1, 2. (എ) ഏതു മുന്നറി​യിപ്പ് അനേക​രു​ടെ ജീവൻ രക്ഷിക്കാൻ സഹായി​ച്ചു? (ലേഖനാ​രം​ഭ​ത്തി​ലെ ചിത്രം കാണുക.) (ബി) ജീവൻ രക്ഷിക്കാൻ ഉതകുന്ന ഏതു മാർഗ​നിർദേ​ശ​മാണ്‌ ദൈവ​ജ​ന​ത്തി​നു​ള്ളത്‌?

“നിറു​ത്തുക, നോക്കുക, ശ്രദ്ധി​ക്കുക.” ഏകദേശം 100 വർഷത്തി​ല​ധി​കം വടക്കേ അമേരി​ക്ക​യി​ലുള്ള റയിൽവേ ക്രോ​സു​ക​ളിൽ സ്ഥാപി​ച്ചി​രുന്ന വലിയ ബോർഡു​ക​ളിൽ കണ്ടിരുന്ന വാക്കു​ക​ളാ​യി​രു​ന്നു ഇവ. എന്തു​കൊണ്ട്? പാളം കുറുകെ കടക്കുന്ന വാഹന​ങ്ങൾക്കുള്ള ഒരു മുന്നറി​യി​പ്പാ​യി​രു​ന്നു ഇത്‌. അതി​വേഗം പാഞ്ഞു​വ​രുന്ന ട്രെയി​നു​കൾ ഈ വാഹന​ങ്ങളെ ഇടിക്കാ​തി​രി​ക്കാ​നാ​യി​രു​ന്നു ഈ മുന്നറി​യിപ്പ്. ഇതിനു ശ്രദ്ധ​കൊ​ടു​ത്തത്‌ അനേക​രു​ടെ ജീവൻ രക്ഷിച്ചു.

² സുരക്ഷയ്‌ക്കാ​യുള്ള മുന്നറി​യി​പ്പു​കൾ നൽകുക മാത്രമല്ല യഹോവ ചെയ്യു​ന്നത്‌. ഒരുത​ര​ത്തിൽ പറഞ്ഞാൽ, യഹോവ തന്‍റെ ജനത്തിന്‍റെ മുമ്പിൽ നിന്നു​കൊണ്ട് അപകട​സൂ​ച​നകൾ നൽകു​ക​യും നിത്യ​ജീ​വ​നി​ലേ​ക്കുള്ള വഴി ചൂണ്ടി​ക്കാ​ണി​ക്കു​ക​യും ചെയ്യുന്നു. അപകടം പതിയി​രി​ക്കുന്ന വഴികൾ ഒഴിവാ​ക്കാൻ ആടുകളെ നയിക്കു​ക​യും മുന്നറി​യിപ്പ് കൊടു​ക്കു​ക​യും ചെയ്യുന്ന സ്‌നേ​ഹ​നി​ധി​യായ ഒരു ഇടയ​നെ​പ്പോ​ലെ​യാണ്‌ യഹോവ.—യെശയ്യാ​വു 30:20, 21 വായി​ക്കുക.

3. മരണത്തി​ലേ​ക്കുള്ള വഴിയിൽ മനുഷ്യ​കു​ടും​ബം എത്തിയത്‌ എങ്ങനെ?

³ മനുഷ്യ​ച​രി​ത്ര​ത്തി​ന്‍റെ തുടക്കം​മു​തൽ യഹോവ മനുഷ്യർക്കു വ്യക്തമായ  നിർദേ​ശങ്ങൾ നൽകി​യി​ട്ടുണ്ട്. ഉദാഹ​ര​ണ​ത്തിന്‌, മനുഷ്യ​കു​ടും​ബത്തെ നിത്യ​ജീ​വ​നി​ലേ​ക്കും സന്തോ​ഷ​ത്തി​ലേ​ക്കും നയിക്കു​മാ​യി​രുന്ന വ്യക്തമായ നിർദേ​ശങ്ങൾ ഏദെൻതോ​ട്ട​ത്തിൽവെച്ച് യഹോവ നൽകി. (ഉല്‌പ. 2:15-17) എന്നാൽ സ്‌നേ​ഹ​നി​ധി​യായ ആ പിതാ​വി​ന്‍റെ വാക്കു​കൾക്ക് അവർ ഒരു വിലയും കല്‌പി​ച്ചില്ല. പാമ്പിൽനിന്ന് വന്നതായി തോന്നിയ വാക്കു​കൾക്ക് ഹവ്വായും, ഹവ്വായു​ടെ വാക്കു​കൾക്ക് ആദാമും ശ്രദ്ധ കൊടു​ത്തു. ഫലമോ? പിന്നീ​ടുള്ള അവരുടെ ജീവിതം ദുരി​തങ്ങൾ നിറഞ്ഞ​താ​യി​രു​ന്നു. ഒടുവിൽ യാതൊ​രു പ്രത്യാ​ശ​യു​മി​ല്ലാ​തെ അവർ മൺമറഞ്ഞു. അവരുടെ അനുസ​ര​ണ​ക്കേട്‌ മുഴു​മ​നു​ഷ്യ​രെ​യും മരണത്തി​ന്‍റെ വഴിയി​ലേക്ക് തള്ളിവി​ട്ടു.

4. (എ) പ്രളയ​ത്തി​നു ശേഷം പുതിയ മാർഗ​നിർദേ​ശങ്ങൾ ആവശ്യ​മാ​യി​വ​ന്നത്‌ എന്തു​കൊണ്ട്? (ബി) മാറിയ സാഹച​ര്യ​ങ്ങൾ ദൈവ​ത്തി​ന്‍റെ ചിന്തകൾ വെളി​പ്പെ​ടു​ത്തി​യത്‌ എങ്ങനെ?

⁴ ജീവര​ക്ഷാ​ക​ര​മായ നിർദേ​ശങ്ങൾ ദൈവം നോഹയ്‌ക്കു കൊടു​ത്തു. പ്രളയ​ത്തി​നു ശേഷം, തന്‍റെ ജനം രക്തം ഭക്ഷിക്ക​രു​തെന്നു യഹോവ കല്‌പി​ച്ചു. എന്തു​കൊണ്ട്? കാരണം യഹോവ മനുഷ്യർക്കു മാംസം കഴിക്കാ​നുള്ള അനുവാ​ദം കൊടു​ക്കാൻ പോകു​ക​യാ​യി​രു​ന്നു. മാറിയ സാഹച​ര്യ​ത്തിൽ ഈ പുതിയ മാർഗ​നിർദേശം ആവശ്യ​മാ​യി​വന്നു: “പ്രാണ​നാ​യി​രി​ക്കുന്ന രക്തത്തോ​ടു​കൂ​ടെ മാത്രം നിങ്ങൾ മാംസം തിന്നരു​തു.” (ഉല്‌പ. 9:1-4) ദൈവ​ത്തി​നു മാത്രം അവകാ​ശ​പ്പെ​ട്ട​താണ്‌ ജീവൻ. അതി​നെ​ക്കു​റി​ച്ചുള്ള ദൈവ​ത്തി​ന്‍റെ വീക്ഷണം എന്താ​ണെന്ന് ഈ കല്‌പന വെളി​പ്പെ​ടു​ത്തി. സ്രഷ്ടാ​വും ജീവദാ​താ​വും എന്ന നിലയിൽ ജീവൻ സംബന്ധിച്ച് നിയമങ്ങൾ വെക്കാ​നുള്ള അവകാശം യഹോ​വയ്‌ക്കാണ്‌. ഉദാഹ​ര​ണ​ത്തിന്‌, കൊല ചെയ്യരു​തെന്ന് യഹോവ മനുഷ്യർക്കു കല്‌പന കൊടു​ത്തു. ജീവനും രക്തവും ദൈവം പവി​ത്ര​മാ​യി വീക്ഷി​ക്കു​ന്നു. അത്‌ ദുരു​പ​യോ​ഗം ചെയ്യു​ന്ന​വരെ ദൈവം ശിക്ഷി​ക്കും.—ഉല്‌പ. 9:5, 6.

5. എന്താണ്‌ ഈ ലേഖന​ത്തിൽ ചർച്ച ചെയ്യാൻ പോകു​ന്നത്‌, എന്തു​കൊണ്ട്?

⁵ നോഹ​യു​ടെ കാലത്തി​നു ശേഷവും യഹോവ തന്‍റെ ജനത്തെ നയിച്ചു​കൊ​ണ്ടി​രു​ന്നു. യഹോവ അങ്ങനെ ചെയ്‌ത​തി​ന്‍റെ ചില ദൃഷ്ടാ​ന്തങ്ങൾ ഈ ലേഖന​ത്തിൽ നമ്മൾ ചർച്ച ചെയ്യും. പുതിയ ലോക​ത്തി​ലേക്കു നയിക്കുന്ന യഹോ​വ​യു​ടെ മാർഗ​നിർദേശം പിൻപ​റ്റാ​നുള്ള നമ്മുടെ തീരു​മാ​ന​ത്തിന്‌ അത്‌ കരുത്തു പകരും.

6. മോശ മുഖാ​ന്തരം നൽകിയ നിയമങ്ങൾ ഇസ്രാ​യേ​ല്യർ അനുസ​രി​ക്കേ​ണ്ടി​യി​രു​ന്നത്‌ എന്തു​കൊണ്ട്, അവർക്ക് ഏതു മനോ​ഭാ​വം ആവശ്യ​മാ​യി​രു​ന്നു?

⁶ മോശ​യു​ടെ നാളിൽ, ജീവി​ത​രീ​തി​യും ആരാധ​ന​യും സംബന്ധിച്ച വ്യക്തമായ നിർദേ​ശങ്ങൾ യഹോവ തന്‍റെ ജനത്തിനു കൊടു​ത്തു. എന്തു​കൊണ്ട്? കാരണം, സാഹച​ര്യ​ങ്ങൾ വീണ്ടും മാറി. 200-ലധികം വർഷക്കാ​ലം ഇസ്രാ​യേ​ല്യർ ഈജിപ്‌തിൽ അടിമ​ക​ളാ​യി കഴിയു​ക​യാ​യി​രു​ന്നു. ഈജിപ്‌തു​കാർ മരിച്ച​വ​രെ​യും വിഗ്ര​ഹ​ങ്ങ​ളെ​യും ആരാധി​ക്കു​ന്ന​വ​രും ദൈവ​നി​ന്ദാ​ക​ര​മായ പ്രവർത്ത​ന​ങ്ങ​ളിൽ ഏർപ്പെ​ടു​ന്ന​വ​രും ആയിരു​ന്നു. അതു​കൊണ്ട് ഈജിപ്‌തിൽനിന്ന് മോചി​ത​രാ​യ​പ്പോൾ ദൈവ​ജ​ന​ത്തിന്‌ പുതിയ മാർഗ​നിർദേ​ശങ്ങൾ ആവശ്യ​മാ​യി​വന്നു. ദൈവ​നി​യമം മാത്രം പിൻപ​റ്റുന്ന ഒരു ജനതയാ​യി​ത്തീ​രു​മാ​യി​രു​ന്നു അവർ. “നിയമം” എന്നതി​നുള്ള എബ്രാ​യ​പ​ദ​ത്തിന്‌, “ദിശ കാണി​ച്ചു​കൊ​ടു​ക്കുക, നയിക്കുക, നിർദേ​ശങ്ങൾ കൊടു​ക്കുക” എന്നൊക്കെ അർഥമുള്ള ഒരു പദവു​മാ​യി ബന്ധമു​ണ്ടെന്ന് ചില പരാമർശ​ഗ്ര​ന്ഥങ്ങൾ പറയുന്നു. ചുറ്റു​മു​ണ്ടാ​യി​രുന്ന ജനതക​ളു​ടെ അസാന്മാർഗി​ക​ജീ​വി​ത​രീ​തി​യിൽനി​ന്നും വ്യാജാ​രാ​ധ​ന​യിൽനി​ന്നും ന്യായ​പ്ര​മാ​ണം ഇസ്രാ​യേ​ല്യ​രെ സംരക്ഷി​ക്കു​മാ​യി​രു​ന്നു. ദൈവത്തെ അനുസ​രി​ച്ച​പ്പോൾ അവർക്ക് അനു​ഗ്രഹം ലഭിച്ചു. എന്നാൽ ദൈവത്തെ അവഗണി​ച്ച​പ്പോൾ അതിന്‍റെ കയ്‌പേ​റിയ ഫലങ്ങൾ അവർക്ക് അനുഭ​വി​ക്കേ​ണ്ടി​വന്നു.—ആവർത്ത​ന​പു​സ്‌തകം 28:1, 2, 15 വായി​ക്കുക.

7. (എ) യഹോവ തന്‍റെ ജനത്തിനു മാർഗ​നിർദേ​ശങ്ങൾ നൽകി​യത്‌ എന്തു​കൊണ്ട്? (ബി) ന്യായ​പ്ര​മാ​ണം ഇസ്രാ​യേ​ല്യർക്കു ഒരു ശിശു​പാ​ല​ക​നാ​യി​രു​ന്നത്‌ എങ്ങനെ?

⁷ പുതിയ മാർഗ​നിർദേ​ശങ്ങൾ കൊടു​ത്ത​തി​നു മറ്റൊരു കാരണ​വു​മു​ണ്ടാ​യി​രു​ന്നു. യഹോ​വ​യു​ടെ ഉദ്ദേശ്യ​ത്തി​ലെ ഒരു പ്രധാന ഭാഗമായ മിശി​ഹാ​യു​ടെ വരവി​നാ​യി ന്യായ​പ്ര​മാ​ണം ഇസ്രാ​യേ​ല്യ​രെ ഒരുക്കി. തങ്ങൾ അപൂർണ​രാ​ണെ​ന്നുള്ള സംഗതി ന്യായ​പ്ര​മാ​ണം അവരെ ഓർമി​പ്പി​ച്ചു. തങ്ങളുടെ പാപങ്ങൾ പൂർണ​മാ​യി ഇല്ലാതാ​ക്കു​ന്ന​തി​നാ​യി ഒരു മറുവി​ല​യു​ടെ അതായത്‌, പൂർണ​ത​യുള്ള ഒരു ബലിയു​ടെ  ആവശ്യ​മു​ണ്ടെന്ന കാര്യം മനസ്സി​ലാ​ക്കാൻ ന്യായ​പ്ര​മാ​ണം അവരെ സഹായി​ച്ചു. (ഗലാ. 3:19; എബ്രാ. 10:1-10) കൂടാതെ, ന്യായ​പ്ര​മാ​ണം മിശി​ഹാ​യി​ലേക്കു നയിക്കുന്ന വംശാ​വലി സംരക്ഷി​ക്കു​ക​യും മിശിഹാ പ്രത്യ​ക്ഷ​പ്പെ​ട്ട​പ്പോൾ അദ്ദേഹത്തെ തിരി​ച്ച​റി​യാൻ അവരെ സഹായി​ക്കു​ക​യും ചെയ്‌തു. അതെ, ന്യായ​പ്ര​മാ​ണം ക്രിസ്‌തു​വി​ലേക്കു നയിക്കുന്ന താത്‌കാ​ലി​ക​മായ ഒരു വഴികാ​ട്ടി​യെ​പ്പോ​ലെ അഥവാ ‘ശിശു​പാ​ല​കനെ’പ്പോ​ലെ​യാ​യി​രു​ന്നു.—ഗലാ. 3:23, 24.

8. നമ്മൾ മോ​ശൈക ന്യായ​പ്ര​മാ​ണ​ത്തി​ലെ തത്ത്വങ്ങൾ അനുസ​രിച്ച് ജീവി​ക്കേ​ണ്ടത്‌ എന്തു​കൊണ്ട്?

⁸ യഹോവ ന്യായ​പ്ര​മാ​ണ​ത്തിൽ നൽകി​യി​രുന്ന മാർഗ​നിർദേ​ശ​ങ്ങ​ളിൽനിന്ന് ക്രിസ്‌ത്യാ​നി​ക​ളെന്ന നിലയിൽ നമുക്കും പ്രയോ​ജനം നേടാ​നാ​കും. എങ്ങനെ? ന്യായ​പ്ര​മാ​ണ​ത്തി​ന്‍റെ തത്ത്വങ്ങ​ളെ​ക്കു​റിച്ച് ചിന്തി​ക്കാൻ സമയ​മെ​ടു​ത്തു​കൊണ്ട്. നമ്മൾ ഇപ്പോൾ ആ നിയമ​ങ്ങ​ളു​ടെ കീഴിൽ അല്ലെങ്കി​ലും അനുദിന ജീവി​ത​ത്തി​ലും ആരാധ​ന​യി​ലും നമ്മളെ വഴിന​യി​ക്കാൻ അവയിൽ പലതും സഹായി​ക്കും. ദൈവം ബൈബി​ളിൽ ഈ നിയമങ്ങൾ രേഖ​പ്പെ​ടു​ത്തി​യി​രി​ക്കു​ന്നത്‌ നമ്മൾ അതിൽനി​ന്നു പഠിക്കു​ന്ന​തി​നും ആ തത്ത്വങ്ങൾക്കു ചേർച്ച​യിൽ ജീവി​ക്കു​ന്ന​തി​നും വേണ്ടി​യാണ്‌. അതു​പോ​ലെ ന്യായ​പ്ര​മാ​ണ​ത്തെ​ക്കാൾ ശ്രേഷ്‌ഠ​മായ ഒന്ന് യേശു നമ്മളെ പഠിപ്പി​ച്ചു എന്ന കാര്യം വിലമ​തി​ക്കാ​നു​മാണ്‌. യേശു എന്താണ്‌ പറയു​ന്ന​തെന്ന് ശ്രദ്ധി​ക്കുക: “‘വ്യഭി​ചാ​രം ചെയ്യരുത്‌’ എന്നു പറഞ്ഞി​രി​ക്കു​ന്നതു നിങ്ങൾ കേട്ടി​ട്ടു​ണ്ട​ല്ലോ. ഞാനോ നിങ്ങ​ളോ​ടു പറയുന്നു: ഒരു സ്‌ത്രീ​യോ​ടു മോഹം തോന്ന​ത്ത​ക്ക​വി​ധം അവളെ നോക്കി​ക്കൊ​ണ്ടി​രി​ക്കു​ന്നവൻ തന്‍റെ ഹൃദയ​ത്തിൽ അവളു​മാ​യി വ്യഭി​ചാ​രം ചെയ്‌തു​ക​ഴി​ഞ്ഞു.” അതു​കൊണ്ട്, വ്യഭി​ചാ​രം ചെയ്യരു​തെന്നു മാത്രമല്ല അസാന്മാർഗിക ചിന്തക​ളും ആഗ്രഹ​ങ്ങ​ളും നമ്മൾ ഒഴിവാ​ക്കു​ക​യും വേണം.—മത്താ. 5:27, 28.

9. ഏതു പുതിയ സാഹച​ര്യം ദൈവ​ത്തിൽനി​ന്നുള്ള പുതിയ മാർഗ​നിർദേശം ആവശ്യ​മാ​ക്കി​ത്തീർത്തു?

⁹ യേശു, മിശി​ഹാ​യാ​യി വന്നതിനു ശേഷം പുതിയ മാർഗ​നിർദേ​ശ​ങ്ങ​ളും യഹോ​വ​യു​ടെ ഉദ്ദേശ്യ​ത്തെ​ക്കു​റി​ച്ചുള്ള കൂടുതൽ വിശദാം​ശ​ങ്ങ​ളും ആവശ്യ​മാ​യി​വന്നു. എന്തു​കൊണ്ട്? കാരണം, എ.ഡി. 33-ൽ യഹോവ ഇസ്രാ​യേൽ ജനതയ്‌ക്കു പകരം ക്രിസ്‌തീ​യ​സ​ഭയെ തന്‍റെ ജനമായി തിര​ഞ്ഞെ​ടു​ത്തു. അങ്ങനെ ദൈവ​ജ​ന​ത്തി​ന്‍റെ സാഹച​ര്യം വീണ്ടും മാറി.

10. എന്തു​കൊ​ണ്ടാണ്‌ ക്രിസ്‌തീ​യ​സ​ഭയ്‌ക്കു പുതിയ നിയമങ്ങൾ നൽകി​യത്‌, ഇസ്രാ​യേ​ല്യർക്കു കൊടു​ത്തി​രുന്ന നിയമ​ങ്ങ​ളിൽനിന്ന് അതു വ്യത്യസ്‌ത​മാ​യി​രു​ന്നത്‌ എങ്ങനെ?

¹⁰ എങ്ങനെ ജീവി​ക്ക​ണ​മെ​ന്നും തന്നെ എങ്ങനെ ആരാധി​ക്ക​ണ​മെ​ന്നും പഠിപ്പി​ക്കാൻ യഹോവ ഇസ്രാ​യേ​ല്യർക്കു മോ​ശൈക ന്യായ​പ്ര​മാ​ണം കൊടു​ത്തു. എന്നാൽ ഒന്നാം നൂറ്റാ​ണ്ടു​മു​തൽ ദൈവ​ജനം ഒരു ദേശത്തു​നിന്ന് മാത്ര​മു​ള്ള​വ​രാ​യി​രു​ന്നില്ല. പകരം പല ദേശങ്ങ​ളിൽനി​ന്നും പശ്ചാത്ത​ല​ങ്ങ​ളിൽനി​ന്നും ഉള്ളവരാ​യി​രു​ന്നു. അവരെ ആത്മീയ ഇസ്രാ​യേൽ എന്നാണ്‌ വിളി​ച്ചി​രു​ന്നത്‌. അവരെ​ല്ലാം ചേർന്ന് ക്രിസ്‌തീ​യസഭ രൂപം​കൊ​ണ്ടു, അവർ ഒരു പുതിയ ഉടമ്പടി​യു​ടെ കീഴി​ലു​മാ​യി. എങ്ങനെ ജീവി​ക്ക​ണ​മെ​ന്നും ആരാധി​ക്ക​ണ​മെ​ന്നും സംബന്ധിച്ച പുതിയ മാർഗ​നിർദേ​ശങ്ങൾ യഹോവ അവർക്കു കൊടു​ത്തു. “ദൈവം പക്ഷപാ​ത​മു​ള്ള​വ​ന​ല്ലെ​ന്നും ഏതൊരു ജനതയി​ലും അവനെ ഭയപ്പെ​ടു​ക​യും നീതി പ്രവർത്തി​ക്കു​ക​യും ചെയ്യുന്ന മനുഷ്യൻ അവനു സ്വീകാ​ര്യ​നാ​ണെ​ന്നും” തെളിഞ്ഞു. (പ്രവൃ. 10:34, 35) അവർ പിൻപ​റ്റി​യത്‌ “ക്രിസ്‌തു​വി​ന്‍റെ പ്രമാണം” ആയിരു​ന്നു. അത്‌ അടിസ്ഥാ​ന​പ്പെ​ട്ടി​രു​ന്നത്‌ കല്ലുക​ളിൽ എഴുതിയ നിയമ​ങ്ങ​ളി​ലല്ല, ഹൃദയ​ങ്ങ​ളിൽ എഴുതിയ നിയമ​ങ്ങ​ളി​ലാ​യി​രു​ന്നു. ക്രിസ്‌ത്യാ​നി​കൾ എവിടെ ജീവി​ച്ചാ​ലും ശരി, ഈ നിയമം അവരെ വഴിന​യി​ക്കു​ക​യും അവർക്കു പ്രയോ​ജ​ന​പ്പെ​ടു​ക​യും ചെയ്യു​മാ​യി​രു​ന്നു.—ഗലാ. 6:2.

11. “ക്രിസ്‌തു​വി​ന്‍റെ പ്രമാണം” നമ്മുടെ ക്രിസ്‌തീ​യ​ജീ​വി​ത​ത്തി​ന്‍റെ ഏതു രണ്ടു വശങ്ങളെ സ്വാധീ​നി​ക്കു​ന്നു?

¹¹ യഹോവ യേശു​വി​ലൂ​ടെ നൽകിയ മാർഗ​നിർദേ​ശ​ങ്ങ​ളിൽനിന്ന് ആത്മീയ ഇസ്രാ​യേൽ വളരെ​യ​ധി​കം പ്രയോ​ജനം നേടി. പുതിയ ഉടമ്പടി സ്ഥാപി​ക്കു​ന്ന​തി​നു തൊട്ടു​മുമ്പ് യേശു രണ്ടു പ്രധാന കല്‌പ​നകൾ നൽകി. ഒന്ന് പ്രസം​ഗ​വേ​ല​യോ​ടു ബന്ധപ്പെ​ട്ട​താ​യി​രു​ന്നു. അടുത്തത്‌, നമ്മുടെ പെരു​മാ​റ്റ​ത്തെ​ക്കു​റി​ച്ചും മറ്റുള്ള​വ​രോട്‌ എങ്ങനെ ഇടപെ​ടണം എന്നതി​നെ​ക്കു​റി​ച്ചും ഉള്ളതാ​യി​രു​ന്നു. എല്ലാ ക്രിസ്‌ത്യാ​നി​കൾക്കും​വേണ്ടി ഉള്ളതാ​യി​രു​ന്നു ഈ നിർദേ​ശങ്ങൾ. അതു​കൊണ്ട് നമ്മുടെ പ്രത്യാശ സ്വർഗ​ത്തിൽ ജീവി​ക്കാ​നാ​യാ​ലും ഭൂമി​യിൽ ജീവി​ക്കാ​നാ​യാ​ലും ഈ മാർഗ​നിർദേ​ശങ്ങൾ നമു​ക്കെ​ല്ലാം ഒരു​പോ​ലെ ബാധക​മാണ്‌.

12. പ്രസം​ഗ​വേ​ല​യു​ടെ പ്രത്യേ​കത എന്തായി​രു​ന്നു?

¹² കഴിഞ്ഞ കാലത്ത്‌ യഹോ​വയെ സേവി​ക്കു​ന്ന​തിന്‌  പല ദേശങ്ങ​ളിൽനി​ന്നും ആളുകൾ ഇസ്രാ​യേ​ലി​ലേക്കു വരണമാ​യി​രു​ന്നു. (1 രാജാ. 8:41-43) എന്നാൽ യേശു ശിഷ്യ​ന്മാ​രോട്‌ ആളുക​ളു​ടെ അടു​ത്തേക്കു ‘പോകാ​നുള്ള’ കല്‌പ​ന​യാണ്‌ കൊടു​ത്തത്‌. ആ കല്‌പന നമുക്കു മത്തായി 28:19, 20-ൽ കാണാം. (വായി​ക്കുക.) എ.ഡി. 33-ലെ പെന്തെ​ക്കൊസ്‌തിൽ ആ പുതിയ സഭയിലെ അംഗങ്ങ​ളായ ഏതാണ്ട് 120 പേർക്കു പരിശു​ദ്ധാ​ത്മാവ്‌ ലഭിക്കു​ക​യും അവർ യഹൂദ​രോ​ടും യഹൂദ​മതം സ്വീക​രി​ച്ച​വ​രോ​ടും അവരുടെ സ്വന്തം ഭാഷക​ളിൽ സുവാർത്ത അറിയി​ക്കു​ക​യും ചെയ്‌തു. അങ്ങനെ ലോക​ത്തെ​ല്ലാ​യി​ട​ത്തും സുവാർത്ത അറിയി​ക്കാൻ യഹോ​വയ്‌ക്ക് ആഗ്രഹ​മു​ണ്ടെന്ന് തെളിഞ്ഞു. (പ്രവൃ. 2:4-11) പിന്നീട്‌ ശമര്യ​ക്കാ​രു​ടെ അടു​ത്തേ​ക്കും എ.ഡി. 36-ൽ പരി​ച്ഛേ​ദ​ന​യേൽക്കാത്ത മറ്റ്‌ ജനതക​ളു​ടെ അടുക്ക​ലേ​ക്കും സുവാർത്ത എത്തി. അതായത്‌ സുവാർത്ത ലോക​മെ​ങ്ങും വ്യാപി​ക്കാൻ തുടങ്ങി.

13, 14. (എ) യേശു​വി​ന്‍റെ “പുതിയ കല്‌പന”യിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌? (ബി) യേശു വെച്ച മാതൃ​ക​യിൽനി​ന്നും നമ്മൾ എന്താണ്‌ പഠിക്കു​ന്നത്‌?

¹³ സഹോ​ദ​ര​ങ്ങ​ളോട്‌ നമ്മൾ എങ്ങനെ ഇടപെ​ടണം എന്നതു സംബന്ധി​ച്ചും യേശു “ഒരു പുതിയ കല്‌പന” നൽകി. (യോഹ​ന്നാൻ 13:34, 35 വായി​ക്കുക.) അനുദിന ജീവി​ത​ത്തി​ലെ സാധാരണ കാര്യ​ങ്ങ​ളിൽ മാത്രമല്ല, അവർക്കു​വേണ്ടി ജീവൻ കൊടു​ക്കാൻ തയ്യാറാ​യി​ക്കൊ​ണ്ടു​പോ​ലും അവരോ​ടുള്ള സ്‌നേഹം കാണി​ക്കണം. ന്യായ​പ്ര​മാ​ണം ആവശ്യ​പ്പെട്ട ഒന്നായി​രു​ന്നില്ല അത്‌.—മത്താ. 22:39; 1 യോഹ. 3:16.

¹⁴ യേശു​വാണ്‌ നിസ്വാർഥസ്‌നേഹം കാണി​ക്കുന്ന കാര്യ​ത്തിൽ ഏറ്റവും നല്ല മാതൃക വെച്ചത്‌. ശിഷ്യ​ന്മാർക്കു​വേണ്ടി ജീവൻ കൊടു​ക്കുന്ന അളവോ​ളം യേശു അവരെ സ്‌നേ​ഹി​ച്ചു. തന്‍റെ അനുഗാ​മി​കൾ ആ മാതൃക പിൻപ​റ്റ​ണ​മെ​ന്നാണ്‌ യേശു പ്രതീ​ക്ഷി​ക്കു​ന്നത്‌. അതു​കൊണ്ട് കഷ്ടങ്ങൾ സഹിക്കാ​നും വേണ്ടി​വ​ന്നാൽ സഹോ​ദ​ര​ങ്ങൾക്കു​വേണ്ടി ജീവൻ കൊടു​ക്കാൻപോ​ലും നമ്മൾ മനസ്സൊ​രു​ക്ക​മു​ള്ള​വ​രാ​യി​രി​ക്കണം.—1 തെസ്സ. 2:8.

15, 16. നമ്മുടെ ഇപ്പോ​ഴത്തെ പുതിയ സാഹച​ര്യം എന്താണ്‌, ദൈവം നമ്മളെ നയിക്കു​ന്നത്‌ എങ്ങനെ?

¹⁵ തന്‍റെ അനുഗാ​മി​കൾക്കു “തക്കസമ​യത്ത്‌ ഭക്ഷണം” നൽകു​ന്ന​തി​നാ​യി “വിശ്വസ്‌ത​നും വിവേ​കി​യു​മായ അടിമ”യെ യേശു നിയമി​ച്ചി​രി​ക്കു​ന്നു. (മത്താ. 24:45-47) ഈ ഭക്ഷണത്തിൽ, സാഹച​ര്യ​ങ്ങൾ മാറു​ന്ന​ത​നു​സ​രിച്ച് ദൈവ​ജ​ന​ത്തിന്‌ ലഭിക്കുന്ന മാർഗ​നിർദേ​ശ​ങ്ങ​ളും ഉൾപ്പെ​ടു​ന്നു. നമ്മുടെ സാഹച​ര്യ​ങ്ങൾ പുതി​യ​താ​യി​രി​ക്കു​ന്നത്‌ എങ്ങനെ?

¹⁶ നമ്മൾ ജീവി​ക്കു​ന്നത്‌ “അന്ത്യകാ​ലത്ത്‌” ആണ്‌. വളരെ പെട്ടെ​ന്നു​തന്നെ ഇതുവരെ സംഭവി​ച്ചി​ട്ടി​ല്ലാത്ത ഒരു കഷ്ടം നമ്മളെ​ല്ലാം നേരി​ടാൻ പോകു​ക​യാണ്‌. (2 തിമൊ. 3:1; മർക്കോ. 13:19) സ്വർഗ​ത്തിൽനിന്ന് പുറന്ത​ള്ള​പ്പെട്ട സാത്താ​നും ഭൂതങ്ങ​ളും ഭൂമി​യി​ലെ ദുരി​ത​ങ്ങ​ളു​ടെ ആക്കം കൂട്ടി​യി​രി​ക്കു​ന്നു. (വെളി. 12:9, 12) കൂടാതെ, ഗോള​വ്യാ​പ​ക​മാ​യി കൂടുതൽ ആളുക​ളു​ടെ അടുക്ക​ലും കൂടുതൽ ഭാഷക​ളി​ലും പ്രസം​ഗി​ച്ചു​കൊണ്ട് നമ്മൾ യേശു​വി​ന്‍റെ കല്‌പന അനുസ​രി​ക്കു​ക​യും ചെയ്യുന്നു!

17, 18. ലഭിക്കുന്ന മാർഗ​നിർദേ​ശ​ങ്ങ​ളോട്‌ നമ്മൾ എങ്ങനെ പ്രതി​ക​രി​ക്കണം?

¹⁷ പ്രസം​ഗ​പ്ര​വർത്ത​ന​ത്തിൽ നമ്മളെ സഹായി​ക്കാൻ ദൈവ​ത്തി​ന്‍റെ സംഘടന നിരവധി ഉപകര​ണങ്ങൾ തന്നിട്ടുണ്ട്. അതൊക്കെ നിങ്ങൾ ഉപയോ​ഗി​ക്കു​ന്നു​ണ്ടോ? ഈ ഉപകര​ണങ്ങൾ ഏറ്റവും ഫലകര​മാ​യി എങ്ങനെ ഉപയോ​ഗി​ക്കാ​മെന്ന് യോഗ​ങ്ങ​ളി​ലൂ​ടെ നമ്മളെ പഠിപ്പി​ക്കു​ന്നു. ഇവയെ ദൈവ​ത്തിൽനിന്ന് വരുന്ന മാർഗ​നിർദേ​ശ​ങ്ങ​ളാ​യി നിങ്ങൾ കാണു​ന്നു​ണ്ടോ?

¹⁸ ദൈവ​ത്തിൽനിന്ന് അനു​ഗ്രഹം ലഭിക്കു​ന്ന​തിന്‌, ക്രിസ്‌തീ​യ​സ​ഭ​യി​ലൂ​ടെ ദൈവം തരുന്ന എല്ലാ മാർഗ​നിർദേ​ശ​ങ്ങ​ളും നമ്മൾ ശ്രദ്ധ​യോ​ടെ പിൻപ​റ്റണം. ഇപ്പോൾത്തന്നെ നമുക്ക് അതെല്ലാം അനുസ​രി​ക്കാൻ കഴിയു​ന്നു​ണ്ടെ​ങ്കിൽ സാത്താന്‍റെ മുഴു​വ്യ​വ​സ്ഥി​തി​യെ​യും നശിപ്പി​ക്കുന്ന ‘മഹാക​ഷ്ട​ത്തി​ന്‍റെ’ സമയത്ത്‌ മാർഗ​നിർദേ​ശങ്ങൾ അനുസ​രി​ക്കു​ന്നത്‌ നമുക്ക് എളുപ്പ​മാ​യി​രി​ക്കും. (മത്താ. 24:21) അതിനു ശേഷം സാത്താന്‍റെ സ്വാധീ​നം ഒട്ടുമി​ല്ലാത്ത പുതിയ ലോക​ത്തിൽ ജീവി​ക്കാൻ നമുക്ക് പുതിയ മാർഗ​നിർദേശം ആവശ്യ​മാ​യി​വ​രും.

19, 20. ഏതു ചുരു​ളു​കൾ തുറക്കും, അതിൽനിന്ന് നമുക്ക് എന്തു പ്രയോ​ജനം കിട്ടും?

¹⁹ മോശ​യു​ടെ കാലത്ത്‌ ഇസ്രാ​യേൽ ജനതയ്‌ക്ക് പുതിയ മാർഗ​നിർദേ​ശങ്ങൾ ആവശ്യ​മാ​യി​രു​ന്നു. അതു​കൊണ്ട് ദൈവം അവർക്കു ന്യായ​പ്ര​മാ​ണം  കൊടു​ത്തു. പിന്നീട്‌, ക്രിസ്‌തീ​യസഭ “ക്രിസ്‌തു​വി​ന്‍റെ പ്രമാണം” പിൻപ​റ്റ​ണ​മാ​യി​രു​ന്നു. സമാന​മാ​യി, ഭാവി​യിൽ പുതിയ ലോക​ത്തിൽ പുതിയ നിർദേ​ശ​ങ്ങ​ള​ട​ങ്ങിയ പുതിയ ചുരു​ളു​കൾ നമുക്ക് ലഭിക്കു​മെന്നു ബൈബിൾ പറയുന്നു. (വെളി​പാട്‌ 20:12 വായി​ക്കുക.) ആ സമയത്ത്‌ മനുഷ്യ​രിൽനിന്ന് ദൈവം ആവശ്യ​പ്പെ​ടുന്ന കാര്യങ്ങൾ ഈ ചുരു​ളു​ക​ളിൽ വിശദീ​ക​രി​ക്കും എന്ന് നമുക്ക് പ്രതീ​ക്ഷി​ക്കാം. പുനരു​ത്ഥാ​നം ചെയ്‌തവർ ഉൾപ്പെടെ എല്ലാവർക്കും, അവരെ​ക്കു​റി​ച്ചുള്ള ദൈ​വേഷ്ടം എന്താ​ണെന്ന് ഈ ചുരു​ളു​ക​ളിൽനിന്ന് പഠിക്കാ​നാ​കും. യഹോ​വ​യു​ടെ ചിന്താ​രീ​തി​യെ​ക്കു​റിച്ച് കൂടുതൽ പഠിക്കാൻ ഈ ചുരു​ളു​കൾ സഹായി​ക്കും. ബൈബിൾ കുറെ​ക്കൂ​ടെ മെച്ചമാ​യി മനസ്സി​ലാ​ക്കാ​നും നമുക്കു കഴിയും. അതു​കൊണ്ട്, പറുദീ​സ​യിൽ ജീവി​ക്കുന്ന എല്ലാവ​രും പരസ്‌പരം സ്‌നേ​ഹ​വും ബഹുമാ​ന​വും ആദരവും കാണി​ക്കും. (യെശ. 26:9) രാജാ​വായ ക്രിസ്‌തു​യേ​ശു​വി​ന്‍റെ മാർഗ​നിർദേ​ശ​ത്തിൻകീ​ഴിൽ നമ്മൾ എന്തെല്ലാം കാര്യങ്ങൾ പഠിക്കു​മെ​ന്നും മറ്റുള്ള​വരെ പഠിപ്പി​ക്കു​മെ​ന്നും ഒന്നു സങ്കല്‌പി​ച്ചു​നോ​ക്കൂ!

²⁰ ‘ചുരു​ളു​ക​ളിൽ എഴുതി​യി​രി​ക്കുന്ന’ നിർദേ​ശങ്ങൾ അനുസ​രി​ക്കു​ക​യും അന്തിമ​പ​രി​ശോ​ധ​ന​യിൽ യഹോ​വ​യോ​ടു വിശ്വസ്‌ത​രാ​യി​രി​ക്കു​ക​യും ആണെങ്കിൽ ‘ജീവന്‍റെ പുസ്‌ത​ക​ത്തിൽ’ യഹോവ നമ്മുടെ പേരു​ക​ളും സദാകാ​ല​ത്തേ​ക്കു​മാ​യി എഴുതി​വെ​ക്കും. അതാണ്‌ നമുക്കുള്ള ഓഹരി—നിത്യ​ജീ​വൻ! അതു​കൊണ്ട് ബൈബിൾ പറയു​ന്നതു ശ്രദ്ധ​വെച്ച് കേൾക്കണം, അതു നമുക്ക് എന്താണ്‌ അർഥമാ​ക്കു​ന്ന​തെന്ന് കാണാൻ ശ്രമി​ക്കണം, ദൈവ​ത്തി​ന്‍റെ മാർഗ​നിർദേശം അനുസ​രി​ച്ചു​കൊണ്ട് നമ്മൾ ജീവി​ക്കണം. ഇങ്ങനെ ചെയ്‌താൽ നമുക്ക് മഹാക​ഷ്ടത്തെ അതിജീ​വി​ക്കാ​നും സ്‌നേ​ഹ​വാ​നും ജ്ഞാനി​യും ആയ യഹോ​വ​യെ​ക്കു​റിച്ച് സകല നിത്യ​ത​യി​ലും പഠിക്കാ​നും കഴിയും.—സഭാ. 3:11; റോമ. 11:33.