ഇന്നത്തെ അടിമകൾ ആരെല്ലാം?

ഈ ഞെട്ടി​ക്കുന്ന യാഥാർഥ്യ​ങ്ങ​ളി​ലേക്ക്‌ ഒന്നു കണ്ണോ​ടി​ക്കൂ. 15 വയസ്സിൽ താഴെ പ്രായ​മുള്ള 20 കോടി മുതൽ 25 കോടി വരെ കുട്ടികൾ പകലന്തി​യോ​ളം വിയർപ്പൊ​ഴു​ക്കി പണി​യെ​ടു​ക്കു​ന്ന​വ​രാണ്‌. വിശ്രമം എന്നു പറയാൻ അവർക്കു ലഭിക്കു​ന്ന​തോ, രാത്രി​യിൽ ഉറങ്ങുന്ന ഏതാനും മണിക്കൂ​റു​കൾ. 1995, 1996 എന്നീ വർഷങ്ങ​ളിൽ മാത്രം, ഏഴു വയസ്സു​കാർ ഉൾപ്പെടെ രണ്ടര ലക്ഷം കുട്ടി​ക​ളാണ്‌ യുദ്ധാ​യു​ധ​ങ്ങ​ളേ​ന്താൻ നിർബ​ന്ധി​ത​രാ​യത്‌. ചിലർ അതോടെ അടിമകൾ ആയിത്തീർന്നു. വർഷം തോറും അടിമ​ക​ളാ​യി വിൽക്ക​പ്പെ​ടുന്ന സ്‌ത്രീ​ക​ളു​ടെ​യും കുട്ടി​ക​ളു​ടെ​യും എണ്ണം പത്തുല​ക്ഷ​ത്തിൽ അധിക​മാ​ണെന്നു കണക്കാ​ക്ക​പ്പെ​ടു​ന്നു.

ഈ ബലിയാ​ടു​കൾക്കു പറയാ​നു​ള്ളത്‌ കണ്ണീരിൽ കുതിർന്ന കഥകളാണ്‌. ഉദാഹ​ര​ണ​ത്തിന്‌, എഴുത്തു​കാ​രി​യായ എലി​നോർ ബർക്കെറ്റ്‌, ഒരു ഉത്തരാ​ഫ്രി​ക്കൻ രാജ്യത്തു വെച്ച്‌ ഫാറ്റ്‌മ എന്ന ചെറു​പ്പ​ക്കാ​രി​യെ കണ്ടുമു​ട്ടാ​നി​ട​യാ​യി. തന്റെ ക്രൂര​നായ യജമാ​നന്റെ കയ്യിൽനിന്ന്‌ ഒരുത​ര​ത്തിൽ രക്ഷപ്പെട്ടു പോന്ന ആ യുവതി​യു​മാ​യി കുറെ നേരം സംസാ​രി​ച്ചു കഴിഞ്ഞ​പ്പോൾ ബർക്കെ​റ്റിന്‌ ഒരു കാര്യം മനസ്സി​ലാ​യി. ഫാറ്റ്‌മ​യു​ടെ “മനസ്സ്‌ എന്നും അവളെ അടിമ​ച്ച​ങ്ങ​ല​യിൽ തളച്ചി​ടും” എന്ന്‌. ഫാറ്റ്‌മ​യ്‌ക്ക്‌ മെച്ചപ്പെട്ട ഒരു ഭാവി​യെ​ക്കു​റിച്ച്‌ സ്വപ്‌നം കാണാ​നെ​ങ്കി​ലും കഴിയു​മോ? “ഇല്ല, അവൾക്കു സ്വപ്‌നങ്ങൾ എന്നു പറയാ​നാ​യി ഒന്നുമില്ല. ഭാവി ജീവിതം അവളെ സംബന്ധി​ച്ചി​ട​ത്തോ​ളം അനന്തത​യി​ലേക്കു നീണ്ടു​കി​ട​ക്കുന്ന ഒരു ഇരുണ്ട തുരങ്ക​മാണ്‌,” ബർക്കെറ്റ്‌ പറയുന്നു.

അതേ, നിങ്ങൾ ഇതു വായി​ക്കുന്ന സമയത്തു​തന്നെ നമ്മുടെ കോടി​ക്ക​ണ​ക്കി​നു സഹജീ​വി​കൾ ഒരു നല്ല ഭാവി​യു​ടെ നിഴലാ​ട്ടം കൂടി കാണാ​നാ​വാ​തെ അടിമ​ക​ളാ​യി കഴിയു​ക​യാണ്‌. ഇവരെ​ല്ലാം എങ്ങനെ​യാണ്‌ അടിമ​ക​ളാ​യി​ത്തീ​രു​ന്നത്‌, എന്തു​കൊ​ണ്ടാണ്‌? ഏതെല്ലാം തരത്തി​ലുള്ള അടിമ നുകങ്ങ​ളാണ്‌ അവർ പേറേണ്ടി വരുന്നത്‌?

‘മാംസ​വി​പണി’യിൽ വിൽപ്പ​ന​ച്ച​ര​ക്കു​കൾ ആകുന്നവർ

ഐക്യ​നാ​ടു​ക​ളിൽ എങ്ങും വിതരണം ചെയ്യ​പ്പെ​ടുന്ന ടൂറിസ്റ്റ്‌ ലഘുപ​ത്രിക ഒരു മറയും കൂടാതെ ഇങ്ങനെ പറയുന്നു: “തായ്‌ലൻഡി​ലേക്ക്‌ ലൈം​ഗിക വിനോ​ദ​യാ​ത്രകൾ. ആരെയും മയക്കുന്ന സുന്ദരി​മാർ, തുച്ഛമായ ചെലവിൽ യഥാർഥ ലൈം​ഗിക സുഖം അനുഭ​വി​ച്ച​റി​യൂ. . . . വെറും 200 ഡോള​റിന്‌ ഒരു കന്യകയെ വാങ്ങാൻ കഴിയു​മെന്ന്‌ നിങ്ങൾ അറിഞ്ഞി​രു​ന്നോ?” എന്നാൽ, ഈ “കന്യക​മാർ” തട്ടി​ക്കൊ​ണ്ടു​പോ​ക​പ്പെ​ട്ടവർ ആയിരി​ക്കാ​മെന്ന്‌ അല്ലെങ്കിൽ വേശ്യാ​ല​യ​ങ്ങൾക്കു വിൽക്ക​പ്പെ​ട്ടവർ ആയിരി​ക്കാ​മെന്ന്‌—അവിടെ, ശരാശരി പത്തു മുതൽ ഇരുപതു വരെ പേർ ദിവസ​വും അവരെ തേടി ചെല്ലുന്നു—ആ ലഘുപ​ത്രിക വെളി​പ്പെ​ടു​ത്തു​ന്നില്ല. ലൈം​ഗി​കാ​ഭാ​സ​ങ്ങൾക്കു വഴങ്ങി​യി​ല്ലെ​ങ്കിൽ അവർക്കു പ്രഹര​മേൽക്കേ​ണ്ടി​വ​രും. തെക്കൻ തായ്‌ലൻഡി​ലെ ഒരു വിനോദ കേന്ദ്ര​മായ പൂക്കെറ്റ്‌ ദ്വീപി​ലെ ഒരു വേശ്യാ​ല​യ​ത്തിൽ തീപി​ടി​ത്തം ഉണ്ടായ​പ്പോൾ 5 വേശ്യ​ക​ളാണ്‌ വെന്തു മരിച്ചത്‌. അതിന്റെ കാരണ​മോ? അവരെ ചങ്ങല​കൊണ്ട്‌ കട്ടിലി​നോ​ടു  ബന്ധിച്ചി​രു​ന്ന​തി​നാൽ അവർക്ക്‌ ഓടി രക്ഷപ്പെ​ടു​ന്ന​തി​നു സാധി​ച്ചില്ല.

ഈ യുവതി​കൾ എവി​ടെ​നി​ന്നാ​ണു വരുന്നത്‌? ലൈം​ഗിക വ്യവസാ​യ​ത്തി​ന്റെ ഈ മേഖല ലോക​മെ​മ്പാ​ടു​മുള്ള ലക്ഷക്കണ​ക്കി​നു പെൺകു​ട്ടി​ക​ളെ​യും സ്‌ത്രീ​ക​ളെ​യും​കൊ​ണ്ടു നിറഞ്ഞു​വ​രു​ക​യാണ്‌ എന്ന്‌ റിപ്പോർട്ടു​കൾ വെളി​പ്പെ​ടു​ത്തു​ന്നു. അവർ തട്ടി​ക്കൊ​ണ്ടു പോക​പ്പെ​ട്ട​വ​രോ വേശ്യാ​വൃ​ത്തി​യി​ലേക്കു വലിച്ചി​ഴ​യ്‌ക്ക​പ്പെ​ട്ട​വ​രോ വേശ്യാ​ല​യ​ങ്ങൾക്കു വിൽക്ക​പ്പെ​ട്ട​വ​രോ ആണ്‌. വികസ്വര രാജ്യ​ങ്ങ​ളി​ലെ ദാരി​ദ്ര്യ​വും സമ്പന്ന രാഷ്‌ട്ര​ങ്ങ​ളി​ലെ സമ്പദ്‌സ​മൃ​ദ്ധി​യും അതു​പോ​ലെ​തന്നെ അന്തർദേ​ശീയ വ്യാപാ​ര​ത്തി​നും ഉടമ്പടി-അടിമ​ത്ത​ത്തി​നും നേരെ കണ്ണടയ്‌ക്കുന്ന നിയമ​വ്യ​വ​സ്ഥ​യും കൈ​കോർത്തു നീങ്ങു​ന്ന​താണ്‌ സാർവ​ദേ​ശീ​യ​മാ​യി ലൈം​ഗിക വ്യാപാ​രം തഴച്ചു​വ​ള​രാൻ കാരണം.

1970-കളുടെ പകുതി മുതൽ 1990-കളുടെ ആരംഭം വരെയുള്ള കാലയ​ള​വിൽ ലോക​മെ​മ്പാ​ടു​മാ​യി മൂന്നു കോടി സ്‌ത്രീ​കൾ വിൽപ്പ​ന​ച്ച​ര​ക്കു​കൾ ആയിട്ടു​ണ്ടെന്ന്‌ തെക്കു കിഴക്കൻ ഏഷ്യയി​ലെ സ്‌ത്രീ സംഘട​നകൾ കണക്കാ​ക്കു​ന്നു. വലയിൽ വീഴാൻ സാധ്യ​ത​യു​ള്ള​താ​യി കാണ​പ്പെ​ടുന്ന കൊച്ചു പെൺകു​ട്ടി​ക​ളെ​യും സ്‌ത്രീ​ക​ളെ​യും നോട്ട​മി​ട്ടു​കൊണ്ട്‌ പെൺവാ​ണി​ഭ​ക്കാർ റെയിൽവേ സ്റ്റേഷനു​ക​ളി​ലും ദരിദ്ര ഗ്രാമ​ങ്ങ​ളി​ലും നഗരവീ​ഥി​ക​ളി​ലും കഴുകൻ കണ്ണുക​ളു​മാ​യി പരതുന്നു. അക്ഷരാ​ഭ്യാ​സം ഇല്ലാത്ത​വ​രോ അനാഥ​രോ ഉപേക്ഷി​ക്ക​പ്പെ​ട്ട​വ​രോ അശരണ​രോ ഒക്കെയാണ്‌ സാധാ​ര​ണ​ഗ​തി​യിൽ ഇവരുടെ വലയിൽ കുടു​ങ്ങു​ന്നത്‌. ജോലി കൊടു​ക്കാ​മെന്നു പറഞ്ഞു മോഹി​പ്പിച്ച്‌ ഇവരെ മറ്റു സംസ്ഥാ​ന​ങ്ങ​ളി​ലേ​ക്കോ രാജ്യ​ങ്ങ​ളി​ലേ​ക്കോ ഒക്കെ കൊണ്ടു​പോ​യി ഒടുവിൽ വേശ്യാ​ല​യ​ങ്ങൾക്കു വിൽക്കു​ന്നു.

1991-ൽ കിഴക്കൻ യൂറോ​പ്പിൽ കമ്മ്യൂ​ണിസ്റ്റ്‌ പ്രസ്ഥാനം നിലം​പൊ​ത്തി​യ​തോ​ടെ സ്‌ത്രീ​ക​ളും പെൺകു​ട്ടി​ക​ളും അടക്കം അനേക​മാ​ളു​കൾ നിർധ​ന​രാ​യി തീർന്നി​രി​ക്കു​ന്നു. അരാജ​ക​ത്വം, സ്വകാ​ര്യ​വ​ത്‌ക​രണം, വർധി​ച്ചു​വ​രുന്ന സാമൂ​ഹിക-സാമ്പത്തിക അസമത്വം എന്നിവ കുറ്റകൃ​ത്യ​വും ദാരി​ദ്ര്യ​വും തൊഴി​ലി​ല്ലാ​യ്‌മ​യും കൊടി​കു​ത്തി​വാ​ഴാൻ ഇടയാ​ക്കി​യി​രി​ക്കു​ന്നു. റഷ്യയി​ലെ​യും കിഴക്കൻ യൂറോ​പ്പി​ലെ​യും ഒട്ടനവധി സ്‌ത്രീ​ക​ളും പെൺകു​ട്ടി​ക​ളും ഇപ്പോൾ അന്താരാ​ഷ്‌ട്ര​ത​ല​ത്തി​ലുള്ള സംഘടിത ലൈം​ഗിക വ്യവസാ​യ​ത്തി​ന്റെ ‘കറവപ്പ​ശു​ക്കൾ’ ആയിത്തീർന്നി​രി​ക്കു​ന്നു. “മയക്കു​മ​രു​ന്നു വിൽപ്പ​ന​യിൽ ഏർപ്പെ​ടു​മ്പോൾ പിടി​ക്ക​പ്പെ​ടാ​നു​ള്ളത്ര സാധ്യത ആളുകളെ വിൽപ്പ​ന​ച്ച​രക്ക്‌ ആക്കു​മ്പോൾ ഇല്ല” എന്ന്‌ മുൻ യൂറോ​പ്യൻ നീതി​ന്യാ​യ കമ്മീഷണർ ആനീറ്റ ഗ്രാഡിൻ പറയു​ക​യു​ണ്ടാ​യി.

കൈവി​ട്ടു​പോ​കുന്ന ബാല്യം

ഏഷ്യയി​ലെ, പരവതാ​നി നെയ്യുന്ന ഒരു കൊച്ചു ഫാക്ടറി​യിൽ വെറും അഞ്ചു വയസ്സുള്ള കുഞ്ഞുങ്ങൾ ഒരു നയാ​പ്പൈസ പോലും കൂലി​യി​ല്ലാ​തെ വെളു​പ്പിന്‌ 4 മുതൽ രാത്രി പതി​നൊ​ന്നു വരെ പണി​യെ​ടു​ക്കു​ന്നു. അപകട​കാ​രി​ക​ളായ രാസവ​സ്‌തു​ക്ക​ളു​മാ​യി സമ്പർക്ക​ത്തിൽ വരുന്ന​തും വേണ്ടത്ര വെളി​ച്ച​മോ വായു​സ​ഞ്ചാ​ര​മോ ഇല്ലാത്ത ചുറ്റു​പാ​ടു​ക​ളിൽ നീണ്ട മണിക്കൂ​റു​കൾ പണി​യെ​ടു​ക്കേണ്ടി വരുന്ന​തും നിമിത്തം പലപ്പോ​ഴും ഇത്തരം കൊച്ചു തൊഴി​ലാ​ളി​കൾക്ക്‌  ഗുരു​ത​ര​മായ ആരോഗ്യ പ്രശ്‌നങ്ങൾ ഉണ്ടാകാ​റുണ്ട്‌. സുരക്ഷി​ത​മ​ല്ലാത്ത യന്ത്രസാ​മ​ഗ്രി​ക​ളു​ടെ ഉപയോ​ഗം ഇവരുടെ ജീവൻതന്നെ അപകട​ത്തി​ലാ​ക്കു​ന്നു. a

തൊഴിൽ മേഖല​യിൽ കുരു​ന്നു​കൾക്ക്‌ ഇത്രയ​ധി​കം ഡിമാൻഡ്‌ ഉള്ളത്‌ എന്തു​കൊ​ണ്ടാണ്‌? ഒരു സംഗതി, അവർക്കു കുറഞ്ഞ വേതനം നൽകി​യാൽ മതി എന്നതാണ്‌. അവരെ പറഞ്ഞ്‌ അനുസ​രി​പ്പി​ക്കാൻ എളുപ്പ​മാണ്‌. അതു​പോ​ലെ​തന്നെ പരാതി​പ്പെ​ടാ​നും അവർ ധൈര്യം കാണി​ക്കില്ല. ഇനിയും, കുട്ടി​ക​ളു​ടെ പിഞ്ചു ശരീര​വും ചുറു​ചു​റു​ക്കുള്ള കുരുന്നു വിരലു​ക​ളു​മെ​ല്ലാം പരവതാ​നി നെയ്‌ത്തു പോലുള്ള ജോലി​കൾക്കു പറ്റിയ​വ​യാ​യി കണ്ണിൽച്ചോ​ര​യി​ല്ലാത്ത തൊഴി​ലു​ട​മകൾ കാണുന്നു. അതു​കൊണ്ട്‌ മാതാ​പി​താ​ക്കൾ പണിയി​ല്ലാ​തെ വീട്ടി​ലി​രി​ക്കു​മ്പോ​ഴും കുട്ടി​കൾക്കു പണി കിട്ടുന്നു.

കുരുന്നു തൊഴി​ലാ​ളി​ക​ളു​ടെ യാതനകൾ ഇതു​കൊണ്ട്‌ അവസാ​നി​ക്കു​ന്നില്ല. വീട്ടു​വേല ചെയ്യുന്ന കുട്ടികൾ ലൈം​ഗി​ക​വും ശാരീ​രി​ക​വു​മായ പീഡന​ത്തിന്‌ ഇരകളാ​കാൻ കൂടുതൽ സാധ്യ​ത​യു​ള്ള​വ​രാണ്‌. പല കുട്ടി​ക​ളെ​യും തട്ടി​ക്കൊ​ണ്ടു​പോ​യി വിദൂ​ര​സ്ഥ​ല​ങ്ങ​ളിൽ പാർപ്പി​ക്കു​ക​യും രക്ഷപ്പെട്ടു പോകാ​തി​രി​ക്കാൻ രാത്രി​യിൽ ചങ്ങലയി​ട്ടു പൂട്ടു​ക​യും ചെയ്യുന്നു. പകൽനേരം അവരെ​ക്കൊണ്ട്‌ റോഡു​പണി ചെയ്യി​ക്കു​ക​യും കല്ലുമ​ട​ക​ളിൽ പണി​യെ​ടു​പ്പി​ക്കു​ക​യും ഒക്കെ ചെയ്‌തേ​ക്കാം.

ചില കുട്ടി​കൾക്ക്‌ ബാല്യം കൈവി​ട്ടു​പോ​കു​ന്നത്‌ മറ്റൊരു വിധത്തി​ലാണ്‌. വിവാ​ഹ​പ്രാ​യ​ത്തി​നു മുമ്പേ ഒരു അടിമ​യെ​പ്പോ​ലെ അവർ വിവാ​ഹ​ജീ​വി​ത​ത്തി​ലേക്കു പ്രവേ​ശി​ക്കേ​ണ്ടി​വ​രു​ന്നു. ഉദാഹ​ര​ണ​ത്തിന്‌, അന്താരാ​ഷ്‌ട്ര അടിമത്ത വിരുദ്ധ സംഘടന ഇപ്രകാ​രം പറയുന്നു: “60 വയസ്സുള്ള ഒരാളു​മാ​യി വിവാഹം നിശ്ചയി​ച്ചി​രി​ക്കുന്ന വിവരം ഒരു 12 വയസ്സു​കാ​രി​യെ അവളുടെ വീട്ടു​കാർ അറിയി​ക്കു​ന്നു. അവൾക്ക്‌ അതിനെ എതിർക്കാ​നുള്ള അവകാ​ശ​മു​ണ്ടെ​ന്നു​ള്ളതു ശരിയാണ്‌. എന്നാൽ ആ അവകാശം പ്രയോ​ഗി​ക്കാൻ അവൾക്കു കഴിയില്ല. തനിക്ക്‌ അതിന്‌ അവകാ​ശ​മു​ണ്ടെന്നു പോലും അവൾക്ക്‌ അറിയില്ല എന്നതാണു വസ്‌തുത.”

കടത്തിന്റെ അടിമകൾ

ലക്ഷക്കണ​ക്കി​നു തൊഴി​ലാ​ളി​കൾ അവരുടെ തൊഴി​ലു​ട​മ​ക​ളു​ടെ അടിമ​ക​ളാ​യി​ത്തീർന്നി​രി​ക്കു​ന്നു. കാരണം തൊഴി​ലു​ട​മകൾ ഈ തൊഴി​ലാ​ളി​കൾക്കോ അവരുടെ മാതാ​പി​താ​ക്കൾക്കോ പണം കടം കൊടു​ത്തി​ട്ടുണ്ട്‌. പണ്ടു മുതലേ ഇത്തരം അടിമത്തം മുഖ്യ​മാ​യും കണ്ടുവ​രു​ന്നത്‌ കാർഷിക മേഖല​ക​ളി​ലാണ്‌. തൊഴി​ലാ​ളി​കൾ വീട്ടു​വേ​ല​ക്കാ​രോ കൃഷി​പ്പ​ണി​ക്കാ​രോ ആയിരി​ക്കാം. ചില സന്ദർഭ​ങ്ങ​ളിൽ ഒരു തലമു​റ​യിൽനിന്ന്‌ അടുത്ത തലമു​റ​യി​ലേക്കു കടബാ​ധ്യത കൈമാ​റ​പ്പെ​ടാ​റുണ്ട്‌. ആ കുടും​ബ​ത്തി​ലെ അംഗങ്ങൾ തങ്ങളുടെ പിടി​യിൽനിന്ന്‌ ഒരിക്ക​ലും വിട്ടു​പോ​കു​ന്നി​ല്ലെന്ന്‌ ഉറപ്പു​വ​രു​ത്തു​ക​യാണ്‌ തൊഴി​ലു​ട​മ​ക​ളു​ടെ ലക്ഷ്യം. മറ്റു ചില സന്ദർഭ​ങ്ങ​ളിൽ, പണം കടം കൊടു​ത്തി​രി​ക്കുന്ന തൊഴി​ലു​ടമ ഒരു പുതിയ തൊഴി​ലു​ട​മ​യ്‌ക്ക്‌ തൊഴി​ലാ​ളി​യെ വിൽക്കു​മ്പോൾ തൊഴി​ലാ​ളി​യോ​ടൊ​പ്പം കടബാ​ധ്യ​ത​യും കൈമാ​റ​പ്പെ​ടു​ന്നു. കടത്തിന്റെ പേരിൽ അടിമ​ക​ളാ​യി​രി​ക്കുന്ന ഇത്തരം തൊഴി​ലാ​ളി​കൾക്ക്‌ വേതന​മാ​യി ഒരു നയാ​പ്പൈസ ലഭിക്കാത്ത അവസ്ഥ​പോ​ലും വരാറുണ്ട്‌. തൊഴി​ലാ​ളിക്ക്‌ അയാളു​ടെ വേതന​ത്തിൽ കുറെ മുൻകൂ​റാ​യി നൽകി​ക്കൊണ്ട്‌ അയാളെ കടത്തിൽ തളച്ചി​ടു​ന്ന​താണ്‌ മറ്റൊരു രീതി. ആ കടബാ​ധ്യത തീർന്നു​ക​ഴി​യു​മ്പോൾ പിന്നെ​യും പിന്നെ​യും പണം മുൻകൂ​റാ​യി കൊടു​ത്തു​കൊ​ണ്ടി​രി​ക്കും. അങ്ങനെ തൊഴി​ലാ​ളി തൊഴി​ലു​ട​മ​യു​ടെ അടിമ​യാ​യി​ത്തീ​രു​ന്നു.

 അനുഷ്‌ഠാ​ന​പ​ര​മായ അടിമത്തം

പശ്ചിമാ​ഫ്രി​ക്ക​യിൽ നിന്നുള്ള ബിന്റിക്കു വയസ്സ്‌ പന്ത്രണ്ടേ ഉള്ളൂ. ഏവേ ഭാഷയിൽ “ദേവദാ​സി​കൾ” എന്നർഥ​മുള്ള ട്രോ​ക്കോ​സി ആയി സേവി​ക്കുന്ന ആയിര​ക്ക​ണ​ക്കി​നു പെൺകു​ട്ടി​ക​ളിൽ ഒരാളാണ്‌ അവൾ. ചെയ്യാത്ത ഒരു കുറ്റത്തി​നുള്ള—സ്വന്തം ജനനത്തി​നു കാരണ​മായ ബലാത്സം​ഗം—പ്രായ​ശ്ചി​ത്ത​മെ​ന്ന​വണ്ണം അടിമ​നു​കം പേറാൻ നിർബ​ന്ധി​ത​യാ​യി​രി​ക്കു​ന്നു അവൾ. ഇപ്പോൾ അവളുടെ ജോലി, സ്ഥലത്തെ പുരോ​ഹി​തന്‌ വീട്ടു​വേല ചെയ്‌തു കൊടു​ക്കുക മാത്ര​മാണ്‌. എന്നാൽ, കുറേ​ക്കൂ​ടെ കഴിയു​മ്പോൾ തന്റെ യജമാ​ന​നായ പുരോ​ഹി​തന്റെ ലൈം​ഗിക സുഖത്തി​നുള്ള ഒരു ഉപഭോഗ വസ്‌തു കൂടി​യാ​യി​ത്തീ​രും അവൾ. എന്നാൽ യൗവനം പടിയി​റ​ങ്ങു​ന്ന​തോ​ടെ പുരോ​ഹി​തൻ അവളെ മാറ്റി സുന്ദരി​ക​ളായ മറ്റു പെൺകു​ട്ടി​കളെ ദേവദാ​സി​ക​ളാ​യി തിര​ഞ്ഞെ​ടു​ക്കും.

‘പാപ’മായി വ്യാഖ്യാ​നി​ക്ക​പ്പെട്ട ഒരു പ്രവൃ​ത്തി​ക്കോ ദൈവിക കൽപ്പന ലംഘി​ച്ച​തി​നോ ഉള്ള പ്രായ​ശ്ചി​ത്ത​മെ​ന്ന​വണ്ണം ബിന്റിയെ പോലുള്ള ആയിര​ക്ക​ണ​ക്കി​നു പേരെ സ്വന്തം കുടും​ബാം​ഗങ്ങൾ ഇത്തരം അടിമ​വൃ​ത്തി​ക്കാ​യി സമർപ്പി​ക്കു​ന്നു. ലോക​ത്തി​ന്റെ പല ഭാഗങ്ങ​ളി​ലും, ‘ദൈവ​ത്തി​ന്റെ പ്രേയ​സി​കൾ’—ഒരു ദേവനു​മാ​യി വിവാ​ഹ​ബ​ന്ധ​ത്തിൽ വന്നിരി​ക്കു​ന്നവർ—ആണെന്ന പേരിൽ നിരവധി പെൺകു​ട്ടി​കൾക്കും സ്‌ത്രീ​കൾക്കും മതപര​മായ കർത്തവ്യ​ങ്ങൾ അനുഷ്‌ഠി​ക്കു​ക​യും പുരോ​ഹി​തന്റെ ലൈം​ഗിക ആവശ്യങ്ങൾ നിറ​വേ​റ്റു​ക​യും ചെയ്യേണ്ടി വരുന്നു. പലപ്പോ​ഴും ഈ സ്‌ത്രീ​കൾ പ്രതി​ഫ​ല​മൊ​ന്നും വാങ്ങാതെ മറ്റു സേവന​ങ്ങ​ളും ചെയ്യണം. താമസ​സ്ഥ​ല​മോ ജോലി​സ്ഥ​ല​മോ വിട്ടു​പോ​കാ​നുള്ള സ്വാത​ന്ത്ര്യം ഇവർക്കില്ല. ഇവർ പലപ്പോ​ഴും വർഷങ്ങ​ളോ​ളം ഈ അടിമ​ച്ച​ങ്ങ​ല​യിൽ തളച്ചി​ട​പ്പെ​ടു​ന്നു.

പരമ്പരാ​ഗത രീതി​യി​ലുള്ള അടിമത്തം

അടിമത്തം നിയമ​പ​ര​മാ​യി നിർത്ത​ലാ​ക്കി​യെന്നു മിക്ക രാജ്യ​ങ്ങ​ളും അവകാ​ശ​പ്പെ​ടു​ന്നു​ണ്ടെ​ങ്കി​ലും ചിലയി​ട​ങ്ങ​ളിൽ പരമ്പരാ​ഗത രീതി​യി​ലുള്ള അടിമത്തം അടുത്ത​യി​ടെ​യാ​യി ഉയിർത്തെ​ഴു​ന്നേ​റ്റി​ട്ടുണ്ട്‌. ആഭ്യന്തര കലഹത്താ​ലോ സായുധ സംഘട്ട​ന​ത്താ​ലോ പിച്ചി​ച്ചീ​ന്ത​പ്പെട്ട പ്രദേ​ശ​ങ്ങ​ളി​ലാണ്‌ സാധാ​ര​ണ​ഗ​തി​യിൽ ഇത്തരം അടിമത്തം കണ്ടുവ​രു​ന്നത്‌. അന്താരാ​ഷ്‌ട്ര അടിമത്ത വിരുദ്ധ സംഘടന ഇപ്രകാ​രം റിപ്പോർട്ടു ചെയ്യുന്നു: “സംഘട്ട​നങ്ങൾ നടക്കുന്ന പ്രദേ​ശ​ങ്ങ​ളിൽ നിയമ​വ്യ​വസ്ഥ മരവിച്ച അവസ്ഥയിൽ ആയിരി​ക്കു​ന്ന​തി​നാൽ പട്ടാള​ക്കാർക്കോ അർധ​സൈ​നിക വിഭാ​ഗ​ത്തി​നോ ശിക്ഷയെ ഭയക്കാതെ . . . ആളുക​ളെ​ക്കൊണ്ട്‌ നിർബ​ന്ധിച്ച്‌, കൂലി കൊടു​ക്കാ​തെ പണി​യെ​ടു​പ്പി​ക്കാൻ കഴിയും; അന്താരാ​ഷ്‌ട്ര തലത്തിൽ അംഗീ​കാ​രം നേടി​യി​ട്ടി​ല്ലാത്ത സായുധ സംഘങ്ങ​ളു​ടെ നിയ​ന്ത്ര​ണ​ത്തി​ലുള്ള പ്രദേ​ശ​ങ്ങ​ളി​ലാണ്‌ മുഖ്യ​മാ​യും അത്തരം സംഗതി​കൾ അരങ്ങേ​റു​ന്ന​താ​യി റിപ്പോർട്ടു ചെയ്യ​പ്പെ​ട്ടി​രി​ക്കു​ന്നത്‌.” എന്നാൽ, “ഗവൺമെന്റ്‌ സൈനി​കർ നിയമ​വി​രു​ദ്ധ​മാ​യി പൗരന്മാ​രെ​ക്കൊണ്ട്‌ അടിമ​പ്പണി ചെയ്യി​ക്കു​ന്ന​താ​യുള്ള റിപ്പോർട്ടു​ക​ളും അടുത്ത​കാ​ലത്തു ലഭിച്ചി​ട്ടുണ്ട്‌” എന്ന്‌ അതേ സംഘടന പറയുന്നു. സൈനി​ക​രും അർധ​സൈ​നിക വിഭാ​ഗ​ങ്ങ​ളും തങ്ങൾ പിടി​ച്ചെ​ടുത്ത ആളുകളെ മറ്റുള്ള​വർക്കു വിറ്റു​കൊണ്ട്‌ അടിമ​ക്ക​ച്ച​വടം നടത്തു​ന്ന​താ​യും റിപ്പോർട്ടു ലഭിച്ചി​രി​ക്കു​ന്നു.

സങ്കടക​ര​മെ​ന്നു പറയട്ടെ, അടിമത്തം പല രൂപങ്ങ​ളി​ലും ഭാവങ്ങ​ളി​ലും മാനവ​രാ​ശി​യെ ഇപ്പോ​ഴും ഒരു തീരാ​ശാ​പം പോലെ പിടി​കൂ​ടി​യി​രി​ക്കു​ക​യാണ്‌. ലോക​ത്തെ​മ്പാ​ടു​മാ​യി അടിമ​ത്ത​ത്തി​ന്റെ കയ്‌പു​നീർ കുടി​ക്കു​ന്നത്‌ കോടി​ക്ക​ണ​ക്കിന്‌ ആളുക​ളാ​ണെന്ന ഞെട്ടി​ക്കുന്ന ആ യാഥാർഥ്യ​ത്തെ കുറിച്ച്‌ ഒരിക്കൽക്കൂ​ടി ചിന്തിക്കൂ. ഈ താളു​ക​ളിൽ നിങ്ങൾ വായി​ക്കാ​നി​ട​യായ ആധുനിക അടിമ​ത്ത​ത്തി​ന്റെ ബലിയാ​ടു​ക​ളായ ലിൻ-ലിൻ, ബിന്റി എന്നിവരെ പോലു​ള്ള​വ​രു​ടെ കദന കഥകളെ കുറി​ച്ചും ഓർക്കുക. ആധുനിക അടിമത്തം എന്ന കുറ്റകൃ​ത്യം അവസാ​നി​ച്ചു കാണാൻ നിങ്ങൾ ആഗ്രഹി​ക്കു​ന്നു​വോ? അടിമത്ത നിർമാർജനം എന്നെങ്കി​ലും ഒരു യാഥാർഥ്യ​മാ​കു​മോ? അതിനു മുമ്പായി സമൂല മാറ്റങ്ങൾ തന്നെ സംഭവി​ക്കേ​ണ്ട​തുണ്ട്‌. ആ മാറ്റങ്ങളെ കുറിച്ച്‌

പിൻവ​രുന്ന ലേഖന​ത്തിൽ വായി​ക്കുക.

[അടിക്കു​റിപ്പ്‌]

[6-ാം പേജിലെ ചതുരം/ചിത്രം]

അടിമത്തം—പരിഹാര ശ്രമങ്ങൾ

ഐക്യരാഷ്‌ട്ര ശിശു​ക്ഷേമ നിധി​യും അന്താരാ​ഷ്‌ട്ര തൊഴിൽ സംഘട​ന​യും പോലുള്ള വിവി​ധ​തരം ഔദ്യോ​ഗിക ഏജൻസി​കൾ, ആധുനിക അടിമത്തം നിർമാർജനം ചെയ്യാ​നുള്ള പദ്ധതികൾ സംഘടി​പ്പി​ക്കാ​നും അവ നടപ്പി​ലാ​ക്കാ​നു​മൊ​ക്കെ വളരെ​യ​ധി​കം ഉത്സാഹി​ക്കു​ന്നുണ്ട്‌. അതിനു പുറമേ, അന്താരാ​ഷ്‌ട്ര അടിമത്ത വിരുദ്ധ സംഘടന, മനുഷ്യാ​വ​കാശ നിരീക്ഷണ സംഘടന തുടങ്ങിയ ഗവൺമെന്റ്‌ പങ്കാളി​ത്ത​മി​ല്ലാത്ത ഒരുകൂ​ട്ടം സംഘട​നകൾ ആധുനിക അടിമത്തം സംബന്ധിച്ച്‌ പൊതു​ജ​ന​ങ്ങൾക്കുള്ള അവബോ​ധം വർധി​പ്പി​ക്കാ​നും അടിമ​ത്ത​ത്തി​ന്റെ ചങ്ങലകൾ പൊട്ടി​ച്ചെ​റിഞ്ഞ്‌ ആളുകളെ സ്വത​ന്ത്ര​മാ​ക്കാ​നും ഉള്ള ശ്രമങ്ങൾ നടത്തി​യി​രി​ക്കു​ന്നു. അടിമ​ക​ളെ​ക്കൊ​ണ്ടോ ബാല തൊഴി​ലാ​ളി​ക​ളെ​ക്കൊ​ണ്ടോ അല്ല സാധനങ്ങൾ ഉണ്ടാക്കി​യി​രി​ക്കു​ന്നത്‌ എന്ന്‌ അറിയി​ക്കാ​നാ​യി ഉത്‌പ​ന്ന​ങ്ങ​ളിൽ പ്രത്യേക ലേബലു​കൾ ഒട്ടിക്കുന്ന രീതി ആരംഭി​ക്കാൻ ഈ സംഘട​ന​ക​ളിൽ ചിലതു ശ്രമി​ക്കു​ന്നുണ്ട്‌. “ലൈം​ഗിക വിനോ​ദ​സ​ഞ്ചാ​രി​കൾ”ക്കെതിരെ അവരുടെ സ്വന്തം രാജ്യത്ത്‌ നിയമങ്ങൾ നിർമി​ക്ക​ണ​മെന്ന്‌ ആവശ്യ​പ്പെ​ടുന്ന ഏജൻസി​ക​ളു​മുണ്ട്‌. അങ്ങനെ​യാ​കു​മ്പോൾ കുട്ടി​കളെ ലൈം​ഗിക പീഡന​ത്തിന്‌ ഇരയാ​ക്കുന്ന ഈ സഞ്ചാരി​കൾ സ്വദേ​ശത്തു മടങ്ങി​യെ​ത്തു​മ്പോൾ അവർക്കെ​തി​രെ നിയമ​ന​ട​പ​ടി​കൾ സ്വീക​രി​ക്കാൻ സാധി​ക്കും. തങ്ങൾക്കു കഴിയു​ന്നി​ട​ത്തോ​ളം അടിമ​കളെ വീണ്ടെ​ടു​ക്കു​ന്ന​തി​നാ​യി ചില മനുഷ്യാ​വ​കാശ പ്രവർത്തകർ അടിമ​വ്യാ​പാ​രി​കൾക്കും മുതലാ​ളി​കൾക്കും വലിയ തുക കൊടു​ക്കുന്ന അളവോ​ളം​പോ​ലും പോയി​രി​ക്കു​ന്നു. ഇത്‌ പക്ഷേ വിവാ​ദ​ത്തി​നു തിരി കൊളു​ത്തി​യി​രി​ക്കു​ന്നു. കാരണം, അത്തരം നടപടി​കൾ ആളുകളെ അടിമ​ക​ളാ​ക്കു​ന്നത്‌ ആദായ​ക​ര​മായ ഒരു ബിസി​നസ്സ്‌ ആയിത്തീ​രാ​നും അടിമ​യു​ടെ വില കുതി​ച്ചു​യ​രാ​നും ഇടയാ​ക്കും.

[7-ാം പേജിലെ ചിത്രം]

ബാല്യം പടിയി​റ​ങ്ങു​ന്ന​തി​നു മുമ്പേ പല പെൺകു​ട്ടി​കൾക്കും വിവാ​ഹ​ജീ​വി​ത​ത്തി​ന്റെ ഉത്തരവാ​ദി​ത്വം പേറേ​ണ്ടി​വ​രു​ന്നു

[കടപ്പാട്‌]

UNITED NATIONS/J.P. LAFFONT

[8-ാം പേജിലെ ചിത്രം]

ആഹാരത്തിനായി ക്യൂ നിൽക്കുന്ന ഈ തൊഴി​ലാ​ളി​കൾ കടബാ​ധ്യ​ത​യു​ടെ പേരിൽ അടിമ​ക​ളാ​യ​താണ്‌

[കടപ്പാട്‌]

Ricardo Funari

[8-ാം പേജിലെ ചിത്രം]

ചിലപ്പോൾ കൊച്ചു കുട്ടികൾ സൈനിക സേവന​ത്തി​ലേക്കു വലിച്ചി​ഴ​യ്‌ക്ക​പ്പെ​ടു​ന്നു

[കടപ്പാട്‌]

UNITED NATIONS/J.P. LAFFONT