രക്തരഹിത ചികി​ത്സ​യോ​ടും ശസ്‌ത്ര​ക്രി​യ​യോ​ടും ഉള്ള ആഭിമു​ഖ്യം വർധി​ക്കു​ന്നു

“ശസ്‌ത്ര​ക്രിയ ആവശ്യ​മായ രോഗി​കളെ ചികി​ത്സി​ക്കു​ന്ന​വ​രും രക്തം ഉൾപ്പെ​ടുന്ന സാഹച​ര്യ​ങ്ങൾ കൈകാ​ര്യം ചെയ്യു​ന്ന​വ​രും രക്തരഹിത ഉപാധി​യെ കുറിച്ചു പരിചി​ന്തി​ക്കേ​ണ്ട​തുണ്ട്‌.”—ജർമനി​യി​ലുള്ള ലൂട്‌വി​ഗ്‌സ​ഹാ​ഫ​നി​ലെ അനസ്‌തേ​ഷ്യോ​ളജി പ്രൊ​ഫ​സ​റായ ഡോ. യോവാ​ക്കിം ബൊൾട്ട്‌.

ശസ്‌ത്ര​ക്രി​യാ മുറി കുറേ​ക്കൂ​ടെ സുരക്ഷി​ത​മായ ഒരിട​മാ​ക്കി മാറ്റു​ന്ന​തിന്‌ ആവശ്യ​മായ നടപടി​കൾ കൈ​ക്കൊ​ള്ളാൻ എയ്‌ഡ്‌സ്‌ ദുരന്തം ശാസ്‌ത്ര​ജ്ഞ​രെ​യും ഡോക്‌ടർമാ​രെ​യും നിർബ​ന്ധി​ത​രാ​ക്കി​യി​രി​ക്കു​ന്നു. വ്യക്തമാ​യും, ഇതിൽ അതിസൂക്ഷ്‌മ രക്തപരി​ശോ​ധന ഉൾപ്പെ​ടു​ന്നു. എന്നാൽ ഈ നടപടി​കൾ പോലും അപകട​ര​ഹിത രക്തപ്പകർച്ച ഉറപ്പു​നൽകു​ന്നില്ല എന്നാണ്‌ വിദഗ്‌ധ​രു​ടെ അഭി​പ്രാ​യം. “രക്തപ്പകർച്ച മുമ്പെ​ന്ന​ത്തെ​ക്കാ​ളും സുരക്ഷി​ത​മാ​ക്കാൻ സമൂഹം വളരെ​യ​ധി​കം വിഭവങ്ങൾ വിനി​യോ​ഗി​ക്കു​ന്നു​ണ്ടെ​ങ്കി​ലും അത്‌ ഒരിക്ക​ലും പൂർണ​മാ​യി സുരക്ഷി​ത​മാ​കി​ല്ലെന്ന കാരണ​ത്താൽ [മറ്റൊ​രാ​ളു​ടെ] രക്തം സ്വീക​രി​ക്കാൻ രോഗി​കൾ മടിക്കു​മെന്നു ഞങ്ങൾ വിശ്വ​സി​ക്കു​ന്നു” എന്ന്‌ രക്തപ്പകർച്ച (ഇംഗ്ലീഷ്‌) എന്ന മാസിക പറയുന്നു.

പല ഡോക്‌ടർമാ​രും രക്തപ്പകർച്ച നിർദേ​ശി​ക്കുന്ന കാര്യ​ത്തിൽ ജാഗ്രത പാലി​ക്കു​ന്ന​തിൽ അത്ഭുത​പ്പെ​ടാ​നില്ല.  “രക്തപ്പകർച്ച അതിൽത്തന്നെ നല്ലതല്ല, അതു​കൊണ്ട്‌ എല്ലാവ​രു​ടെ​യും കാര്യ​ത്തിൽ അത്‌ ഒഴിവാ​ക്കാൻ ഞങ്ങൾ പരമാ​വധി ശ്രമി​ക്കു​ന്നു,” കാലി​ഫോർണി​യ​യി​ലെ സാൻ ഫ്രാൻസി​സ്‌കോ​യി​ലുള്ള ഡോ. അല്ലിക്‌സ്‌ സാപോ​ലാൻസ്‌ക്കി പറയുന്നു.

രക്തപ്പകർച്ച​യു​ടെ അപകടങ്ങൾ സംബന്ധിച്ച്‌ പൊതു​ജ​ന​ങ്ങ​ളും ഇപ്പോൾ ബോധ​വാ​ന്മാ​രാ​യി​ത്തീ​രു​ന്നുണ്ട്‌. കാനഡ​ക്കാ​രിൽ 89 ശതമാ​ന​വും രക്തപ്പകർച്ച​യ്‌ക്കു പകരം മറ്റെ​ന്തെ​ങ്കി​ലും ചികിത്സ സ്വീക​രി​ക്കാൻ താത്‌പ​ര്യ​പ്പെ​ടു​ന്ന​താ​യി 1996-ൽ നടത്തിയ ഒരു അഭി​പ്രായ വോ​ട്ടെ​ടുപ്പ്‌ വെളി​പ്പെ​ടു​ത്തി. “യഹോ​വ​യു​ടെ സാക്ഷി​കളെ പോലെ എല്ലാ രോഗി​ക​ളും മറ്റൊ​രാ​ളു​ടെ രക്തം സ്വീക​രി​ക്കു​ന്നത്‌ നിരസി​ച്ചെ​ന്നു​വ​രില്ല,” ജേർണൽ ഓഫ്‌ വാസ്‌കു​ലർ സർജറി പറയുന്നു. “എന്നിരു​ന്നാ​ലും രോഗങ്ങൾ പകരാ​നും പ്രതി​രോ​ധ​വ്യ​വ​സ്ഥ​യു​ടെ പ്രവർത്തനം തകരാ​റി​ലാ​കാ​നും സാധ്യ​ത​യു​ണ്ടെന്ന വസ്‌തുത നമ്മുടെ എല്ലാ രോഗി​കൾക്കും വേണ്ടി പകര ഉപാധി​കൾ കണ്ടുപി​ടി​ക്ക​ണ​മെ​ന്ന​തി​നുള്ള വ്യക്തമായ തെളിവു നൽകുന്നു.”

അഭികാ​മ്യ​മായ ഒരു മാർഗം

സന്തോ​ഷ​ക​ര​മെന്നു പറയട്ടെ, പകര ഉപാധി​യുണ്ട്‌—രക്തരഹിത ചികി​ത്സ​യും ശസ്‌ത്ര​ക്രി​യ​യും. പല രോഗി​ക​ളും ഈ ചികി​ത്സാ​രീ​തി​യെ അറ്റകൈ ആയിട്ടല്ല പിന്നെ​യോ അഭികാ​മ്യ​മായ ഒന്നായി​ട്ടാ​ണു കണക്കാ​ക്കു​ന്നത്‌, അതും നല്ല കാരണ​ത്തോ​ടെ തന്നെ. ഒരു ബ്രിട്ടീഷ്‌ കൺസൽട്ടന്റ്‌ സർജനായ സ്റ്റീവൻ ജെഫ്‌റി പൊളർഡ്‌ ഇപ്രകാ​രം പറയുന്നു: “[രക്തരഹിത ശസ്‌ത്ര​ക്രി​യ​യ്‌ക്കു വിധേ​യ​രാ​കു​ന്ന​വർക്കി​ട​യി​ലെ രോഗ​നി​ര​ക്കും മരണനി​ര​ക്കും] രക്തം സ്വീക​രി​ക്കുന്ന രോഗി​ക​ളു​ടേ​തി​നോ​ടു തുല്യ​മാണ്‌. ഒരുപക്ഷേ അതിലും കുറവാ​ണെ​ന്നു​തന്നെ പറയാം. മാത്രമല്ല, മിക്ക​പ്പോ​ഴും രക്തപ്പകർച്ച​യു​മാ​യി ബന്ധപ്പെട്ട്‌ ശസ്‌ത്ര​ക്രി​യാ​ന​ന്തരം ഉണ്ടാകുന്ന അണുബാ​ധ​യിൽനി​ന്നും മറ്റു പ്രശ്‌ന​ങ്ങ​ളിൽനി​ന്നും അവർ ഒഴിവു​ള്ള​വ​രു​മാണ്‌.”

രക്തരഹിത വൈദ്യ​ചി​കിത്സ വികാസം പ്രാപി​ച്ചത്‌ എങ്ങനെ​യാണ്‌? ഒരു തരത്തിൽ നോക്കി​യാൽ ആ ചോദ്യം വളരെ വിചി​ത്ര​മാണ്‌. കാരണം രക്തം ഉപയോ​ഗി​ച്ചുള്ള ചികിത്സ രംഗത്തു​വ​രു​ന്ന​തി​നു മുമ്പ്‌ നിലവി​ലി​രു​ന്നത്‌ വാസ്‌ത​വ​ത്തിൽ രക്തരഹിത ചികി​ത്സ​യാണ്‌. 20-ാം നൂറ്റാ​ണ്ടി​ന്റെ ആരംഭ​ത്തിൽ മാത്ര​മാണ്‌ രക്തപ്പകർച്ച എന്ന ചികി​ത്സാ​രീ​തി സർവസാ​ധാ​ര​ണ​മാ​യി തീർന്നത്‌. എന്നിരു​ന്നാ​ലും സമീപ ദശകങ്ങ​ളിൽ രക്തരഹിത ശസ്‌ത്ര​ക്രി​യ​യ്‌ക്കു പ്രചാരം നൽകു​ന്ന​തിൽ ചിലർ വലിയ പങ്കു വഹിച്ചി​ട്ടുണ്ട്‌. ഉദാഹ​ര​ണ​ത്തിന്‌ 1960-കളിൽ ഡെന്റൻ കൂളി എന്ന പ്രശസ്‌ത ശസ്‌ത്ര​ക്രി​യാ വിദഗ്‌ധൻ, ഹൃദയം തുറന്നുള്ള ആദ്യത്തെ ശസ്‌ത്ര​ക്രി​യ​ക​ളിൽ ചിലതു രക്തം കൂടാതെ നടത്തു​ക​യു​ണ്ടാ​യി.

 1970-കളിൽ രക്തം സ്വീക​രി​ക്കു​ന്ന​വർക്കി​ട​യിൽ ഹെപ്പ​റ്റൈ​റ്റിസ്‌ വർധി​ച്ച​തു​കൊണ്ട്‌ പല ഡോക്‌ടർമാ​രും രക്തപ്പകർച്ച​യ്‌ക്കു പകരം മറ്റെ​ന്തെ​ങ്കി​ലും മാർഗങ്ങൾ ഉണ്ടോ​യെന്ന്‌ അന്വേ​ഷി​ച്ചു തുടങ്ങി. 1980-കൾ ആയപ്പോ​ഴേ​ക്കും ഒട്ടേറെ, വലിയ ചികിത്സാ സംഘങ്ങൾ രക്തരഹിത ശസ്‌ത്ര​ക്രി​യകൾ നടത്തു​ന്നു​ണ്ടാ​യി​രു​ന്നു. പിന്നീട്‌ എയ്‌ഡ്‌സ്‌ മഹാവ്യാ​ധി പൊട്ടി​പ്പു​റ​പ്പെ​ട്ട​തോ​ടെ, പ്രസ്‌തുത ശസ്‌ത്ര​ക്രി​യാ രീതികൾ അവലം​ബി​ക്കാൻ ആഗ്രഹി​ച്ചവർ കൂടെ​ക്കൂ​ടെ ഇവരുടെ ഉപദേശം തേടു​ക​യു​ണ്ടാ​യി. 1990-കളിൽ പല ആശുപ​ത്രി​ക​ളും രോഗി​കൾക്കു തിര​ഞ്ഞെ​ടു​ക്കാ​വുന്ന രക്തരഹിത ചികി​ത്സാ​രീ​തി​കൾ വികസി​പ്പി​ച്ചെ​ടു​ത്തു.

മുമ്പ്‌ രക്തപ്പകർച്ച അനിവാ​ര്യ​മാ​ണെന്നു കരുത​പ്പെ​ട്ടി​രുന്ന ശസ്‌ത്ര​ക്രി​യ​ക​ളും അടിയ​ന്തിര സാഹച​ര്യ​ങ്ങ​ളും മറ്റും രക്തരഹിത മാർഗങ്ങൾ ഉപയോ​ഗി​ച്ചു​കൊണ്ട്‌ വിജയ​പ്ര​ദ​മാ​യി കൈകാ​ര്യം ചെയ്യാൻ ഇപ്പോൾ ഡോക്‌ടർമാർക്കു കഴിയു​ന്നു. “രക്തമോ രക്തോ​ത്‌പ​ന്ന​ങ്ങ​ളോ കൂടാ​തെ​തന്നെ ഹൃദയം, രക്തക്കുഴൽ, സ്‌ത്രീ​ലൈം​ഗി​കാ​വ​യ​വങ്ങൾ, അസ്ഥി, മൂത്ര​വ്യൂ​ഹം തുടങ്ങി​യ​വ​യു​മാ​യി ബന്ധപ്പെട്ട വലിയ ശസ്‌ത്ര​ക്രി​യ​ക​ളും സിസേ​റി​യ​നും വിജയ​ക​ര​മാ​യി നടത്താൻ സാധി​ക്കും” എന്ന്‌ കനേഡി​യൻ ജേർണൽ ഓഫ്‌ അനസ്‌തേ​ഷ്യ​യിൽ ഡി. എച്ച്‌. ഡബ്ലിയു. വൊങ്‌ പറയുന്നു.

രോഗിക്ക്‌ ഡോക്‌ടർമാ​രു​ടെ കൂടു​ത​ലായ ശ്രദ്ധ ലഭിക്കു​ന്നു എന്നതാണ്‌ രക്തരഹിത ശസ്‌ത്ര​ക്രി​യ​യു​ടെ ഒരു പ്രയോ​ജനം. “രക്തനഷ്ടം തടയു​ന്ന​തിൽ ശസ്‌ത്ര​ക്രി​യാ വിദഗ്‌ധന്റെ കഴിവ്‌ അതീവ പ്രാധാ​ന്യം അർഹി​ക്കു​ന്നു,” ഒഹാ​യോ​യി​ലെ ക്ലീവ്‌ലൻഡിൽ ശസ്‌ത്ര​ക്രി​യാ വിഭാഗം ഡയറക്‌ട​റായ ഡോ. ബെഞ്ചമിൻ ജെ. റൈക്ക്‌സ്റ്റൈൻ പറയുന്നു. ചില സാഹച​ര്യ​ങ്ങ​ളിൽ രക്തരഹിത ശസ്‌ത്ര​ക്രിയ “കൂടുതൽ വേഗത്തി​ലും കൂടുതൽ ശുചി​ത്വ​ത്തോ​ടെ​യും നടത്താ​വു​ന്ന​തും അതേസ​മയം ചെലവു കുറഞ്ഞ​തു​മാണ്‌” എന്ന്‌ ഒരു ദക്ഷിണാ​ഫ്രി​ക്കൻ നിയമ പത്രിക പറയുന്നു. അത്‌ ഇങ്ങനെ കൂട്ടി​ച്ചേർക്കു​ന്നു: “പലപ്പോ​ഴും അത്തരം ശസ്‌ത്ര​ക്രി​യ​യ്‌ക്കു ശേഷമുള്ള ചികിത്സ ചെലവു കുറഞ്ഞ​താണ്‌, കുറഞ്ഞ സമയം​കൊണ്ട്‌ രോഗി സുഖം പ്രാപി​ക്കു​ക​യും ചെയ്യും.” ലോക​മെ​മ്പാ​ടു​മാ​യി, 180-ഓളം ആശുപ​ത്രി​ക​ളിൽ ഇപ്പോൾ രക്തരഹിത ചികി​ത്സ​യും ശസ്‌ത്ര​ക്രി​യ​യും നടത്താൻ വേണ്ട സൗകര്യ​ങ്ങ​ളു​ള്ള​തി​ന്റെ ചില കാരണങ്ങൾ മാത്ര​മാണ്‌ ഇവ.

രക്തവും യഹോ​വ​യു​ടെ സാക്ഷി​ക​ളും

ബൈബിൾ അധിഷ്‌ഠി​ത​മായ കാരണ​ങ്ങ​ളാൽ യഹോ​വ​യു​ടെ സാക്ഷികൾ രക്തപ്പകർച്ച നിരസി​ക്കു​ന്നു. a എന്നാൽ  രക്തപ്പകർച്ച​യ്‌ക്കു പകരമുള്ള ചികി​ത്സകൾ അവർ സ്വീക​രി​ക്കു​ന്നെന്നു മാത്രമല്ല അവ ഏതുവി​ധേ​ന​യും അന്വേ​ഷി​ച്ചു കണ്ടെത്താൻ യത്‌നി​ക്കു​ക​യും ചെയ്യുന്നു. “യഹോ​വ​യു​ടെ സാക്ഷികൾ ലഭ്യമായ ഏറ്റവും നല്ല വൈദ്യ​ചി​കി​ത്സ​തന്നെ തേടാൻ പരമാ​വധി ശ്രമി​ക്കാ​റുണ്ട്‌” എന്ന്‌ ന്യൂ​യോർക്കി​ലെ ഒരു ആശുപ​ത്രി​യിൽ ശസ്‌ത്ര​ക്രി​യാ​വി​ഭാ​ഗം ഡയറക്‌ടർ ആയിരി​ക്കെ ഡോ. റിച്ചാർഡ്‌ കെ. സ്‌പെൻസ്‌ പറയു​ക​യു​ണ്ടാ​യി. “ഒരു കൂട്ടമെന്ന നിലയിൽ, അവരെ പോലെ ഇത്രയ​ധി​കം ബോധ​വ​ത്‌ക​രി​ക്ക​പ്പെട്ട ഉപഭോ​ക്താ​ക്കളെ ഒരു ശസ്‌ത്ര​ക്രി​യാ വിദഗ്‌ധനു കാണാൻ കഴിയില്ല.”

ഡോക്‌ടർമാർ യഹോ​വ​യു​ടെ സാക്ഷി​ക​ളിൽ പല രീതി​യി​ലുള്ള രക്തരഹിത ശസ്‌ത്ര​ക്രി​യകൾ നടത്തി​നോ​ക്കു​ക​യും അവ വിജയ​ക​ര​മെന്നു കണ്ടെത്തു​ക​യും ചെയ്‌തി​ട്ടുണ്ട്‌. ഡെന്റൻ കൂളി എന്ന ഹൃദയ-രക്തക്കുഴൽ ശസ്‌ത്ര​ക്രി​യാ വിദഗ്‌ധന്റെ അനുഭവം പരിചി​ന്തി​ക്കുക. 27 വർഷത്തി​നി​ട​യ്‌ക്ക്‌ അദ്ദേഹ​വും കൂട്ടരും 663 യഹോ​വ​യു​ടെ സാക്ഷി​ക​ളിൽ ഹൃദയം തുറന്നുള്ള ശസ്‌ത്ര​ക്രിയ രക്തം കൂടാ​തെ​തന്നെ നടത്തി. രക്തം കൂടാതെ ഹൃദയ​ശ​സ്‌ത്ര​ക്രി​യകൾ വിജയ​ക​ര​മാ​യി നടത്താൻ കഴിയു​മെന്ന്‌ അതിന്റെ ഫലങ്ങൾ വ്യക്തമാ​യി ചൂണ്ടി​ക്കാ​ട്ടു​ന്നു.

രക്തം സ്വീക​രി​ക്കാ​ത്ത​തിന്‌ യഹോ​വ​യു​ടെ സാക്ഷി​കളെ പലരും വിമർശി​ച്ചി​ട്ടുണ്ട്‌. എന്നാൽ അസോ​സി​യേഷൻ ഓഫ്‌ അനെസ്‌തെ​റ്റി​സ്റ്റ്‌സ്‌ ഓഫ്‌ ഗ്രേറ്റ്‌ ബ്രിട്ടൻ ആന്റ്‌ അയർലൻഡ്‌ പ്രസി​ദ്ധീ​ക​രിച്ച ഒരു മാർഗ​ദർശക ഗ്രന്ഥം സാക്ഷി​ക​ളു​ടെ നിലപാ​ടി​നെ “ജീവ​നോ​ടുള്ള ആദരവി​ന്റെ ഒരു തെളിവ്‌” എന്നു വിശേ​ഷി​പ്പി​ക്കു​ന്നു. വാസ്‌ത​വ​ത്തിൽ, സാക്ഷികൾ കൈ​ക്കൊ​ണ്ടി​രി​ക്കുന്ന ഉറച്ച നിലപാട്‌ സുരക്ഷി​ത​മായ വൈദ്യ​ചി​കിത്സ എല്ലാവർക്കും ലഭ്യമാ​കു​ന്ന​തിൽ ഒരു വലിയ പങ്കു വഹിച്ചി​രി​ക്കു​ന്നു. “ശസ്‌ത്ര​ക്രിയ ആവശ്യ​മാ​യി​രുന്ന യഹോ​വ​യു​ടെ സാക്ഷികൾ, നോർവീ​ജി​യ​യി​ലെ ആരോഗ്യ പരിപാ​ലന രംഗത്തെ ഒരു സുപ്ര​ധാന മേഖല​യ്‌ക്ക്‌ പുരോ​ഗ​തി​യു​ടെ പാത കാട്ടി​ക്കൊ​ടു​ത്തെന്നു മാത്രമല്ല അതു കൈവ​രി​ക്കാൻ ശക്തമായ പ്രേര​ണ​യേ​കു​ക​യും ചെയ്‌തു” എന്ന്‌ നോർവേ​യി​ലെ നാഷണൽ ഹോസ്‌പി​റ്റ​ലി​ലെ പ്രൊ​ഫസർ സ്റ്റെയിൻ എ. ഇവെൻസൻ എഴുതു​ക​യു​ണ്ടാ​യി.

രക്തരഹിത ചികിത്സ നൽകു​ന്ന​തിൽ ഡോക്‌ടർമാ​രെ പിന്തു​ണ​യ്‌ക്കു​ന്ന​തി​നാ​യി യഹോ​വ​യു​ടെ സാക്ഷികൾ ആശുപ​ത്രി ഏകോപന സമിതി​ക്കു രൂപം നൽകി​യി​ട്ടുണ്ട്‌. ലോക​വ്യാ​പ​ക​മാ​യി ഇപ്പോൾ, രക്തരഹിത ചികി​ത്സ​യെ​യും ശസ്‌ത്ര​ക്രി​യ​യെ​യും സംബന്ധി​ച്ചുള്ള 3,000-ത്തിലധി​കം ലേഖന​ങ്ങ​ളു​ടെ ഒരു ഡേറ്റാ ബേസിൽനിന്ന്‌ ഡോക്‌ടർമാർക്കും ഗവേഷ​കർക്കും വൈദ്യ​ശാ​സ്‌ത്ര​പ​ര​മായ വിവരങ്ങൾ പ്രദാനം ചെയ്യാൻ സജ്ജമായ 1,400-ലധികം ആശുപ​ത്രി ഏകോപന സമിതി​ക​ളുണ്ട്‌. “സാക്ഷി​ക​ളു​ടെ ആശുപ​ത്രി ഏകോപന സമിതി​ക​ളു​ടെ സേവനം നിമിത്തം ഇന്ന്‌ സാക്ഷികൾ മാത്രമല്ല പിന്നെ​യോ രോഗി​കൾ മൊത്ത​ത്തിൽ അനാവ​ശ്യ​മായ രക്തപ്പകർച്ച​യ്‌ക്കു വിധേ​യ​രാ​കാ​നുള്ള സാധ്യത കുറഞ്ഞി​രി​ക്കു​ന്നു,” ബോസ്റ്റൺ കോ​ളെജ്‌ ലോ സ്‌കൂ​ളി​ലെ പ്രൊ​ഫ​സ​റായ ഡോ. ചാൾസ്‌ ബാരൺ പറയുന്നു. b

രക്തരഹിത ചികി​ത്സ​യെ​യും ശസ്‌ത്ര​ക്രി​യ​യെ​യും സംബന്ധിച്ച്‌ യഹോ​വ​യു​ടെ സാക്ഷികൾ സമാഹ​രി​ച്ചി​ട്ടുള്ള വിവരങ്ങൾ വൈദ്യ​ശാ​സ്‌ത്ര രംഗത്തെ പലർക്കും പ്രയോ​ജനം ചെയ്‌തി​ട്ടുണ്ട്‌. ഉദാഹ​ര​ണ​ത്തിന്‌, ഓട്ടോ​ട്രാൻസ്‌ഫ്യൂ​ഷൻ: ചികിത്സാ തത്ത്വങ്ങ​ളും പ്രവണ​ത​ക​ളും (ഇംഗ്ലീഷ്‌) എന്ന പുസ്‌ത​ക​ത്തി​നുള്ള വിവരങ്ങൾ തയ്യാറാ​ക്കവെ, രക്തപ്പകർച്ച​യ്‌ക്കു പകരമുള്ള ചികി​ത്സോ​പാ​ധി​കൾ സംബന്ധിച്ച വിവരങ്ങൾ നൽകാൻ ഗ്രന്ഥകർത്താ​ക്കൾ യഹോ​വ​യു​ടെ സാക്ഷി​ക​ളോട്‌ അഭ്യർഥി​ക്കു​ക​യു​ണ്ടാ​യി. സാക്ഷികൾ സന്തോ​ഷ​പൂർവം സഹകരി​ക്കു​ക​യും ചെയ്‌തു. പിന്നീട്‌ ഗ്രന്ഥകർത്താ​ക്കൾ കൃതജ്ഞത രേഖ​പ്പെ​ടു​ത്തി​ക്കൊണ്ട്‌ ഇങ്ങനെ പറഞ്ഞു: “ഈ വിഷയത്തെ കുറിച്ച്‌ ഒരുപാ​ടു കാര്യങ്ങൾ വായി​ച്ചി​ട്ടു​ണ്ടെ​ങ്കി​ലും രക്തപ്പകർച്ച ഒഴിവാ​ക്കാ​നാ​കുന്ന മാർഗ​ങ്ങളെ കുറിച്ച്‌ ഇത്ര സംക്ഷി​പ്‌ത​വും പൂർണ​വു​മായ ഒരു വിധത്തിൽ പ്രതി​പാ​ദി​ച്ചി​രി​ക്കു​ന്നത്‌ ആദ്യമാ​യി​ട്ടാ​ണു ഞങ്ങൾ കാണു​ന്നത്‌.”

വൈദ്യ​ശാ​സ്‌ത്ര രംഗത്ത്‌ ഉണ്ടായി​ട്ടുള്ള പുരോ​ഗ​തി​കൾ രക്തരഹിത ചികി​ത്സയെ കുറിച്ചു പരിചി​ന്തി​ക്കാൻ പലരെ​യും പ്രേരി​പ്പി​ച്ചി​രി​ക്കു​ന്നു. ഇനിയും എന്തൊക്കെ പുരോ​ഗ​തി​കൾ നമുക്കു പ്രതീ​ക്ഷി​ക്കാൻ കഴിയും? എയ്‌ഡ്‌സ്‌ വൈറ​സി​നെ കണ്ടെത്തിയ പ്രൊ​ഫസർ ലൂയെക്ക്‌ മൊണ്ടാ​ന്യേ പറയുന്നു: “ഈ മേഖല​യി​ലെ നമ്മുടെ ഗ്രാഹ്യ​ത്തി​ലു​ണ്ടാ​യി​ട്ടുള്ള വളർച്ച, രക്തപ്പകർച്ച ഒരു നാൾ ഇല്ലാതാ​കും എന്നു കാണി​ക്കു​ന്നു.” ഇപ്പോൾത്തന്നെ പകര ചികി​ത്സാ​രീ​തി​കൾ അനേക​രു​ടെ ജീവൻ രക്ഷിക്കു​ന്നുണ്ട്‌.

[അടിക്കു​റി​പ്പു​കൾ]

[7-ാം പേജിലെ ചതുരം/ചിത്രങ്ങൾ]

ചില ഡോക്‌ടർമാർ പറയു​ന്നത്‌

‘രക്തരഹിത ശസ്‌ത്ര​ക്രിയ യഹോ​വ​യു​ടെ സാക്ഷി​കൾക്കു മാത്ര​മു​ള്ളതല്ല, പിന്നെ​യോ എല്ലാ രോഗി​കൾക്കും വേണ്ടി​യു​ള്ള​താണ്‌. എല്ലാ ഡോക്‌ടർമാ​രും ഈ മാർഗം അവലം​ബി​ക്കേ​ണ്ട​താ​ണെന്നു ഞാൻ കരുതു​ന്നു.’—ഡോ. യോവാ​ക്കിം ബൊൾട്ട്‌, അനസ്‌തേ​ഷ്യോ​ളജി പ്രൊ​ഫസർ, ലൂട്‌വി​ഗ്‌സ്‌ഹാ​ഫൻ, ജർമനി.

“കഴിഞ്ഞ കാലത്തെ അപേക്ഷിച്ച്‌ രക്തപ്പകർച്ച ഇന്ന്‌ സുരക്ഷി​ത​മാ​ണെ​ങ്കി​ലും പ്രതി​രോധ വ്യവസ്ഥ തകരാ​റി​ലാ​കു​ന്ന​തും ഹെപ്പ​റ്റൈ​റ്റി​സോ ലൈം​ഗിക രോഗ​ങ്ങ​ളോ പിടി​പെ​ടു​ന്ന​തും പോലുള്ള പല അപകട​ങ്ങൾക്കും അത്‌ ഇടയാ​ക്കി​യേ​ക്കാം.”—ഡോ. ടെറൻസ്‌ ജെ. സാക്കി, ക്ലിനിക്കൽ അസിസ്റ്റന്റ്‌ പ്രൊ​ഫസർ ഓഫ്‌ മെഡി​സിൻ.

“രക്തപ്പകർച്ച​യു​ടെ കാര്യം വരു​മ്പോൾ മിക്ക ഡോക്‌ടർമാ​രും അതേ കുറിച്ചു രണ്ടാമ​തൊന്ന്‌ ആലോ​ചി​ക്കാ​റില്ല. യാതൊ​രു വിവേ​ച​ന​യും കൂടാതെ എല്ലാവർക്കും അവർ അതു നിർദേ​ശി​ക്കാ​റുണ്ട്‌. പക്ഷേ ഞാൻ അങ്ങനെ ചെയ്യാ​റില്ല.”—സാൻ ഫ്രാൻസി​സ്‌കോ ഹാർട്ട്‌ ഇൻസ്റ്റി​റ്റ്യൂ​ട്ടി​ലെ ഹൃദയ​ശ​സ്‌ത്ര​ക്രി​യാ വിഭാഗം ഡയറക്‌ടർ ഡോ. അല്ലിക്‌സ്‌ സാപോ​ലാൻസ്‌ക്കി.

“പരമ്പരാ​ഗത രീതി​യി​ലുള്ള ഉദരസം​ബ​ന്ധ​മായ ശസ്‌ത്ര​ക്രി​യ​യ്‌ക്കു വിധേ​യ​നാ​ക്കുന്ന ഒരു രോഗി​ക്കു​പോ​ലും ആരോ​ഗ്യ​സം​ബ​ന്ധ​മായ മറ്റു പ്രശ്‌ന​ങ്ങ​ളൊ​ന്നും ഇല്ലെങ്കിൽ ഒരു പതിവു​പ​ടി​യെ​ന്നോ​ണം രക്തപ്പകർച്ച​യു​ടെ ഒരു ആവശ്യ​വും ഞാൻ കാണു​ന്നില്ല.”—ഡോ. യോഹാ​ന്നസ്‌ ഷേല, പ്രൊ​ഫസർ ഓഫ്‌ സർജറി, യേന, ജർമനി.

[ചിത്രങ്ങൾ]

ഡോ. ടെറൻസ്‌ ജെ. സാക്കി

ഡോ. യോവാ​ക്കിം ബൊൾട്ട്‌

[8, 9 പേജു​ക​ളി​ലെ ചതുരം/ചിത്രങ്ങൾ]

രക്തരഹിത ചികി​ത്സ​യും ശസ്‌ത്ര​ക്രി​യ​യും

ചില മാർഗങ്ങൾ

ദ്രാവകങ്ങൾ: റിം​ഗേ​ഴ്‌സ്‌ ലാക്‌റ്റേറ്റ്‌ ലായനി, ഡെക്‌സ്‌ട്രാൻ, ഹൈ​ഡ്രോ​ക്‌സി ഈഥൈൽ സ്റ്റാർച്ച്‌ എന്നിവ​യും സമാന​മായ മറ്റു ദ്രാവ​ക​ങ്ങ​ളും രക്തത്തിന്റെ വ്യാപ്‌തം നിലനിർത്താ​നും അങ്ങനെ ഹൈ​പ്പോ​വൊ​ളി​മിക്ക്‌ ഷോക്ക്‌ (രക്തത്തിന്റെ വ്യാപ്‌തം തീരെ കുറഞ്ഞു​പോ​കു​ന്നതു മൂലമു​ണ്ടാ​കുന്ന ജീവത്‌പ്ര​വർത്തന മാന്ദ്യം) ഉണ്ടാകു​ന്നതു തടയാ​നും ആയി ഉപയോ​ഗി​ച്ചു വരുന്നു. ഇപ്പോൾ പരീക്ഷണ വിധേ​യ​മാ​ക്കി​ക്കൊ​ണ്ടി​രി​ക്കുന്ന ചില ദ്രാവ​കങ്ങൾ ഓക്‌സി​ജൻ വഹിച്ചു​കൊ​ണ്ടു പോകാൻ കഴിവു​ള്ള​വ​യാണ്‌.

ഔഷധങ്ങൾ: ജനിതക വ്യതി​യാ​ന​ത്തി​നു വിധേ​യ​മാ​ക്കിയ മാംസ്യ​ങ്ങൾക്ക്‌ അരുണ രക്താണു​ക്ക​ളു​ടെ​യും (എരി​ത്രോ​പോ​യി​റ്റിൻ) രക്തത്തിലെ പ്ലേറ്റ്‌ല​റ്റു​ക​ളു​ടെ​യും (ഇന്റെർലൂ​ക്കിൻ-11) വിവിധ ശ്വേത രക്താണു​ക്ക​ളു​ടെ​യും (ജിഎം-സിഎസ്‌എഫ്‌, ജി-സിഎസ്‌എഫ്‌) ഉത്‌പാ​ദ​നത്തെ ഉത്തേജി​പ്പി​ക്കാൻ കഴിയും. മറ്റു ചില ഔഷധങ്ങൾ ശസ്‌ത്ര​ക്രി​യ​യു​ടെ സമയത്തെ രക്തനഷ്ടം വളരെ​യ​ധി​കം കുറയ്‌ക്കു​ന്നു (എപ്രോ​ട്ടി​നിൻ, ആന്റി​ഫൈ​ബ്രി​നോ​ലി​റ്റി​ക്‌സ്‌). ഇനിയും വേറെ ചിലത്‌ മറ്റുത​ര​ത്തി​ലുള്ള അമിത​മായ രക്തസ്രാ​വം കുറയ്‌ക്കു​ന്നു (ഡെസ്‌മോ​പ്രെ​സ്സിൻ).

രക്തസ്രാവം തടയുന്ന ജൈവ​വ​സ്‌തു​ക്കൾ: കൊളാ​ജ​നും സെല്ലു​ലോ​സും കൊണ്ടു​ണ്ടാ​ക്കിയ പാഡുകൾ ഉപയോ​ഗിച്ച്‌ രക്തസ്രാ​വം നിറു​ത്താൻ കഴിയും. ആഴത്തി​ലു​ള്ള​തോ വളരെ വലിയ​തോ ആയ മുറി​വു​കൾ ഫൈ​ബ്രിൻ പശകളും സീലന്റു​ക​ളും ഉപയോ​ഗിച്ച്‌ അടച്ചു​കൊണ്ട്‌ രക്തസ്രാ​വം നിറു​ത്താ​വു​ന്ന​താണ്‌.

രക്തം വീണ്ടെ​ടു​ക്കൽ: ശസ്‌ത്ര​ക്രി​യ​യു​ടെ സമയത്തോ പരിക്കു​കളെ തുടർന്നോ രക്തം ശരീര​ത്തിൽനി​ന്നു വാർന്നു​പോ​കു​മ്പോൾത്തന്നെ, ചില ഉപകര​ണ​ങ്ങ​ളു​ടെ സഹായ​ത്താൽ അതു ശുദ്ധീ​ക​രിച്ച്‌ രോഗി​യു​ടെ ശരീര​ത്തി​ലേക്കു തിരിച്ചു കടത്തു​ക​യും അങ്ങനെ രക്തം വീണ്ടെ​ടു​ക്കു​ക​യും ചെയ്യുന്നു. ചില സാഹച​ര്യ​ങ്ങ​ളിൽ ഈ രീതി​യി​ലൂ​ടെ ലിറ്റർ കണക്കിനു രക്തം വീണ്ടെ​ടു​ക്കാൻ സാധി​ക്കും.

ശസ്‌ത്രക്രിയാ ഉപകര​ണങ്ങൾ: ചില ഉപകര​ണങ്ങൾ ഒരേ സമയത്ത്‌ രക്തക്കു​ഴ​ലു​കൾ മുറി​ക്കു​ക​യും അടയ്‌ക്കു​ക​യും ചെയ്യുന്നു. മറ്റു ചില ഉപകര​ണ​ങ്ങൾക്ക്‌ വളരെ വലിയ മുറി​വു​കൾ പോലും അടച്ചു​കൊണ്ട്‌ രക്തസ്രാ​വം തടയാൻ കഴിയും. ലാ​പ്രോ​സ്‌കോ​പിക്ക്‌ ഉപകര​ണ​ങ്ങ​ളും ഏറ്റവും കുറച്ചു മുറി​വു​കൾ മാത്ര​മു​ണ്ടാ​ക്കുന്ന തരത്തി​ലുള്ള ഉപകര​ണ​ങ്ങ​ളും ശസ്‌ത്ര​ക്രി​യ​യോ​ടു ബന്ധപ്പെട്ട്‌ ഉണ്ടാകുന്ന രക്തനഷ്ടം പരമാ​വധി കുറയ്‌ക്കു​ന്നു.

ശസ്‌ത്രക്രിയയുമായി ബന്ധപ്പെട്ടു ചെയ്യേണ്ട കാര്യങ്ങൾ: അനുഭ​വ​സ​മ്പ​ന്ന​രായ ചികി​ത്സ​ക​രു​മാ​യി കൂടി​യാ​ലോ​ചി​ക്കു​ന്നത്‌ ഉൾപ്പെടെ ശസ്‌ത്ര​ക്രി​യ​യ്‌ക്കു മുമ്പ്‌ കാര്യങ്ങൾ നന്നായി ആസൂ​ത്രണം ചെയ്യു​ന്നത്‌ സങ്കീർണ​മായ പ്രശ്‌നങ്ങൾ ഉണ്ടാകു​ന്നതു തടയാൻ ശസ്‌ത്ര​ക്രി​യാ സംഘത്തെ സഹായി​ക്കും. രക്തസ്രാ​വം തടയാൻ സത്വര നടപടി​കൾ കൈ​ക്കൊ​ള്ളേ​ണ്ടത്‌ അത്യന്താ​പേ​ക്ഷി​ത​മാണ്‌. 24 മണിക്കൂർ കഴിഞ്ഞി​ട്ടും രക്തസ്രാ​വം തടയാൻ കഴിഞ്ഞി​ല്ലെ​ങ്കിൽ രോഗി​ക്കു മരണം സംഭവി​ക്കാ​നുള്ള സാധ്യത വളരെ കൂടു​ത​ലാണ്‌. വലിയ ശസ്‌ത്ര​ക്രി​യകൾ നിരവധി ചെറിയ ശസ്‌ത്ര​ക്രി​യ​ക​ളാ​യി ഭാഗി​ക്കു​ന്നത്‌ മൊത്ത​ത്തി​ലു​ണ്ടാ​കുന്ന രക്തനഷ്ടം വളരെ​യ​ധി​കം കുറയ്‌ക്കും.

 [10-ാം പേജിലെ ചതുരം/ചിത്രങ്ങൾ]

രക്തരഹിത മാർഗങ്ങൾ—‘ചികി​ത്സ​യ്‌ക്കുള്ള പുതിയ മാനദണ്ഡം’

രക്തരഹിത ചികി​ത്സ​യു​ടെ​യും ശസ്‌ത്ര​ക്രി​യ​യു​ടെ​യും പ്രയോ​ജ​ന​ങ്ങളെ കുറിച്ച്‌ പ്രസ്‌തുത മേഖല​യിൽ പ്രാവീ​ണ്യ​മുള്ള നാലു ഡോക്‌ടർമാ​രു​മാ​യി ഉണരുക! സംസാ​രി​ക്കു​ക​യു​ണ്ടാ​യി.

മതപരമായ കാരണ​ങ്ങ​ളാൽ രക്തപ്പകർച്ച നിരസി​ക്കു​ന്ന​വരെ കൂടാതെ വേറെ ആരെങ്കി​ലും രക്തരഹിത ചികി​ത്സ​യോ​ടു താത്‌പ​ര്യം കാട്ടാ​റു​ണ്ടോ?

ഡോ. ഷ്‌പാൻ: സാധാ​ര​ണ​ഗ​തി​യിൽ നല്ല അറിവുള്ള രോഗി​ക​ളാണ്‌ ഞങ്ങളുടെ സെന്ററിൽ രക്തരഹിത ചികിത്സ ആവശ്യ​പ്പെട്ടു വരുന്നത്‌.

ഡോ. ഷാൻഡർ: 1998-ൽ വ്യക്തി​പ​ര​മായ കാരണ​ങ്ങ​ളാൽ രക്തം നിരസിച്ച രോഗി​ക​ളു​ടെ എണ്ണം മതപര​മായ കാരണ​ങ്ങ​ളാൽ രക്തം നിരസി​ച്ച​വ​രു​ടെ എണ്ണത്തെ​ക്കാൾ കൂടു​ത​ലാ​യി​രു​ന്നു.

ഡോ. ബൊയ്‌ഡ്‌: കാൻസർ രോഗി​ക​ളു​ടെ കാര്യം​തന്നെ എടുക്കാം. രക്തം സ്വീക​രി​ച്ചി​ല്ലെ​ങ്കിൽ അവരുടെ നില കൂടുതൽ വേഗത്തിൽ മെച്ച​പ്പെ​ടു​ന്ന​താ​യി പലപ്പോ​ഴും തെളി​ഞ്ഞി​ട്ടുണ്ട്‌. അതു​പോ​ലെ രക്തം സ്വീക​രി​ക്കാത്ത കാൻസർ രോഗി​കൾക്ക്‌ അത്‌ സ്വീക​രി​ക്കു​ന്ന​വ​രു​ടെ അത്ര കൂടെ​ക്കൂ​ടെ രോഗം തിരി​ച്ചു​വ​രു​ന്നു​മില്ല.

ഡോ. ഷ്‌പാൻ: യൂണി​വേ​ഴ്‌സി​റ്റി പ്രൊ​ഫ​സർമാ​രെ​യും അവരുടെ കുടും​ബാം​ഗ​ങ്ങ​ളെ​യും ഞങ്ങൾ മിക്ക​പ്പോ​ഴും രക്തം കൂടാ​തെ​യാ​ണു ചികി​ത്സി​ക്കു​ന്നത്‌. ശസ്‌ത്ര​ക്രി​യാ വിദഗ്‌ധർ പോലും രക്തപ്പകർച്ച ഒഴിവാ​ക്കാൻ ഞങ്ങളോട്‌ ആവശ്യ​പ്പെ​ടാ​റുണ്ട്‌! ഒരിക്കൽ ഒരു ശസ്‌ത്ര​ക്രി​യാ വിദഗ്‌ധന്റെ ഭാര്യ​യ്‌ക്ക്‌ ഓപ്പ​റേഷൻ വേണ്ടി​വന്നു. അദ്ദേഹം വന്നു ഞങ്ങളോ​ടു പറഞ്ഞു: “ഒരു കാര്യം പ്രത്യേ​കം ശ്രദ്ധി​ക്കണം. അവൾക്കു രക്തം കുത്തി​വെ​ക്ക​രുത്‌!”

ഡോ. ഷാൻഡർ: എന്റെ അനസ്‌തേഷ്യ വിഭാ​ഗ​ത്തി​ലെ ജീവന​ക്കാർ ഒരിക്കൽ ഇങ്ങനെ പറയു​ക​യു​ണ്ടാ​യി: ‘രക്തം സ്വീക​രി​ക്കാ​ത്ത​വ​രു​ടെ​യും സ്വീക​രി​ക്കു​ന്ന​വ​രു​ടെ​യും നിലയിൽ വ്യത്യാ​സ​മൊ​ന്നും കാണാ​റില്ല. ഒരുപക്ഷേ രക്തം സ്വീക​രി​ക്കാ​ത്ത​വ​രു​ടെ കാര്യ​ത്തിൽ അതു മെച്ചമാ​യി​രി​ക്കാ​നേ വഴിയു​ള്ളൂ. അങ്ങനെ​യെ​ങ്കിൽ, ചികി​ത്സ​യ്‌ക്ക്‌ രണ്ടു മാനദ​ണ്ഡങ്ങൾ എന്തിനാണ്‌? രക്തരഹിത ചികി​ത്സ​യാണ്‌ ഏറ്റവും നല്ലതെ​ങ്കിൽ എല്ലാവർക്കും നമ്മൾ അതുതന്നെ നിർദേ​ശി​ക്കണം.’ അതു​കൊണ്ട്‌ രക്തരഹിത മാർഗങ്ങൾ, ചികി​ത്സ​യ്‌ക്കുള്ള മാനദണ്ഡം ആയിത്തീ​രുന്ന ഒരു കാലത്തി​നു വേണ്ടി ഞങ്ങൾ ഇപ്പോൾ ആകാം​ക്ഷ​യോ​ടെ നോക്കി​പ്പാർത്തി​രി​ക്കു​ക​യാണ്‌.

ഡോ. ഏർൺഷൊ: രക്തരഹിത ശസ്‌ത്ര​ക്രിയ നിഷ്‌കർഷി​ക്കു​ന്നത്‌ വിശേ​ഷി​ച്ചും യഹോ​വ​യു​ടെ സാക്ഷി​ക​ളാ​ണെ​ന്നതു ശരിയാണ്‌. എന്നാൽ എല്ലാവ​രു​ടെ​യും കാര്യ​ത്തിൽ അതു ബാധക​മാ​ക്കാൻ ഞങ്ങൾ ആഗ്രഹി​ക്കു​ന്നു.

രക്തരഹിത ചികി​ത്സ​യ്‌ക്കും ശസ്‌ത്ര​ക്രി​യ​യ്‌ക്കും ചെലവ്‌ കൂടു​ത​ലാ​ണോ അതോ കുറവാ​ണോ?

ഡോ. ഏർൺഷൊ: ചെലവു കുറവാണ്‌.

ഡോ. ഷാൻഡർ: രക്തരഹിത ചികി​ത്സ​യ്‌ക്കു വരുന്ന ചെലവ്‌ 25 ശതമാനം കുറവാണ്‌.

ഡോ. ബൊയ്‌ഡ്‌: ചെലവു കുറവാ​ണെന്ന ഒറ്റക്കാ​രണം മതി ഈ ചികി​ത്സാ​രീ​തി​തന്നെ തിര​ഞ്ഞെ​ടു​ക്കാൻ.

രക്തരഹിത ചികിത്സ നടപ്പാ​ക്കു​ന്ന​തിൽ നാം എത്ര​ത്തോ​ളം പുരോ​ഗതി കൈവ​രി​ച്ചി​ട്ടുണ്ട്‌?

ഡോ. ബൊയ്‌ഡ്‌: അത്‌ വളരെ​യ​ധി​കം പുരോ​ഗ​മ​നോ​ന്മു​ഖ​മാ​ണെന്നു ഞാൻ കരുതു​ന്നു. അതിന്റെ പുരോ​ഗ​തിക്ക്‌ ഒരു പ്രകാ​ര​ത്തി​ലും അവസാനം വന്നെത്തി​യി​ട്ടില്ല. ഓരോ പ്രാവ​ശ്യ​വും, രക്തം ഉപയോ​ഗി​ക്കാ​തി​രി​ക്കാ​നുള്ള ഏതെങ്കി​ലും ഒരു നല്ല കാരണം പുതു​താ​യി നാം കണ്ടെത്തു​ന്നു.

[ചിത്രങ്ങൾ]

ഡോ. പീറ്റർ ഏർൺഷൊ, എഫ്‌ആർസി​എസ്‌, കൺസൽറ്റന്റ്‌ ഓർത്തോ​പീ​ഡിക്ക്‌ സർജൻ, ലണ്ടൻ, ഇംഗ്ലണ്ട്‌

ഡോ. ഡോനാറ്റ്‌ ആർ. ഷ്‌പാൻ പ്രൊ​ഫസർ ഓഫ്‌ അനസ്‌തേ​ഷ്യോ​ളജി, സൂറിച്ച്‌, സ്വിറ്റ്‌സർലൻഡ്‌

ഡോ. ആരിയേ ഷാൻഡർ അസിസ്റ്റന്റ്‌ ക്ലിനിക്കൽ പ്രൊ​ഫസർ ഓഫ്‌ അനസ്‌തേ​ഷ്യോ​ളജി, യു​ണൈ​റ്റഡ്‌ സ്റ്റേറ്റ്‌സ്‌

ഡോ. മാർക്ക്‌ ഇ. ബൊയ്‌ഡ്‌ പ്രൊ​ഫസർ ഓഫ്‌ ഒബ്‌സ്റ്റെ​ട്രി​ക്‌സ്‌ ആന്റ്‌ ഗൈന​ക്കോ​ളജി, കാനഡ

[11-ാം പേജിലെ ചതുരം]

രോഗിക്കു ചെയ്യാൻ കഴിയു​ന്നത്‌

▪ അടിയ​ന്തിര സാഹച​ര്യം സംജാ​ത​മാ​കു​ന്ന​തി​നു മുമ്പു​തന്നെ രക്തം കൂടാ​തെ​യുള്ള പകരചി​കി​ത്സ​കളെ കുറിച്ചു നിങ്ങളു​ടെ ഡോക്‌ട​റു​മാ​യി സംസാ​രി​ക്കുക. ഗർഭി​ണി​ക​ളെ​യും കൊച്ചു കുട്ടി​ക​ളുള്ള മാതാ​പി​താ​ക്ക​ളെ​യും പ്രായ​മാ​യ​വ​രെ​യും സംബന്ധിച്ച്‌ ഇതു വിശേ​ഷാൽ പ്രധാ​ന​മാണ്‌.

▪ നിങ്ങളു​ടെ ആഗ്രഹം എഴുതി വെക്കുക, വിശേ​ഷി​ച്ചും ഈ ഉദ്ദേശ്യ​ത്തി​നാ​യി നിയമ​പ​ര​മായ ഒരു ഫാറം ലഭ്യമാ​ണെ​ങ്കിൽ.

▪ രക്തം കൂടാതെ നിങ്ങളെ ചികി​ത്സി​ക്കാൻ ഒരു ഡോക്‌ടർ സന്നദ്ധന​ല്ലെ​ങ്കിൽ നിങ്ങളു​ടെ ആഗ്രഹത്തെ മാനി​ക്കുന്ന ഒരു ഡോക്‌ടറെ കണ്ടുപി​ടി​ക്കുക.

▪ രക്തത്തിനു പകരമുള്ള ചില ചികി​ത്സോ​പാ​ധി​കൾ ഉദ്ദേശിച്ച ഫലം ഉളവാ​ക്കാൻ സമയ​മെ​ടു​ക്കും എന്നതു​കൊണ്ട്‌ ശസ്‌ത്ര​ക്രിയ ആവശ്യ​മാ​ണെന്നു മനസ്സി​ലാ​യാൽ ചികിത്സ വൈകി​ക്ക​രുത്‌.