പരിണാ​മം യുക്തി​സ​ഹ​മോ?

പരിണാമ സിദ്ധാ​ന്തത്തെ അനുകൂ​ലി​ക്കു​ന്നവർ അതിനെ ഒരു വസ്‌തു​ത​യാ​യി​ട്ടാണ്‌ ഇന്ന്‌ ഉയർത്തി​ക്കാ​ട്ടു​ന്നത്‌. എന്നാൽ, മിക്ക​പ്പോ​ഴും അവരുടെ വാദമു​ഖങ്ങൾ എത്ര യുക്തി​പൂർവ​ക​മാണ്‌? പിൻവ​രു​ന്നവ പരിചി​ന്തി​ക്കുക.

മനുഷ്യന്‌ ഇന്ന്‌ അറിയാ​വു​ന്ന​തിൽ വെച്ച്‌ ഏറ്റവും ബലമുള്ള വസ്‌തു​ക്ക​ളിൽ ഒന്നാണ്‌ എട്ടുകാ​ലി​യു​ടെ പട്ടുനൂൽ. “ഓരോ നൂലും അതിന്റെ മൊത്തം നീളത്തി​ന്റെ 40 ശതമാനം കൂടെ വലിച്ചു​നീ​ട്ടാൻ കഴിയും. മാത്രമല്ല, അതിന്‌ ഉരുക്കി​നെ​ക്കാൾ നൂറി​രട്ടി ഊർജം ഉൾക്കൊ​ള്ളാ​നുള്ള കഴിവു​മുണ്ട്‌” എന്ന്‌ ന്യൂ സയന്റിസ്റ്റ്‌ പറയുന്നു. ഈ അസാധാ​രണ നൂൽ എങ്ങനെ​യാ​ണു നിർമി​ക്ക​പ്പെ​ടു​ന്നത്‌? എട്ടുകാ​ലി​യു​ടെ ശരീര​ത്തിൽ ദ്രാവ​ക​രൂ​പ​ത്തിൽ കാണ​പ്പെ​ടുന്ന പശിമ​യുള്ള ഒരുതരം മാംസ്യം ഉദരത്തി​നു​ള്ളി​ലെ നേരിയ കുഴലു​ക​ളി​ലൂ​ടെ കടന്നു​പോ​കു​ന്നു. ഈ മാംസ്യ തന്മാ​ത്രകൾ പുനർക്ര​മീ​ക​രി​ക്കു​ന്ന​തു​വഴി അത്‌ നൂലായി മാറ്റ​പ്പെ​ടു​ന്നു എന്ന്‌ എൻ​സൈ​ക്ലോ​പീ​ഡിയ ബ്രിട്ടാ​നിക്ക വിശദീ​ക​രി​ക്കു​ന്നു.

“ലോക​ത്തി​ലെ ഏറ്റവും പ്രഗത്‌ഭ​നായ രസത​ന്ത്ര​ജ്ഞ​ന്റേ​തി​നെ​ക്കാൾ മികച്ച നിർമാ​ണ​വി​ദ്യ​യാണ്‌ പരിണാമ പ്രക്രി​യ​യി​ലൂ​ടെ എട്ടുകാ​ലി വികസി​പ്പി​ച്ചെ​ടു​ത്തി​രി​ക്കു​ന്നത്‌” എന്ന്‌ ന്യൂ സയന്റിസ്റ്റ്‌ പറയുന്നു. മനുഷ്യന്‌ പിടി​കി​ട്ടാ​ത്തത്ര സങ്കീർണ​മായ ഒരു നിർമാ​ണ​വി​ദ്യ എട്ടുകാ​ലി വികസി​പ്പി​ച്ചെ​ടു​ത്തി​രി​ക്കു​ന്നു എന്നു പറയു​ന്നത്‌ വിശ്വ​സ​നീ​യ​മാ​യി തോന്നു​ന്നു​ണ്ടോ?

പരിണാമ സിദ്ധാ​ന്തത്തെ പിന്താ​ങ്ങാൻ തെളി​വു​ക​ളൊ​ന്നും ഇല്ലെങ്കി​ലും പരിണാ​മ​വാ​ദി​കൾ അതിനെ ചോദ്യം ചെയ്യു​ന്ന​വരെ കളിയാ​ക്കുന്ന പതിവ്‌ മാറി​യി​ട്ടി​ല്ലെന്ന്‌ കാലി​ഫോർണിയ സർവക​ലാ​ശാ​ല​യി​ലെ നിയമ പ്രൊ​ഫ​സ​റായ ഫിലിപ്പ്‌ ഇ. ജോൺസൺ ദ വാൾ സ്‌ട്രീറ്റ്‌ ജേർണ​ലിൽ എഴുതിയ ഒരു ലേഖന​ത്തിൽ പറയുന്നു. “പിന്തു​ണ​യ്‌ക്കു​ന്ന​തിന്‌ തെളി​വു​ക​ളൊ​ന്നും ഇല്ലാത്ത​തി​ന്റെ സാരമായ കുഴപ്പ​മുണ്ട്‌ പരിണാമ സിദ്ധാ​ന്ത​ത്തിന്‌. തങ്ങളുടെ വാദം അടിസ്ഥാ​ന​ര​ഹി​ത​മാ​ണെന്നു തെളി​ഞ്ഞേ​ക്കാം എന്നറി​യാ​വു​ന്ന​തു​കൊണ്ട്‌ വസ്‌തു​നി​ഷ്‌ഠ​മായ ഒരു വാദ​പ്ര​തി​വാ​ദ​ത്തിന്‌ അതിന്റെ അനുകൂ​ലി​ക​ളൊട്ട്‌ ആഗ്രഹി​ക്കു​ന്നു​മില്ല.”

ഇനി മറ്റൊരു ഉദാഹ​രണം, സസ്യ​ലോ​ക​ത്തിൽനി​ന്നാണ്‌. മൊ​റോ​ക്കോ​യിൽ ഗവേഷണം നടത്തുന്ന ശാസ്‌ത്രജ്ഞർ ആർക്കി​യോ​പ്‌റ്റെ​റി​സി​ന്റെ 150 ഫോസി​ലു​കൾ കുഴി​ച്ചെ​ടു​ത്തി​രി​ക്കു​ന്നു. ലണ്ടനിലെ ദ ഡെയ്‌ലി ടെല​ഗ്രാഫ്‌ പറയു​ന്ന​ത​നു​സ​രിച്ച്‌ ആർക്കി​യോ​പ്‌റ്റെ​റിസ്‌ “ഇന്നു കാണുന്ന മിക്ക വൃക്ഷങ്ങ​ളു​ടെ​യും മുത്തച്ഛ​നും വിത്തുള്ള തരം ആദ്യത്തെ സസ്യങ്ങ​ളു​ടെ ഇതുവരെ കണ്ടുപി​ടി​ച്ചി​ട്ടു​ള്ള​തിൽവെച്ച്‌ ഏറ്റവും അടുത്ത ബന്ധുവു​മാണ്‌.” “ഇലകളും ചില്ലക​ളും കണ്ടുപി​ടി​ച്ചു​കൊണ്ട്‌” ഈ ചെടി “ആധുനിക ലോകത്തെ വാർത്തെ​ടു​ക്കു​ന്ന​തിൽ ഒരു പങ്കുവ​ഹി​ച്ചു” എന്ന്‌ പത്രത്തി​ന്റെ സയൻസ്‌ എഡിറ്റർ പ്രഖ്യാ​പി​ക്കു​ക​യു​ണ്ടാ​യി. “കണ്ടുപി​ടി​ക്കുക” എന്നാൽ “ചിന്തിച്ച്‌ രൂപ​പ്പെ​ടു​ത്തി​യെ​ടു​ക്കുക” എന്നാണർഥം. ചിന്തി​ക്കാ​നും കണ്ടുപി​ടി​ക്കാ​നും ഒക്കെയുള്ള കഴിവ്‌ ഒരു ചെടിക്ക്‌ ഉണ്ടെന്നു പറയു​ന്നത്‌ യുക്തി​സ​ഹ​മാ​ണോ?

സ്വന്തമാ​യി ചിന്തി​ക്കു​ന്ന​തി​നു വേണ്ടി നമ്മുടെ ‘ചിന്താ​പ്രാ​പ്‌തി​കളെ കാത്തു​സൂ​ക്ഷി​ക്കാൻ’ ജ്ഞാനി​ക​ളിൽ ഒരുവ​നായ ശലോ​മോൻ ബുദ്ധി​യു​പ​ദേ​ശി​ക്കു​ന്നു. അങ്ങനെ ചെയ്യേ​ണ്ട​തി​ന്റെ ആവശ്യം ഇന്നു മുമ്പെ​ന്ന​ത്തെ​ക്കാ​ളും കൂടു​ത​ലാണ്‌.—സദൃശ​വാ​ക്യ​ങ്ങൾ 5:2, NW.