നിങ്ങൾക്കു സഹായം ലഭ്യമാണ്‌

‘ഒരു കപ്പ്‌ പാനീ​യ​ത്തിൽ നാൽപ്പ​ത്തൊ​മ്പത്‌ ഉറക്കഗു​ളി​കകൾ കലർത്തി​യി​രി​ക്കു​ന്നു. ഇതു കുടി​ക്ക​ണോ വേണ്ടയോ?’ സ്വിറ്റ്‌സർലൻഡി​ലെ 28-കാരനായ ഒരാൾ തന്നോ​ടു​തന്നെ ചോദി​ച്ചു. ഭാര്യ​യും മക്കളും ഉപേക്ഷി​ച്ചു പോയ​തി​നെ തുടർന്ന്‌ അദ്ദേഹത്തെ കടുത്ത വിഷാദം പിടി​കൂ​ടി​യി​രു​ന്നു. എന്നാൽ അത്‌ ഇറക്കി​ക്ക​ഴി​ഞ്ഞ​പ്പോൾ അദ്ദേഹം ചിന്തിച്ചു: ‘വേണ്ട. എനിക്കു മരിക്കേണ്ട!’ സന്തോ​ഷ​ക​ര​മെന്നു പറയട്ടെ, അക്കഥ വിവരി​ക്കാൻ തക്കവണ്ണം അദ്ദേഹം അതിജീ​വി​ച്ചു. ആത്മഹത്യ ചെയ്യണ​മെന്ന തോന്നൽ എല്ലായ്‌പോ​ഴും മരണത്തി​ലേക്കു നയിക്കു​ന്നില്ല.

രോഗ​നി​യ​ന്ത്ര​ണ​ത്തി​നും പ്രതി​രോ​ധ​ത്തി​നു​മുള്ള യു.എസ്‌. കേന്ദ്ര​ങ്ങ​ളി​ലെ അലക്‌സ്‌ ക്രോ​സ്‌ബി കൗമാ​ര​പ്രാ​യ​ക്കാ​രു​ടെ ആത്മഹത്യാ ശ്രമങ്ങളെ കുറിച്ച്‌ ഇപ്രകാ​രം പറഞ്ഞു: “ഏതാനും മണിക്കൂർ നേര​ത്തേക്ക്‌ ആണെങ്കിൽ പോലും അതു തടയാൻ കഴിഞ്ഞാൽ നിങ്ങൾക്ക്‌ അവരെ അതിൽനി​ന്നു പിന്തി​രി​പ്പി​ക്കാൻ കഴിയും. തക്കസമ​യത്ത്‌ ഇടപെ​ടു​ന്ന​തി​ലൂ​ടെ വളരെ​യ​ധി​കം പേരുടെ ആത്മഹത്യ തടയാൻ നിങ്ങൾക്കു കഴിയും. അങ്ങനെ നിങ്ങൾക്ക്‌ അവരുടെ ജീവൻ രക്ഷിക്കാ​നാ​കും.”

ജപ്പാൻ മെഡിക്കൽ കോ​ളെ​ജി​ലെ ജീവരക്ഷാ-അടിയ​ന്തിര സഹായ കേന്ദ്ര​ത്തിൽ പ്രവർത്തി​ക്കവേ, പ്രൊ​ഫസർ ഹിസാഷി കൂറോ​സാ​വാ ജീവി​ക്കാ​നുള്ള ആഗ്രഹം വീണ്ടെ​ടു​ക്കാൻ ആത്മഹത്യ​യു​ടെ വക്കോളം എത്തിയ നൂറു​ക​ണ​ക്കിന്‌ ആളുകളെ സഹായി​ക്കു​ക​യു​ണ്ടാ​യി. അതേ, തക്കസമ​യത്തെ ഇടപെ​ടൽകൊണ്ട്‌ ആളുക​ളു​ടെ ജീവൻ രക്ഷിക്കാൻ കഴിയും. എന്തു സഹായ​മാണ്‌ ആവശ്യ​മാ​യി​രി​ക്കു​ന്നത്‌?

അടിസ്ഥാന പ്രശ്‌നങ്ങൾ കൈകാ​ര്യം ചെയ്യൽ

കഴിഞ്ഞ ലേഖന​ത്തിൽ കണ്ടതു പോലെ ആത്മഹത്യ ചെയ്യു​ന്ന​വ​രിൽ 90 ശതമാ​ന​വും മാനസിക തകരാ​റു​ക​ളോ മയക്കു​മ​രുന്ന്‌-ലഹരി​പാ​നീയ ദുരു​പ​യോഗ പ്രശ്‌ന​ങ്ങ​ളോ ഉള്ളവരാ​ണെന്നു ഗവേഷകർ പറയുന്നു.  അതു​കൊണ്ട്‌ യു.എസ്‌. മാനസിക ആരോഗ്യ ദേശീയ ഇൻസ്റ്റി​റ്റ്യൂ​ട്ടി​ലെ ഈവ്‌ കെ. മോഷ്‌ചി​റ്റ്‌സ്‌കി ഇങ്ങനെ പറയുന്നു: “എല്ലാ പ്രായ​ക്കാ​രി​ലും ആത്മഹത്യ തടയു​ന്ന​തി​നുള്ള ഏറ്റവും നല്ല മാർഗം മാനസി​ക​വും ആസക്തി​പ​ര​വു​മായ തകരാ​റു​കൾ തടയുക എന്നതാണ്‌.”

എന്നാൽ ദുഃഖ​ക​ര​മെന്നു പറയട്ടെ, ഇത്തരം തകരാ​റു​കൾ ഉള്ള പലരും സഹായം തേടാൻ ശ്രമി​ക്കു​ന്നില്ല. എന്തു​കൊണ്ട്‌? “കാരണം, ഇത്തരക്കാ​രെ കുറിച്ച്‌ സമൂഹ​ത്തിൽ വളരെ കടുത്ത മുൻവി​ധി​യാണ്‌ ഉള്ളത്‌” എന്ന്‌ ടോക്കി​യോ മെ​ട്രോ​പോ​ളി​റ്റൻ മനോ​രോഗ ഇൻസ്റ്റി​റ്റ്യൂ​ട്ടി​ലെ യോഷി​ട്ടോ​മോ താക്കാ​ഹാ​ഷി പറയുന്നു. അതിന്റെ ഫലമായി, തങ്ങൾക്ക്‌ എന്തോ കുഴപ്പ​മു​ണ്ടെന്ന സൂചന ഉള്ളവർ പോലും ഉടനെ ചികിത്സ തേടാൻ മടിക്കു​ന്നു എന്ന്‌ അദ്ദേഹം കൂട്ടി​ച്ചേർത്തു.

എന്നാൽ നാണ​ക്കേട്‌ തങ്ങൾക്ക്‌ ഒരു പ്രതി​ബ​ന്ധ​മാ​കാൻ എല്ലാവ​രു​മൊ​ന്നും അനുവ​ദി​ക്കു​ന്നില്ല. 17 വർഷം ടെലി​വി​ഷ​നിൽ സ്വന്തം പരിപാ​ടി അവതരി​പ്പി​ച്ചി​ട്ടുള്ള ജപ്പാനി​ലെ പ്രശസ്‌ത ടെലി​വി​ഷൻ അനൗൺസ​റായ ഹിരോ​ഷി ഓഗാവാ താൻ ഒരു വിഷാ​ദ​രോ​ഗി​യാ​ണെ​ന്നും ആത്മഹത്യ​യു​ടെ വക്കോളം എത്തിയി​ട്ടു​ണ്ടെ​ന്നും പരസ്യ​മാ​യി സമ്മതിച്ചു. “മനസ്സിനെ ബാധി​ക്കുന്ന ഒരു ജലദോ​ഷം എന്നാണു വിഷാ​ദത്തെ വിളി​ച്ചി​രി​ക്കു​ന്നത്‌,” ഓഗാവാ പറഞ്ഞു. അത്‌ ആർക്കും വരാം, എന്നാൽ സുഖം പ്രാപി​ക്കുക സാധ്യ​മാണ്‌ എന്ന്‌ അദ്ദേഹം വിശദീ​ക​രി​ച്ചു.

ആരോ​ടെ​ങ്കി​ലും സംസാ​രി​ക്കു​ക

“ഒറ്റയ്‌ക്കാ​യി​രി​ക്കു​മ്പോൾ സാധാ​ര​ണ​ഗ​തി​യിൽ ഒരുവൻ തന്റെ പ്രശ്‌നത്തെ അങ്ങേയറ്റം വലുതും പരിഹാ​ര​മി​ല്ലാ​ത്ത​തു​മാ​യി കാണാൻ ചായ്‌വു കാട്ടുന്നു” എന്ന്‌ നേരത്തേ ഉദ്ധരിച്ച ഹംഗറി​യി​ലെ ആരോഗ്യ ഉദ്യോ​ഗ​സ്ഥ​നായ ബേലാ ബുധാ പറയുന്നു. ഈ നിരീ​ക്ഷണം ബൈബി​ളി​ലെ ഒരു പുരാതന സദൃശ​വാ​ക്യ​ത്തി​ന്റെ ജ്ഞാനത്തിന്‌ അടിവ​ര​യി​ടു​ന്നു: “കൂട്ടം​വി​ട്ടു നടക്കു​ന്നവൻ സ്വേച്ഛയെ അന്വേ​ഷി​ക്കു​ന്നു; സകലജ്ഞാ​ന​ത്തോ​ടും അവൻ കയർക്കു​ന്നു.”—സദൃശ​വാ​ക്യ​ങ്ങൾ 18:1.

ജ്ഞാനപൂർവ​ക​മാ​യ ആ വാക്കു​കൾക്കു ചെവി​കൊ​ടു​ക്കുക. സ്വയം ഒറ്റപ്പെ​ടു​ത്തി​ക്കൊണ്ട്‌ വ്യക്തി​പ​ര​മായ പ്രശ്‌ന​ങ്ങ​ളു​ടെ നിലയി​ല്ലാ​ക്ക​യ​ത്തിൽ മുങ്ങി​ത്താ​ഴാൻ അനുവ​ദി​ക്ക​രുത്‌. വിശ്വ​സി​ക്കാ​നും ഉള്ളുതു​റന്നു സംസാ​രി​ക്കാ​നും കഴിയുന്ന ഒരാളെ കണ്ടെത്തുക. ‘എന്നാൽ എനിക്ക്‌ അങ്ങനെ​യാ​രും ഇല്ല’ എന്നു നിങ്ങൾ പറഞ്ഞേ​ക്കാം. മാനസി​കാ​രോ​ഗ്യ വിദഗ്‌ധ​നായ ഡോ. നായോ​ക്കി സാറ്റോ പറയു​ന്ന​ത​നു​സ​രിച്ച്‌ അങ്ങനെ  തോന്നുന്ന പലരു​മുണ്ട്‌. തങ്ങളുടെ ബലഹീ​ന​തകൾ മറ്റുള്ളവർ മനസ്സി​ലാ​ക്കു​മെന്നു ഭയന്ന്‌ കാര്യങ്ങൾ തുറന്നു സംസാ​രി​ക്കാൻ മടിക്കുന്ന രോഗി​ക​ളുണ്ട്‌ എന്ന്‌ അദ്ദേഹം പറയുന്നു.

ശ്രദ്ധി​ക്കാൻ മനസ്സൊ​രു​ക്ക​മുള്ള ഒരാളെ എവിടെ കണ്ടെത്താ​നാ​കും? പല സ്ഥലങ്ങളി​ലും ഒരു ആത്മഹത്യാ​രോ​ധക കേന്ദ്ര​ത്തി​ന്റെ​യോ സ്വകാര്യ ദുഃഖങ്ങൾ പങ്കിടാ​വുന്ന ഒരു ടെലി​ഫോൺ സർവീ​സി​ന്റെ​യോ വൈകാ​രിക പ്രശ്‌നങ്ങൾ കൈകാ​ര്യം ചെയ്യു​ന്ന​തിൽ പരിച​യ​സ​മ്പ​ന്ന​നായ ഒരു പ്രശസ്‌ത ഡോക്ട​റു​ടെ​യോ സഹായം തേടാൻ കഴി​ഞ്ഞേ​ക്കും. എന്നാൽ സഹായ​ത്തി​ന്റെ മറ്റൊരു ഉറവെന്ന നിലയിൽ ചില വിദഗ്‌ധർ മതത്തി​ലേക്കു വിരൽ ചൂണ്ടുന്നു. അതിന്‌ എങ്ങനെ​യാ​ണു സഹായി​ക്കാൻ കഴിയുക?

ആവശ്യ​മായ സഹായം കണ്ടെത്തു​ന്നു

ബൾഗേ​റി​യ​യിൽനി​ന്നുള്ള മാരിൻ എന്ന വ്യക്തി​യു​ടെ കാര്യം എടുക്കുക. ഗുരു​ത​ര​മായ ആരോ​ഗ്യ​പ്ര​ശ്‌ന​ങ്ങ​ളുള്ള അദ്ദേഹം തന്റെ ജീവിതം അവസാ​നി​പ്പി​ക്കാൻ ആഗ്രഹി​ച്ചു. എന്നാൽ ഒരു ദിവസം യാദൃ​ച്ഛി​ക​മാ​യി അദ്ദേഹ​ത്തിന്‌ ഒരു മത മാസിക ലഭിച്ചു. യഹോ​വ​യു​ടെ സാക്ഷികൾ പ്രസി​ദ്ധീ​ക​രി​ക്കുന്ന വീക്ഷാ​ഗോ​പു​രം ആയിരു​ന്നു അത്‌. മാസി​ക​യിൽ പറഞ്ഞി​രു​ന്നത്‌ അനുസ​രിച്ച്‌, തന്നെ വന്നു കാണാൻ അദ്ദേഹം യഹോ​വ​യു​ടെ സാക്ഷി​കളെ ക്ഷണിച്ചു. അതിന്റെ ഫലം എന്തായി​രു​ന്നു​വെന്ന്‌ മാരിൻ വിശദീ​ക​രി​ക്കു​ന്നു: “ജീവൻ നമ്മുടെ സ്വർഗീയ പിതാ​വി​ന്റെ ദാനമാ​ണെ​ന്നും നമുക്കു​തന്നെ ഹാനി വരുത്തി​വെ​ക്കാ​നോ മനഃപൂർവം ജീവിതം അവസാ​നി​പ്പി​ക്കാ​നോ ഉള്ള അധികാ​രം നമുക്കി​ല്ലെ​ന്നും ഞാൻ അവരിൽനി​ന്നു മനസ്സി​ലാ​ക്കി. അങ്ങനെ ആത്മഹത്യ ചെയ്യാ​നുള്ള ആഗ്രഹം ഞാൻ ഉപേക്ഷി​ച്ചു, ഞാൻ വീണ്ടും ജീവി​തത്തെ സ്‌നേ​ഹി​ച്ചു​തു​ടങ്ങി!” മാരിന്‌ ക്രിസ്‌തീയ സഭയിൽനി​ന്നുള്ള സ്‌നേ​ഹ​പൂർവ​ക​മായ പിന്തു​ണ​യും ലഭിച്ചു. ഇപ്പോ​ഴും ആരോ​ഗ്യ​പ്ര​ശ്‌നങ്ങൾ ഉണ്ടെങ്കി​ലും അദ്ദേഹം പറയുന്നു: “എന്റെ ദിവസങ്ങൾ ഇപ്പോൾ സന്തോ​ഷ​വും സമാധാ​ന​വും നിറഞ്ഞ​വ​യാണ്‌. ആനന്ദക​ര​മായ എത്ര​യെത്ര കാര്യ​ങ്ങ​ളാണ്‌ എനിക്കു ചെയ്യാ​നു​ള്ളത്‌—അവയ്‌ക്കെ​ല്ലാം സമയം കിട്ടാ​ത്ത​തി​ന്റെ കുഴപ്പമേ ഉള്ളു ഇപ്പോൾ! ഇതി​നെ​ല്ലാം ഞാൻ യഹോ​വ​യോ​ടും അവന്റെ സാക്ഷി​ക​ളോ​ടും കടപ്പെ​ട്ടി​രി​ക്കു​ന്നു.”

തുടക്ക​ത്തിൽ പരാമർശിച്ച സ്വിറ്റ്‌സർലൻഡു​കാ​ര​നായ വ്യക്തി​ക്കും യഹോ​വ​യു​ടെ സാക്ഷി​ക​ളിൽനി​ന്നു സഹായം ലഭിച്ചു. തങ്ങളോ​ടൊ​പ്പം വന്നു താമസി​ക്കാൻ തന്നെ ക്ഷണിച്ച “ഒരു ക്രിസ്‌തീയ കുടും​ബ​ത്തി​ന്റെ ദയയെ” കുറിച്ച്‌ അദ്ദേഹം പറയുന്നു. അദ്ദേഹം ഇങ്ങനെ കൂട്ടി​ച്ചേർക്കു​ന്നു: “പിന്നീട്‌ വളരെ​ക്കാ​ല​ത്തേക്ക്‌ ദിവസ​വും [യഹോ​വ​യു​ടെ സാക്ഷി​ക​ളു​ടെ] സഭയിലെ അംഗങ്ങൾ മാറി​മാ​റി എന്നെ ഭക്ഷണത്തി​നു ക്ഷണിക്കു​മാ​യി​രു​ന്നു. അതിഥി​പ്രി​യ​ത്തോ​ടെ​യുള്ള ഈ പെരു​മാ​റ്റം മാത്രമല്ല ആരോ​ടെ​ങ്കി​ലു​മൊ​ന്നു സംസാ​രി​ക്കാൻ കഴിഞ്ഞ​തും എനിക്കു വലിയ സഹായ​മാ​യി.”

ബൈബി​ളിൽനി​ന്നു പഠിച്ച കാര്യ​ങ്ങ​ളും അദ്ദേഹ​ത്തി​നു വളരെ പ്രോ​ത്സാ​ഹ​ന​മേകി. വിശേ​ഷി​ച്ചും സത്യ​ദൈ​വ​മായ യഹോ​വ​യ്‌ക്ക്‌ മനുഷ്യ​വർഗ​ത്തോ​ടുള്ള സ്‌നേ​ഹത്തെ കുറി​ച്ചുള്ള അറിവ്‌. (യോഹ​ന്നാൻ 3:16) തീർച്ച​യാ​യും നാം യഹോ​വ​യു​ടെ ‘മുമ്പിൽ ഹൃദയം പകരു​മ്പോൾ’ അവൻ അതു ശ്രദ്ധി​ക്കു​ന്നു. (സങ്കീർത്തനം 62:8) “യഹോ​വ​യു​ടെ കണ്ണു . . . ഭൂമി​യി​ലെ​ല്ലാ​ട​വും ഊടാ​ടി​ക്കൊ​ണ്ടി​രി​ക്കു​ന്നു.” ഇത്‌ ആളുക​ളു​ടെ കുറ്റം കണ്ടുപി​ടി​ക്കാ​നല്ല, മറിച്ച്‌ ‘തങ്കൽ ഏകാ​ഗ്ര​ചി​ത്ത​ന്മാ​രാ​യി​രി​ക്കു​ന്ന​വർക്കു വേണ്ടി തന്നെത്താൻ ബലവാ​നെന്നു കാണി​ക്കേ​ണ്ട​തി​നാണ്‌.’ (2 ദിനവൃ​ത്താ​ന്തം 16:9) യഹോവ നമുക്കു പിൻവ​രുന്ന ഉറപ്പു നൽകുന്നു: “നീ ഭയപ്പെ​ടേണ്ടാ; ഞാൻ നിന്നോ​ടു​കൂ​ടെ ഉണ്ടു; ഭ്രമി​ച്ചു​നോ​ക്കേണ്ടാ, ഞാൻ നിന്റെ ദൈവം ആകുന്നു; ഞാൻ നിന്നെ ശക്തീക​രി​ക്കും; ഞാൻ നിന്നെ സഹായി​ക്കും; എന്റെ നീതി​യുള്ള വല​ങ്കൈ​കൊ​ണ്ടു ഞാൻ നിന്നെ താങ്ങും.”—യെശയ്യാ​വു 41:10.

 ഒരു പുതിയ ലോകത്തെ കുറി​ച്ചുള്ള ദൈവ​ത്തി​ന്റെ വാഗ്‌ദാ​നം സംബന്ധിച്ച്‌ ആ സ്വിറ്റ്‌സർലൻഡു​കാ​രൻ ഇപ്രകാ​രം പറഞ്ഞു: “ഇത്‌ എന്റെ നിരാശ കുറയ്‌ക്കു​ന്ന​തിൽ വളരെ വലിയ പങ്കു വഹിച്ചി​രി​ക്കു​ന്നു.” “ആത്മാവി​ന്റെ ഒരു നങ്കൂരം” എന്നു വിശേ​ഷി​പ്പി​ച്ചി​രി​ക്കുന്ന ഈ പ്രത്യാ​ശ​യിൽ ഭൂമി​യി​ലെ പറുദീ​സ​യിൽ നിത്യ​മാ​യി ജീവി​ക്കാം എന്ന വാഗ്‌ദാ​നം ഉൾപ്പെ​ടു​ന്നു.—എബ്രായർ 6:19; സങ്കീർത്തനം 37:10, 11, 29.

നിങ്ങളു​ടെ ജീവൻ മറ്റുള്ള​വർക്കു വില​പ്പെ​ട്ടത്‌

നിങ്ങൾക്ക്‌ ആരുമി​ല്ലെ​ന്നും നിങ്ങൾ മരിച്ചാൽ അത്‌ ആരെയും ബാധി​ക്കാൻ പോകു​ന്നി​ല്ലെ​ന്നും തോന്നുന്ന സാഹച​ര്യ​ങ്ങൾ ഉണ്ടാ​യേ​ക്കാം എന്നതു ശരിയാണ്‌. എന്നാൽ ഒരു കാര്യം ഓർക്കുക: ഒറ്റയ്‌ക്കാ​ണെന്നു തോന്നു​ന്ന​തും യഥാർഥ​ത്തിൽ ഒറ്റയ്‌ക്ക്‌ ആയിരി​ക്കു​ന്ന​തും തമ്മിൽ വലിയ അന്തരമുണ്ട്‌. ബൈബിൾ കാലങ്ങ​ളി​ലെ ഒരു പ്രവാ​ച​ക​നായ ഏലീയാവ്‌ തന്റെ ജീവി​ത​ത്തി​ലെ അങ്ങേയറ്റം നിരാശ തോന്നിയ ഒരു ഘട്ടത്തിൽ യഹോ​വ​യോട്‌ ഇപ്രകാ​രം പറഞ്ഞു: ‘[അവർ] നിന്റെ പ്രവാ​ച​ക​ന്മാ​രെ വാൾകൊ​ണ്ടു കൊന്നു​ക​ളഞ്ഞു; ഞാൻ ഒരുത്തൻ മാത്രം ശേഷി​ച്ചി​രി​ക്കു​ന്നു.’ അതേ, താൻ തീർത്തും ഒറ്റയ്‌ക്കാ​ണെന്ന്‌ ഏലീയാ​വി​നു തോന്നി—അതിന്‌ അവനു തക്ക കാരണ​വു​മു​ണ്ടാ​യി​രു​ന്നു. അവന്റെ സഹ പ്രവാ​ച​ക​ന്മാ​രിൽ അനേക​രും വധിക്ക​പ്പെ​ട്ടി​രു​ന്നു. സ്വന്തം ജീവനു ഭീഷണി ഉണ്ടായ​തി​നെ തുടർന്ന്‌ അവൻ രക്ഷപ്പെട്ട്‌ ഓടു​ക​യാ​യി​രു​ന്നു. എന്നാൽ അവൻ യഥാർഥ​ത്തിൽ ഒറ്റയ്‌ക്കാ​യി​രു​ന്നോ? അല്ല. ഇരുളടഞ്ഞ ആ സമയങ്ങ​ളിൽ, അവനെ​പ്പോ​ലെ​തന്നെ സത്യ​ദൈ​വത്തെ വിശ്വ​സ്‌ത​മാ​യി സേവി​ക്കാൻ ശ്രമി​ക്കുന്ന നിർമ​ല​രായ മറ്റ്‌ 7,000 പേർ ഉണ്ടായി​രു​ന്നു​വെന്ന്‌ യഹോവ അവനെ അറിയി​ച്ചു. (1 രാജാ​ക്ക​ന്മാർ 19:1-18) നിങ്ങളെ സംബന്ധി​ച്ചോ? നിങ്ങൾക്ക്‌ ആരുമി​ല്ലെന്ന തോന്നൽ അടിസ്ഥാ​ന​ര​ഹി​തം ആയിരു​ന്നേ​ക്കാ​മോ?

നിങ്ങളെ കുറിച്ചു കരുത​ലു​ള്ള​വ​രുണ്ട്‌. നിങ്ങളു​ടെ മാതാ​പി​താ​ക്കൾ, ഇണ, കുട്ടികൾ, സുഹൃ​ത്തു​ക്കൾ എന്നിവ​രൊ​ക്കെ ഇതിൽ പെട്ടേ​ക്കാം. എന്നാൽ അവർ മാത്രമല്ല ഉള്ളത്‌. നിങ്ങളിൽ താത്‌പ​ര്യ​മുള്ള, നിങ്ങൾക്കു പറയാ​നു​ള്ളത്‌ ശ്രദ്ധി​ക്കാ​നും നിങ്ങ​ളോ​ടൊ​പ്പ​വും നിങ്ങൾക്കാ​യും പ്രാർഥി​ക്കാ​നും സന്നദ്ധരായ പക്വത​യുള്ള ക്രിസ്‌ത്യാ​നി​കളെ യഹോ​വ​യു​ടെ സാക്ഷി​ക​ളു​ടെ സഭയിൽ നിങ്ങൾ കണ്ടെത്തും. (യാക്കോബ്‌ 5:14, 15) ഇനി, അപൂർണ മനുഷ്യർ എല്ലാവ​രും​തന്നെ കൈ​യൊ​ഴി​ഞ്ഞാ​ലും ഒരിക്ക​ലും നിങ്ങളെ ഉപേക്ഷി​ക്കു​ക​യി​ല്ലാത്ത ഒരുവ​നുണ്ട്‌. പുരാ​ത​ന​കാ​ലത്തെ ദാവീദ്‌ രാജാവ്‌ ഇങ്ങനെ പറഞ്ഞു: “എന്റെ അപ്പനും  അമ്മയും എന്നെ ഉപേക്ഷി​ച്ചി​രി​ക്കു​ന്നു; എങ്കിലും യഹോവ എന്നെ ചേർത്തു​കൊ​ള്ളും.” (സങ്കീർത്തനം 27:10) അതേ, യഹോവ ‘നിങ്ങൾക്കാ​യി കരുതു​ന്നു.’ (1 പത്രൊസ്‌ 5:7) യഹോ​വ​യു​ടെ കണ്ണിൽ നിങ്ങൾ മൂല്യ​മു​ള്ള​വ​രാ​ണെന്ന കാര്യം ഒരിക്ക​ലും മറക്കരുത്‌.

ജീവൻ ദൈവ​ത്തി​ന്റെ ദാനമാണ്‌. ചില സമയങ്ങ​ളിൽ ഒരു ദാനം എന്നതി​നെ​ക്കാൾ അത്‌ ഒരു ഭാരമാ​യി​രി​ക്കു​ന്നതു പോലെ തോന്നി​യേ​ക്കാം എന്നതു ശരിതന്നെ. എന്നാൽ നിങ്ങൾ വളരെ വിലപ്പെട്ട ഒരു സമ്മാനം ആർക്കെ​ങ്കി​ലും കൊടു​ക്കു​ന്നു​വെ​ന്നും അയാൾ അതു ശരിക്ക്‌ ഉപയോ​ഗി​ക്കു​ന്ന​തി​നു മുമ്പു​തന്നെ എറിഞ്ഞു​ക​ള​യു​ന്നു​വെ​ന്നും വിചാ​രി​ക്കുക. നിങ്ങൾക്ക്‌ എന്തു തോന്നും? അപൂർണ മനുഷ്യ​രായ നാം ജീവനെന്ന ദാനം ശരിക്കും ഉപയോ​ഗി​ക്കാൻ തുടങ്ങി​യി​ട്ടു കൂടി​യില്ല. വാസ്‌ത​വ​ത്തിൽ, ഇപ്പോൾ നാം നയിക്കുന്ന ജീവിതം ദൈവ​ദൃ​ഷ്ടി​യിൽ ‘സാക്ഷാ​ലുള്ള ജീവൻ’ അല്ല എന്നു ബൈബിൾ സൂചി​പ്പി​ക്കു​ന്നു. (1 തിമൊ​ഥെ​യൊസ്‌ 6:19) അതേ, സമീപ ഭാവി​യിൽ നമ്മുടെ ജീവിതം പൂർണ​വും കൂടുതൽ അർഥവ​ത്തും സന്തുഷ്ട​വും ആയിരി​ക്കും. അതെങ്ങനെ?

ബൈബിൾ ഇപ്രകാ​രം പറയുന്നു: “അവൻ [ദൈവം] അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.” (വെളി​പ്പാ​ടു 21:3-5എ) ആ വാക്കുകൾ നിവൃ​ത്തി​യേ​റു​മ്പോൾ നിങ്ങളു​ടെ ജീവിതം എങ്ങനെ​യു​ള്ളത്‌ ആയിരി​ക്കു​മെന്നു ഭാവന​യിൽ കാണാൻ ശ്രമി​ക്കുക. അതിനെ കുറിച്ചു നന്നായി, സമയം എടുത്തു ചിന്തി​ക്കുക. മനസ്സിൽ പൂർണ​വും വർണാ​ഭ​വു​മായ ഒരു ചിത്രം സൃഷ്ടി​ക്കാൻ ശ്രമി​ക്കുക. ആ ചിത്രം വെറും മിഥ്യ അല്ല. മുൻകാ​ല​ങ്ങ​ളിൽ യഹോവ തന്റെ ജനവു​മാ​യി ഇടപെ​ട്ടി​ട്ടുള്ള വിധത്തെ കുറിച്ചു ധ്യാനി​ക്കു​മ്പോൾ, അവനി​ലുള്ള നിങ്ങളു​ടെ വിശ്വാ​സം കൂടുതൽ ശക്തമാ​യി​ത്തീ​രു​ക​യും നിങ്ങളെ സംബന്ധി​ച്ചി​ട​ത്തോ​ളം ആ ചിത്രം കൂടുതൽ യഥാർഥ​മാ​യി​ത്തീ​രു​ക​യും ചെയ്യും.—സങ്കീർത്തനം 136:1-26.

ജീവി​ക്കാ​നു​ള്ള നിങ്ങളു​ടെ ആഗ്രഹം പൂർണ​മാ​യി വീണ്ടെ​ടു​ക്കാൻ കുറെ സമയം വേണ്ടി​വ​ന്നേ​ക്കാം. നമ്മുടെ ‘കഷ്ടത്തിൽ ഒക്കെയും നമ്മെ ആശ്വസി​പ്പി​ക്കുന്ന, സർവ്വാ​ശ്വാ​സ​വും നല്‌കുന്ന ദൈവ​ത്തോട്‌’ പ്രാർഥി​ക്കു​ന്ന​തിൽ തുടരുക. (2 കൊരി​ന്ത്യർ 1:3, 4; റോമർ 12:12; 1 തെസ്സ​ലൊ​നീ​ക്യർ 5:17) യഹോവ നിങ്ങൾക്ക്‌ ആവശ്യ​മുള്ള ശക്തി തരും. ജീവൻ അമൂല്യ​മാ​ണെന്ന്‌ അവൻ നിങ്ങളെ പഠിപ്പി​ക്കും.—യെശയ്യാ​വു 40:29. വ്യക്തി ആത്മഹത്യക്ക്‌ ഉപയോ​ഗി​ച്ചേ​ക്കാ​വുന്ന വസ്‌തു​ക്കൾ—പ്രത്യേ​കി​ച്ചും തോക്കു​കൾ—നീക്കം ചെയ്യാ​നും വിദഗ്‌ധർ നിർദേ​ശി​ക്കു​ന്നു. സാഹച​ര്യം ഗുരു​ത​ര​മാ​ണെന്നു തോന്നു​ന്നെ​ങ്കിൽ വൈദ്യ​സ​ഹാ​യം സ്വീക​രി​ക്കാൻ വ്യക്തിയെ പ്രോ​ത്സാ​ഹി​പ്പി​ക്കാ​വു​ന്ന​താണ്‌. അങ്ങേയ​റ്റത്തെ ചില സാഹച​ര്യ​ങ്ങ​ളിൽ വ്യക്തി​ക്കു​വേണ്ടി നിങ്ങൾതന്നെ ഏതെങ്കി​ലും തരത്തി​ലുള്ള അടിയ​ന്തിര വൈദ്യ സഹായം തേടേ​ണ്ടത്‌ ആവശ്യ​മാ​യി വന്നേക്കാം. (g01 10/22)

[9-ാം പേജിലെ ചതുരം/ചിത്രം]

ആത്മഹത്യാ പ്രവണ​ത​യു​ള്ള​വരെ നിങ്ങൾക്ക്‌ എങ്ങനെ സഹായി​ക്കാ​നാ​കും?

ആത്മഹത്യ ചെയ്യാൻ തോന്നു​ന്നു​വെന്ന്‌ ആരെങ്കി​ലും നിങ്ങ​ളോ​ടു പറയു​ന്നെ​ങ്കിൽ എന്തു ചെയ്യണം? “നല്ല ശ്രോ​താ​വാ​യി​രി​ക്കുക,” രോഗ നിയ​ന്ത്ര​ണ​ത്തി​നും പ്രതി​രോ​ധ​ത്തി​നു​മാ​യുള്ള യു.എസ്‌. കേന്ദ്രങ്ങൾ (സി ഡി സി) ഉപദേ​ശി​ക്കു​ന്നു. തന്റെ വികാ​രങ്ങൾ പ്രകടി​പ്പി​ക്കാൻ അയാളെ അനുവ​ദി​ക്കുക. എന്നാൽ മിക്ക​പ്പോ​ഴും ആത്മഹത്യാ പ്രവണ​ത​യുള്ള വ്യക്തി തുറന്ന്‌ ഇടപെ​ടാ​നും ആശയവി​നി​മയം നടത്താ​നും വിമുഖത കാണി​ക്കു​ന്നു. അയാൾ അനുഭ​വി​ക്കുന്ന നിരാ​ശ​യും വേദന​യും യഥാർഥ​മാ​ണെന്ന്‌ അംഗീ​ക​രി​ക്കുക. അയാളു​ടെ പെരു​മാ​റ്റ​ത്തിൽ നിങ്ങൾ ശ്രദ്ധി​ച്ചി​ട്ടുള്ള ചില മാറ്റങ്ങളെ കുറിച്ചു ദയാപൂർവം സൂചി​പ്പി​ക്കു​ന്നെ​ങ്കിൽ, ഉള്ളുതു​റന്നു സംസാ​രി​ക്കു​ന്ന​തിന്‌ വ്യക്തിയെ പ്രേരി​പ്പി​ക്കാൻ നിങ്ങൾക്കു കഴി​ഞ്ഞേ​ക്കും.

ശ്രദ്ധി​ക്കു​മ്പോൾ സഹാനു​ഭൂ​തി പ്രകട​മാ​ക്കുക. “വ്യക്തി​യു​ടെ ജീവൻ നിങ്ങൾക്കും മറ്റുള്ള​വർക്കും വില​പ്പെ​ട്ട​താ​ണെന്ന്‌ ഊന്നി​പ്പ​റ​യു​ന്നതു പ്രധാ​ന​മാണ്‌” എന്ന്‌ സി ഡി സി പറയുന്നു. അയാളു​ടെ മരണം നിങ്ങ​ളെ​യും മറ്റുള്ള​വ​രെ​യും തളർത്തി​ക്ക​ള​യു​മെന്ന്‌ അയാളെ അറിയി​ക്കുക. സ്രഷ്ടാവ്‌ അയാൾക്കാ​യി കരുതു​ന്നു​ണ്ടെന്നു കാണാൻ വ്യക്തിയെ സഹായി​ക്കുക.—1 പത്രൊസ്‌ 5:7.

വ്യക്തി ആത്മഹത്യക്ക്‌ ഉപയോ​ഗി​ച്ചേ​ക്കാ​വുന്ന വസ്‌തു​ക്കൾ—പ്രത്യേ​കി​ച്ചും തോക്കു​കൾ—നീക്കം ചെയ്യാ​നും വിദഗ്‌ധർ നിർദേ​ശി​ക്കു​ന്നു. സാഹച​ര്യം ഗുരു​ത​ര​മാ​ണെന്നു തോന്നു​ന്നെ​ങ്കിൽ വൈദ്യ​സ​ഹാ​യം സ്വീക​രി​ക്കാൻ വ്യക്തിയെ പ്രോ​ത്സാ​ഹി​പ്പി​ക്കാ​വു​ന്ന​താണ്‌. അങ്ങേയ​റ്റത്തെ ചില സാഹച​ര്യ​ങ്ങ​ളിൽ വ്യക്തി​ക്കു​വേണ്ടി നിങ്ങൾതന്നെ ഏതെങ്കി​ലും തരത്തി​ലുള്ള അടിയ​ന്തിര വൈദ്യ സഹായം തേടേ​ണ്ടത്‌ ആവശ്യ​മാ​യി വന്നേക്കാം.

[11-ാം പേജിലെ ചതുരം]

‘ഇങ്ങനെ തോന്നു​ന്ന​തിന്‌ ദൈവം എന്നോടു ക്ഷമിക്കു​മോ?’

യഹോ​വ​യു​ടെ സാക്ഷി​ക​ളു​മാ​യുള്ള സഹവാസം ആത്മഹത്യ​യെ കുറി​ച്ചുള്ള ചിന്ത അകറ്റാൻ അനേകരെ സഹായി​ച്ചി​ട്ടുണ്ട്‌. എന്നാൽ ജീവിത സമ്മർദ​ങ്ങ​ളോ വിഷാ​ദ​മോ ഏതൊ​രാ​ളെ​യും ബാധി​ക്കാ​വു​ന്ന​താണ്‌. ജീവിതം അവസാ​നി​പ്പി​ക്കു​ന്ന​തി​നെ കുറിച്ചു ചിന്തി​ച്ചി​ട്ടുള്ള ക്രിസ്‌ത്യാ​നി​കളെ പലപ്പോ​ഴും ആഴമായ കുറ്റ​ബോ​ധം വേട്ടയാ​ടു​ന്നു. കുറ്റ​ബോ​ധം അവരുടെ വിഷമാ​വ​സ്ഥയെ ഒന്നുകൂ​ടെ വഷളാ​ക്കു​കയേ ഉള്ളൂ. അതു​കൊണ്ട്‌, ഇത്തരം വികാ​ര​ങ്ങളെ എങ്ങനെ കൈകാ​ര്യം ചെയ്യാ​നാ​കും?

ബൈബിൾ കാലങ്ങ​ളി​ലും ചില വിശ്വസ്‌ത സ്‌ത്രീ​പു​രു​ഷ​ന്മാർ ജീവി​തത്തെ കുറിച്ച്‌ അങ്ങേയറ്റം നിഷേ​ധാ​ത്മ​ക​മായ വികാ​രങ്ങൾ പ്രകടി​പ്പി​ച്ചു എന്ന വസ്‌തുത ഓർക്കു​ന്നതു നല്ലതാണ്‌. ഗോ​ത്ര​പി​താ​വായ ഇസ്‌ഹാ​ക്കി​ന്റെ ഭാര്യ റിബെക്കാ ഒരു കുടുംബ പ്രശ്‌നത്തെ ചൊല്ലി വളരെ​യ​ധി​കം വിഷമിച്ച ഒരു സന്ദർഭ​ത്തിൽ “എന്റെ ജീവൻ എനിക്കു അസഹ്യ​മാ​യി​രി​ക്കു​ന്നു” എന്നു പറഞ്ഞു. (ഉല്‌പത്തി 27:46) മക്കൾ, ആരോ​ഗ്യം, സമ്പത്ത്‌, സാമൂ​ഹിക പദവി എന്നിവ​യെ​ല്ലാം നഷ്ടപ്പെട്ട ഇയ്യോബ്‌ ഇങ്ങനെ പറഞ്ഞു: “എന്റെ ജീവൻ എനിക്കു വെറു​പ്പാ​യ്‌തോ​ന്നു​ന്നു.” (ഇയ്യോബ്‌ 10:1) ഒരിക്കൽ മോശെ ദൈവ​ത്തോട്‌ “ദയവി​ചാ​രി​ച്ചു എന്നെ കൊന്നു​ക​ള​യേ​ണമേ” എന്ന്‌ അപേക്ഷി​ച്ചു. (സംഖ്യാ​പു​സ്‌തകം 11:15) ദൈവ​ത്തി​ന്റെ പ്രവാ​ച​ക​നായ ഏലീയാവ്‌ ഒരിക്കൽ പറഞ്ഞു: “ഇപ്പോൾ മതി, യഹോവേ, എന്റെ പ്രാണനെ എടുത്തു​കൊ​ള്ളേ​ണമേ.” (1 രാജാ​ക്ക​ന്മാർ 19:4) “ജീവി​ച്ചി​രി​ക്കു​ന്ന​തി​നെ​ക്കാൾ മരിക്കു​ന്നതു എനിക്കു നന്നു” എന്ന്‌ പ്രവാ​ച​ക​നായ യോനാ പലവട്ടം പറഞ്ഞു.—യോനാ 4:8.

അത്തരം തോന്ന​ലു​കൾ ഉണ്ടായ​തിന്‌ യഹോവ ഈ വ്യക്തി​കളെ കുറ്റം വിധി​ച്ചോ? ഇല്ല. അവരുടെ വാക്കുകൾ ബൈബി​ളിൽ രേഖ​പ്പെ​ടു​ത്തി സൂക്ഷി​ക്കു​ന്ന​തി​നു പോലും അവൻ ഇടയാക്കി. എന്നാൽ ഈ വിശ്വസ്‌ത ദൈവ​ദാ​സ​രിൽ ആരും തങ്ങളെ ആത്മഹത്യ​യി​ലേക്കു നയിക്കാൻ അത്തരം വികാ​ര​ങ്ങളെ അനുവ​ദി​ച്ചില്ല എന്നു ശ്രദ്ധി​ക്കു​ന്നതു പ്രധാ​ന​മാണ്‌. യഹോവ അവരെ വില​പ്പെ​ട്ട​വ​രാ​യി വീക്ഷിച്ചു; അവർ ജീവി​ച്ചി​രി​ക്ക​ണ​മെന്ന്‌ അവൻ ആഗ്രഹി​ച്ചു. ദുഷ്ടന്മാ​രു​ടെ ജീവനെ കുറിച്ചു പോലും ദൈവം കരുതു​ന്നു എന്നതാണു വാസ്‌തവം. തങ്ങളുടെ വഴി വിട്ടു​തി​രിഞ്ഞ്‌ ‘ജീവി​ക്കാൻ’ അവൻ അവരെ പ്രോ​ത്സാ​ഹി​പ്പി​ക്കു​ന്നു. (യെഹെ​സ്‌കേൽ 33:11) അപ്പോൾപ്പി​ന്നെ, അവന്റെ അംഗീ​കാ​രം നേടാൻ ആഗ്രഹി​ക്കു​ന്നവർ ജീവി​ച്ചി​രി​ക്ക​ണ​മെന്ന്‌ അവന്‌ എത്രയ​ധി​കം ആഗ്രഹം ഉണ്ടായി​രി​ക്കും!

ദൈവം നമുക്കു തന്റെ പുത്രന്റെ മറുവില യാഗം, ക്രിസ്‌തീയ സഭ, ബൈബിൾ, പ്രാർഥന എന്ന പദവി എന്നിവ​യൊ​ക്കെ തന്നിരി​ക്കു​ന്നു. ദൈവം നമ്മുടെ പ്രാർഥന കേൾക്കാ​തി​രി​ക്ക​ത്ത​ക്ക​വണ്ണം ഒരിക്ക​ലും തിരക്കു​ള്ള​വനല്ല. താഴ്‌മ​യോ​ടും ആത്മാർഥ​ത​യോ​ടും കൂടെ തന്നെ സമീപി​ക്കുന്ന ഏവരു​ടെ​യും പ്രാർഥ​നകൾ അവൻ ശ്രദ്ധി​ക്കു​ക​തന്നെ ചെയ്യുന്നു. ‘അതു​കൊ​ണ്ടു കരുണ ലഭിപ്പാ​നും തത്സമയത്തു സഹായ​ത്തി​ന്നുള്ള കൃപ പ്രാപി​പ്പാ​നു​മാ​യി നമുക്ക്‌ ധൈര്യ​ത്തോ​ടെ കൃപാ​സ​ന​ത്തി​ന്നു അടുത്തു ചെല്ലാം.’—എബ്രായർ 4:16.

[12-ാം പേജിലെ ചതുരം]

നിങ്ങൾ സ്‌നേ​ഹി​ക്കുന്ന ആരെങ്കി​ലും ആത്മഹത്യ ചെയ്‌തി​ട്ടു​ണ്ടോ?

ഒരു വ്യക്തി ആത്മഹത്യ ചെയ്യു​മ്പോൾ അയാളു​ടെ കുടും​ബാം​ഗ​ങ്ങ​ളും അടുത്ത സുഹൃ​ത്തു​ക്ക​ളും കടുത്ത മാനസിക സംഘർഷം അനുഭ​വി​ക്കു​ന്നു. പലരും ദുരന്ത​ത്തി​നുള്ള ഉത്തരവാ​ദി​ത്വം സ്വയം ഏറ്റെടു​ക്കു​ന്നു. ‘അന്ന്‌ ഞാൻ കുറച്ചു​കൂ​ടെ സമയം അവനോ​ടൊ​ത്തു ചെലവ​ഴി​ച്ചി​രു​ന്നെ​ങ്കിൽ,’ ‘ആ സമയത്ത്‌ ഞാൻ എന്റെ നാവിനെ അടക്കി​യി​രു​ന്നെ​ങ്കിൽ,’ ‘അവനെ സഹായി​ക്കാൻ ഞാൻ കുറെ​ക്കൂ​ടെ എന്തെങ്കി​ലും ചെയ്‌തി​രു​ന്നെ​ങ്കിൽ’ എന്നൊക്കെ അവർ പറയുന്നു. അതിന്റെ സൂചന ഇതാണ്‌: ‘ഞാൻ ഇത്‌ അല്ലെങ്കിൽ അത്‌ ചെയ്‌തി​രു​ന്നെ​ങ്കിൽ എന്റെ പ്രിയ​പ്പെട്ട വ്യക്തി ഇപ്പോ​ഴും ജീവി​ച്ചി​രി​ക്കു​മാ​യി​രു​ന്നു.’ എന്നാൽ മറ്റൊരു വ്യക്തി​യു​ടെ ആത്മഹത്യ​യു​ടെ ഉത്തരവാ​ദി​ത്വം സ്വയം ഏറ്റെടു​ക്കു​ന്ന​തിൽ എന്തെങ്കി​ലും ന്യായ​മു​ണ്ടോ?

ആത്മഹത്യ നടന്നു​ക​ഴിഞ്ഞ്‌ അതിന്റെ സൂചനകൾ തിരി​ച്ച​റി​യു​ന്നതു വളരെ എളുപ്പ​മാ​ണെന്ന്‌ ഓർക്കുക. എന്നാൽ അതിനു മുമ്പ്‌ അത്‌ അങ്ങനെയല്ല. ബൈബിൾ ഇങ്ങനെ പറയുന്നു: “ഹൃദയ​ത്തി​ന്റെ ദുഃഖം അതിനു​മാ​ത്രമേ അറിഞ്ഞു​കൂ​ടൂ; അതിന്റെ സന്തോ​ഷ​ത്തി​ലും അന്യർക്കു പങ്കില്ല.” (സദൃശ​വാ​ക്യ​ങ്ങൾ 14:10, പി.ഒ.സി. ബൈബിൾ) മറ്റൊരു വ്യക്തി​യു​ടെ ചിന്തക​ളും വികാ​ര​ങ്ങ​ളും മനസ്സി​ലാ​ക്കുക ചില​പ്പോൾ അസാധ്യ​മാണ്‌. ആത്മഹത്യാ പ്രവണ​ത​യുള്ള പലർക്കും തങ്ങളുടെ ഉള്ളി​ന്റെ​യു​ള്ളി​ലെ വികാ​രങ്ങൾ മറ്റുള്ള​വ​രു​മാ​യി, അടുത്ത കുടും​ബാം​ഗ​ങ്ങ​ളു​മാ​യി പോലും പങ്കു​വെ​ക്കാൻ കഴിയാ​റില്ല.

ദുഃഖം വാക്കു​ക​ളി​ലൂ​ടെ പ്രകട​മാ​ക്കൽ (ഇംഗ്ലീഷ്‌) എന്ന പുസ്‌തകം വ്യക്തി​ക​ളി​ലെ ആത്മഹത്യാ പ്രവണത തിരി​ച്ച​റി​യാ​നുള്ള സൂചന​കളെ കുറിച്ചു ചർച്ച​ചെ​യ്യവേ ഇങ്ങനെ പറഞ്ഞു: “ഇത്തരം സൂചനകൾ തിരി​ച്ച​റി​യുക സാധാ​ര​ണ​ഗ​തി​യിൽ എളുപ്പമല്ല എന്നതാണു വാസ്‌തവം.” ഇനി നിങ്ങൾ ആത്മഹത്യ​യു​ടെ ചില സൂചനകൾ തിരി​ച്ച​റി​ഞ്ഞി​രു​ന്നെ​ങ്കിൽ തന്നെയും അത്‌ നിങ്ങൾക്കു തടയാൻ കഴിയു​മാ​യി​രു​ന്നു എന്നതിന്‌ യാതൊ​രു ഉറപ്പു​മില്ല എന്നും അതേ പുസ്‌തകം പറയുന്നു. സ്വയം പീഡി​പ്പി​ക്കു​ന്ന​തി​നു പകരം നിങ്ങൾക്ക്‌ ജ്ഞാനി​യായ ശലോ​മോൻ രാജാ​വി​ന്റെ വാക്കു​ക​ളിൽനിന്ന്‌ ആശ്വാസം നേടാൻ കഴിയും: “ജീവി​ച്ചി​രി​ക്കു​ന്നവർ തങ്ങൾ മരിക്കും എന്നറി​യു​ന്നു; മരിച്ച​വ​രോ ഒന്നും അറിയു​ന്നില്ല.” (സഭാ​പ്ര​സം​ഗി 9:5) നിങ്ങളു​ടെ പ്രിയ​പ്പെ​ട്ട​യാൾ ഒരു അഗ്നിന​ര​ക​ത്തിൽ ദണ്ഡനം അനുഭ​വി​ക്കു​കയല്ല. ആത്മഹത്യ​യി​ലേക്കു നയിച്ച മാനസി​ക​വും വൈകാ​രി​ക​വു​മായ തീവ്ര​വേ​ദ​ന​യിൽനിന്ന്‌ അയാൾ മോചി​ത​നാ​യി​രി​ക്കു​ന്നു. അയാൾ കഷ്ടപ്പാട്‌ അനുഭ​വി​ക്കു​കയല്ല; കേവലം വിശ്ര​മി​ക്കു​ക​യാണ്‌.

ഒരുപക്ഷേ ഇപ്പോൾ ചെയ്യാൻ കഴിയുന്ന ഏറ്റവും നല്ല സംഗതി, നിങ്ങൾ ഉൾപ്പെടെ, ജീവി​ച്ചി​രി​ക്കു​ന്ന​വ​രു​ടെ ക്ഷേമത്തിൽ ശ്രദ്ധ കേന്ദ്രീ​ക​രി​ക്കുക എന്നതാണ്‌. ജീവി​ച്ചി​രി​ക്കു​മ്പോൾ “ചെയ്‌വാൻ നിനക്കു സംഗതി​വ​രു​ന്ന​തൊ​ക്കെ​യും ശക്തി​യോ​ടെ ചെയ്‌ക” എന്നു ശലോ​മോൻ തുടർന്നു പറഞ്ഞു. (സഭാ​പ്ര​സം​ഗി 9:10) ആത്മഹത്യ ചെയ്‌തി​ട്ടു​ള്ള​വ​രു​ടെ ഭാവി ജീവിത പ്രതീ​ക്ഷകൾ “മനസ്സലി​വുള്ള പിതാ​വും സർവ്വാ​ശ്വാ​സ​വും നല്‌കുന്ന ദൈവ​വു​മായ” യഹോ​വ​യു​ടെ കരങ്ങളി​ലാ​ണെന്ന ഉറപ്പ്‌ നിങ്ങൾക്ക്‌ ഉണ്ടായി​രി​ക്കാൻ കഴിയും.—2 കൊരി​ന്ത്യർ 1:3. a

[അടിക്കു​റി​പ്പു​കൾ]

[8-ാം പേജിലെ ചിത്രങ്ങൾ]

ആരോടെങ്കിലും സംസാ​രി​ക്കു​ക

[10-ാം പേജിലെ ചിത്രം]

നിങ്ങളുടെ ജീവൻ മറ്റുള്ള​വർക്കു വില​പ്പെ​ട്ട​താണ്‌