ലോകത്തെ വീക്ഷിക്കൽ

“മനസ്സാ​ക്ഷി​യു​ടെ തടവു​കാർ”ക്ക്‌ തായ്‌വാൻ പൊതു​മാപ്പ്‌ നൽകുന്നു

“നിർബ​ന്ധിത സൈനിക സേവന​ത്തി​നു വിസമ്മ​തി​ച്ച​തി​ന്റെ പേരിൽ ജയിലി​ലാ​ക്ക​പ്പെട്ട ‘മനസ്സാ​ക്ഷി​യു​ടെ തടവു​കാ​രായ’ 19 പേർ ഉൾപ്പെടെ 21 കുറ്റവാ​ളി​കൾക്ക്‌ [തായ്‌വാൻ] പ്രസി​ഡന്റ്‌ ചെൻ ഷ്വേ-ബിയാൻ മാപ്പു നൽകി”യതായി ദി ചൈന പോസ്റ്റ്‌ റിപ്പോർട്ടു ചെയ്യുന്നു. തന്മൂലം, “മതപര​മായ കാരണ​ങ്ങ​ളാൽ നിർബ​ന്ധിത സൈനിക സേവന​ത്തി​നു വിസമ്മ​തി​ച്ച​തി​ന്റെ പേരിൽ തടവി​ലാ​ക്ക​പ്പെട്ട യഹോ​വ​യു​ടെ സാക്ഷി​ക​ളായ 19 പേർക്ക്‌ അന്താരാ​ഷ്‌ട്ര മനുഷ്യാ​വ​കാശ ദിനത്തിൽ [2000 ഡിസംബർ 10-ന്‌] വിടുതൽ ലഭിക്കും” എന്നും അതു പ്രസ്‌താ​വി​ച്ചു. ഈ 19 പേരിൽ 14 പേരെ​യും പരോ​ളിൽ വിട്ടി​രു​ന്നു. പത്തു വർഷത്തിൽ ആദ്യമാ​യാണ്‌ ഇത്തര​മൊ​രു പ്രത്യേക മാപ്പു നൽക​പ്പെ​ടു​ന്നത്‌. അഭിഭാ​ഷ​ക​നായ നൈജൽ ലി—അദ്ദേഹ​ത്തി​ന്റെ നിയമ​കാ​ര്യ ഓഫീ​സാണ്‌ സാക്ഷി​ക​ളു​ടെ കേസ്‌ നടത്തി​യത്‌—ഇങ്ങനെ പറഞ്ഞു: “സാക്ഷി​ക​ളും അവരുടെ സമാധാ​ന​പാ​ലന ഉദ്യമ​വും എന്റെ ഹൃദയത്തെ സ്‌പർശി​ച്ചു. . . . അവരുടെ സമാധാന തിര​ഞ്ഞെ​ടുപ്പ്‌ ഉന്നതമായ മാനു​ഷിക മൂല്യ​ത്തി​ന്റെ ഒരു പ്രതി​ഫ​ല​ന​മാണ്‌. തന്മൂലം അവർ നമ്മുടെ പ്രത്യേക ആദരവിന്‌ അർഹരാണ്‌.”(g01 9/8)

‘പുതിയ കാറി’ന്റെ ഗന്ധം

കെട്ടി​ട​ങ്ങ​ളു​ടെ അകത്തെ പെയി​ന്റി​ലെ​യും കാർപെ​റ്റി​ലെ​യും മറ്റും രാസപ​ദാർഥ​ങ്ങ​ളും ആരോ​ഗ്യ​പ്ര​ശ്‌ന​ങ്ങൾക്ക്‌ ഇടയാ​ക്കി​യേ​ക്കാം. ജപ്പാനിൽ ഇതിനെ “സിക്ക്‌-ഹൗസ്‌ സിൻഡ്രം” എന്നാണു വിളി​ക്കു​ന്നത്‌. എന്നാൽ പുത്തൻ കാറു​കൾക്കു​ള്ളി​ലെ വസ്‌തു​ക്ക​ളും ഉയർന്ന അളവിൽ വിഷപ​ദാർഥങ്ങൾ പുറത്തു​വി​ടു​ന്ന​താ​യി ദ ഡെയ്‌ലി യോമി​യൂ​റി പത്രം പറയുന്നു. ഒരു പുതിയ വാഹനം പരി​ശോ​ധ​ന​യ്‌ക്കു വിധേ​യ​മാ​ക്കി​യ​പ്പോൾ, ആരോഗ്യ-ക്ഷേമ മന്ത്രാ​ലയം ഹാനി​ക​ര​മായ പദാർഥ​ങ്ങ​ളു​ടെ കാര്യ​ത്തിൽ വീടു​കൾക്കാ​യി നിശ്ചയി​ച്ചി​രുന്ന പരിധി​യു​ടെ 34 ഇരട്ടി ഒസാക്കാ സംസ്ഥാന പൊതു​ജ​നാ​രോ​ഗ്യ ഇൻസ്റ്റി​റ്റ്യൂ​ട്ടി​ലെ ഗവേഷകർ അതിൽ കണ്ടെത്തു​ക​യു​ണ്ടാ​യി. വാഹനം ഒരു വർഷം ഉപയോ​ഗി​ച്ച​തി​നു ശേഷം പോലും രാസപ​ദാർഥ​ങ്ങ​ളു​ടെ അളവ്‌ അനുവ​ദ​നീ​യ​മായ അളവി​ലും കൂടു​ത​ലാ​യി​രു​ന്നു എന്ന്‌ കാണ​പ്പെട്ടു. ദേശീയ പൊതു​ജ​നാ​രോ​ഗ്യ ഇൻസ്റ്റി​റ്റ്യൂ​ട്ടി​ലെ ഇവാവോ ഊച്ചി​യാ​മാ ഇങ്ങനെ അഭി​പ്രാ​യ​പ്പെ​ടു​ന്നു: “ഒരുവൻ ദീർഘ​നേരം ഒരു വാഹന​ത്തി​ന്റെ ഉള്ളിലാ​യി​രി​ക്കു​മ്പോൾ ശ്രദ്ധി​ക്കു​ന്നത്‌ വളരെ നല്ലതാണ്‌.” എങ്ങനെ? അദ്ദേഹം പറയുന്നു: “പുറത്തു നിന്നുള്ള വായു കാറി​ന​കത്തു കൂടി കടത്തി​വി​ടുക, ഒരു വീടിന്റെ കാര്യ​ത്തിൽ ചെയ്യു​ന്ന​തി​നെ​ക്കാൾ എളുപ്പ​ത്തിൽ ഇതു ചെയ്യാൻ കഴിയും.”(g01 9/8)

ചോക്ക​ലേറ്റ്‌—ആരോ​ഗ്യ​ത്തി​നു നല്ലതോ?

ചോക്ക​ലേറ്റ്‌ ആരോ​ഗ​ത്തി​നു നല്ലതാ​ണെന്നു ചിലർ പറയു​ന്ന​താ​യി ജപ്പാനി​ലെ നിഹോൺ കേസി ഷിംബുൺ എന്ന പത്രം പ്രസ്‌താ​വി​ക്കു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ ചോക്ക​ലേ​റ്റിൽ അടങ്ങി​യി​രി​ക്കുന്ന കൊക്കോ പോളി​ഫി​നോൾ എന്ന പദാർഥം ധമനീ​കാ​ഠി​ന്യ​വും (Arteriosclerosis) കാൻസ​റും തടയാൻ സഹായി​ക്കു​ന്നു. മാത്രമല്ല, പ്രതി​രോ​ധ​ശേ​ഷി​യു​ടെ സന്തുലി​താ​വസ്ഥ കാത്തു​സൂ​ക്ഷി​ക്കാ​നും സമ്മർദ​ത്തിൽനി​ന്നു സൗഖ്യം പ്രാപി​ക്കാൻ ശരീരത്തെ സഹായി​ക്കാ​നും ചോക്ക​ലേറ്റ്‌ ഫലപ്ര​ദ​മാ​ണെന്നു പറയ​പ്പെ​ടു​ന്നു. ഇബാരാ​ക്കി ക്രിസ്റ്റ്യൻ യൂണി​വേ​ഴ്‌സി​റ്റി​യി​ലെ പ്രൊ​ഫസർ ഹിരോ​ഷി​ഗെ ഇത്താക്കൂര ഇങ്ങനെ പറയുന്നു: “ധാരാളം കൊക്കോ ബീൻസും വളരെ കുറച്ച്‌ പഞ്ചസാ​ര​യും എണ്ണയും ഉപയോ​ഗി​ക്കുന്ന ഉയർന്ന ഗുണനി​ല​വാ​ര​മുള്ള ചോക്ക​ലേറ്റ്‌ ഏറ്റവും ഫലപ്ര​ദ​മാണ്‌.” എന്നാൽ “പച്ചയും മഞ്ഞയും നിറത്തി​ലുള്ള പച്ചക്കറി​ക​ളും” ശരീര​ത്തിന്‌ ആവശ്യ​മായ “പലതരം പോളി​ഫി​നോൾ അടങ്ങിയ പ്രോ​ട്ടീ​നു​ക​ളും” കഴിക്കു​ന്ന​തി​ന്റെ പ്രാധാ​ന്യ​വും ആ പ്രൊ​ഫസർ ഊന്നിപ്പറയുകയുണ്ടായി.(g01 9/8)

കടലാ​സു​തന്നെ ഇപ്പോ​ഴും അഭികാ​മ്യം

ഓഫീ​സു​ക​ളിൽ കമ്പ്യൂ​ട്ട​റു​കൾ കൂടു​ത​ലാ​യി ഉപയോ​ഗി​ക്കു​ക​യും വിവരങ്ങൾ ഇലക്‌​ട്രോ​ണിക്‌ രൂപത്തിൽ സംഭരി​ച്ചു​വെ​ക്കു​ക​യും ചെയ്യു​ന്ന​തോ​ടെ കടലാ​സി​ന്റെ ഉപയോ​ഗം കുറയു​മെന്ന്‌ കാൽ നൂറ്റാ​ണ്ടി​ല​ധി​കം മുമ്പ്‌ പ്രവചി​ക്ക​പ്പെ​ട്ടി​രു​ന്നു. എന്നാൽ, കടലാ​സി​ന്റെ ആവശ്യം ഇപ്പോ​ഴും വർധി​ക്കു​ക​യാണ്‌. വാൻകൂ​വർ സൺ പത്രം പറയു​ന്ന​ത​നു​സ​രിച്ച്‌, സിറോ​ക്‌സ്‌, ഫാക്‌സ്‌ മെഷീ​നു​ക​ളിൽ, കാനഡ​ക്കാർ 1992-ൽ ഉപയോ​ഗി​ച്ച​തി​ലും 25 ശതമാനം കൂടുതൽ കടലാസ്‌ 1999-ൽ ഉപയോ​ഗി​ച്ചു. “കുട്ടികൾ ഉൾപ്പെടെ ഓരോ കാനഡ​ക്കാ​ര​നും 30 കിലോ​ഗ്രാം കടലാസ്‌” എന്നതിനു തുല്യ​മാണ്‌ അത്‌. ഓഫീസ്‌ ജീവന​ക്കാർ വിവരങ്ങൾ നോക്കാൻ ആദ്യം കമ്പ്യൂ​ട്ട​റു​ക​ളാണ്‌ ഉപയോ​ഗി​ക്കു​ന്ന​തെ​ങ്കി​ലും, അവർ അപ്പോ​ഴും വിവരങ്ങൾ കടലാ​സിൽ അച്ചടി​ച്ചെ​ടു​ക്കാൻ ആഗ്രഹി​ക്കു​ന്ന​താ​യി അവരുടെ ഇടയിൽ നടത്തിയ ഒരു സർവേ വെളി​പ്പെ​ടു​ത്തി. വീട്ടിൽ കമ്പ്യൂട്ടർ ഉള്ളവരു​ടെ കാര്യ​ത്തി​ലും അത്‌ സത്യമാണ്‌ എന്നു സൺ പത്രം പറയുന്നു. “കടലാസ്‌ ഏറ്റവും കൂടുതൽ ഉപയോ​ഗി​ക്കു​ന്നത്‌” കുട്ടി​ക​ളാണ്‌, കാരണം കമ്പ്യൂട്ടർ സ്‌ക്രീ​നിൽ തങ്ങൾ സൃഷ്ടി​ക്കു​ന്ന​തും കാണു​ന്ന​തു​മായ സകലതും കടലാ​സിൽ അച്ചടി​ച്ചെ​ടു​ക്കാൻ അവർ ആഗ്രഹി​ക്കു​ന്നു. (g01 9/22)