ഉടൻതന്നെ ദൈവ​ത്തി​ന്റെ ആ പുതിയ ഗവൺമെന്റ്‌ മനുഷ്യ​രെ ഭരിക്കാൻ തുടങ്ങു​മ്പോൾ ഇപ്പോ​ഴത്തെ ഈ അവസ്ഥക​ളെ​ല്ലാം മാറും. ആളുകൾ ഐക്യ​ത്തോ​ടെ​യും സന്തോ​ഷ​ത്തോ​ടെ​യും അവിടെ ജീവി​ക്കും. എല്ലാവ​രും അവരവ​രു​ടെ ജോലി​കൾ ആസ്വദിച്ച്‌ ചെയ്യും. ഭൂമിയെ ഭരിക്കാൻ ദൈവം നിയമി​ച്ചി​രി​ക്കു​ന്നത്‌ യേശു​ക്രി​സ്‌തു​വി​നെ​യാണ്‌. മറ്റു ഭരണാ​ധി​കാ​രി​ക​ളെ​പ്പോ​ലെയല്ല യേശു. ഇന്നത്തെ മിക്ക ഭരണാ​ധി​കാ​രി​ക​ളെ​യും നമുക്ക​റി​യാം, അവർക്ക്‌ ആളുക​ളു​ടെ കാര്യ​ത്തിൽ യാതൊ​രു താത്‌പ​ര്യ​വു​മില്ല. എന്നാൽ യേശു മനുഷ്യർക്ക്‌ ഏറ്റവും നല്ലത്‌ എന്താണോ അതാണു ചെയ്യു​ന്നത്‌. സ്‌നേ​ഹ​ത്തോ​ടെ​യുള്ള ഒരു ഭരണമാ​യി​രി​ക്കും യേശു​വി​ന്റേത്‌. അതു​കൊണ്ട്‌ കരുണ​യോ​ടെ​യും ദയയോ​ടെ​യും നീതി​യോ​ടെ​യും ഈ രാജാവ്‌ ഇടപെ​ടും.—യശയ്യ 11:4.

ദേശത്തി​ന്റെ​യോ ജാതി​യു​ടെ​യോ പേരിൽ മനുഷ്യർക്കി​ട​യിൽ വേർതി​രി​വു​ണ്ടാ​കില്ല. ആളുക​ളെ​ല്ലാം ഒറ്റക്കെ​ട്ടാ​യി​രി​ക്കും. (വെളി​പാട്‌ 7:9, 10) എല്ലാ മനുഷ്യ​രും ദൈവ​ത്തെ​യും അയൽക്കാ​രെ​യും സ്‌നേ​ഹി​ക്കും. ഭൂമിയെ പരിപാ​ലി​ക്കാ​നുള്ള ദൈവ​ത്തി​ന്റെ ആദ്യത്തെ ഉദ്ദേശ്യം നടപ്പി​ലാ​ക്കാൻ മനുഷ്യ​രെ​ല്ലാം ഒത്തൊ​രു​മ​യോ​ടെ പ്രവർത്തി​ക്കും.—സങ്കീർത്തനം 115:16.

ദൈവ​രാ​ജ്യം വന്നുക​ഴി​യു​മ്പോൾ നമ്മുടെ സ്രഷ്ടാവ്‌ കാലാ​വ​സ്ഥയെ നിയ​ന്ത്രി​ക്കും. ഏറ്റവും അനു​യോ​ജ്യ​മായ കാലാ​വ​സ്ഥ​യാ​യി​രി​ക്കും അപ്പോൾ. (സങ്കീർത്തനം 24:1, 2) ഭൂമി​യി​ലാ​യി​രുന്ന സമയത്ത്‌ ഭയാന​ക​മായ ഒരു കൊടു​ങ്കാറ്റ്‌ ഉണ്ടായ​പ്പോൾ ദൈവ​ത്തി​ന്റെ ശക്തിയാൽ യേശു അതിനെ നിഷ്‌പ്ര​യാ​സം ശാന്തമാ​ക്കി. (മർക്കോസ്‌ 4:39, 41) ക്രിസ്‌തു​വി​ന്റെ ഭരണത്തിൻകീ​ഴിൽ ആർക്കും പ്രകൃ​തി​ദു​ര​ന്ത​ങ്ങളെ പേടി​ക്കേ​ണ്ടി​വ​രില്ല. ദൈവ​രാ​ജ്യം വരു​മ്പോൾ മനുഷ്യർ ആദ്യ​ത്തേ​തു​പോ​ലെ പ്രകൃ​തി​യോ​ടും മൃഗങ്ങ​ളോ​ടും ഇണങ്ങി ജീവി​ക്കും.—ഹോശേയ 2:18.

എല്ലാവർക്കും നല്ല ആരോ​ഗ്യ​മു​ണ്ടാ​യി​രി​ക്കും. ആരും രോഗി​ക​ളാ​കു​ക​യോ പ്രായ​മാ​കു​ക​യോ മരിക്കു​ക​യോ ഇല്ല. (യശയ്യ 35:5, 6) ആദ്യത്തെ ദമ്പതികൾ ജീവി​ച്ചി​രുന്ന ഏദെൻ തോട്ട​ത്തി​ലെ അവസ്ഥയാ​യി​രി​ക്കും ഭൂമി​യിൽ. മനോ​ഹ​ര​മായ ആ ഭൂമി​യിൽ യാതൊ​രു മലിനീ​ക​ര​ണ​വും ഉണ്ടായി​രി​ക്കില്ല. ഭൂമി​യിൽ ധാരാളം വിളവു ലഭിക്കും. എല്ലാവർക്കും മതിവ​രു​വോ​ളം കഴിക്കാ​നുള്ള ഭക്ഷണം ഉണ്ടായി​രി​ക്കും. (ഉൽപത്തി 2:9) പുരാ​ത​ന​നാ​ളി​ലെ ഇസ്രാ​യേൽ ജനത്തെ​പ്പോ​ലെ പറുദീ​സ​യിൽ എല്ലാവ​രും ‘തൃപ്‌തി​യാ​കു​ന്ന​തു​വരെ അപ്പം തിന്നും.’—ലേവ്യ 26:4, 5.

ലോക​മെ​ങ്ങും ഭരിക്കുന്ന ദൈവ​ത്തി​ന്റെ ആ ഗവൺമെന്റ്‌ വരു​മ്പോൾ ആളുകൾക്കു സമാധാ​ന​മു​ണ്ടാ​യി​രി​ക്കും. എല്ലാ മനുഷ്യ​രും പരസ്‌പരം ദയയോ​ടെ​യും നീതി​യോ​ടെ​യും ഇടപെ​ടും. യുദ്ധങ്ങൾ ഉണ്ടായി​രി​ക്കില്ല, അധികാ​ര​ദുർവി​നി​യോ​ഗം ഉണ്ടായി​രി​ക്കില്ല, ആരും അടിസ്ഥാന ആവശ്യ​ങ്ങൾക്കു​വേണ്ടി ബുദ്ധി​മു​ട്ടു​ക​യും ഇല്ല. ബൈബിൾ ഇങ്ങനെ​യൊ​രു ഉറപ്പു നൽകുന്നു: “അവർ ഓരോ​രു​ത്ത​രും സ്വന്തം മുന്തി​രി​വ​ള്ളി​യു​ടെ​യും അത്തി മരത്തി​ന്റെ​യും ചുവട്ടിൽ ഇരിക്കും; ആരും അവരെ പേടി​പ്പി​ക്കില്ല.”—മീഖ 4:3, 4.

ഓരോ കുടും​ബ​ത്തി​നും സ്വന്തമാ​യി വീട്‌ ഉണ്ടായി​രി​ക്കും, അവർക്ക്‌ അതു നഷ്ടപ്പെ​ടു​മോ എന്നു പേടി​ക്കേ​ണ്ടി​വ​രില്ല. അതു​പോ​ലെ അവർ ചെയ്യുന്ന അധ്വാ​ന​ത്തി​ന്റെ ഫലം അവർതന്നെ അനുഭ​വി​ക്കും. ബൈബിൾ പറയു​ന്നത്‌, ദൈവ​ത്തി​ന്റെ പുതിയ ലോക​ത്തിൽ ജീവി​ക്കു​ന്ന​വ​രു​ടെ “അധ്വാനം വെറു​തേ​യാ​കില്ല” എന്നാണ്‌.—യശയ്യ 65:21-23.

ബൈബിൾ തരുന്ന ഉറപ്പ്‌: “ഭൂമി മുഴുവൻ യഹോ​വ​യു​ടെ പരിജ്ഞാ​നം നിറഞ്ഞി​രി​ക്കും.” (യശയ്യ 11:9) ദൈവ​ത്തി​ന്റെ പുതിയ ലോക​ത്തിൽ ജീവി​ക്കു​മ്പോൾ ആളുകൾ തങ്ങളുടെ സ്രഷ്ടാ​വായ യഹോ​വ​യു​ടെ ജ്ഞാനത്തിൽനി​ന്നും യഹോ​വ​യു​ടെ മനോ​ഹ​ര​മായ സൃഷ്ടി​ക​ളിൽനി​ന്നും കുറെ​യേറെ പഠിക്കും. ആയുധങ്ങൾ നിർമി​ക്കാ​നോ മറ്റുള്ള​വരെ ദ്രോ​ഹി​ക്കാ​നോ ആയിരി​ക്കില്ല അവർ തങ്ങളുടെ അറിവ്‌ ഉപയോ​ഗി​ക്കു​ന്നത്‌. (യശയ്യ 2:4) പകരം, അവർ ഈ അറിവ്‌ ഉപയോ​ഗിച്ച്‌ പരസ്‌പരം സമാധാ​ന​ത്തിൽ എങ്ങനെ ജീവി​ക്കാ​മെ​ന്നും ഭൂമിയെ എങ്ങനെ നന്നായി പരിപാ​ലി​ക്കാ​മെ​ന്നും ആയിരി​ക്കും ചിന്തി​ക്കു​ന്നത്‌.—സങ്കീർത്തനം 37:11.

മനുഷ്യർ ഭൂമി​യിൽ ഓരോ ദിവസ​വും ആസ്വദിച്ച്‌ ജീവി​ക്ക​ണ​മെ​ന്നാ​യി​രു​ന്നു ദൈവ​ത്തി​ന്റെ ആഗ്രഹം. അതു​കൊണ്ട്‌ ദൈവം ഭൂമിയെ വളരെ ശ്രദ്ധ​യോ​ടെ​യാണ്‌ ഉണ്ടാക്കി​യത്‌. അവർ എന്നും അവിടെ ജീവി​ക്കാൻ ദൈവം ഉദ്ദേശി​ച്ചു. (സങ്കീർത്തനം 37:29; യശയ്യ 45:18) ദൈവ​ത്തി​ന്റെ ആ ആദ്യത്തെ ഉദ്ദേശ്യം നിറ​വേ​റ്റു​ന്ന​തിന്‌ ദൈവം “മരണത്തെ എന്നേക്കു​മാ​യി ഇല്ലാതാ​ക്കും.” (യശയ്യ 25:8) ബൈബിൾ പറയുന്നു: “മേലാൽ മരണം ഉണ്ടായി​രി​ക്കില്ല; ദുഃഖ​മോ നിലവി​ളി​യോ വേദന​യോ ഉണ്ടായി​രി​ക്കില്ല.” (വെളി​പാട്‌ 21:4) ദൈവം ഈ ദുഷ്ട​ലോ​കത്തെ നശിപ്പി​ക്കു​മ്പോൾ, ദൈവ​ത്തി​ന്റെ സംരക്ഷണം കിട്ടുന്ന ആളുകൾക്കും വരാൻപോ​കുന്ന പുതിയ ലോക​ത്തിൽ ദൈവം ഉയിർത്തെ​ഴു​ന്നേൽപ്പി​ക്കുന്ന കോടി​ക്ക​ണ​ക്കിന്‌ ആളുകൾക്കും ഈ ഭൂമി​യിൽ എന്നേക്കും ജീവി​ക്കാ​നുള്ള അവസരം കിട്ടും.—യോഹ​ന്നാൻ 5:28, 29; പ്രവൃ​ത്തി​കൾ 24:15.

 ഇപ്പോൾത്തന്നെ ലക്ഷ​ക്ക​ണ​ക്കിന്‌ ആളുകൾ തൊട്ട​ടുത്ത്‌ എത്തിയി​രി​ക്കുന്ന ദൈവ​രാ​ജ്യ​ത്തിൽ ജീവി​ക്കാൻ തയ്യാറാ​യി​ക്കൊ​ണ്ടി​രി​ക്കു​ന്നു. കുറവു​ക​ളൊ​ക്കെ ഉണ്ടെങ്കി​ലും, അവിടെ ജീവി​ക്കാൻവേണ്ട വ്യക്തി​ത്വ​ങ്ങ​ളും ഗുണങ്ങ​ളും ഒക്കെ വളർത്താൻ അവർ ശ്രമി​ക്കു​ക​യാണ്‌. അവർ അതിനു​വേണ്ടി എന്താണു ചെയ്യു​ന്നത്‌? ദൈവ​മായ യഹോ​വ​യെ​യും യഹോവ അയച്ച യേശു​ക്രി​സ്‌തു​വി​നെ​യും കുറിച്ച്‌ പഠിക്കു​ന്നു.—യോഹ​ന്നാൻ 17:3.

ലോകാ​വ​സാ​ന​ത്തെ അതിജീ​വി​ക്കാ​നും ഉടൻതന്നെ വരാൻപോ​കുന്ന പുതിയ ലോക​ത്തി​ലാ​യി​രി​ക്കാ​നും നമുക്ക്‌ എന്തു ചെയ്യാ​നാ​കും? അതു മനസ്സി​ലാ​ക്കാൻ ജീവിതം ആസ്വദിക്കാം പുസ്‌തകം ഉപ​യോഗി​ച്ചുള്ള യഹോ​വ​യു​ടെ സാക്ഷി​ക​ളുടെ സൗജന്യ ബൈബിൾപഠന പരിപാടി നിങ്ങളെ സഹായിക്കും