മെക്‌സി​ക്കോ—കൂടുതൽ മനഃസാ​ക്ഷി സ്വാത​ന്ത്ര്യം അനുവ​ദി​ക്ക​പ്പെ​ടു​മോ?

മെക്‌സിക്കോയിലെ ഉണരുക! ലേഖകൻ

മെക്‌സി​ക്കോ​യി​ലെ ഭരണഘടന അവിടെ മതസ്വാ​ത​ന്ത്ര്യം ഉറപ്പു​നൽകു​ന്നു. എന്നിരു​ന്നാ​ലും, ഇതേ നിയമ​സം​ഹി​ത​തന്നെ ആരാധ​നാ​സ്വാ​ത​ന്ത്ര്യ​ത്തി​ന്മേൽ ചില നിയ​ന്ത്ര​ണങ്ങൾ വെക്കു​ന്നു​മുണ്ട്‌. ഉദാഹ​ര​ണ​ത്തിന്‌, മനഃസാ​ക്ഷി​പ​ര​മായ കാരണ​ങ്ങ​ളാൽ സൈനിക സേവന​ത്തിൽ ഏർപ്പെ​ടാൻ വിസമ്മ​തി​ക്കാം എന്ന ആശയം മെക്‌സി​ക്കോ​ക്കാർക്കു താരത​മ്യേന അപരി​ചി​ത​മാണ്‌. അതു​കൊ​ണ്ടാണ്‌, “മനഃസാ​ക്ഷി​പ​ര​മായ കാരണ​ങ്ങ​ളാൽ വിസമ്മതം പ്രകടി​പ്പി​ക്കൽ—മെക്‌സി​ക്കോ​യി​ലും ലോക​ത്തി​ലും” എന്ന ഒരു അന്താരാ​ഷ്‌ട്ര സിമ്പോ​സി​യം സംഘടി​പ്പി​ക്കാൻ നാഷനൽ ഓട്ടോ​ണ​മസ്‌ യൂണി​വേ​ഴ്‌സി​റ്റി ഓഫ്‌ മെക്‌സി​ക്കോ​യു​ടെ (യുനാം) ഇൻസ്റ്റി​റ്റ്യൂട്ട്‌ ഓഫ്‌ ലീഗൽ ഇൻവെ​സ്റ്റി​ഗേ​ഷൻസ്‌ തീരു​മാ​നി​ച്ചത്‌. യുനാ​മി​ന്റെ ഇൻസ്റ്റി​റ്റ്യൂട്ട്‌ ഓഫ്‌ ലീഗൽ ഇൻവെ​സ്റ്റി​ഗേ​ഷൻസ്‌, ഗവൺമെ​ന്റി​ന്റെ കീഴിൽ വരുന്ന ഒരു സ്ഥാപന​മാ​ണെ​ങ്കി​ലും അതിന്റെ ദൗത്യം ഗവൺമെന്റ്‌ പാസ്സാ​ക്കി​യി​ട്ടുള്ള നിയമ​ങ്ങളെ കുറി​ച്ചും അവ എവി​ടെ​യെ​ല്ലാം ഏതെല്ലാം വിധങ്ങ​ളിൽ ബാധക​മാ​ക്ക​പ്പെ​ടു​ന്നു എന്നതിനെ കുറി​ച്ചും അന്വേ​ഷി​ക്കു​ക​യാണ്‌. ഈ സിമ്പോ​സി​യ​ത്തിൽ പങ്കെടു​ക്കാൻ മെക്‌സി​ക്കോ​യിൽ ഉള്ള യഹോ​വ​യു​ടെ സാക്ഷി​ക​ളു​ടെ ഒരു പ്രതി​നി​ധി​യെ​യും ക്ഷണിക്കു​ക​യു​ണ്ടാ​യി. “യഹോ​വ​യു​ടെ സാക്ഷി​ക​ളും മനഃസാ​ക്ഷി​പ​ര​മായ കാരണ​ങ്ങ​ളാൽ ഉള്ള വിസമ്മ​ത​വും” എന്നതാ​യി​രു​ന്നു അദ്ദേഹ​ത്തി​നു നൽകിയ വിഷയം.

പ്രൊ​ഫ​സർമാർ സംസാ​രി​ക്കു​ന്നു

സ്‌പെ​യി​നി​ലെ ഗ്രനാഡ നിയമ യൂണി​വേ​ഴ്‌സി​റ്റി​യി​ലെ പ്രൊ​ഫ​സ​റായ ഡോ. ഹാവിയർ മാർട്ടി​നെസ്‌ ടൊ​റൊൺ ആയിരു​ന്നു “മനഃസാ​ക്ഷി​പ​ര​മായ കാരണ​ങ്ങ​ളാൽ ഉള്ള വിസമ്മതം—അന്താരാ​ഷ്‌ട്ര നിയമ​സം​ഹി​ത​യിൽ” എന്ന ഭാഗം അവതരി​പ്പി​ച്ചത്‌. മനഃസാ​ക്ഷി സ്വാത​ന്ത്ര്യ​വും അതു​പോ​ലെ മനഃസാ​ക്ഷി​പ​ര​മായ കാരണ​ങ്ങ​ളാൽ ചില നിയമങ്ങൾ പാലി​ക്കു​ന്ന​തി​നോ​ടോ ബാധ്യ​തകൾ നിറ​വേ​റ്റു​ന്ന​തി​നോ​ടോ വിസമ്മതം പ്രകടി​പ്പി​ക്കാ​നുള്ള അവകാ​ശ​വും അന്താരാ​ഷ്‌ട്ര തലത്തിൽ അംഗീ​ക​രി​ക്ക​പ്പെട്ട കാര്യം അദ്ദേഹം ചൂണ്ടി​ക്കാ​ട്ടി. സ്‌പെ​യി​നി​ലെ യഹോ​വ​യു​ടെ സാക്ഷി​ക​ളു​ടെ സാഹച​ര്യ​വും ഗ്രീസി​ലെ കോക്കി​നാ​കിസ്‌ കേസും a അദ്ദേഹം പരാമർശി​ക്കു​ക​യു​ണ്ടാ​യി.

യുനാ​മി​ന്റെ ഇൻസ്റ്റി​റ്റ്യൂട്ട്‌ ഓഫ്‌ ലീഗൽ ഇൻവെ​സ്റ്റി​ഗേ​ഷൻസി​ലെ ഒരു പ്രൊ​ഫ​സ​റായ ഡോ. ഹോസേ ലൂയിസ്‌ സോ​ബെ​റാ​നെസ്‌ ഫെർണാ​ണ്ടസ്‌ സംസാ​രി​ച്ചത്‌ “പ്രസ്‌തുത വിഷയ​ത്തിൽ മെക്‌സി​ക്കോ​യു​ടെ അനുഭ​വങ്ങൾ” എന്നതിനെ അധിക​രി​ച്ചാണ്‌. “മനഃസാ​ക്ഷി​പ​ര​മായ കാരണ​ങ്ങ​ളാൽ വിസമ്മതം പ്രകട​മാ​ക്കു​ന്ന​തി​നെ ‘മതപര​മായ കൂടി​വ​ര​വും പരസ്യ ആരാധ​ന​യും സംബന്ധിച്ച മെക്‌സി​ക്കൻ നിയമം’ വിലക്കു​ന്നു” എന്ന്‌ 1-ാം വകുപ്പി​നെ പരാമർശി​ച്ചു​കൊണ്ട്‌ അദ്ദേഹം പറയു​ക​യു​ണ്ടാ​യി. അത്‌ ഇങ്ങനെ പറയുന്നു: “മതപര​മായ ബോധ്യ​ങ്ങൾ രാജ്യത്തെ നിയമങ്ങൾ അനുസ​രി​ക്കു​ന്ന​തിൽ നിന്ന്‌ ആരെയും ഒഴിവാ​ക്കു​ന്നില്ല. നിയമം അനുശാ​സി​ക്കുന്ന ചുമത​ല​ക​ളും കടമക​ളും നിറ​വേ​റ്റാ​തി​രി​ക്കു​ന്ന​തി​നുള്ള ഒഴിക​ഴി​വാ​യി മതപര​മായ കാരണങ്ങൾ നിരത്താൻ ആരെയും അനുവ​ദി​ക്കു​ന്നതല്ല.” ഡോ. സോ​ബെ​റാ​നെസ്‌ ഇങ്ങനെ ഉപസം​ഹ​രി​ച്ചു: “മനഃസാ​ക്ഷി​പ​ര​മായ കാരണ​ങ്ങ​ളാൽ വിസമ്മതം പ്രകടി​പ്പി​ക്കു​ന്നതു സംബന്ധിച്ച്‌ മെക്‌സി​ക്കോ​യിൽ ഉടനടി ഒരു നിയമം കൊണ്ടു​വ​രേ​ണ്ടത്‌ ആവശ്യ​മാണ്‌ എന്നു ഞങ്ങൾ വിശ്വ​സി​ക്കു​ന്നു.”

ബൈബിൾപ​ര​മാ​യ കാരണ​ങ്ങ​ളാൽ പതാക​വ​ന്ദനം നടത്താ​ത്ത​തു​കൊണ്ട്‌, നൂറു​ക​ണ​ക്കി​നു യഹോ​വ​യു​ടെ സാക്ഷി​ക​ളു​ടെ കുട്ടി​കൾക്കു മെക്‌സി​ക്കോ​യിൽ ഓരോ വർഷവും വിദ്യാ​ഭ്യാ​സ സംബന്ധ​മായ പ്രശ്‌നങ്ങൾ ഉണ്ടാകു​ന്നു​വെന്ന കാര്യം അദ്ദേഹം പരാമർശി​ക്കു​ക​യു​ണ്ടാ​യി. ചിലർക്കു സ്‌കൂ​ളിൽ അഡ്‌മി​ഷൻ പോലും ലഭിക്കു​ന്നില്ല. എന്നിരു​ന്നാ​ലും, മനുഷ്യാ​വ​കാശ കമ്മീഷൻ മുഖേന അപ്പീൽ കൊടു​ത്ത​തു​കൊണ്ട്‌ ഇവരിൽ പലർക്കും വിദ്യാ​ഭ്യാ​സം നടത്തു​ന്ന​തി​നുള്ള അവകാശം തിരികെ കിട്ടി. കുട്ടി​കളെ സ്‌കൂ​ളിൽ നിന്ന്‌ പുറത്താ​ക്കാ​തി​രി​ക്കാൻ വിദ്യാ​ഭ്യാ​സ രംഗത്തെ ചില ഉദ്യോ​ഗസ്ഥർ നടപടി​കൾ കൈ​ക്കൊ​ണ്ടി​ട്ടു​ണ്ടെ​ങ്കി​ലും, ചില അധ്യാ​പകർ അതിനു തരിമ്പും വില കൽപ്പി​ക്കു​ന്നില്ല. യഹോ​വ​യു​ടെ സാക്ഷി​ക​ളു​ടെ നിലപാ​ടി​നോട്‌ അധികാ​രി​കൾ പൊതു​വെ സഹിഷ്‌ണുത കാട്ടി​യി​ട്ടു​ണ്ടെ​ങ്കി​ലും, മെക്‌സി​ക്കോ​യി​ലെ സ്‌കൂ​ളു​കൾക്കു പിൻപ​റ്റാൻ കഴിയുന്ന ഒരു മാനദണ്ഡം ഇതേവരെ നിലവി​ലു​ണ്ടാ​യി​ട്ടില്ല എന്നതാണു യാഥാർഥ്യം.

മറ്റു മതങ്ങളിൽ ഉള്ളവർ നേരി​ടുന്ന മനഃസാ​ക്ഷി സംബന്ധ​മായ പ്രശ്‌ന​ങ്ങ​ളും സിമ്പോ​സി​യ​ത്തിൽ ചർച്ച ചെയ്യ​പ്പെട്ടു. ഉദാഹ​ര​ണ​ത്തിന്‌, വിശു​ദ്ധ​മാ​യി കണക്കാ​ക്കുന്ന ദിവസ​ങ്ങ​ളിൽ ജോലി ചെയ്യാൻ നിർബ​ന്ധി​ക്ക​പ്പെ​ടുക, മതവി​ശ്വാ​സ​ങ്ങൾക്കു നിരക്കാത്ത വിധത്തിൽ ജോലി സ്ഥലങ്ങളിൽ വസ്‌ത്ര​ധാ​രണം ചെയ്യാൻ നിർബ​ന്ധി​ത​രാ​കുക  തുടങ്ങി പലതും. മനഃസാ​ക്ഷി സംബന്ധ​മായ കാരണ​ത്താൽ സൈനിക സേവന​ത്തിൽ ഏർപ്പെ​ടാൻ വിസമ്മ​തി​ക്കു​ന്ന​തി​നെ​യും ചിലതരം വൈദ്യ ചികിത്സ നിരാ​ക​രി​ക്കു​ന്ന​തി​നെ​യും കുറി​ച്ചും ചർച്ച ചെയ്യ​പ്പെ​ടു​ക​യു​ണ്ടാ​യി.

യഹോ​വ​യു​ടെ സാക്ഷി​ക​ളും കൈസ​രും

മെക്‌സി​ക്കോ​യി​ലെ യഹോ​വ​യു​ടെ സാക്ഷി​ക​ളു​ടെ ബ്രാഞ്ച്‌ ഓഫീ​സി​ലെ ഒരംഗം, അവരുടെ അടിസ്ഥാന വിശ്വാ​സ​ങ്ങ​ളു​ടെ ഒരു സംഗ്രഹം അവതരി​പ്പി​ച്ചു. “കൈസർക്കു​ള്ളതു കൈസർക്ക്‌ കൊടു​പ്പിൻ” എന്ന ലൂക്കൊസ്‌ 20:25-ലേതു പോലുള്ള ബൈബിൾ തത്ത്വങ്ങൾ അവർ പിൻപ​റ്റുന്ന കാര്യം അദ്ദേഹം വിശദീ​ക​രി​ച്ചു. ലൗകിക അധികാ​രി​കളെ ബഹുമാ​നി​ക്കാൻ ആവശ്യ​പ്പെ​ടുന്ന റോമർ 13:1-ഉം അദ്ദേഹം പരാമർശി​ക്കു​ക​യു​ണ്ടാ​യി. നിയമങ്ങൾ അനുസ​രി​ച്ചു ജീവി​ക്കുന്ന സാധാരണ പൗരന്മാ​രാണ്‌ യഹോ​വ​യു​ടെ സാക്ഷികൾ എന്ന്‌ അദ്ദേഹം ഊന്നി​പ്പ​റഞ്ഞു. നികു​തി​കൾ അടയ്‌ക്കാ​നും അടുക്കും ചിട്ടയു​മുള്ള ജീവിതം നയിക്കാ​നും വീടുകൾ വൃത്തി​യാ​യി സൂക്ഷി​ക്കാ​നും കുട്ടി​കളെ സ്‌കൂ​ളിൽ അയയ്‌ക്കാ​നു​മൊ​ക്കെ അവർ പ്രത്യേ​കം ശ്രദ്ധി​ക്കു​ന്നു​വെ​ന്നും അദ്ദേഹം ചൂണ്ടി​ക്കാ​ട്ടി.

യഹോ​വ​യു​ടെ സാക്ഷികൾ പതാകയെ വന്ദിക്കാ​ത്ത​തി​ന്റെ തിരു​വെ​ഴു​ത്തു​പ​ര​മായ കാരണം അദ്ദേഹം വിശദീ​ക​രി​ച്ചു. പത്തു കൽപ്പനകൾ എന്നറി​യ​പ്പെ​ടുന്ന പുറപ്പാ​ടു 20:3-5 വാക്യ​ങ്ങ​ളി​ലാണ്‌ അതു കാണ​പ്പെ​ടു​ന്നത്‌: “ഞാനല്ലാ​തെ അന്യ​ദൈ​വങ്ങൾ നിനക്കു ഉണ്ടാക​രു​തു. ഒരു വിഗ്രഹം ഉണ്ടാക്ക​രു​തു; മീതെ സ്വർഗ്ഗ​ത്തിൽ എങ്കിലും താഴെ ഭൂമി​യിൽ എങ്കിലും ഭൂമിക്കു കീഴെ വെള്ളത്തിൽ എങ്കിലും ഉള്ള യാതൊ​ന്നി​ന്റെ പ്രതി​മ​യും അരുതു. അവയെ നമസ്‌ക​രി​ക്ക​യോ സേവി​ക്ക​യോ ചെയ്യരു​തു.”

യഹോ​വ​യു​ടെ സാക്ഷികൾ ദൈവത്തെ മാത്രമേ ആരാധി​ക്കൂ. യാതൊ​രു കാരണ​വ​ശാ​ലും അവർ ഒരു പ്രതി​മയെ ആരാധി​ക്കു​ക​യില്ല. എന്നിരു​ന്നാ​ലും, അവർ ഒരു ദേശീയ ചിഹ്നത്തിന്‌ എതിരെ അപമര്യാ​ദ​യാ​യി എന്തെങ്കി​ലും പറയു​ക​യോ പ്രവർത്തി​ക്കു​ക​യോ ചെയ്യു​ക​യില്ല.

ഇതു സംബന്ധി​ച്ചുള്ള യഹോ​വ​യു​ടെ സാക്ഷി​ക​ളു​ടെ വീക്ഷണ​ഗതി ഒന്നുകൂ​ടി വ്യക്തമാ​ക്കു​ന്ന​തി​നു പർപ്പിൾ ട്രയാം​ഗിൾസ്‌ എന്ന വീഡി​യോ പ്രദർശി​പ്പി​ക്ക​പ്പെട്ടു. നാസി ജർമനി​യിൽ (1933-45) യഹോ​വ​യു​ടെ സാക്ഷികൾ കൈ​ക്കൊണ്ട ഉറച്ച നിലപാ​ടാണ്‌ ഈ വീഡി​യോ​യു​ടെ ഇതിവൃ​ത്തം. നാസി ഭരണകാ​ലത്ത്‌ തങ്ങളുടെ മതവി​ശ്വാ​സ​ങ്ങൾക്കു വേണ്ടി അചഞ്ചല​മാ​യി നില​കൊണ്ട കുസ്സെ​റോ കുടും​ബ​ത്തി​ന്റെ അനുഭ​വകഥ അതിൽ അവതരി​പ്പി​ച്ചി​രി​ക്കു​ന്നു. b

അതിനു​ശേ​ഷം, യഹോ​വ​യു​ടെ സാക്ഷികൾ രക്തം സ്വീക​രി​ക്കാ​ത്ത​തി​ന്റെ തിരു​വെ​ഴു​ത്ത​ധി​ഷ്‌ഠിത കാരണങ്ങൾ നൽക​പ്പെ​ടു​ക​യു​ണ്ടാ​യി. (ഉല്‌പത്തി 9:3, 4; പ്രവൃ​ത്തി​കൾ 15:28, 29) ലോക​വ്യാ​പ​ക​മാ​യുള്ള ‘ആശുപ​ത്രി ഏകോപന സമിതി’യുടെ ക്രമീ​ക​ര​ണ​ത്തെ​ക്കു​റി​ച്ചും വിശദീ​ക​രി​ക്ക​പ്പെട്ടു. കൂടാതെ, സഹകരണ മനോ​ഭാ​വ​മുള്ള ഡോക്ടർമാർക്ക്‌ യഹോ​വ​യു​ടെ സാക്ഷി​ക​ളായ രോഗി​ക​ളിൽ വിജയ​പ്ര​ദ​മാ​യി നടത്താൻ കഴിഞ്ഞ രക്തരഹിത ശസ്‌ത്ര​ക്രി​യ​കളെ കുറി​ച്ചും അദ്ദേഹം എടുത്തു​പ​റഞ്ഞു.

സിമ്പോ​സി​യം നടന്ന ഓരോ ദിവസ​വും ഏകദേശം 100-ഓളം പേർ ഹാജരാ​യി​രു​ന്നു. അവരിൽ മിക്കവ​രും അഭിഭാ​ഷ​ക​രാ​യി​രു​ന്നു. ഹാജരാ​യി​രു​ന്ന​വ​രിൽ മെക്‌സി​ക്കോ​യി​ലെ മതകാ​ര്യാ​ദി​കൾക്കു​വേ​ണ്ടി​യുള്ള ഓഫീ​സിൽ നിന്നുള്ള പ്രതി​നി​ധി​ക​ളും ഉൾപ്പെ​ട്ടി​രു​ന്നു. മനഃസാ​ക്ഷി​പ​ര​മായ കാരണ​ങ്ങ​ളാൽ വിസമ്മതം പ്രകടി​പ്പി​ക്കാ​നുള്ള അവകാ​ശത്തെ ആദരി​ക്കു​ന്നതു സംബന്ധിച്ച വിദഗ്‌ധ​രു​ടെ കാഴ്‌ച​പ്പാട്‌ മനസ്സി​ലാ​ക്കാൻ ഹാജരാ​യി​രു​ന്ന​വർക്കു കഴിഞ്ഞു. ഫ്രാൻസ്‌, പോർച്ചു​ഗൽ, സ്‌പെ​യിൻ, ഐക്യ​നാ​ടു​കൾ തുടങ്ങി അനേകം ജനാധി​പത്യ രാഷ്‌ട്ര​ങ്ങ​ളി​ലും അതു​പോ​ലെ​തന്നെ ചെക്കിയ, സ്ലൊവാ​ക്യ പോലുള്ള ചില മുൻ കമ്മ്യൂ​ണിസ്റ്റ്‌ രാജ്യ​ങ്ങ​ളി​ലും ഇതു പരക്കെ അംഗീ​ക​രി​ക്ക​പ്പെ​ട്ടി​രി​ക്കു​ന്നു​വെങ്കി​ലും മെക്‌സി​ക്കൻ നിയമ​നിർമാ​ണ​സ​ഭ​യി​ലെ അംഗങ്ങൾക്ക്‌ ഇതു തികച്ചും പുതിയ ഒരു ആശയമാണ്‌.

[അടിക്കു​റി​പ്പു​കൾ]

[21-ാം പേജിലെ ചിത്രം]

മെക്‌സിക്കോയിലെ യഹോ​വ​യു​ടെ സാക്ഷികൾ പ്രസം​ഗി​ക്കാ​നുള്ള തങ്ങളുടെ സ്വാത​ന്ത്ര്യ​ത്തെ മൂല്യ​വ​ത്താ​യി കരുതു​ന്നു