ആത്മവിദ്യ ഇത്ര പ്രചാരം നേടു​ന്ന​തി​ന്റെ കാരണം

“മനുഷ്യ​ന്റെ ഒരു ആത്മഭാഗം ഭൗതിക ശരീര​ത്തി​ന്റെ മരണത്തെ അതിജീ​വി​ക്കു​ന്നു​വെ​ന്നും അതിനു സാധാ​ര​ണ​മാ​യി മധ്യവർത്തി​യാ​യി സേവി​ക്കുന്ന ഒരു വ്യക്തി​യി​ലൂ​ടെ ജീവി​ച്ചി​രി​ക്കു​ന്ന​വ​രു​മാ​യി ആശയവി​നി​മയം നടത്താൻ കഴിയു​മെ​ന്നും ഉള്ള വിശ്വാ​സം” എന്നാണ്‌ ആത്മവി​ദ്യ​യെ നിർവ​ചി​ച്ചി​രി​ക്കു​ന്നത്‌.

മരിച്ച​വ​രു​മാ​യി എങ്ങനെ സമ്പർക്കം പുലർത്താം എന്നു വിശദീ​ക​രിച്ച ഒരു പുസ്‌തകം 1998-ൽ ന്യൂ​യോർക്ക്‌ ടൈം​സി​ന്റെ ബെസ്റ്റ്‌ സെല്ലർ പട്ടിക​യിൽ ഒന്നാം സ്ഥാനം കയ്യടക്കി. ഐക്യ​നാ​ടു​ക​ളിൽ അതിന്റെ ജനപ്രീ​തി അത്രയ്‌ക്കു വലുതാ​യി​രു​ന്നു.

ഏതാനും വർഷങ്ങൾക്കു മുമ്പ്‌, അതീ​ന്ദ്രിയ ശക്തിയു​ള്ള​വ​രു​മാ​യുള്ള കൂടി​ക്കാ​ഴ്‌ച​ക​ളും ആത്മമധ്യ​വർത്തി​ക​ളു​ടെ യോഗ​ങ്ങൾക്കു ഹാജരാ​കു​ന്ന​തും മറ്റും മോസ്‌കോ​യി​ലെ രാഷ്‌ട്രീ​യ​ക്കാ​രു​ടെ​യും വ്യാപാ​രി​ക​ളു​ടെ​യും ഇടയിലെ ഹരമാ​യി​രു​ന്നു. അത്തരം കൂടി​യാ​ലോ​ച​ന​കൾക്കാ​യി അവർ പണം വാരി​വി​തറി.

ബ്രസീ​ലിൽ ആത്മവി​ദ്യ​യെ ചിത്രീ​ക​രി​ക്കുന്ന ടെലി​വി​ഷൻ സീരി​യ​ലു​കൾ വളരെ​യ​ധി​കം പ്രേക്ഷ​കരെ ആകർഷി​ക്കു​ന്നു.

ആഫ്രി​ക്ക​യി​ലും ഏഷ്യയി​ലും ഉള്ള അനേകരെ സംബന്ധി​ച്ചി​ട​ത്തോ​ളം ആത്മവി​ദ്യാ​ചാ​രം വളരെ സാധാ​ര​ണ​മായ ഒരു സംഗതി​യാണ്‌, ചന്തസ്ഥലത്തു പോയി സാധനങ്ങൾ വാങ്ങു​ന്ന​യത്ര സാധാ​രണം.

ഇത്ര​യേറെ പേർ ആത്മവി​ദ്യ​യി​ലേക്കു തിരി​യു​ന്ന​തി​ന്റെ കാരണം

തങ്ങളുടെ പ്രിയ​പ്പെ​ട്ടവർ മരിക്കു​മ്പോ​ഴാ​ണു പലരും ആത്മവി​ദ്യ​യി​ലേക്കു തിരി​യു​ന്നത്‌. അതിലൂ​ടെ തങ്ങൾക്ക്‌ ആശ്വാസം ലഭിക്കു​മെന്ന്‌ അവർ കരുതു​ന്നു. മരിച്ച​വ​രിൽനി​ന്നു വരുന്ന​താ​യി തോന്നുന്ന പ്രത്യേക സന്ദേശങ്ങൾ ആത്മമധ്യ​വർത്തി​ക​ളി​ലൂ​ടെ അവർക്കു ലഭി​ച്ചേ​ക്കാം. മരിച്ചു​പോയ തങ്ങളുടെ പ്രിയ​പ്പെ​ട്ടവർ ഇപ്പോ​ഴും ജീവി​ച്ചി​രി​പ്പു​ണ്ടെ​ന്നും അവരു​മാ​യി സമ്പർക്കം പുലർത്തു​ന്നത്‌ തങ്ങളുടെ നഷ്ടത്തെ നേരി​ടാൻ സഹായി​ക്കു​മെ​ന്നും ഉള്ള വിശ്വാ​സ​ത്തി​ലേക്ക്‌ അത്‌ അവരെ നയിക്കു​ന്നു.

മറ്റു ചിലർ ആത്മവി​ദ്യ​യി​ലേക്ക്‌ ആകർഷി​ക്ക​പ്പെ​ടു​ന്നത്‌ രോഗങ്ങൾ സുഖ​പ്പെ​ടു​ത്താ​നും ദാരി​ദ്ര്യ​ത്തി​ന്റെ പിടി​യിൽനി​ന്നു മോചി​ത​രാ​കാ​നും പ്രണയ​സാ​ഫ​ല്യം നേടാ​നും വൈവാ​ഹിക പ്രശ്‌നങ്ങൾ പരിഹ​രി​ക്കാ​നും ജോലി കണ്ടെത്താ​നു​മൊ​ക്കെ ആത്മാക്കൾ അവരെ സഹായി​ക്കു​മെന്ന്‌ ആളുകൾ പറഞ്ഞു​കേ​ട്ടി​ട്ടു​ള്ളതു കൊണ്ടാണ്‌. ഇനി, വെറും  ജിജ്ഞാ​സ​യു​ടെ പേരിൽ ആത്മവി​ദ്യ​യി​ലേക്ക്‌ തിരി​യു​ന്ന​വ​രും ചുരു​ക്കമല്ല.

ലക്ഷക്കണ​ക്കിന്‌ ആളുകൾ ആത്മവി​ദ്യ​യി​ലേക്കു തിരി​ഞ്ഞി​രി​ക്കു​ന്ന​തി​നു മറ്റൊരു കാരണം കൂടി​യുണ്ട്‌. ഈ രംഗത്തെ ഒരു വിദഗ്‌ധൻ പറയു​ന്ന​തു​പോ​ലെ, “ആത്മവിദ്യ ക്രിസ്‌ത്യാ​നി​ത്വ​ത്തോ​ടൊ​പ്പം നിൽക്കുന്ന ഒന്നാണ്‌” എന്ന്‌ ആളുകളെ പഠിപ്പി​ച്ചി​രി​ക്കു​ന്നു. ബ്രസീ​ലി​ലെ മതപര​മായ സ്ഥിതി​വി​ശേഷം ഇതിന്‌ ഉദാഹ​ര​ണ​മാണ്‌.

ഏറ്റവും അധികം റോമൻ കത്തോ​ലി​ക്ക​രുള്ള രാജ്യ​മാ​ണു ബ്രസീൽ. എന്നാൽ എഴുത്തു​കാ​ര​നായ സാൽ ബിഡെർമെൻ പറയു​ന്ന​തു​പോ​ലെ, “ലക്ഷക്കണ​ക്കി​നു​വ​രുന്ന വിശ്വാ​സി​കൾ ഒന്നിൽക്കൂ​ടു​തൽ അൾത്താ​ര​ക​ളിൽ മെഴു​കു​തി​രി​കൾ കത്തിക്കു​ന്നു. [അതിൽ] ഒരു കുഴപ്പ​വും അവർ കാണു​ന്നില്ല.” എന്തിന്‌, ബ്രസീ​ലി​ലെ വാർത്താ​വാ​രി​ക​യായ വേഴ റിപ്പോർട്ടു ചെയ്‌തത്‌ അനുസ​രിച്ച്‌ ആത്മവി​ദ്യാ കേന്ദ്ര​ങ്ങ​ളി​ലെ സ്ഥിരം സന്ദർശ​ക​രിൽ 80 ശതമാ​ന​വും കുർബാ​ന​യിൽ സംബന്ധി​ക്കുന്ന മാമ്മോ​ദീ​സാ മുങ്ങിയ കത്തോ​ലി​ക്ക​രാണ്‌. ചില വൈദി​കർപോ​ലും ആത്മവി​ദ്യാ സംബന്ധ​മായ യോഗ​ങ്ങ​ളിൽ ഹാജരാ​കു​ന്നു എന്ന സംഗതി കണക്കി​ലെ​ടു​ക്കു​മ്പോൾ ആശ്വാ​സ​ത്തി​നും മാർഗ​നിർദേ​ശ​ത്തി​നു​മാ​യി ആത്മാക്ക​ളു​മാ​യി സമ്പർക്കം പുലർത്തു​ന്നത്‌ ദൈവാം​ഗീ​കാ​രം ഉള്ള ഒരു കാര്യ​മാ​ണെന്ന്‌ വിശ്വാ​സി​കൾ കരുതു​ന്നത്‌ എന്തു​കൊ​ണ്ടാ​ണെന്നു മനസ്സി​ലാ​ക്കാ​വു​ന്നതേ ഉള്ളൂ. എന്നാൽ അവരുടെ ഈ വിശ്വാ​സം ശരിയാ​ണോ?

[3-ാം പേജിലെ ചതുരം/ചിത്രങ്ങൾ]

ആത്മവിദ്യയുടെ വിവിധ രൂപങ്ങൾ

ആത്മവി​ദ്യാ​ചാ​ര​ത്തിൽ ആത്മമധ്യ​വർത്തി​ക​ളോട്‌ ആലോചന ചോദി​ക്കു​ന്ന​തും, മരിച്ച​വ​രോട്‌ അന്വേ​ഷണം നടത്തു​ന്ന​തും, ശകുനം നോക്കു​ന്ന​തും ഉൾപ്പെ​ടു​ന്നു. ആത്മവി​ദ്യ​യു​ടെ വളരെ പ്രചാരം നേടി​യി​ട്ടുള്ള ഒരു രൂപമാണ്‌ ഭാവി​ക​ഥ​ന​വി​ദ്യ—ആത്മാക്ക​ളു​ടെ സഹായ​ത്തോ​ടെ ഭാവി അല്ലെങ്കിൽ അജ്ഞാത​മായ കാര്യങ്ങൾ അറിയാൻ നടത്തുന്ന ശ്രമമാണ്‌ അത്‌. ജ്യോ​തി​ഷം, പരൽനോ​ട്ടം, സ്വപ്‌ന​വ്യാ​ഖ്യാ​നം, കൈ​നോ​ട്ടം, ടാരറ്റ്‌ കാർഡു​ക​ളു​ടെ സഹായ​ത്തോ​ടെ​യുള്ള ഭാഗ്യം പറച്ചിൽ എന്നിവ​യെ​ല്ലാം ഭാവി​ക​ഥ​ന​വി​ദ്യ​യു​ടെ ചില രൂപങ്ങ​ളാണ്‌.