യുവജ​നങ്ങൾ ചോദി​ക്കു​ന്നു . . .

പകരം വീട്ടു​ന്ന​തിൽ എന്താണു തെറ്റ്‌?

“അവൻ എന്നെ അപമാ​നി​ച്ചു.”—കൊല​ക്കു​റ്റ​ത്തി​നു ജയിൽശിക്ഷ അനുഭ​വി​ക്കുന്ന 15 വയസ്സു​കാ​രൻ കോണിൽ.

സ്‌കൂളിലെ നൃത്ത വേളയിൽ ഒരു അധ്യാ​പി​കയെ കൊന്ന 14 വയസ്സുള്ള ആൻഡ്രൂ താൻ അധ്യാ​പ​ക​രെ​യും മാതാ​പി​താ​ക്ക​ളെ​യും വെറു​ക്കു​ന്നു​വെ​ന്നും തന്നെ നിരസി​ക്കു​ന്ന​തി​നാൽ പെൺകു​ട്ടി​ക​ളോ​ടു തനിക്കു ദേഷ്യ​മാ​ണെ​ന്നും പറഞ്ഞു.

ടൈം മാസിക ഇതിനെ “മാരക​മായ ഒരു പ്രവണത” എന്നു വിളി​ക്കു​ന്നു. കോപാ​കു​ല​നായ ഒരു യുവാവ്‌ സ്‌കൂ​ളി​ലേക്ക്‌ ഒരു തോക്ക്‌ ഒളിച്ചു കടത്തി​ക്കൊ​ണ്ടു​വന്ന്‌ തന്റെ സഹപാ​ഠി​കൾക്കും അധ്യാ​പ​കർക്കും നേരെ നിറ​യൊ​ഴി​ക്കു​ന്നു. ഇത്തരം ദാരുണ സംഭവങ്ങൾ ഐക്യ​നാ​ടു​ക​ളിൽ സർവസാ​ധാ​രണം ആയിത്തീർന്നു​കൊ​ണ്ടി​രി​ക്കു​ന്നതു പോലെ കാണു​ന്ന​തി​നാൽ ഒരു ടിവി വാർത്താ​ശൃം​ഖല ഈ പ്രവണ​തയെ “അക്രമ വിസ്‌ഫോ​ടനം” എന്നു വിശേ​ഷി​പ്പി​ച്ചു.

സന്തോ​ഷ​ക​ര​മെ​ന്നു പറയട്ടെ, സ്‌കൂ​ളു​ക​ളിൽ നടക്കുന്ന ഇത്തരം വെടി​വെ​പ്പു​കൾ ഇന്നും താരത​മ്യേന കുറവാണ്‌. എന്നിരു​ന്നാ​ലും, അടുത്ത​കാ​ലത്തെ ക്രോ​ധാ​വേശം പൂണ്ടുള്ള അക്രമ​പ്ര​വർത്ത​നങ്ങൾ ചില യുവജ​നങ്ങൾ യഥാർഥ​ത്തിൽ എത്രമാ​ത്രം കോപി​ഷ്‌ഠ​രാ​ണെന്നു വെളി​പ്പെ​ടു​ത്തു​ന്നു. എന്താണ്‌ ഇത്തരം പൊട്ടി​ത്തെ​റി​ക​ളു​ടെ പ്രേര​ക​ഘ​ട​കങ്ങൾ? ചില യുവാ​ക്കളെ രോഷം കൊള്ളി​ച്ചത്‌ അധികാ​ര​ത്തിൽ ഇരിക്കു​ന്ന​വ​രു​ടെ കൈയിൽനിന്ന്‌ അവർക്ക്‌ അനുഭ​വി​ക്കേണ്ടി വന്ന അനീതി​യോ അവർ നടത്തിയ അധികാര ദുർവി​നി​യോ​ഗ​മോ ആയിരു​ന്നു. മറ്റുള്ള​വരെ കോപി​ഷ്‌ഠ​രാ​ക്കി​യത്‌ സമപ്രാ​യ​ക്കാ​രിൽ നിന്നുള്ള തുടർച്ച​യായ പരിഹാ​സ​മാ​യി​രു​ന്നു. ഒരു സഹപാ​ഠി​ക്കു നേരെ നിറ​യൊ​ഴിച്ച 12 വയസ്സുള്ള ഒരു ബാലന്‌—അവൻ പിന്നീട്‌ സ്വയം വെടി​വെച്ചു—തന്റെ അമിത​വ​ണ്ണത്തെ പ്രതി പരിഹാ​സം സഹി​ക്കേണ്ടി വന്നിരു​ന്നു.

മിക്ക യുവജ​ന​ങ്ങ​ളും ഇത്തരത്തി​ലുള്ള അങ്ങേയ​റ്റത്തെ അക്രമ​പ്ര​വൃ​ത്തി​ക​ളിൽ ഏർപ്പെ​ടു​ന്ന​തി​നെ കുറിച്ച്‌ ഒരിക്ക​ലും ഗൗരവ​പൂർവം ചിന്തി​ക്കു​ക​യില്ല എന്നതു ശരിയാണ്‌. എന്നിരു​ന്നാ​ലും, വർഗത്തി​ന്റെ പേരി​ലുള്ള തരംതി​രി​വി​നോ ക്രൂര​മായ പെരു​മാ​റ്റ​ത്തി​നോ പരിഹാ​സ​ത്തി​നോ പാത്ര​മാ​കു​മ്പോൾ ഉണ്ടാകുന്ന വേദനയെ തരണം ചെയ്യുക എളുപ്പമല്ല. തന്റെ സ്‌കൂൾ ദിനങ്ങളെ കുറിച്ച്‌ ഓർത്തു​കൊണ്ട്‌ ബെൻ ഇപ്രകാ​രം പറയുന്നു: “എനിക്ക്‌ എപ്പോ​ഴും എന്റെ പ്രായ​ത്തി​ലുള്ള മിക്ക കുട്ടി​ക​ളെ​ക്കാ​ളും പൊക്കം കുറവാ​യി​രു​ന്നു. കൂടാതെ മുടി വടിച്ചു​ക​ള​ഞ്ഞി​രു​ന്ന​തി​നാൽ മറ്റു കുട്ടികൾ എന്നെ നിരന്തരം കളിയാ​ക്കു​ക​യും എന്റെ തലയ്‌ക്ക്‌ അടിക്കു​ക​യും ചെയ്യു​മാ​യി​രു​ന്നു. ഇത്‌ എന്നെ വളരെ ദേഷ്യം പിടി​പ്പി​ച്ചു. സഹായ​ത്തി​നാ​യി സ്‌കൂൾ അധികാ​രി​കളെ സമീപി​ച്ച​പ്പോൾ അവർ എന്നെ അവഗണി​ച്ചത്‌ കാര്യങ്ങൾ കൂടുതൽ വഷളാക്കി. അത്‌ എന്റെ കോപം ആളിക്ക​ത്തി​ച്ചു! ഒരു തോക്ക്‌ എടുത്ത്‌ ഇവരെ​യൊ​ക്കെ വെടി​വെ​ക്കു​ന്ന​തിൽനിന്ന്‌ എന്നെ തടഞ്ഞ ഏക സംഗതി അതു കിട്ടാൻ എനിക്ക്‌ ഒരു മാർഗ​വും ഇല്ലായി​രു​ന്നു എന്നതാ​യി​രു​ന്നു.”

തങ്ങളെ വേദനി​പ്പി​ച്ച​വരെ ദ്രോ​ഹി​ക്കാൻ ശ്രമി​ക്കുന്ന യുവജ​ന​ങ്ങളെ നിങ്ങൾ എങ്ങനെ വീക്ഷി​ക്കണം? മറ്റുള്ള​വ​രു​ടെ ദുഷ്‌പെ​രു​മാ​റ്റം നിങ്ങൾക്കു സഹി​ക്കേണ്ടി വരു​ന്നെ​ങ്കിൽ എന്തു ചെയ്യണം? ഉത്തരത്തി​നാ​യി ദൈവ​വ​ചനം എന്തു പറയു​ന്നു​വെന്നു ശ്രദ്ധി​ക്കുക.

ആത്മനി​യ​ന്ത്രണം—ശക്തിയു​ടെ തെളിവ്‌!

ദുഷ്‌പെ​രു​മാ​റ്റ​വും അനീതി​യും പണ്ടേയു​ള്ള​താണ്‌. ഒരു ബൈബിൾ എഴുത്തു​കാ​രൻ ഇപ്രകാ​രം ബുദ്ധി​യു​പ​ദേ​ശി​ച്ചു: “കോപം കളഞ്ഞു ക്രോധം ഉപേക്ഷിക്ക; മുഷി​ഞ്ഞു​പോ​ക​രു​തു; അതു ദോഷ​ത്തി​ന്നു ഹേതു​വാ​കേ​യു​ള്ളു.” (സങ്കീർത്തനം 37:8) ഒട്ടുമി​ക്ക​പ്പോ​ഴും ആത്മനി​യ​ന്ത്ര​ണ​ത്തി​ന്റെ അഭാവം മൂലമാണ്‌ ക്രോധം ഉണ്ടാകു​ന്നത്‌.  അനന്തര​ഫ​ല​ങ്ങളെ കുറിച്ച്‌ യാതൊ​രു ചിന്തയു​മി​ല്ലാ​തെ​യാണ്‌ അതു പ്രകടി​പ്പി​ക്ക​പ്പെ​ടു​ന്നത്‌. കോപ​ത്താൽ ‘മുഷി​യാൻ’ സ്വയം അനുവ​ദി​ക്കു​ന്നത്‌ ഒരു പൊട്ടി​ത്തെ​റി​യിൽ കലാശി​ച്ചേ​ക്കാം! എന്തായി​രി​ക്കാം അതിന്റെ ഫലം?

കയീ​നെ​യും ഹാബെ​ലി​നെ​യും കുറി​ച്ചുള്ള ബൈബിൾ ദൃഷ്ടാന്തം പരിചി​ന്തി​ക്കുക. കയീന്നു തന്റെ അനുജ​നായ ഹാബെ​ലി​നോട്‌ “ഏററവും കോപ​മു​ണ്ടാ​യി.” തത്‌ഫ​ല​മാ​യി “അവർ വയലിൽ ഇരിക്കു​മ്പോൾ കയീൻ തന്റെ അനുജ​നായ ഹാബെ​ലി​നോ​ടു കയർത്തു അവനെ കൊന്നു.” (ഉല്‌പത്തി 4:5, 8) അനിയ​ന്ത്രിത കോപം പ്രകട​മാ​ക്കി​യ​തി​ന്റെ മറ്റൊരു ദൃഷ്ടാന്തം ശൗൽ രാജാ​വാ​യി​രു​ന്നു. യുവാ​വായ ദാവീ​ദി​ന്റെ സൈനിക നേട്ടങ്ങ​ളിൽ അസൂയാ​ലു​വായ ശൗൽ ദാവീ​ദി​നു നേരെ മാത്രമല്ല തന്റെ സ്വന്തം പുത്ര​നായ യോനാ​ഥാ​ന്റെ നേർക്കു പോലും കുന്തം എറിഞ്ഞു!—1 ശമൂവേൽ 18:11; 19:10; 20:30-34.

കോപം തോന്നു​ന്നതു ന്യായ​മാ​യി​രി​ക്കുന്ന സന്ദർഭ​ങ്ങ​ളുണ്ട്‌ എന്നതു ശരിയാണ്‌. എന്നാൽ ന്യായ​മായ കോപം പോലും നിയ​ന്ത്രി​ച്ചി​ല്ലെ​ങ്കിൽ ദോഷ​ത്തിൽ കലാശി​ച്ചേ​ക്കാം. ഉദാഹ​ര​ണ​ത്തിന്‌, ശേഖേം തങ്ങളുടെ സഹോ​ദ​രി​യായ ദീനായെ മാനഭം​ഗ​പ്പെ​ടു​ത്തി​യെന്നു മനസ്സി​ലാ​ക്കി​യ​പ്പോൾ ശിമെ​യോ​നും ലേവി​ക്കും കോപം തോന്നി​യത്‌ തീർച്ച​യാ​യും ന്യായ​മാ​യി​രു​ന്നു. എന്നാൽ സമനില കാത്തു​സൂ​ക്ഷി​ക്കു​ന്ന​തി​നു പകരം അവർ അക്രമ​ത്തി​ലേക്കു നയിക്കു​ന്ന​തരം കോപം ഉടലെ​ടു​ക്കു​ന്ന​തിന്‌ ഇടയാക്കി. “ഞങ്ങളുടെ സഹോ​ദ​രി​യോ​ടു അവന്നു ഒരു വേശ്യ​യോ​ടു എന്നപോ​ലെ പെരു​മാ​റാ​മോ” എന്ന പിന്നീ​ടുള്ള അവരുടെ വാക്കു​ക​ളിൽ അതു പ്രകട​മാണ്‌. (ഉല്‌പത്തി 34:31) കോപം അതിക​ഠി​ന​മാ​യി തീർന്ന​പ്പോൾ അവർ “താന്താന്റെ വാൾ എടുത്തു നിർഭ​യ​മാ​യി​രുന്ന പട്ടണത്തി​ന്റെ നേരെ ചെന്നു” ശേഖേ​മി​ന്റെ ഗ്രാമ​ത്തി​ലെ “ആണി​നെ​യൊ​ക്കെ​യും കൊന്നു​ക​ളഞ്ഞു.” അവരുടെ ക്രോധം സാം​ക്ര​മി​ക​മാ​യി​രു​ന്നു. കാരണം ‘യാക്കോ​ബി​ന്റെ മറ്റു പുത്ര​ന്മാ​രും’ (NW) പിന്നീട്‌ ഹിംസാ​ത്മ​ക​മായ ആ ആക്രമ​ണ​ത്തിൽ പങ്കു​ചേർന്നു. (ഉല്‌പത്തി 34:25-27) അനേകം വർഷങ്ങൾ കഴിഞ്ഞു​പോ​ലും അവരുടെ പിതാ​വായ യാക്കോബ്‌ ശിമെ​യോ​ന്റെ​യും ലേവി​യു​ടെ​യും ആ അനിയ​ന്ത്രിത കോപത്തെ അപലപി​ച്ചു.—ഉല്‌പത്തി 49:5-7.

ഇതിൽനിന്ന്‌ നാം പ്രധാ​ന​പ്പെട്ട ഒരു സംഗതി മനസ്സി​ലാ​ക്കു​ന്നു: അനിയ​ന്ത്രിത കോപം ശക്തിയു​ടെയല്ല, മറിച്ച്‌ ബലഹീ​ന​ത​യു​ടെ തെളി​വാണ്‌. സദൃശ​വാ​ക്യ​ങ്ങൾ 16:32 (ഓശാന ബൈബിൾ) ഇങ്ങനെ പറയുന്നു: “ദീർഘ​ക്ഷ​മ​യു​ള്ളവൻ ശക്തനെ​ക്കാ​ളും ആത്മനി​യ​ന്ത്രണം ഉള്ളവൻ നഗരം പിടി​ച്ച​ട​ക്കു​ന്ന​വ​നെ​ക്കാ​ളും ശ്രേഷ്‌ഠ​നാണ്‌.” (ചെരി​ച്ചെ​ഴു​തി​യി​രി​ക്കു​ന്നത്‌ ഞങ്ങൾ.)

പകരം വീട്ടു​ന്ന​തി​ലെ ബുദ്ധി​മോ​ശം

അതു​കൊണ്ട്‌ തിരു​വെ​ഴു​ത്തു​കൾ നൽകുന്ന ബുദ്ധി​യു​പ​ദേശം ഇതാണ്‌: ‘ആർക്കും തിന്മക്കു പകരം, തിന്മ ചെയ്യരുത്‌. നിങ്ങൾ തന്നേ പ്രതി​കാ​രം ചെയ്യാതെ ദൈവ​കോ​പ​ത്തി​ന്നു ഇടം​കൊ​ടു​പ്പിൻ.’ (റോമർ 12:17, 19) പകരം വീട്ടു​ന്നത്‌—അതിൽ ഉൾപ്പെ​ട്ടി​രി​ക്കു​ന്നത്‌ ശാരീ​രിക ഉപദ്ര​വ​മാ​യാ​ലും ക്രൂര​മായ വാക്കു​ക​ളാ​യാ​ലും—ഒരിക്ക​ലും ദൈവി​കമല്ല. കൂടാതെ, അത്തരം പകരം​വീ​ട്ടൽ അപ്രാ​യോ​ഗി​ക​വും ബുദ്ധി​ശൂ​ന്യ​വു​മാണ്‌. അക്രമം പലപ്പോ​ഴും കൂടുതൽ അക്രമ​ത്തി​ലേക്കു നയിക്കു​ന്നു എന്നതാണ്‌ ഒരു കാരണം. (മത്തായി 26:52) അതു​പോ​ലെ ക്രൂര​മായ വാക്കുകൾ മിക്ക​പ്പോ​ഴും കൂടുതൽ ക്രൂര​മായ വാക്കു​കൾക്കു വഴി​തെ​ളി​ക്കു​ന്നു. പലപ്പോ​ഴും ന്യായ​മായ കാരണങ്ങൾ നിമി​ത്തമല്ല ആളുകൾ കോപി​ക്കു​ന്നത്‌ എന്ന കാര്യ​വും മനസ്സിൽ പിടി​ക്കുക. ഉദാഹ​ര​ണ​ത്തിന്‌, നിങ്ങളെ നീരസ​പ്പെ​ടു​ത്തിയ വ്യക്തിക്ക്‌ യഥാർഥ​ത്തിൽ നിങ്ങ​ളോട്‌ എന്തെങ്കി​ലും പകയു​ണ്ടാ​യി​രു​ന്നു എന്നതു സംബന്ധി​ച്ചു നിങ്ങൾക്ക്‌ ഉറപ്പു​ണ്ടോ? അതോ അയാൾ വെറുതെ ചിന്തി​ക്കാ​തെ​യും പക്വത​യി​ല്ലാ​തെ​യും പെരു​മാ​റി എന്നേയു​ള്ളോ? ഇനി ദുഷ്ടമായ ആന്തര​ത്തോ​ടെ​യാണ്‌ അതു ചെയ്‌തത്‌ എന്നിരി​ക്കട്ടെ. അത്തര​മൊ​രു സാഹച​ര്യ​ത്തിൽപ്പോ​ലും പകരം വീട്ടു​ന്നത്‌ ഉചിത​മാ​യി​രി​ക്കു​മോ?

സഭാ​പ്ര​സം​ഗി 7:21, 22-ലെ ബൈബി​ളി​ന്റെ ബുദ്ധി​യു​പ​ദേശം ശ്രദ്ധി​ക്കുക: “പറഞ്ഞു​കേൾക്കുന്ന സകലവാ​ക്കി​ന്നും നീ ശ്രദ്ധ​കൊ​ടു​ക്ക​രു​തു; നിന്റെ ദാസൻ നിന്നെ ശപിക്കു​ന്നതു നീ കേൾക്കാ​തി​രി​ക്കേ​ണ്ട​തി​ന്നു തന്നേ. നീയും പല പ്രാവ​ശ്യം മററു​ള്ള​വരെ ശപിച്ച പ്രകാരം നിനക്കു മനോ​ബോ​ധ​മു​ണ്ട​ല്ലോ.” നിങ്ങളെ കുറിച്ചു മറ്റുള്ളവർ മോശ​മായ കാര്യങ്ങൾ പറയു​ന്നതു കേൾക്കുക അത്ര സുഖക​ര​മായ കാര്യമല്ല എന്നതു ശരിതന്നെ. എന്നാൽ അതു ജീവി​ത​ത്തി​ന്റെ ഒഴിച്ചു​കൂ​ടാ​നാ​വാത്ത ഭാഗമാണ്‌ എന്നു ബൈബിൾ കാണി​ക്കു​ന്നു. പറയാൻ പാടി​ല്ലാഞ്ഞ പല കാര്യങ്ങൾ നിങ്ങളും മറ്റുള്ള​വരെ കുറിച്ചു പറഞ്ഞി​ട്ടുണ്ട്‌ എന്നതു ശരിയല്ലേ? അപ്പോൾ മറ്റാ​രെ​ങ്കി​ലും നിങ്ങളെ കുറിച്ചു മോശ​മായ എന്തെങ്കി​ലും പറയു​മ്പോൾ അമിത​മാ​യി പ്രതി​ക​രി​ക്കു​ന്നത്‌ എന്തിനാണ്‌? പലപ്പോ​ഴും പരിഹ​സി​ക്ക​പ്പെ​ടു​മ്പോൾ ചെയ്യാൻ കഴിയുന്ന ഏറ്റവും നല്ല സംഗതി അത്‌ അവഗണി​ക്കുക എന്നതാണ്‌.

സമാന​മാ​യി, ആരെങ്കി​ലും നിങ്ങ​ളോ​ടു മോശ​മാ​യി പെരു​മാ​റി എന്നു തോന്നു​മ്പോ​ഴും അമിത​മാ​യി പ്രതി​ക​രി​ക്കു​ന്നതു ബുദ്ധി​മോ​ശ​മാണ്‌. ചില സഹക്രി​സ്‌ത്യാ​നി​ക​ളു​മാ​യി ബാസ്‌ക​റ്റ്‌ബോൾ കളിച്ചു​കൊ​ണ്ടി​രു​ന്ന​പ്പോൾ സംഭവിച്ച ഒരു സംഗതി​യെ കുറിച്ച്‌ ഡേവിഡ്‌ എന്ന കൗമാ​ര​പ്രാ​യ​ക്കാ​രൻ പറഞ്ഞു: “മറ്റേ ടീമി​ലുള്ള ഒരാൾ പന്തു​വെച്ച്‌ എന്നെ എറിഞ്ഞു.” അത്‌ അവൻ അറിഞ്ഞു​കൊണ്ട്‌ ചെയ്‌ത​താ​ണെന്നു പെട്ടെ​ന്നു​തന്നെ നിഗമനം ചെയ്‌തു​കൊണ്ട്‌ ഡേവിഡ്‌ പ്രതി​ക​രി​ച്ചു. അവൻ തിരിച്ച്‌ പന്തു​വെച്ച്‌ ആ കളിക്കാ​രനെ എറിഞ്ഞു. “എനിക്ക്‌ അപ്പോൾ വല്ലാത്ത കോപം തോന്നി,” ഡേവിഡ്‌ സമ്മതിച്ചു പറയുന്നു. എന്നാൽ കാര്യങ്ങൾ കൂടുതൽ വഷളാ​കു​ന്ന​തി​നു മുമ്പ്‌ ഡേവിഡ്‌ യഹോ​വ​യോ​ടു പ്രാർഥി​ച്ചു. അവൻ സ്വയം ചോദി​ച്ചു, ‘ഞാൻ എന്താണീ ചെയ്യു​ന്നത്‌, ഒരു ക്രിസ്‌തീയ സഹോ​ദ​ര​നു​മാ​യി വഴക്കടി​ക്കു​ക​യോ?’ പിന്നീട്‌ അവർ പരസ്‌പരം ക്ഷമ ചോദി​ച്ചു.

അത്തരം സാഹച​ര്യ​ങ്ങ​ളിൽ യേശു​ക്രി​സ്‌തു​വി​ന്റെ ദൃഷ്ടാന്തം ഓർക്കു​ന്നതു നല്ലതാണ്‌. ‘[അവൻ] തന്നെ ശകാരി​ച്ചി​ട്ടു പകരം ശകാരി​ക്കാ​തെ​യും കഷ്ടം അനുഭ​വി​ച്ചി​ട്ടു ഭീഷണം പറയാ​തെ​യും ന്യായ​മാ​യി വിധി​ക്കു​ന്ന​വങ്കൽ കാര്യം ഭരമേ​ല്‌പി​ക്ക​യ​ത്രേ ചെയ്‌തതു.’ (1 പത്രൊസ്‌ 2:23) അതേ, സമ്മർദ​ത്തിൻ കീഴി​ലാ​യി​രി​ക്കു​മ്പോൾ പ്രതി​ക​രി​ക്കു​ന്ന​തി​നു പകരം ദൈവ​ത്തോ​ടു പ്രാർഥി​ക്കുക, ആത്മനി​യ​ന്ത്രണം പാലി​ക്കാ​നുള്ള സഹായ​ത്തി​നാ​യി അവനോട്‌ അപേക്ഷി​ക്കുക. ‘തന്നോടു യാചി​ക്കു​ന്ന​വർക്കു’ അവൻ സമൃദ്ധ​മാ​യി ‘പരിശു​ദ്ധാ​ത്മാ​വി​നെ കൊടു​ക്കും.’ (ലൂക്കൊസ്‌ 11:13) ആരെങ്കി​ലും  നിങ്ങളെ ദ്രോ​ഹി​ക്കു​മ്പോൾ, പ്രതി​കാ​രം ചെയ്യു​ന്ന​തി​നു പകരം നിങ്ങൾക്ക്‌ ഒരുപക്ഷേ ആ വ്യക്തിയെ സമീപിച്ച്‌ അതേക്കു​റിച്ച്‌ അയാളു​മാ​യി സംസാ​രി​ക്കാൻ കഴി​ഞ്ഞേ​ക്കും. (മത്തായി 5:23, 24) സ്‌കൂ​ളി​ലെ ഒരു റൗഡി​യിൽ നിന്നോ മറ്റോ ഉള്ള തുടർച്ച​യായ ദ്രോ​ഹ​ത്തിന്‌ നിങ്ങൾ ഇരയാ​കു​ന്നെ​ങ്കിൽ അക്രമ​ത്തി​ലേക്കു നയി​ച്ചേ​ക്കാ​വുന്ന ഒരു ഏറ്റുമു​ട്ട​ലി​നുള്ള സാഹച​ര്യം ഉണ്ടാക്ക​രുത്‌. പകരം, നിങ്ങ​ളെ​ത്തന്നെ സംരക്ഷി​ക്കാൻ വേണ്ട പ്രാ​യോ​ഗിക പടികൾ സ്വീക​രി​ക്കുക. a

രോഷം കൈ​വെ​ടിഞ്ഞ ഒരു യുവതി

പല യുവജ​ന​ങ്ങ​ളും ഈ ബൈബിൾ തത്ത്വങ്ങൾ ബാധക​മാ​ക്കു​ക​യും നല്ല ഫലങ്ങൾ ആസ്വദി​ക്കു​ക​യും ചെയ്‌തി​ട്ടുണ്ട്‌. ഉദാഹ​ര​ണ​ത്തിന്‌, കാത്രീ​ന​യു​ടെ അനുഭവം പരിചി​ന്തി​ക്കുക. തീരെ കുഞ്ഞാ​യി​രി​ക്കു​മ്പോൾ അവൾ ദത്തെടു​ക്ക​പ്പെട്ടു. അവൾ ഇങ്ങനെ പറയുന്നു: “എന്റെ പെറ്റമ്മ എന്നെ ഉപേക്ഷി​ച്ചത്‌ എന്തു​കൊ​ണ്ടാ​ണെന്ന്‌ മനസ്സി​ലാ​ക്കാൻ കഴിയാ​ഞ്ഞ​തി​നാൽ എനിക്ക്‌ എന്റെ ദേഷ്യം നിയ​ന്ത്രി​ക്കാൻ ബുദ്ധി​മു​ട്ടാ​യി​രു​ന്നു. ആ ദേഷ്യം മുഴു​വ​നും ഞാൻ കാണി​ച്ചി​രു​ന്നത്‌ എന്റെ വളർത്ത​മ്മ​യോ​ടാ​യി​രു​ന്നു. അവരെ വേദനി​പ്പി​ക്കു​മ്പോൾ ഞാൻ എന്റെ പെറ്റമ്മ​യോട്‌ പകരം വീട്ടു​ക​യാ​ണെന്ന്‌ എന്തു​കൊ​ണ്ടോ എനിക്കു തോന്നി​യി​രു​ന്നു. അതിനാ​യി എന്നാലാ​വു​ന്ന​തെ​ല്ലാം ഞാൻ ചെയ്‌തു—ചീത്തപ​റ​ച്ചിൽ, നിലത്ത്‌ ശക്തിയാ​യി ചവിട്ടൽ, ഒരു കാരണ​വു​മി​ല്ലാ​തെ കലിതു​ള്ളൽ എന്നുവേണ്ട എല്ലാം. കതകു വലിച്ച​ട​യ്‌ക്കു​ന്ന​താ​യി​രു​ന്നു എനിക്ക്‌ ഏറ്റവും പ്രിയ​പ്പെട്ട സംഗതി. ‘നിങ്ങ​ളോട്‌ എനിക്കു വെറു​പ്പാണ്‌!’ എന്നു ഞാൻ പറയു​മാ​യി​രു​ന്നു—ഇതെല്ലാം ഞാൻ ചെയ്‌തത്‌ എനിക്കു വളരെ കോപം ഉണ്ടായി​രു​ന്ന​തി​നാ​ലാണ്‌. പിന്തി​രി​ഞ്ഞു നോക്കു​മ്പോൾ ഞാൻ ഈ സംഗതി​ക​ളൊ​ക്കെ ചെയ്‌തു​വെന്ന്‌ എനിക്കു വിശ്വ​സി​ക്കാൻ കഴിയു​ന്നില്ല.”

കാത്രീ​ന​യെ തന്റെ കോപം നിയ​ന്ത്രി​ക്കാൻ സഹായി​ച്ചത്‌ എന്താണ്‌? അവൾ ഇങ്ങനെ മറുപടി പറയുന്നു: “ബൈബിൾ വായന! നമ്മുടെ വികാ​രങ്ങൾ യഹോ​വ​യ്‌ക്ക്‌ അറിയാ​വു​ന്ന​തി​നാൽ ഇതു വളരെ പ്രധാ​ന​മാണ്‌.” തന്റെ പ്രത്യേക കുടുംബ സാഹച​ര്യ​ത്തെ കുറി​ച്ചുള്ള ഉണരുക! ലേഖനങ്ങൾ സകുടും​ബം വായി​ച്ച​തും കാത്രീ​ന​യ്‌ക്ക്‌ വളരെ ആശ്വാസം പ്രദാനം ചെയ്‌തു. b “ഞങ്ങൾക്ക്‌ എല്ലാവർക്കും ഒരുമി​ച്ചി​രുന്ന്‌ ഓരോ​രു​ത്ത​രു​ടെ​യും വികാ​രങ്ങൾ മനസ്സി​ലാ​ക്കാൻ കഴിഞ്ഞു” എന്ന്‌ അവൾ പറയുന്നു.

നിങ്ങൾക്കും കോപത്തെ നിയ​ന്ത്രി​ക്കാൻ പഠിക്കാ​നാ​വും. പരിഹാ​സം, പീഡനം, ദുഷ്‌പെ​രു​മാ​റ്റം എന്നിവ സഹി​ക്കേണ്ടി വരു​മ്പോൾ സങ്കീർത്തനം 4:4-ലെ (പി.ഒ.സി. ബൈബിൾ) “കോപി​ച്ചു​കൊ​ള്ളുക, എന്നാൽ പാപം ചെയ്യരുത്‌” എന്ന വാക്കുകൾ ഓർക്കുക. (ചെരി​ച്ചെ​ഴു​തി​യി​രി​ക്കു​ന്നത്‌ ഞങ്ങൾ.) വിനാ​ശ​ക​മായ കോപ​ത്തി​നു വഴി​പ്പെ​ടു​ന്നത്‌ ഒഴിവാ​ക്കാൻ ആ വാക്കുകൾ നിങ്ങളെ സഹായി​ക്കും. (g01 10/22)

[അടിക്കു​റി​പ്പു​കൾ]

[15-ാം പേജിലെ ചിത്രം]

പലപ്പോഴും പരിഹ​സി​ക്ക​പ്പെ​ടു​മ്പോൾ ചെയ്യാൻ കഴിയുന്ന ഏറ്റവും നല്ല സംഗതി അത്‌ അവഗണി​ക്കുക എന്നതാണ്‌