുര​വും കാണുക.)

¹⁸ ഈ ബൈബിൾ ദൃഷ്ടാ​ന്ത​ങ്ങ​ളിൽനി​ന്നെ​ല്ലാം യഹോവ ക്ഷമിച്ച​തി​നെ​ക്കു​റിച്ച്‌ നമ്മൾ എന്താണു പഠിച്ചത്‌? യഹോവ ക്ഷമിക്കു​മ്പോൾ പൂർണ​മാ​യി, എന്നേക്കു​മാ​യി ക്ഷമിക്കു​ന്നു. അതിലൂ​ടെ നമ്മുടെ സ്വർഗീ​യ​പി​താ​വു​മാ​യി വീണ്ടും നല്ല ബന്ധത്തി​ലേക്കു വരാൻ നമുക്കു കഴിയു​ന്നു. അതോ​ടൊ​പ്പം നമ്മൾ ഓർക്കേണ്ട ഒരു കാര്യ​മുണ്ട്‌, യഥാർഥക്ഷമ ഒരിക്ക​ലും നമ്മുടെ അവകാശം അല്ല; മറിച്ച്‌ അതൊരു സമ്മാന​മാണ്‌. പാപി​ക​ളായ മനുഷ്യ​രോ​ടു യഹോവ കാണി​ക്കുന്ന സ്‌നേ​ഹ​ത്തി​ന്റെ​യും അനർഹ​ദ​യ​യു​ടെ​യും തെളിവ്‌!—റോമ. 3:24.

19. (എ) നമ്മൾ ഏതു കാര്യ​ത്തി​നു നന്ദിയു​ള്ള​വ​രാ​യി​രി​ക്കണം? (റോമർ 4:8) (ബി) അടുത്ത ലേഖന​ത്തിൽ നമ്മൾ എന്തു പഠിക്കും?

¹⁹ റോമർ 4:8 വായി​ക്കുക. “യഥാർഥക്ഷമ” കാണി​ക്കുന്ന യഹോ​വ​യോ​ടു നമ്മൾ എത്ര നന്ദിയു​ള്ള​വ​രാ​യി​രി​ക്കണം, അല്ലേ! (സങ്കീ. 130:4) എന്നാൽ യഹോവ നമ്മളോ​ടു ക്ഷമിക്ക​ണ​മെ​ങ്കിൽ നമ്മളും ഒരു കാര്യം ചെയ്യേ​ണ്ട​തുണ്ട്‌. യേശു പറഞ്ഞു: “നിങ്ങൾ അവരുടെ തെറ്റുകൾ ക്ഷമിക്കാ​തി​രു​ന്നാൽ നിങ്ങളു​ടെ പിതാവ്‌ നിങ്ങളു​ടെ തെറ്റു​ക​ളും ക്ഷമിക്കില്ല.” (മത്താ. 6:14, 15) അതു​കൊണ്ട്‌ ക്ഷമിക്കുന്ന കാര്യ​ത്തിൽ നമ്മൾ യഹോ​വയെ അനുക​രി​ക്കേ​ണ്ടതു പ്രധാ​ന​മാണ്‌. എന്നാൽ നമുക്ക്‌ അത്‌ എങ്ങനെ ചെയ്യാം? അടുത്ത ലേഖന​ത്തിൽ അതെക്കു​റിച്ച്‌ നോക്കും.