അതു നഷ്ടപ്പെ​ടു​ത്താൻ നിങ്ങൾ ആഗ്രഹി​ക്കു​ക​യില്ല!

ഏത്‌? യഹോ​വ​യു​ടെ സാക്ഷി​ക​ളു​ടെ “ദൈവ​വ​ച​നാ​നു​സൃ​തം പ്രവർത്തി​ക്കു​ന്നവർ” ഡിസ്‌ട്രി​ക്‌റ്റ്‌ കൺ​വെൻ​ഷൻ! ഈ കൺ​വെൻ​ഷൻ പരമ്പര മേയിൽ ഐക്യ​നാ​ടു​ക​ളിൽ ആരംഭി​ച്ചു. അടുത്ത ഏതാനും മാസങ്ങ​ളി​ലാ​യി ലോക​ത്തെ​മ്പാ​ടു​മുള്ള നൂറു​ക​ണ​ക്കി​നു നഗരങ്ങ​ളിൽ ഇവ നടത്ത​പ്പെ​ടും. മിക്കയി​ട​ങ്ങ​ളി​ലും പരിപാ​ടി വെള്ളി​യാഴ്‌ച രാവിലെ 9:30-ന്‌ സംഗീ​ത​ത്തോ​ടെ ആരംഭി​ക്കും.

ദൈവ​വ​ച​ന​ത്തിന്‌ അടുത്ത ശ്രദ്ധ കൊടു​ക്കാ​നുള്ള ഒരു പ്രോ​ത്സാ​ഹ​ന​ത്തി​നു ശേഷം അന്നു രാവിലെ “യഹോ​വ​യു​ടെ നന്മയിൽ സന്തോ​ഷി​ക്കുക,” “അദൃശ്യ​നാ​യ​വനെ കണ്ടതു​പോ​ലെ ഉറച്ചു​നിൽക്കു​ന്ന​തിൽ തുടരുക” എന്നീ പ്രസം​ഗ​ങ്ങ​ളും ഉണ്ടായി​രി​ക്കും. “അത്ഭുത​പ്ര​വൃ​ത്തി​കൾ ചെയ്യു​ന്ന​വ​നായ യഹോ​വയെ വാഴ്‌ത്തുക” എന്ന മുഖ്യ​വി​ഷയ പ്രസം​ഗ​ത്തോ​ടെ രാവി​ലത്തെ പരിപാ​ടി​കൾ അവസാ​നി​ക്കും.

ഉച്ചകഴി​ഞ്ഞു​ള്ള ആദ്യത്തെ പ്രസം​ഗ​ത്തി​ന്റെ വിഷയം “നന്മ ചെയ്യു​ന്ന​തിൽ മടുത്തു​പോ​ക​രുത്‌” എന്നതാ​യി​രി​ക്കും. അതിനെ തുടർന്ന്‌, ഒരു വിവാ​ഹ​പ​ങ്കാ​ളി​യെ തിര​ഞ്ഞെ​ടു​ക്കു​മ്പോൾ എന്തൊക്കെ ശ്രദ്ധി​ക്കണം, ആത്മീയ​മാ​യി ശക്തമായ ഒരു കുടും​ബം എങ്ങനെ കെട്ടി​പ്പ​ടു​ക്കാം, യഹോ​വയെ സ്‌നേ​ഹി​ക്കാൻ കുട്ടി​കളെ എങ്ങനെ പഠിപ്പി​ക്കാൻ കഴിയും എന്നീ സംഗതി​കൾ ചർച്ച ചെയ്യുന്ന മൂന്നു ഭാഗങ്ങ​ളുള്ള ഒരു സിമ്പോ​സി​യം ഉണ്ടായി​രി​ക്കും. “യഹോ​വ​യു​ടെ സംഘട​ന​യോ​ടൊ​ത്തു നടക്കുക” എന്ന വെള്ളി​യാ​ഴ്‌ചത്തെ അവസാന പ്രസംഗം ഈ ആധുനി​ക​കാ​ലത്ത്‌ ദൈ​വോ​ദ്ദേ​ശ്യ​ങ്ങ​ളു​ടെ ഗ്രാഹ്യ​ത്തിൽ ഉണ്ടായി​ട്ടുള്ള ക്രമാ​നു​ഗ​ത​മായ വർധനവ്‌ അവലോ​കനം ചെയ്യും.

ശനിയാ​ഴ്‌ച രാവിലെ മൂന്നു ഭാഗങ്ങ​ളുള്ള മറ്റൊരു സിമ്പോ​സി​യം ഉണ്ടായി​രി​ക്കും. ശിഷ്യ​രാ​ക്കൽ വേല നിർവ​ഹി​ക്കേണ്ട വിധത്തെ കുറി​ച്ചുള്ള നിർദേ​ശങ്ങൾ പ്രദാനം ചെയ്യുന്ന ഇതിന്റെ വിഷയം “ദൈവ​വ​ച​ന​ത്തി​ന്റെ ശുശ്രൂ​ഷകർ” എന്നതാ​യി​രി​ക്കും. അതേ തുടർന്ന്‌ “ദൈവ​ത്തി​നു ലജ്ജ വരുത്താ​തി​രി​ക്കുക” എന്ന ഹൃദ​യോ​ഷ്‌മ​ള​മായ പ്രസംഗം കേൾക്കാൻ കഴിയും. പിന്നീടു നടക്കു​ന്നതു സ്‌നാപന പ്രസം​ഗ​മാ​യി​രി​ക്കും. യോഗ്യ​ത​യു​ള്ള​വർക്കു സ്‌നാ​പ​ന​ത്തി​നുള്ള അവസരം ഉണ്ട്‌.

“ആത്മീയത നട്ടുവ​ളർത്തു​ന്ന​തി​നു കഠിന​ശ്രമം ചെയ്യുക” എന്ന വിഷയ​ത്തിൽ മൂന്നു ഭാഗങ്ങ​ളുള്ള ഒരു സിമ്പോ​സി​യം ഉച്ചകഴി​ഞ്ഞു നടത്ത​പ്പെ​ടും. ആത്മീയത എങ്ങനെ വളർത്തി​യെ​ടു​ക്കാം എന്നതു സംബന്ധിച്ച പ്രാ​യോ​ഗിക നിർദേ​ശങ്ങൾ പ്രദാനം ചെയ്യുന്ന ഒരു പരിപാ​ടി ആയിരി​ക്കും അത്‌. യെശയ്യാ പുസ്‌ത​ക​ത്തി​ന്റെ 25, 26 അധ്യാ​യങ്ങൾ ചർച്ച ചെയ്യു​ക​യും വിസ്‌മ​യ​ക​ര​മായ ഈ ബൈബിൾ പുസ്‌ത​ക​ത്തി​ന്റെ കൂടു​ത​ലായ ഗ്രാഹ്യം എങ്ങനെ നേടാ​മെന്നു കാണിച്ചു തരിക​യും ചെയ്യുന്ന “ദൈവ​വ​ച​ന​ത്തി​ന്റെ വർധി​ച്ചു​വ​രുന്ന പ്രകാ​ശ​ത്തിൽ നടക്കുക” എന്ന പ്രബോ​ധ​നാ​ത്മ​ക​മായ പ്രസം​ഗ​ത്തോ​ടെ അന്നത്തെ പരിപാ​ടി​കൾ സമാപി​ക്കും.

ഞായറാ​ഴ്‌ച രാവിലെ, “ദൈ​വേഷ്ടം ചെയ്യു​ന്ന​വർക്കാ​യുള്ള സെഫന്യാ​വി​ന്റെ അർഥപൂർണ​മായ പ്രവചനം” എന്ന വിഷയത്തെ കേന്ദ്രീ​ക​രിച്ച്‌ മൂന്നു ഭാഗങ്ങ​ളുള്ള ഒരു സിമ്പോ​സി​യം ഉണ്ടായി​രി​ക്കും. പുരാതന കാലത്തെ യഹൂദ​ജ​ന​ത​യു​ടെ കാര്യ​ത്തിൽ ആ പ്രവചനം എങ്ങനെ നിവൃ​ത്തി​യേ​റി​യെ​ന്നും നമ്മുടെ കാലത്ത്‌ പ്രത്യേ​കി​ച്ചും ലോക​മ​ത​ങ്ങ​ളോ​ടുള്ള ബന്ധത്തിൽ അത്‌ എങ്ങനെ നിവൃ​ത്തി​യേ​റു​ന്നു​വെ​ന്നും ആ പരിപാ​ടി വിശദീ​ക​രി​ക്കും. അതേ തുടർന്ന്‌ “നമ്മുടെ നാളി​ലേ​ക്കുള്ള മുന്നറി​യി​പ്പിൻ ദൃഷ്ടാ​ന്തങ്ങൾ” എന്ന നാടകം നമുക്ക്‌ ആസ്വദി​ക്കാൻ കഴിയും. വാഗ്‌ദത്ത ദേശത്തി​ന്റെ കവാട​ത്തി​ലെ​ത്തിയ ഇസ്രാ​യേല്യ പുരു​ഷ​ന്മാർ അധാർമി​ക​ത​യി​ലേക്കു വീണു​പോ​യ​തി​നെ കുറി​ച്ചുള്ള വിവര​ണ​മാ​ണു പുരാതന വേഷവി​ധാ​ന​ങ്ങ​ളോ​ടു കൂടിയ നാടക​ത്തിന്‌ ആധാരം. “ദൈവ​ത്തി​ന്റെ അത്ഭുത​പ്ര​വൃ​ത്തി​കൾക്കു ശ്രദ്ധ​കൊ​ടു​ക്കേ​ണ്ടത്‌ എന്തു​കൊണ്ട്‌?” എന്ന പരസ്യ പ്രസംഗം കൺ​വെൻ​ഷന്റെ അവസാന ദിവസ​മായ ഞായറാഴ്‌ച ഉച്ചതി​രി​ഞ്ഞുള്ള പരിപാ​ടി​യു​ടെ ഒരു സവി​ശേഷത ആയിരി​ക്കും.

മൂന്നു ദിവസ​വും ഹാജരാ​കു​ന്ന​തി​നു വേണ്ട ക്രമീ​ക​ര​ണങ്ങൾ ഇപ്പോൾത്തന്നെ ചെയ്യുക. നിങ്ങളു​ടെ വീടിന്‌ ഏറ്റവും അടുത്തുള്ള കൺ​വെൻ​ഷൻ സ്ഥലം ഏതാ​ണെന്ന്‌ അറിയു​ന്ന​തിന്‌ നിങ്ങളു​ടെ പ്രദേ​ശ​ത്തുള്ള യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളു​മാ​യി ബന്ധപ്പെ​ടു​ക​യോ ഈ മാസി​ക​യു​ടെ പ്രസാ​ധ​കർക്ക്‌ എഴുതു​ക​യോ ചെയ്യുക.