പായ്‌ക്ക​പ്പ​ലു​ക​ളു​ടെ ഒരു ആർഭാ​ട​പ്ര​ദർശനം

ഫ്രാൻസിലെ ഉണരുക! ലേഖകൻ

വടക്കൻ ഫ്രാൻസി​ലെ റൂവാൻ 1999 ജൂ​ലൈ​യിൽ ലോക​ത്തി​ലെ അതിമ​നോ​ഹ​ര​ങ്ങ​ളായ അനേകം പായ്‌ക്ക​പ്പ​ലു​ക​ളു​ടെ ഒരു മേളനം കണ്ടു. ‘നൂറ്റാ​ണ്ടി​ന്റെ നാവി​ക​വ്യൂ​ഹം’ എന്നു വിളി​ക്ക​പ്പെട്ട ഗംഭീ​ര​മായ ഒരു ആഘോ​ഷ​ത്തി​നാ​യി​രു​ന്നു അത്‌. ആ അവസര​ത്തി​നാ​യി പ്രത്യേ​കം ഒരുക്കിയ ഏഴു കിലോ​മീ​റ്റർ വരുന്ന കപ്പൽത്തു​റ​യിൽ മുപ്പതു വലിയ പായ്‌ക്ക​പ്പ​ലു​കൾ നങ്കൂര​മി​ട്ടു​കി​ട​ന്നി​രു​ന്നു.

 “സമു​ദ്ര​യാ​ന​ങ്ങ​ളു​ടെ ഈ സഹസ്രാ​ബ്ദ​ത്തി​ലെ ആർഭാ​ട​പ്ര​ദർശനം” എന്നാണ്‌ ആ സംഭവം അറിയ​പ്പെ​ട്ടത്‌. സംഗീ​ത​ക്ക​ച്ചേ​രി​കൾ, വെടി​ക്കെ​ട്ടു​കൾ, കടലിൽ വെച്ചു​ണ്ടായ ശ്രദ്ധേ​യ​മായ സംഭവങ്ങൾ, സമു​ദ്ര​യാ​ത്ര​യു​മാ​യി ബന്ധപ്പെട്ട കാര്യ​ങ്ങ​ളു​ടെ പെയി​ന്റി​ങ്ങു​ക​ളു​ടെ​യും ഫോ​ട്ടോ​ഗ്രാ​ഫു​ക​ളു​ടെ​യും പ്രദർശ​നങ്ങൾ എന്നിവ അതി​നോ​ട​നു​ബ​ന്ധിച്ച്‌ ഉണ്ടായി​രു​ന്നു.

പായ്‌ക്ക​പ്പ​ലു​ക​ളു​ടെ ആ രാജകീ​യാ​ഗ​മനം ജൂലൈ 9-ാം തീയതി വെള്ളി​യാഴ്‌ച ആയിരു​ന്നു. തുടർന്നു​വന്ന പത്തു ദിവസ​ത്തേക്ക്‌, ഫ്രാൻസിൽ നിന്നും മറ്റു യൂറോ​പ്യൻ രാജ്യ​ങ്ങ​ളിൽ നിന്നു​മാ​യി ദശലക്ഷ​ക്ക​ണ​ക്കി​നു സന്ദർശകർ കപ്പൽത്തു​റ​യിൽ തടിച്ചു​കൂ​ടി.

100 മീറ്റർ നീളം വരുന്ന, ദാർ മ്വാ​ഷെസി (പോളണ്ട്‌), കെർസോ​നെസ്‌ (യൂ​ക്രെ​യിൻ), സ്റ്റാറ്റ്‌സ്‌റോ​യഡ്‌ ലെംകൂൾ (നോർവെ), ലിബെർറ്റാഡ്‌ (അർജന്റീന) തുടങ്ങിയ ചില കപ്പലുകൾ ആഴിയി​ലെ അതികാ​യ​ന്മാർ ആണ്‌. ജലോ​പ​രി​ത​ല​ത്തിൽ നിന്ന്‌ അവയുടെ ഏറ്റവും നീളം കൂടിയ പായ്‌മ​ര​ത്തി​ന്റെ അറ്റംവരെ 50 മീറ്റർ ഉയരമുണ്ട്‌.

അയർലൻഡ്‌, ഉറുഗ്വേ, ജർമനി, പോർച്ചു​ഗൽ, ബെൽജി​യം, വെനെ​സ്വേല, റഷ്യ എന്നിവ ഉൾപ്പെടെ 16 രാജ്യ​ങ്ങ​ളിൽ നിന്ന്‌ ഉയരമുള്ള കപ്പലുകൾ അവിടെ എത്തി​ച്ചേർന്നി​രു​ന്നു. നെതർലൻഡ്‌സി​നാണ്‌ ഏറ്റവു​മ​ധി​കം കപ്പലുകൾ ഉണ്ടായി​രു​ന്നത്‌, ആറെണ്ണം. ഇവയിൽ, മൂന്നു പായ്‌മ​രങ്ങൾ ഉള്ള അഴകാർന്ന യൂറോപ്പ എന്ന ബാർക്‌ കപ്പലും 1918-ൽ നീറ്റി​ലി​റ​ക്കിയ മൂന്നു പായ്‌മ​രങ്ങൾ ഉള്ള പഴയ ടോപ്പ്‌ സെയിൽ ഷൂണർ ഓസ്റ്റർസ്‌ചെൽഡെ​യും ഉണ്ടായി​രു​ന്നു. ആഫ്രിക്ക, മെഡി​റ്റ​റേ​നി​യൻ പ്രദേ​ശങ്ങൾ, വടക്കൻ യൂറോപ്പ്‌ എന്നിവ​യ്‌ക്കി​ട​യിൽ തടി, ഉപ്പിലിട്ട മത്തി, കളിമണ്ണ്‌, ധാന്യങ്ങൾ, വൈ​ക്കോൽ, പഴവർഗങ്ങൾ എന്നിവ കൊണ്ടു​പോ​കാ​നാ​യി ഈ കപ്പൽ ഉപയോ​ഗി​ച്ചി​രു​ന്നു.

സന്ദർശ​കർക്കു തങ്ങളുടെ ജിജ്ഞാ​സയെ തൃപ്‌തി​പ്പെ​ടു​ത്താൻ ലഭിച്ച ഒരു അസുലഭ വേളയാ​യി​രു​ന്നു അത്‌. ആളുകൾക്കു കയറു​ക​യും ഇറങ്ങു​ക​യും ചെയ്യത്ത​ക്ക​വണ്ണം കപ്പലു​ക​ളി​ലെ പാലങ്ങൾ താഴ്‌ത്തി​യി​ട്ടി​രു​ന്നു. യാതൊ​രു പണച്ചെ​ല​വും ഇല്ലാ​തെ​തന്നെ സന്ദർശ​കർക്കു വളരെ സൗകര്യ​മാ​യി കപ്പലു​ക​ളിൽ കയറി കാണാൻ കഴിയു​മാ​യി​രു​ന്നു.

ഈ കപ്പലു​ക​ളിൽ ചിലവ വെള്ളി​ത്തി​ര​യിൽ പ്രത്യ​ക്ഷ​പ്പെ​ട്ടി​ട്ടുണ്ട്‌. ഉദാഹ​ര​ണ​ത്തിന്‌, ക്രിസ്റ്റ്യൻ റാഡിക്‌ എന്ന നോർവേ​യു​ടെ കപ്പൽ 1958-ലെ വിൻഡ്‌ജാ​മർ എന്ന ചിത്ര​ത്തിൽ മിന്നി​ത്തി​ളങ്ങി. ട്രഷർ ഐലൻഡ്‌ എന്ന ചിത്രം പുനർനിർമി​ച്ച​പ്പോ​ഴും ബോമാർഷേ ലെൻസൊ​ളാൻ എന്ന ഫ്രഞ്ച്‌ ചിത്ര​ത്തി​ലും അതു​പോ​ലെ മറ്റു പല ചിത്ര​ങ്ങ​ളി​ലും തടി​കൊ​ണ്ടു നിർമിച്ച പഴയ കാസ്‌കെ​ലൊറ്റ്‌ (ഡാനീഷ്‌ ഭാഷയിൽ “എണ്ണത്തി​മിം​ഗി​ലം”) എന്ന കപ്പൽ സ്ഥാനം​പി​ടി​ച്ചി​ട്ടുണ്ട്‌.

മറ്റുള്ള​വ​യിൽനി​ന്നെ​ല്ലാം തികച്ചും വ്യത്യ​സ്‌ത​മാണ്‌ മൂന്നു പായ്‌മ​രങ്ങൾ ഉള്ള പോള​ണ്ടി​ന്റെ ഇസ്‌ക്രാ എന്ന കപ്പൽ. കാരണം, അതിന്റെ മൂന്നു പായ്‌മ​ര​ങ്ങൾക്കും വെവ്വേറെ റിഗ്ഗി​ങ്ങു​ക​ളാണ്‌ (പായ്‌മരം, പായ്‌കൾ, കയറുകൾ മുതലാ​യവ യഥാ​ക്രമം സജ്ജീക​രി​ച്ചു വിന്യ​സി​ക്കുന്ന രീതി) ഉള്ളത്‌. മുൻ പായ്‌മ​ര​ത്തിൽ ഇത്‌ സമചതു​രാ​കൃ​തി​യി​ലും പ്രധാന പായ്‌മ​ര​ത്തിൽ വിഷമ​ച​തുർഭു​ജ​ത്തി​ന്റെ (ഒരു ജോടി എതിർവ​ശങ്ങൾ സമാന്ത​ര​മായ ചതുർഭു​ജം) ആകൃതി​യി​ലും അമരപ്പാ​യ്‌മ​ര​ത്തിൽ ത്രി​കോ​ണാ​കൃ​തി​യി​ലും ആണ്‌.

റൂവാ​നിൽ എത്തി​ച്ചേർന്ന പഴയ കപ്പലു​ക​ളിൽ ഏതാനും എണ്ണം കടലി​ന​ടി​യിൽനി​ന്നു പൊക്കി​യെ​ടു​ത്ത​താ​യി​രു​ന്നു. ഉദാഹ​ര​ണ​മാ​യി, ഉത്സാഹി​ക​ളും ദൃഢചി​ത്ത​രും ആയ ഒരു കൂട്ടം ആളുകൾ ഉറു​ഗ്വേ​യു​ടെ കേപി​റ്റാൻ മിറാൻഡാ എന്ന അതിഗം​ഭീര കപ്പലിനെ ആഴിയു​ടെ അഗാധ​ങ്ങ​ളിൽ നിന്നു കൈപി​ടിച്ച്‌ ഉയർത്തി. 1980-കളുടെ തുടക്ക​ത്തിൽ ബ്രിറ്റാ​നി​യി​ലെ ഡ്വാർനെ​നേ​യി​ലെ തുറമു​ഖ​ത്തു​വെച്ച്‌ മുങ്ങി​പ്പോയ ഏറ്റ്വോൾ മോ​ളെന്‌ ലഭിച്ച സ്‌നേ​ഹ​പൂർവ​ക​മായ പരിച​രണം അതിനു പുതു​ജീ​വ​നേകി.

ഈ ആഘോഷ വേളയിൽ മിർ എന്ന കപ്പലിനെ റഷ്യയു​ടെ, ഭ്രമണം ചെയ്‌തു​കൊ​ണ്ടി​രി​ക്കുന്ന മിർ എന്ന ബഹിരാ​കാശ നിലയ​വു​മാ​യി റേഡി​യോ വഴി ബന്ധിപ്പി​ക്കാൻ അമച്ച്വർ റേഡി​യോ ഓപ്പ​റേ​റ്റർമാ​രു​ടെ ഒരു പ്രാ​ദേ​ശിക സമിതി തീരു​മാ​നി​ച്ചു. അവസാനം, ജൂലൈ 17-ാം തീയതി രാത്രി 10:27-ന്‌ മൂന്നു പായ്‌മ​ര​ങ്ങ​ളുള്ള ഈ കപ്പലിന്‌ ബഹിരാ​കാ​ശ​ത്തുള്ള തന്റെ “സഹോ​ദരി കപ്പലു”മായി സമ്പർക്ക​ത്തിൽ വരാനാ​യി. കപ്പലിന്റെ ക്യാപ്‌റ്റ​നാ​യി​രുന്ന സൊ​രൊ​കൊ​വിന്‌ 350 കിലോ​മീ​റ്റ​റോ​ളം മുകളിൽ സ്ഥിതി​ചെ​യ്യുന്ന ബഹിരാ​കാശ നിലയ​ത്തി​ലെ കമാൻഡർ അഫനാ​സ്യെ​ഫു​മാ​യി സംസാ​രി​ക്കാൻ കഴിഞ്ഞു.

റൂവാ​നിൽനി​ന്നു സേയ്‌ൻ നദിയി​ലൂ​ടെ പുറം​ക​ട​ലി​ലേക്കു നടത്തിയ ഒരു ഘോഷ​യാ​ത്ര​യോ​ടെ ജൂലൈ 18 ഞായറാഴ്‌ച ഈ പരിപാ​ടി​ക്കു തിരശ്ശീല വീണു. പഴയ നോർമാൻ ഗ്രാമ​ങ്ങ​ളു​ടെ​യും സന്ന്യാ​സി​മ​ഠ​ങ്ങ​ളു​ടെ​യും മണിമ​ന്ദി​ര​ങ്ങ​ളു​ടെ​യും സമീപ​ത്തു​കൂ​ടെ കടന്നു​പോയ ഈ കപ്പലു​ക​ളി​ലെ ജോലി​ക്കാ​രെ കൈവീ​ശി​ക്കാ​ണി​ച്ചു​കൊണ്ട്‌ 120 കിലോ​മീ​റ്റർ ദൂരത്തിൽ ലക്ഷക്കണ​ക്കി​നാ​ളു​കൾ നിരനി​ര​യാ​യി നിന്നി​രു​ന്നു.

ഈ പായ്‌ക്ക​പ്പ​ലു​കൾ മറ്റൊരു തുറമു​ഖത്തെ പ്രദർശ​ന​ത്തി​നാ​യോ അല്ലെങ്കിൽ ഒരു മത്സര​യോ​ട്ട​ത്തിൽ പങ്കെടു​ക്കു​ന്ന​തി​നോ സിനി​മ​യിൽ അഭിന​യി​ക്കു​ന്ന​തി​നോ ആയി റൂവാ​നോട്‌ വിടപ​റഞ്ഞു. തുറമു​ഖം സാധാരണ അവസ്ഥയി​ലേക്കു തിരി​ച്ചു​വന്നു. എന്നിരു​ന്നാ​ലും, പത്തു ദിവസ​ത്തേ​ക്കാ​ണെ​ങ്കി​ലും പായ്‌ക്ക​പ്പ​ലു​ക​ളു​ടെ അപൂർവ മേളന​ത്തി​നു വേദി​യൊ​രു​ക്കി​യ​തി​നാൽ, റൂവാൻ ആ വേള അനുസ്‌മ​രി​ക്കു​ക​തന്നെ ചെയ്യും.

[10-ാം പേജിലെ ഭൂപടം]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

ഓൺഫ്‌ല്യൂവർ

സേയ്‌ൻ

റൂവാൻ

[കടപ്പാട്‌]

10, 17, 31 പേജു​ക​ളി​ലെ ഭൂപടങ്ങൾ: Mountain High Maps® Copyright © 1997 Digital Wisdom, Inc.

[10-ാം പേജിലെ ചിത്രം]

മൂന്നു പായ്‌മ​രങ്ങൾ ഉള്ള “കുവാ​റ്റെ​മോസ്‌” എന്ന മെക്‌സി​ക്കൻ ബാർക്‌ കപ്പൽ

[10-ാം പേജിലെ ചിത്രം]

സമുദ്രത്തിനടിയിൽനിന്ന്‌ ഉയിർത്തെ​ഴു​ന്നേൽപ്പി​ക്ക​പ്പെട്ട മനോ​ഹ​രി​യായ “ഏറ്റ്വോൾ മോളെൻ”

[കടപ്പാട്‌]

© GAUTHIER MARINES/ Photo Jo Gauthier

[10-ാം പേജിലെ ചിത്രം]

1855-ലെ റൂവാൻ തുറമു​ഖ​ത്തി​ന്റെ ഒരു പെയി​ന്റിങ്‌—അന്ന്‌ സേയ്‌ൻ നദിയി​ലൂ​ടെ പായ്‌ക്ക​പ്പ​ലു​കൾ പ്രയാണം ചെയ്‌തി​രു​ന്നു

[കടപ്പാട്‌]

Charles-Louis Mozin, Port de Rouen, vue générale © Rouen, Musée des Beaux-Arts

[11-ാം പേജിലെ ചിത്രം]

റൂവാൻ, “നൂറു പള്ളി​ഗോ​പു​ര​ങ്ങ​ളുള്ള നഗരം” പായ്‌മ​ര​ങ്ങ​ളു​ടെ ഒരു വനമാ​യി​ത്തീർന്നു

[കടപ്പാട്‌]

© GAUTHIER MARINES/ Photo Jo Gauthier