പ്രാണി​ക​ളു​ടെ അത്ഭുത​ലോ​കം

സ്‌പെയിനിലെ ഉണരുക! ലേഖകൻ

ശല്യങ്ങൾ! ആകട്ടെ, അങ്ങനെ​യാ​ണോ പ്രാണി​കളെ കുറി​ച്ചുള്ള നിങ്ങളു​ടെ വിചാരം? ഇവറ്റകൾ ഈ ഭൂമി​യിൽ നിന്നു​തന്നെ ഒന്നു പോയി​ക്കി​ട്ടി​യി​രു​ന്നെ​ങ്കിൽ എന്നു നിങ്ങൾ എപ്പോ​ഴെ​ങ്കി​ലും ആഗ്രഹി​ച്ചു പോയി​ട്ടു​ണ്ടോ? കണ്ണിൽക്കാ​ണുന്ന പ്രാണി​ക​ളെ​യെ​ല്ലാം നിർദാ​ക്ഷി​ണ്യം നിങ്ങൾ അടിച്ചു​കൊ​ല്ലു​ക​യോ ചവിട്ടി​യ​ര​ക്കു​ക​യോ ചെയ്യാ​റു​ണ്ടോ? എന്നാൽ, അവയോട്‌ ഇങ്ങനെ സന്ധിയി​ല്ലാ​സ​മരം പ്രഖ്യാ​പി​ക്കു​ന്ന​തി​നു മുമ്പ്‌ അവയുടെ ലോകത്തെ കുറിച്ച്‌ അൽപ്പം മനസ്സി​ലാ​ക്കു​ന്നതു നല്ലതാ​യി​രി​ക്കി​ല്ലേ? എന്തായാ​ലും, എണ്ണത്തിൽ മനുഷ്യ​രെ​യൊ​ക്കെ ബഹുദൂ​രം പിന്നി​ലാ​ക്കുന്ന—ഓരോ മനുഷ്യ​നും ആനുപാ​തി​ക​മാ​യി 20,00,00,000 പ്രാണി​കൾ ഉണ്ടെന്നാ​ണു കണക്ക്‌—ഈ ജീവികൾ ഇല്ലാത്ത ഒരു ലോകത്തെ കുറിച്ച്‌ സ്വപ്‌നം കാണാൻ പോലും തുനി​യേണ്ട!

ആരിലും വിസ്‌മയം ജനിപ്പി​ക്കുന്ന ഇക്കൂട്ട​രിൽ ഏതാനും പേരെ വെറു​തെ​യൊ​ന്നു പരിച​യ​പ്പെ​ട്ടാൽത്തന്നെ ഇവർ അത്ര ചില്ലറ​ക്കാ​രൊ​ന്നു​മല്ല എന്നു നിങ്ങൾക്കു ബോധ്യ​മാ​കും.

പറക്കൽ കെങ്കേമം, കാഴ്‌ച​യോ അതിവി​ശി​ഷ്ടം

പ്രാണി​ക​ളിൽ മിക്കവ​രും പറക്കൽ വിദഗ്‌ധ​രാണ്‌. ഏതാനും ചില ഉദാഹ​ര​ണങ്ങൾ പരിചി​ന്തി​ക്കുക. കൊതു​കു​കൾക്കു തലകീ​ഴാ​യി പറക്കാ​നുള്ള കഴിവുണ്ട്‌. ചിലവ​യ്‌ക്ക്‌, മഴയത്ത്‌ ഒട്ടും നനയാതെ പറക്കാൻ കഴിയും. ഇത്‌ എങ്ങനെ​യാ​ണെ​ന്നല്ലേ? മഴത്തു​ള്ളി​കൾ ദേഹത്തു വീഴാതെ അവയ്‌ക്കി​ട​യിൽക്കൂ​ടി തെന്നി​മാ​റി പറന്നു​കൊ​ണ്ടു​തന്നെ! മണിക്കൂ​റിൽ 72 കിലോ​മീ​റ്റർ വേഗത്തി​ലാണ്‌ ചില ഉഷ്‌ണ​മേ​ഖലാ കടന്നലു​ക​ളും തേനീ​ച്ച​ക​ളും ഇരമ്പി​പ്പാ​യു​ന്നത്‌. വടക്കേ അമേരി​ക്ക​യിൽ കാണ​പ്പെ​ടുന്ന ഒരു മൊണാർക്ക്‌ ചിത്ര​ശ​ലഭം ദേശാ​ന്ത​ര​ഗ​മ​ന​ത്തി​നി​ട​യിൽ താണ്ടി​യത്‌ 3,010-ലധികം കിലോ​മീ​റ്റ​റു​ക​ളാണ്‌. പൂവീ​ച്ച​കൾക്കാ​ണെ​ങ്കിൽ ഒരൊറ്റ സെക്കൻഡിൽ 1,000-ത്തിലധി​കം തവണ ചിറക​ടി​ക്കാൻ കഴിയും. ഇക്കാര്യ​ത്തിൽ, മൂളി​പ്പ​ക്ഷി​കൾ അവയുടെ ഏഴയല​ത്തു​പോ​ലും വരില്ല. ആനത്തു​മ്പി​കൾക്ക്‌ പുറ​കോ​ട്ടു പറക്കാ​നുള്ള കഴിവുണ്ട്‌. സൂക്ഷ്‌മ പഠനം നടത്താൻ മാത്രം ഗവേഷ​ക​രിൽ താത്‌പ​ര്യം ഉണർത്തിയ ഒരു സവി​ശേ​ഷ​ത​യാണ്‌ ഇത്‌.

 അപാര​മായ കാഴ്‌ച​ശ​ക്തി​യാണ്‌ ഈച്ചക​ളു​ടേത്‌. അവയുടെ ക്ഷിപ്ര​പ്ര​തി​കരണ സംവി​ധാ​നം (Reflex) നമ്മു​ടേ​തി​നെ അപേക്ഷിച്ച്‌ പതിന്മ​ടങ്ങ്‌ വേഗമു​ള്ള​താണ്‌. എപ്പോ​ഴെ​ങ്കി​ലും ഒരു ഈച്ചയെ അടിച്ചു​കൊ​ല്ലാൻ ശ്രമി​ച്ചി​ട്ടു​ണ്ടെ​ങ്കിൽ ഇതു നിങ്ങൾക്ക്‌ ബോധ്യ​മാ​യി​ട്ടു​ണ്ടാ​യി​രി​ക്കാം. രസകര​മെന്നു പറയട്ടെ, ആറു വശങ്ങളുള്ള ആയിര​ക്ക​ണ​ക്കിന്‌ കാചങ്ങ​ളോ​ടു (lens) കൂടിയ സംയുക്ത നേത്ര​ങ്ങ​ളാണ്‌ ഈച്ചക​ളു​ടേത്‌. ഈ കാചങ്ങ​ളിൽ ഓരോ​ന്നും സ്വത​ന്ത്ര​മാ​യി പ്രവർത്തി​ക്കു​ന്ന​വ​യാ​ണു താനും. അതു​കൊണ്ട്‌, അവയുടെ കാഴ്‌ച​യും ചെറിയ ചെറിയ ശകലങ്ങ​ളാ​യി വിഭജി​ക്ക​പ്പെ​ട്ട​താ​യി​രി​ക്കാ​നാ​ണു സാധ്യത.

ഇനി, മനുഷ്യ​നേ​ത്ര​ങ്ങൾക്ക്‌ അദൃശ്യ​മായ അൾട്രാ വയലറ്റ്‌ രശ്‌മി​കൾ ചില പ്രാണി​കൾക്കു ദൃഷ്ടി​ഗോ​ച​ര​മാണ്‌. അതു​കൊ​ണ്ടു​തന്നെ, കാണാൻ ഒരു ചന്തവു​മില്ല എന്നു നാം കരുതുന്ന ഒരു വെളുത്ത ചിത്ര​ശ​ല​ഭത്തെ കുറിച്ച്‌ ഒരു ആൺചി​ത്ര​ശ​ലഭം കരുതു​ന്നതു നേരെ​മ​റി​ച്ചാ​വും. അൾട്രാ​വ​യ​ലറ്റ്‌ പ്രകാ​ശ​ത്തിൽ കാണു​മ്പോൾ പെൺശ​ല​ഭ​ങ്ങൾക്ക്‌ മനോ​ഹ​ര​മായ ഡി​സൈ​നു​കൾ ഉണ്ടായി​രി​ക്കും, ഇണയെ​ത്തേടി നടക്കുന്ന ആൺശല​ഭ​ങ്ങ​ളു​ടെ ശ്രദ്ധയാ​കർഷി​ക്കാൻ തികച്ചും പര്യാ​പ്‌ത​മാ​യവ.

മിക്ക പ്രാണി​ക​ളു​ടെ​യും കണ്ണുകൾ ദിശാ​നിർണയ യന്ത്രം പോ​ലെ​യാ​ണു പ്രവർത്തി​ക്കു​ന്നത്‌. കടന്നലു​ക​ളു​ടെ​യും തേനീ​ച്ച​ക​ളു​ടെ​യും  കാര്യം തന്നെ എടുക്കുക. പ്രകാ​ശ​ത്തി​ന്റെ ധ്രുവ​ണ​തലം തിരി​ച്ച​റി​യാൻ അവയ്‌ക്കു കഴിയും. ഈ കഴിവു​ള്ളതു കൊണ്ട്‌, സൂര്യൻ മേഘങ്ങൾക്കി​ട​യിൽ പോയി ഒളിച്ചി​രു​ന്നാ​ലും ആകാശത്ത്‌ അതിന്റെ സ്ഥാനം കൃത്യ​മാ​യി നിർണ​യി​ക്കാൻ പ്രാണി​കൾക്കു സാധി​ക്കും. തീറ്റ​തേടി തങ്ങളുടെ വാസസ്ഥ​ല​ത്തു​നി​ന്നു വളരെ​യ​കലെ പോയാ​ലും വഴി തെറ്റാതെ തിരികെ എത്താൻ ഇതേ കഴിവ്‌ അവയ്‌ക്കു തുണയാ​കു​ന്നു.

ഇവിടെ കാറ്റിനു പ്രണയ​ത്തി​ന്റെ സുഗന്ധം

മിക്ക​പ്പോ​ഴും, ശബ്ദങ്ങളും സുഗന്ധ​ങ്ങ​ളു​മൊ​ക്കെ ഉപയോ​ഗ​പ്പെ​ടു​ത്തി​യാണ്‌ പ്രാണി​കൾ ഇണയെ കണ്ടെത്തു​ന്നത്‌. ആയുസ്സ്‌ ഏതാനും ആഴ്‌ചകൾ മാത്രം ആയിരി​ക്കു​ക​യും എണ്ണത്തിൽ കുറവാ​യ​തി​നാൽ ഒരു ഇണയെ കണ്ടെത്തുക ബുദ്ധി​മു​ട്ടാ​യി​രി​ക്കു​ക​യും ചെയ്യുന്ന ഒരു സാഹച​ര്യ​ത്തിൽ, ഇതു തികച്ചും വിസ്‌മ​യ​ക​ര​മായ ഒരു നേട്ടം തന്നെ.

എംപറർ മോത്‌സ്‌ എന്ന ഇനത്തിലെ പെൺ നിശാ​ശ​ല​ഭങ്ങൾ വിവാ​ഹാർഥി​കളെ തിര​ഞ്ഞെ​ടു​ക്കു​ന്നത്‌ ഒരു തരം “വാസന​ദ്ര​വ്യം” പുറ​പ്പെ​ടു​വി​ച്ചു​കൊ​ണ്ടാണ്‌. അതിന്റെ വാസന അങ്ങേയറ്റം തീക്ഷ്‌ണ​മാ​യ​തി​നാൽ, ഏകദേശം 11 കിലോ​മീ​റ്റർ അകലെ നിന്നു​പോ​ലും ഒരു ആൺ നിശാ​ശ​ല​ഭ​ത്തിന്‌ അതു തിരി​ച്ച​റി​യാ​നും അങ്ങനെ അതിന്റെ ഉത്ഭവസ്ഥാ​നം തേടി​വ​രാ​നും കഴിയും. അവന്റെ ഉയർന്ന  സംവേ​ദ​ന​ക്ഷ​മ​ത​യുള്ള സ്‌പർശി​നി​കൾക്ക്‌ ഈ വാസന​ദ്ര​വ്യ​ത്തി​ന്റെ ഓരോ തന്മാത്ര പോലും തിരി​ച്ച​റി​യാ​നാ​കും.

എന്നാൽ വിട്ടി​ലു​കൾക്കും പുൽച്ചാ​ടി​കൾക്കും ചീവി​ടു​കൾക്കു​മൊ​ക്കെ ശബ്ദത്തോ​ടാ​ണു പ്രിയം. പ്രണയം തലയ്‌ക്കു പിടി​ക്കു​മ്പോൾ, ചീവീ​ടു​കൾ തങ്ങളുടെ ശരീരം മുഴുവൻ ഒരു ധ്വനി​ഫ​ലകം (sounding board) ആക്കിത്തീർക്കും. ആ സമയങ്ങ​ളി​ലെ ചീവീ​ടു​ക​ളു​ടെ ശബ്ദകോ​ലാ​ഹലം എത്രമാ​ത്ര​മാ​ണെന്നു നമുക്ക്‌ അറിവു​ള്ള​താ​ണ​ല്ലോ. ഇതിനു നേരെ വിപരീ​ത​മാ​യി ചില പെൺ ചീവീ​ടു​ക​ളാ​കട്ടെ, അൽപ്പം പോലും ശബ്ദം ഉണ്ടാക്കു​ക​യില്ല.

ഉറക്കമു​ണർന്നു കുളിർമാ​റ്റു​ന്നു

തണുപ്പുള്ള പ്രദേ​ശ​ങ്ങ​ളിൽ ജീവി​ക്കുന്ന മനുഷ്യ​രെ സംബന്ധി​ച്ചി​ട​ത്തോ​ളം ശരീര​ത്തി​നു ചൂടു ലഭിക്കാൻ വേണ്ട കാര്യങ്ങൾ ചെയ്യേ​ണ്ടതു പ്രധാ​ന​മാണ്‌. തണുത്ത്‌ വിറങ്ങ​ലിച്ച്‌ ഉറക്കമു​ണ​രുന്ന ഈ ശീതരക്ത ജീവി​ക​ളു​ടെ കാര്യ​വും ഇങ്ങനെ തന്നെ. ഇവരുടെ ചങ്ങാതി സൂര്യ​നാണ്‌. ആ സൗഹൃദം ഇവർ ശരിക്കും മുത​ലെ​ടു​ക്കു​ന്നു എന്നുതന്നെ പറയാം.

കുളി​ര​ക​റ്റാൻ ചിത്ര​ശ​ല​ഭ​ങ്ങ​ളും വണ്ടുക​ളു​മൊ​ക്കെ ചെയ്യു​ന്നത്‌ എന്താ​ണെ​ന്ന​റി​യാ​മോ? നന്നേ പുലർച്ച​യ്‌ക്കു​തന്നെ, ഇളംചൂ​ടുള്ള സൂര്യ​പ്ര​കാ​ശ​ത്തിൽ കുളി​ച്ചു​നിൽക്കുന്ന പൂക്കളി​ലും ഇലകളി​ലു​മൊ​ക്കെ പോയി​രി​ക്കുക. ചിലയി​നം വണ്ടുകൾ, സ്റ്റൗവുകൾ പോലെ വർത്തി​ക്കുന്ന ഒരിനം ആമ്പൽപ്പൂ​ക്ക​ളെ​യാണ്‌ ഇതിന്‌ ആശ്രയി​ക്കാറ്‌. ചുറ്റു​മുള്ള താപനി​ല​യെ​ക്കാൾ 20 ഡിഗ്രി വരെ കൂടുതൽ ചൂട്‌ ഉത്‌പാ​ദി​പ്പി​ക്കാൻ ഈ ആമ്പൽപ്പൂ​ക്കൾക്കു കഴിയും. ഇതിനു വിപരീ​ത​മാ​യി, ചില ചിത്ര​ശ​ല​ഭ​ങ്ങൾക്ക്‌ ശരീര​ത്തി​നു​ള്ളിൽത്തന്നെ തണുപ്പു മാറ്റാ​നുള്ള സൂത്ര​പ്പ​ണി​യൊ​ക്കെ ഉണ്ട്‌. ചൂട്‌ വേണ​മെന്നു തോന്നു​മ്പോൾ, മികച്ച സൗരോർജ ബാറ്ററി​കൾപോ​ലെ വർത്തി​ക്കുന്ന ചിറകു​കൾ സൂര്യന്‌ അഭിമു​ഖ​മാ​യി വിടർത്തി​പ്പി​ടി​ക്കുക, അത്രതന്നെ.

 ബഹുമുഖ പ്രതി​ഭകൾ!

പ്രാണി​ക​ളു​ടെ ലോക​ത്തിൽ, മിക്കവാ​റും എല്ലാ ഇനങ്ങൾക്കും​തന്നെ വ്യത്യ​സ്‌ത​മായ ധർമങ്ങൾ ഉണ്ട്‌. അവയിൽ ചിലതു കേട്ടാൽ ആരും അതിശ​യി​ച്ചു​പോ​കും. ചില നിശാ​ശ​ല​ഭ​ങ്ങ​ളു​ടെ കാര്യം തന്നെ​യെ​ടു​ക്കുക. ജീവൻ നിലനിർത്താൻ ആവശ്യ​മായ ഉപ്പും ഈർപ്പ​വും കിട്ടാൻ അവ എരുമ​യു​ടെ കണ്ണീർ വലിച്ചു​കു​ടി​ക്കു​ന്നു. മറ്റു വാക്കു​ക​ളിൽ പറഞ്ഞാൽ, അവ അതിന്റെ കണ്ണീ​രൊ​പ്പി​ക്കൊ​ടു​ക്കു​ന്നു. വേറെ ചില പ്രാണി​കൾക്കാ​ണെ​ങ്കിൽ, തണുത്തു മരവിച്ചു പോകാ​തി​രി​ക്കു​ന്ന​തി​നു വേണ്ട ഫലപ്ര​ദ​മായ ഒരുതരം ആന്റി​ഫ്രീ​സുണ്ട്‌. മഞ്ഞുമൂ​ടി​ക്കി​ട​ക്കുന്ന പർവത​ങ്ങ​ളിൽ വസിക്കുന്ന ഇവ, കൊടും തണുപ്പത്ത്‌ ചത്തു​പോയ പ്രാണി​ക​ളെ​യെ​ല്ലാം നീക്കി അവിടം വൃത്തി​യാ​ക്കുന്ന ജോലി​ക്കാ​യി ജീവിതം ഉഴിഞ്ഞു​വെ​ച്ചി​രി​ക്കു​ക​യാണ്‌.

ആയിര​ക്ക​ണ​ക്കിന്‌ വർഷങ്ങൾക്കു മുമ്പ്‌ ജ്ഞാനി​യായ ശലോ​മോൻ രാജാവ്‌ നിരീ​ക്ഷി​ച്ച​തു​പോ​ലെ, ഉറുമ്പു​കൾ വളരെ കഠിനാ​ധ്വാ​നി​ക​ളാണ്‌. ശലോ​മോൻ ഇങ്ങനെ എഴുതി: “മടിയാ, ഉറുമ്പി​ന്റെ അടുക്കൽ ചെല്ലുക; അതിന്റെ വഴികളെ നോക്കി ബുദ്ധി​പ​ഠിക്ക. അതിന്നു നായക​നും മേൽവി​ചാ​ര​ക​നും അധിപ​തി​യും ഇല്ലാതി​രു​ന്നി​ട്ടും വേനല്‌ക്കാ​ലത്തു തന്റെ ആഹാരം ഒരുക്കു​ന്നു; കൊയ്‌ത്തു​കാ​ലത്തു തന്റെ തീൻ ശേഖരി​ക്കു​ന്നു.” (സദൃശ​വാ​ക്യ​ങ്ങൾ 6:6-8) രണ്ടു​കോ​ടി ഉറുമ്പു​ക​ളാണ്‌ ചില കോള​നി​ക​ളിൽ താമസ​മെ​ന്ന​റി​യു​മ്പോ​ഴാണ്‌ അവയ്‌ക്ക്‌ അധിപ​തി​മാ​രില്ല എന്ന വസ്‌തുത ഏറെ ശ്രദ്ധേ​യ​മാ​കു​ന്നത്‌! എന്നാലും, അവരുടെ ഈ “സാമ്രാ​ജ്യം” എത്ര ഭംഗി​യാ​യി​ട്ടാ​ണെ​ന്നോ പ്രവർത്തി​ക്കു​ന്നത്‌! കോള​നി​യി​ലെ എല്ലാ ഉറുമ്പു​കൾക്കും ആഹാര​വും സംരക്ഷ​ണ​വും പാർപ്പി​ട​വും ഉറപ്പാ​ക്കുന്ന രീതി​യിൽ ഓരോ ഉറുമ്പും സ്വധർമം കൃത്യ​മാ​യി നിർവ​ഹി​ക്കു​ന്നു.

പ്രാണി-പാർപ്പി​ട​ങ്ങ​ളു​ടെ കാര്യ​മെ​ടു​ത്താൽ ഏറ്റവും മികച്ചു നിൽക്കു​ന്നത്‌ ഒരുപക്ഷേ ചിതൽപ്പു​റ്റു​ക​ളാ​യി​രി​ക്കാം. ചിലവ​യ്‌ക്ക്‌ 7.5 മീറ്റർ വരെ ഉയരമുണ്ട്‌. a നിർമാ​ണ​ത്തി​ന്റെ കാര്യ​ത്തിൽ ഒരു അതിശയം തന്നെയായ ഈ നിർമി​തി​കൾക്ക്‌ സങ്കീർണ​മായ വായു​ശീ​തീ​കരണ സംവി​ധാ​ന​വും ഭൂഗർഭ കുമിൾത്തോ​ട്ട​ങ്ങ​ളു​മുണ്ട്‌. പൊക്ക​ത്തി​ലുള്ള ഈ പിരമി​ഡു​കൾ പടുത്തു​യർത്തുന്ന ഈ ജീവി​ക​ളാ​കട്ടെ അന്ധരും!

പ്രാണി​കളെ നമുക്ക്‌ ആവശ്യ​മാ​യി​രി​ക്കു​ന്ന​തി​ന്റെ കാരണം

നമ്മുടെ ദൈനം​ദിന ജീവി​ത​ത്തിൽ പ്രാണി​കൾ ഒരു മർമ​പ്ര​ധാന പങ്കു വഹിക്കു​ന്നുണ്ട്‌. നമുക്കു ലഭിക്കുന്ന ആഹാര​ത്തി​ന്റെ ഏകദേശം 30 ശതമാ​ന​വും വണ്ടുകൾ—മിക്കതും കാട്ടു​വ​ണ്ടു​കൾ—മുഖേ​ന​യുള്ള പരാഗ​ണ​ത്തി​ലൂ​ടെ​യാണ്‌ ഉത്‌പാ​ദി​പ്പി​ക്ക​പ്പെ​ടു​ന്നത്‌. എന്നാൽ പരാഗണം, പ്രാണി​കൾ നിർവ​ഹി​ക്കുന്ന പ്രയോ​ജ​ന​പ്ര​ദ​മായ അനേകം ജോലി​ക​ളിൽ ഒന്നുമാ​ത്ര​മാണ്‌. ഫലപ്ര​ദ​മായ ഒരു പുനഃ​പ​ര്യ​യന വ്യവസ്ഥ മുഖാ​ന്തരം അവ ചത്തു​പോയ സസ്യ-മൃഗജാ​ല​ങ്ങളെ ജീർണി​പ്പി​ക്കു​ന്നു. അങ്ങനെ, ഈ ഭൂമിയെ വൃത്തി​യും വെടി​പ്പു​മു​ള്ള​താ​യി സൂക്ഷി​ക്കാൻ സഹായി​ക്കു​ന്ന​തോ​ടൊ​പ്പം മണ്ണിന്റെ വളക്കൂറ്‌ വർധി​ക്കാ​നും സസ്യങ്ങ​ളു​ടെ വളർച്ച​യ്‌ക്ക്‌ ആവശ്യ​മായ പോഷ​കങ്ങൾ മണ്ണി​ലെ​ത്താ​നും അവ ഇടയാ​ക്കു​ക​യും ചെയ്യുന്നു. അന്യ സാമ്രാ​ജ്യം (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ പ്രാണി​വി​ജ്ഞാ​നി​യായ ക്രിസ്റ്റഫർ ഓട്ടൂൾ ഇങ്ങനെ എഴുതു​ന്നു: “പ്രാണി​കൾ ഇല്ലെങ്കിൽ എല്ലായി​ട​വും ചത്തു​പോയ സസ്യ-മൃഗജാ​ല​ങ്ങ​ളെ​ക്കൊ​ണ്ടു നിറയും.”

പ്രാണി​കൾ ചെയ്യേണ്ട ജോലി​കൾ ചെയ്യ​പ്പെ​ടാ​തെ കിടക്കു​മ്പോ​ഴാണ്‌ നാം അവയുടെ അഭാവം ശരിക്കും അറിയുക. ദശലക്ഷ​ക്ക​ണ​ക്കി​നു കന്നുകാ​ലി​കൾ ഉള്ള ഓസ്‌​ട്രേ​ലി​യ​യിൽ സംഭവിച്ച കാര്യം​ത​ന്നെ​യെ​ടു​ക്കാം. കന്നുകാ​ലി​കൾ പോകുന്ന വഴി​ക്കെ​ല്ലാം ചാണകം ഇടുക സ്വാഭാ​വി​ക​മാണ്‌. ചാണകം വഴിയിൽ കിടക്കു​ന്നതു കാണാൻ വൃത്തി​കേ​ടാ​യി​രു​ന്നെന്നു മാത്രമല്ല, അത്‌ ബുഷ്‌ ഫ്‌ളൈ—ഇവ മനുഷ്യർക്കും കന്നുകാ​ലി​കൾക്കും രോഗം വരുത്തി​വെ​ക്കും—പെരു​കു​ന്ന​തി​നും ഇടയാ​ക്കി​ത്തീർത്തു. ഒടുവിൽ, യൂറോ​പ്പിൽ നിന്നും ആഫ്രി​ക്ക​യിൽ നിന്നും ചാണക​വ​ണ്ടു​കളെ ഇറക്കു​മതി ചെയ്‌താണ്‌ പ്രശ്‌നം പരിഹ​രി​ച്ചത്‌!

ശത്രു​ക്ക​ളോ മിത്ര​ങ്ങ​ളോ?

പ്രാണി​ക​ളിൽ ചിലവ കൃഷി തിന്നു​മു​ടി​ക്കു​ക​യും രോഗം പരത്തു​ക​യും ചെയ്യു​മെ​ന്ന​തൊ​ക്കെ സത്യം തന്നെ. എന്നാൽ, ലോക​ത്തി​ലെ പ്രാണി​ക​ളിൽ ക്ഷുദ്ര​ജീ​വി​ക​ളു​ടെ ഗണത്തിൽ പെടു​ത്തി​യി​രി​ക്കു​ന്നത്‌ 1 ശതമാ​നത്തെ മാത്ര​മാണ്‌. ഇവയിൽ തന്നെ അനേക​വും കൂടുതൽ അപകട​കാ​രി​ക​ളാ​യി തീരു​ന്നത്‌ മനുഷ്യൻ പരിസ്ഥി​തി​ക്കു വരുത്തി​വെച്ച വ്യതി​യാ​നങ്ങൾ നിമി​ത്ത​മാണ്‌. ഇതിന്‌ ഉദാഹ​ര​ണ​മാണ്‌, മലമ്പനി പരത്തുന്ന കൊതു​കു​കൾ. ഭൂമധ്യ​രേഖാ വനങ്ങളിൽ പാർക്കുന്ന തദ്ദേശീ​യ​രായ ആളുകളെ അവ ശല്യം ചെയ്യാ​റി​ല്ലെ​ന്നു​തന്നെ പറയാം. എന്നാൽ, അഴുക്കു​വെള്ളം ധാരാളം കെട്ടി​ക്കി​ട​ക്കുന്ന, ഈ കാടു​ക​ളു​ടെ അരികി​ലുള്ള പട്ടണങ്ങ​ളിൽ അവ വിതയ്‌ക്കുന്ന നാശം കുറ​ച്ചൊ​ന്നു​മല്ല.

ക്ഷുദ്ര​ജീ​വി​ക​ളെ നിയ​ന്ത്രി​ക്കാൻ മിക്ക​പ്പോ​ഴും മനുഷ്യ​നു കഴിയും. ഒന്നുകിൽ വ്യത്യസ്‌ത വിളകൾ മാറി​മാ​റി കൃഷി ചെയ്‌തു​കൊണ്ട്‌, അല്ലെങ്കിൽ ഈ കീടങ്ങളെ തിന്നൊ​ടു​ക്കാൻ കഴിവുള്ള മറ്റു ജീവി​കളെ ഉപയോ​ഗി​ച്ചു കൊണ്ട്‌. ലേസ്‌വി​ങ്ങു​കൾ, ലേഡി​ബ​ഗ്ഗു​കൾ എന്നിവ​യ്‌ക്ക്‌ മുഞ്ഞ ബാധയെ ഫലപ്ര​ദ​മാ​യി പ്രതി​രോ​ധി​ക്കാ​നുള്ള കഴിവുണ്ട്‌. വാട്ടർ ടാങ്കു​ക​ളിൽ കൊതു​കു​ക​ളു​ടെ ലാർവ​കളെ ഇല്ലാതാ​ക്കാൻ രണ്ട്‌ ആനത്തു​മ്പി​ക​ളു​ടെ ലാർവകൾ മതി​യെന്നു തെക്കു​കി​ഴക്കൻ ഏഷ്യയി​ലെ പൊതു​ജ​നാ​രോ​ഗ്യ പരിപാ​ലകർ മനസ്സി​ലാ​ക്കു​ക​യു​ണ്ടാ​യി.

ചുരു​ക്ക​ത്തിൽ, പ്രാണി​കൾ ചില കുഴപ്പ​ങ്ങ​ളൊ​ക്കെ വരുത്തി​വെ​ച്ചേ​ക്കാം എങ്കിലും നാം ജീവി​ക്കുന്ന ഈ ലോക​ത്തി​ന്റെ അവിഭാ​ജ്യ ഭാഗമാണ്‌ അവ. ക്രിസ്റ്റഫർ ഓട്ടൂൾ പറയു​ന്നതു പോലെ, നമ്മൾ ഇല്ലെങ്കി​ലും പ്രാണി​കൾക്ക്‌ ജീവി​ക്കാൻ കഴിയും പക്ഷേ, “അവയി​ല്ലാ​തെ നമുക്ക്‌ ജീവി​ക്കാ​നാ​കില്ല.”

[അടിക്കു​റിപ്പ്‌]

[16, 17 പേജു​ക​ളി​ലെ ചതുരം/ചിത്രങ്ങൾ]

രൂപാന്തരണം—പുതിയ രൂപം, പുതിയ ജീവി​ത​രീ​തി

രൂപാ​ന്ത​രണം—അക്ഷരാർഥ​ത്തിൽ പറഞ്ഞാൽ, “രൂപത്തി​ലുള്ള മാറ്റം”—എന്ന പ്രക്രി​യ​യി​ലൂ​ടെ ചില പ്രാണി​കൾ അവയുടെ രൂപം പാടേ മാറ്റി​യെ​ടു​ക്കു​ന്നു. ചില മാറ്റങ്ങൾ തികച്ചും നാടകീ​യ​മാ​യി​രു​ന്നേ​ക്കാം. പുഴുക്കൾ ഈച്ചക​ളാ​യും ശലഭപ്പു​ഴു​ക്കൾ ചിത്ര​ശ​ല​ഭ​ങ്ങ​ളാ​യും വെള്ളത്തിൽ കഴിയുന്ന ലാർവകൾ വായു​വിൽ പറന്നു​ന​ട​ക്കുന്ന തുമ്പി​ക​ളാ​യും മാറുന്നു. ലക്ഷക്കണ​ക്കി​നു പ്രാണി​ക​ളാണ്‌ ഇങ്ങനെ രൂപാ​ന്ത​ര​ണ​ത്തി​നു വിധേ​യ​മാ​കു​ന്നത്‌.

ഒരു തീവണ്ടി​യെ വിമാ​ന​മാ​ക്കി മാറ്റു​ന്ന​തി​നോ​ടു സമാന​മായ ഇത്തര​മൊ​രു രൂപാ​ന്ത​രണം നടക്കണ​മെ​ങ്കിൽ പ്രാണി​യു​ടെ ശരീര​ത്തി​നു​ള്ളിൽ വലിയ തോതി​ലുള്ള വ്യതി​യാ​നങ്ങൾ സംഭവി​ക്കേ​ണ്ട​തുണ്ട്‌. ചിത്ര​ശ​ല​ഭ​ത്തി​ന്റെ കാര്യം തന്നെ​യെ​ടു​ക്കുക. സമാധി ദശയിൽ സുഷു​പ്‌തി​യിൽ ആണ്ടിരി​ക്കുന്ന സമയത്ത്‌, അതിന്റെ ശരീര​ത്തി​ലെ മിക്കവാ​റും എല്ലാ അവയവ​ങ്ങ​ളും കലകളും നശിച്ചു​പോ​കും. അതിന്റെ സ്ഥാനത്ത്‌, തികച്ചും പുതിയ അവയവങ്ങൾ—ചിറക്‌, കണ്ണ്‌, സ്‌പർശി​നി​കൾ—എന്നിവ രൂപം​കൊ​ള്ളും.

പ്രാണി​ക​ളിൽ സംഭവി​ക്കുന്ന ഈ മാറ്റം അവയുടെ ജീവിത രീതിയെ തന്നെ മാറ്റി​മ​റി​ക്കും. ഉദാഹ​ര​ണ​ത്തിന്‌, ലാർവ​ക​ളാ​യി​രി​ക്കുന്ന സമയത്ത്‌, പൊടി​മീ​നു​ക​ളെ​യും വാൽമാ​ക്രി​ക​ളെ​യും അകത്താ​ക്കുന്ന ആനത്തു​മ്പി​കൾ സ്വത​ന്ത്ര​മാ​യി പറന്നു​ന​ട​ക്കാൻ തുടങ്ങു​മ്പോൾ ആഹാര​മാ​ക്കു​ന്നതു പ്രാണി​ക​ളെ​യാണ്‌. ഇത്‌, ഒരാൾ തന്റെ ജീവി​ത​ത്തി​ലെ ആദ്യ 20 വർഷം സമു​ദ്ര​ത്തിൽ നീന്തി​ക്ക​ളി​ക്കു​ക​യും ബാക്കി​യുള്ള സമയം പക്ഷിയെ പോലെ പറന്നു​ന​ട​ക്കു​ക​യും ചെയ്യു​ന്നതു പോ​ലെ​യാണ്‌.

അവിശ്വ​സ​നീ​യം എന്നു തോന്നാ​വുന്ന ഇത്തരം മാറ്റങ്ങൾ പരിണാമ പ്രക്രി​യ​യു​ടെ ഫലമാ​ണോ? ചിത്ര​ശ​ല​ഭ​മാ​യി രൂപാ​ന്ത​ര​പ്പെ​ടാ​നുള്ള പ്രോ​ഗ്രാം സഹിതം ഒരു ശലഭപ്പു​ഴു യാദൃ​ച്ഛി​ക​മാ​യി എങ്ങനെ രംഗത്തു​വന്നു? ഇനി, അങ്ങനെ​യാ​ണെ​ങ്കിൽത്തന്നെ, ഏതാണ്‌ ആദ്യം വന്നത്‌, ശലഭപ്പു​ഴു​വോ ചിത്ര​ശ​ല​ഭ​മോ? ഏതായാ​ലും, ഒന്നിനു മറ്റൊ​ന്നി​ന്റെ സഹായ​മി​ല്ലാ​തെ അസ്‌തി​ത്വ​ത്തിൽ വരാനാ​കില്ല. കാരണം, പ്രജനനം നടത്തു​ന്ന​തി​നും മുട്ടയി​ടു​ന്ന​തി​നും ചിത്ര​ശ​ല​ഭ​ങ്ങൾക്കു മാത്രമേ കഴിയൂ.

തീർച്ച​യാ​യും, രൂപാ​ന്ത​രണം എന്ന പ്രക്രിയ, സകലത്തി​ന്റെ​യും സ്രഷ്ടാ​വായ സർവശ​ക്ത​നാം ദൈവ​മാ​യി ബൈബിൾ തിരി​ച്ച​റി​യി​ക്കുന്ന, അതിവി​ദ​ഗ്‌ധ​നായ ഒരു രൂപകൽപ്പി​താ​വി​ന്റെ അസ്‌തി​ത്വ​ത്തി​നു ശക്തമായ തെളിവു നൽകുന്നു.—സങ്കീർത്തനം 104:24; വെളി​പ്പാ​ടു 4:11.

[ചിത്രങ്ങൾ]

സമാധിക്കൂടു പൊട്ടി​ച്ചു പുറത്തു​വ​രുന്ന സ്വാ​ളോ​ടെയ്‌ൽ ചിറകു​വി​ടർത്തു​ന്നു

[18-ാം പേജിലെ ചിത്രങ്ങൾ]

മുകളിൽ: പൂമ്പൊ​ടി തിന്നുന്ന വണ്ട്‌

മുകളിൽ വലത്തു​വ​ശത്ത്‌: ഹിമ കണങ്ങളാൽ ആവൃത​നായ ഇലച്ചെല്ലി കുളിർമാ​റ്റു​ന്നു

വലത്ത്‌ ഏറ്റവും അറ്റത്ത്‌: കൊമ്പൻ ചെല്ലി

[18-ാം പേജിലെ ചിത്രം]

ആഫ്രിക്കൻ ചെറു കൊമ്പൻ- പുൽച്ചാ​ടി

[18-ാം പേജിലെ ചിത്രം]

കുതിരയീച്ച