ഉണ്ടായി​രി​ക്കാം. ഇല്ലെങ്കിൽ ആളുകൾ പരസ്‌പരം വെറുപ്പു കാണി​ക്കു​ന്നതു നിങ്ങൾ കണ്ടിട്ടു​ണ്ടാ​യി​രി​ക്കും. ആളുകൾക്ക്‌ മറ്റൊരു മതത്തി​ലോ വംശത്തി​ലോ ദേശത്തോ ഉള്ളവ​രോ​ടൊ​ക്കെ വെറു​പ്പും പകയും ആണ്‌. അങ്ങനെ​യുള്ള വാർത്ത​കൾകൊണ്ട്‌ നിറഞ്ഞി​രി​ക്കു​ക​യാണ്‌ മാധ്യ​മങ്ങൾ. അതു​കൊ​ണ്ടു​തന്നെ വെറു​പ്പി​ന്റെ പേരിൽ ചെയ്യുന്ന കുറ്റകൃ​ത്യ​ങ്ങൾക്കെ​തി​രെ പല ഗവൺമെ​ന്റു​ക​ളും പുതിയ നിയമങ്ങൾ കൊണ്ടു​വ​രു​ന്നുണ്ട്‌.

വെറുപ്പ്‌, ശരിക്കും ഒരു ചങ്ങല​പോ​ലെ​യാണ്‌. വെറു​പ്പി​നും വിദ്വേ​ഷ​ത്തി​നും ഇരയാ​കു​ന്നവർ മറ്റുള്ള​വ​രെ​യും വെറു​ക്കും. അവർ പ്രതി​കാ​ര​ബു​ദ്ധി​യോ​ടെ പകരം വീട്ടും.

നിങ്ങളെ വെറു​ക്കു​ന്നവർ നിങ്ങ​ളോ​ടു മുൻവി​ധി​യോ​ടെ ഇടപെ​ട്ടേ​ക്കാം, നിങ്ങളെ പരിഹ​സി​ച്ചേ​ക്കാം, ചില​പ്പോൾ ഭീഷണി​പ്പെ​ടു​ത്തി​യേ​ക്കാം. എന്നാൽ അവിടം​കൊ​ണ്ടും നിൽക്ക​ണ​മെ​ന്നില്ല. വെറുപ്പ്‌ ആളിക്ക​ത്തി​യാൽ ക്രൂര​മായ മർദനം, പൊതു​മു​തൽ നശിപ്പി​ക്കൽ, അക്രമം, ബലാത്സം​ഗം, കൊല​പാ​തകം, വംശഹത്യ ഇതെല്ലാ​മാ​യി​രി​ക്കും ഫലം.

ഈ മാസിക താഴെ കൊടു​ത്തി​രി​ക്കുന്ന ചോദ്യ​ങ്ങൾക്ക്‌ ഉത്തരം തരും. അതു​പോ​ലെ വെറു​പ്പി​നെ എങ്ങനെ കീഴ്‌പെ​ടു​ത്താ​മെ​ന്നും ചർച്ച ചെയ്യും.

• ഈ ലോകത്ത്‌ ഇത്രയ​ധി​കം വെറു​പ്പു​ള്ളത്‌ എന്തു​കൊ​ണ്ടാണ്‌?

• വെറു​പ്പി​ന്റെ ചങ്ങല എങ്ങനെ പൊട്ടി​ക്കാം?

• വെറു​പ്പും വിദ്വേ​ഷ​വും ഇല്ലാത്ത ഒരു കാലം എന്നെങ്കി​ലും ഈ ലോകത്ത്‌ വരുമോ?