യുവജ​നങ്ങൾ ചോദി​ക്കു​ന്നു . . .

ശരീരം കുത്തി​ത്തു​ള​യ്‌ക്കു​ന്ന​തിൽ എന്തെങ്കി​ലും പ്രശ്‌ന​മു​ണ്ടോ?

‘ആളുകൾ ചുണ്ടു​ക​ളും മറ്റു ശരീര ഭാഗങ്ങ​ളും കുത്തി​ത്തു​ള​ച്ചി​രി​ക്കു​ന്നതു കണ്ടപ്പോൾ ഞാൻ വിചാ​രി​ച്ചു, “ഹയ്യട, അതു കൊള്ളാ​മ​ല്ലോ!”’—ലിസ.

ഇക്കാര്യ​ത്തിൽ ലിസ ഒറ്റയ്‌ക്കല്ല. പുരികം, നാക്ക്‌, ചുണ്ട്‌, പൊക്കിൾ തുടങ്ങിയ ശരീര​ഭാ​ഗങ്ങൾ കുത്തി​ത്തു​ളച്ച്‌ വളയങ്ങ​ളും കടുക്ക​നു​ക​ളും ഇടുന്ന യുവജ​ന​ങ്ങ​ളു​ടെ എണ്ണം വർധി​ച്ചു​വ​രു​ക​യാണ്‌. a

16-കാരി ഹെതറി​നെ​യും ഈ ഭ്രമം പിടി​കൂ​ടി​യി​ട്ടുണ്ട്‌. പൊക്കി​ളിൽ ഒരു വളയമി​ട്ടാൽ “അത്‌ സൂപ്പറാ​യി​രി​ക്കും” എന്നാണ്‌ അവൾ കരുതു​ന്നത്‌. 19 വയസ്സുള്ള ജോ, നാക്കു തുളച്ച്‌ ഒരു സ്വർണ​ക്കമ്പി ഇട്ടിരി​ക്കു​ന്നു. “ആളുകൾ കണ്ടു ഞെട്ടി​ത്ത​രി​ക്കുന്ന എന്തെങ്കി​ലും” ചെയ്യാ​നുള്ള ആഗ്രഹം കൊണ്ടാണ്‌ ഒരു പെൺകു​ട്ടി പുരികം കുത്തി​ത്തു​ള​ച്ചത്‌.

ശരീരം കുത്തി​ത്തു​ളച്ച്‌ ആഭരണ​മ​ണി​യുന്ന ഈ രീതി പണ്ടേ ഉള്ളതാണ്‌. ബൈബിൾ കാലങ്ങ​ളിൽ ദൈവ​ഭ​ക്ത​യായ റിബെക്കാ മൂക്കുത്തി ഇട്ടിരു​ന്നു. (ഉല്‌പത്തി 24:22, 47) ഈജി​പ്‌തിൽ നിന്നു പോന്ന ഇസ്രാ​യേ​ല്യർ കാതിൽ പൊൻകു​ണുക്ക്‌ അണിഞ്ഞി​രു​ന്നു. (പുറപ്പാ​ടു 32:2) അത്തരം ആഭരണങ്ങൾ അണിയാൻ അവർ കാതും മൂക്കും കുത്തി​ത്തു​ള​ച്ചി​രു​ന്നോ എന്നു വ്യക്തമല്ല. യജമാ​ന​ന്മാ​രോ​ടുള്ള വിശ്വ​സ്‌ത​ത​യു​ടെ പ്രതീ​ക​മാ​യി വിശ്വസ്‌ത ദാസന്മാ​രു​ടെ കാതു കുത്തി​യി​രു​ന്നു. (പുറപ്പാ​ടു 21:6) വേറെ ചില പ്രാചീന സംസ്‌കാ​ര​ങ്ങ​ളി​ലും ശരീരം കുത്തി​ത്തു​ള​യ്‌ക്കുന്ന രീതി നിലവി​ലു​ണ്ടാ​യി​രു​ന്നു. ആസ്‌റ്റെ​ക്കു​കാ​രും മയ്യകളും മതപര​മായ കാരണ​ങ്ങ​ളാൽ നാക്കു കുത്തി​ത്തു​ള​ച്ചി​രു​ന്നു. ചുണ്ട്‌ കുത്തി​ത്തു​ള​യ്‌ക്കുന്ന രീതി ആഫ്രി​ക്ക​യി​ലും ദക്ഷിണ അമേരി​ക്കൻ ഇന്ത്യക്കാ​രി​ലും ഇപ്പോ​ഴും വ്യാപ​ക​മാ​യി കാണ​പ്പെ​ടു​ന്നു. മൂക്കു തുളച്ച്‌ അലങ്കാര വസ്‌തു​ക്ക​ളി​ടുന്ന രീതി മലനേ​ഷ്യ​ക്കാ​രു​ടെ​യും ഇന്ത്യക്കാ​രു​ടെ​യും പാകി​സ്ഥാ​നി​ക​ളു​ടെ​യും ഇടയിൽ സാധാ​ര​ണ​മാണ്‌.

പാശ്ചാ​ത്യ​ലോ​കത്ത്‌ അടുത്ത കാലം വരെ കാതുകൾ മാത്രം കുത്തുന്ന സമ്പ്രദാ​യമേ ഉണ്ടായി​രു​ന്നു​ള്ളൂ, അതും സ്‌ത്രീ​ക​ളു​ടെ കാതുകൾ. എന്നാൽ, ഇപ്പോൾ ലിംഗ​ഭേ​ദ​മി​ല്ലാ​തെ കൗമാ​ര​പ്രാ​യ​ക്കാ​രും യുവ​പ്രാ​യ​ക്കാ​രും ഏതെല്ലാം ശരീര ഭാഗങ്ങൾ കുത്തി​ത്തു​ള​യ്‌ക്കാ​മോ അവി​ടെ​യെ​ല്ലാം കുത്തി​ത്തു​ളച്ച്‌ ആഭരണങ്ങൾ അണിയു​ന്നു.

കുത്തി​ത്തു​ള​യ്‌ക്കു​ന്ന​തി​ന്റെ കാരണം

പുതു​പു​ത്തൻ ഫാഷനാ​ണെന്നു കരുതി​യാ​ണു പലരും ശരീരം കുത്തി​ത്തു​ള​യ്‌ക്കു​ന്നത്‌. അഴകു വർധി​പ്പി​ക്കും എന്ന ചിന്തയാ​ണു വേറെ ചിലരെ അതിനു പ്രേരി​പ്പി​ക്കു​ന്നത്‌. ഒന്നാം​കിട മോഡ​ലു​ക​ളും സ്‌പോർട്‌സ്‌ താരങ്ങ​ളും പ്രശസ്‌ത സംഗീ​ത​ജ്ഞ​രു​മൊ​ക്കെ അപ്രകാ​രം ചെയ്യുന്നു എന്നത്‌ ഈ ഭ്രമം വർധി​ക്കാൻ ഇടയാ​ക്കി​യി​രി​ക്കു​ന്നു. ചില യുവജ​ന​ങ്ങളെ സംബന്ധി​ച്ചി​ട​ത്തോ​ളം, ശരീരം കുത്തി​ത്തു​ള​യ്‌ക്കു​ന്നതു സ്വാത​ന്ത്ര്യ​ത്തി​ന്റെ ചിഹ്നവും വ്യക്തി​മു​ദ്ര പതിപ്പി​ക്കാ​നുള്ള ഒരു മാർഗ​വു​മാണ്‌. തങ്ങൾ മറ്റുള്ള​വ​രിൽ നിന്നു വ്യത്യ​സ്‌ത​രാണ്‌ എന്നു കാണി​ക്കാൻ പറ്റിയ ഒരു വിധമാ​യി അവർ അതിനെ കരുതു​ന്നു. “അടിക്കടി ശരീര​ഭാ​ഗങ്ങൾ കുത്തി​ത്തു​ള​യ്‌ക്കു​ന്ന​തി​ന്റെ പിന്നിലെ ഒരു പ്രധാന ഉദ്ദേശ്യം മാതാ​പി​താ​ക്കളെ പ്രകോ​പി​പ്പി​ക്കു​ക​യും ഇടത്തര​ക്കാ​രെ ഞെട്ടി​പ്പി​ക്കു​ക​യു​മാ​ണെന്നു തോന്നു​ന്നു” എന്ന്‌  പംക്തി​യെ​ഴു​ത്തു​കാ​ര​നായ ജോൺ ലിയോ അഭി​പ്രാ​യ​പ്പെ​ടു​ന്നു. അസംതൃ​പ്‌തി, പൊരു​ത്ത​ക്കേട്‌, ധിക്കാ​ര​ഭാ​വം, മത്സരബു​ദ്ധി എന്നീ സ്വഭാവ വൈക​ല്യ​ങ്ങ​ളാ​കാം അവർക്ക്‌ അതിനു പ്രചോ​ദ​ന​മേ​കു​ന്നത്‌.

ആഴമേ​റി​യ മാനസിക, വൈകാ​രിക ആവശ്യ​ങ്ങളെ തൃപ്‌തി​പ്പെ​ടു​ത്തു​ന്ന​തി​നു വേണ്ടി​യും ശരീരം കുത്തി​ത്തു​ള​യ്‌ക്കു​ന്ന​വ​രുണ്ട്‌. ദൃഷ്ടാ​ന്ത​ത്തിന്‌, അപ്രകാ​രം ചെയ്യു​ന്നത്‌ ആത്മാഭി​മാ​നം വളർത്തി​യെ​ടു​ക്കാൻ തങ്ങളെ സഹായി​ക്കു​മെന്നു ചില യുവജ​നങ്ങൾ കരുതു​ന്നു. ശിശു​ദ്രോ​ഹ​ത്തിന്‌ ഇരയാ​യി​ട്ടുള്ള ചിലർ തങ്ങളുടെ ശരീര​ത്തി​ന്റെ പൂർണ നിയ​ന്ത്രണം സ്വന്തം കയ്യിലാ​ണെന്നു കാണി​ക്കാ​നുള്ള ഒരു മാർഗ​മാ​യി അതിനെ കാണുന്നു.

കുത്തി​ത്തു​ള​യ്‌ക്കൽ കൊണ്ടുള്ള പ്രശ്‌ന​ങ്ങൾ

ഇങ്ങനെ ശരീരം കുത്തി​ത്തു​ള​യ്‌ക്കു​ന്നതു സുരക്ഷി​ത​മാ​ണോ? ചില രീതികൾ തെല്ലും സുരക്ഷി​തമല്ല എന്നു പല ഡോക്‌ടർമാ​രും പറയുന്നു. അതു സ്വയം ചെയ്യു​ന്നതു തീർച്ച​യാ​യും അപകട​ക​ര​മാണ്‌. ശരീരം കുത്തി​ത്തു​ള​യ്‌ക്കുന്ന ‘വിദഗ്‌ധരെ’ ആശ്രയി​ക്കു​ന്ന​തി​ലു​മുണ്ട്‌ അതി​ന്റേ​തായ പ്രശ്‌നങ്ങൾ. പലരും വേണ്ടത്ര പരിശീ​ലനം സിദ്ധി​ച്ചി​ട്ടി​ല്ലാ​ത്ത​വ​രാണ്‌, സുഹൃ​ത്തു​ക്ക​ളിൽ നിന്നോ മാസി​കകൾ, വീഡി​യോ​കൾ എന്നിവ​യിൽ നിന്നോ ഒക്കെയാണ്‌ അവർ അതു പഠിച്ചി​രി​ക്കു​ന്നത്‌. തത്‌ഫ​ല​മാ​യി, അവർ ശുചി​ത്വ​രീ​തി​ക​ളൊ​ന്നും പിൻപ​റ്റു​ന്നു​ണ്ടാ​വില്ല. ഇങ്ങനെ കുത്തി​ത്തു​ള​യ്‌ക്കു​ന്ന​തി​ന്റെ അപായ​ങ്ങളെ കുറി​ച്ചും പലർക്കും അറിയില്ല. ശരീര​ഘ​ട​നയെ കുറിച്ചു പോലും യാതൊ​രു അറിവും ഇല്ലാത്ത​വ​രാ​ണു പലരും എന്നതാണു വസ്‌തുത. ഇതത്ര നിസ്സാ​രമല്ല. കാരണം, ചില ശരീര​ഭാ​ഗങ്ങൾ കുത്തി​ത്തു​ള​യ്‌ക്കു​ന്നത്‌ അമിത​മായ രക്തവാർച്ച​യ്‌ക്ക്‌ ഇടവരു​ത്തും. ഞരമ്പി​ലാ​ണു കുത്തു​ന്ന​തെ​ങ്കിൽ സ്ഥായി​യായ ക്ഷതം പോലും സംഭവി​ച്ചേ​ക്കാം.

അണുബാ​ധ​യാ​ണു മറ്റൊരു പ്രശ്‌നം. അണുവി​മു​ക്ത​മാ​ക്കാത്ത ഉപകര​ണങ്ങൾ കരൾവീ​ക്കം, എയ്‌ഡ്‌സ്‌, ക്ഷയം, ടെറ്റനസ്‌ എന്നിങ്ങ​നെ​യുള്ള മാരക​മായ രോഗങ്ങൾ പകരാൻ ഇടവരു​ത്തു​ന്നു. ഉപകര​ണങ്ങൾ അണുവി​മു​ക്ത​മാ​ക്കി​യവ ആണെങ്കിൽ പോലും കുത്തി​ത്തു​ളച്ച ശരീര ഭാഗത്തി​നു പരിച​രണം ആവശ്യ​മാണ്‌. ഉദാഹ​ര​ണ​ത്തിന്‌, പൊക്കി​ളി​ന്റെ കാര്യ​മെ​ടു​ക്കാം. വസ്‌ത്രങ്ങൾ ഉരസു​ന്ന​തി​ന്റെ ഫലമായി, കുത്തി​ത്തു​ള​യ്‌ക്ക​ലി​നെ തുടർന്ന്‌ അവിടം ചൊറി​ഞ്ഞു പൊട്ടു​ന്നു. അതു ഭേദമാ​കാൻ ചില​പ്പോൾ എട്ടൊ​മ്പതു മാസം വരെ വേണ്ടി​വ​രും.

ഒരുവന്റെ മൂക്കി​ന്റെ​യോ കാതി​ന്റെ​യോ തരുണാ​സ്ഥി കുത്തി​ത്തു​ള​യ്‌ക്കു​ന്നത്‌ കാതു കുത്തു​ന്ന​തി​നെ​ക്കാൾ അപകട​ക​ര​മാണ്‌ എന്നു ഡോക്‌ടർമാർ പറയുന്നു. അമേരി​ക്കൻ അക്കാഡമി ഓഫ്‌ ഫേഷ്യൽ പ്ലാസ്റ്റിക്‌ ആൻഡ്‌ റീക്കൺസ്‌ട്ര​ക്‌ടീവ്‌ സർജറി​യു​ടെ ഒരു വാർത്താ​പ​ത്രിക ഇങ്ങനെ വിശദീ​ക​രി​ക്കു​ന്നു: “മേൽക്കാത്‌ പല തവണ കുത്തി​ത്തു​ള​യ്‌ക്കു​ന്നത്‌ ആശങ്കയ്‌ക്ക്‌ ഇടവരു​ത്തു​ന്നു. ഗുരു​ത​ര​മായ അണുബാധ നിമിത്തം മേൽക്കാ​തു പൂർണ​മാ​യി നഷ്ടപ്പെ​ടാൻ ഇടയാ​യേ​ക്കാം. മൂക്കു കുത്തി​ത്തു​ളച്ച്‌ ആഭരണ​ങ്ങ​ളി​ടു​ന്ന​തും അപകട​ക​ര​മാണ്‌. ഈ ഭാഗത്തു​ണ്ടാ​കുന്ന അണുബാധ രക്തധമ​നി​കളെ ബാധി​ക്കു​ക​യും സാവധാ​നം തലച്ചോ​റി​ലേക്കു വ്യാപി​ക്കു​ക​യും ചെയ്‌തേ​ക്കാം.” ആ പത്രിക ഇങ്ങനെ പറയുന്നു: “കർശന​മാ​യി പറഞ്ഞാൽ കീഴ്‌ക്കാ​തു മാത്രമേ [കുത്തി​ത്തു​ള​യ്‌ക്കാൻ] പാടുള്ളൂ.”

ആഭരണ​ങ്ങ​ളും മറ്റും ധരിക്കു​ന്നതു മൂലമു​ണ്ടാ​കുന്ന അലർജി​ക​ളും വിരൂപത ഉളവാ​ക്കുന്ന പാടു​ക​ളു​മാണ്‌ അതു​കൊ​ണ്ടുള്ള മറ്റു പ്രശ്‌നങ്ങൾ. സ്‌തനം പോലുള്ള  മൃദു​ല​മായ ഭാഗങ്ങൾ തുളച്ച്‌ വളയങ്ങൾ ഇടുന്നത്‌ അവ വസ്‌ത്ര​ങ്ങ​ളിൽ ഉടക്കു​ന്ന​തി​നും അങ്ങനെ ആ ഭാഗം വലിഞ്ഞു കീറു​ന്ന​തി​നും ഇടയാ​ക്കി​യേ​ക്കാം. ഒരു പെൺകു​ട്ടി​യു​ടെ സ്‌തനം കുത്തി​ത്തു​ള​യ്‌ക്കു​മ്പോൾ രൂപം കൊള്ളുന്ന കലകൾ നിമിത്തം മുലപ്പാൽ വഹിക്കുന്ന നാളികൾ അടഞ്ഞു പോ​യേ​ക്കാം. ചികി​ത്സി​ക്കാ​തി​രു​ന്നാൽ ഭാവി​യിൽ അവൾക്കു മുലയൂ​ട്ടാൻ കഴിയാ​താ​കും.

ശരീരം കുത്തി​ത്തു​ള​യ്‌ക്കു​ന്നത്‌ ഒരു പൊതു​ജ​നാ​രോ​ഗ്യ പ്രശ്‌ന​മാ​ണെന്ന്‌ ‘അമേരി​ക്കൻ ദന്ത സമിതി’ ഈയിടെ പ്രസ്‌താ​വി​ച്ചു. വായിലെ ഏതെങ്കി​ലും ഭാഗം കുത്തി​ത്തു​ള​യ്‌ക്കു​ന്ന​തു​കൊ​ണ്ടു പിൻവ​രുന്ന അപകട​ങ്ങ​ളും ഉണ്ടാകു​ന്നു: ആഭരണങ്ങൾ തൊണ്ട​യിൽ കുടു​ങ്ങു​ന്ന​തി​ന്റെ ഫലമായി ശ്വാസ​ത​ടസ്സം അനുഭ​വ​പ്പെ​ടു​ന്നു, നാക്കിനു മരവിപ്പു തോന്നു​ക​യും രുചി അറിയാ​നുള്ള പ്രാപ്‌തി നഷ്ടപ്പെ​ടു​ക​യും ചെയ്യുന്നു, ദീർഘ​നേരം രക്തവാർച്ച ഉണ്ടാകു​ന്നു, പല്ലുകൾ പൊട്ടു​ക​യോ ഇളകു​ക​യോ ചെയ്യുന്നു, ഉമിനീർ സ്രാവം വർധി​ക്കു​ന്നു, നിയ​ന്ത്ര​ണാ​തീ​ത​മാ​യി തുപ്പ​ലൊ​ഴു​കു​ന്നു, മോണ​യ്‌ക്കു ക്ഷതം സംഭവി​ക്കു​ന്നു, സംസാര വൈക​ല്യം ഉണ്ടാകു​ന്നു, ശ്വസി​ക്കാ​നും ചവയ്‌ക്കാ​നും ഭക്ഷണം ഇറക്കാ​നും ബുദ്ധി​മുട്ട്‌ അനുഭ​വ​പ്പെ​ടു​ന്നു. കെൻഡ്ര എന്ന ഒരു പെൺകു​ട്ടി​യു​ടെ നാക്കു കുത്തി​ത്തു​ള​ച്ച​പ്പോൾ അത്‌ “ബലൂൺ പോലെ വീർത്തു.” കുത്തി​ത്തു​ള​ച്ച​യാൾ താടി​യിൽ ഇടാനുള്ള ആഭരണം ഉപയോ​ഗി​ച്ചതു പ്രശ്‌നം ഒന്നുകൂ​ടെ വഷളാക്കി. അത്‌ അവളുടെ നാക്കിൽ കുത്തി​യി​റങ്ങി താഴെ​യുള്ള കലകളെ നശിപ്പി​ച്ചു. കെൻഡ്ര​യ്‌ക്കു സംസാ​ര​പ്രാ​പ്‌തി നഷ്ടപ്പെ​ടു​മെന്ന നിലവ​രെ​യെത്തി കാര്യങ്ങൾ.

ശരീര​ത്തോട്‌ ആദരവു കാട്ടാ​നും സ്വയം​കൃത അംഗ​ച്ഛേദം ഒഴിവാ​ക്കാ​നും ദൈവം തന്റെ ജനത്തോ​ടു കൽപ്പി​ച്ചി​രു​ന്നു. (ലേവ്യ​പു​സ്‌തകം 19:28; 21:5; ആവർത്ത​ന​പു​സ്‌തകം 14:1) ക്രിസ്‌ത്യാ​നി​കൾ ഇന്നു മോ​ശൈക ന്യായ​പ്ര​മാ​ണ​ത്തിൻ കീഴി​ല​ല്ലെ​ങ്കി​ലും തങ്ങളുടെ ശരീരത്തെ ആദര​വോ​ടെ വീക്ഷി​ക്കാൻ അവർ പ്രോ​ത്സാ​ഹി​പ്പി​ക്ക​പ്പെ​ടു​ന്നു. (റോമർ 12:1) ആ സ്ഥിതിക്ക്‌, അനാവശ്യ അപകടങ്ങൾ ഒഴിവാ​ക്കു​ന്നത്‌ ഉചിത​മാ​ണെന്നു തോന്നു​ന്നി​ല്ലേ? എന്താ​ണെ​ങ്കി​ലും, ആരോ​ഗ്യ​പ​ര​മായ കാരണ​ങ്ങൾക്കു പുറമേ വേറെ​യും ചില കാര്യങ്ങൾ ഇതി​നോ​ടുള്ള ബന്ധത്തിൽ പരിചി​ന്തി​ക്കേ​ണ്ട​തുണ്ട്‌.

എന്തു സന്ദേശ​മാണ്‌ അതു കൈമാ​റു​ന്നത്‌?

ശരീരം കുത്തി​ത്തു​ള​യ്‌ക്കു​ന്ന​തി​നെ കുറിച്ച്‌ ബൈബിൾ സുനി​ശ്ചി​ത​മായ ഒരു കൽപ്പന നൽകു​ന്നില്ല. എങ്കിലും, “ലജ്ജാശീ​ല​ത്തോ​ടും [“എളിമ​യോ​ടും,” NW] സുബോ​ധ​ത്തോ​ടും​കൂ​ടെ” നമ്മെത്തന്നെ അലങ്കരി​ക്കാൻ അതു നമ്മെ പ്രോ​ത്സാ​ഹി​പ്പി​ക്കു​ന്നു. (1 തിമൊ​ഥെ​യൊസ്‌ 2:9) ലോക​ത്തി​ന്റെ ഒരു ഭാഗത്ത്‌ ഒരു സംഗതി ചെയ്യു​ന്നതു സർവസാ​ധാ​രണം ആയിരു​ന്നേ​ക്കാം. എന്നാൽ, ആ സംഗതി​യെ നിങ്ങളു​ടെ പ്രദേ​ശത്ത്‌ എങ്ങനെ വീക്ഷി​ക്കു​ന്നു എന്നതാണ്‌ യഥാർഥ​ത്തിൽ പ്രാധാ​ന്യ​മർഹി​ക്കു​ന്നത്‌. ഉദാഹ​ര​ണ​ത്തിന്‌, സ്‌ത്രീ​ക​ളു​ടെ കാതു കുത്തു​ന്നതു ചില പ്രദേ​ശ​ങ്ങ​ളിൽ സ്വീകാ​ര്യ​മാ​യി കരുത​പ്പെ​ടു​മ്പോൾ, മറ്റൊരു രാജ്യ​ത്തോ സംസ്‌കാ​ര​ത്തി​ലോ ഉള്ള ആളുകൾക്ക്‌ അത്‌ അരോ​ച​ക​മാ​യി​രി​ക്കാം.

തന്നിമി​ത്തം, പ്രശസ്‌ത​രായ പലരും ശരീരം കുത്തി​ത്തു​ള​യ്‌ക്കു​ക​യും കമ്മലണി​യു​ക​യും ചെയ്‌തി​ട്ടും പാശ്ചാത്യ നാടു​ക​ളിൽ അതിനു കാര്യ​മായ അംഗീ​കാ​രം ലഭിച്ചി​ട്ടില്ല. തടവു​പു​ള്ളി​ക​ളും മോ​ട്ടോർ​സൈ​ക്കിൾ റൗഡി​സം​ഘ​ങ്ങ​ളും സാമൂ​ഹിക വിരുദ്ധ സംഗീത സംഘങ്ങ​ളും സ്വവർഗ​സം​ഭോ​ഗി​ക​ളും മറ്റും ദീർഘ​കാ​ല​മാ​യി തങ്ങളുടെ മുഖമു​ദ്ര​യെ​ന്നോ​ണം ആ രീതി പിൻപ​റ്റി​യി​രി​ക്കു​ന്ന​താ​കാം അതിന്‌ ഒരു കാരണം. അനേക​രു​ടെ​യും വീക്ഷണ​ത്തിൽ, ശരീരം കുത്തി​ത്തു​ള​യ്‌ക്കു​ന്നതു ധിക്കാ​ര​ത്തി​ന്റെ​യും മത്സരത്തി​ന്റെ​യും അടയാ​ള​മാണ്‌. പലരും അതിനെ ഞെട്ടി​പ്പി​ക്കു​ന്ന​തും വെറു​പ്പു​ള​വാ​ക്കു​ന്ന​തു​മാ​യി വീക്ഷി​ക്കു​ന്നു. അഷ്‌ലി എന്ന ഒരു ക്രിസ്‌തീയ പെൺകു​ട്ടി പറയുന്നു: “എന്റെ ക്ലാസ്സി​ലുള്ള ഒരു പയ്യൻ മൂക്കു കുത്തി​ത്തു​ള​ച്ചത്‌ ഈയി​ടെ​യാണ്‌. അവന്റെ ഭാവം കണ്ടാൽ എന്തോ ആനക്കാ​ര്യം സാധി​ച്ച​തു​പോ​ലുണ്ട്‌. എന്നാൽ, എനിക്കതു കാണു​മ്പോൾ അറപ്പാണു തോന്നു​ന്നത്‌!”

ആ സ്ഥിതിക്ക്‌, അമേരി​ക്ക​യി​ലെ പ്രശസ്‌ത​മായ ഒരു കട, ഉപഭോ​ക്താ​ക്ക​ളു​മാ​യി നേരിട്ട്‌ ഇടപെ​ടേണ്ട ജീവന​ക്കാർ കാതിൽ ഒരു കമ്മൽ മാത്രമേ അണിയാ​വൂ എന്നും മറ്റൊരു ശരീര​ഭാ​ഗ​വും കുത്തി​ത്തു​ള​യ്‌ക്കാൻ പാടി​ല്ലെ​ന്നു​മുള്ള നിയമം വെച്ചി​രി​ക്കു​ന്ന​തിൽ തെല്ലും അതിശ​യി​ക്കാ​നില്ല. “ആളുകൾ [അതി​നോട്‌] എങ്ങനെ പ്രതി​ക​രി​ച്ചേ​ക്കും എന്നു പറയാ​നാ​വില്ല,” കമ്പനി​യു​ടെ ഒരു വക്താവ്‌ പറയുന്നു. അതു​പോ​ലെ, കോ​ളെ​ജിൽ പഠിക്കുന്ന ആൺകു​ട്ടി​കൾ ജോലി​ക്കാ​യി അപേക്ഷി​ക്കു​മ്പോൾ, “കമ്മലോ ശരീരം കുത്തി​ത്തു​ളച്ച്‌ മറ്റെ​ന്തെ​ങ്കി​ലും ആഭരണ​ങ്ങ​ളോ അണിയ​രുത്‌” എന്നും “പെൺകു​ട്ടി​കൾ മൂക്കുത്തി അണിയ​രുത്‌” എന്നും തൊഴി​ലു​പ​ദേ​ഷ്ടാ​ക്കൾ നിർദേ​ശി​ക്കു​ന്നു.

തങ്ങളെ കുറിച്ചു മറ്റുള്ള​വർക്കു മതിപ്പു തോന്നുന്ന വിധത്തിൽ പ്രവർത്തി​ക്കാൻ യുവ ക്രിസ്‌ത്യാ​നി​കൾ പ്രത്യേ​കം ശ്രദ്ധയു​ള്ളവർ ആയിരി​ക്കണം, വിശേ​ഷി​ച്ചും സുവി​ശേഷ പ്രവർത്ത​ന​ത്തിൽ ഏർപ്പെ​ടു​മ്പോൾ. തങ്ങളുടെ ‘ശുശ്രൂ​ഷെക്കു ആക്ഷേപം വരാതി​രി​ക്കേ​ണ്ട​തി​ന്നു ഒന്നിലും ഇടർച്ചെക്കു ഹേതു കൊടു​ക്കാ’തിരി​ക്കാൻ അവർ ആഗ്രഹി​ക്കും. (2 കൊരി​ന്ത്യർ 6:3, 4) ശരീരം കുത്തി​ത്തു​ള​യ്‌ക്കു​ന്ന​തി​നെ കുറിച്ചു നിങ്ങളു​ടെ വ്യക്തി​പ​ര​മായ അഭി​പ്രാ​യം എന്തുതന്നെ ആയിരു​ന്നാ​ലും, നിങ്ങളു​ടെ വേഷഭൂ​ഷാ​ദി​കൾ നിങ്ങളു​ടെ മനോ​നി​ല​യെ​യും ജീവി​ത​രീ​തി​യെ​യും കുറിച്ചു വസ്‌തു​നി​ഷ്‌ഠ​മാ​യി പ്രസ്‌താ​വി​ക്കു​ന്നു. ഏതു രീതി​യി​ലുള്ള പ്രസ്‌താ​വ​ന​യാ​ണു നിങ്ങൾ ആഗ്രഹി​ക്കു​ന്നത്‌?

ഇക്കാര്യ​ത്തിൽ എന്തു ചെയ്യണം എന്ന്‌ അന്തിമ​മാ​യി തീരു​മാ​നി​ക്കേ​ണ്ടതു നിങ്ങൾ—ഒപ്പം നിങ്ങളു​ടെ മാതാ​പി​താ​ക്ക​ളും—ആണ്‌. “ലോകം നിങ്ങളെ അതിന്റെ മൂശയി​ലേക്കു തള്ളിക്ക​യ​റ്റാൻ അനുവ​ദി​ക്കാ​തി​രി​ക്കുക” എന്നു ജ്ഞാനപൂർവം ബൈബിൾ ബുദ്ധി​യു​പ​ദേ​ശി​ക്കു​ന്നു. (റോമർ 12:2, ഫിലി​പ്‌സ്‌) എന്തൊ​ക്കെ​യാ​യാ​ലും, അതിന്റെ ഭവിഷ്യ​ത്തും പേറി ജീവി​ക്കേണ്ടി വരുന്നതു നിങ്ങൾത​ന്നെ​യാ​ണ​ല്ലോ.

[അടിക്കു​റിപ്പ്‌]

[12-ാം പേജിലെ ചിത്രങ്ങൾ]

ശരീരം കുത്തി​ത്തു​ള​യ്‌ക്കൽ യുവജ​ന​ങ്ങ​ളു​ടെ ഇടയിൽ പ്രചു​ര​പ്ര​ചാ​രം നേടി​യി​രി​ക്കു​ന്നു