“ഞങ്ങളുടെ അകമഴിഞ്ഞ നന്ദി!”
“ഞങ്ങളുടെ അകമഴിഞ്ഞ നന്ദി!”
“മസ്‌തിഷ്‌കാഘാതത്തെ കുറിച്ച്‌ [ഫെബ്രുവരി 8, 1998] ഉണരുക!യിൽ വന്ന ലേഖന പരമ്പര എന്റെ അമ്മയുടെ ജീവൻ രക്ഷിക്കുന്നതിൽ ഒരു സുപ്രധാന പങ്കു വഹിച്ചു എന്ന്‌ എനിക്ക്‌ ഉറപ്പുണ്ട്‌,” യഹോവയുടെ സാക്ഷികളുടെ കാനഡയിലെ ബ്രാഞ്ച്‌ ഓഫീസിലേക്കു കാരൾ എഴുതി. അവളുടെ അമ്മയ്‌ക്ക്‌ ഇടതു കൈയ്‌ക്ക്‌ മരവിപ്പ്‌ അനുഭവപ്പെട്ടു, പിറ്റേന്നു രാവിലെ ആയപ്പോഴേക്കും കാഴ്‌ച സംബന്ധമായ പ്രശ്‌നങ്ങളും ഉണ്ടാകാൻ തുടങ്ങി. കാരൾ പറയുന്നു: “അന്നത്തെ ദിവസവും കൂടെ നോക്കിയിട്ട്‌ പിറ്റേന്നു ഡോക്ടറെ കണ്ടാൽ മതി എന്നായിരുന്നു അമ്മയ്‌ക്ക്‌. അതുകൊണ്ട്‌, മസ്‌തിഷ്‌കാഘാതത്തെ കുറിച്ച്‌ ഉണരുക!യിൽ വന്ന ലേഖനങ്ങൾ വായിക്കാൻ ഞാൻ അമ്മയോടു പറഞ്ഞു. 15 മിനിട്ടു കഴിഞ്ഞപ്പോൾ അമ്മ എനിക്കു ഫോൺ ചെയ്‌ത്‌, ആശുപത്രിയിൽ പോകുന്നതാണു നല്ലത്‌ എന്നു തനിക്കു തോന്നുന്നതായി പറഞ്ഞു. ഡോക്ടർമാർ അമ്മയെ അന്നു രാത്രി നിരീക്ഷണാർഥം ആശുപത്രിയിൽ കിടത്തി. അമ്മയ്‌ക്ക്‌ മസ്‌തിഷ്‌കാഘാതത്തിനുള്ള ഏതാനും മുന്നറിയിപ്പിൻ സൂചനകൾ ഉണ്ടായതായി അവർ സ്ഥിരീകരിച്ചു. കൃത്യസമയത്ത്‌ അമ്മ ആശുപത്രിയിൽ എത്തിയതു ജ്ഞാനപൂർവകമായ നടപടി ആയിരുന്നു എന്നും അവർ പറഞ്ഞു. ആ ലേഖന പരമ്പരയെ പ്രതി നിങ്ങൾക്കു ഞങ്ങളുടെ അകമഴിഞ്ഞ നന്ദി!”
ശാരീരികവും മാനസികവുമായ ആരോഗ്യപരിപാലനത്തിന്‌ ആവശ്യമായ പ്രായോഗിക മാർഗനിർദേശങ്ങൾ ബൈബിളിൽ അടങ്ങിയിരിക്കുന്നു എന്ന വസ്‌തുത നിങ്ങളെ അതിശയിപ്പിച്ചേക്കാം. സകലർക്കും വേണ്ടിയുള്ള ഒരു ഗ്രന്ഥം എന്ന 32 പേജുള്ള ലഘുപത്രികയുടെ 20, 21, 25, 26 പേജുകളിൽ ആ വസ്‌തുത എടുത്തുകാട്ടുന്നു. സകലർക്കും വേണ്ടിയുള്ള ഒരു ഗ്രന്ഥം എന്ന പ്രസിദ്ധീകരണത്തെ കുറിച്ചു കൂടുതൽ അറിയാൻ നിങ്ങളെ സഹായിക്കുന്നതിനായി, നിങ്ങളുടെ പ്രദേശത്തുള്ള ഞങ്ങളുടെ പ്രതിനിധികളിൽ ഒരാളെ അയയ്‌ക്കുന്നതിനു ഞങ്ങൾക്കു സന്തോഷമേയുള്ളൂ. അതിന്‌ ആഗ്രഹിക്കുന്നെങ്കിൽ, ഇതോടൊപ്പമുള്ള കൂപ്പൺ പൂരിപ്പിച്ച്‌ അതിൽത്തന്നെയുള്ള മേൽവിലാസത്തിലോ ഈ മാസികയുടെ 5-ാം പേജിലെ അനുയോജ്യമായ മേൽവിലാസത്തിലോ ഞങ്ങൾക്ക്‌ അയയ്‌ക്കുക.
□ നിങ്ങളുടെ ഒരു പ്രതിനിധിയെ അയയ്‌ക്കുക
□ സൗജന്യ ഭവന ബൈബിൾ അധ്യയനത്തിനു താത്‌പര്യമുണ്ട്‌, ദയവായി എന്നെ സന്ദർശിക്കുക.