ലോകത്തെ വീക്ഷിക്കൽ

മഴക്കാ​ടു​കൾ

ഇന്ത്യയിൽ, ദക്ഷിണ സംസ്ഥാ​ന​മായ കേരള​ത്തിൽ മാത്രമേ മഴക്കാ​ടു​കൾ ഉള്ളു​വെ​ന്നാ​ണു കരുത​പ്പെ​ട്ടി​രു​ന്നത്‌. എന്നാൽ, അടുത്ത കാലത്ത്‌ പരിസ്ഥി​തി​വാ​ദി​യായ സൗമ്യ​ദീപ്‌ ദത്ത വടക്കു​കി​ഴക്കൻ സംസ്ഥാ​ന​ങ്ങ​ളായ അസ്സമി​ന്റെ​യും അരുണാ​ചൽപ്ര​ദേ​ശി​ന്റെ​യും അതിർത്തി​പ്ര​ദേ​ശത്ത്‌ 500 ചതുരശ്ര കിലോ​മീ​റ്റർ വിസ്‌തൃ​തി​യുള്ള ഒരു മഴക്കാടു കണ്ടെത്തി​യ​താ​യി ന്യൂ ഡൽഹി​യിൽനി​ന്നു പ്രസി​ദ്ധീ​ക​രി​ക്കുന്ന ഡൗൺ ടു എർത്ത്‌ എന്ന മാസിക റിപ്പോർട്ടു ചെയ്യുന്നു. ഈ വനത്തിൽ നാനാ​തരം വന്യജീ​വി​കൾ ഉണ്ട്‌. “ആന, കടുവ, ക്ലൗഡഡ്‌ പുള്ളി​പ്പു​ലി, ചൈനീസ്‌ ഉറുമ്പു​തീ​നി, തേവാങ്ക്‌ കരടി, സാമ്പാർ മാൻ, ഹൂലോക്ക്‌ ആൾക്കു​ര​ങ്ങു​കൾ, കാലിജ്‌ വണ്ടാര​ക്കോ​ഴി​കൾ, വേഴാ​മ്പ​ലു​കൾ, മരത്താ​റാവ്‌ എന്നിങ്ങ​നെ​യുള്ള അപൂർവ​യി​നങ്ങൾ ഉൾപ്പെടെ 32 വർഗങ്ങ​ളിൽ പെട്ട സസ്‌ത​നി​ക​ളും 260 തരം പക്ഷിക​ളും” ഇവി​ടെ​യുണ്ട്‌. എന്നാൽ വനോ​ത്‌പ​ന്ന​ങ്ങൾക്കുള്ള അന്താരാ​ഷ്‌ട്ര ഡിമാൻഡ്‌ പല മഴക്കാ​ടു​ക​ളെ​യും അപകട​ത്തി​ലാ​ക്കു​ന്നു എന്ന്‌ ഡൗൺ ടു എർത്ത്‌ പറയുന്നു. അമിത​ശേ​ഖ​രണം നിമിത്തം അത്തരം ഉത്‌പ​ന്നങ്ങൾ തീർന്നു​പോ​യാൽ, മഴക്കാ​ടു​കളെ പരിര​ക്ഷി​ക്കാ​നാ​വി​ല്ലെ​ന്നും അവിടം കൃഷി​സ്ഥ​ല​മാ​യി മാറ്റാനേ സാധി​ക്കു​ക​യു​ള്ളു​വെ​ന്നും പ്രകൃ​തി​വാ​ദി​കൾ ഭയപ്പെടുന്നു.(g01 10/8)

കപ്പലുകൾ രോഗം പരത്തുന്നു

“കപ്പലു​ക​ളിൽ സ്ഥിരക​ഭാ​ര​മാ​യി ഉപയോ​ഗി​ക്കുന്ന ജലം ലോക​മെ​ങ്ങും രോഗം പരത്തു​ക​യും മനുഷ്യർക്കും മൃഗങ്ങൾക്കും സസ്യജാ​ല​ങ്ങൾക്കും ഭീഷണി ഉയർത്തു​ക​യും ചെയ്യുന്നു” എന്ന്‌ ലണ്ടനിലെ ദ ഡെയ്‌ലി ടെല​ഗ്രാഫ്‌ പറയുന്നു. ഇങ്ങനെ സ്ഥിരക​ഭാ​ര​മാ​യി ഉപയോ​ഗി​ക്കുന്ന ജലം കപ്പലുകൾ കടലി​ലോ ഇടത്താ​വ​ള​ങ്ങ​ളാ​യി ഉപയോ​ഗി​ക്കുന്ന തുറമു​ഖ​ങ്ങ​ളി​ലോ കളയുന്നു. സമു​ദ്ര​സ​ഞ്ചാ​രം നടത്തുന്ന കപ്പലു​ക​ളിൽ സ്ഥിരക​ഭാ​ര​മാ​യി ഉപയോ​ഗി​ക്കുന്ന ജലത്തിൽ വളരെ​യ​ധി​കം ബാക്‌ടീ​രി​യ​യും വൈറ​സു​ക​ളും അടങ്ങി​യി​രി​ക്കു​ന്ന​താ​യി അമേരി​ക്ക​യി​ലെ മേരി​ലാൻഡി​ലുള്ള ‘സ്‌മി​ത്‌സോ​ണി​യൻ പരിസ്ഥി​തി ഗവേഷണ കേന്ദ്ര’ത്തിലെ ഗവേഷകർ കണ്ടെത്തി. ചെസപ്പിക്ക്‌ ഉൾക്കട​ലിൽ വെച്ച്‌ പരി​ശോ​ധനാ വിധേ​യ​മാ​ക്കിയ 15 കപ്പലു​ക​ളി​ലെ സ്ഥിരക​ഭാര ജലത്തിൽനിന്ന്‌ എടുത്ത പ്ലവകങ്ങ​ളി​ലും കോള​റ​യ്‌ക്കു കാരണ​മായ ബാക്‌ടീ​രി​യം ഉള്ളതായി തെളിഞ്ഞു. ഒരു ലിറ്റർ സ്ഥിരക​ഭാര ജലത്തിൽ ശരാശരി 83 കോടി ബാക്‌ടീ​രി​യ​യും 740 കോടി വൈറ​സു​ക​ളും അടങ്ങി​യി​രു​ന്നു—മറ്റു സൂക്ഷ്‌മ​ജീ​വി​ക​ളു​ടെ എണ്ണത്തെ​ക്കാൾ ആറു മുതൽ എട്ടു വരെ മടങ്ങ്‌ അധിക​മാ​യി​രു​ന്നു അത്‌.(g01 10/8)

“സാങ്കേ​തിക സമ്മർദം”

“സാങ്കേ​തിക സമ്മർദം,” അതായത്‌ പുതിയ സാങ്കേ​തി​ക​വി​ദ്യ ഉപയോ​ഗി​ക്കാ​നുള്ള സമ്മർദം ഹേതു​വാ​യുള്ള നൈരാ​ശ്യം, വർധി​ക്കു​ന്ന​താ​യി പറയ​പ്പെ​ടു​ന്നു എന്ന്‌ കാനഡ​യി​ലെ മക്ലീൻസ്‌ മാസിക റിപ്പോർട്ടു ചെയ്യുന്നു. “പുത്തൻ സാങ്കേ​തി​ക​വി​ദ്യ​ക​ളു​ടെ ഉപയോ​ഗം പഠിക്കു​ക​യെന്ന ഒരിക്ക​ലും അവസാ​നി​ക്കാത്ത പ്രക്രി​യ​യും ഇ-മെയിൽ, ഫോൺ കോളു​കൾ ഓട്ടോ​മാ​റ്റി​ക്കാ​യി തിരി​ച്ചു​വി​ടുന്ന കമ്പ്യൂട്ടർ സംവി​ധാ​നം, മൊ​ബൈൽ ഫോണു​കൾ എന്നിവ പോലുള്ള കണ്ടുപി​ടി​ത്ത​ങ്ങ​ളു​ടെ ഫലമായി തൊഴിൽ ജീവി​ത​വും ഗാർഹിക ജീവി​ത​വും വേർതി​രി​ച്ച​റി​യാൻ കഴിയാത്ത അവസ്ഥയും ഒക്കെയാണ്‌” ഇതിനു കാരണ​മെന്നു പഠനങ്ങൾ സൂചി​പ്പി​ക്കു​ന്നു. നിങ്ങൾക്ക്‌ ഈ അവസ്ഥ എങ്ങനെ കൈകാ​ര്യം ചെയ്യാൻ കഴിയും? അതിർവ​ര​മ്പു​കൾ വെക്കാൻ വിദഗ്‌ധർ ശുപാർശ ചെയ്യുന്നു. ഒരു പ്രത്യേക സംഗതി ഉപയോ​ഗി​ക്കു​ന്നത്‌ ജീവി​തത്തെ വാസ്‌ത​വ​ത്തിൽ ലളിത​മാ​ക്കു​മോ അതോ അതിനെ ഒന്നുകൂ​ടി സങ്കീർണ​മാ​ക്കു​കയേ ഉള്ളോ എന്നു ചിന്തി​ക്കുക. ഒരു പുതിയ സാങ്കേ​തി​ക​വി​ദ്യ​യിൽനി​ന്നു പൂർണ പ്രയോ​ജനം നേടണ​മെ​ങ്കിൽ അതു നന്നായി പഠി​ച്ചെ​ടു​ക്കാൻ സമയം മാറ്റി​വെ​ക്കേണ്ടി വരുമെന്ന സംഗതി മനസ്സിൽ പിടി​ക്കുക. “ദിവസ​വും കുറച്ചു സമയ​ത്തേക്ക്‌ സാങ്കേ​തി​ക​വി​ദ്യ ഉപയോ​ഗി​ക്കാ​തി​രി​ക്കാൻ നിശ്ചയി​ക്കുക,” എന്നിട്ട്‌ പ്രാധാ​ന്യ​മുള്ള മറ്റു കാര്യ​ങ്ങൾക്ക്‌ ആ സമയം ചെലവി​ടുക. “ഒരു നിശ്ചിത പ്രവർത്തന പട്ടിക​യോ​ടു പറ്റിനിൽക്കു​ന്ന​തി​നു പകരം, തങ്ങളുടെ ഇ-മെയി​ലു​കൾ പരി​ശോ​ധി​ക്കു​ക​യെന്ന അടിസ്ഥാന പിഴവ്‌ വരുത്തി​ക്കൊ​ണ്ടാണ്‌ ആളുകൾ തങ്ങളുടെ ദിവസം തുടങ്ങു​ന്നത്‌” എന്ന്‌ വാൻകൂ​വ​റി​ലെ ഫലോ​ത്‌പാ​ദ​ന​ക്ഷ​മതാ വിദഗ്‌ധ​നായ ഡാൻ സ്റ്റാംപ്‌ അഭി​പ്രാ​യ​പ്പെ​ടു​ന്നു. “അങ്ങനെ ദിവസ​ത്തി​ലെ ഏറ്റവും നല്ല ഒന്നര മണിക്കൂർ സമയം പാഴായിപ്പോകുന്നു.”(g01 10/22)

കടുവാ ഗർജനം

കടുവാ ഗർജനം മറ്റു മൃഗങ്ങളെ മാത്രമല്ല ചില​പ്പോൾ മനുഷ്യ​രെ​യും നിശ്ചേ​ഷ്ട​രാ​ക്കു​ന്ന​താ​യി കാണ​പ്പെ​ടു​ന്നത്‌ എന്തു​കൊ​ണ്ടാണ്‌? “കടുവ താഴ്‌ന്ന വ്യാപ്‌തി​മ​ണ്ഡ​ല​മുള്ള ‘ഇൻഫ്രാ​സൗണ്ട്‌’ ശബ്ദം പുറ​പ്പെ​ടു​വി​ക്കു​ന്നു എന്നും അതു വളരെ താഴ്‌ന്ന​താ​ക​യാൽ മനുഷ്യർക്കു ശ്രവി​ക്കാൻ കഴിയി​ല്ലെ​ന്നും” അമേരി​ക്ക​യി​ലെ നോർത്ത്‌ കരോ​ലി​ന​യിൽ ഉള്ള ഫോണാ കമ്മ്യൂ​ണി​ക്കേ​ഷൻസ്‌ റിസേർച്ച്‌ ഇൻസ്റ്റി​റ്റ്യൂ​ട്ടി​ലെ ശാസ്‌ത്രജ്ഞർ സ്ഥിരീ​ക​രി​ച്ച​താ​യി ലണ്ടനിലെ ദ സൺഡേ ടെല​ഗ്രാഫ്‌ റിപ്പോർട്ടു ചെയ്യുന്നു. 20 ഹെർട്‌സി​നു മുകളിൽ ആവൃത്തി​യുള്ള ശബ്‌ദ​ത​രം​ഗങ്ങൾ മാത്രമേ മനുഷ്യർക്കു കേൾക്കാൻ സാധിക്കൂ. എന്നാൽ, “കടുവ 18 ഹെർട്‌സോ അതിനു താഴെ​യു​ള്ള​തോ ആയ ഇൻഫ്രാ​സൗണ്ട്‌ മുരൾച്ച​ക​ളും നമുക്കു കേൾക്കാ​വുന്ന ഗർജന​വും കൂട്ടി​ക്ക​ലർത്തു​ന്നു. പ്രസ്‌തുത ഇൻസ്റ്റി​റ്റ്യൂ​ട്ടി​ന്റെ പ്രസി​ഡ​ന്റായ ഡോ. എലിസ​ബത്ത്‌ വോൺ മുഗ​ന്റേലർ പറയു​ന്ന​ത​നു​സ​രിച്ച്‌, അതിന്റെ ഫലമായി മനുഷ്യർക്ക്‌ വാസ്‌ത​വ​ത്തിൽ ആ ഗർജനം അനുഭ​വ​പ്പെ​ടു​ക​യും ക്ഷണനേ​ര​ത്തേക്ക്‌ അവർ നിശ്ചേ​ഷ്ട​രാ​യി​ത്തീ​രു​ക​യും ചെയ്യുന്നു” എന്ന്‌ പത്രം വിശദീ​ക​രി​ക്കു​ന്നു. കടുവാ പരിശീ​ലകർ എന്ന നിലയിൽ ദീർഘ​കാ​ല​മാ​യി പ്രവർത്തി​ക്കു​ന്ന​വർക്കു പോലും ഇത്‌ അനുഭവപ്പെട്ടിട്ടുണ്ട്‌.(g01 10/8)

കുട്ടികൾ സ്വന്തം പുസ്‌ത​കങ്ങൾ എഴുതു​ന്നു

വായന പ്രോ​ത്സാ​ഹി​പ്പി​ക്കുക എന്ന ഉദ്ദേശ്യ​ത്തിൽ, സ്വന്തമാ​യി ചെറു​പു​സ്‌ത​കങ്ങൾ എഴുതാ​നും അവയ്‌ക്കു ചിത്രങ്ങൾ വരയ്‌ക്കാ​നും സാംബി​യ​യി​ലെ  സ്‌കൂൾ കുട്ടി​കളെ അധികൃ​തർ പ്രോ​ത്സാ​ഹി​പ്പി​ക്കു​ന്നു എന്ന്‌ സാംബിയ ഡെയ്‌ലി മെയ്‌ൽ റിപ്പോർട്ടു ചെയ്യുന്നു. “സാംബി​യ​യി​ലെ കുട്ടി​കൾക്കു തീർത്തും അപരി​ചി​ത​മായ കാര്യ​ങ്ങ​ളെ​യും സാഹച​ര്യ​ങ്ങ​ളെ​യും കുറി​ച്ചുള്ള പുസ്‌ത​ക​ങ്ങ​ളാണ്‌ മിക്ക സ്‌കൂ​ളു​ക​ളി​ലെ​യും ഗ്രന്ഥശാ​ല​ക​ളിൽ ഉള്ളത്‌” എന്ന്‌ ഒരു ഗവൺമെന്റ്‌ റിപ്പോർട്ടു പറയുന്നു. “കുട്ടി​കൾതന്നെ പുസ്‌ത​കങ്ങൾ എഴുതു​ന്ന​തു​കൊ​ണ്ടുള്ള നേട്ടം ആ പുസ്‌ത​കങ്ങൾ അവരുടെ തലത്തിൽ പെട്ടതും അവരുടെ താത്‌പ​ര്യ​ങ്ങൾക്കു യോജി​ക്കു​ന്ന​തു​മാ​യി​രി​ക്കും എന്നതാണ്‌.” ആ കഥകളിൽ ചിലത്‌ സ്‌കൂ​ളി​ലെ​യോ ക്ലാസ്സ്‌മു​റി​യി​ലെ​യോ ലൈ​ബ്ര​റി​ക​ളിൽ സ്ഥാനം പിടി​ക്കു​ക​യോ റേഡി​യോ​യിൽ വായിച്ചു കേൾപ്പി​ക്കു​ക​യോ പ്രസി​ദ്ധീ​ക​രി​ക്കുക പോലു​മോ ചെയ്‌തേ​ക്കാം. ഡെയ്‌ലി മെയ്‌ൽ ഇപ്രകാ​രം അഭി​പ്രാ​യ​പ്പെ​ടു​ന്നു: “വായനാ സാമ​ഗ്രി​കൾ ലഭ്യമാ​ക്കാ​നുള്ള വളരെ ചെലവു കുറഞ്ഞ മാർഗ​മാ​ണിത്‌, ഇതിനു കടലാ​സും പേനയും മാത്രമേ വേണ്ടൂ. വിരള​വും വില​യേ​റി​യ​തു​മായ ഒരു വിഭവം (പുസ്‌ത​കങ്ങൾ) ഉണ്ടാക്കാൻ സമൃദ്ധ​മാ​യുള്ള മറ്റൊന്ന്‌ (വിദ്യാർഥി​കൾ) ഉപയോ​ഗ​പ്പെ​ടു​ത്താ​നുള്ള ഒരു മാർഗം കൂടി​യാണ്‌ ഇത്‌.”(g01 10/22)

മലമ്പനി​ക്കുള്ള മരുന്ന്‌ മേലാൽ ഫലപ്ര​ദ​മല്ല

‘സാംബി​യ​യിൽ മലമ്പനി​ക്കെ​തി​രെ ഏറ്റവും വ്യാപ​ക​മാ​യി ഉപയോ​ഗി​ക്കുന്ന മരുന്നായ ക്ലോ​റോ​ക്വിൻ, ചികി​ത്സ​യും ഔഷധ​ങ്ങ​ളും പ്രദാനം ചെയ്യുന്ന ഗവൺമെന്റ്‌ കേന്ദ്ര​ങ്ങ​ളിൽ ആ രോഗ​ത്തിന്‌ എതി​രെ​യുള്ള പ്രഥമ ചികിത്സ എന്ന സ്ഥാനത്തു​നിന്ന്‌ ഘട്ടം ഘട്ടമായി മാറ്റാൻ പോകു​ക​യാ​ണെ​ന്നും’ പകരം ഏറെ ഫലപ്ര​ദ​മായ മരുന്നു​കൾ ഉപയോ​ഗി​ക്കു​മെ​ന്നും ടൈംസ്‌ ഓഫ്‌ സാംബിയ റിപ്പോർട്ടു ചെയ്യുന്നു. “ഓരോ വർഷവും സാംബി​യ​യിൽ മലമ്പനി​മൂ​ലം മരിക്കുന്ന അഞ്ചു വയസ്സിൽ താഴെ​യുള്ള 25,000 കുട്ടി​ക​ളിൽ 12,000 പേരു​ടെ​യും ജീവൻ അപഹരി​ക്കു​ന്നത്‌ ക്ലോ​റോ​ക്വി​നോ​ടുള്ള പ്രതി​രോ​ധം ആണ്‌” എന്ന്‌ ഒരു പഠനം സൂചി​പ്പി​ച്ച​തി​നെ തുടർന്നാണ്‌ ഘട്ടം ഘട്ടമായി ആ മരുന്നു നീക്കം ചെയ്യാൻ പരിപാ​ടി ഇട്ടിരി​ക്കു​ന്നത്‌. ആഫ്രി​ക്ക​യി​ലെ മിക്ക പൂർവ, ദക്ഷിണ രാജ്യ​ങ്ങ​ളി​ലും ഈ മാറ്റം നിലവിൽ വന്നിരി​ക്കു​ക​യാണ്‌. “കഴിഞ്ഞ 30 വർഷത്തി​ല​ധി​കം ഈ രാജ്യത്ത്‌ ക്ലോ​റോ​ക്വിൻ വിജയ​പ്ര​ദ​മാ​യി ഉപയോ​ഗി​ച്ചി​ട്ടു​ണ്ടെ​ങ്കി​ലും, ഈ രാജ്യത്തെ മുഖ്യ കൊല​യാ​ളി​യായ മലമ്പനി​ക്കെ​തി​രെ പോരാ​ടു​ന്ന​തിൽ അതു മേലാൽ ഫലപ്ര​ദമല്ല” എന്ന്‌ ടൈംസ്‌ പറയുന്നു. (g01 10/22)

രാസമ​രു​ന്നു​ക​ളെ​ക്കാൾ മെച്ചം കളകൾ

ചോള​ക്കൃ​ഷി മെച്ച​പ്പെ​ടു​ത്താൻ പൂർവാ​ഫ്രി​ക്കൻ കർഷകർ രാസമ​രു​ന്നു​കൾക്കു പകരം കളകൾ ഉപയോ​ഗി​ക്കു​ക​യാണ്‌ എന്ന്‌ ന്യൂ സയന്റിസ്റ്റ്‌ മാസിക റിപ്പോർട്ടു ചെയ്യുന്നു. പൂർവാ​ഫ്രി​ക്ക​യി​ലെ ചോള​ക്കൃ​ഷി​ക്കാർ തങ്ങളുടെ കൃഷിക്കു ഭീഷണി ഉയർത്തുന്ന രണ്ടു ഘടകങ്ങളെ നേരി​ടു​ന്നു. അതി​ലൊന്ന്‌ വർഷം​തോ​റും 1,000 കോടി ഡോളർ മൂല്യ​മുള്ള ചോളം നശിപ്പി​ക്കുന്ന പരാദ സസ്യമായ സ്‌ട്രിഗ ആണ്‌. ചോളം നട്ടിരി​ക്കുന്ന നിരകൾക്ക്‌ ഇടയിൽ ഡെസ്‌മോ​ഡി​യം എന്നു വിളി​ക്ക​പ്പെ​ടുന്ന ഒരു കള നട്ടാൽ സ്‌ട്രിഗ വളരു​ക​യി​ല്ലെന്ന്‌ കെനി​യ​യി​ലെ ഗവേഷ​ക​നായ സൈയ​ഡിൻ ഹാൻ കണ്ടെത്തി. വിളകൾ നശിപ്പി​ക്കുന്ന മറ്റൊന്ന്‌ തണ്ടുതു​രപ്പൻ കീടത്തി​ന്റെ ലാർവ​യാണ്‌. മിക്ക വർഷങ്ങ​ളി​ലും അത്‌ ചോള​ക്കൃ​ഷി​യു​ടെ മൂന്നി​ലൊ​ന്നു നശിപ്പി​ക്കു​ന്നു. എന്നാൽ, ഈ തണ്ടുതു​ര​പ്പ​ന്മാർ ഒരു പ്രാ​ദേ​ശിക കളയായ നേപ്പിയർ പുല്ല്‌ തിന്നു​ന്നതു കൂടുതൽ ഇഷ്ടപ്പെ​ടു​ന്ന​താ​യി ഹാൻ കണ്ടെത്തി. ഈ കള കൃഷി​സ്ഥ​ലത്ത്‌ നടുക​വഴി കർഷകർ കീടങ്ങളെ ചോള​ത്തിൽനിന്ന്‌ അകറ്റുന്നു. ആ പുല്ല്‌ ഉത്‌പാ​ദി​പ്പി​ക്കുന്ന പശിമ​യുള്ള ഒരു പദാർഥം ലാർവ​കളെ കെണി​യി​ലാ​ക്കി കൊല്ലു​ന്നു. “അതു രാസമ​രു​ന്നു​ക​ളെ​ക്കാൾ മെച്ചമാണ്‌, ചെലവാ​ണെ​ങ്കിൽ വളരെ കുറവും,” ഹാൻ പറയുന്നു. “അതിന്റെ ഫലമായി ഇവിടത്തെ കൃഷി​യി​ട​ങ്ങ​ളി​ലെ വിളവ്‌ 60 മുതൽ 70 വരെ ശതമാനം വർധിച്ചിരിക്കുന്നു.”(g01 10/8)

മദ്യപിച്ച്‌ സൈക്കിൾ ഓടി​ക്കാ​തി​രി​ക്കുക

മദ്യപി​ച്ച​ശേഷം സൈക്കിൾ ഓടി​ക്കു​ന്നത്‌ മദ്യപിച്ച്‌ കാർ ഓടി​ക്കുന്ന അത്രയും​തന്നെ അപകട​ക​ര​മാ​യി​രി​ക്കാ​മെന്ന്‌ ന്യൂ സയന്റിസ്റ്റ്‌ മാസിക റിപ്പോർട്ടു ചെയ്യുന്നു. “സൈക്കിൾ ഓടി​ക്കു​ന്ന​തിൽ കാർ ഓടി​ക്കു​മ്പോ​ഴ​ത്തേ​തി​നെ​ക്കാൾ മാനസിക പ്രവർത്തനം ആവശ്യ​മായ ചലനങ്ങൾ ഉൾപ്പെ​ട്ടി​രി​ക്കു​ന്ന​തി​നാ​ലും അതിനു കൂടുതൽ ശാരീ​രിക ഏകോ​പനം ആവശ്യ​മാ​യി​രി​ക്കു​ന്ന​തി​നാ​ലും ലഹരി​പാ​നീ​യ​ത്തി​നു വളരെ വലിയ ഒരു ഫലമാ​ണു​ള്ളത്‌” എന്ന്‌ അമേരി​ക്ക​യി​ലെ മേരി​ലാൻഡി​ലുള്ള ജോൺസ്‌ ഹോപ്‌കിൻസ്‌ യൂണി​വേ​ഴ്‌സി​റ്റി​യി​ലെ ഗ്വോ​ഹ്‌വാ ലി പറയുന്നു. ലിയും സഹപ്ര​വർത്ത​ക​രും 466 പേരെ ഉൾപ്പെ​ടു​ത്തി ഒരു പഠനം നടത്തി. അതിൽ നാലോ അഞ്ചോ പെഗ്‌ കഴിച്ചിട്ട്‌ സൈക്കിൾ ഓടി​ച്ച​വർക്ക്‌ അല്ലാത്ത​വരെ അപേക്ഷിച്ച്‌ അപകടങ്ങൾ ഉണ്ടാകാ​നോ അവർ കൊല്ല​പ്പെ​ടാ​നോ ഉള്ള സാധ്യത 20 ഇരട്ടി ആയിരു​ന്നെന്ന്‌ അവർ കണ്ടെത്തി. ഒരു പെഗ്‌ കഴിക്കു​ന്നതു പോലും സൈക്കിൾ ഓടി​ക്ക​ലി​നെ ആറ്‌ ഇരട്ടി അപകടം പിടി​ച്ച​താ​ക്കി​ത്തീർത്തു. “അതി​നെ​ക്കാൾ കഷ്ടം സൈക്കിൾ ഓടി​ക്കു​ന്നവർ കൂടു​ത​ലാ​യി കുടി​ക്കു​മ്പോൾ ഹെൽമെറ്റ്‌ ധരിക്കാ​നുള്ള സാധ്യത കുറയു​ന്നു എന്നതാണ്‌,” ന്യൂ സയന്റിസ്റ്റ്‌ പറയുന്നു.(g01 10/22)

വാഴയിൽനിന്ന്‌ കടലാസ്‌

സാധാരണ ഗതിയിൽ വാഴക്കുല വെട്ടി​ക്ക​ഴി​ഞ്ഞാൽ വാഴത്തട വളമാ​കാൻ വെറുതെ നിലത്ത്‌ ഇട്ടേക്കു​ക​യാ​ണു പതിവ്‌. എന്നാൽ വാഴത്ത​ട​ക​ളിൽനി​ന്നു കടലാസ്‌ നിർമി​ക്കു​ന്ന​തിൽ നഗോ​യിയ സിറ്റി യൂണി​വേ​ഴ്‌സി​റ്റി​യി​ലെ പ്രൊ​ഫസ്സർ ഹിരോ​ഷി മോറി​ഷിമ വിജയി​ച്ച​താ​യി ജപ്പാനി​ലെ ആസാഹി ഷിംബൂൺ എന്ന പത്രം പറയുന്നു. വാഴയു​ടെ നാരുകൾ “നീളമു​ള്ള​തും ബലിഷ്‌ഠ​വും കടലാസ്‌ ഉണ്ടാക്കു​ന്ന​തി​നുള്ള ഒരു അസംസ്‌കൃത പദാർഥ​മായ മാനിലാ ചണത്തിന്റെ അത്രതന്നെ നല്ല ഗുണനി​ല​വാ​രം ഉള്ളതു​മാണ്‌.” വാഴത്തട യന്ത്രത്തി​ലിട്ട്‌ ഉണ്ടാക്കുന്ന കടലാസ്‌ സാധാരണ എഴുതാൻ ഉപയോ​ഗി​ക്കുന്ന കടലാ​സി​ന്റെ അത്രയും​തന്നെ ഗുണനി​ല​വാ​രം ഉള്ളതാണ്‌. അത്‌ റീ​സൈ​ക്ലിങ്‌ നടത്തി എടുക്കുന്ന കടലാ​സി​നെ​ക്കാൾ ബലിഷ്‌ഠ​മാ​ണെന്നു തെളി​യു​ക​യും ചെയ്‌തി​രി​ക്കു​ന്നു. “ലോക​ത്തി​ലെ 123 രാജ്യ​ങ്ങ​ളിൽ ഇപ്പോൾ വാഴ കൃഷി ചെയ്യു​ക​യും അതിലൂ​ടെ പ്രതി​വർഷം 5,80,00,000 ടൺ വാഴയ്‌ക്കാ ഉത്‌പാ​ദി​പ്പി​ക്കു​ക​യും ചെയ്യുന്നു. ഇത്‌ വളരെ പ്രതീ​ക്ഷ​യ്‌ക്കു വക നൽകുന്നു” എന്ന്‌ ആ പത്രം പറയുന്നു. (g01 10/22)