ഡയറി ഒരു വിശ്വസ്‌ത മിത്രം

സഹാനു​ഭൂ​തി ഇല്ലാത്ത ഒരു ലോക​ത്തിൽ ഡയറിക്ക്‌ ഒരു വിശ്വസ്‌ത മിത്രം, സമാനു​ഭാ​വ​മുള്ള ഒരു സുഹൃത്ത്‌ ആയിരി​ക്കാൻ കഴിയും. ഡയറി എഴുതു​ന്ന​തി​ലൂ​ടെ “നമ്മുടെ സ്വന്തം ജീവി​ത​യാ​ത്ര​യു​ടെ അനേകം നിശ്ചല ചിത്രങ്ങൾ സമാഹ​രി​ക്കാ​നും അങ്ങനെ അവയുടെ ശാശ്വത രേഖ സൂക്ഷി​ക്കാ​നും സാധി​ക്കും” എന്ന്‌ എഴുത്തു​കാ​രി​യായ ക്രിസ്റ്റിന ബാൾഡ്വിൻ പറയുന്നു. ഒരു ഫോട്ടോ ആൽബം നമ്മുടെ ഭൂതകാ​ല​ത്തി​ന്റെ ദൃശ്യ രേഖയാ​യി ഉതകു​ന്നതു പോലെ ഒരു ഡയറി ലിഖിത ‘ചിത്രങ്ങൾ’ പ്രദാനം ചെയ്‌തു​കൊണ്ട്‌ നമ്മുടെ കഴിഞ്ഞ​കാല ജീവി​ത​ത്തി​ലേക്കു വെളിച്ചം വീശു​ക​യും അതു വിസ്‌മൃ​തി​യിൽ ആണ്ടു​പോ​കാ​തി​രി​ക്കാൻ സഹായി​ക്കു​ക​യും ചെയ്യുന്നു.

ബൈബിൾ കാലങ്ങ​ളിൽ ഭരണകൂ​ടങ്ങൾ മിക്ക​പ്പോ​ഴും പ്രധാ​ന​പ്പെട്ട സംഭവ​ങ്ങ​ളു​ടെ രേഖ സൂക്ഷി​ച്ചി​രു​ന്നു. ബൈബി​ളിൽത്തന്നെ അത്തരം ഔദ്യോ​ഗിക രേഖകളെ കുറി​ച്ചുള്ള അനേകം പരാമർശങ്ങൾ കാണാം. (സംഖ്യാ​പു​സ്‌തകം 21:14, 15; യോശുവ 10:12, 13) നക്ഷത്ര​ങ്ങ​ളു​ടെ​യും ഗ്രഹങ്ങ​ളു​ടെ​യും അനുദിന ചലനങ്ങൾ രേഖ​പ്പെ​ടു​ത്തി​യി​രുന്ന എഫെമെറിഡസ്‌ a എന്നറി​യ​പ്പെ​ട്ടി​രുന്ന ഒരുതരം പഞ്ചാംഗം ഗ്രീക്കു​കാർ വികസി​പ്പി​ച്ചെ​ടു​ത്തി​രു​ന്നു. ഗ്രീസി​നെ കീഴട​ക്കിയ റോമാ​ക്കാർ ഈ പഞ്ചാം​ഗ​ത്തി​ന്റെ ഉപയോ​ഗം തുടർന്നു. എന്നാൽ പതിവു​പോ​ലെ അവർ പ്രാ​യോ​ഗി​ക​ത​യ്‌ക്ക്‌ ഊന്നൽ നൽകി. അവർ പൊതു​ജ​ന​ത്തി​നു താത്‌പ​ര്യ​മുള്ള ദൈനം​ദിന സംഭവ​ങ്ങ​ളും കൂടെ ഉൾപ്പെ​ടു​ത്തി​ക്കൊണ്ട്‌ ആ പഞ്ചാം​ഗ​ത്തി​ന്റെ മൂല്യം വർധി​പ്പി​ച്ചു. അവർ അവയെ ഡിയാ​റി​യും എന്നു വിളിച്ചു. “ദിവസം” എന്ന്‌ അർഥമുള്ള ഡിയേസ്‌ എന്ന ലാറ്റിൻ വാക്കിൽ നിന്നാണ്‌ അതു വന്നത്‌.

എന്നാൽ 17-ാം നൂറ്റാ​ണ്ടു​വരെ വ്യക്തി​ജീ​വി​ത​ത്തി​ലെ ദൈനം​ദിന സംഭവങ്ങൾ ഡയറി​യിൽ എഴുതി സൂക്ഷി​ക്കുന്ന രീതിക്കു പാശ്ചാത്യ നാടു​ക​ളിൽ പ്രചാരം ലഭിച്ചി​രു​ന്നില്ല. സാമുവൽ പിപ്‌സ്‌ എന്ന ഇംഗ്ലീ​ഷു​കാ​രൻ തന്റെ ഡയറി എഴുതി​യ​തോ​ടെ​യാണ്‌ ആ അവസ്ഥയ്‌ക്കു മാറ്റം വന്നത്‌. ആത്മീയ​ത​യു​ടെ​യും ലൗകി​ക​ത​യു​ടെ​യും ഒരു അപൂർവ സങ്കലന​മായ പിപ്‌സി​ന്റെ ഡയറി ഇംഗ്ലീഷ്‌ ചക്രവർത്തി​യായ ചാൾസ്‌ രണ്ടാമന്റെ ഭരണകാ​ലത്തെ ജീവി​തത്തെ കുറിച്ചു ചരി​ത്ര​കാ​ര​ന്മാർക്ക്‌ വളരെ​യ​ധി​കം ഉൾക്കാഴ്‌ച നൽകി​യി​ട്ടുണ്ട്‌.

അപ്പോൾ മുതൽ ഡയറി എഴുതി സൂക്ഷി​ക്കു​ന്ന​തിന്‌ പ്രചാ​ര​മേറി വന്നു. അമൂല്യ​മായ ചരിത്ര രേഖകൾ പോലും ആയിത്തീർന്നി​ട്ടുള്ള അനേകം ഡയറികൾ ഉണ്ട്‌. ഇവയിൽ ശ്രദ്ധേ​യ​മായ ഒന്നാണ്‌ നാസി​ക​ളിൽനി​ന്നു രക്ഷപ്പെ​ടു​ന്ന​തിന്‌ ഒളിവിൽ കഴി​യേണ്ടി വന്ന ആനി ഫ്രാങ്ക്‌ എന്ന യഹൂദ പെൺകു​ട്ടി​യു​ടെ ഡയറി. ഒരു പെൺകു​ട്ടി​യു​ടെ ഡയറി​ക്കു​റിപ്പ്‌ എന്ന പേരി​ലുള്ള അത്‌ മനുഷ്യൻ മനുഷ്യ​നോ​ടു കാട്ടുന്ന ക്രൂര​ത​യു​ടെ വേദനി​പ്പി​ക്കുന്ന സാക്ഷ്യ​പ​ത്ര​മാണ്‌.

ഡയറിയെ ആകർഷ​ക​മാ​ക്കു​ന്നത്‌ എന്ത്‌?

ആത്മനി​വേ​ദനം അഥവാ സ്വന്ത അഭി​പ്രായ പ്രകടനം എന്ന അടിസ്ഥാന മനുഷ്യ അഭിലാ​ഷത്തെ തൃപ്‌തി​പ്പെ​ടു​ത്താൻ ഡയറി എഴുത്തി​നു സാധി​ക്കു​ന്ന​താ​യി കാണ​പ്പെ​ടു​ന്നു. ഒരു കുഞ്ഞിന്റെ  ആദ്യ വാക്കുകൾ കേൾക്കു​മ്പോ​ഴുള്ള സന്തോ​ഷ​മോ ഒരു സ്‌നേ​ഹ​ബ​ന്ധ​ത്തി​ന്റെ വളർച്ച​യോ എന്തും ആയി​ക്കൊ​ള്ളട്ടെ നമ്മുടെ ജീവി​തത്തെ രൂപ​പ്പെ​ടു​ത്തുന്ന സംഭവ​ങ്ങളെ കുറിച്ചു വിചി​ന്തനം ചെയ്യാൻ ഡയറി​ക്കു​റി​പ്പു​കൾ അവസരം ഒരുക്കു​ന്നു. പിന്നീട്‌ ഈ കുറി​പ്പു​കൾ വായി​ച്ചു​കൊണ്ട്‌ അമൂല്യ​മായ ആ നിമി​ഷ​ങ്ങ​ളും അവ ഉളവാ​ക്കിയ വികാ​ര​ങ്ങ​ളും അയവി​റ​ക്കാൻ നമുക്കു സാധി​ക്കും.

ഡയറി​യു​ടെ ഏറ്റവും വലിയ പ്രയോ​ജ​ന​ങ്ങ​ളിൽ ഒന്ന്‌ നമ്മെത്തന്നെ മനസ്സി​ലാ​ക്കാൻ അതു സഹായി​ക്കു​ന്നു എന്നതാണ്‌. എഴുത്തു​കാ​രി​യായ ട്രിസ്റ്റിൻ റൈനർ അതിനെ “വിലക്കു​ക​ളി​ല്ലാ​തെ വികാ​രങ്ങൾ പ്രകടി​പ്പി​ക്കാൻ സഹായി​ക്കുന്ന ഒരു പ്രാ​യോ​ഗിക മനശ്ശാ​സ്‌ത്ര ഉപകരണം” എന്നു വിളി​ക്കു​ന്നു.

ബൈബിൾ സദൃശ​വാ​ക്യ​ങ്ങൾ 12:25-ൽ ഇങ്ങനെ പറയുന്നു: “മനോ​വ്യ​സനം ഹേതു​വാ​യി മനുഷ്യ​ന്റെ മനസ്സി​ടി​യു​ന്നു.” തന്റെ മനസ്സിലെ “വ്യസനം” മറ്റൊ​രാ​ളു​മാ​യി പങ്കു​വെ​ക്കാൻ മടി തോന്നുന്ന ഒരു വ്യക്തിക്ക്‌ അത്‌ പുറത്തു കൊണ്ടു​വ​രാ​നുള്ള മാർഗ​മാ​യി​രി​ക്കാം അത്‌ കടലാ​സ്സിൽ പകർത്തുക എന്നത്‌. അതു​കൊണ്ട്‌ ഡയറി എഴുത്തി​നെ വൈകാ​രിക വേദന തരണം ചെയ്യാൻ സഹായ​ക​മായ ഒരു മാർഗ​മാ​യി പലപ്പോ​ഴും ശുപാർശ ചെയ്‌തി​ട്ടുണ്ട്‌. ഒരുവന്റെ ജീവി​തത്തെ വിലയി​രു​ത്താ​നും പുതിയ ലക്ഷ്യങ്ങൾ വെക്കാ​നും ഒരുപക്ഷേ പ്രശ്‌ന​ങ്ങൾക്കു പരിഹാ​രം കാണാ​നു​മൊ​ക്കെ സഹായി​ക്കാൻ ഡയറിക്കു കഴിയും. ഒരുവന്റെ ദുഃഖ​ങ്ങ​ളെ​യും വികാ​ര​ങ്ങ​ളെ​യും കുറിച്ച്‌ എഴുതു​ന്നത്‌ യഥാർഥ പ്രശ്‌ന​ങ്ങ​ളിൽ ശ്രദ്ധ കേന്ദ്രീ​ക​രി​ക്കാ​നും ശരിയായ കാഴ്‌ച​പ്പാട്‌ കൈവ​രി​ക്കാ​നും സഹായി​ച്ചേ​ക്കാം.

ഡയറി സൂക്ഷി​ക്കു​ന്ന​തിന്‌ വിദ്യാ​ഭ്യാ​സ​പ​ര​മായ നേട്ടങ്ങ​ളും ഉണ്ട്‌. അധ്യാ​പ​ക​രു​ടെ അമേരി​ക്കൻ ഫെഡ​റേഷൻ മാതാ​പി​താ​ക്കളെ പിൻവ​രുന്ന പ്രകാരം ബുദ്ധി​യു​പ​ദേ​ശി​ക്കു​ന്നു: “ഡയറി എഴുതാൻ നിങ്ങളു​ടെ കുട്ടി​കളെ പ്രോ​ത്സാ​ഹി​പ്പി​ക്കുക. അത്‌ അവരുടെ എഴുതാ​നുള്ള പ്രാപ്‌തി​യും സർഗാ​ത്മ​ക​ത​യും വളരു​ന്ന​തിന്‌ ഇടയാ​ക്കും.”

എങ്ങനെ തുടങ്ങും?

സ്വസ്ഥമായ ഒരു സ്ഥലവും നിങ്ങൾക്ക്‌ ഇഷ്ടപ്പെട്ട ഒരു ഡയറി അല്ലെങ്കിൽ നോട്ട്‌ബു​ക്കും കണ്ടെത്തു​ക​യാണ്‌ ആദ്യം വേണ്ടത്‌. ഒന്നും എഴുതാത്ത ഒരു പേജു നിറയെ വാക്കുകൾ കുത്തി​ക്കു​റി​ക്കു​ന്ന​തി​നെ കുറിച്ച്‌ ഓർക്കു​മ്പോൾ തെല്ല്‌ പേടി തോന്നി​യേ​ക്കാം എന്നതു ശരിതന്നെ. എന്നാൽ സത്യസന്ധത, സ്വാഭാ​വി​കത, ലാളി​ത്യം ഇവ മൂന്നും ഉണ്ടെങ്കിൽ അത്‌ ഒരു പ്രശ്‌നമല്ല. നിങ്ങൾക്ക്‌ നിങ്ങ​ളോ​ടു​തന്നെ പിൻവ​രുന്ന ചോദ്യ​ങ്ങൾ ചോദി​ക്കാൻ കഴി​ഞ്ഞേ​ക്കും: ‘ഇന്ന്‌ ഞാൻ എന്താണു ചെയ്‌തത്‌? അത്‌ എന്നെ എങ്ങനെ ബാധിച്ചു? ഞാൻ എന്താണു കഴിച്ചത്‌? ആരെ​യൊ​ക്കെ കണ്ടു? എനിക്ക്‌ അടുപ്പ​മുള്ള വ്യക്തി​ക​ളു​ടെ ജീവി​ത​ത്തിൽ എന്തൊ​ക്കെ​യാ​ണു നടക്കു​ന്നത്‌?’ അല്ലെങ്കിൽ വർത്തമാ​ന​കാ​ല​ത്തു​നി​ന്നു തന്നെ തുടങ്ങാ​വു​ന്ന​താണ്‌: ‘ഇപ്പോൾ എന്റെ ജീവിതം എവി​ടെ​യാ​ണു നിൽക്കു​ന്നത്‌? എന്റെ ലക്ഷ്യങ്ങ​ളും സ്വപ്‌ന​ങ്ങ​ളും എന്താണ്‌?’ അതിനു​ശേഷം സ്വയം വിമർശി​ക്കാ​തെ എഴുതാൻ തുടങ്ങുക.

നിങ്ങൾക്ക്‌ ഇഷ്ടമു​ള്ള​ത്ര​യും എഴുതുക, അത്‌ എത്രയ​ധി​കം ആയാലും എത്ര കുറവാ​യാ​ലും കുഴപ്പ​മില്ല. അതു​പോ​ലെ നിങ്ങൾക്ക്‌ ഇഷ്ടമു​ള്ള​പ്പോൾ എഴുതുക. അത്‌ കൂടെ​ക്കൂ​ടെ​യാ​യി​രി​ക്ക​ണോ വല്ലപ്പോ​ഴു​മാ​യി​രി​ക്ക​ണോ എന്നു നിശ്ചയി​ക്കേ​ണ്ടത്‌ നിങ്ങളാണ്‌. സത്യസന്ധത പാലി​ക്കുക. വ്യാക​ര​ണത്തെ കുറി​ച്ചോ അക്ഷര​ത്തെ​റ്റി​നെ കുറി​ച്ചോ ചിന്തിച്ച്‌ തല പുണ്ണാ​ക്കേ​ണ്ട​തില്ല. വേറെ​യാ​രും നിങ്ങൾ എഴുതി​യി​രി​ക്കു​ന്നത്‌ കാണാൻ പോകു​ന്നില്ല. അതു​പോ​ലെ പുസ്‌ത​ക​ത്തിൽ ഫോ​ട്ടോ​ക​ളോ പത്രങ്ങ​ളിൽനിന്ന്‌ വെട്ടി​യെ​ടുത്ത ഭാഗങ്ങ​ളോ നിങ്ങൾക്കു പ്രധാ​ന​പ്പെട്ട മറ്റെ​ന്തെ​ങ്കി​ലു​മോ ഒക്കെ ഒട്ടിക്കു​ന്ന​തി​നെ കുറി​ച്ചും ചിന്തി​ക്കാം. അത്‌ നിങ്ങളു​ടെ പുസ്‌ത​ക​മാണ്‌. അത്‌ വൃത്തി​യു​ള്ള​തോ ഇല്ലാത്ത​തോ വലുതോ ചെറു​തോ ആയിരി​ക്കാം. നിങ്ങൾക്ക്‌ തോന്നു​മ്പോൾ മാത്രം അതിൽ എഴുതി​യാൽ മതി. ഡയറി എഴുത്തി​നെ യാതൊ​രു വിട്ടു​വീ​ഴ്‌ച​യും വരുത്താൻ പാടി​ല്ലാത്ത ഒരു കടമയാ​യി കണ്ടാൽ പരാജ​യ​വും നിരാ​ശ​യും ആയിരി​ക്കും ഫലം.—ചതുരം കാണുക.

താൻ പഠിക്കുന്ന ഏതെങ്കി​ലും ഒരു ജീവി​യി​ലെ മാറ്റങ്ങൾ നിരീ​ക്ഷിച്ച്‌ രേഖ​പ്പെ​ടു​ത്താൻ ഒരു ശാസ്‌ത്രജ്ഞൻ ഒരു ഡയറി ഉപയോ​ഗി​ച്ചേ​ക്കാ​വു​ന്നതു പോലെ സ്വന്തം പെരു​മാ​റ്റ​രീ​തി​ക​ളും ചായ്‌വു​ക​ളും നിരീ​ക്ഷി​ക്കു​ന്ന​തി​നും പഠിക്കു​ന്ന​തി​നും ഡയറി നിങ്ങളെ സഹായി​ച്ചേ​ക്കാം. നിങ്ങളു​ടെ ഡയറി നിങ്ങളു​ടെ സന്തോ​ഷ​ങ്ങ​ളും ദുഃഖ​ങ്ങ​ളും ബലഹീ​ന​ത​ക​ളും കഴിവു​ക​ളും വെളി​പ്പെ​ടു​ത്തു​ന്നു. അത്‌ സ്വന്തം ആശയങ്ങൾ പ്രകടി​പ്പി​ക്കാ​നുള്ള നിങ്ങളു​ടെ പ്രാപ്‌തി​യെ മെച്ച​പ്പെ​ടു​ത്തും. ഡയറി എഴുതു​ന്ന​തിന്‌ പ്രതി​ബദ്ധത ആവശ്യ​മാണ്‌ എന്നതു ശരിയാണ്‌. എന്നാൽ അത്തരം പ്രതി​ബ​ദ്ധ​ത​യ്‌ക്ക്‌ സമൃദ്ധ​മായ അനു​ഗ്ര​ഹങ്ങൾ കൈവ​രു​ത്താ​നാ​കും.—സംഭാവന ചെയ്യപ്പെട്ടത്‌.(g01 8/8)

[അടിക്കു​റി​പ്പു​കൾ]

[27-ാം പേജിലെ ചതുരം]

ഡയറി എഴുതി​ത്തു​ട​ങ്ങാൻ സഹായ​ക​മായ നിർദേ​ശ​ങ്ങൾ

◆ ഈടു​നിൽക്കുന്ന, ഒരുപക്ഷേ കൊണ്ടു​ന​ട​ക്കാൻ എളുപ്പ​മുള്ള ഒരു ഡയറി തിര​ഞ്ഞെ​ടു​ക്കുക.

◆ ഒറ്റയ്‌ക്കാ​യി​രി​ക്കാൻ പറ്റുന്ന സ്വസ്ഥമായ ഒരു സമയവും സ്ഥലവും കണ്ടുപി​ടി​ക്കുക. ഓരോ പ്രാവ​ശ്യ​വും എന്തെങ്കി​ലും എഴുതു​മ്പോൾ തീയതി കുറി​ക്കുക.

◆ ഏതാനും ദിവസം എഴുതാൻ പറ്റിയി​ല്ലെ​ങ്കിൽ വെപ്രാ​ള​പ്പെ​ട​രുത്‌; നിറു​ത്തി​യി​ടത്തു വെച്ചു തുടങ്ങുക.

◆ നിങ്ങളു​ടെ കുറി​പ്പു​കളെ വിമർശന കണ്ണുക​ളോ​ടെ നോക്ക​രുത്‌. വിലക്കു​കൾ ഒന്നുമി​ല്ലാ​തെ ഉള്ളിൽ തോന്നുന്ന കാര്യങ്ങൾ അതുപടി എഴുതുക. സൂക്ഷ്‌മ വിശദാം​ശങ്ങൾ രേഖ​പ്പെ​ടു​ത്താൻ പ്രത്യേ​കം ശ്രദ്ധി​ക്കണം.