വലിയ വെള്ള സ്രാവ്‌ അപകട​ത്തിൽ

മാംസഭുക്കുകളായ മത്സ്യങ്ങ​ളി​ലെ ഭീമൻ. ഒരുപക്ഷേ മറ്റേ​തൊ​രു ജീവി​യെ​ക്കാ​ളു​മേറെ മനുഷ്യൻ ഭയപ്പെ​ടു​ന്നത്‌ ഈ സ്ഥാന​പ്പേ​രി​ന്റെ അവകാ​ശി​യെ ആയിരി​ക്കാം—വലിയ വെള്ള സ്രാവി​നെ. എന്നിട്ടും, മെഡി​റ്റ​റേ​നി​യൻ കടലി​ലെ​യും ഓസ്‌​ട്രേ​ലിയ, ബ്രസീൽ, നമീബിയ, ദക്ഷിണാ​ഫ്രിക്ക, ഐക്യ​നാ​ടു​കൾ എന്നിവി​ട​ങ്ങ​ളി​ലെ ജലാശ​യ​ങ്ങ​ളി​ലെ​യും സംരക്ഷിത സ്‌പീ​ഷീ​സു​ക​ളു​ടെ പട്ടിക​യി​ലാണ്‌ ഇന്ന്‌ അവന്റെ സ്ഥാനം. മറ്റു രാജ്യ​ങ്ങ​ളും അവനു സംരക്ഷണം കൊടു​ക്കുന്ന കാര്യം പരിഗ​ണി​ച്ചു​വ​രി​ക​യാണ്‌. എന്നാൽ, അറിയ​പ്പെ​ടുന്ന ഒരു കൊല​യാ​ളിക്ക്‌ സംരക്ഷണം നൽകു​ന്നത്‌ എന്തിനാണ്‌? നാം കാണാൻ പോകു​ന്നതു പോലെ, പ്രശ്‌നം അത്ര നിസ്സാ​രമല്ല. മാത്രമല്ല, വെള്ള സ്രാവി​നെ കുറിച്ചു പൊതു​വെ ആളുകൾക്കുള്ള ധാരണ​ക​ളെ​ല്ലാം ശരിയ​ല്ല​താ​നും.

സമു​ദ്ര​ഭ​ക്ഷ്യ​ശൃം​ഖ​ല​യിൽ, കൊല്ലി​ത്തി​മിം​ഗി​ല​ത്തി​ന്റെ​യും എണ്ണത്തി​മിം​ഗി​ല​ത്തി​ന്റെ​യും ഒപ്പം ഏറ്റവും മുകളി​ലാണ്‌ വെള്ള സ്രാവി​ന്റെ സ്ഥാനം. a സ്രാവ്‌ കുടും​ബ​ത്തി​ലെ രാജാ​വാണ്‌ അവൻ. മറ്റുവാ​ക്കു​ക​ളിൽ പറഞ്ഞാൽ, സൂപ്പർ ഷാർക്ക്‌. മീൻ, ഡോൾഫിൻ എന്നുവേണ്ട കണ്ണിൽക്കാ​ണു​ന്ന​തെ​ന്തും വെട്ടി​വി​ഴു​ങ്ങുന്ന സ്വഭാ​വ​മാണ്‌ അവന്റേത്‌. എന്തി​നേറെ പറയുന്നു, തരം കിട്ടി​യാൽ മറ്റു സ്രാവു​കളെ പോലും അവൻ പിടിച്ചു തിന്നു​ക​ള​യും. പക്ഷേ, പ്രായ​വും തടിയു​മൊ​ക്കെ കൂടി പഴയതു​പോ​ലെ പാഞ്ഞു​ന​ട​ക്കാൻ കഴിയാ​താ​കു​മ്പോൾ നീർനാ​യ്‌ക്ക​ളെ​യോ പെൻഗ്വി​നു​ക​ളെ​യോ ചീഞ്ഞഴു​കിയ മാംസ​മോ—പ്രത്യേ​കിച്ച്‌ ചത്ത തിമിം​ഗി​ല​ങ്ങ​ളു​ടെ—അകത്താ​ക്കാ​നാ​കും അവൻ കൂടുതൽ താത്‌പ​ര്യ​പ്പെ​ടുക.

ആഹാരം തേടു​ന്ന​തിന്‌ മിക്ക സ്രാവു​ക​ളും അവയുടെ അസാമാ​ന്യ കാഴ്‌ച​ശക്തി ഉൾപ്പെ​ടെ​യുള്ള ഇന്ദ്രി​യ​പ്രാ​പ്‌തി​ക​ളെ​ല്ലാം ശരിക്കും പ്രയോ​ജ​ന​പ്പെ​ടു​ത്തു​ന്നു. നീന്തുന്ന മൂക്കുകൾ എന്ന്‌ അവയെ വിളി​ക്കാൻ കഴിയും എന്നു പറയു​മ്പോൾ അവയുടെ തീക്ഷ്‌ണ​മായ ഘ്രാണ​ശ​ക്തി​യെ​ക്കു​റിച്ച്‌ നമുക്ക്‌ ഒരു ഏകദേശ രൂപം കിട്ടും! അവയുടെ കേൾവി​ശ​ക്തി​യും അപാരം​തന്നെ. തീരെ നേർത്ത ശബ്ദം പോലും പിടി​ച്ചെ​ടു​ക്കാൻ കഴിയു​ന്നതു കൊണ്ട്‌ നീന്തുന്ന ചെവികൾ എന്ന പേരും അവയ്‌ക്ക്‌ ഇണങ്ങും.

അപാര​മാ​യ ഈ കേൾവി​ശ​ക്തിക്ക്‌ ഉപോ​ദ്‌ബ​ല​ക​മാ​യി വർത്തി​ക്കുന്ന, മർദ​ത്തോ​ടു സംവേ​ദ​ക​ത്വം പുലർത്തുന്ന ചില കോശങ്ങൾ സ്രാവു​ക​ളു​ടെ ശരീര​ത്തി​ന്റെ ഇരുവ​ശ​ങ്ങ​ളി​ലു​മാ​യുണ്ട്‌. അതിസൂക്ഷ്‌മ ശബ്ദതരം​ഗങ്ങൾ പോലും പിടി​ച്ചെ​ടു​ക്കാ​നുള്ള പ്രാപ്‌തി ഈ സംവി​ധാ​ന​ത്തി​നുണ്ട്‌. കുന്തത്തി​ന്റെ അറ്റത്തു മീൻ പിടയ്‌ക്കു​മ്പോൾ ഉണ്ടാകു​ന്നതു പോലുള്ള കമ്പനങ്ങൾ പെട്ടെന്നു തിരി​ച്ച​റി​യാ​നുള്ള ഒരു പ്രത്യേക കഴിവു​ത​ന്നെ​യുണ്ട്‌ ഈ കോശ​ങ്ങൾക്ക്‌. അതു​കൊണ്ട്‌, വെള്ളത്തി​ന​ടി​യിൽ പോയി കുന്തം ഉപയോ​ഗി​ച്ചു മീൻപി​ടി​ക്കു​ന്നവർ, രക്തമൊ​ലി​ക്കുന്ന, പിടയ്‌ക്കുന്ന മത്സ്യങ്ങളെ എത്രയും പെട്ടെന്നു വെള്ളത്തിൽ നിന്നു പുറ​ത്തെ​ടു​ക്കു​ന്ന​താ​യി​രി​ക്കും ബുദ്ധി.

 സ്രാവു​കൾക്ക്‌ ആംപ്യൂ​ലൈ ഓഫ്‌ ലൊറാ​ന്റ്‌സി​നി—മൂക്കിനു ചുറ്റും അവിട​വി​ടെ​യാ​യി കാണ​പ്പെ​ടുന്ന ചെറു നാളികൾ—എന്ന ഒരു ആറാം ഇന്ദ്രി​യ​വു​മുണ്ട്‌. ഇതിന്റെ സഹായ​ത്താൽ അവയ്‌ക്ക്‌, ഇരയുടെ ഹൃദയ​മി​ടി​പ്പിൽ നിന്നും ശകുല​ങ്ങ​ളു​ടെ പ്രവർത്ത​ന​ത്തിൽ നിന്നും നീന്തു​മ്പോ​ഴു​ണ്ടാ​കുന്ന പേശി​ക​ളു​ടെ ചലനത്തിൽ നിന്നു​മൊ​ക്കെ പ്രസരി​ക്കുന്ന ദുർബ​ല​മായ വൈദ്യു​ത മണ്ഡലം കണ്ടുപി​ടി​ക്കാൻ കഴിയു​ന്നു. വാസ്‌ത​വ​ത്തിൽ, സ്രാവു​ക​ളു​ടെ ഈ ആറാം ഇന്ദ്രിയം അങ്ങേയറ്റം കൂർമ​മാ​യ​തി​നാൽ ഭൗമകാ​ന്തിക മണ്ഡലവും സമു​ദ്ര​വും തമ്മിലുള്ള പ്രതി​പ്ര​വർത്തനം പോലും അവയ്‌ക്കു തിരി​ച്ച​റി​യാൻ കഴിയും. അതിന്റെ ഫലമായി, തെക്കും വടക്കും ഏതെന്നു മനസ്സി​ലാ​ക്കാ​നും അവയ്‌ക്കു കഴിയു​ന്നു​ണ്ടാ​യി​രി​ക്കാം.

വലിയ വെള്ള സ്രാവി​നെ തിരി​ച്ച​റി​യുന്ന വിധം

പേര്‌ വലിയ വെള്ള സ്രാവ്‌ എന്നാ​ണെ​ങ്കി​ലും ശരീര​ത്തി​ന്റെ അടിഭാ​ഗത്തു മാത്ര​മാണ്‌ അവയ്‌ക്കു മങ്ങിയ വെള്ള നിറമു​ള്ളത്‌. മുകൾഭാ​ഗ​ത്തി​നു കടുത്ത ചാരനി​റ​മാണ്‌. ഇരുനി​റ​ങ്ങ​ളും ശരീര​ത്തി​ന്റെ വശങ്ങളിൽ വെച്ച്‌ വളഞ്ഞു​പു​ളഞ്ഞ ഒരു രേഖയിൽ സമന്വ​യി​ക്കു​ന്നു. സ്വാഭാ​വിക ചുറ്റു​പാ​ടു​ക​ളിൽ തിരി​ച്ച​റി​യ​പ്പെ​ടാ​തെ സഞ്ചരി​ക്കാൻ അവയെ സഹായി​ക്കുന്ന ഈ ശാരീ​രിക സവി​ശേഷത പക്ഷേ ഓരോ സ്രാവി​ലും വ്യത്യാ​സ​പ്പെ​ട്ടി​രി​ക്കും. എന്നാൽ രസകര​മാ​യി, ഇതേ സവി​ശേഷത തന്നെയാണ്‌ സ്രാവു​കളെ തമ്മിൽ തിരി​ച്ച​റി​യാൻ ശാസ്‌ത്ര​ജ്ഞ​ന്മാ​രെ സഹായി​ക്കു​ന്ന​തും.

വെള്ള സ്രാവു​കൾക്ക്‌ എന്തുമാ​ത്രം വലിപ്പം വെക്കും? “ഏറ്റവും വലിപ്പ​മു​ള്ള​വ​യ്‌ക്ക്‌ 5.8 മുതൽ 6.4 വരെ മീറ്റർ നീളമു​ണ്ടാ​കും” എന്നു വലിയ വെള്ള സ്രാവ്‌ (ഇംഗ്ലീഷ്‌) എന്ന പുസ്‌തകം പറയുന്നു. ഈ വലിപ്പ​മുള്ള ഒരു മത്സ്യത്തിന്‌ 2,000 കിലോ​യി​ല​ധി​കം ഭാരം കണ്ടേക്കാം. എങ്കി​ലെന്താ, ഈ ഭീമകാ​യ​ന്മാർക്ക്‌ വെള്ളത്തി​ലൂ​ടെ ശരവേ​ഗ​ത്തിൽ പായാൻ കഴിയും. ടോർപീ​ഡോ​യു​ടെ ആകൃതി​യുള്ള ഉടലി​നോ​ടു സംയോ​ജി​ക്ക​പ്പെ​ട്ടി​രി​ക്കുന്ന, വില്ലു​പോ​ലെ ഒരൽപ്പം ഉള്ളി​ലേക്കു വളഞ്ഞ ത്രി​കോ​ണാ​കൃ​തി​യി​ലുള്ള ചിറകു​ക​ളാണ്‌ ഇക്കാര്യ​ത്തിൽ അവയ്‌ക്കു തുണയാ​കു​ന്നത്‌. മറ്റൊരു പ്രത്യേ​കത അതിന്റെ കരുത്തുറ്റ വാലാണ്‌. അതു സമമി​ത​മാണ്‌ (symmetrical), അതായത്‌, അതിന്റെ രണ്ടു പിരി​വു​ക​ളു​ടെ​യും ആകൃതി​യും വലിപ്പ​വും ഏതാണ്ട്‌ ഒരു​പോ​ലെ​യാണ്‌. എന്നാൽ അതേസ​മയം, സ്രാവ്‌ കുടും​ബ​ത്തി​ലുള്ള മിക്കവർക്കും ഒറ്റ നോട്ട​ത്തിൽ തന്നെ മനസ്സി​ലാ​ക്കാൻ കഴിയു​ന്നത്ര അസമമി​ത​മായ വാലു​ക​ളാണ്‌ ഉള്ളത്‌.

എന്നാൽ, വെള്ള സ്രാവി​നെ വ്യതി​രി​ക്ത​മാ​യി തിരി​ച്ച​റി​യി​ക്കുന്ന ഏറ്റവും പ്രധാ​ന​പ്പെട്ട പ്രത്യേ​ക​തകൾ, ആരു​ടെ​യും ഉള്ളിൽ ഭയം നിറയ്‌ക്കാൻ പോന്ന അതിന്റെ കോണാ​കൃ​തി​യി​ലുള്ള ഭീമാ​കാ​ര​മായ തലയും ക്രൂരത നിഴലി​ക്കുന്ന കറുത്ത കണ്ണുക​ളും ഉളി പോലെ മൂർച്ച​യേ​റിയ, ത്രി​കോ​ണാ​കൃ​തി​യിൽ അറക്കവാൾപ്പ​ല്ലു​കൾ പോലി​രി​ക്കുന്ന പല്ലുക​ളും ആണ്‌. മുൻനി​ര​യി​ലെ പല്ലുക​ളു​ടെ​യെ​ല്ലാം പുറകി​ലാ​യി അവയ്‌ക്കു മറ്റൊരു നിര പല്ലുകൾ കൂടി​യുണ്ട്‌. അതു​കൊ​ണ്ടു​തന്നെ, ഇരുവാ​യ്‌ത്ത​ല​യുള്ള ഈ “കത്തികൾ” ഒടിഞ്ഞു​പോ​കു​ക​യോ കൊഴി​ഞ്ഞു​പോ​കു​ക​യോ ചെയ്യു​മ്പോൾ, പുറകി​ലുള്ള പല്ലുകൾ ആ സ്ഥാന​ത്തേക്കു നീങ്ങി​വ​രും.

ഉഷ്‌ണ​രക്തം ശക്തിനൽകു​ന്നു

ലാമ്‌നി​ഡേ സ്രാവു​കു​ടും​ബ​ത്തിൽ പെട്ട മാകോ, പോർബ്‌ ഈഗിൾ, വെള്ള സ്രാവ്‌ എന്നിവ​യു​ടെ രക്തപര്യ​യന വ്യവസ്ഥ മറ്റു മിക്ക സ്രാവു​ക​ളു​ടേ​തിൽ നിന്നും പാടേ വ്യത്യ​സ്‌ത​മാണ്‌. ജലത്തിന്റെ താപനി​ല​യെ​ക്കാൾ ഏകദേശം മൂന്നു മുതൽ അഞ്ചുവരെ സെൽഷ്യസ്‌ കൂടു​ത​ലാ​യി​രി​ക്കും അവയുടെ രക്തത്തിന്റെ ഊഷ്‌മാവ്‌. ഉഷ്‌ണ​രക്തം ആയതി​നാൽ ദഹന​പ്ര​ക്രിയ കൂടുതൽ വേഗത്തിൽ നടക്കുന്നു. ഇത്‌ അവയ്‌ക്കു കൂടുതൽ ശക്തിയും ബലവും നൽകു​ക​യും ചെയ്യുന്നു. വേഗ​മേ​റിയ ആഴക്കടൽ മത്സ്യമായ ചൂരയെ ആഹാര​മാ​ക്കുന്ന മാകോ​യ്‌ക്ക്‌, ഹ്രസ്വ​ദൂര സഞ്ചാര​ങ്ങ​ളിൽ മണിക്കൂ​റിൽ 100 കിലോ​മീ​റ്റർ വേഗത്തിൽ വെള്ളത്തി​ലൂ​ടെ പായാൻ കഴിയും!

നീന്തു​മ്പോൾ വെള്ളത്തിൽ ഉയർന്നു​വ​രാൻ സ്രാവു​കളെ സഹായി​ക്കു​ന്നത്‌ അവയുടെ രണ്ടു ഭുജച്ചി​റ​കു​ക​ളാണ്‌. നീന്തൽ വളരെ പതു​ക്കെ​യാ​യാൽ അവ പെട്ടെന്നു താഴ്‌ന്നു പോകും, വേഗം കുറയു​മ്പോൾ ഒരു വിമാ​ന​ത്തി​നു സംഭവി​ക്കു​ന്നതു പോലെ. ശരീര​ത്തി​ന്റെ മൊത്തം ഭാരത്തി​ന്റെ നാലി​ലൊ​ന്നു വരുന്ന കരളിൽ, ജലത്തിൽ പൊങ്ങി​ക്കി​ട​ക്കാൻ ആവശ്യ​മാ​യത്ര എണ്ണ ശേഖരം ഉണ്ടായി​ട്ടും ഇതാണ്‌ അവസ്ഥ! മാത്രമല്ല, നീന്തി​ക്കൊ​ണ്ടി​രു​ന്നാ​ലെ സ്രാവു​ക​ളു​ടെ മിക്ക സ്‌പീ​ഷീ​സു​കൾക്കും ശ്വസി​ക്കാൻ സാധി​ക്കു​ക​യു​ള്ളൂ. നിറയെ ഓക്‌സി​ജൻ ഉള്ള വെള്ളം അവയുടെ വായി​ലും ശകുല​ങ്ങ​ളി​ലും കയറണ​മെ​ങ്കിൽ ഇതല്ലാതെ വേറെ മാർഗ​മില്ല. ക്രൂരത നിഴലി​ക്കുന്ന ഭാവ​ത്തോ​ടെ അവ സദാ പല്ലുമി​ളി​ച്ചു​കൊണ്ട്‌ പാഞ്ഞു​ന​ട​ക്കു​ന്ന​തി​ന്റെ രഹസ്യം ഇപ്പോൾ പിടി​കി​ട്ടി​യി​ല്ലേ!

ഒരു നര-ഭോജി​യോ?

സ്രാവു​ക​ളു​ടെ അറിയ​പ്പെ​ടുന്ന 368 സ്‌പീ​ഷീ​സു​ക​ളിൽ, അപകട​കാ​രി​കൾ ഏതാണ്ട്‌ 20 എണ്ണം മാത്ര​മാണ്‌. ഇതിൽത്തന്നെ വെറും നാലെ​ണ്ണ​മാണ്‌ ലോക​വ്യാ​പ​ക​മാ​യി ഓരോ വർഷവും മനുഷ്യ​രെ ആക്രമി​ക്കു​ന്ന​താ​യി റിപ്പോർട്ടു​ചെ​യ്യ​പ്പെ​ടുന്ന 100-ഓളം കേസു​ക​ളി​ലെ വില്ലന്മാർ. ഈ ആക്രമ​ണ​ങ്ങ​ളിൽ ഏകദേശം 30 എണ്ണമാണ്‌ മരണത്തിൽ കലാശി​ക്കാറ്‌. ഇവർ ആരൊ​ക്കെ​യാ​ണെ​ന്നോ? ബുൾ സ്രാവ്‌—ഇവനാണ്‌ ഏറ്റവും കൂടുതൽ മനുഷ്യ​ജീ​വൻ കവർന്നി​രി​ക്കാൻ സാധ്യത—കടുവാ സ്രാവ്‌, ഓഷ്യാ​നിക്‌ വൈറ്റ്‌ടിപ്പ്‌ സ്രാവ്‌, പിന്നെ വെള്ള സ്രാവും.

അത്ഭുത​ക​ര​മെ​ന്നു തോന്നി​യേ​ക്കാം, വെള്ള സ്രാവി​ന്റെ ആക്രമ​ണ​ത്തിന്‌ ഇരയാ​യി​ട്ടു​ള്ള​വ​രിൽ 55 ശതമാ​ന​മെ​ങ്കി​ലും—ചിലയി​ട​ങ്ങ​ളിൽ ഇത്‌ ഏകദേശം 80 ശതമാ​ന​മാണ്‌—അതിനെ അതിജീ​വി​ച്ചി​ട്ടുണ്ട്‌. ആളുക​ളു​ടെ ഉള്ളിൽ ഭീതി ജനിപ്പി​ക്കുന്ന ഈ ഇരപി​ടി​യന്റെ ആക്രമ​ണത്തെ  എങ്ങനെ​യാണ്‌ ഇത്രയ​ധി​കം പേർക്ക്‌ അതിജീ​വി​ക്കാൻ കഴിഞ്ഞത്‌?

കടിച്ചി​ട്ടു തുപ്പുന്നു

ആദ്യം ആഞ്ഞൊന്നു കടിച്ചിട്ട്‌ മുറി​വേറ്റ ഇരകളെ തുപ്പി​ക്ക​ള​യു​ക​യാണ്‌ വെള്ള സ്രാവ്‌ സാധാരണ ചെയ്യുക. എന്നിട്ട്‌ അത്‌ ഇര ചാകാ​നാ​യി കാത്തു​നിൽക്കും. മനുഷ്യ​രെ സംബന്ധി​ച്ചി​ട​ത്തോ​ളം ഇത്‌ രക്ഷപ്പെ​ടാ​നുള്ള ഒരു അവസര​മാ​യി ഉതകുന്നു. ധീരരായ സഹചാ​രി​ക​ളു​ടെ സഹായ​ത്താൽ ചിലർക്ക്‌ അതിന്‌ കഴിഞ്ഞി​ട്ടു​മുണ്ട്‌. ഒറ്റയ്‌ക്കു നീന്താൻ തുനി​യ​രുത്‌ എന്ന ഉപദേശം അനുസ​രി​ക്കു​ന്നത്‌ ബുദ്ധി​പൂർവ​ക​മാ​ണെന്ന്‌ ഇപ്പോൾ മനസ്സി​ലാ​യി​ല്ലേ?

വെള്ള സ്രാവു​കൾക്കു മറ്റൊരു പെരു​മാറ്റ സവി​ശേഷത കൂടി​യി​ല്ലാ​യി​രു​ന്നെ​ങ്കിൽ കഥ പക്ഷേ നേരെ മറിച്ചാ​കു​മാ​യി​രു​ന്നു. മറ്റു ചില സ്രാവു​ക​ളു​ടെ കാര്യ​ത്തി​ലെന്ന പോലെ, രക്തത്തിന്റെ മണം വെള്ള സ്രാവു​കളെ വിറളി​പി​ടി​പ്പി​ക്കു​ക​യില്ല. എന്നാൽ, അവ എന്തിനാണ്‌ ഇരകളെ കടിച്ചി​ട്ടു തുപ്പി​ക്ക​ള​യു​ന്നത്‌?

ഉത്തരം അവയുടെ കണ്ണുക​ളു​മാ​യി ബന്ധപ്പെ​ട്ടി​രി​ക്കു​ന്നു​വെ​ന്നാ​ണു ചില ശാസ്‌ത്ര​ജ്ഞ​രു​ടെ നിഗമനം. മറ്റു സ്രാവു​ക​ളിൽ നിന്നു വ്യത്യ​സ്‌ത​മാ​യി, വെള്ള സ്രാവു​കൾക്ക്‌ കണ്ണുകളെ സംരക്ഷി​ക്കുന്ന കൺപോ​ളകൾ ഇല്ല. ഇക്കാര​ണ​ത്താൽ, ഇരയു​മാ​യി ഒരു സംഘട്ടനം ഉറപ്പാ​കുന്ന ഘട്ടത്തിൽ അവ കണ്ണുകൾ കൺകു​ഴി​യി​ലി​ട്ടു ചുറ്റി​ക്കു​ക​യാ​ണു ചെയ്യു​ന്നത്‌. ഇരകൾ—ഉദാഹ​ര​ണ​ത്തിന്‌ നീർനാ​യ്‌ക്കൾ—കണ്ണു മാന്തി​പ്പ​റി​ക്കാ​തി​രി​ക്കു​ന്ന​തി​നു വേണ്ടി അവയെ ഒന്നു കടിച്ചി​ട്ടു പെട്ടെന്നു വിട്ടു​ക​ള​യു​ന്ന​തും അതു​കൊ​ണ്ടു​ത​ന്നെ​യാണ്‌.

വെള്ള സ്രാവു​കൾക്കു ശരിക്കും മനുഷ്യ​ക്കു​ഞ്ഞു​ങ്ങ​ളു​ടേതു പോലുള്ള ഒരു സ്വഭാ​വ​മാണ്‌. കണ്ണിൽക്കാ​ണു​ന്ന​തെ​ല്ലാം നേരെ വായി​ലേ​ക്കാണ്‌ പോവുക! “സങ്കടക​ര​മെന്നു പറയട്ടെ, ഒരു വലിയ വെള്ള സ്രാവ്‌ [പരീക്ഷ​ണാ​ടി​സ്ഥാ​ന​ത്തിൽ] എന്തെങ്കി​ലും ഇങ്ങനെ കടിച്ചു​നോ​ക്കു​മ്പോൾ അത്‌ അപകടം വരുത്തി​വെ​ക്കു​ന്നു” എന്ന്‌ സിഡ്‌നി​യി​ലെ സമു​ദ്ര​ജീ​വി ശാസ്‌ത്ര​ജ്ഞ​നായ ജോൺ വെസ്റ്റ്‌ വിശദീ​ക​രി​ക്കു​ന്നു.

വെള്ള സ്രാവ്‌ അപകട​കാ​രി​യാ​ണെ​ങ്കി​ലും, അതു മനുഷ്യ​മാം​സ​ത്തി​നു വേണ്ടി ആർത്തി​പൂ​ണ്ടു​ന​ട​ക്കുന്ന ഒരു ഭീകര​നൊ​ന്നു​മല്ല. മുത്തു​ച്ചി​പ്പി​കൾക്കു വേണ്ടി തിരച്ചിൽ നടത്തു​ന്ന​തിന്‌ 6,000 മണിക്കൂർ വെള്ളത്തിൽ ചെലവ​ഴിച്ച ഒരു മുങ്ങൽകാ​രൻ കണ്ടുമു​ട്ടി​യത്‌ ആകെ രണ്ടേ രണ്ടു വെള്ള സ്രാവു​ക​ളെ​യാണ്‌. അവ അദ്ദേഹത്തെ ആക്രമി​ച്ച​തു​മില്ല. സത്യം പറഞ്ഞാൽ, വെള്ള സ്രാവു​കൾ മിക്ക​പ്പോ​ഴും മനുഷ്യ​രെ കണ്ടാൽ പേടിച്ച്‌ സ്ഥലം വിടു​ക​യാണ്‌ ചെയ്യാറ്‌.

കേപ്പ്‌ വെർഡേ ദ്വീപു​കളെ ലക്ഷ്യമാ​ക്കി നീന്തു​ന്ന​തി​നി​ട​യിൽ സമുദ്ര പര്യ​വേ​ക്ഷ​ക​നായ ഷാക്‌-ഈവ്‌ കോ​സ്റ്റോ​യും ഒരു സഹചാ​രി​യും ഒരു ഭീമൻ വെള്ള സ്രാവി​നെ യാദൃ​ച്ഛി​ക​മാ​യി കണ്ടുമു​ട്ടി. അദ്ദേഹം എഴുതു​ന്നു, “ഞങ്ങൾ സ്വപ്‌ന​ത്തിൽ പോലും വിചാ​രി​ക്കാത്ത രീതി​യി​ലാ​യി​രു​ന്നു [അതിന്റെ] പ്രതി​ക​രണം. ആ ഭീകര​ജീ​വി പേടി​ച്ച​രണ്ട്‌ കാഷ്‌ഠ​മി​ട്ടു​പോ​യി. പിന്നെ അതു ജീവനും കൊണ്ട്‌ ഒറ്റപ്പാ​ച്ചി​ലാ​യി​രു​ന്നു.” അദ്ദേഹം ഇങ്ങനെ നിഗമനം ചെയ്യുന്നു: “വെള്ള സ്രാവു​ക​ളോ​ടുള്ള ബന്ധത്തിൽ ഞങ്ങൾക്ക്‌ ഉണ്ടായ അനുഭ​വങ്ങൾ ഓരോ​ന്നും പരിചി​ന്തി​ക്കു​മ്പോൾ, ആ ജീവി​യെ​ക്കു​റി​ച്ചു പൊതു​വെ ആളുക​ളു​ടെ മനസ്സിൽ ഉള്ള ചിത്ര​വും ഞങ്ങൾ കണ്ണാൽക്കണ്ട യാഥാർഥ്യ​വും തമ്മിലുള്ള അന്തരം ഓർത്തു ഞാൻ അതിശ​യി​ച്ചു​പോ​കാ​റുണ്ട്‌.”

വെള്ള സ്രാവ്‌ ഇരയുടെ രൂപത്തിൽ

വളരെ​യ​ധി​കം ജനപ്രീ​തി പിടി​ച്ചു​പ​റ്റിയ ജോസ്‌ (jaws) എന്ന ഇംഗ്ലീഷ്‌ സിനിമ—1970-കളിൽ പുറത്തി​റ​ങ്ങിയ അതേ പേരി​ലുള്ള നോവ​ലി​നെ അടിസ്ഥാ​ന​പ്പെ​ടു​ത്തി​യു​ള്ളത്‌—വെള്ള സ്രാവു​കളെ കുറി​ച്ചുള്ള പൊതു​ധാ​ര​ണയെ വളരെ​യ​ധി​കം സ്വാധീ​നി​ക്കു​ക​യു​ണ്ടാ​യി. വെള്ള സ്രാവു​കൾ പൈശാ​ചി​ക​ത​യു​ടെ മൂർത്ത​രൂ​പ​മാ​യി വീക്ഷി​ക്ക​പ്പെ​ടാൻ അധികം നാളുകൾ വേണ്ടി​വ​ന്നില്ല. “ഈ നരഭോ​ജി​യു​ടെ തലയും താടി​യെ​ല്ലു​ക​ളും സ്വീക​ര​ണ​മു​റി​യിൽ പ്രദർശി​പ്പി​ക്കു​ന്ന​തി​നു വേണ്ടി​യുള്ള മത്സരമാ​യി പിന്നെ” എന്ന്‌ വലിയ വെള്ള സ്രാവ്‌ (ഇംഗ്ലീഷ്‌) എന്ന പുസ്‌തകം പറയുന്നു. കാല​ക്ര​മ​ത്തിൽ (ഓസ്‌​ട്രേ​ലി​യ​യിൽ) ഒരു വെള്ള സ്രാവി​ന്റെ പല്ലിന്‌ 1,000 ഡോളർ വരെയും താടി​യെ​ല്ലു​ക​ളു​ടെ ഒരു മുഴുവൻ സെറ്റിന്‌ 20,000-ത്തിലധി​കം ഡോള​റും കിട്ടു​മെന്ന സ്ഥിതി​യാ​യി​ത്തീർന്നു.

എന്നിരു​ന്നാ​ലും, വാണി​ജ്യ​പ​ര​മായ ലക്ഷ്യത്തിൽ വേട്ടയാ​ടു​ന്ന​വ​രു​ടെ കൈക​ളാ​ലാണ്‌ വെള്ള സ്രാവു​ക​ളിൽ അധിക​വും കൊല്ല​പ്പെ​ട്ടി​രി​ക്കു​ന്നത്‌. സ്രാവ്‌ ഉത്‌പ​ന്ന​ങ്ങൾക്കു വേണ്ടി​യുള്ള—പ്രത്യേ​കിച്ച്‌ അവയുടെ ചിറകു​കൾ—വർധി​ച്ചു​വ​രുന്ന ആവശ്യത്തെ തൃപ്‌തി​പ്പെ​ടു​ത്തു​ന്ന​തിന്‌ ഓരോ വർഷവും ദശലക്ഷ​ക്ക​ണ​ക്കി​നു മറ്റു സ്രാവു​ക​ളെ​യും പിടി​കൂ​ടു​ന്നുണ്ട്‌. സ്രാവു​ക​ളു​ടെ എണ്ണം കുറഞ്ഞു​വ​രു​ന്ന​തി​നാൽ, ഈ സമീപ​വർഷ​ങ്ങ​ളി​ലാ​യി ലോക​മെ​മ്പാ​ടും പ്രത്യേ​കിച്ച്‌ വെള്ള സ്രാവു​കൾക്കു സംരക്ഷണം നൽകു​ന്ന​തി​നു വേണ്ടി​യുള്ള മുറവി​ളി​കൾ ഉയർന്നു​വ​രു​ന്നുണ്ട്‌.

സ്രാവു​ക​ളെ​ക്കു​റി​ച്ചുള്ള പഠനം പുരോ​ഗ​മി​ക്കു​ന്നു

രോഗം ബാധി​ച്ച​തോ മൃത​പ്രാ​യ​മാ​യ​തോ വയസ്സാ​യ​തോ ചത്തതോ ഒക്കെ ആയ മത്സ്യങ്ങ​ളെ​യും മറ്റും തേടി​പ്പി​ടി​ച്ചു സ്രാവു​കൾ ആഹാര​മാ​ക്കും. അതു​കൊണ്ട്‌, ആരോ​ഗ്യ​മുള്ള സ്രാവു​ക​ളു​ടെ കൂട്ടം എന്നാൽ ആരോ​ഗ്യ​മുള്ള, വൃത്തി​യുള്ള കടൽ എന്നാണ്‌ അർഥം.

സ്രാവു​ക​ളു​ടെ നിലനിൽപ്പു​തന്നെ അപകട​ത്തി​ലാ​ണെന്നു മനസ്സി​ലാ​ക്കി​ക്കൊണ്ട്‌ പ്രകൃതി സംരക്ഷ​ണ​ത്തി​നു വേണ്ടി​യുള്ള അന്താരാ​ഷ്‌ട്ര യൂണി​യന്റെ ജീവി​വർഗ അതിജീ​വന സമിതി, ഒരു ഷാർക്ക്‌ സ്‌പെ​ഷ്യ​ലിസ്റ്റ്‌ ഗ്രൂപ്പി​നെ ഈ പ്രശ്‌ന​ത്തെ​ക്കു​റി​ച്ചു പഠിക്കാൻ ചുമത​ല​പ്പെ​ടു​ത്തി​യി​ട്ടുണ്ട്‌. എന്നാൽ വെള്ള സ്രാവി​നെ കുറിച്ചു പഠനം നടത്തു​ന്നത്‌ അത്ര എളുപ്പ​മുള്ള കാര്യമല്ല. അവ അത്ര​വേ​ഗ​മൊ​ന്നും പെറ്റു​പെ​രു​കുന്ന കൂട്ടത്തി​ലല്ല, മാത്രമല്ല, പിടി​ച്ചു​ക​ഴി​ഞ്ഞാൽ പിന്നെ അധികം കാലം അവ ജീവി​ച്ചി​രി​ക്കു​ക​യു​മില്ല. അതു​കൊണ്ട്‌ അവയുടെ സ്വാഭാ​വിക ആവാസ​കേ​ന്ദ്ര​ത്തിൽ വെച്ചു തന്നെ വേണം അവയെ പഠനവി​ധേ​യ​മാ​ക്കാൻ.

സ്രാവു​ക​ളെ കുറിച്ചു മനുഷ്യൻ കൂടുതൽ കാര്യങ്ങൾ മനസ്സി​ലാ​ക്കി​യ​തോ​ടെ, കൗതു​ക​മു​ണർത്തുന്ന ഈ ജീവി​ക​ളോ​ടുള്ള അവന്റെ മനോ​ഭാ​വ​ത്തി​നും മാറ്റം വന്നിരി​ക്കു​ന്നു. അതു പക്ഷേ വെള്ള സ്രാവി​നു മാറ്റ​മൊ​ന്നും വരുത്തു​ന്നില്ല. ഒരു ഭീകര​ജ​ന്തു​വൊ​ന്നു​മ​ല്ലെ​ങ്കി​ലും, അതു തീർച്ച​യാ​യും അപകട​കാ​രി തന്നെയാണ്‌. അതു​കൊണ്ട്‌, വളരെ​യ​ധി​കം കരുത​ലോ​ടും ജാഗ്ര​ത​യോ​ടും കൂടെ വേണം അതി​നോട്‌ ഇടപെ​ടാൻ. ഒരുപാ​ടൊ​രു​പാട്‌ ജാഗ്ര​ത​യോ​ടെ!

[അടിക്കു​റിപ്പ്‌]

[11-ാം പേജിലെ ചിത്രം]

ആരെയും ഭയപ്പെ​ടു​ത്തു​ന്ന​തും അപാര​വ​ലി​പ്പ​മു​ള്ള​തു​മായ വായ്‌ ആണ്‌ ഈ സ്രാവു​കൾക്കു​ള്ളത്‌

[10-ാം പേജിലെ ചിത്ര​ങ്ങൾക്ക്‌ കടപ്പാട്‌]

Photos by Rodney Fox Reflections

South African White Shark Research Institute