യുവജ​നങ്ങൾ ചോദി​ക്കു​ന്നു . . .

ചെറു​പ്രാ​യ​ത്തി​ലെ ഡേറ്റിങ്‌—അതിൽ എന്താണു കുഴപ്പം?

“ഈയിടെ സ്‌കൂ​ളി​ലെ ചില ആൺകു​ട്ടി​കൾ അവരുടെ കൂടെ കറങ്ങാൻ ചെല്ലാ​മോ, അവരെ പ്രേമി​ക്കാ​മോ എന്നൊക്കെ ചോദിച്ച്‌ എന്റെ പുറകെ നടക്കാൻ തുടങ്ങി​യി​ട്ടുണ്ട്‌.”—11 വയസ്സു​കാ​രി​യായ ബെക്കി. a

“ഞങ്ങളുടെ സ്‌കൂ​ളി​ലെ മിക്ക കുട്ടി​ക​ളും ഡേറ്റി​ങ്ങിൽ ഏർപ്പെ​ടു​ന്നുണ്ട്‌. ആൺകു​ട്ടി​ക​ളും പെൺകു​ട്ടി​ക​ളും ഇടനാ​ഴി​യിൽനി​ന്നു ചുംബി​ക്കു​ന്നത്‌ ഒരു സാധാരണ കാഴ്‌ച​യാണ്‌.”—ലിയാന്ന എന്ന 10-ാം ക്ലാസ്‌ വിദ്യാർഥി​നി.

തീരെ ചെറു​പ്രാ​യ​ത്തിൽത്തന്നെ പ്രണയ​ബ​ന്ധ​ത്തിൽ അകപ്പെ​ടു​ന്നവർ ചുരു​ക്കമല്ല. പലപ്പോ​ഴും അതിനെ ഒരു സാധാരണ സംഗതി​യാ​യി, നിരു​പ​ദ്ര​വ​ക​ര​മായ ഒന്നായി മാധ്യ​മങ്ങൾ ചിത്രീ​ക​രി​ക്കു​ന്നു. “ഞങ്ങളുടെ സ്‌കൂ​ളിൽ എല്ലാവർക്കും​തന്നെ ഒരു ബോയ്‌ഫ്ര​ണ്ടോ ഗേൾഫ്ര​ണ്ടോ ഉണ്ട്‌” എന്ന്‌ പന്ത്രണ്ടു​കാ​രി​യായ ഓനേഡ പറയുന്നു. ജെന്നി​ഫെർ എന്ന യുവതി അനുസ്‌മ​രി​ക്കു​ന്നു: “മൂന്നാം ക്ലാസ്സിൽ പഠിക്കുന്ന ചില ആൺകു​ട്ടി​ക​ളും പെൺകു​ട്ടി​ക​ളും പ്രേമി​ച്ചു നടക്കു​ന്നതു ഞാൻ കണ്ടിട്ടുണ്ട്‌.” അവൾ ഇങ്ങനെ കൂട്ടി​ച്ചേർക്കു​ന്നു: “11 വയസ്സു​ള്ള​പ്പോൾത്തന്നെ ഡേറ്റി​ങ്ങിൽ ഏർപ്പെ​ടാ​നുള്ള സമ്മർദം സമപ്രാ​യ​ക്കാ​രിൽനിന്ന്‌ എനിക്ക്‌ ഉണ്ടായി​ട്ടുണ്ട്‌.”

അതു​കൊണ്ട്‌ നിങ്ങൾ ഡേറ്റി​ങ്ങിൽ ഏർപ്പെ​ടു​ന്നി​ല്ലെ​ങ്കിൽ ഒറ്റപ്പെട്ടു നിൽക്കു​ന്ന​താ​യി തോന്നി​യേ​ക്കാ​മെ​ന്നു​ള്ളതു വാസ്‌തവം. ഒരുപക്ഷേ നിങ്ങൾ കളിയാ​ക്ക​ലി​നോ പരിഹാ​സ​ത്തി​നോ പാത്ര​മാ​യെ​ന്നും വരാം. പ്രേമി​ക്കാ​നുള്ള പ്രായം ആയിട്ടി​ല്ലെന്നു തോന്നി​യ​തു​കൊണ്ട്‌ ജെന്നി​ഫെർ അവളു​മാ​യി ഡേറ്റി​ങ്ങിൽ ഏർപ്പെ​ടാൻ ആഗ്രഹിച്ച ആൺകു​ട്ടി​ക​ളു​ടെ അഭ്യർഥ​നകൾ നിരസി​ച്ചു. അവരുടെ പ്രതി​ക​രണം എന്തായി​രു​ന്നു? ജെന്നി​ഫെർ പറയുന്നു: “അത്‌ അവർക്ക്‌ ഒരു വലിയ തമാശ​യാ​യി​രു​ന്നു. അവർ എന്നെ കളിയാ​ക്കു​ക​യും പരിഹ​സി​ക്കു​ക​യും ചെയ്‌തു.” പരിഹ​സി​ക്ക​പ്പെ​ടാൻ ആരും ഇഷ്ടപ്പെ​ടു​ക​യി​ല്ലെ​ന്നതു ശരിയാണ്‌. എന്നാൽ മറ്റുള്ളവർ ഡേറ്റി​ങ്ങിൽ ഏർപ്പെ​ടു​ന്നു എന്ന കാരണ​ത്താൽ നിങ്ങളും അങ്ങനെ ചെയ്യേ​ണ്ട​തു​ണ്ടോ? ഡേറ്റിങ്‌ എന്നാൽ എന്താണ്‌? അതിന്റെ ഉദ്ദേശ്യം എന്ത്‌?

ഡേറ്റിങ്‌ എന്നാൽ എന്താണ്‌?

‘ഇതിനെ ഡേറ്റിങ്‌ എന്നൊ​ന്നും വിളി​ക്കാ​നാ​വില്ല. ഞങ്ങൾ വെറും സുഹൃ​ത്തു​ക്ക​ളാണ്‌,’ എതിർലിം​ഗ​ത്തിൽപ്പെട്ട ഒരു വ്യക്തി​യു​മാ​യി ഒട്ടേറെ സമയം ഒരുമി​ച്ചു ചെലവി​ടു​ന്നു​ണ്ടെ​ങ്കി​ലും പല യുവജ​ന​ങ്ങ​ളും അവകാ​ശ​പ്പെ​ടു​ന്നത്‌ അങ്ങനെ​യാണ്‌. എന്നാൽ നിങ്ങൾ അതിനെ എന്തു വിളി​ച്ചാ​ലും ശരി—ഡേറ്റി​ങ്ങെ​ന്നോ ഒരുമി​ച്ചു നടക്ക​ലെ​ന്നോ പരസ്‌പരം കാണ​ലെ​ന്നോ—ഒരു ആൺകു​ട്ടി​യും പെൺകു​ട്ടി​യും പരസ്‌പരം അമിത​മായ താത്‌പ​ര്യം പ്രകട​മാ​ക്കു​ക​യും എപ്പോ​ഴും ഒരുമി​ച്ചാ​യി​രി​ക്കാൻ ശ്രമി​ക്കു​ക​യും ചെയ്യു​ന്നെ​ങ്കിൽ അത്‌ വെറു​മൊ​രു സൗഹൃ​ദ​ബന്ധം അല്ല. ഡേറ്റിങ്‌ എപ്പോ​ഴും മുഖാ​മു​ഖം​തന്നെ ആയിരി​ക്ക​ണ​മെ​ന്നും ഇല്ല. ഇന്റർനെ​റ്റി​ലെ ചാറ്റ്‌ റൂമി​ലൂ​ടെ, ഫോണി​ലൂ​ടെ, കത്തിലൂ​ടെ, ഇ-മെയി​ലി​ലൂ​ടെ ഒക്കെയുള്ള സല്ലാപം ഡേറ്റി​ങ്ങി​ന്റെ വിവിധ രൂപങ്ങ​ളാ​യി​രി​ക്കാ​വു​ന്ന​താണ്‌.

ചോദ്യ​മി​താണ്‌, എതിർലിം​ഗ​ത്തിൽപ്പെട്ട ഒരാളു​മാ​യി മാത്രം എപ്പോ​ഴും സമയം ചെലവി​ടാൻ ശ്രമി​ക്കു​ന്നത്‌ എത്ര​ത്തോ​ളം ഗൗരവ​മു​ള്ള​താണ്‌?

 ഡേറ്റിങ്‌—അതിന്റെ അപകടങ്ങൾ

സദൃശ​വാ​ക്യ​ങ്ങൾ 30:19 ‘കന്യക​യോ​ടു​കൂ​ടെ​യുള്ള പുരു​ഷന്റെ വഴി’യെ കുറിച്ചു പറയുന്നു. സ്‌ത്രീ​പു​രുഷ ബന്ധം ഒരു അടിസ്ഥാന രീതി പിൻപ​റ്റു​ന്ന​താ​യി ഈ വാക്യം കാണി​ക്കു​ന്നു. ഇരുകൂ​ട്ട​രും പക്വത​യെ​ത്തി​യ​വ​രും ദൈവിക മൂല്യ​ങ്ങ​ളോ​ടു പറ്റിനിൽക്കു​ന്ന​വ​രും ആണെങ്കിൽ ഡേറ്റിങ്‌ പരസ്‌പര സ്‌നേ​ഹ​ത്തി​ലേ​ക്കും ഒടുവിൽ മാന്യ​മായ വിവാ​ഹ​ബ​ന്ധ​ത്തി​ലേ​ക്കും നയിക്കുന്ന ഒരു പടിയാ​യി​രി​ക്കും. ദൈവം പുരു​ഷ​നെ​യും സ്‌ത്രീ​യെ​യും സൃഷ്ടി​ച്ചി​രി​ക്കു​ന്ന​തു​തന്നെ പരസ്‌പരം ആകർഷണം തോന്നത്തക്ക വിധത്തി​ലാ​ണ​ല്ലോ. എന്നാൽ നിങ്ങൾക്കു വിവാ​ഹ​ത്തി​നു പ്രായ​മാ​യി​ട്ടി​ല്ലെ​ങ്കി​ലോ? ചെറു​പ്രാ​യ​ത്തി​ലേ ഡേറ്റി​ങ്ങിൽ ഏർപ്പെ​ടു​ന്നെ​ങ്കിൽ അതു നിങ്ങളെ വിപത്‌ക​ര​മായ ഒരു സാഹച​ര്യ​ത്തിൽ കൊ​ണ്ടെ​ത്തി​ച്ചേ​ക്കാം.

കാരണം? എതിർലിം​ഗ​ത്തിൽപ്പെട്ട ഒരാളു​മാ​യി ഏറെ സമയം ചെലവ​ഴി​ക്കു​ന്നത്‌ സ്വാഭാ​വി​ക​മാ​യും ഉറങ്ങി​ക്കി​ട​ക്കുന്ന വികാ​ര​ങ്ങളെ ഉണർത്തി​യേ​ക്കാം. ഏതു നേരവും മറ്റേ വ്യക്തിയെ കണ്ടു​കൊ​ണ്ടി​രി​ക്കാൻ നിങ്ങൾ അറിയാ​തെ​തന്നെ ആഗ്രഹി​ച്ചേ​ക്കാം. ഒരുമി​ച്ചാ​യി​രി​ക്കാത്ത സയമങ്ങ​ളി​ലൊ​ക്കെ​യും അവനെ അല്ലെങ്കിൽ അവളെ കുറിച്ചു മാത്ര​മാ​യി​രി​ക്കും നിങ്ങളു​ടെ ചിന്ത. ഒട്ടുമി​ക്ക​പ്പോ​ഴും അനുരാ​ഗം ഏകപക്ഷീ​യ​മാ​യി​രി​ക്കും, അതു മോഹ​ഭം​ഗ​ത്തിന്‌ ഇടയാ​ക്കു​ക​യും ചെയ്യും. ഇനി, ഇരുവർക്കും പരസ്‌പരം ഇഷ്ടമാ​ണെ​ങ്കിൽത്ത​ന്നെ​യും അവരിൽ ഒരാൾക്ക്‌ വിവാ​ഹ​ത്തി​നുള്ള പ്രായ​മോ പക്വത​യോ ആയിട്ടി​ല്ലെ​ങ്കിൽ നിരാ​ശ​യും ഹൃദയ​വേ​ദ​ന​യും ആയിരി​ക്കും ഫലം. ആ ബന്ധം എന്തി​ലേ​ക്കാ​യി​രി​ക്കും നയിക്കുക? ബൈബി​ളി​ലെ ഒരു സദൃശ​വാ​ക്യം പറയുന്നു: “ഒരു മനുഷ്യ​ന്നു തന്റെ വസ്‌ത്രം വെന്തു​പോ​കാ​തെ മടിയിൽ തീ കൊണ്ടു​വ​രാ​മോ?”—സദൃശ​വാ​ക്യ​ങ്ങൾ 6:27.

നീന എന്ന പെൺകു​ട്ടി​യു​ടെ കാര്യ​മെ​ടു​ക്കുക. അവൾ പറയുന്നു: “ഇന്റർനെ​റ്റി​ലൂ​ടെ ഞാൻ ഒരു ആൺകു​ട്ടി​യെ പരിച​യ​പ്പെട്ടു. ദിവസ​വും ചാറ്റ്‌ റൂമിൽ ഞങ്ങൾ മണിക്കൂ​റു​ക​ളോ​ളം സംസാ​രി​ക്കു​മാ​യി​രു​ന്നു. ഞാൻ അവനു​മാ​യി അടുത്തു. ഊണി​ലും ഉറക്കത്തി​ലും അവനെ കുറിച്ചു മാത്ര​മാ​യി എന്റെ ചിന്ത. എന്നാൽ ആ ബന്ധം അധിക​നാൾ നീണ്ടു​നി​ന്നില്ല. അത്‌ അവസാ​നി​ച്ച​പ്പോൾ എനിക്കു വല്ലാത്ത ദുഃഖം തോന്നി. ഒരു ദിവസം അവൻ എന്നെ വിളിച്ച്‌, ഞങ്ങളുടെ ബന്ധം അവസാ​നി​ച്ച​തി​ന്റെ ദുഃഖം കാരണം ജീവിതം അവസാ​നി​പ്പി​ക്കാൻ പോവു​ക​യാ​ണെന്നു പറഞ്ഞു. അത്‌ എന്നെ ഒന്നുകൂ​ടെ തളർത്തി.” നീന തുടർന്നു പറയു​ന്നതു കേൾക്കുക: “ആ ബന്ധം യാതൊ​രു തരത്തി​ലും എനിക്കു പ്രയോ​ജനം ചെയ്‌തില്ല! അത്‌ അവസാ​നി​ച്ചി​ട്ടു രണ്ടു വർഷമാ​യി. എന്നാൽ അതിന്റെ വേദന ഇന്നും എന്നെ വിട്ടു​മാ​റി​യി​ട്ടില്ല.” അത്തര​മൊ​രു വൈകാ​രിക ബന്ധം സ്ഥാപി​ക്കാ​നുള്ള പ്രായ​മാ​യി​ട്ടി​ല്ലാ​യി​രു​ന്നു നീനയ്‌ക്ക്‌.

‘കന്യക​യോ​ടു​കൂ​ടെ​യുള്ള പുരു​ഷന്റെ വഴി’യെ കുറിച്ചു ബൈബിൾ പറയു​മ്പോൾ, അത്‌ ലൈം​ഗിക ബന്ധത്തെ പരാമർശി​ക്കു​ക​യാ​യി​രി​ക്കാം. ഇന്നത്തെ ലോക​ത്തിൽ, ഡേറ്റിങ്‌ മിക്ക​പ്പോ​ഴും ശാരീ​രി​ക​വേ​ഴ്‌ച​യി​ലേക്കു നയിക്കു​ന്ന​താ​യാ​ണു കാണു​ന്നത്‌. നിഷ്‌ക​ള​ങ്ക​മാ​യി കരം ഗ്രഹി​ക്കു​ന്ന​തി​ലൂ​ടെ ആയിരി​ക്കാം തുടക്കം. പിന്നെ അത്‌, പെട്ടെ​ന്നുള്ള ഒരു ആലിം​ഗ​ന​മോ കവിളത്ത്‌ ഒരു ചുംബ​ന​മോ ആയി പുരോ​ഗ​മി​ച്ചേ​ക്കാം. വിവാ​ഹ​നി​ശ്ചയം കഴിഞ്ഞി​രി​ക്കുന്ന രണ്ട്‌ യുവവ്യ​ക്തി​കൾ ഉചിത​മായ സ്‌നേ​ഹ​പ്ര​ക​ട​നങ്ങൾ നടത്തു​ന്ന​തിൽ തെറ്റി​ല്ലെ​ങ്കി​ലും വിവാ​ഹ​പ്രാ​യം എത്തിയി​ട്ടി​ല്ലാ​ത്ത​വ​രു​ടെ കാര്യ​ത്തിൽ അങ്ങനെ​യുള്ള പ്രകട​നങ്ങൾ അനാവ​ശ്യ​മാ​യി ലൈം​ഗി​ക​തൃഷ്‌ണ ജനിപ്പി​ച്ചേ​ക്കാം. “സ്‌നേഹ”പ്രകട​നങ്ങൾ തികച്ചും അനുചി​ത​മോ അശുദ്ധ​മോ ആയിത്തീർന്നേ​ക്കാം. ഒടുവിൽ അതു പരസം​ഗ​ത്തി​ലേക്കു നയി​ച്ചേ​ക്കാം. b

പരസം​ഗ​ത്തി​ന്റെ ഫലം തിക്തമാ​യി​രി​ക്കും. അതിൽ ഏർപ്പെ​ടുന്ന ചിലർക്ക്‌ ലൈം​ഗിക രോഗങ്ങൾ പിടി​പെ​ടു​ന്നു. മറ്റു ചിലരു​ടെ കാര്യ​ത്തിൽ അത്‌ ആത്മാഭി​മാ​നം നഷ്ടമാ​കു​ന്ന​തി​നും മനസ്സാ​ക്ഷി​ക്കു ക്ഷതമേൽക്കു​ന്ന​തി​നും ഇടയാ​ക്കു​ന്നു. അനാവശ്യ ഗർഭധാ​ര​ണ​മാണ്‌ മറ്റൊരു ദുരന്ത​ഫലം. അപ്പോൾ, “ദുർന്ന​ടപ്പു [“പരസംഗം,” NW] വിട്ടു ഓടു​വിൻ” എന്നു ബൈബിൾ കൽപ്പി​ക്കു​ന്നതു നല്ല കാരണ​ത്തോ​ടെ​യല്ലേ? (1 കൊരി​ന്ത്യർ 6:13, 18; 1 തെസ്സ​ലൊ​നീ​ക്യർ  4:3) ചെറു​പ്രാ​യ​ത്തി​ലുള്ള ഡേറ്റിങ്‌ ഒഴിവാ​ക്കു​ന്നത്‌ ഈ കൽപ്പന പിൻപ​റ്റാൻ നിങ്ങളെ സഹായി​ക്കും.

ഡേറ്റിങ്‌ എപ്പോൾ?

ഒരിക്ക​ലും നിങ്ങൾക്കു ഡേറ്റി​ങ്ങിൽ ഏർപ്പെ​ടാ​നാ​വില്ല എന്നല്ല അതിനർഥം. എന്നാൽ നിങ്ങൾ ഒരു കൗമാ​ര​പ്രാ​യ​ക്കാ​ര​നോ കൗമാ​ര​പ്രാ​യ​ക്കാ​രി​യോ ആണെങ്കിൽ “നവയൗ​വ്വനം” എന്നു ബൈബിൾ വിശേ​ഷി​പ്പി​ക്കുന്ന ഘട്ടത്തി​ലാ​യി​രി​ക്കാം നിങ്ങൾ. (1 കൊരി​ന്ത്യർ 7:36, NW) നിങ്ങളിൽ യൗവ്വനം മൊട്ടി​ടാൻ തുടങ്ങി​യി​ട്ടേ ഉള്ളൂ, നിങ്ങളു​ടെ വ്യക്തി​ത്വം പൂർണ​മാ​യി രൂപം​കൊ​ണ്ടി​ട്ടില്ല. ഈ ഘട്ടത്തിൽ നിങ്ങൾ ശാരീ​രി​ക​വും വൈകാ​രി​ക​വും ലൈം​ഗി​ക​വു​മാ​യി പക്വത പ്രാപി​ക്കാൻ തുടങ്ങു​ന്നു. ലൈം​ഗിക മോഹങ്ങൾ ഉൾപ്പെ​ടെ​യുള്ള നിങ്ങളു​ടെ വികാ​രങ്ങൾ എപ്പോ​ഴ​ത്തേ​തി​നെ​ക്കാ​ളും ശക്തമാ​യി​രി​ക്കും. എന്നിരു​ന്നാ​ലും, ആ വികാ​ര​ങ്ങൾക്കു ത്വരി​ത​ഗ​തി​യിൽ മാറ്റം സംഭവി​ച്ചേ​ക്കാം. അതു​കൊ​ണ്ടു​തന്നെ, കൗമാര പ്രണയങ്ങൾ അധിക​നാൾ നീണ്ടു​നിൽക്കാ​റില്ല. “എന്റെ പ്രേമ​ബ​ന്ധങ്ങൾ രണ്ടാഴ്‌ച​യിൽ കൂടുതൽ നീണ്ടു​നി​ന്നി​ട്ടില്ല” എന്ന്‌ ഒരു കൗമാ​ര​പ്രാ​യ​ക്കാ​രി പറയുന്നു.

“നവയൗവ്വന”കാലത്ത്‌ പ്രണയ​ബ​ന്ധ​ത്തിൽ അകപ്പെ​ടു​ന്നത്‌ ബുദ്ധി​യാ​യി​രി​ക്കി​ല്ലെന്നു വ്യക്തം. നിങ്ങൾ നിങ്ങ​ളെ​ത്തന്നെ നന്നായി മനസ്സി​ലാ​ക്കു​ന്ന​തു​വരെ, നിങ്ങളു​ടെ ഇഷ്ടാനി​ഷ്ടങ്ങൾ തിരി​ച്ച​റി​യു​ന്ന​തു​വരെ, ജീവി​ത​ത്തിൽ എത്തിപ്പി​ടി​ക്കാൻ ആഗ്രഹി​ക്കുന്ന ലക്ഷ്യങ്ങൾ എന്താ​ണെന്നു തീരു​മാ​നി​ക്കു​ന്ന​തു​വരെ കാത്തി​രി​ക്കു​ന്ന​താ​യി​രി​ക്കും നല്ലത്‌. കൂടാതെ, വിവാ​ഹ​ജീ​വി​ത​ത്തി​ലെ ഉത്തരവാ​ദി​ത്വ​ങ്ങൾ വഹിക്കാ​നുള്ള പ്രായ​വും നിങ്ങൾക്കാ​കണം. ഉദാഹ​ര​ണ​ത്തിന്‌, ഒരു ഭർത്താവ്‌ തന്റെ കുടും​ബ​ത്തി​ന്റെ ശാരീ​രി​ക​വും ഭൗതി​ക​വും ആത്മീയ​വു​മായ ആവശ്യങ്ങൾ നിറ​വേ​റ്റാൻ യഹോവ പ്രതീ​ക്ഷി​ക്കു​ന്നു. നിങ്ങൾ ഒരു കൗമാ​ര​പ്രാ​യ​ക്കാ​ര​നാ​ണെ​ന്നി​രി​ക്കട്ടെ. ഒരു ജോലി സമ്പാദി​ക്കാ​നും ഭാര്യ​യെ​യും കുട്ടി​ക​ളെ​യും പോറ്റാ​നും നിങ്ങൾ പ്രാപ്‌ത​നാ​ണോ? തങ്ങളുടെ ആത്മീയത കാത്തു​സൂ​ക്ഷി​ക്കു​ന്ന​തിൽ അവരെ സഹായി​ക്കാ​നുള്ള ഒരു സ്ഥാനത്താ​ണോ നിങ്ങൾ? ഇനി, നിങ്ങൾ ഒരു പെൺകു​ട്ടി​യാ​ണെ​ങ്കി​ലോ? ഒരു ഭാര്യ തന്റെ ഭർത്താ​വി​നെ സ്‌നേ​ഹി​ക്കു​ക​യും ബഹുമാ​നി​ക്കു​ക​യും ചെയ്യണ​മെന്ന്‌ ദൈവം ആവശ്യ​പ്പെ​ടു​ന്നു; അയാൾ എടുക്കുന്ന തീരു​മാ​ന​ങ്ങളെ അവൾ പിന്തു​ണ​യ്‌ക്കു​ക​യും വേണം. ദീർഘ​കാ​ല​ത്തേക്ക്‌ അപ്രകാ​രം ചെയ്യാൻ നിങ്ങൾ ഒരുങ്ങി​യി​ട്ടു​ണ്ടോ? ദിവസേന വീട്ടു​കാ​ര്യ​ങ്ങൾ ശ്രദ്ധി​ക്കാ​നും ഭക്ഷണം പാകം ചെയ്യാ​നും കുട്ടി​കളെ നോക്കാ​നും ഒക്കെ പ്രാപ്‌ത​യാ​ണോ നിങ്ങൾ?—എഫെസ്യർ 5:22-25, 28-31; 1 തിമൊ​ഥെ​യൊസ്‌ 5:8.

ഒരു ദൃഷ്ടാന്തം പരിചി​ന്തി​ക്കുക: വീട്ടിലെ കാർ ഓടി​ക്കുക എന്നത്‌ പാശ്ചാത്യ നാടു​ക​ളി​ലെ യുവ​പ്രാ​യ​ക്കാ​രു​ടെ സ്വപ്‌ന​മാണ്‌. എന്നാൽ അതിന്‌ അനുവാ​ദം ലഭിക്കു​ന്ന​തി​നു മുമ്പ്‌ അവർ എന്തു ചെയ്യണം? മിക്ക രാജ്യ​ങ്ങ​ളി​ലും, വണ്ടി ഓടി​ക്കാൻ ലൈസൻസ്‌ ലഭിക്കു​ന്ന​തി​നു മുമ്പ്‌ നിങ്ങൾ ആവശ്യ​മായ പരിശീ​ലനം നേടു​ക​യും ടെസ്റ്റിൽ വിജയി​ക്കു​ക​യും വേണം. കാരണം? വാഹനം ഓടി​ക്കു​ന്നത്‌ ഗൗരവ​മുള്ള ഒരു ചുമത​ല​യാണ്‌. സ്റ്റിയറിങ്‌ കയ്യി​ലെ​ടു​ത്താൽ നിങ്ങളു​ടെ​യും മറ്റുള്ള​വ​രു​ടെ​യും ജീവൻ നിങ്ങളു​ടെ കയ്യിലാണ്‌. വിവാ​ഹ​വും അതു​പോ​ലെ​തന്നെ ഗൗരവ​മുള്ള ഒരു ഉത്തരവാ​ദി​ത്വ​മാണ്‌! കൗമാ​ര​പ്രാ​യ​ത്തി​ലുള്ള ഒരു വ്യക്തി​യെന്ന നിലയിൽ നിങ്ങൾക്ക്‌ ആ ഉത്തരവാ​ദി​ത്വം ഏറ്റെടു​ക്കാ​നുള്ള പ്രാപ്‌തി കൈവ​ന്നി​രി​ക്കില്ല. അതു​കൊണ്ട്‌, ഡേറ്റി​ങ്ങിൽ ഏർപ്പെ​ടാ​നുള്ള പ്രലോ​ഭ​നത്തെ ചെറു​ക്കു​ന്ന​താ​യി​രി​ക്കും ബുദ്ധി. കാരണം അത്‌, വിവാഹ ഇണയെ കണ്ടെത്തു​ന്ന​തി​ലേ​ക്കുള്ള ഒരു ചവിട്ടു​പ​ടി​യാണ്‌. ചുരുക്കി പറഞ്ഞാൽ, വിവാ​ഹ​ത്തിന്‌ ഒരുങ്ങി​യി​ട്ടി​ല്ലെ​ങ്കിൽ നിങ്ങൾ ഡേറ്റി​ങ്ങിൽ ഏർപ്പെ​ടാൻ പാടു​ള്ളതല്ല.

ഇക്കാര്യ​ത്തിൽ ജ്ഞാനപൂർവ​ക​മായ ഒരു തീരു​മാ​നം എടുക്കാൻ, നിങ്ങൾക്ക്‌ ബൈബിൾ പറയു​ന്ന​തു​പോ​ലെ, “പരിജ്ഞാ​ന​വും വകതി​രി​വും” ആവശ്യ​മാണ്‌. (സദൃശ​വാ​ക്യ​ങ്ങൾ 1:4) അതു​കൊണ്ട്‌, നിങ്ങ​ളെ​ക്കാൾ പ്രായ​മുള്ള ആരു​ടെ​യെ​ങ്കി​ലും ജ്ഞാനവും അനുഭ​വ​പ​രി​ച​യ​വും പ്രയോ​ജ​ന​പ്പെ​ടു​ത്തു​ന്നതു നന്നായി​രി​ക്കും. നിങ്ങൾക്ക്‌ വിവാ​ഹ​പ്രാ​യ​മാ​യി​ട്ടു​ണ്ടോ എന്നു വിലയി​രു​ത്തു​ന്ന​തിൽ നിങ്ങളെ സഹായി​ക്കാൻ ഏറ്റവും പറ്റിയ സ്ഥാനത്ത്‌ ആയിരി​ക്കു​ന്നത്‌ സാധാ​ര​ണ​ഗ​തി​യിൽ ക്രിസ്‌തീയ മാതാ​പി​താ​ക്ക​ളാണ്‌. ക്രിസ്‌തീയ സഭയിലെ പക്വത​യുള്ള അംഗങ്ങ​ളു​ടെ ഉപദേശം സ്വീക​രി​ക്കു​ന്ന​തും ബുദ്ധി​യാ​യി​രി​ക്കും. നിങ്ങൾ ഡേറ്റി​ങ്ങിൽ ഏർപ്പെ​ടു​ന്നത്‌ മാതാ​പി​താ​ക്കൾക്കു സ്വീകാ​ര്യ​മ​ല്ലെ​ങ്കിൽ അവരു​മാ​യി സഹകരി​ക്കു​ന്ന​താ​യി​രി​ക്കും നല്ലത്‌. കാരണം, “വിപത്തു നീക്കിക്കള”യാൻ നിങ്ങളെ സഹായി​ക്കുക എന്നതാണ്‌ അവരുടെ ആഗ്രഹം.—സഭാ​പ്ര​സം​ഗി 11:10, NW.

നിങ്ങൾക്ക്‌ ഡേറ്റി​ങ്ങിൽ ഏർപ്പെ​ടാൻ പ്രായ​മാ​യി​ട്ടി​ല്ലെന്ന്‌ അവർക്കു തോന്നു​ന്നെ​ങ്കിൽ, മുഴു ശ്രദ്ധയും ഒരാളിൽത്തന്നെ കേന്ദ്രീ​ക​രി​ക്കു​ന്ന​തി​നു പകരം നിങ്ങളു​ടെ സുഹൃ​ദ്വ​ലയം വലുതാ​ക്കാൻ അവർ നിർദേ​ശി​ച്ചേ​ക്കാം. വിവാ​ഹി​ത​രും അവിവാ​ഹി​ത​രും പ്രായ​മാ​യ​വ​രും ചെറു​പ്പ​ക്കാ​രും അതു​പോ​ലെ​തന്നെ നിങ്ങളു​ടെ സമപ്രാ​യ​ക്കാ​രും ഒത്തുള്ള സഹവാ​സ​ത്തിന്‌ നിങ്ങളു​ടെ വ്യക്തി​ത്വ​ത്തെ നന്നായി രൂപ​പ്പെ​ടു​ത്താ​നും ജീവി​ത​ത്തെ​യും വിവാ​ഹ​ത്തെ​യും കുറിച്ച്‌ യാഥാർഥ്യ​ബോ​ധ​ത്തോ​ടു കൂടിയ ഒരു വീക്ഷണം നേടി​യെ​ടു​ക്കാ​നും നിങ്ങളെ സഹായി​ക്കാൻ കഴിയും.

മേൽപ്പറഞ്ഞ രീതി​യി​ലുള്ള കാത്തി​രിപ്പ്‌ എളുപ്പ​മാ​യി​രി​ക്കില്ല. എന്നാൽ അതു തക്ക മൂല്യ​മു​ള്ള​താണ്‌. പക്വത​യും ഉത്തരവാ​ദി​ത്വ​ബോ​ധ​വും ഉള്ള ഒരു പുരുഷൻ അല്ലെങ്കിൽ സ്‌ത്രീ ആയി വളർച്ച പ്രാപി​ക്കേ​ണ്ട​തിന്‌ “നവയൗവ്വന”കാലം പ്രയോ​ജ​ന​പ്പെ​ടു​ത്തു​ക​വഴി നിങ്ങൾക്ക്‌ ഒട്ടേറെ പ്രശ്‌നങ്ങൾ ഒഴിവാ​ക്കാൻ സാധി​ക്കും. കാരണം, വിവാ​ഹ​ജീ​വി​ത​ത്തി​ലെ സമ്മർദ​ങ്ങ​ളും ഉത്തരവാ​ദി​ത്വ​ങ്ങ​ളും കൈകാ​ര്യം ചെയ്യാൻ പ്രാപ്‌തി​യുള്ള ഒരു വ്യക്തി​യാ​യി നിങ്ങൾ വളർന്നു കഴിഞ്ഞി​രി​ക്കും. മാത്രമല്ല, ഒരു ആത്മീയ വ്യക്തി​യാ​യി വളരാ​നും നിങ്ങൾക്കു സമയം ലഭിച്ചി​രി​ക്കും. അങ്ങനെ, ഒടുവിൽ ഡേറ്റി​ങ്ങി​നുള്ള പ്രായ​മാ​കു​മ്പോൾ നിങ്ങളെ അടുത്ത​റി​യാൻ പലരും ആഗ്രഹി​ച്ചെ​ന്നു​വ​രും. (g01 12/22)

[അടിക്കു​റി​പ്പു​കൾ]

[14-ാം പേജിലെ ചിത്രം]

പ്രേമപ്രകടനങ്ങൾ മിക്ക​പ്പോ​ഴും കുഴപ്പ​ങ്ങ​ളി​ലേക്കു നയിക്കു​ന്നു