അച്ചാരം: ഒരു പരാമർശ​ഗ്രന്ഥം പറയു​ന്ന​ത​നു​സ​രിച്ച് 2 കൊരി​ന്ത്യർ 1:22-ൽ അച്ചാരം എന്ന് ഉപയോ​ഗി​ച്ചി​രി​ക്കുന്ന ഗ്രീക്കു​പദം “നിയമ​പ​ര​വും വാണി​ജ്യ​പ​ര​വും ആയ” ഒന്നാണ്‌. ആ പദത്തിന്‍റെ അർഥം, “ഒരു വസ്‌തു വാങ്ങു​മ്പോൾ അഡ്വാൻസ്‌ ആയി കൊടു​ക്കുന്ന തുക, ആദ്യഗഡു, ഈട്‌, ... എന്നൊ​ക്കെ​യാണ്‌. അതുവഴി ആ വസ്‌തു​വി​ന്മേൽ നിയമ​പ​ര​മായ അവകാശം സ്ഥാപി​ക്കു​ക​യോ ഒരു എഗ്രി​മെന്‍റ് പ്രാബ​ല്യ​ത്തിൽ വരുക​യോ ചെയ്യുന്നു.” അഭിഷി​ക്ത​ക്രി​സ്‌ത്യാ​നി​ക​ളു​ടെ കാര്യ​ത്തിൽ അവർക്കു കിട്ടുന്ന മുഴുവൻ തുക അഥവാ പ്രതി​ഫലം, 2 കൊരി​ന്ത്യർ 5:1-5-ൽ വിവരി​ച്ചി​രി​ക്കുന്ന പ്രകാരം അനശ്വ​ര​മായ സ്വർഗീ​യ​ശ​രീ​ര​മാണ്‌. ആ പ്രതി​ഫ​ല​ത്തിൽ അമർത്യ​ത​യെന്ന സമ്മാനം സ്വീക​രി​ക്കു​ന്ന​തും ഉൾപ്പെ​ടു​ന്നുണ്ട്.—1 കൊരി. 15:48-54.

ആധുനി​ക​ഗ്രീ​ക്കിൽ അച്ചാരം എന്നതി​നോട്‌ ബന്ധപ്പെട്ട് ഉപയോ​ഗി​ച്ചി​രി​ക്കുന്ന ഒരു പദം വിവാ​ഹ​നി​ശ്ച​യ​ത്തിന്‌ കൈമാ​റുന്ന മോതി​രത്തെ കുറി​ക്കുന്ന ഒന്നാണ്‌. ക്രിസ്‌തു​വി​ന്‍റെ ആലങ്കാ​രിക മണവാ​ട്ടി​യു​ടെ ഭാഗമാ​കാ​നി​രി​ക്കു​ന്ന​വർക്കു ചേരുന്ന ഒരു പ്രയോ​ഗ​മാണ്‌ ഇത്‌.—2 കൊരി. 11:2; വെളി. 21:2, 9.

മുദ്ര: പണ്ടുകാ​ലത്ത്‌, ഉടമസ്ഥ​ത​യോ ആധികാ​രി​ക​ത​യോ എഗ്രി​മെ​ന്‍റോ ഉറപ്പാ​ക്കു​ന്ന​തി​നുള്ള ഒരു ഒപ്പായി മുദ്ര ഉപയോ​ഗി​ച്ചി​രു​ന്നു. അഭിഷി​ക്ത​രു​ടെ കാര്യ​ത്തിൽ ദൈവ​ത്തി​ന്‍റെ സ്വത്തായി അവരെ പരിശു​ദ്ധാ​ത്മാവ്‌ മുദ്ര​യി​ട്ടി​രി​ക്കു​ന്നു. (എഫെ. 1:13, 14) ഒരു വ്യക്തി വിശ്വ​സ്‌ത​നാ​യി മരിക്കു​ന്ന​തിന്‌ കുറച്ച് മുമ്പോ മഹാകഷ്ടം തുടങ്ങു​ന്ന​തിന്‌ കുറച്ച് മുമ്പോ ആണ്‌ അദ്ദേഹ​ത്തി​ന്‍റെ മുദ്ര മായാത്ത ഒന്നായി​ത്തീ​രു​ന്നത്‌.—എഫെ. 4:30; വെളി. 7:2-4.