വിദ്വേ​ഷം—ഒരു ആഗോള പകർച്ച​വ്യാ​ധി

ഒരു ഭീകര​ജീ​വി ഭൂഗോ​ള​ത്തി​ലെ​ങ്ങും സ്വൈ​ര​വി​ഹാ​രം നടത്തു​ക​യാണ്‌. അതിന്റെ പേരാണ്‌ വിദ്വേ​ഷം.

അടുത്ത കാലത്തെ ഒരു വംശീയ വെടി​പ്പാ​ക്ക​ലി​ന്റെ ദാരുണ ഫലങ്ങളിൽനി​ന്നു ബാൾക്കൻ മേഖല​യി​ലെ ഒരു പ്രദേശം ഇനിയും മുക്തമാ​യി​ട്ടില്ല. നൂറ്റാ​ണ്ടു​ക​ളാ​യി നിലനിന്ന ശത്രുത കൂട്ടസം​ഹാ​ര​ത്തി​ലേ​ക്കും ബലാത്സം​ഗ​ങ്ങ​ളി​ലേ​ക്കും നയിച്ചു, ആളുകൾക്കു നാടു വിടേ​ണ്ടി​വന്നു. ശത്രുക്കൾ വീടു​ക​ളി​ലും ഗ്രാമ​ങ്ങ​ളി​ലും കൊള്ള​യും കൊള്ളി​വെ​പ്പും നടത്തി, വിളകൾ നശിപ്പി​ച്ചു, വളർത്തു​മൃ​ഗ​ങ്ങളെ കൊ​ന്നൊ​ടു​ക്കി, തത്‌ഫ​ല​മാ​യി പട്ടിണി​യും പരിവ​ട്ട​വും നടമാടി. മാത്രമല്ല, എങ്ങും കുഴി​ബോം​ബു​കൾ പാകി​യി​രി​ക്കു​ന്നു.

ദക്ഷിണ പൂർവേ​ഷ്യ​യി​ലെ ഈസ്റ്റ്‌ റ്റിമോ​റിൽ, നിഷ്‌ഠു​ര​മായ കൊല​പാ​ത​ക​ങ്ങ​ളെ​യും പീഡന​ത്തെ​യും നിർദ​യ​മായ വെടി​വെ​പ്പി​നെ​യും നിർബ​ന്ധിത കുടി​യി​റ​ക്ക​ലി​നെ​യും ഭയന്ന്‌ 7,00,000 ആളുകൾക്കു സ്വന്ത​ദേശം വിട്ട്‌ പലായനം ചെയ്യേ​ണ്ടി​വന്നു. അവരുടെ പിന്നിൽ ശേഷി​ച്ച​തോ അനധി​കൃത സൈനി​ക​രാൽ കൊള്ള​യ​ടി​ക്ക​പ്പെട്ട ഒരു ദേശവും. “വേട്ടയാ​ട​പ്പെ​ടുന്ന ഒരു മൃഗ​ത്തെ​പ്പോ​ലെ തോന്നു​ന്നു എനിക്ക്‌,” തിക്താ​നു​ഭ​വങ്ങൾ സഹി​ക്കേ​ണ്ടി​വന്ന ഒരാൾ പറഞ്ഞു.

മോസ്‌കോ​യിൽ ഭീകര​പ്ര​വർത്തകർ സ്ഥാപിച്ച ശക്തി​യേ​റിയ ഒരു ബോംബു പൊട്ടി ഒരു അപ്പാർട്ടു​മെന്റ്‌ തകർന്നു. സ്‌ഫോ​ട​ന​ത്തിൽ കുട്ടികൾ ഉൾപ്പെടെ നിർദോ​ഷി​ക​ളായ 94 പേരുടെ ശരീരങ്ങൾ ചിന്നി​ച്ചി​തറി. 150-ലേറെ പേർക്കു പരി​ക്കേറ്റു. അത്തര​മൊ​രു ഭീകര​സം​ഭവം കഴിയു​മ്പോൾ ആളുകൾ ചോദി​ക്കു​ന്നു, ‘അടുത്തത്‌ ആരായി​രി​ക്കും?’

കാലി​ഫോർണി​യ​യി​ലെ ലോസാ​ഞ്ച​ല​സിൽ ഒരു വർഗീ​യ​വാ​ദി ഒരു കൂട്ടം നഴ്‌സറി കുട്ടി​കൾക്കു നേരെ നിറ​യൊ​ഴി​ക്കു​ക​യും പിന്നീട്‌ ഫിലി​പ്പീൻസു​കാ​ര​നായ ഒരു പോസ്റ്റു​മാ​നെ വെടി​വെച്ചു കൊല്ലു​ക​യും ചെയ്‌തു.

വിദ്വേ​ഷ​ത്തെ നിസ്സം​ശ​യ​മാ​യും ഒരു ആഗോള പകർച്ച​വ്യാ​ധി എന്നു വിളി​ക്കാ​നാ​കും. വർഗീ​യ​മോ വംശീ​യ​മോ മതപര​മോ ആയ ശത്രുത നിയമ​രാ​ഹി​ത്യ​വു​മാ​യി കൈ​കോർക്കു​മ്പോൾ എന്തു സംഭവി​ക്കു​ന്നു​വെന്ന്‌ ഓരോ ദിവസ​ത്തെ​യും വാർത്താ റിപ്പോർട്ടു​കൾ വ്യക്തമാ​ക്കു​ന്നു. രാഷ്‌ട്ര​ങ്ങ​ളും സമുദാ​യ​ങ്ങ​ളും കുടും​ബ​ങ്ങ​ളും ഛിന്നഭി​ന്ന​മാ​കു​ന്ന​തും രാഷ്‌ട്ര​ങ്ങ​ളിൽ കൂട്ട നരഹത്യ നടക്കു​ന്ന​തും നാം കാണുന്നു. ചിലർ “വ്യത്യ​സ്‌തർ” ആയിരി​ക്കു​ന്ന​തി​ന്റെ പേരിൽ മാത്രം വാക്കു​കൾക്കു വിവരി​ക്കാ​നാ​വാ​ത്തത്ര മനുഷ്യ​ത്വ​ഹീ​ന​മായ പ്രവൃ​ത്തി​കൾ അവർക്കു നേരെ നടക്കു​ന്ന​താ​യി നാം കാണുന്നു.

വിദ്വേ​ഷ​മെന്ന ഭീകര​ജീ​വി​യെ എന്നെങ്കി​ലും കൂട്ടി​ല​ട​യ്‌ക്ക​ണ​മെ​ങ്കിൽ, അത്തരം ദ്വേഷ​ക​ര​മായ അക്രമം എങ്ങനെ ഉടലെ​ടു​ക്കു​ന്നു എന്നു നാം മനസ്സി​ലാ​ക്കേ​ണ്ട​തുണ്ട്‌. വിദ്വേ​ഷം മനുഷ്യ ജീനു​ക​ളിൽ ഉൾനട്ടി​രി​ക്കു​ന്ന​താ​ണോ, അതോ മനുഷ്യൻ വളർത്തി​യെ​ടു​ക്കു​ന്ന​താ​ണോ? വിദ്വേ​ഷ​ത്തി​ന്റെ ചങ്ങല പൊട്ടി​ച്ചെ​റി​യാൻ സാധിക്കുമോ?(g01 8/8)

[3-ാം പേജിലെ ചിത്ര​ങ്ങൾക്ക്‌ കടപ്പാട്‌]

Kemal Jufri/Sipa Press