ഞങ്ങളുടെ വായന​ക്കാ​രിൽനിന്ന്‌

പൊട്ടു​കൾ “കൺമു​മ്പി​ലെ പൊട്ടു​കൾ—നിങ്ങളും അവ കാണാ​റു​ണ്ടോ?” (ജൂൺ 8, 2000) എന്ന ലേഖനം എന്റെ ജീവി​ത​ത്തിൽ ഗണ്യമായ പ്രഭാവം ചെലുത്തി. എന്റെ വലതു​ക​ണ്ണി​ന്റെ റെറ്റിന ഭാഗി​ക​മാ​യി വേർപെ​ട്ട​തി​നു മൂന്നു ദിവസം മുമ്പു മാത്ര​മാ​യി​രു​ന്നു എനിക്ക്‌ ആ മാസിക കിട്ടി​യത്‌. ആ ലേഖന​ത്തിൽ വിവരി​ച്ചി​രുന്ന ലക്ഷണങ്ങൾ, എത്രയും പെട്ടെന്ന്‌ വൈദ്യ​സ​ഹാ​യം തേടേ​ണ്ട​തി​ന്റെ ആവശ്യകത എന്നെ ബോധ്യ​പ്പെ​ടു​ത്തി. തകരാറ്‌ പരിഹ​രി​ക്കു​ന്ന​തി​നാ​യി ലേസർ ചികിത്സ നടത്തി. അതു​കൊണ്ട്‌ എന്റെ കാഴ്‌ച​യ്‌ക്കു കുഴപ്പ​മൊ​ന്നും സംഭവി​ച്ചില്ല. നന്നായി ഗവേഷണം ചെയ്‌തു തയ്യാറാ​ക്കിയ ഇത്തരം പ്രാ​യോ​ഗിക ലേഖന​ങ്ങൾക്കു നന്ദി.

സി. വി., ദക്ഷിണാ​ഫ്രിക്ക (g01 3/8)

പ്രചാ​രണം 2000 ജൂൺ 22 ലക്കം ഞാൻ വായിച്ചു കഴിഞ്ഞ​തേ​യു​ള്ളൂ. “കേൾക്കു​ന്നത്‌ എല്ലാം കണ്ണുമ​ടച്ചു വിശ്വ​സി​ക്ക​ണ​മോ?” എന്ന ലേഖന​പ​ര​മ്പ​ര​യ്‌ക്കു നന്ദി. ഞാൻ താമസി​ക്കുന്ന പ്രദേ​ശത്ത്‌ റോമ​നി​കളെ (ജിപ്‌സി​കളെ) പരിഹ​സി​ക്കു​ന്നത്‌ ഒരു ഫാഷനാ​യി മാറി​യി​രി​ക്കു​ക​യാണ്‌. അവർ മോഷണം നടത്തു​ന്ന​തെ​ങ്ങനെ എന്നതിനെ കുറി​ച്ചൊ​ക്കെ ആളുകൾ ഓരോ​രോ തമാശകൾ ഉണ്ടാക്കി പറയാ​റുണ്ട്‌. അത്തരം തമാശകൾ പറയു​ന്നത്‌ ഉചിതമല്ല എന്ന്‌ ആ ലേഖനങ്ങൾ വായി​ച്ച​പ്പോൾ എനിക്കു മനസ്സി​ലാ​യി. അവ പറയുന്ന ആളുക​ളു​ടെ കൂടെ കൂടു​ക​യി​ല്ലെന്ന്‌ ഞാൻ തീരു​മാ​നി​ച്ചു കഴിഞ്ഞു.

കെ. എം., ചെക്ക്‌ റിപ്പബ്ലിക്ക്‌ (g01 3/8)

പുഞ്ചിരി “പുഞ്ചി​രി​ക്കൂ—അതു നിങ്ങൾക്കു നല്ലതാണ്‌!” (ജൂലൈ 8, 2000) എന്ന മൂല്യ​വ​ത്തായ ലേഖന​ത്തി​നു നന്ദി. അതിൽ പറഞ്ഞി​രി​ക്കുന്ന കാര്യ​ങ്ങ​ളോ​ടു ഞാൻ പൂർണ​മാ​യി യോജി​ക്കു​ന്നു. എന്റെ പുഞ്ചിരി ആത്മാർഥ​മാ​യി​രി​ക്കു​ന്ന​തി​നാ​യി എപ്പോ​ഴും ക്രിയാ​ത്മ​ക​മാ​യി ചിന്തി​ക്കാൻ അതെന്നെ ഓർമി​പ്പി​ച്ചു. അതേ, മറ്റുള്ള​വ​രു​മാ​യി സൗഹൃ​ദ​ത്തി​ലാ​കാൻ പുഞ്ചിരി നമ്മെ സഹായി​ക്കും, അതു​പോ​ലെ സംഘർഷ​ങ്ങളെ ഇല്ലാതാ​ക്കാ​നും.

പി. സി., ചൈന (g01 3/8)

സാന്റേ​റിയ “സാന്റേ​റിയ ഒരുക്കുന്ന കെണി” (ജൂലൈ 8, 2000) എന്ന നിങ്ങളു​ടെ ഉണരുക! ലേഖനം ആരംഭി​ച്ചി​രി​ക്കു​ന്നത്‌ സാന്റേ​റിയ ക്യൂബ​യിൽ ആണ്‌ ഏറ്റവും പ്രമു​ഖ​മാ​യി​രി​ക്കു​ന്ന​തെ​ന്നും അവി​ടെ​നി​ന്നാണ്‌ അത്‌ മറ്റു പല രാജ്യ​ങ്ങ​ളി​ലേ​ക്കും ക്രമേണ വ്യാപി​ച്ചത്‌ എന്നും പറഞ്ഞു​കൊ​ണ്ടാണ്‌. എന്നാൽ, കരീബി​യൻ ദ്വീപു​ക​ളി​ലേ​ക്കെ​ല്ലാം ഈ മതം കൊണ്ടു​വ​ന്നത്‌ നൈജീ​രി​യ​യിൽനി​ന്നുള്ള ആഫ്രിക്കൻ അടിമ​ക​ളാ​ണെന്ന ഒരു ആശയം ലേഖന​ത്തി​ന്റെ ഉള്ളിൽ മറഞ്ഞി​രി​പ്പുണ്ട്‌. ക്യൂബ​യിൽനി​ന്നുള്ള ആളല്ല ഇത്‌ എഴുതി​യി​രി​ക്കു​ന്നത്‌, മെക്‌സി​ക്കോ​യിൽനി​ന്നുള്ള ആളാണ്‌. ഇതി​നെ​യാണ്‌ ‘യെല്ലോ ജേർണ​ലി​സം’ എന്നു വിളി​ക്കു​ന്നത്‌. ഇതു നിങ്ങളു​ടെ വിശ്വാ​സ്യത നശിക്കു​ന്ന​തിന്‌ ഇടയാ​ക്കും.

വി. ആർ., ഐക്യ​നാ​ടു​കൾ

സാന്റേ​റിയ “ക്യൂബ​യിൽ ആണ്‌ ഏറ്റവും പ്രമു​ഖ​മാ​യി​രി​ക്കു​ന്നത്‌” എന്നു സൂചി​പ്പി​ക്കാൻ ഞങ്ങൾ ഒരു പ്രകാ​ര​ത്തി​ലും ഉദ്ദേശി​ച്ചി​രു​ന്നില്ല. നേരെ മറിച്ച്‌, മെക്‌സി​ക്കോ​യും ഐക്യ​നാ​ടു​ക​ളും ഉൾപ്പെ​ടെ​യുള്ള ലോക​ത്തി​ന്റെ മറ്റു പല ഭാഗങ്ങ​ളി​ലും സാന്റേ​റിയ വ്യാപ​ക​മാ​യി പ്രചാ​ര​ത്തി​ലുണ്ട്‌ എന്നാണ്‌ ഞങ്ങൾ എഴുതി​യി​രു​ന്നത്‌. സാന്റേ​റിയ മതം പ്രചരി​ച്ച​തി​നെ​ക്കു​റിച്ച്‌ “എൻ​സൈ​ക്ലോ​പീ​ഡിയ ബ്രിട്ടാ​നിക്ക” പറയു​ന്നത്‌ ഇങ്ങനെ​യാണ്‌: “ക്യൂബ​യിൽ ഉത്ഭവിച്ച്‌ അയൽദ്വീ​പു​ക​ളി​ലേക്കു വ്യാപിച്ച ഒരു ആരാധ​നാ​സ​മ്പ്ര​ദാ​യം ആണ്‌ [സാന്റേ​റിയ] . . . യോരു​ബ​ക്കാ​രു​ടെ (ആധുനിക നൈജീ​രി​യ​യി​ലും ബെനി​നി​ലു​മുള്ള) പാരമ്പ​ര്യ​ങ്ങ​ളിൽനി​ന്നാണ്‌ ഇത്‌ വികാസം പ്രാപി​ച്ചത്‌.”—പത്രാ​ധി​പർ (g01 3/22)

അന്റാർട്ടിക്ക “ഒടുവി​ലതാ—അന്റാർട്ടി​ക്ക​യി​ലും” (ആഗസ്റ്റ്‌ 8, 2000) എന്ന ലേഖനം ഞാൻ വീണ്ടും വീണ്ടും വായിച്ചു. ഓസ്‌​ട്രേ​ലി​യ​യി​ലെ നമ്മുടെ ഉണരുക! ലേഖക​നും ലേ ഔട്ട്‌ ആർട്ടി​സ്റ്റും ചേർന്ന്‌ അതു വളരെ മനോ​ഹ​ര​മാ​ക്കി​ത്തീർത്തി​രി​ക്കു​ന്നു! അത്‌ എന്നിൽ ഗതകാ​ല​സ്‌മ​ര​ണകൾ ഉണർത്തി. ഏതാണ്ട്‌ 45 വർഷം മുമ്പ്‌ അന്താരാ​ഷ്‌ട്ര ഭൂഭൗ​തി​ക​വർഷ​ത്തിൽ, ഐക്യ​നാ​ടു​ക​ളി​ലുള്ള ഒരു സംഘം ശാസ്‌ത്രജ്ഞർ അന്റാർട്ടി​ക്കയെ കുറിച്ചു പഠിക്കാൻ നിയോ​ഗി​ക്ക​പ്പെട്ടു. അവരുടെ പഠനഫ​ലങ്ങൾ രേഖ​പ്പെ​ടു​ത്താൻ മൂന്നു വലിയ വാല്യ​ങ്ങൾതന്നെ വേണ്ടി​വന്നു. ഒരു സ്വതന്ത്ര കലാകാ​രി എന്ന നിലയിൽ ഞാനാ​യി​രു​ന്നു അവരുടെ ലേ ഔട്ട്‌ ആർട്ടിസ്റ്റ്‌. ഇന്ന്‌ ഞാൻ യഹോ​വ​യു​ടെ സാക്ഷി​ക​ളിൽ ഒരാളാണ്‌. സുവാർത്ത​യു​ടെ ഒരു മുഴു​സമയ ശുശ്രൂ​ഷ​ക​യാ​യി എന്റെ 16-ാമത്തെ വർഷമാണ്‌ ഇത്‌. എന്റെ സ്റ്റുഡി​യോ​യിൽ അന്റാർട്ടി​ക്ക​യു​ടെ ധാരാളം ഫോ​ട്ടോ​ക​ളും ഭൂപട​ങ്ങ​ളും പ്രദർശി​പ്പി​ച്ചി​ട്ടു​ള്ള​തി​നാൽ ഞാൻ അന്റാർട്ടി​ക്ക​യാൽ വലയം ചെയ്യ​പ്പെ​ട്ടി​രി​ക്കു​ക​യാണ്‌ എന്നു പറയാം. ആ ലേഖന​ത്തിന്‌ വളരെ നന്ദി!

സി. എം., ഐക്യ​നാ​ടു​കൾ (g01 3/8)