ബൈബി​ളി​ന്റെ വീക്ഷണം

നിരാ​ശയെ തരണം ചെയ്യാൻ കഴിയുന്ന വിധം

കുറ​ച്ചൊ​ക്കെ നിരാശ തോന്നാ​ത്ത​വ​രാ​യി ആരും തന്നെ ഉണ്ടാവില്ല. എന്നാൽ ചിലരെ സംബന്ധി​ച്ചി​ട​ത്തോ​ളം, ജീവി​ച്ചി​രി​ക്കു​ന്ന​തി​നെ​ക്കാൾ ഭേദം മരിക്കു​ന്ന​താ​ണെന്നു തോന്നുന്ന ഘട്ടത്തോ​ളം രൂക്ഷമാ​യി​ത്തീ​രു​ന്നു നിരാശ.

ദൈവ​ത്തി​ന്റെ വിശ്വസ്‌ത ദാസന്മാർ പോലും നിരാ​ശ​യ്‌ക്ക്‌ ഇടയാ​ക്കുന്ന പ്രശ്‌ന​ങ്ങ​ളിൽ നിന്നും സമ്മർദ​ങ്ങ​ളിൽ നിന്നും ഒഴിവു​ള്ള​വ​ര​ല്ലെന്നു ബൈബിൾ പ്രകട​മാ​ക്കു​ന്നു. ദൃഷ്ടാ​ന്ത​ത്തിന്‌, ഏലീയാ​വി​ന്റെ​യും ഇയ്യോ​ബി​ന്റെ​യും കാര്യം ചിന്തി​ക്കുക. ഇരുവ​രും ദൈവ​വു​മാ​യി ഒരു നല്ല ബന്ധം ആസ്വദി​ച്ചി​രു​ന്നു. എന്നിട്ടും, ദുഷ്ടരാ​ജ്ഞി​യായ ഈസേ​ബെ​ലി​ന്റെ അടുത്തു​നി​ന്നു പ്രാണ​ര​ക്ഷാർഥം ഒളി​ച്ചോ​ടിയ ശേഷം ഏലീയാവ്‌ “മരിപ്പാൻ ഇച്ഛിച്ചു.” (1 രാജാ​ക്ക​ന്മാർ 19:1-4) നീതി​മാ​നായ ഇയ്യോ​ബി​നാ​കട്ടെ അറപ്പു​ള​വാ​ക്കുന്ന രോഗ​വും തന്റെ പത്തു മക്കളുടെ മരണവും ഉൾപ്പെടെ ദുരന്ത​ങ്ങ​ളു​ടെ ഒരു പരമ്പര​തന്നെ ഉണ്ടായി. (ഇയ്യോബ്‌ 1:13-19; 2:7, 8) നിരാശ നിമിത്തം അവൻ ഇങ്ങനെ പ്രസ്‌താ​വി​ച്ചു: “എന്റെ വേദന​യെ​ക്കാൾ മരണമാ​ണു ഭേദം.” (ഇയ്യോബ്‌ 7:15, ഓശാന ബൈബിൾ) വിശ്വ​സ്‌ത​രായ ഈ ദൈവ​ദാ​സ​ന്മാർക്കു കടുത്ത മനോ​വി​ഷമം അനുഭ​വ​പ്പെ​ട്ടെന്നു വ്യക്തം.

ഇന്ന്‌, വേദനാ​ജ​ന​ക​മായ വാർധക്യ പ്രശ്‌നങ്ങൾ, വിവാഹ പങ്കാളി​യു​ടെ മരണം, കടുത്ത സാമ്പത്തിക വൈഷ​മ്യ​ങ്ങൾ എന്നിവ ചിലരെ നിരാ​ശ​രാ​ക്കി​യേ​ക്കാം. ഇനിയും, നിരന്തര സമ്മർദം, വേദനാ​പൂർണ​മായ അനുഭ​വ​ങ്ങ​ളു​ടെ നൊമ്പ​ര​പ്പെ​ടു​ത്തുന്ന ഓർമകൾ, കുടുംബ പ്രശ്‌നങ്ങൾ എന്നിവ മറ്റു ചിലരിൽ നടുക്ക​ട​ലിൽ അകപ്പെ​ട്ടു​പോ​യി​രി​ക്കു​ന്നതു പോ​ലെ​യുള്ള ഒരു തോന്നൽ ഉളവാ​ക്കി​യി​രി​ക്കു​ന്നു. ഒരു വ്യക്തി ഇങ്ങനെ പറഞ്ഞു: “താൻ വില​കെ​ട്ട​വ​നാ​ണെന്ന്‌, താൻ മരിച്ചാ​ലും ആർക്കും ഒരു നഷ്ടവു​മി​ല്ലെ​ന്നും മറ്റും ഒരുവനു തോന്നു​ന്നു. ചില​പ്പോ​ഴൊ​ക്കെ താങ്ങാ​നാ​വാ​ത്തത്ര ഏകാന്തത അനുഭ​വ​പ്പെ​ടു​ന്നു.”

ചിലരു​ടെ കാര്യ​ത്തിൽ സാഹച​ര്യം മെച്ച​പ്പെ​ട്ടേ​ക്കാം. അങ്ങനെ കടുത്ത സമ്മർദ​ത്തിന്‌ അയവു വരുന്നു. എന്നാൽ സാഹച​ര്യം മെച്ച​പ്പെ​ടു​ന്നി​ല്ലെ​ങ്കി​ലോ? നിരാ​ശയെ തരണം ചെയ്യാൻ ബൈബി​ളി​നു നമ്മെ എങ്ങനെ സഹായി​ക്കാ​നാ​കും?

ബൈബി​ളി​നു സഹായി​ക്കാ​നാ​കും

ഏലീയാ​വി​നെ​യും ഇയ്യോ​ബി​നെ​യും അവരുടെ കഷ്ടപ്പാ​ടു​ക​ളിൽ താങ്ങി​നി​റു​ത്താ​നുള്ള പ്രാപ്‌തി​യും ശക്തിയും യഹോ​വ​യ്‌ക്കു​ണ്ടാ​യി​രു​ന്നു. (1 രാജാ​ക്ക​ന്മാർ 19:10-12; ഇയ്യോബ്‌ 42:1-6) ആ തിരി​ച്ച​റിവ്‌ ഇന്നു നമുക്ക്‌ എത്ര ആശ്വാ​സ​പ്ര​ദ​മാണ്‌! ബൈബിൾ ഇങ്ങനെ പ്രസ്‌താ​വി​ക്കു​ന്നു: “ദൈവം നമ്മുടെ സങ്കേത​വും ബലവും  ആകുന്നു; കഷ്ടങ്ങളിൽ അവൻ ഏററവും അടുത്ത തുണയാ​യി​രി​ക്കു​ന്നു.” (സങ്കീർത്തനം 46:1; 55:22) നിരാശ നമ്മെ കീഴട​ക്കു​ന്ന​താ​യി നമുക്കു തോന്നി​യേ​ക്കാം, എങ്കിലും തന്റെ നീതി​യുള്ള വല​ങ്കൈ​കൊണ്ട്‌ നമ്മെ താങ്ങു​മെന്നു യഹോവ വാഗ്‌ദാ​നം ചെയ്യുന്നു. (യെശയ്യാ​വു 41:10) ഈ സഹായം നമുക്ക്‌ എങ്ങനെ പ്രയോ​ജ​ന​പ്പെ​ടു​ത്താ​നാ​കും?

പ്രാർഥ​ന​യി​ലൂ​ടെ, “സകലബു​ദ്ധി​യേ​യും കവിയുന്ന ദൈവ​സ​മാ​ധാ​നം [നമ്മുടെ] ഹൃദയ​ങ്ങ​ളെ​യും നിനവു​ക​ളെ​യും ക്രിസ്‌തു​യേ​ശു​വി​ങ്കൽ കാക്കു”മെന്നു ബൈബിൾ വിശദീ​ക​രി​ക്കു​ന്നു. (ഫിലി​പ്പി​യർ 4:6, 7) നമ്മുടെ പ്രശ്‌ന​ത്തിൽനി​ന്നു കരകയ​റാൻ യാതൊ​രു മാർഗ​വു​മി​ല്ലെന്നു നൈരാ​ശ്യം നിമിത്തം നമുക്കു തോന്നി​യേ​ക്കാം. എന്നാൽ നാം “പ്രാർത്ഥ​ന​യിൽ ഉററിരി”ക്കുന്നെ​ങ്കിൽ, സഹിച്ചു​നിൽക്കാൻ ആവശ്യ​മായ ശക്തി പ്രദാനം ചെയ്‌തു​കൊണ്ട്‌ നമ്മുടെ ഹൃദയ​ത്തെ​യും മനസ്സി​നെ​യും കാക്കാൻ യഹോ​വ​യ്‌ക്കു കഴിയും—റോമർ 12:13; യെശയ്യാ​വു 40:28-31; 2 കൊരി​ന്ത്യർ 1:3, 4; ഫിലി​പ്പി​യർ 4:13.

നമ്മുടെ ആവശ്യം വ്യക്തമാ​യി എടുത്തു പറഞ്ഞു പ്രാർഥി​ക്കു​ന്നതു പ്രയോ​ജ​ന​ക​ര​മാണ്‌. നമ്മുടെ മനസ്സി​ലു​ള്ളതു വാക്കു​ക​ളി​ലൂ​ടെ പ്രകടി​പ്പി​ക്കാൻ ബുദ്ധി​മു​ട്ടു തോന്നി​യാൽ പോലും, ഉൾപ്പെ​ട്ടി​രി​ക്കുന്ന പ്രശ്‌നത്തെ കുറിച്ചു നമുക്ക്‌ എന്തു തോന്നു​ന്നു​വെ​ന്നും പ്രശ്‌ന​ത്തി​ന്റെ മൂലകാ​ര​ണ​മാ​യി നാം കരുതു​ന്നത്‌ എന്താ​ണെ​ന്നും യഹോ​വ​യോ​ടു പറയാൻ നമുക്കു സ്വാത​ന്ത്ര്യം തോന്നണം. ഓരോ ദിവസ​വും സഹിച്ചു​നിൽക്കാ​നുള്ള ശക്തിക്കാ​യി നാം അവനോ​ടു യാചി​ക്കണം. നമുക്ക്‌ ഈ ഉറപ്പുണ്ട്‌: “തന്റെ ഭക്തന്മാ​രു​ടെ ആഗ്രഹം [യഹോവ] സാധി​പ്പി​ക്കും; അവരുടെ നിലവി​ളി കേട്ടു അവരെ രക്ഷിക്കും.”—സങ്കീർത്തനം 145:19.

പ്രാർഥി​ക്കു​ന്ന​തി​നു പുറമേ, ഒറ്റപ്പെ​ടാ​തി​രി​ക്കാൻ നാം ശ്രദ്ധി​ക്കു​ക​യും വേണം. (സദൃശ​വാ​ക്യ​ങ്ങൾ 18:1) തങ്ങളുടെ ഊർജ​വും സമയവും മറ്റുള്ള​വരെ സഹായി​ക്കാൻ ഉപയോ​ഗി​ച്ചു​കൊണ്ട്‌ ചിലർ ശക്തി ആർജി​ച്ചി​രി​ക്കു​ന്നു. (സദൃശ​വാ​ക്യ​ങ്ങൾ 19:17; ലൂക്കൊസ്‌ 6:38) മരിയയുടെ a ദൃഷ്ടാന്തം പരിചി​ന്തി​ക്കുക. അവൾ ഒരു കാൻസർ രോഗി​യാ​ണെന്നു മാത്രമല്ല ഒറ്റ വർഷം കൊണ്ട്‌ അവൾക്ക്‌ എട്ടു കുടും​ബാം​ഗ​ങ്ങളെ നഷ്ടമാ​കു​ക​യും ചെയ്‌തു. കിടക്ക​യിൽ നിന്ന്‌ എഴു​ന്നേറ്റ്‌ ദിനച​ര്യ​ക​ളിൽ ഏർപ്പെ​ടാൻ മരിയ വളരെ ശ്രമം ചെയ്യേ​ണ്ടി​യി​രു​ന്നു. അവൾ മിക്കവാ​റും എല്ലാ ദിവസ​വും പുറത്തു​പോ​യി മറ്റുള്ള​വരെ ബൈബിൾ പഠിപ്പി​ച്ചു. കൂടാതെ ക്രിസ്‌തീയ യോഗ​ങ്ങൾക്കും പതിവാ​യി ഹാജരാ​യി​രു​ന്നു. എന്നിരു​ന്നാ​ലും വീട്ടിൽ മടങ്ങി വരു​മ്പോൾ മരിയ​യ്‌ക്കു വീണ്ടും കടുത്ത നിരാശ അനുഭ​വ​പ്പെ​ടു​മാ​യി​രു​ന്നു. എന്നാൽ, മറ്റുള്ള​വരെ എങ്ങനെ സഹായി​ക്കാൻ കഴിയും എന്നതിൽ ശ്രദ്ധ കേന്ദ്രീ​ക​രി​ക്കു​ന്ന​തി​നാൽ ഇപ്പോൾ മരിയ​യ്‌ക്കു സഹിച്ചു​നിൽക്കാൻ സാധി​ക്കു​ന്നു.

എന്നാൽ, പ്രാർഥി​ക്കാ​നോ ഒറ്റപ്പെ​ട്ടു​പോ​കു​ന്നത്‌ ഒഴിവാ​ക്കാ​നോ നമുക്കു ബുദ്ധി​മുട്ട്‌ അനുഭ​വ​പ്പെ​ടു​ന്നെ​ങ്കി​ലോ? അപ്പോൾ നാം മറ്റുള്ള​വ​രു​ടെ സഹായം തേടണം. “സഭയിലെ മൂപ്പന്മാ”രിലേക്കു തിരി​യാൻ ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നു. (യാക്കോബ്‌ 5:13-16) ദീർഘ​കാ​ല​മാ​യി കടുത്ത വിഷാ​ദ​രോ​ഗത്തെ നേരി​ടാൻ ശ്രമി​ക്കുന്ന ഒരു വ്യക്തി ഇങ്ങനെ പറഞ്ഞു: “നിങ്ങൾക്കു വിശ്വാ​സ​മുള്ള ഒരുവ​നോ​ടു സംസാ​രി​ക്കു​ന്നതു ചില അവസര​ങ്ങ​ളിൽ മനസ്സിന്‌ അയവും ശാന്തത​യും കിട്ടാ​നും തദ്വാരാ യുക്തി​സ​ഹ​മാ​യി ചിന്തി​ക്കാ​നും സഹായി​ക്കു​ന്നു.” (സദൃശ​വാ​ക്യ​ങ്ങൾ 17:17) ദീർഘ​കാ​ല​മാ​യുള്ള കടുത്ത നിരാശ വൈദ്യ​സ​ഹാ​യം ആവശ്യ​മുള്ള ഒരു പ്രശ്‌ന​മാ​ണെന്നു തോന്നു​ന്നെ​ങ്കിൽ ഉചിത​മായ ചികിത്സ തേടേ​ണ്ടത്‌ ആവശ്യ​മാ​യി​രു​ന്നേ​ക്കാം. b—മത്തായി 9:12.

അനായാസ പോം​വ​ഴി​കൾ ഒന്നും ലഭ്യമ​ല്ലെ​ങ്കി​ലും, പ്രശ്‌നങ്ങൾ തരണം​ചെ​യ്യു​ന്ന​തി​നു നമ്മെ സഹായി​ക്കാൻ ദൈവ​ത്തി​നുള്ള പ്രാപ്‌തി​യെ നാം ഒരിക്ക​ലും താഴ്‌ത്തി​മ​തി​ക്ക​രുത്‌. (2 കൊരി​ന്ത്യർ 4:8, NW) പ്രാർഥ​ന​യിൽ ഉറ്റിരി​ക്കു​ന്ന​തും ഒറ്റപ്പെട്ടു പോകാ​തി​രി​ക്കാൻ ശ്രദ്ധി​ക്കു​ന്ന​തും വിദഗ്‌ധ സഹായം തേടു​ന്ന​തും സ്ഥിരത വീണ്ടെ​ടു​ക്കാൻ നമ്മെ സഹായി​ക്കും. കടുത്ത നിരാ​ശ​യു​ടെ മൂല കാരണ​ങ്ങൾക്കു ദൈവം പൂർണ​മാ​യി അറുതി വരുത്തു​മെന്നു ബൈബിൾ വാഗ്‌ദാ​നം ചെയ്യുന്നു. നൈരാ​ശ്യം പോലുള്ള ‘മുൻകാ​ര്യ​ങ്ങൾ ആരും ഓർക്കു​ക​യി​ല്ലാത്ത’ ദിനത്തി​നാ​യി കാത്തി​രി​ക്കവെ, ദൈവ​ത്തിൽ ആശ്രയി​ക്കാൻ ക്രിസ്‌ത്യാ​നി​കൾ ദൃഢനി​ശ്ച​യ​മു​ള്ള​വ​രാണ്‌.—യെശയ്യാ​വു 65:17; വെളി​പ്പാ​ടു 21:5.

[അടിക്കു​റി​പ്പു​കൾ]