ഭൂകമ്പം!

തായ്‌വാനിലെ ഉണരുക! ലേഖകൻ

“ടൈപേ നഗരത്തിൽ സ്ഥിതി​ചെ​യ്യുന്ന ഒരു ബഹുനില കെട്ടി​ട​ത്തി​ലെ ഒമ്പതാം നിലയി​ലാ​യി​രു​ന്നു എന്റെ അപ്പാർട്ട്‌മെന്റ്‌. ഒരു ദിവസം ഞാൻ പുസ്‌ത​ക​വും വായി​ച്ചു​കൊണ്ട്‌ മുറി​യിൽ കിടക്കു​ക​യാ​യി​രു​ന്നു. പെട്ടെന്ന്‌ ലൈറ്റു​കൾ മങ്ങി. മുറി​യാ​കെ കുലു​ങ്ങാൻ തുടങ്ങി, ആരോ കെട്ടിടം പിടി​ച്ചു​ല​യ്‌ക്കു​ന്ന​തു​പോ​ലെ. തൊട്ടു​മു​ക​ളി​ലത്തെ നിലയിൽ സാധന​ങ്ങ​ളെ​ല്ലാം മറിഞ്ഞു വീഴുന്ന ശബ്ദം കേട്ട​പ്പോൾ മച്ച്‌ തകർന്നു വീഴു​മോ എന്നു ഞാൻ ഭയന്നു. ഞാൻ വേഗം ഒരു മേശയ്‌ക്ക​ടി​യിൽ കയറി​യി​രു​ന്നു. കുലുക്കം പിന്നെ​യും കുറേ നേര​ത്തേക്കു തുടർന്നു.”—തായ്‌വാ​നിൽ താമസി​ക്കുന്ന ഒരു പത്ര​പ്ര​വർത്തകൻ.

ഭൂകമ്പം. ആ വാക്കു​തന്നെ നമ്മിൽ ഭയം ജനിപ്പി​ക്കാൻ പോന്ന​താണ്‌. അടുത്ത​കാ​ലത്ത്‌ കൂടെ​ക്കൂ​ടെ നാം അതേക്കു​റി​ച്ചുള്ള വാർത്തകൾ കേൾക്കു​ക​യു​ണ്ടാ​യി. യു.എസ്‌. ജിയോ​ള​ജി​ക്കൽ സർവേ പറയുന്ന പ്രകാരം മുൻ വർഷങ്ങ​ളി​ലും വലിയ തോതി​ലുള്ള ഭൂകമ്പങ്ങൾ ഉണ്ടായി​ട്ടു​ണ്ടെ​ങ്കി​ലും 1999 എന്ന വർഷം ഇക്കാര്യ​ത്തിൽ ഒരു റെക്കോർഡ്‌തന്നെ സ്ഥാപിച്ചു. കൂടാതെ, മരണസം​ഖ്യ വാർഷിക ശരാശ​രി​യു​ടെ ഇരട്ടി​യാ​യി​രു​ന്നു.

1999-ലെ ഏറ്റവും വലിയ ഭൂകമ്പം ഉണ്ടായത്‌ തായ്‌വാ​നി​ലാണ്‌. ഭൂവൽക്ക​ത്തി​ന്റെ രണ്ട്‌ വലിയ വൻകര​ഫ​ല​കങ്ങൾ ഒന്നു​ചേ​രു​ന്നി​ട​ത്താണ്‌ തായ്‌വാൻ സ്ഥിതി ചെയ്യു​ന്നത്‌. തായ്‌വാ​നിൽ മൊത്തം 51 വിള്ളലു​കൾ ഉള്ളതായി സ്ഥിരീ​ക​രി​ക്ക​പ്പെ​ട്ടി​രി​ക്കു​ന്നു. അതു​കൊണ്ട്‌, ഇവിടെ വർഷത്തിൽ 15,000-ഓളം ഭൂകമ്പങ്ങൾ രേഖ​പ്പെ​ടു​ത്ത​പ്പെ​ടു​ന്ന​തിൽ അതിശ​യി​ക്കാ​നില്ല. എന്നിരു​ന്നാ​ലും ഇവയിൽ മിക്കതും തിരി​ച്ച​റി​യ​പ്പെ​ടാ​ത്ത​വണ്ണം നേരിയ തോതി​ലു​ള്ള​വ​യാണ്‌.

എന്നാൽ 1999 സെപ്‌റ്റം​ബർ 21-ന്‌ ഉണ്ടായ ഭൂചലനം അത്തരത്തി​ലു​ള്ള​താ​യി​രു​ന്നില്ല. തായ്‌വാ​നെ കിടി​ലം​കൊ​ള്ളിച്ച ആ ഭൂകമ്പം ഉണ്ടായത്‌ അർധരാ​ത്രി​ക്കു​ശേഷം 1:47-ന്‌ ആയിരു​ന്നു. അത്‌ അതിഭീ​ക​ര​മാ​യ​തി​നാൽ പ്രസി​ഡന്റ്‌ ലീ ഡെങ്‌ ഹ്‌വേ അതിനെ “ഈ നൂറ്റാ​ണ്ടിൽ തായ്‌വാ​നിൽ ഉണ്ടായി​ട്ടു​ള്ള​തി​ലേ​ക്കും ഏറ്റവും വലിയ ഭൂകമ്പം” എന്നു വിശേ​ഷി​പ്പി​ച്ചു. 30 സെക്കന്റു മാത്രം നീണ്ടു​നിന്ന ആ ഭൂകമ്പ​ത്തിന്റ ശക്തി 7.6 ആയിട്ടാണ്‌  റിക്‌ടർ സ്‌കെ​യിൽ രേഖ​പ്പെ​ടു​ത്തി​യത്‌. a ഭൂകമ്പ​ത്തി​ന്റെ ഉത്ഭവ​കേ​ന്ദ്രം ഭൂമി​യു​ടെ ഉപരി​ത​ല​ത്തിൽനിന്ന്‌ ഏതാണ്ട്‌ ഒരു കിലോ​മീ​റ്റ​റിൽ അധികം മാത്രം ആഴത്തിൽ ആയിരു​ന്ന​തി​നാൽ അതിന്റെ തീവ്രത സ്ഥലവാ​സി​കൾക്കു പൂർണ​മാ​യും അനുഭ​വ​പ്പെ​ടു​ക​യു​ണ്ടാ​യി. “അതിശ​ക്ത​മായ ഒരു കുലു​ക്ക​മാണ്‌ എന്നെ ഉറക്കത്തിൽനിന്ന്‌ ഉണർത്തി​യത്‌,” ഭൂകമ്പ​ത്തി​ന്റെ അധി​കേ​ന്ദ്ര​ത്തിന്‌ (ഭൂകമ്പ​ത്തി​ന്റെ ഉത്ഭവ​കേ​ന്ദ്ര​ത്തി​നു നേരെ മുകളി​ലുള്ള ഭൂതല​ഭാ​ഗം) അടുത്താ​യി താമസി​ച്ചി​രുന്ന ല്യൂ സ്യൂസ്യാ പറയുന്നു. “വീട്ടിലെ സാധന​സാ​മ​ഗ്രി​ക​ളെ​ല്ലാം മറിഞ്ഞു​വീ​ണു, സീലിങ്‌ ലൈറ്റു​കൾ പോലും. കുപ്പി​ച്ചി​ല്ലു​ക​ളും സാധന​ങ്ങ​ളും ചിതറി​ക്കി​ട​ന്നി​രു​ന്ന​തി​നാൽ എനിക്ക്‌ പുറ​ത്തേക്കു കടക്കാൻ കഴിഞ്ഞില്ല.” ഹ്വാങ്‌ ഷു-ഹോങ്ങി​ന്റെ അനുഭവം മറ്റൊ​ന്നാ​യി​രു​ന്നു. കുലു​ക്ക​ത്തി​ന്റെ ശക്തിയിൽ അവൾ കട്ടിലിൽനി​ന്നു താഴെ വീണു. “പെട്ടെന്നു വൈദ്യു​തി നിലച്ചു, അതു​കൊണ്ട്‌ ആകെ ഇരുട്ടാ​യി​രു​ന്നു,” അവൾ പറയുന്നു. “ഒരുവി​ധം തപ്പിത്ത​ടഞ്ഞ്‌ ഞാൻ പുറത്തു​ക​ടന്നു. ഞാനും അയൽക്കാ​രും കൂടി അന്ന്‌ രാത്രി മുഴുവൻ റോഡ​രി​കിൽ കഴിച്ചു​കൂ​ട്ടി. എത്ര നേരമാ​ണെ​ന്നോ നിലം കുലു​ങ്ങി​ക്കൊ​ണ്ടി​രു​ന്നത്‌!”

രക്ഷാ​പ്ര​വർത്ത​ന​ങ്ങൾ

നേരം വെളു​ത്ത​പ്പോൾ ഭൂകമ്പ​ത്തി​ന്റെ പ്രത്യാ​ഘാ​തങ്ങൾ എങ്ങും ദൃശ്യ​മാ​യി​രു​ന്നു. ഒറ്റനില കെട്ടി​ട​ങ്ങ​ളും ബഹുനില കെട്ടി​ട​ങ്ങ​ളും അടക്കം 12,000 കെട്ടി​ടങ്ങൾ നിലം​പൊ​ത്തി. ദുരന്തത്തെ കുറി​ച്ചുള്ള വാർത്ത പരന്ന​പ്പോൾ, സ്ഥലത്തെ സന്നദ്ധ​സേ​വ​കരെ സഹായി​ക്കാ​നാ​യി 23 രാജ്യ​ങ്ങ​ളിൽനിന്ന്‌ രക്ഷാ​പ്ര​വർത്തകർ തായ്‌വാ​നി​ലെത്തി. പലരും അപ്പോ​ഴും നാശാ​വ​ശി​ഷ്ട​ങ്ങൾക്കി​ട​യിൽ കുടു​ങ്ങി​ക്കി​ട​പ്പു​ണ്ടാ​യി​രു​ന്നു.

ഒരു ദുരന്തം ഉണ്ടായ​ശേ​ഷ​മുള്ള ആദ്യത്തെ 72 മണിക്കൂർ അതിജീ​വ​കരെ കണ്ടെത്തുന്ന കാര്യ​ത്തിൽ നിർണാ​യ​ക​മാണ്‌. എന്നാൽ രക്ഷാ​പ്ര​വർത്ത​കരെ അത്ഭുത​പ്പെ​ടു​ത്തിയ ചില സംഭവങ്ങൾ തായ്‌വാ​നിൽ ഉണ്ടായി. ഉദാഹ​ര​ണ​ത്തിന്‌, ദുരന്തം നടന്ന്‌ 87 മണിക്കൂ​റി​നു​ശേഷം ആറു വയസ്സുള്ള ഒരു ആൺകു​ട്ടി​യെ അവശി​ഷ്ട​ങ്ങൾക്കി​ട​യിൽനിന്ന്‌ രക്ഷപ്പെ​ടു​ത്താൻ സാധിച്ചു. ടൈ​പേ​യിൽ, തകർന്നു​വീണ ഒരു 12 നില കെട്ടി​ട​ത്തി​ന്റെ അവശി​ഷ്ടങ്ങൾ നീക്കം​ചെ​യ്യു​ന്ന​തി​നി​ട​യിൽ രണ്ടു യുവാ​ക്കളെ കണ്ടെത്തി. സഹോ​ദ​ര​ന്മാ​രായ അവരി​രു​വ​രും അഞ്ചു ദിവസ​ത്തി​ലേ​റെ​യാ​യി അവശി​ഷ്ട​ങ്ങൾക്കി​ട​യിൽ കുടു​ങ്ങി​ക്കി​ട​ക്കു​ക​യാ​യി​രു​ന്നു. അവരും അത്ഭുത​ക​ര​മാ​യി രക്ഷപ്പെട്ടു!

എന്നാൽ സങ്കടക​ര​മെന്നു പറയട്ടെ, ഹൃദയ​ഭേ​ദ​ക​ങ്ങ​ളായ അനുഭ​വ​ങ്ങ​ളും രക്ഷാ​പ്ര​വർത്ത​കർക്കു നേരി​ടേ​ണ്ട​താ​യി വന്നു. ഉദാഹ​ര​ണ​ത്തിന്‌, ഒരു രക്ഷാ​പ്ര​വർത്തക സംഘത്തെ നയിച്ചി​രുന്ന വ്യക്തി ഇപ്രകാ​രം പറയുന്നു: “എട്ടു മണിക്കൂർ മുമ്പു​വരെ ഒരു കുട്ടി കരയുന്ന ശബ്ദം ഞങ്ങൾക്കു കേൾക്കാ​മാ​യി​രു​ന്നു.  പക്ഷേ പിന്നെ ആ കരച്ചിൽ നിലച്ചു.” തായ്‌വാ​നി​ലെ ആ ഭൂകമ്പ​ത്തിൽ 2,300-ലധികം പേർ മരിച്ചു, 8,500-ലധികം പേർക്കു പരി​ക്കേറ്റു.

പ്രത്യാ​ഘാ​ത​ങ്ങളെ നേരിടൽ

ഭൂകമ്പത്തെ തുടർന്ന്‌ ഭവനര​ഹി​ത​രായ ലക്ഷക്കണ​ക്കിന്‌ ആളുകൾക്ക്‌ അഭയം നൽകാൻ ഒരു വമ്പിച്ച ശ്രമം നടന്നു. ഭൂകമ്പ​ക്കെ​ടു​തിക്ക്‌ ഇരയായ ചിലർക്ക്‌ ആദ്യം കെട്ടി​ട​ങ്ങ​ളു​ടെ അകത്തേക്കു പോകാൻ ഒരൽപ്പം പേടി​യാ​യി​രു​ന്നു. ഇത്‌ മനസ്സി​ലാ​ക്കാ​വു​ന്നതേ ഉള്ളൂ. കാരണം, ആദ്യത്തെ ഭൂകമ്പത്തെ തുടർന്നുള്ള പത്തു ദിവസ​ങ്ങ​ളിൽ ചെറിയ തോതി​ലുള്ള ഏതാണ്ട്‌ 10,000 പ്രഘാ​തങ്ങൾ (Shock) രേഖ​പ്പെ​ടു​ത്ത​പ്പെട്ടു! ഇതിൽ ഒരെണ്ണ​ത്തി​ന്റെ ശക്തി റിക്ടർ സ്‌കെ​യി​ലിൽ 6.8 എന്നു രേഖ​പ്പെ​ടു​ത്തി. ആ പ്രഘാ​തത്തെ തുടർന്ന്‌, ഇളകി​നി​ന്നി​രുന്ന നിരവധി കെട്ടി​ടങ്ങൾ നിലം​പൊ​ത്തു​ക​യും ചെയ്‌തു.

എന്നിരു​ന്നാ​ലും, ദുരി​താ​ശ്വാ​സ പ്രവർത്ത​നങ്ങൾ തുടർന്നു. വിദേശ രക്ഷാ​പ്ര​വർത്തക സംഘങ്ങൾ, ചി ജി എന്ന ബുദ്ധമത വിഭാഗം, അഗ്നിശമന പ്രവർത്തക സംഘങ്ങൾ എന്നിവ ഉൾപ്പെടെ ഗവൺമെന്റ്‌ പങ്കാളി​ത്ത​മി​ല്ലാത്ത ഒട്ടേറെ സംഘട​നകൾ ഈ പ്രവർത്ത​ന​ത്തി​നാ​യി തങ്ങളുടെ സമയവും വൈദ​ഗ്‌ധ്യ​ങ്ങ​ളും സംഭാവന ചെയ്‌തു. യഹോ​വ​യു​ടെ സാക്ഷി​ക​ളും ദുരി​താ​ശ്വാ​സ പ്രവർത്ത​ന​ത്തിൽ ഏർപ്പെ​ട്ടി​രു​ന്നു. ഗലാത്യർ 6:10-ൽ ബൈബിൾ ബുദ്ധി​യു​പ​ദേ​ശി​ക്കുന്ന പ്രകാരം അവർക്ക്‌ രണ്ടു ലക്ഷ്യങ്ങ​ളാണ്‌ ഉണ്ടായി​രു​ന്നത്‌. (1) സഹവി​ശ്വാ​സി​ക​ളു​ടെ ആവശ്യങ്ങൾ നിറ​വേ​റ്റുക (2) മറ്റു മതങ്ങളിൽപ്പെ​ട്ടവർ ഉൾപ്പെടെ എല്ലാവർക്കും, നന്മ ചെയ്യുക.

ആദ്യത്തെ ദിവസം വൈകു​ന്നേരം ആയപ്പോ​ഴേ​ക്കും യഹോ​വ​യു​ടെ സാക്ഷികൾ ഭക്ഷണവും വെള്ളവും കൂടാരം കെട്ടാ​നുള്ള സാധന​സാ​മ​ഗ്രി​ക​ളും ഭക്ഷണം പാകം ചെയ്യാ​നുള്ള സജ്ജീക​ര​ണ​ങ്ങ​ളും മറ്റും ട്രക്കു​ക​ളിൽ കൊണ്ടു​വന്ന്‌ ഇറക്കാൻ തുടങ്ങി. വാർത്താ​വി​നി​മയ ബന്ധങ്ങ​ളെ​ല്ലാം വിച്ഛേ​ദി​ക്ക​പ്പെ​ട്ടി​രു​ന്ന​തി​നാൽ, സഹ സാക്ഷി​ക​ളെ​യും അവരുടെ ബന്ധുക്ക​ളെ​യും ബൈബിൾ വിദ്യാർഥി​ക​ളെ​യും താത്‌പ​ര്യ​ക്കാ​രെ​യും കണ്ടുപി​ടി​ക്കാൻ ഭൂകമ്പ ബാധിത പ്രദേ​ശത്തെ ആറു സഭകളി​ലെ മൂപ്പന്മാർ കൂട്ടായ ശ്രമം നടത്തി. ഒന്നിച്ച്‌ ഒരു സ്ഥലത്തു താമസി​ക്കാൻ അവർ ഭവനര​ഹി​ത​രായ സാക്ഷി​കളെ പ്രോ​ത്സാ​ഹി​പ്പി​ച്ചു. അങ്ങനെ​യാ​കു​മ്പോൾ എല്ലാവ​രു​ടെ​യും കാര്യങ്ങൾ നന്നായി ശ്രദ്ധി​ക്കാ​നും എല്ലാവ​രു​മാ​യി സമ്പർക്കം പുലർത്താ​നും എളുപ്പ​മാ​കു​മാ​യി​രു​ന്നു. തായ്‌വാ​നി​ലെ സഞ്ചാര മേൽവി​ചാ​ര​ക​ന്മാ​രും ബ്രാഞ്ച്‌ കമ്മിറ്റി അംഗങ്ങ​ളും പ്രോ​ത്സാ​ഹനം നൽകാ​നാ​യി ഓരോ കൂട്ടങ്ങ​ളെ​യും സഭക​ളെ​യും സന്ദർശി​ച്ചു.

കേടു​പാ​ടു​കൾ സംഭവിച്ച വീടു​ക​ളും രാജ്യ​ഹാ​ളു​ക​ളും നന്നാക്കാ​നാ​യി​രു​ന്നു അടുത്ത ശ്രമം. ഓരോ സഭയും, നന്നാക്കാ​നുള്ള കെട്ടി​ട​ങ്ങ​ളു​ടെ ഒരു ലിസ്റ്റ്‌ തയ്യാറാ​ക്കി. അതിനു​ശേഷം, മേഖലാ നിർമാണ കമ്മിറ്റി​യു​ടെ മാർഗ​നിർദേ​ശ​ത്തിൻ കീഴിൽ സന്നദ്ധ​സേവാ സംഘങ്ങൾ അയയ്‌ക്ക​പ്പെട്ടു. ഭൂകമ്പ​ത്തി​നു ശേഷം ഒരു മാസം​കൊണ്ട്‌ പണിക​ളെ​ല്ലാം പൂർത്തി​യാ​യി.

തങ്ങളു​ടേ​തിൽനിന്ന്‌ വ്യത്യ​സ്‌ത​മായ മതം ആചരി​ക്കുന്ന അയൽക്കാ​രെ​യും യഹോ​വ​യു​ടെ സാക്ഷികൾ സഹായി​ച്ചു. ഉദാഹ​ര​ണ​ത്തിന്‌, ആശ്വാസം പകരു​ന്ന​തി​നാ​യി സാക്ഷികൾ ആശുപ​ത്രി​ക​ളും ദുരി​താ​ശ്വാ​സ പാർപ്പിട കേന്ദ്ര​ങ്ങ​ളും സന്ദർശി​ച്ചു. 1996 ജൂൺ 22 ലക്കം ഉണരുക!-യിലെ “പ്രകൃതി വിപത്തു​ക്കൾ—തരണം ചെയ്യാൻ നിങ്ങളു​ടെ കുട്ടിയെ സഹായി​ക്കൽ” എന്ന ലേഖന​ത്തി​ന്റെ ഫോ​ട്ടോ​കോ​പ്പി​കൾ അവർ വിതരണം ചെയ്‌തു. ഒട്ടേറെ ആളുകൾ ഈ ലേഖനം കൃതജ്ഞ​ത​യോ​ടെ സ്വീക​രി​ച്ചു, ലഭിച്ച ഉടൻതന്നെ അവർ അതു വായി​ക്കാൻ തുടങ്ങി. റോഡു​കൾ തുറക്ക​പ്പെ​ട്ട​പ്പോൾ യഹോ​വ​യു​ടെ സാക്ഷികൾ ഭൂകമ്പ​ക്കെ​ടു​തിക്ക്‌ ഇരയായ ഒറ്റപ്പെട്ട പർവത പ്രദേ​ശ​ങ്ങ​ളി​ലേക്ക്‌ ട്രക്കു​ക​ണ​ക്കിന്‌ ഭക്ഷ്യവ​സ്‌തു​ക്ക​ളും മറ്റും കയറ്റി അയച്ചു.

ഈ വ്യവസ്ഥി​തി​യു​ടെ അന്ത്യനാ​ളു​ക​ളിൽ ‘ഭൂകമ്പം അവിട​വി​ടെ ഉണ്ടാകും’ എന്ന്‌ കാലങ്ങൾക്കു മുമ്പ്‌ ബൈബിൾ മുൻകൂ​ട്ടി പറഞ്ഞി​രു​ന്ന​താ​യി അതിന്റെ പഠിതാ​ക്കൾ മനസ്സി​ലാ​ക്കു​ന്നു. (മത്തായി 24:7) എന്നാൽ സമാധാ​ന​പൂർണ​മായ ദൈവ​രാ​ജ്യ ഭരണത്തിൻ കീഴിൽ മനുഷ്യ​വർഗം ഇത്തരം ഭയാന​ക​മായ പ്രകൃ​തി​വി​പ​ത്തു​ക്കളെ പേടിച്ചു കഴി​യേണ്ടി വരി​ല്ലെ​ന്നും ബൈബിൾ നമുക്ക്‌ ഉറപ്പു​ത​രു​ന്നു. ആ കാലത്ത്‌, ഭൂമി ഒരു പറുദീ​സ​യാ​യി മാറു​ക​തന്നെ ചെയ്യും.—യെശയ്യാ​വു 65:17, 21, 23; ലൂക്കൊസ്‌ 23:43.

[അടിക്കു​റിപ്പ്‌]

[26-ാം പേജിലെ ചിത്രം]

ദുരിതാശ്വാസ കേന്ദ്ര​ങ്ങ​ളിൽ ആയിരു​ന്ന​പ്പോ​ഴും യഹോ​വ​യു​ടെ സാക്ഷികൾ തങ്ങളുടെ യോഗങ്ങൾ നടത്തു​ക​യു​ണ്ടാ​യി

[27-ാം പേജിലെ ചിത്രം]

ഭൂകമ്പത്തിൽ പല റോഡു​ക​ളും നശിപ്പി​ക്ക​പ്പെ​ട്ടു

[കടപ്പാട്‌]

San Hong R-C Picture Company

[25-ാം പേജിലെ ചിത്ര​ങ്ങൾക്ക്‌ കടപ്പാട്‌]

San Hong R-C Picture Company

[27-ാം പേജിലെ ചിത്ര​ങ്ങൾക്ക്‌ കടപ്പാട്‌]

2, 25-27 പേജു​ക​ളി​ലെ സൈസ്‌മോഗ്രാം: Figure courtesy of the Berkeley Seismological Laboratory