ലൂയി ബ്രെയിൽ—അന്ധകാ​ര​ത്തി​ന്റെ തടവു​കാർക്ക്‌ വെളിച്ചം പകർന്ന ആൾ

എഴുതാ​നും വായി​ക്കാ​നു​മുള്ള പ്രാപ്‌തി​യെ നിങ്ങൾ എത്രമാ​ത്രം വിലമ​തി​ക്കു​ന്നുണ്ട്‌? ചിലർ അതിനു വലിയ വില​യൊ​ന്നും കൽപ്പി​ക്കു​ന്നി​ല്ലാ​യി​രി​ക്കാം. എന്നാൽ എഴുത്തും വായന​യും യഥാർഥ​ത്തിൽ, പഠനത്തി​നാ​വ​ശ്യ​മായ അടിസ്ഥാന ഘടകങ്ങ​ളാണ്‌. വായന അറിയി​ല്ലേ, അറിവി​ന്റെ ഒരു വൻകലവറ അടഞ്ഞു​തന്നെ കിടക്കും, തീർച്ച.

നൂറു​ക​ണ​ക്കി​നു വർഷ​ത്തേക്ക്‌ അന്ധർക്ക്‌ അക്ഷരങ്ങ​ളു​ടെ ലോക​ത്തി​ലേക്കു പ്രവേ​ശനം നിഷേ​ധി​ക്ക​പ്പെ​ട്ടി​രു​ന്നു. എന്നിരു​ന്നാ​ലും ഈ ദയനീ​യാ​വ​സ്ഥ​യ്‌ക്കു മാറ്റം വരുത്താ​നുള്ള ആത്മാർഥ​മായ ആഗ്രഹ​ത്താൽ പ്രേരി​ത​നാ​യി 19-ാം നൂറ്റാ​ണ്ടിൽ ഒരു ചെറു​പ്പ​ക്കാ​രൻ പുതിയ ഒരു ആശയവി​നി​മയ സമ്പ്രദാ​യം വികസി​പ്പി​ച്ചെ​ടു​ത്തു. അത്‌ അദ്ദേഹ​ത്തി​നും ദശലക്ഷ​ക്ക​ണ​ക്കി​നു വരുന്ന മറ്റുള്ള​വർക്കും അവസര​ത്തി​ന്റെ ഒരു പുതിയ വാതിൽ തുറന്നു കൊടു​ത്തു.

ദുരന്തം പ്രത്യാ​ശ​യ്‌ക്ക്‌ വഴിതു​റ​ക്കു​ന്നു

1809-ൽ ഫ്രാൻസി​ലെ കൂവ്രെ ഗ്രാമ​ത്തി​ലാ​ണു ലൂയി ബ്രെയിൽ ജനിച്ചത്‌. പാരീ​സിൽനിന്ന്‌ ഏകദേശം 40 കിലോ​മീ​റ്റർ അകലെ​യാ​യി​രു​ന്നു ആ ഗ്രാമം. അദ്ദേഹ​ത്തി​ന്റെ പിതാവ്‌ സിമോൺ റെനേ ബ്രെയിൽ, കുതി​ര​ക്കോ​പ്പു​കൾ നിർമി​ക്കുന്ന ഒരു വ്യക്തി ആയിരു​ന്നു. പിതാ​വി​ന്റെ പണിപ്പു​ര​യിൽ ചെന്നു കളിക്കുക എന്നത്‌ കൊച്ചു ലൂയി​യു​ടെ ഒരു പതിവാ​യി​രു​ന്നി​രി​ക്കണം. എന്നാൽ ഒരവസ​ര​ത്തിൽ ഇത്‌ വലിയ ഒരു അപകട​ത്തി​ലേക്കു നയിച്ചു. ലൂയി കൂർത്ത അറ്റമുള്ള ഒരു പണിയാ​യു​ധം—സാധ്യ​ത​യ​നു​സ​രിച്ച്‌ ഒരു തുകലു​ളി—അറിയാ​തെ കണ്ണിൽ കുത്തി​ക്ക​യറ്റി. കണ്ണിനു സംഭവിച്ച ക്ഷതം ഒരുത​ര​ത്തി​ലും ഭേദമാ​ക്കാൻ ആകുമാ​യി​രു​ന്നില്ല. അതും​പോ​രാ​ഞ്ഞിട്ട്‌ അണുബാധ പെട്ടെ​ന്നു​തന്നെ മറ്റേ കണ്ണി​ലേ​ക്കും വ്യാപി​ച്ചു. അങ്ങനെ വെറും മൂന്നു വയസ്സു​ള്ള​പ്പോൾ ലൂയി പൂർണ്ണ​മാ​യും അന്ധനായി.

ആ സാഹച​ര്യ​ത്തെ ആവുന്നത്ര നന്നായി കൈകാ​ര്യം ചെയ്യാൻ ലൂയി​യു​ടെ മാതാ​പി​താ​ക്കൾ തീരു​മാ​നി​ച്ചു. അവരും ഇടവക പുരോ​ഹി​ത​നായ ഷാക്ക്‌ പാൽവീ​യും ചേർന്ന്‌ ലൂയിയെ അവരുടെ പ്രദേ​ശത്തെ സ്‌കൂ​ളിൽ ചേർക്കു​ന്ന​തി​നു വേണ്ട ഏർപ്പാ​ടു​കൾ ചെയ്‌തു. താൻ കേട്ട കാര്യ​ങ്ങ​ളിൽ വലി​യൊ​രു ഭാഗവും ലൂയി​യു​ടെ കൊച്ചു മനസ്സ്‌ ഒപ്പി​യെ​ടു​ത്തു. ചില വർഷങ്ങ​ളിൽ അവൻ ക്ലാസിലെ ഒന്നാമൻ പോലു​മാ​യി​രു​ന്നു! എന്നാൽ കാഴ്‌ച​യു​ള്ള​വർക്കാ​യി തയ്യാറാ​ക്കിയ വിദ്യാ​ഭ്യാ​സ​രീ​തി​കൾ ഉപയോ​ഗിച്ച്‌ ഒരു അന്ധന്‌ പഠിക്കാൻ കഴിയുന്ന കാര്യ​ങ്ങൾക്ക്‌ പരിമി​തി​കൾ ഉണ്ടായി​രു​ന്നു. അതു​കൊണ്ട്‌ 1819-ൽ ലൂയിയെ അന്ധരായ കുട്ടി​കൾക്കാ​യുള്ള റോയൽ ഇൻസ്റ്റി​റ്റ്യൂ​ട്ടിൽ ചേർത്തു.

വായി​ക്കു​ന്ന​തിന്‌ അന്ധരെ സഹായി​ക്കുന്ന ഒരു പദ്ധതി ആവിഷ്‌ക​രിച്ച ആദ്യ വ്യക്തി​ക​ളിൽ ഒരാളാ​യി​രു​ന്നു ഇൻസ്റ്റി​റ്റ്യൂ​ട്ടി​ന്റെ സ്ഥാപക​നായ വാലന്റിൻ ഹോയ്‌. ഔപചാ​രിക വിദ്യാ​ഭ്യാ​സം അന്ധനായ ഒരു വ്യക്തിക്കു പറഞ്ഞി​ട്ടു​ള്ളതല്ല എന്ന പൊതു ധാരണ തിരു​ത്താൻ അദ്ദേഹം ആഗ്രഹി​ച്ചു. ഹോയി​യു​ടെ ആദ്യകാല പരീക്ഷ​ണ​ങ്ങ​ളിൽപ്പെട്ട ഒന്നായി​രു​ന്നു കട്ടിക്ക​ട​ലാ​സിൽ എഴുന്നു​നിൽക്കുന്ന വലിയ അക്ഷരങ്ങൾ ഉണ്ടാക്കുക എന്നത്‌. അപരി​ഷ്‌കൃ​ത​മെ​ങ്കി​ലും ഈ ശ്രമങ്ങൾ പിന്നീ​ട​ങ്ങോ​ട്ടുള്ള വികസ​ന​ങ്ങൾക്ക്‌ അടിത്ത​റ​യാ​യി ഉതകി.

ഹോയി​യു​ടെ ചെറിയ ലൈ​ബ്ര​റി​യി​ലെ പുസ്‌ത​ക​ങ്ങ​ളിൽ ഉണ്ടായി​രുന്ന എഴുന്നു​നിൽക്കുന്ന വലിയ അക്ഷരങ്ങൾ വായി​ക്കാൻ ബ്രെയിൽ പഠിച്ചു. എന്നാൽ ഇതു വളരെ​യ​ധി​കം സമയം വേണ്ടി​വ​രു​ന്ന​തും അപ്രാ​യോ​ഗി​ക​വും ആയ രീതി​യാ​ണെന്ന്‌ അവൻ മനസ്സി​ലാ​ക്കി. എന്തൊ​ക്കെ​യാ​യാ​ലും കാഴ്‌ച​യു​ള്ള​വരെ മനസ്സിൽ കണ്ടു​കൊ​ണ്ടു തയ്യാറാ​ക്കി​യ​താ​ണ​ല്ലോ അക്ഷരങ്ങൾ. അപ്പോൾപ്പി​ന്നെ അവ വിരലു​കൾകൊ​ണ്ടു തപ്പി​നോ​ക്കി വായി​ക്കു​ന്ന​തി​ന്റെ ബുദ്ധി​മുട്ട്‌ മനസ്സി​ലാ​ക്കാ​വു​ന്ന​തല്ലേ ഉള്ളൂ. സന്തോ​ഷ​ക​ര​മെന്നു പറയട്ടെ, ഈ പരിമി​തി​കൾ തിരി​ച്ച​റിഞ്ഞ മറ്റൊ​രാൾ രംഗത്തു വരാൻ പോകു​ക​യാ​യി​രു​ന്നു.

ഒരു അപ്രതീ​ക്ഷിത ഉറവിൽനി​ന്നു ലഭിച്ച ആശയം

1821-ൽ ലൂയി ബ്രെയി​ലിന്‌ പന്ത്രണ്ടു വയസ്സു മാത്രം പ്രായ​മു​ള്ള​പ്പോൾ ഫ്രഞ്ച്‌ പട്ടാള​ത്തിൽനി​ന്നു വിരമിച്ച ക്യാപ്‌റ്റൻ ചാൾസ്‌ ബാർബി​യർ അവരുടെ ഇൻസ്റ്റി​റ്റ്യൂട്ട്‌ സന്ദർശി​ച്ചു. പിന്നീട്‌ സോ​ണൊ​ഗ്രഫി എന്ന്‌ അറിയ​പ്പെ​ടാ​നി​ട​യായ നിശാ എഴുത്ത്‌ എന്ന ഒരു ആശയവി​നി​മയ സമ്പ്രദാ​യം അദ്ദേഹം അവരുടെ മുമ്പാകെ അവതരി​പ്പി​ച്ചു. യുദ്ധക്ക​ള​ത്തി​ലെ ഉപയോ​ഗ​ത്തി​നാ​യാണ്‌ നിശാ എഴുത്തു സമ്പ്രദാ​യം വികസി​പ്പി​ച്ചെ​ടു​ത്തത്‌. എഴുന്നു​നിൽക്കുന്ന കുത്തുകൾ ഉപയോ​ഗി​ച്ചുള്ള സ്‌പർശ്യ വേദ്യ​മായ ഒരു ആശയവി​നി​മയ മാർഗ​മാ​യി​രു​ന്നു അത്‌. 12 കുത്തുകൾ കൊണ്ടുള്ള ഒരു ദീർഘ​ച​തു​ര​ത്തിൽ ആറു കുത്തുകൾ ലംബമാ​യും രണ്ടു കുത്തുകൾ തിരശ്ചീ​ന​മാ​യും വരത്തക്ക​വണ്ണം ക്രമീ​ക​രി​ച്ചി​രു​ന്നു. കോഡ്‌—ഈ കോഡു​കൾ ഉപയോ​ഗിച്ച്‌ വാക്കു​കളെ അവ ഉച്ചരി​ക്കു​ന്നതു പോ​ലെ​തന്നെ എഴുതാ​നും വായി​ക്കാ​നും കഴിയു​മാ​യി​രു​ന്നു—ഉപയോ​ഗി​ക്കുന്ന ഈ രീതിക്ക്‌ സ്‌കൂ​ളിൽ നല്ല പ്രതി​ക​ര​ണ​മാ​ണു ലഭിച്ചത്‌. ബ്രെയിൽ വലിയ ഉത്സാഹ​ത്തോ​ടെ ഈ പുതിയ രീതി പഠിച്ചു. അവൻ അതിൽ പരിഷ്‌ക​ര​ണങ്ങൾ വരുത്തുക പോലും ചെയ്‌തു. എന്നാൽ ഈ സമ്പ്രദാ​യത്തെ ശരിക്കും പ്രാ​യോ​ഗി​കം ആക്കുന്ന​തിന്‌ ബ്രെയിൽ തന്റെ പരി​ശ്ര​മങ്ങൾ ക്ഷമയോ​ടെ തുട​രേ​ണ്ടി​യി​രു​ന്നു.  അവൻ തന്റെ ഡയറി​യിൽ ഇങ്ങനെ കുറിച്ചു: “വ്യക്തി​ക​ളെ​യും സംഭവ​ങ്ങ​ളെ​യും കുറിച്ച്‌, ആശയങ്ങ​ളെ​യും ഉപദേ​ശ​ങ്ങ​ളെ​യും കുറിച്ച്‌ എന്റെ കണ്ണുകൾ എന്നോടു പറയി​ല്ലെ​ങ്കിൽ ഞാൻ മറ്റെ​ന്തെ​ങ്കി​ലും മാർഗം കണ്ടെത്തി​യേ മതിയാ​കൂ.”

അതു​കൊണ്ട്‌ കോഡ്‌ ലളിത​മാ​ക്കാ​നാ​യി അടുത്ത രണ്ടു വർഷ​ത്തേക്ക്‌ ബ്രെയിൽ നിശ്ചയ​ദാർഢ്യ​ത്തോ​ടെ യത്‌നി​ച്ചു. ഒടുവിൽ പരിഷ്‌കൃ​ത​വും മികവു​റ്റ​തു​മായ ഒരു സമ്പ്രദാ​യം അവൻ വികസി​പ്പി​ച്ചെ​ടു​ത്തു. ആറു കുത്തുകൾ മാത്രം ഉൾക്കൊ​ള്ളുന്ന ഒരു ദീർഘ​ച​തു​ര​ത്തിൽ (ഇതിന്‌ ബ്രെയിൽസെൽ എന്നു പറയും) മൂന്നു കുത്തുകൾ ലംബമാ​യും രണ്ടു കുത്തുകൾ തിരശ്ചീ​ന​മാ​യും വരത്തക്ക​വി​ധം ലൂയി ക്രമീ​ക​രി​ച്ചു. 1824 ആയപ്പോ​ഴേ​ക്കും പതിനഞ്ചു വയസ്സു​കാ​ര​നായ ബ്രെയിൽ ഈ സമ്പ്രദാ​യ​ത്തിന്‌ പൂർണ​രൂ​പം നൽകി​ക്ക​ഴി​ഞ്ഞി​രു​ന്നു. അധികം താമസി​യാ​തെ​തന്നെ, ഇൻസ്റ്റി​റ്റ്യൂ​ട്ടിൽ അധ്യാ​പ​ക​നാ​യി ജോലി ആരംഭി​ക്കു​ക​യും ചെയ്‌തു. 1829-ൽ, ഇന്ന്‌ അദ്ദേഹ​ത്തി​ന്റെ പേരിൽ അറിയ​പ്പെ​ടുന്ന ഈ അതുല്യ​മായ ആശയവി​നി​മയ സമ്പ്രദാ​യം ബ്രെയിൽ പ്രസി​ദ്ധീ​ക​രി​ച്ചു. തീരെ ചെറിയ ചില പരിഷ്‌ക​ര​ണങ്ങൾ ഒഴിച്ചു​നി​റു​ത്തി​യാൽ ഈ സമ്പ്രദാ​യ​ത്തിന്‌ ഇന്നും ഒരു മാറ്റവു​മില്ല.

ബ്രെയിൽ ലിപി ലോക​വ്യാ​പ​ക​മാ​യി ലഭ്യമാ​ക്കു​ന്നു

1820-കളുടെ അവസാ​ന​ത്തിൽ, എഴുന്നു​നിൽക്കുന്ന കുത്തുകൾ ഉപയോ​ഗി​ച്ചു​കൊ​ണ്ടുള്ള ബ്രെയി​ലി​ന്റെ പുതിയ ആശയവി​നി​മയ സമ്പ്രദാ​യത്തെ കുറിച്ചു വിശദീ​ക​രി​ക്കുന്ന ആദ്യത്തെ പുസ്‌തകം പുറത്തി​റങ്ങി. എന്നാൽ ഈ സമ്പ്രദാ​യ​ത്തി​നു വ്യാപ​ക​മായ അംഗീ​കാ​രം കിട്ടാൻ പിന്നെ​യും സമയം എടുത്തു. 1854-ൽ, അതായത്‌ ബ്രെയിൽ നിര്യാ​ത​നാ​യി രണ്ടുവർഷം കഴിഞ്ഞു മാത്ര​മാണ്‌ ബ്രെയിൽസ​മ്പ്ര​ദാ​യം അദ്ദേഹ​ത്തി​ന്റെ ഇൻസ്റ്റി​റ്റ്യൂ​ട്ടിൽപോ​ലും ഔദ്യോ​ഗി​ക​മാ​യി അംഗീ​ക​രി​ക്ക​പ്പെ​ട്ടത്‌. പക്ഷേ എല്ലാം​കൊ​ണ്ടും മികച്ച ഈ സമ്പ്രദാ​യ​ത്തിന്‌ ക്രമേണ വലിയ പ്രചാരം ലഭിക്കു​ക​തന്നെ ചെയ്‌തു.

പല സംഘട​ന​ക​ളും ബ്രെയിൽ ലിപി​യി​ലുള്ള സാഹി​ത്യ​ങ്ങൾ പ്രസി​ദ്ധീ​ക​രി​ച്ചി​ട്ടുണ്ട്‌. 1912-ൽ വാച്ച്‌ടവർ സൊ​സൈറ്റി ഇത്തരം സാഹി​ത്യ​ങ്ങൾ പ്രസി​ദ്ധീ​ക​രി​ക്കാൻ തുടങ്ങി. അപ്പോ​ഴും ഇംഗ്ലീഷ്‌ ഭാഷ സംസാ​രി​ക്കുന്ന രാജ്യ​ങ്ങ​ളിൽ ഒരു സാർവ​ത്രിക ബ്രെയിൽ കോഡ്‌ നടപ്പിൽവ​രു​ത്താ​നുള്ള ശ്രമങ്ങൾ നടക്കു​ന്നതേ ഉണ്ടായി​രു​ന്നു​ള്ളൂ. ഇന്ന്‌, ആധുനിക ബ്രെയിൽ അച്ചടി സംവി​ധാ​നങ്ങൾ ഉപയോ​ഗിച്ച്‌ സൊ​സൈറ്റി എട്ടു വ്യത്യസ്‌ത ഭാഷക​ളി​ലാ​യി ബ്രെയിൽ ലിപി​യി​ലുള്ള ദശലക്ഷ​ക്ക​ണ​ക്കിന്‌ പേജുകൾ ഓരോ വർഷവും ഉത്‌പാ​ദി​പ്പി​ക്കു​ന്നു. ഇവ 70-ലേറെ രാജ്യ​ങ്ങ​ളിൽ വിതരണം ചെയ്യ​പ്പെ​ടു​ന്നു. ബ്രെയിൽ ലിപി​യി​ലുള്ള ബൈബിൾ സാഹി​ത്യ​ങ്ങ​ളു​ടെ ആവശ്യം വർധി​ച്ചു​വ​രു​ന്ന​തി​നാൽ അടുത്ത​യി​ടെ സൊ​സൈറ്റി അതിന്റെ ഉത്‌പാ​ദന ശേഷി ഇരട്ടി​പ്പി​ച്ചു.

വളരെ ക്രമീ​കൃ​ത​വും ലളിത​വു​മായ ബ്രെയിൽ കോഡി​ന്റെ സഹായ​ത്തോ​ടെ ദശലക്ഷ​ക്ക​ണ​ക്കിന്‌ അന്ധർ ഇന്ന്‌ അക്ഷരജ്ഞാ​നം നേടി​യി​രി​ക്കു​ന്നു—ഏകദേശം 200 വർഷം മുമ്പ്‌ ഒരു ബാലൻ നടത്തിയ അർപ്പിത ശ്രമങ്ങ​ളു​ടെ ഫലംതന്നെ.

[15-ാം പേജിലെ ചതുരം/ചിത്രങ്ങൾ]

ബ്രെയിൽ കോഡ്‌ വായിക്കൽ

ബ്രെയിൽ വായി​ക്കു​ന്നത്‌ ഇടത്തു​നി​ന്നു വലത്തോ​ട്ടാണ്‌. ഒറ്റ​ക്കൈ​കൊ​ണ്ടോ രണ്ടു കൈയും​കൊ​ണ്ടോ ഇതു സാധി​ക്കും. ഓരോ ബ്രെയിൽ സെല്ലി​ലെ​യും കുത്തു​കൾകൊണ്ട്‌ 63 തരം സംയോ​ജ​നങ്ങൾ സാധ്യ​മാണ്‌. അതു​കൊണ്ട്‌ മിക്ക ഭാഷക​ളി​ലെ​യും മുഴു അക്ഷരങ്ങ​ളെ​യും ചിഹ്നങ്ങ​ളെ​യും കുത്തു​ക​ളു​ടെ പ്രത്യേക സംയോ​ജ​ന​ങ്ങൾകൊ​ണ്ടു പ്രതി​നി​ധീ​ക​രി​ക്കാൻ കഴിയും. ചില ഭാഷകൾ ബ്രെയി​ലി​ന്റെ ഒരു ചുരു​ക്ക​രൂ​പ​മാണ്‌ ഉപയോ​ഗി​ക്കു​ന്നത്‌. അത്തരം ബ്രെയിൽ അക്ഷരമാ​ല​ക​ളിൽ, ചില സെല്ലുകൾ കൂടെ​ക്കൂ​ടെ ഉപയോ​ഗി​ക്കേണ്ടി വരുന്ന അക്ഷരക്കൂ​ട്ട​ങ്ങ​ളെ​യോ മുഴു പദങ്ങ​ളെ​യോ പ്രതി​നി​ധാ​നം ചെയ്യുന്നു. ചില ആളുകൾ ബ്രെയി​ലിൽ വളരെ പ്രാവീ​ണ്യം നേടി​യി​രി​ക്കു​ന്നു. അവർക്ക്‌ ഒരു മിനി​ട്ടിൽ 200 വാക്കുകൾ വരെ വായി​ക്കാൻ കഴിയും!

ആദ്യത്തെ പത്ത്‌ അക്ഷരങ്ങൾ മുകളി​ലത്തെ രണ്ടു വരിക​ളി​ലെ കുത്തുകൾ മാത്രമേ ഉപയോ​ഗി​ക്കു​ന്നു​ള്ളു

ആദ്യത്തെ പത്ത്‌ അക്ഷരങ്ങ​ളിൽ ഓരോ​ന്നി​ന്റെ​യും കൂടെ അവസാന വരിയി​ലെ ഇടത്തെ കുത്ത്‌ കൂട്ടി​യാൽ അടുത്ത പത്ത്‌ അക്ഷരങ്ങ​ളാ​യി

ആദ്യത്തെ അഞ്ച്‌ അക്ഷരങ്ങ​ളു​ടെ കൂടെ അവസാന വരിയി​ലെ രണ്ടു കുത്തു​ക​ളും ചേർത്താൽ അവസാ​നത്തെ അഞ്ച്‌ അക്ഷരങ്ങൾ കിട്ടും; എന്നാൽ “w” മാത്രം ഇതിൽ നിന്നൊ​ക്കെ വ്യത്യ​സ്‌ത​മാണ്‌, കാരണം ഫ്രഞ്ച്‌ അക്ഷരമാ​ല​യു​ടെ ഭാഗമാ​യി അത്‌ കൂട്ടി​ച്ചേർക്ക​പ്പെ​ട്ടതു പിന്നീ​ടാണ്‌

[14-ാം പേജിലെ ചിത്ര​ങ്ങൾക്ക്‌ കടപ്പാട്‌]

Portrait: © Maison Natale de Louis Braille - Coupvray, France/Photo Jean-Claude Yon