നിലനിൽക്കുന്ന പ്രയോ​ജ​നങ്ങൾ കൈവ​രു​ത്തുന്ന സന്നദ്ധ​സേ​വ​നം

 സഹായം ആവശ്യ​മു​ള്ള​വർക്കാ​യി യേശു പതിവാ​യി സത്‌പ്ര​വൃ​ത്തി​കൾ ചെയ്‌തു. ഉദാഹ​ര​ണ​ത്തിന്‌ അവൻ വിശക്കു​ന്ന​വരെ പോഷി​പ്പി​ച്ചു, രോഗി​കളെ സൗഖ്യ​മാ​ക്കി. (മത്തായി 14:14-21) എന്നാൽ അവൻ ഏതു പ്രവർത്ത​ന​ത്തി​നാണ്‌ മുൻഗണന കൊടു​ത്തത്‌? യേശു​വി​ന്റെ ശുശ്രൂ​ഷ​യു​ടെ പ്രാരംഭ ഘട്ടത്തിൽ നടന്ന ഒരു സംഭവം അതിന്‌ ഉത്തരം നൽകുന്നു. മർക്കൊ​സി​ന്റെ സുവി​ശേ​ഷ​ത്തി​ന്റെ ആദ്യത്തെ അധ്യാ​യ​ത്തിൽ അതു രേഖ​പ്പെ​ടു​ത്തി​യി​രി​ക്കു​ന്നു.

യേശു ഗലീലാ​ക്ക​ട​ലിന്‌ അടുത്തുള്ള കഫർന്ന​ഹൂ​മിൽ ആയിരു​ന്ന​പ്പോൾ, അവനു ശിമോ​ന്റെ അഥവാ പത്രൊ​സി​ന്റെ വീട്ടി​ലേക്കു ക്ഷണം ലഭിച്ചു. അവിടെ ‘ശിമോ​ന്റെ അമ്മാവി​യമ്മ പനിപി​ടി​ച്ചു കിടപ്പി​ലാ​യി​രു​ന്നു,’ യേശു അവളെ സുഖ​പ്പെ​ടു​ത്തി. (മർക്കൊസ്‌ 1:29-31) പിന്നീട്‌, ‘സകലവി​ധ​ദീ​ന​ക്കാ​രും’ ഉൾപ്പെടെ ഒരു ജനക്കൂട്ടം പത്രൊ​സി​ന്റെ വീട്ടു​വാ​തിൽക്കൽ തടിച്ചു​കൂ​ടി, യേശു അവരെ​യും സൗഖ്യ​മാ​ക്കി. (മർക്കൊസ്‌ 1:32-34) രാത്രി​യാ​യ​പ്പോൾ എല്ലാവ​രും ഉറങ്ങാൻ പോയി.

പിറ്റേന്ന്‌ “അതികാ​ലത്തു” ഇരുട്ട്‌ മാറു​ന്ന​തി​നു മുമ്പു​തന്നെ യേശു ശബ്ദമു​ണ്ടാ​ക്കാ​തെ എഴു​ന്നേറ്റ്‌ “ഒരു നിർജ്ജ​ന​സ്ഥ​ലത്തു ചെന്നു പ്രാർത്ഥി​ച്ചു.” കുറച്ചു​സ​മയം കഴിഞ്ഞ്‌, അവന്റെ ശിഷ്യ​ന്മാർ ഉണർന്ന്‌ വീടിനു വെളി​യി​ലേക്കു നോക്കി​യ​പ്പോൾ വാതിൽക്കൽ വലി​യൊ​രു ജനാവലി കൂടി​വ​ന്നി​രി​ക്കു​ന്ന​താണ്‌ കണ്ടത്‌. എന്നാൽ അവർ എന്തു ചെയ്യും? യേശു​വി​നെ കാണ്മാ​നി​ല്ലാ​യി​രു​ന്നു! ഉടൻ പത്രൊ​സും കൂടെ​യു​ള്ള​വ​രും യേശു​വി​നെ അന്വേ​ഷിച്ച്‌ കണ്ടെത്തി അവനോ​ടു പറഞ്ഞു: “എല്ലാവ​രും നിന്നെ അന്വേ​ഷി​ക്കു​ന്നു.” (മർക്കൊസ്‌ 1:35-37; ലൂക്കൊസ്‌ 4:42) അവർ ഫലത്തിൽ യേശു​വി​നോട്‌ ‘നീ ഇവിടെ എന്തെടു​ക്കു​ക​യാണ്‌? കഴിഞ്ഞ ദിവസം നിന്റെ സൗഖ്യ​മാ​ക്കൽ ഒരു വമ്പിച്ച വിജയ​മാ​യി​രു​ന്നു. ഇന്ന്‌ ഇതാ മഹത്തായ മറ്റൊരു അവസരം കൂടി!’ എന്നു പറയു​ക​യാ​യി​രു​ന്നതു പോലെ തോന്നു​ന്നു.

എന്നാൽ യേശു​വി​ന്റെ പ്രതി​ക​രണം ശ്രദ്ധി​ക്കുക: “ഞാൻ അടുത്ത ഊരു​ക​ളി​ലും പ്രസം​ഗി​ക്കേ​ണ്ട​തി​നു നാം അവി​ടേക്കു പോക.” (ചെരി​ച്ചെ​ഴു​തി​യി​രി​ക്കു​ന്നത്‌ ഞങ്ങൾ.) ആ മറുപടി പ്രാധാ​ന്യ​മു​ള്ള​താണ്‌. മറ്റുള്ള​വരെ സൗഖ്യ​മാ​ക്കാൻ യേശു പത്രൊ​സി​ന്റെ വീട്ടി​ലേക്കു മടങ്ങി​യില്ല. അതിന്റെ കാരണം അവൻ ഇങ്ങനെ വ്യക്തമാ​ക്കി: “ഇതിന്നാ​യി​ട്ട​ല്ലോ [അതായത്‌, പ്രസം​ഗി​ക്കാ​നാണ്‌] ഞാൻ പുറ​പ്പെട്ടു വന്നിരി​ക്കു​ന്നതു.” (മർക്കൊസ്‌ 1:38, 39; ലൂക്കൊസ്‌ 4:43) ശിഷ്യ​ന്മാ​രോട്‌ അങ്ങനെ പറഞ്ഞതി​നാൽ യേശു എന്താണ്‌ അർഥമാ​ക്കി​യത്‌? സത്‌പ്ര​വൃ​ത്തി​കൾ ചെയ്യു​ന്നത്‌ അവനെ സംബന്ധി​ച്ചി​ട​ത്തോ​ളം പ്രധാ​ന​മാ​യി​രു​ന്നു. എന്നാൽ, യേശു​വി​ന്റെ മുഖ്യ ദൗത്യം ദൈവ​വ​ചനം പ്രസം​ഗി​ക്കു​ന്ന​തും പഠിപ്പി​ക്കു​ന്ന​തും ആയിരു​ന്നു.—മർക്കൊസ്‌ 1:14.

യേശു​വി​ന്റെ “കാൽച്ചു​വടു പിന്തു​ട​രു​വാൻ” ബൈബിൾ ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ക്കു​ന്ന​തി​നാൽ, ഏതുതരം സന്നദ്ധ​സേ​വ​ന​ത്തി​നു മുൻഗണന നൽകണം എന്നതു സംബന്ധിച്ച്‌ ഇന്ന്‌ അവർക്കു വ്യക്തമായ മാർഗ​നിർദേ​ശ​മുണ്ട്‌. (1 പത്രൊസ്‌ 2:21) മുൻ ലേഖനം വ്യക്തമാ​ക്കി​യ​തു​പോ​ലെ, അവർ യേശു​വി​നെ അനുക​രി​ച്ചു​കൊണ്ട്‌ സഹായം ആവശ്യ​മു​ള്ള​വർക്ക്‌ അതു നൽകുന്നു. മാത്രമല്ല, യേശു​വി​നെ പോലെ ദൈവ​രാ​ജ്യ സുവാർത്ത സംബന്ധിച്ച ബൈബിൾ സന്ദേശം പഠിപ്പി​ക്കുന്ന വേലയ്‌ക്ക്‌ അവർ മുന്തിയ സ്ഥാനം കൊടു​ക്കു​ക​യും ചെയ്യുന്നു. a (മത്തായി 5:14-16; 24:14; 28:19, 20) എന്നാൽ, ബൈബിൾ സന്ദേശം മറ്റുള്ള​വരെ പഠിപ്പി​ക്കുന്ന സന്നദ്ധ​സേവന വേലയ്‌ക്ക്‌ മൂല്യ​മുള്ള മറ്റു സന്നദ്ധ​സേ​വ​ന​ങ്ങ​ളെ​ക്കാൾ പ്രാധാ​ന്യം ഉള്ളത്‌ എന്തു​കൊ​ണ്ടാണ്‌?

ബൈബിൾ വിദ്യാ​ഭ്യാ​സം പ്രയോ​ജനം ചെയ്യു​ന്നത്‌ എന്തു​കൊണ്ട്‌, എങ്ങനെ?

ഏഷ്യയി​ലെ ഒരു പഴമൊ​ഴി അതിനുള്ള ഉത്തരം നൽകുന്നു. അത്‌ ഇങ്ങനെ പറയുന്നു: “നിങ്ങളു​ടെ ആസൂ​ത്രണം ഒരു വർഷ​ത്തേ​ക്കാ​ണെ​ങ്കിൽ വിത്തു വിതയ്‌ക്കുക. പത്തു വർഷ​ത്തേ​ക്കാ​ണെ​ങ്കിൽ വൃക്ഷങ്ങൾ നടുക. നൂറു വർഷ​ത്തേ​ക്കാ​ണെ​ങ്കിൽ ആളുകളെ വിദ്യ അഭ്യസി​പ്പി​ക്കുക.” സ്ഥായി​യായ പരിഹാ​ര​മാർഗങ്ങൾ പ്രദാനം ചെയ്യുന്ന കാര്യ​ത്തിൽ വിദ്യാ​ഭ്യാ​സം അനിവാ​ര്യ​മാണ്‌. കാരണം, ജീവി​തത്തെ മെച്ച​പ്പെ​ടു​ത്താ​നാ​വുന്ന തീരു​മാ​നങ്ങൾ എടുക്കാ​നുള്ള പ്രാപ്‌തി വളർത്തി​യെ​ടു​ക്കാൻ അത്‌ ഒരു വ്യക്തിയെ സഹായി​ക്കും. അതു​കൊ​ണ്ടാണ്‌ ഇന്ന്‌ 60 ലക്ഷത്തി​ല​ധി​കം അംശകാല, മുഴു​സമയ സന്നദ്ധ​സേ​വകർ ആളുകൾക്കു സൗജന്യ ബൈബിൾ വിദ്യാ​ഭ്യാ​സം നൽകു​ന്ന​തി​നു തങ്ങളുടെ സമയവും ശ്രമവും വിഭവ​ങ്ങ​ളും ചെലവി​ടു​ന്നത്‌. യഹോ​വ​യു​ടെ സാക്ഷികൾ നിർവ​ഹി​ക്കുന്ന കാലം മാറ്റു തെളി​യിച്ച ഈ സന്നദ്ധ​സേവന  പരിപാ​ടി ലോക​മെ​ങ്ങും നല്ല ഫലം ഉളവാ​ക്കി​ക്കൊ​ണ്ടി​രി​ക്കു​ന്നു. എങ്ങനെ?

ബൈബി​ളി​ന്റെ പ്രാ​യോ​ഗിക ബുദ്ധി​യു​പ​ദേശം മനസ്സി​ലാ​ക്കാ​നും പിൻപ​റ്റാ​നും ആളുകൾക്കു സഹായം ലഭിക്കു​മ്പോൾ, ജീവി​ത​പ്ര​ശ്‌നങ്ങൾ തരണം ചെയ്യാൻ മെച്ചപ്പെട്ട ഒരു സ്ഥാനത്താ​യി​രി​ക്കും അവർ. ഹാനി​ക​ര​മായ ശീലങ്ങൾ തരണം ചെയ്യു​ന്ന​തിന്‌ ആവശ്യ​മായ ധാർമിക കരുത്ത്‌ അവർക്കു ലഭിക്കും. ബൈബിൾ വിദ്യാ​ഭ്യാ​സ​ത്തി​ന്റെ മറ്റൊരു പ്രയോ​ജനം ബ്രസീ​ലി​ലെ നെൽസോൺ എന്ന യുവാവ്‌ ഊന്നി​പ്പ​റ​യു​ന്നു: “യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാൻ തുടങ്ങി​യ​തിൽപ്പി​ന്നെ ഞാൻ സന്തോഷം എന്താ​ണെന്ന്‌ അറിഞ്ഞി​രി​ക്കു​ന്നു, കാരണം എന്റെ ജീവി​ത​ത്തിന്‌ ഇപ്പോൾ ഒരു ഉദ്ദേശ്യ​മുണ്ട്‌.” (സഭാ​പ്ര​സം​ഗി 12:13) അടുത്ത കാലത്തു ദൈവ​വ​ചനം പഠിക്കാൻ തുടങ്ങിയ വ്യത്യസ്‌ത പ്രായ​ക്കാ​രായ ലക്ഷക്കണ​ക്കി​നു മറ്റുള്ള​വർക്കു നെൽസോ​ന്റെ അതേ വികാ​ര​മാണ്‌ ഉള്ളത്‌. ജീവി​ത​ത്തിൽ സംതൃ​പ്‌തി നൽകുന്ന ഒരു ഉദ്ദേശ്യം കണ്ടെത്താൻ സഹായി​ക്കു​ന്ന​തി​നു പുറമേ, ദൈവ​രാ​ജ്യ സന്ദേശം ഭാവി സംബന്ധിച്ച മഹത്തായ പ്രത്യാ​ശ​യും പകരുന്നു—ആ പ്രത്യാശ ഏറ്റവും ദുഷ്‌ക​ര​മായ സാഹച​ര്യ​ങ്ങ​ളിൽ പോലും ജീവി​ക്കു​ന്നതു മൂല്യ​വ​ത്തായ ഒരു അനുഭവം ആക്കിത്തീർക്കു​ന്നു. (1 തിമൊ​ഥെ​യൊസ്‌ 4:8)—“ദൈവ​രാ​ജ്യം കൈവ​രു​ത്തുന്ന പ്രയോ​ജ​നങ്ങൾ” എന്ന ചതുരം കാണുക.

ബൈബിൾ വിദ്യാ​ഭ്യാ​സം നൽകു​ന്ന​തി​ലൂ​ടെ, നിലനിൽക്കുന്ന പ്രയോ​ജ​നങ്ങൾ കൈവ​രു​ത്തുന്ന ഒരു സന്നദ്ധ​സേ​വ​ന​മാണ്‌ യഹോ​വ​യു​ടെ സാക്ഷികൾ നിർവ​ഹി​ക്കു​ന്നത്‌. അത്‌ എത്ര കാലം നിലനിൽക്കും? ദൈവ​വ​ചനം ഇങ്ങനെ പറയുന്നു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.” (ചെരി​ച്ചെ​ഴു​തി​യി​രി​ക്കു​ന്നത്‌ ഞങ്ങൾ.) (യോഹ​ന്നാൻ 17:3) നിത്യ പ്രയോ​ജ​നങ്ങൾ കൈവ​രു​ത്തുന്ന ഒരു പരിപാ​ടി​യിൽ പങ്കെടു​ക്കു​ന്ന​തി​നെ കുറിച്ചു ചിന്തി​ക്കുക—അതു തീർച്ച​യാ​യും മറ്റുള്ള​വർക്കു പ്രയോ​ജ​നങ്ങൾ കൈവ​രു​ത്തുന്ന ഒരു സന്നദ്ധ​സേ​വനം ആയിരി​ക്കും! അത്തരത്തി​ലുള്ള ഒരു പരിപാ​ടി​യെ കുറിച്ചു കൂടുതൽ അറിയാൻ നിങ്ങൾ ആഗ്രഹി​ക്കു​ക​യി​ല്ലേ? എങ്കിൽ, നിങ്ങളു​ടെ പ്രദേ​ശ​ത്തുള്ള യഹോ​വ​യു​ടെ സാക്ഷി​ക​ളു​മാ​യി ബന്ധപ്പെ​ടുക. ഈ ആഹ്വാ​ന​ത്തി​നു ചെവി കൊടു​ക്കു​ന്നെ​ങ്കിൽ, അതേ​പ്രതി നിങ്ങൾക്ക്‌ ഒരിക്ക​ലും ദുഃഖി​ക്കേ​ണ്ടി​വ​രില്ല, തീർച്ച.(g01 7/22)

[അടിക്കു​റിപ്പ]

[11-ാം പേജിലെ ആകർഷക വാക്യം]

“നിങ്ങളു​ടെ ആസൂ​ത്രണം ഒരു വർഷ​ത്തേ​ക്കാ​ണെ​ങ്കിൽ വിത്തു വിതയ്‌ക്കുക. പത്തു വർഷ​ത്തേ​ക്കാ​ണെ​ങ്കിൽ വൃക്ഷങ്ങൾ നടുക. നൂറു വർഷ​ത്തേ​ക്കാ​ണെ​ങ്കിൽ ആളുകളെ വിദ്യ അഭ്യസി​പ്പി​ക്കുക.”

[10-ാം പേജിലെ ചതുരം/ചിത്രങ്ങൾ]

അവർ സഹായ​വും പ്രത്യാ​ശ​യും നൽകുന്നു

ഉഷ്‌ണ​മേ​ഖലാ രോഗങ്ങൾ കൈകാ​ര്യം ചെയ്യു​ന്ന​തിൽ പ്രത്യേക പരിശീ​ലനം നേടി​യി​ട്ടുള്ള ഒരു ഫ്രഞ്ച്‌ നഴ്‌സാണ്‌ 43 വയസ്സുള്ള നാഡിൻ. മധ്യ ആഫ്രിക്കൻ പ്രദേ​ശത്ത്‌ പ്രവർത്തി​ച്ചി​ട്ടുള്ള സന്നദ്ധ​സേ​വ​ക​രിൽ ഒരാളാണ്‌ അവർ. “എന്തു​കൊ​ണ്ടാണ്‌ ഇതു ചെയ്യു​ന്ന​തെന്ന്‌ ആളുകൾ ചോദി​ക്കാ​റുണ്ട്‌,” അടുത്ത​യി​ടെ ഒരു അഭിമു​ഖ​ത്തിൽ അവർ പറഞ്ഞു. “ഞാൻ ദൈവ​ത്തിൽ വിശ്വ​സി​ക്കു​ന്നു; ഞാൻ ആളുകളെ സ്‌നേ​ഹി​ക്കു​ന്നു, എന്നെത്തന്നെ മറ്റുള്ള​വർക്കാ​യി വിട്ടു​കൊ​ടു​ക്കാൻ ആഗ്രഹി​ക്കു​ന്നു. യഹോ​വ​യു​ടെ സാക്ഷി​ക​ളിൽ ഒരുവ​ളാ​യി​രി​ക്കു​ന്നത്‌ ദുരിതം അനുഭ​വി​ക്കു​ന്ന​വർക്ക്‌ ആശ്വാ​സ​വും പ്രത്യാ​ശ​യും പകരാൻ എന്നെ പ്രേരി​പ്പി​ക്കു​ന്നു.” ആഫ്രി​ക്ക​യിൽ സന്നദ്ധ​സേ​വ​ന​ത്തിൽ ഏർപ്പെ​ടുന്ന നാഡിൻ ദുരി​താ​ശ്വാ​സ പ്രവർത്ത​ന​ത്തി​നും പ്രാ​ദേ​ശിക സാക്ഷികൾ നിർവ​ഹി​ക്കുന്ന ബൈബിൾ വിദ്യാ​ഭ്യാ​സ വേലയിൽ പങ്കെടു​ക്കു​ന്ന​തി​നും തന്റെ സമയം വിനി​യോ​ഗി​ക്കു​ന്നു.

[ചിത്രങ്ങൾ]

നാഡിൻ ആഫ്രി​ക്ക​യിൽ

[12-ാം പേജിലെ ചതുരം]

ദൈവരാജ്യം കൈവ​രു​ത്തുന്ന പ്രയോ​ജ​ന​ങ്ങൾ

നിങ്ങളു​ടെ ബൈബിൾ തുറന്ന്‌ ഈ വാക്യങ്ങൾ വായി​ച്ചു​കൊണ്ട്‌ പിൻവ​രുന്ന മണ്ഡലങ്ങ​ളിൽ മനുഷ്യ​ന്റെ ആവശ്യങ്ങൾ നിറ​വേ​റ്റു​മെന്ന്‌ ദൈവം വാഗ്‌ദാ​നം ചെയ്‌തി​രി​ക്കു​ന്നത്‌ എങ്ങനെ​യെന്നു കാണുക:

ആരോഗ്യം “അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.”—വെളി​പ്പാ​ടു 21:4, 5; യെശയ്യാ​വു 33:24; 35:5, 6.

വിദ്യാഭ്യാസം “സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി​ക്ക​യാൽ എന്റെ വിശു​ദ്ധ​പർവ്വ​ത​ത്തിൽ എങ്ങും ഒരു ദോഷ​മോ നാശമോ ആരും ചെയ്‌ക​യില്ല.”—യെശയ്യാ​വു 11:9; ഹബക്കൂക്‌ 2:14.

തൊഴിൽ “അവർ വീടു​കളെ പണിതു പാർക്കും; അവർ മുന്തി​രി​ത്തോ​ട്ട​ങ്ങളെ ഉണ്ടാക്കി അവയിലെ ഫലം അനുഭ​വി​ക്കും. അവർ പണിക, മറെറാ​രു​ത്തൻ പാർക്ക എന്നു വരിക​യില്ല; അവർ നടുക, മറെറാ​രു​ത്തൻ തിന്നുക എന്നും വരിക​യില്ല . . . അവർ വൃഥാ അദ്ധ്വാ​നി​ക്ക​യില്ല.”—യെശയ്യാ​വു 65:21-23.

ഭക്ഷണം “ഭൂമി അതിന്റെ അനുഭവം തന്നിരി​ക്കു​ന്നു; ദൈവം, നമ്മുടെ ദൈവം തന്നേ, നമ്മെ അനു​ഗ്ര​ഹി​ക്കും.”—സങ്കീർത്തനം 67:6; 72:16; യെശയ്യാ​വു 25:6.

സാമൂഹിക അവസ്ഥകൾ“യഹോവ ദുഷ്ടന്മാ​രു​ടെ വടി . . . ഒടിച്ചു​ക​ളഞ്ഞു. സർവ്വഭൂ​മി​യും വിശ്ര​മി​ച്ചു സ്വസ്ഥമാ​യി​രി​ക്കു​ന്നു.”—യെശയ്യാ​വു 14:5, 7.

നീതി “ഒരു രാജാവു നീതി​യോ​ടെ വാഴും; പ്രഭു​ക്ക​ന്മാർ ന്യായ​ത്തോ​ടെ അധികാ​രം നടത്തും.”—യെശയ്യാ​വു 11:3-5; 32:1, 2.