ഒടുവി​ലതാ—അന്റാർട്ടി​ക്ക​യി​ലും. . .

ഓസ്‌ട്രേലിയയിലെ ഉണരുക! ലേഖകൻ

“ഒരു ഉരുക്കു കമ്പി താഴേ​ക്കി​ട്ടാൽ ചില്ല്‌ ഉടയു​ന്ന​തു​പോ​ലെ അത്‌ ചിതറി​വീ​ണേ​ക്കാം, . . . ഹിമപ്പ​ര​പ്പിൽ ഒരു ദ്വാര​മു​ണ്ടാ​ക്കി അതിലൂ​ടെ ഒരു മത്സ്യത്തെ പിടി​ച്ചെ​ടു​ത്താൽ അഞ്ചു നിമിഷം കഴിയു​ന്ന​തി​നു​മു​മ്പേ അത്‌ തണുത്തു​മ​ര​വി​ച്ചു കല്ലു​പോ​ലെ ആയിത്തീർന്നേ​ക്കാം,” അന്റാർട്ടി​ക്ക​യിൽ തണു​പ്പേ​റു​മ്പോ​ഴത്തെ അവസ്ഥ​യെ​ക്കു​റിച്ച്‌ ഒരു എഴുത്തു​കാ​രൻ പറയുന്നു. രൂക്ഷമായ കാലാ​വ​സ്ഥ​യും പച്ചപ്പിന്റെ ആവരണ​മി​ല്ലാ​തെ അസാധാ​രണ സൗന്ദര്യ​വും ആയി നിൽക്കുന്ന അന്റാർട്ടിക്ക. ആ സൗന്ദര്യ​ത്തി​നു മാറ്റു​കൂ​ട്ടു​വാ​നെ​ന്നോ​ണം ചില​പ്പോ​ഴൊ​ക്കെ ഉണ്ടാകുന്ന, ആരു​ടെ​യും കണ്ണഞ്ചി​ക്കുന്ന തരത്തി​ലുള്ള ദക്ഷിണ​ധ്രുവ ദീപ്‌തി പ്രദർശ​നങ്ങൾ. അതേ, അന്റാർട്ടി​ക്ക​യിൽ എത്തു​മ്പോൾ മറ്റൊരു ലോകത്ത്‌ എത്തിയ പ്രതീതി ഉണ്ടായാൽ ഒട്ടും അതിശ​യി​ക്കാ​നില്ല.

അന്റാർട്ടി​ക്ക പക്ഷേ ഈ ഭൂമി​യു​ടെ സ്വന്തം​ത​ന്നെ​യാണ്‌. വാസ്‌ത​വ​ത്തിൽ, അതിനെ വിശേ​ഷി​പ്പി​ച്ചി​രി​ക്കു​ന്നത്‌ ഭൂമി​യെ​യും അതിന്റെ അന്തരീ​ക്ഷ​ത്തെ​യും ആഗോ​ള​വ്യാ​പ​ക​മാ​യി ഉണ്ടാകുന്ന പരിസ്ഥി​തി മാറ്റങ്ങ​ളെ​യും—മനുഷ്യ​ന്റെ പ്രവർത്ത​ന​ങ്ങ​ളു​മാ​യി ബന്ധപ്പെട്ടവ ഉൾപ്പെടെ—കുറി​ച്ചു​മൊ​ക്കെ പഠിക്കു​ന്ന​തി​നുള്ള ഒരു വിശാ​ല​മായ ഒരു പ്രകൃ​തി​ദത്ത പരീക്ഷ​ണ​ശാല എന്നാണ്‌. ഈ പഠനങ്ങൾ പക്ഷേ ശാസ്‌ത്ര​ജ്ഞരെ കൂടുതൽ ഉത്‌ക​ണ്‌ഠാ​കു​ല​രാ​ക്കു​ക​യാണ്‌. ദക്ഷിണ​ധ്രുവ പ്രദേ​ശ​ങ്ങ​ളിൽ അവർ അത്ര പന്തിയ​ല്ലാത്ത ചില പ്രതി​ഭാ​സങ്ങൾ നിരീ​ക്ഷി​ച്ചി​രി​ക്കു​ന്നു. കാര്യങ്ങൾ അത്ര സുരക്ഷി​തമല്ല എന്നാണ്‌ അതു സൂചി​പ്പി​ക്കു​ന്നത്‌. എന്നാൽ, ആ വിഷയ​ത്തി​ലേക്കു കടക്കു​ന്ന​തി​നു മുമ്പ്‌ അന്റാർട്ടിക്ക തികച്ചും അതുല്യ​മായ ഭൂഖണ്ഡം ആയിരി​ക്കു​ന്ന​തി​ന്റെ കാരണം നമു​ക്കൊ​ന്നു പരി​ശോ​ധി​ക്കാം.

ഒന്നാമ​താ​യി, ലോക​ത്തി​ലെ ഏറ്റവും ഒറ്റപ്പെട്ട നിലയിൽ സ്ഥിതി​ചെ​യ്യുന്ന അന്റാർട്ടിക്ക വൈരു​ധ്യ​ങ്ങ​ളു​ടെ ഒരു ഭൂഖണ്ഡം ആണ്‌. നാഗരി​ക​ത​യാൽ തെല്ലും കളങ്ക​പ്പെ​ടാത്ത, ഉജ്ജ്വല സൗന്ദര്യ​മുള്ള ഇവിടെ പക്ഷേ താമസി​ക്കാൻ പറ്റാത്തത്ര അതിക​ഠി​ന​മായ അവസ്ഥക​ളാണ്‌ ഉള്ളത്‌. അതിശ​ക്ത​മായ കാറ്റുകൾ ഇടതട​വി​ല്ലാ​തെ ചീറി​യ​ടി​ക്കു​ന്ന​തും ഭൂമി​യിൽ വെച്ച്‌ ഏറ്റവും തണുപ്പു​ള്ള​തും ആയ സ്ഥലമാണ്‌ അത്‌. ഇങ്ങനെ​യാ​ണെ​ങ്കി​ലും അങ്ങേയറ്റം ലോല​വും അതീവ സംവേ​ദ​ന​ക്ഷ​മ​ത​യു​ള്ള​തു​മായ പ്രദേ​ശ​മാണ്‌ അത്‌. ഇനി, മറ്റേതു ഭൂഖണ്ഡ​ത്തെ​ക്കാ​ളും അവക്ഷേ​പണം (precipitation) കുറവ്‌ സംഭവി​ക്കു​ന്നത്‌ അന്റാർട്ടി​ക്ക​യി​ലാണ്‌. എങ്കി​ലെന്താ, അവിടത്തെ മഞ്ഞുക​ട്ട​ക​ളി​ലാണ്‌ നമ്മുടെ ഗ്രഹത്തി​ലെ മൊത്തം ശുദ്ധജ​ല​ത്തി​ന്റെ 70 ശതമാ​ന​വും അടങ്ങി​യി​രി​ക്കു​ന്നത്‌. ശരാശരി ഏതാണ്ട്‌ 2,200 മീറ്റർ കനത്തിൽ ഹിമാ​വ​രണം ഉള്ളതു​കൊ​ണ്ടാണ്‌ അന്റാർട്ടി​ക്ക​യ്‌ക്ക്‌ ഈ ഭൂമി​യി​ലെ ഏറ്റവും ഉയർന്ന ഭൂഖണ്ഡ​മെന്ന ബഹുമതി ലഭിച്ചി​രി​ക്കു​ന്നത്‌. സമു​ദ്ര​നി​ര​പ്പിൽ നിന്നുള്ള അതിന്റെ ശരാശരി ഉയരം 2,300 മീറ്ററാണ്‌. വലിപ്പ​ത്തി​ന്റെ കാര്യ​ത്തിൽ അഞ്ചാം സ്ഥാനത്തു നിൽക്കുന്ന ഭൂഖണ്ഡം അന്റാർട്ടി​ക്ക​യാണ്‌. എന്നാൽ, ഇവിടത്തെ സ്ഥിരവാ​സി​ക​ളിൽ ഏറ്റവും വലിയത്‌ ഒരു സെന്റി​മീ​റ്റർ വലിപ്പം​വ​രുന്ന, ചിറകി​ല്ലാത്ത ഒരുതരം ഈച്ചയാണ്‌ എന്നു പറഞ്ഞാ​ലോ?

ചൊവ്വാ​ഗ്രഹം സന്ദർശി​ക്കു​ന്ന​തു​പോ​ലെ!

അന്റാർട്ടി​ക്ക​യു​ടെ ഉൾഭാ​ഗ​ത്തേക്കു പോകു​ന്തോ​റും ജീവന്റെ തുടിപ്പ്‌ കുറഞ്ഞു​വ​രു​ന്ന​താ​യി കാണാം. ഡ്രൈ വാലികൾ എന്നു വിളി​ക്ക​പ്പെ​ടുന്ന സ്ഥലങ്ങളിൽ എത്തു​മ്പോൾ ഇതു പ്രത്യേ​കി​ച്ചും സത്യമാണ്‌. ഏകദേശം 3,000 ചതുരശ്ര കിലോ​മീ​റ്റർ വിസ്‌തൃ​തി​യിൽ പരന്നു​കി​ട​ക്കുന്ന ഈ ധ്രുവ​മ​രു​ഭൂ​മി​ക​ളു​ടെ മിക്ക ഭാഗവും അങ്ങ്‌ ഉയരത്തിൽ ട്രാൻസ്‌ അന്റാർട്ടിക്‌ പർവത​നി​ര​ക​ളി​ലാണ്‌—അന്റാർട്ടി​ക്കാ ഭൂഖണ്ഡത്തെ അതുല്യ​മായ രണ്ടു ഭാഗങ്ങ​ളാ​യി വിഭജി​ക്കുന്ന ഈ പർവത​നി​ര​കൾക്കു ചില സ്ഥലങ്ങളിൽ 4,300 മീറ്ററി​ലേറെ ഉയരമുണ്ട്‌—സ്ഥിതി​ചെ​യ്യു​ന്നത്‌. ഡ്രൈ വാലി​ക​ളിൽ വീശി​യ​ടി​ക്കുന്ന അതിശ​ക്ത​മായ ശീതക്കാ​റ്റു​കൾ അവിടെ പൊഴി​യുന്ന മഞ്ഞെല്ലാം തത്‌ക്ഷണം ചുഴറ്റി​യെ​റി​യു​ന്നു. ചൊവ്വാ​ഗ്ര​ഹ​ത്തി​ന്റെ പ്രതല​വു​മാ​യി ഏറ്റവും കൂടുതൽ സാമ്യ​മുള്ള ഭൂമി​യി​ലെ ഇടമാണ്‌ ഡ്രൈ വാലികൾ എന്നു ശാസ്‌ത്രജ്ഞർ കരുതു​ന്നു. അതു​കൊ​ണ്ടാണ്‌, ബഹിരാ​കാശ പേടക​ങ്ങ​ളായ വൈക്കിങ്‌ 1-ഉം 2-ഉം ചൊവ്വ​യി​ലേക്കു വിക്ഷേ​പി​ക്കു​ന്ന​തി​നു മുമ്പ്‌ അവ പരീക്ഷി​ച്ചു​നോ​ക്കു​ന്ന​തിന്‌ പറ്റിയ സ്ഥലമായി ഇവിടം തിര​ഞ്ഞെ​ടു​ത്തത്‌.

എന്നാൽ, ഈ ഡ്രൈ വാലി​ക​ളി​ലും ജീവന്റെ തുടി​പ്പുണ്ട്‌! സുഷി​ര​ങ്ങ​ളുള്ള പാറക​ളിൽ, പ്രതി​കൂല സാഹച​ര്യ​ങ്ങളെ അതിജീ​വി​ക്കാൻ കഴിവുള്ള ചില ബാക്ടീ​രി​യ​യെ​യും ആൽഗക​ളെ​യും ഫംഗസു​ക​ളെ​യും കണ്ടെത്താൻ കഴിയും. പാറക​ളി​ലെ തീരെ ചെറിയ അറകളി​ലാണ്‌ അവ കഴിയു​ന്നത്‌. ഈർപ്പ​ത്തി​ന്റെ ഒരു നേർത്ത കണിക മതി അവയ്‌ക്ക്‌ അതിജീ​വി​ക്കാൻ. പാറകൾക്കു വെളി​യി​ലുള്ള സ്വപ്‌ന​സു​ന്ദ​ര​മായ ലോകം ‘വായു​ഘൃ​ഷ്ടാ​ശ്‌മം’ എന്നു പേരുള്ള നഗ്നപാ​റ​ക്കൂ​ട്ടങ്ങൾ നിറഞ്ഞ​താണ്‌. എണ്ണമറ്റ നൂറ്റാ​ണ്ടു​ക​ളാ​യി അന്റാർട്ടി​ക്ക​യിൽ ഇടതട​വി​ല്ലാ​തെ വീശി​യ​ടി​ക്കുന്ന കാറ്റാണ്‌ ഈ പാറകൾക്ക്‌ അവയുടെ അസാധാ​രണ ആകൃതി​യും ഉജ്ജ്വല​മായ തിളക്ക​വും സമ്മാനി​ച്ചത്‌.

കണ്ടുപി​ടി​ക്കു​ന്ന​തി​നു​മു​മ്പേ നാമക​രണം ചെയ്യപ്പെട്ട ഭൂഖണ്ഡം

പുരാതന ഗ്രീക്ക്‌ തത്ത്വചി​ന്ത​ക​രു​ടെ കാലം​മു​തൽതന്നെ, ദക്ഷിണ ദിക്കിൽ ഭീമാ​കാ​ര​മായ ഒരു ഭൂപ്ര​ദേശം ഉണ്ടായി​രി​ക്കാൻ സാധ്യ​ത​യു​ണ്ടെന്ന്‌ കരുത​പ്പെ​ട്ടി​രു​ന്നു. ഉദാഹ​ര​ണ​ത്തിന്‌, ഉത്തരാർധ ഗോള​ത്തിൽ അന്നുണ്ടാ​യി​രു​ന്ന​താ​യി അറിയ​പ്പെ​ട്ടി​രുന്ന പ്രദേ​ശ​ങ്ങൾക്കു സമതു​ലനം കൈവ​രു​ത്തു​ന്ന​തിന്‌ ഒരു ദക്ഷിണ ഭൂഖണ്ഡം ഉണ്ടായി​രു​ന്നേ പറ്റൂ എന്ന്‌ അരി​സ്റ്റോ​ട്ടിൽ നിഗമനം ചെയ്‌തു. “ഉത്തരാർധ ഗോള​ത്തി​ന്റെ സ്ഥാനം ആർക്‌റ്റേസ്‌ അഥവാ ബെയർ എന്ന നക്ഷത്ര മണ്ഡലത്തി​ന്റെ കീഴി​ലാ​യ​തി​നാൽ ദക്ഷിണ ദിക്കിലെ കണ്ടുപി​ടി​ക്ക​പ്പെ​ടാത്ത ഭൂപ്ര​ദേശം അന്റാർക്‌റ്റി​ക്കോസ്‌, മറ്റു വാക്കു​ക​ളിൽ പറഞ്ഞാൽ നേർ വിപരീ​തം”—ഭൂഗോ​ള​ത്തി​ന്റെ മറുപുറം —“ആയിരി​ക്കു​മെന്ന്‌ അരി​സ്റ്റോ​ട്ടിൽ (പൊ.യു.മു. 384-322) ന്യായ​വാ​ദം ചെയ്‌തു,” അന്റാർട്ടിക്ക—തണുത്തു​റഞ്ഞ ഭൂഖണ്ഡ​ത്തിൽ നിന്നുള്ള വലിയ കഥകൾ (ഇംഗ്ലീഷ്‌) എന്ന പുസ്‌തകം പറയുന്നു. അങ്ങനെ, കണ്ടുപി​ടി​ക്ക​പ്പെ​ടു​ന്ന​തിന്‌ ഏകദേശം 2,000 വർഷം മുമ്പേ നാമക​രണം ചെയ്യപ്പെട്ട ഭൂഖണ്ഡം എന്ന ബഹുമതി അന്റാർട്ടി​ക്ക​യ്‌ക്കുണ്ട്‌!

1772-ൽ ബ്രിട്ടീഷ്‌ പര്യ​വേ​ക്ഷ​ക​നായ ക്യാപ്‌റ്റൻ ജെയിംസ്‌ കുക്ക്‌, ഉണ്ടെന്നു കരുത​പ്പെ​ട്ടി​രുന്ന ആ ഭൂഖണ്ഡം തേടി കപ്പലിൽ തെക്കോ​ട്ടു യാത്ര തിരിച്ചു. സദാ ശക്തമായ കാറ്റുകൾ വീശുന്ന ദ്വീപു​ക​ളും അതു​പോ​ലെ ഭീമൻ മഞ്ഞുമ​ല​ക​ളും—“ഹിമദ്വീ​പു​കൾ” എന്നാണ്‌ അദ്ദേഹം അവയ്‌ക്കു പേരി​ട്ടത്‌—നിറഞ്ഞ ഒരു സ്ഥലത്താണ്‌ അദ്ദേഹം എത്തി​ച്ചേർന്നത്‌. “ചില [മഞ്ഞുമ​ല​കൾക്ക്‌] ഏകദേശം മൂന്നു കിലോ​മീ​റ്റർ ചുറ്റള​വും 20 മീറ്റർ ഉയരവും ഉണ്ടായി​രു​ന്നു. എന്നിട്ടും, സമു​ദ്ര​ത്തി​ലെ തിരമാ​ലകൾ അവയുടെ മുകളി​ലേക്ക്‌ ആഞ്ഞടി​ക്കു​ക​യാ​യി​രു​ന്നു. അത്രമാ​ത്രം ശക്തിയും ഭാരവും ഉണ്ടായി​രു​ന്നു ആ തിരമാ​ല​കൾക്ക്‌,” അദ്ദേഹം എഴുതി. ലക്ഷ്യം നേടി​യെ​ടു​ത്തേ അടങ്ങൂ എന്ന ദൃഢ തീരു​മാ​ന​വു​മാ​യി അദ്ദേഹം തെക്കോട്ട്‌ യാത്ര തുടർന്നു. ഒടുവിൽ 1773 ജനുവരി 17-ാം തീയതി അദ്ദേഹ​ത്തി​ന്റെ റെസല്യൂ​ഷൻ എന്ന കപ്പലും ഒപ്പമു​ണ്ടാ​യി​രുന്ന അഡ്‌വെ​ഞ്ച്വർ എന്ന കപ്പലും, അന്റാർട്ടിക്‌ വൃത്തം കുറുകെ കടന്നു—അന്റാർട്ടിക്‌ വൃത്തം കുറുകെ കടന്നി​ട്ടു​ള്ള​താ​യി അറിയ​പ്പെ​ടുന്ന കപ്പലു​ക​ളിൽ ആദ്യത്തേവ ആയിരു​ന്നു അവ. അടങ്ങാത്ത വാശി​യോ​ടെ കുക്ക്‌ ഹിമഖ​ണ്ഡ​പ്പ​ര​പ്പി​ലൂ​ടെ യാത്ര തുടർന്നു. ഒടുവിൽ അദ്ദേഹ​ത്തിന്‌ ഒരടി പോലും മുന്നോ​ട്ടു പോകാൻ പറ്റില്ല എന്ന അവസ്ഥയാ​യി. “തെക്കോട്ട്‌ നോക്കി​യിട്ട്‌ ഐസ്‌ അല്ലാതെ മറ്റൊ​ന്നും എനിക്കു കാണാൻ കഴിഞ്ഞില്ല,” കപ്പലിലെ സഞ്ചാര​വി​വ​ര​ക്കു​റി​പ്പിൽ അദ്ദേഹം എഴുതി. ലക്ഷ്യം സാധി​ക്കാ​നാ​കാ​തെ ക്യാപ്‌റ്റൻ കുക്ക്‌ പര്യ​വേ​ക്ഷണം അവസാ​നി​പ്പി​ച്ചു മടങ്ങു​മ്പോൾ, അന്റാർട്ടി​ക്ക​യി​ലേക്ക്‌ വെറും 120 കിലോ​മീ​റ്റർ മാത്രമേ ദൂരമു​ണ്ടാ​യി​രു​ന്നു​ള്ളൂ.

ആരാണ്‌ അന്റാർട്ടിക്ക ആദ്യം കണ്ടത്‌? ആരാണ്‌ അവിടെ ആദ്യം കാൽ കുത്തി​യത്‌? അതി​നെ​ക്കു​റിച്ച്‌ ഇന്നുവരെ ആർക്കും കൃത്യ​മാ​യി അറിഞ്ഞു​കൂ​ടാ. അത്‌ തിമിം​ഗില വേട്ടക്കാ​രോ കടൽനായ്‌ വേട്ടക്കാ​രോ പോലും ആയിരി​ക്കാൻ സാധ്യ​ത​യുണ്ട്‌. കാരണം, കടൽനാ​യ്‌ക്ക​ളും പെൻഗ്വി​നു​ക​ളും തിമിം​ഗി​ല​ങ്ങ​ളും അവിടെ സമൃദ്ധ​മാ​യി​ട്ടുണ്ട്‌ എന്ന, നാട്ടിൽ തിരി​ച്ചെ​ത്തിയ ക്യാപ്‌റ്റൻ കുക്കിന്റെ റിപ്പോർട്ട്‌ കേട്ടതും വേട്ടക്കാ​രെ​ല്ലാം കൂടെ അവി​ടേക്കു പാഞ്ഞു.

 ഹിമപ്പ​ര​പ്പിൽ രക്തം വീഴുന്നു

“ഒരുപക്ഷേ വന്യജീ​വി​ക​ളു​ടെ ലോക​ത്തി​ലേ​ക്കും​വെച്ച്‌ ഏറ്റവും വലിയ പറ്റത്തെ​യാ​യി​രി​ക്കാം തികച്ചും യാദൃ​ശ്ചി​ക​മാ​യി കുക്ക്‌ കണ്ടെത്തി​യത്‌. അവയുടെ സാന്നി​ധ്യ​ത്തെ​ക്കു​റിച്ച്‌ ഏറ്റവു​മാ​ദ്യം ലോക​ത്തിന്‌ അറിവു​കൊ​ടു​ത്ത​തും അദ്ദേഹം തന്നെ,” മാരക​മായ ഫലം (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ അലൻ മോർഹെഡ്‌ എഴുതു​ന്നു. “അന്റാർട്ടി​ക്ക​യി​ലെ ജന്തുക്ക​ളു​ടെ കാര്യ​ത്തിൽ അത്‌ ഒരു കൂട്ട​ക്കൊ​ല​യി​ലാണ്‌ കലാശി​ച്ചത്‌,” അദ്ദേഹം പറയുന്നു. അന്റാർട്ടിക്ക—തണുത്തു​റഞ്ഞ ഭൂഖണ്ഡ​ത്തിൽനി​ന്നുള്ള വലിയ കഥകൾ എന്ന പുസ്‌തകം ഇങ്ങനെ പ്രസ്‌താ​വി​ക്കു​ന്നു: “പതി​നെ​ട്ടാം നൂറ്റാ​ണ്ടി​ന്റെ അവസാ​ന​മാ​യ​പ്പോ​ഴേ​ക്കും, ദക്ഷിണാർധ ഗോള​ത്തി​ലെ കടൽനായ്‌ വേട്ട എല്ലാം​കൊ​ണ്ടും സ്വർണം തേടി​യുള്ള പരക്കം​പാ​ച്ചി​ലി​നോ​ടു (gold rush) സമാന​മാ​യി​ത്തീർന്നി​രു​ന്നു. ചൈന​യി​ലും യൂറോ​പ്പി​ലും കടൽനാ​യ്‌ത്തോ​ലി​ന്റെ ആവശ്യം വളരെ​യ​ധി​കം വർധി​ച്ച​തു​നി​മി​ത്തം, [അന്ന്‌ അറിവു​ണ്ടാ​യി​രുന്ന] കടൽനാ​യ്‌ക്ക​ളു​ടെ കോള​നി​ക​ളെ​ല്ലാം വേഗം കാലി​യാ​യി. അങ്ങനെ, കടൽനാ​യ്‌ക്കൾ ഉള്ള പുതിയ സ്ഥലങ്ങൾ തേടി​പ്പോ​കാൻ വേട്ടക്കാർ നിർബ​ന്ധി​ത​രാ​യി.”

കടൽനായ്‌ വേട്ടക്കാർ മിക്കവാ​റും എല്ലാ കടൽനാ​യ്‌ക്ക​ളെ​യും കൊ​ന്നൊ​ടു​ക്കി​യ​പ്പോ​ഴേ​ക്കും തിമിം​ഗില വേട്ടക്കാ​രെത്തി. “തെക്കൻ സമു​ദ്ര​ത്തിൽ ആകെ എത്ര കടൽനാ​യ്‌ക്ക​ളെ​യും തിമിം​ഗി​ല​ങ്ങ​ളെ​യും കൊ​ന്നൊ​ടു​ക്കി​യി​ട്ടുണ്ട്‌ എന്ന്‌ ആരും ഒരിക്ക​ലും അറിയാൻ പോകു​ന്നില്ല,” മോർഹെഡ്‌ എഴുതു​ന്നു. “അത്‌ പത്തു ദശലക്ഷം ആയിരു​ന്നോ അതോ അമ്പതു ദശലക്ഷ​മോ? കണക്കുകൾ ഇവിടെ തികച്ചും അപ്രസ​ക്ത​മാണ്‌. കൊല്ലാൻ ബാക്കി​യൊ​ന്നും ഇല്ലാതാ​കു​ന്ന​തു​വരെ വേട്ടക്കാർ വേട്ട തുടർന്നു.”

എന്നാൽ ഇപ്പോൾ അന്റാർട്ടി​ക്ക​യി​ലെ എല്ലാ സസ്യ-ജന്തുജാ​ല​ങ്ങ​ളെ​യും സംരക്ഷി​ക്കു​ന്ന​തിന്‌ അന്താരാ​ഷ്‌ട്ര നിയമ​ങ്ങ​ളുണ്ട്‌. ഇതുകൂ​ടാ​തെ, കരയിൽ ഇരപി​ടി​യ​ന്മാർ ഇല്ലാത്ത​തി​നാ​ലും കടലിൽ ധാരാളം ആഹാരം ഉള്ളതി​നാ​ലും അന്റാർട്ടിക്‌ തീരം വന്യജീ​വി​ക​ളു​ടെ ഒരു പ്രിയ​പ്പെട്ട വേനൽക്കാല സങ്കേത​മാണ്‌. പക്ഷേ, കൂടുതൽ നിഗൂ​ഢ​മായ ആക്രമ​ണ​ത്തി​ന്റെ ലക്ഷണങ്ങൾ അന്റാർട്ടിക്ക കാണി​ക്കു​ന്നുണ്ട്‌. അന്താരാ​ഷ്‌ട്ര ഉടമ്പടി​കൾക്കൊ​ന്നും അതിനെ നിലയ്‌ക്കു​നി​റു​ത്താൻ കഴിയി​ല്ലാ​യി​രി​ക്കാം.

 [17-ാം പേജിലെ ചതുരം]

രണ്ടു ധ്രുവ​ങ്ങ​ളിൽ

അനേകം സമാന​തകൾ ഉണ്ടെങ്കി​ലും, ഉത്തര ധ്രുവ​വും ദക്ഷിണ ധ്രുവ​വും അവ സ്ഥിതി​ചെ​യ്യുന്ന ഇടത്തിന്റെ കാര്യ​ത്തിൽ മാത്രമല്ല, മറ്റു പല കാര്യ​ങ്ങ​ളി​ലും ‘രണ്ടു ധ്രുവ​ങ്ങ​ളിൽ’ ആണ്‌ എന്നു പറയാൻ കഴിയും. പിൻവ​രു​ന്നവ പരിചി​ന്തി​ക്കുക.

ഉത്തര ധ്രുവ​ത്തി​ന്റെ തൊട്ട​ടുത്ത്‌ ഹിമ​ശേ​ഖ​ര​ങ്ങ​ളും സമു​ദ്ര​വു​മൊ​ക്കെ​യാണ്‌. എന്നാൽ ഭൂഖണ്ഡ​ങ്ങ​ളിൽ വലിപ്പ​ത്തി​ന്റെ കാര്യ​ത്തിൽ അഞ്ചാം സ്ഥാനത്തു​നിൽക്കുന്ന അന്റാർട്ടി​ക്ക​യു​ടെ കേന്ദ്ര​ഭാ​ഗ​ത്തിന്‌ അടുത്താ​യാണ്‌ ദക്ഷിണ ധ്രുവം സ്ഥിതി ചെയ്യു​ന്നത്‌.

ഉത്തര ധ്രുവ​ത്തി​നും അതിനെ വലയം ചെയ്യുന്ന സമു​ദ്ര​ത്തി​നും അതിരാ​കു​ന്നത്‌ അമേരിക്ക, ഏഷ്യ, യൂറോപ്പ്‌ എന്നീ ജനനി​ബി​ഡ​മായ വൻകരകൾ ആണ്‌. പക്ഷേ, ദക്ഷിണ ധ്രുവ​ത്തി​നും അതിനെ വലയം ചെയ്യുന്ന വൻകര​യ്‌ക്കും അതിരാ​കു​ന്നത്‌ വലി​യൊ​രു സമു​ദ്ര​മാണ്‌, നമ്മുടെ ഗ്രഹത്തി​ലെ ഏറ്റവും പ്രക്ഷു​ബ്ധ​മായ സമുദ്രം.

ആർട്ടിക്‌ വൃത്തത്തി​നു​ള്ളിൽ പതിനാ​യി​ര​ക്ക​ണ​ക്കി​നു കുടും​ബങ്ങൾ താമസി​ക്കു​ന്നുണ്ട്‌. ആയിര​ക്ക​ണ​ക്കി​നു സസ്യങ്ങ​ളു​ടെ​യും ജന്തുക്ക​ളു​ടെ​യും ആവാസ​സ്ഥാ​നം കൂടി​യാണ്‌ അത്‌. എന്നിരു​ന്നാ​ലും, ഒരൊറ്റ മനുഷ്യൻ പോലും അന്റാർട്ടിക്ക തന്റെ സ്വന്തം നാടാണ്‌ എന്ന്‌ അവകാ​ശ​പ്പെ​ടില്ല. അവിടെ സ്വാഭാ​വി​ക​മാ​യി ആകെക്കൂ​ടെ കാണ​പ്പെ​ടുന്ന ജീവരൂ​പങ്ങൾ ആൽഗക​ളും ബാക്ടീ​രി​യ​യും പായലു​ക​ളും ലൈക്ക​നു​ക​ളും രണ്ടേരണ്ടു തരം പുഷ്‌പി​ക്കുന്ന ചെടി​ക​ളും പിന്നെ ഏതാനും ഇനം പ്രാണി​ക​ളും മാത്ര​മാണ്‌.

“സ്‌പന്ദി​ക്കുന്ന ഭൂഖണ്ഡം എന്ന്‌ അന്റാർട്ടി​ക്കയെ വിശേ​ഷി​പ്പി​ച്ചി​രി​ക്കു​ന്നു, ഓരോ വർഷവും ഹിമഖ​ണ്ഡ​പ്പ​ര​പ്പി​ന്റെ വലിപ്പം കൂടു​ക​യും കുറയു​ക​യും ചെയ്യു​ന്നത്‌ കൊണ്ടാ​ണിത്‌,” എൻ​സൈ​ക്ലോ​പീ​ഡിയ ബ്രിട്ടാ​നിക്ക പറയുന്നു. ഇങ്ങനെ ഹിമഖ​ണ്ഡ​പ്പ​ര​പ്പി​ന്റെ വലിപ്പം ഏറ്റവു​മ​ധി​കം കൂടുന്ന സമയത്ത്‌ അത്‌ 1,600 കിലോ​മീ​റ്റർ വരെ സമു​ദ്ര​ത്തി​ലേക്കു നീണ്ടു​കി​ട​ന്നേ​ക്കാം. അന്റാർട്ടി​ക്ക​യിൽ ഹിമഖ​ണ്ഡ​പ്പ​ര​പ്പി​ന്റെ വലിപ്പം കൂടു​ക​യും കുറയു​ക​യും ചെയ്യുന്ന നിരക്ക്‌ ആർട്ടി​ക്കി​ന്റേ​തി​നെ അപേക്ഷിച്ച്‌ ആറുമ​ട​ങ്ങാണ്‌. അങ്ങനെ, അന്റാർട്ടി​ക്ക​യ്‌ക്ക്‌ ആഗോള കാലാ​വ​സ്ഥ​യു​ടെ മേൽ കൂടുതൽ സ്വാധീ​നം ചെലു​ത്താൻ കഴിയു​ന്നു.

 [17-ാം പേജിലെ ഭൂപടം]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

അറ്റ്‌ലാന്റിക്‌ സമുദ്രം

ഇന്ത്യൻ മഹാസ​മു​ദ്രം

പസിഫിക്‌ സമുദ്രം

ഡ്രേക്ക്‌ പാസേജ്‌

ജെയിംസ്‌ റോസ്‌ ദ്വീപ്‌

ലാർസൻ ഐസ്‌ ഷെൽഫ്‌

അന്റാർട്ടിക്‌ ഉപദ്വീപ 

റോനെ ഐസ്‌ ഷെൽഫ്‌

വിൻസൺ മാസിഫ്‌(ഏറ്റവും ഉയരമുള്ള പർവതം,4,897 മീറ്റർ)

റോസ്‌ ഐസ്‌ ഷെൽഫ്‌

എറീബസ്‌ പർവതം(ഒരു സജീവ അഗ്നിപർവതം)

ട്രാൻസ്‌ അന്റാർട്ടിക്‌ പർവത​നി​ര​കൾ

ദക്ഷിണ ധ്രുവം

ഭൂമിയിലെ ഏറ്റവും കുറഞ്ഞ താപനില രേഖ​പ്പെ​ടു​ത്ത​പ്പെ​ട്ടത്‌ അന്റാർട്ടി​ക്ക​യി​ലാണ്‌[-89.2] ഡിഗ്രി സെൽഷ്യസ്‌

o 500 കിലോ​മീ​റ്റർ 805 കിലോ​മീ​റ്റർ

[കടപ്പാട്‌]

U.S. Geological Survey

[18, 19 പേജു​ക​ളി​ലെ ചിത്രം]

ചിൻസ്‌ട്രാപ്പ്‌ പെൻഗ്വി​നു​കൾ അപൂർവ​മായ ഒരു നീല മഞ്ഞുമ​ല​യിൽ കൂടി​നിൽക്കു​ന്നു

[കടപ്പാട്‌]

© 2000 Mark J. Thomas/Dembinsky Photo Assoc., Inc

[19-ാം പേജിലെ ചിത്രം]

ഒരു ഹംപ്‌ബാക്ക്‌ തിമിം​ഗി​ലം

[19-ാം പേജിലെ ചിത്രം]

തെക്കൻ കടലാ​ന​കൾ

[19-ാം പേജിലെ ചിത്രം]

ദക്ഷിണ ധ്രുവ​ത്തിൽ

[കടപ്പാട്‌]

Photo: Commander John Bortniak, NOAA Corps

[19-ാം പേജിലെ ചിത്രം]

റോസ്‌ ഐസ്‌ ഷെൽഫ്‌

[കടപ്പാട്‌]

Michael Van Woert, NOAA NESDIS, ORA