ലോകത്തെ വീക്ഷിക്കൽ

ആരാധ​നാ​ല​യ​ങ്ങ​ളി​ലെ കവർച്ച

“നിയമം കൂടുതൽ കർശന​മാ​ക്കി​യി​ട്ടും യൂറോ​പ്പി​ലെ ആരാധ​നാ​ല​യ​ങ്ങ​ളി​ലെ കവർച്ച​കൾക്കും മോഷണ വസ്‌തു​ക്ക​ളു​ടെ കൈമാ​റ്റ​ത്തി​ലും കുറവു വന്നിട്ടില്ല” എന്ന്‌ ഫ്രഞ്ച്‌ വർത്തമാ​ന​പ്പ​ത്ര​മായ ലാ ക്രവാ പറയുന്നു. കുരി​ശു​കൾ, ഫർണിച്ചർ, സ്വർണം​കൊ​ണ്ടും വെള്ളി​കൊ​ണ്ടു​മുള്ള ഉരുപ്പ​ടി​കൾ, പ്രതി​മകൾ, ഛായാ​ചി​ത്രങ്ങൾ, എന്തിന്‌ അൾത്താ​രകൾ പോലും കളവു പോകുന്ന വസ്‌തു​ക്ക​ളിൽ പെടുന്നു. ‘കാഴ്‌ച​ബം​ഗ്ലാ​വു​ക​ളു​ടെ അന്താരാ​ഷ്‌ട്ര സമിതി’യുടെ കണക്കു പ്രകാരം സമീപ വർഷങ്ങ​ളിൽ ചെക്ക്‌ റിപ്പബ്ലി​ക്കിൽ 30,000-ത്തിനും 40,000-ത്തിനും ഇടയ്‌ക്ക്‌ വസ്‌തു​ക്കൾ മോഷ്ടി​ക്ക​പ്പെ​ട്ടി​രി​ക്കു​ന്നു, ഇറ്റലി​യി​ലാ​ണെ​ങ്കിൽ 88,000-ത്തിൽ അധിക​വും. 87 കത്തീ​ഡ്ര​ലു​കൾ ഉള്ള ഫ്രാൻസും കള്ളന്മാർ നോട്ട​മി​ടുന്ന ഒരു മുഖ്യ സ്ഥാനമാണ്‌. “ചരിത്ര സ്‌മാ​ര​ക​ങ്ങ​ളാ​യി” വീക്ഷി​ക്ക​പ്പെ​ട്ടി​രുന്ന ഏതാണ്ട്‌ 2,000 വസ്‌തു​ക്കൾ 1907-നും 1996-നും ഇടയ്‌ക്ക്‌ ഫ്രാൻസി​ലെ മതസ്ഥാ​പ​ന​ങ്ങ​ളിൽനി​ന്നു മോഷണം പോയി​രി​ക്കു​ന്നു. അവയിൽ 10 ശതമാ​ന​ത്തിൽ താഴെ വസ്‌തു​ക്കൾ മാത്രമേ കണ്ടെടു​ക്കാൻ കഴിഞ്ഞി​ട്ടു​ള്ളൂ. പള്ളിക​ളിൽ കയറി​പ്പ​റ്റാൻ എളുപ്പ​മാ​യ​തു​കൊ​ണ്ടും പള്ളിപ്പ​രി​സ​ര​ങ്ങ​ളിൽ വേണ്ടത്ര കാവൽ സംവി​ധാ​നങ്ങൾ ഇല്ലാത്ത​തു​കൊ​ണ്ടും ഇത്തരം മോഷ​ണങ്ങൾ നിയ​ന്ത്രി​ക്കുക പ്രയാ​സ​മാണ്‌. (g01 12/08)

മൂങ്ങയു​ടെ മൂളലിൽനിന്ന്‌ അതിന്റെ ആരോ​ഗ്യം അളക്കാം

തവിട്ടു നിറമുള്ള മൂങ്ങയു​ടെ മൂളൽ അതിന്റെ ആരോ​ഗ്യ​സ്ഥി​തി വെളി​പ്പെ​ടു​ത്തു​ന്നു എന്ന്‌ ദി ഇക്കണോ​മിസ്റ്റ്‌ പറയുന്നു. “ബ്രിട്ടന്റെ ‘സെന്റർ ഫോർ ഇക്കോ​ളജി ആൻഡ്‌ ഹൈ​ഡ്രോ​ളജി’യിലെ സ്റ്റീവൻ റെഡ്‌പാ​ത്തും സഹപ്ര​വർത്ത​ക​രും വടക്കേ ഇംഗ്ലണ്ടി​ലെ കിൽഡർ വനത്തിലെ തവിട്ടു നിറമുള്ള 22 മൂങ്ങകളെ പഠനവി​ധേ​യ​മാ​ക്കി.” ഗവേഷകർ “ഒരു അപരി​ചിത ആൺ മൂങ്ങയു​ടെ ശബ്ദം റെക്കോർഡ്‌ ചെയ്‌ത്‌ ഉച്ചത്തിൽ കേൾപ്പി​ച്ചു. എന്നിട്ട്‌, പഠനവി​ധേ​യ​മാ​ക്കി​യി​രി​ക്കുന്ന മൂങ്ങകൾ ഈ വെല്ലു​വി​ളി​യോ​ടു പ്രതി​ക​രി​ക്കാൻ എടുക്കുന്ന സമയം അവർ അളന്നു.” രക്തത്തിൽ കൂടുതൽ പരാദങ്ങൾ ഉണ്ടായി​രുന്ന മൂങ്ങകൾ പ്രതി​ക​രി​ക്കാൻ കൂടുതൽ സമയം എടുത്തു—ഏറ്റവും അധികം പരാദങ്ങൾ ഉണ്ടായി​രു​ന്നവ പരാദങ്ങൾ ഇല്ലായി​രുന്ന മൂങ്ങകൾ എടുത്ത​തി​ന്റെ ഇരട്ടി​യി​ല​ധി​കം സമയം എടുത്തു. കൂടാതെ, അവയ്‌ക്ക്‌ ആരോ​ഗ്യ​മുള്ള പക്ഷിക​ളെ​ക്കാൾ ശബ്ദം കുറവാ​യി​രു​ന്നു. “അങ്ങനെ, മൂങ്ങകൾ അറിയാ​തെ​തന്നെ തങ്ങളുടെ ആരോ​ഗ്യ​സ്ഥി​തി വിളി​ച്ച​റി​യി​ക്കു​ക​യാണ്‌,” ദി ഇക്കണോ​മിസ്റ്റ്‌ പറയുന്നു. (g01 12/22)

ലണ്ടനു ഭീഷണി ഉയർത്തുന്ന ജലനി​രപ്പ്‌

ലണ്ടനിൽ, “ഭൂമി​ക്ക​ടി​യി​ലെ വെള്ളം [നഗരത്തെ] മുക്കി​ക്ക​ള​യു​മെന്ന കാരണ​ത്താൽ അതു മുകളി​ലേക്ക്‌ അടിച്ചു കയറ്റു​ന്ന​തിന്‌ കുഴൽക്കി​ണ​റു​കൾ കുഴി​ക്കു​ക​യാണ്‌” എന്ന്‌ ദി ഇക്കോ​ണ​മിസ്റ്റ്‌ റിപ്പോർട്ടു ചെയ്യുന്നു. കഴിഞ്ഞ നൂറ്റാ​ണ്ടി​ന്റെ ആദ്യം വ്യാവ​സാ​യിക ആവശ്യ​ങ്ങൾക്കാ​യി കോടി​ക്ക​ണ​ക്കി​നു ലിറ്റർ ഭൂഗർഭ ജലം ഉപയോ​ഗി​ച്ചി​രുന്ന സമയത്ത്‌ ട്രാഫൽഗാർ സ്‌ക്വ​യ​റി​ന്റെ ഭൂനി​ര​പ്പിന്‌ 93 മീറ്റർ താഴെ​യാ​യി​രുന്ന ഭൂഗർഭ ജലവി​താ​നം ഇപ്പോൾ ഉയർന്ന്‌ വെറും 40 മീറ്റർ താഴെ ആയിരി​ക്കു​ന്നു. ഓരോ വർഷവും ഏതാണ്ട്‌ 3 മീറ്റർ എന്ന തോതിൽ അത്‌ ഉയർന്നു​കൊ​ണ്ടി​രി​ക്കു​ക​യാണ്‌. ലണ്ടന്റെ ഭൂഗർഭ റെയിൽവേ സംവി​ധാ​നം, കിലോ​മീ​റ്റ​റു​ക​ളോ​ളം വരുന്ന ഭൂഗർഭ വയറിങ്‌, കെട്ടി​ട​ങ്ങ​ളു​ടെ അടിത്ത​റകൾ എന്നിവയെ ഇതു സാരമാ​യി ബാധി​ച്ചേ​ക്കാം. ഏകദേശം 50 കുഴൽക്കി​ണ​റു​കൾ കുഴി​ക്കേണ്ടി വരു​മെന്നു കണക്കാ​ക്ക​പ്പെ​ടു​ന്നു. “ലണ്ടനിൽ ഇപ്പോൾ ദിവസേന ഏകദേശം [5 കോടി ലിറ്റർ] വെള്ളം ഭൂമി​ക്ക​ടി​യിൽനി​ന്നു മുകളി​ലേക്ക്‌ അടിച്ചു കയറ്റു​ന്നു​ണ്ടെന്ന്‌ ‘പരിസ്ഥി​തി ഏജൻസി’ കണക്കാ​ക്കുന്ന”തായി മാസിക പറയുന്നു. എന്നാൽ സ്ഥിതി നിയ​ന്ത്ര​ണാ​ധീ​ന​മാ​ക​ണ​മെ​ങ്കിൽ പത്തു വർഷത്തി​നകം ആ അളവ്‌ ഇരട്ടി​യാ​ക്കേണ്ടി വരും. (g01 12/08)

അശ്ലീല വ്യവസാ​യം

“ഫുട്‌ബോൾ, ബാസ്‌ക​റ്റ്‌ബോൾ, ബേസ്‌ബോൾ വ്യവസാ​യങ്ങൾ ഒരുമി​ച്ചെ​ടു​ത്താൽ ഉള്ളതി​നെ​ക്കാൾ വലിയ ഒരു വ്യവസാ​യ​മാണ്‌ അശ്ലീലം. സിനിമാ ടിക്കറ്റു​കൾക്കും മറ്റെല്ലാ​ത്തരം കലാ​പ്ര​ക​ട​ന​ങ്ങ​ളു​ടെ ആസ്വാ​ദ​ന​ത്തി​നും ചെലവ​ഴി​ക്കു​ന്ന​തി​നെ​ക്കാൾ പണം അമേരി​ക്ക​യിൽ ഓരോ വർഷവും അശ്ലീല​ത്തി​നാ​യി ആളുകൾ ചെലവ​ഴി​ക്കു​ന്നു” എന്ന്‌ ദ ന്യൂ​യോർക്ക്‌ ടൈംസ്‌ മാഗസിൻ റിപ്പോർട്ടു ചെയ്യുന്നു. ടെലി​വി​ഷ​നി​ലെ​യും റേഡി​യോ​യി​ലെ​യും അശ്ലീലം, കൂടുതൽ പണം കൊടു​ത്താൽ കാണാ​നാ​കുന്ന കേബിൾ ടെലി​വി​ഷ​നി​ലെ​യും സാറ്റ​ലൈറ്റ്‌ ചാനലു​ക​ളി​ലെ​യും സിനി​മകൾ, ഇന്റർനെറ്റ്‌ വെബ്‌ സൈറ്റു​കൾ, ഹോട്ട​ലു​ക​ളിൽ താമസ​ക്കാർക്കാ​യി പ്രത്യേ​കം ഇട്ടു​കൊ​ടു​ക്കുന്ന സിനി​മകൾ, ടെലി​ഫോൺ ലൈം​ഗി​കത, ലൈം​ഗിക ഉത്തേജ​ന​ത്തി​നാ​യി ഉപയോ​ഗി​ക്കുന്ന വസ്‌തു​ക്കൾ . . . മാസി​കകൾ, ഇവയെ​ല്ലാം കൂട്ടി​യാൽ പ്രതി​വർഷം 1,000 കോടി ഡോള​റി​നും 1,400 കോടി ഡോള​റി​നും മധ്യേ വരുന്ന ഒരു വ്യവസാ​യ​മാണ്‌ അശ്ലീലം.” ലേഖനം ഇങ്ങനെ കൂട്ടി​ച്ചേർക്കു​ന്നു: “1,000 കോടി ഡോള​റി​ന്റെ അശ്ലീല വ്യവസാ​യത്തെ മേലാൽ ഒരു മുഖ്യ ബിസി​ന​സി​നോ​ടൊ​പ്പം—60 കോടി ഡോള​റി​ന്റെ ബ്രോ​ഡ്‌വേ നാടക വ്യവസാ​യം പോലുള്ള ഒന്ന്‌—നീങ്ങുന്ന സൈഡ്‌ ബിസി​നസ്‌ എന്നു വിശേ​ഷി​പ്പി​ക്കാ​നാ​വില്ല, അതാണ്‌ മുഖ്യ ബിസി​നസ്‌.” ഉദാഹ​ര​ണ​ത്തിന്‌ കഴിഞ്ഞ വർഷം ഹോളി​വുഡ്‌ 400 പുതിയ സിനി​മകൾ പുറത്തി​റ​ക്കി​യ​പ്പോൾ അശ്ലീല വ്യവസാ​യം ‘എ’ സർട്ടി​ഫി​ക്കറ്റ്‌ ഉള്ള 11,000 വീഡി​യോ​കൾ നിർമി​ച്ചു. എന്നാൽ അവ കാണു​ന്നു​ണ്ടെന്നു സമ്മതി​ക്കുന്ന അമേരി​ക്ക​ക്കാ​രെ കണ്ടെത്തുക പ്രയാ​സ​മാണ്‌. ടൈംസ്‌ പറയുന്നു, “അശ്ലീല വ്യവസാ​യം പോലുള്ള ഒരു ബിസി​നസ്‌ വേറെ​യില്ല. ആരും കാണാത്ത, എന്നാൽ അത്ഭുത​ക​ര​മാ​യി തുടർന്നും ഓടി​ക്കൊ​ണ്ടി​രി​ക്കുന്ന ഏക പ്രദർശ​ന​മാണ്‌ അത്‌.” (g01 12/08)

കുട്ടിക്കു വായി​ച്ചു​കൊ​ടു​ക്കു​ന്ന​തി​ന്റെ പ്രയോ​ജ​ന​ങ്ങൾ

“അച്ഛനും അമ്മയും മനസ്സോ​ടെ വായി​ക്കു​ന്നതു കാണു​മ്പോൾ [കുട്ടികൾ] അവരെ അനുക​രി​ക്കാൻ ശ്രമി​ക്കു​ന്നു” എന്ന്‌ പോളിഷ്‌ വാരി​ക​യായ പ്‌ച്ചി​യാ​ച്ചൂക്ക പറയുന്നു. കുട്ടികൾ വളരെ​യ​ധി​കം സമയം  ടിവി​യു​ടെ മുമ്പിൽ ചെലവ​ഴി​ക്കുന്ന ഈ യുഗത്തിൽ അവർക്കു പുസ്‌ത​കങ്ങൾ വായി​ച്ചു​കൊ​ടു​ക്കു​ന്ന​തും അവയിലെ ചിത്ര​ങ്ങ​ളി​ലേക്കു ശ്രദ്ധ തിരി​ക്കു​ന്ന​തും അവ വിശദീ​ക​രി​ച്ചു കൊടു​ക്കു​ന്ന​തു​മൊ​ക്കെ വളരെ പ്രയോ​ജനം ചെയ്യു​മെന്ന്‌ ലേഖനം അഭി​പ്രാ​യ​പ്പെ​ടു​ന്നു. രണ്ടു വയസ്സു മാത്ര​മുള്ള കുട്ടി​കൾക്കു പോലും അതു ഗുണം ചെയ്യും. വായിച്ച ഭാഗം കുട്ടിക്കു മനസ്സി​ലാ​യോ ഇല്ലയോ എന്നറി​യാ​നാ​യി മാതാ​പി​താ​ക്കൾക്ക്‌ അതിൽനി​ന്നു ചില ചോദ്യ​ങ്ങൾ കുട്ടി​യോ​ടു ചോദി​ക്കാ​നാ​കും. “പെട്ടെന്ന്‌ അവനു ബോറ​ടി​ക്കു​ന്നെ​ങ്കിൽ . . . വിവര​ണാ​ത്മ​ക​മായ ആംഗ്യങ്ങൾ ഉപയോ​ഗി​ച്ചും സ്വരത്തിൽ ഭേദഗതി വരുത്തി​യും വായന ജീവസു​റ്റ​താ​ക്കാൻ ശ്രമി​ക്കുക.” കുട്ടിക്കു താത്‌പ​ര്യ​മു​ള്ളത്‌ എന്തിലാ​ണെന്നു മനസ്സി​ലാ​ക്കി അവയെ കുറിച്ച്‌ അവനോ​ടു സംസാ​രി​ക്കാൻ മാതാ​പി​താ​ക്കളെ പ്രോ​ത്സാ​ഹി​പ്പി​ച്ചി​രി​ക്കു​ന്നു. “നിങ്ങൾ കുട്ടി​യാ​യി​രു​ന്ന​പ്പോൾ ഏറ്റവും ഇഷ്ടപ്പെ​ട്ടി​രുന്ന പുസ്‌ത​ക​ങ്ങളെ കുറിച്ചു സംസാ​രി​ക്കുക, താത്‌പ​ര്യ​ജ​ന​ക​മായ ചില പുസ്‌ത​ക​ങ്ങ​ളു​ടെ പേരുകൾ നിർദേ​ശി​ക്കുക. . . . കുട്ടി സ്വന്തമാ​യി വായി​ക്കാൻ പഠിച്ചു​ക​ഴി​ഞ്ഞാ​ലും അവനു വായി​ച്ചു​കൊ​ടു​ക്കു​ന്നതു നിറു​ത്തി​ക്ക​ള​യ​രുത്‌” എന്ന്‌ പ്‌ച്ചി​യാ​ച്ചൂക്ക പറയുന്നു. “ചില​പ്പോൾ കുട്ടിയെ പ്രചോ​ദി​പ്പി​ക്കു​ന്ന​തിന്‌ ആദ്യത്തെ ഏതാനും പേജുകൾ വായി​ച്ചു​കൊ​ടു​ത്താൽ മതിയാ​കും, ബാക്കി ഭാഗം അവൻ തനിയെ സന്തോ​ഷ​പൂർവം വായിച്ചുതീർത്തുകൊള്ളും.”(g01 12/22)

ക്ഷീരോ​ത്‌പാ​ദ​ന​ത്തിൽ ഒന്നാം സ്ഥാനം

ഇപ്പോൾ ക്ഷീരോ​ത്‌പാ​ദ​ന​ത്തിൽ മുൻപ​ന്തി​യിൽ നിൽക്കുന്ന രാഷ്‌ട്രം ഇന്ത്യയാ​ണെന്ന്‌ ദ ഹിന്ദു​സ്ഥാൻ ടൈംസ്‌ പറയുന്നു. “പരിസ്ഥി​തി കേന്ദ്രീ​കൃത വേൾഡ്‌വാച്ച്‌ ഇൻസ്റ്റി​റ്റ്യൂട്ട്‌ [വാഷി​ങ്‌ടൺ, ഡി.സി.] ഇന്ത്യയു​ടെ ഈ ക്ഷീര വിപ്ലവത്തെ പ്രശം​സി​ച്ചി​രി​ക്കു​ന്നു” എന്ന്‌ റിപ്പോർട്ടു പറയുന്നു. “1994 മുതൽ പാലാണ്‌ ഇന്ത്യയു​ടെ മുഖ്യ കാർഷി​കോ​ത്‌പന്നം. 1997-ൽ യു.എസ്‌-നെ കടത്തി​വെട്ടി അത്‌ ലോക​ത്തി​ലെ ഏറ്റവു​മ​ധി​കം പാൽ ഉത്‌പാ​ദി​പ്പി​ക്കുന്ന രാഷ്‌ട്രം ആയിത്തീർന്നു.” വേൾഡ്‌വാച്ച്‌ ഇൻസ്റ്റി​റ്റ്യൂ​ട്ടി​ന്റെ ചെയർമാൻ ലെസ്റ്റർ ബ്രൗണി​നെ ഉദ്ധരി​ച്ചു​കൊണ്ട്‌ റിപ്പോർട്ട്‌ ഇങ്ങനെ പറഞ്ഞു: “കാലി​ത്തീ​റ്റ​യാ​യി ധാന്യങ്ങൾ ഉപയോ​ഗി​ക്കാ​തെ, കാർഷിക ഉപോ​ത്‌പ​ന്ന​ങ്ങ​ളും വിള​വെ​ടു​പ്പി​നെ തുടർന്ന്‌ അവശേ​ഷി​ക്കുന്ന സസ്യ ഭാഗങ്ങ​ളും ഉപയോ​ഗി​ച്ചു​തന്നെ ഈ നേട്ടം കൈവ​രി​ച്ചു എന്നതാണു ശ്രദ്ധേയം. മനുഷ്യ ഉപഭോ​ഗ​ത്തി​നാ​യുള്ള ധാന്യം കാലി​ത്തീ​റ്റ​യാ​യി ഉപയോ​ഗി​ക്കാ​തെ​തന്നെ പ്രോ​ട്ടീൻ ഉത്‌പാ​ദനം വർധി​പ്പി​ക്കാൻ ഇന്ത്യക്കു കഴിഞ്ഞിരിക്കുന്നു.”(g01 12/22)

കുപ്പി വെള്ളമോ പൈപ്പു വെള്ളമോ?

“കുപ്പി വെള്ളം വളരെ ജനപ്രീ​തി ആർജി​ച്ചി​രി​ക്കു​ന്ന​തി​നാൽ ഇപ്പോൾ 700-ലധികം ബ്രാൻഡു​കൾ ലോക​വ്യാ​പ​ക​മാ​യി ഉത്‌പാ​ദി​പ്പി​ക്ക​പ്പെ​ടു​ന്നു” എന്ന്‌ ദ ന്യൂ​യോർക്ക്‌ ടൈംസ്‌ റിപ്പോർട്ടു ചെയ്യുന്നു. എന്നിരു​ന്നാ​ലും “മിക്ക​പ്പോ​ഴും പൈപ്പു വെള്ളവും വില കൂടിയ കുപ്പി വെള്ളവും തമ്മിലുള്ള ഏക വ്യത്യാ​സം രണ്ടാമ​ത്തേത്‌ കുപ്പി​യിൽ കിട്ടു​ന്നു​വെ​ന്നതു മാത്ര​മാണ്‌.” ‘ആഗോള പ്രകൃതി സംരക്ഷണ നിധി’ ചൂണ്ടി​ക്കാ​ണി​ക്കു​ന്നതു പോലെ “പല രാജ്യ​ങ്ങ​ളി​ലും കുപ്പി​യിൽ കിട്ടുന്ന വെള്ളം പൈപ്പു വെള്ള​ത്തെ​ക്കാൾ സുരക്ഷി​ത​മോ ആരോ​ഗ്യ​ക​ര​മോ അല്ലായി​രി​ക്കാ​മെ​ങ്കി​ലും 1,000 ഇരട്ടി വിലയ്‌ക്കു​വരെ അതു വിൽക്ക​പ്പെ​ടു​ന്നു.” പൈപ്പു വെള്ളം ഉപയോ​ഗി​ക്കു​ന്നത്‌ പണം ലാഭി​ക്കു​ന്ന​തി​നു മാത്രമല്ല പരിസ്ഥി​തി സംരക്ഷ​ണ​ത്തി​നും ഉതകുന്നു. കാരണം വെള്ളം നിറയ്‌ക്കു​ന്ന​തി​നുള്ള കുപ്പികൾ ഉണ്ടാക്കു​ന്ന​തി​നാ​യി ഓരോ വർഷവും 15 ലക്ഷം ടൺ പ്ലാസ്റ്റി​ക്കാണ്‌ ഉപയോ​ഗി​ക്കു​ന്നത്‌. “കുപ്പികൾ നിർമി​ക്കു​മ്പോ​ഴും നശിപ്പി​ച്ചു കളയു​മ്പോ​ഴും പുറന്ത​ള്ള​പ്പെ​ടുന്ന രാസ വിഷങ്ങൾ, കാലാ​വസ്ഥാ വ്യതി​യാ​ന​ത്തിന്‌ ഇടയാ​ക്കുന്ന വാതകങ്ങൾ ഉത്‌പാ​ദി​പ്പി​ച്ചേ​ക്കാം.” ‘ആഗോള പ്രകൃതി സംരക്ഷണ നിധി’യുടെ ശുദ്ധജല പദ്ധതി​യു​ടെ തലവനായ ഡോ. ബിക്ഷം ഗൂജ പറയു​ന്ന​ത​നു​സ​രിച്ച്‌ “യൂറോ​പ്പി​ലും ഐക്യ​നാ​ടു​ക​ളി​ലും കുപ്പി​വെള്ള വ്യവസാ​യ​ത്തി​നു ബാധക​മാ​കു​ന്ന​തി​നെ​ക്കാൾ കൂടുതൽ മാനദ​ണ്ഡങ്ങൾ പൈപ്പു വെള്ളത്തി​നു ബാധകമാകുന്നുണ്ട്‌.”(g01 12/08)

മലിന​മായ പണം

“കറൻസി നോട്ടു​കൾ ബാക്ടീ​രി​യ​യെ​ക്കൊണ്ട്‌ നിറഞ്ഞി​രി​ക്കു​ക​യാണ്‌” എന്ന്‌ കാനഡ​യി​ലെ ദ ഗ്ലോബ്‌ ആൻഡ്‌ മെയിൽ പറയുന്നു. ഐക്യ​നാ​ടു​ക​ളിൽ അടുത്ത​കാ​ലത്ത്‌ നടത്തിയ ഗവേഷണം കാണി​ച്ചത്‌ ഉപയോ​ഗ​ത്തി​ലുള്ള ഏതാണ്ട്‌ എല്ലാ നോട്ടു​ക​ളും​തന്നെ സ്‌​ട്രെ​പ്‌റ്റൊ​ക്കോ​ക്കസ്‌, എന്റെ​റോ​ബാ​ക്ടർ, സ്യൂ​ഡോ​മോ​ണാസ്‌ തുടങ്ങി പലതരം അണുക്ക​ളാൽ മലിന​മാണ്‌ എന്നാണ്‌. ഈ അണുക്കൾ “ദുർബ​ല​മായ പ്രതി​രോധ വ്യവസ്ഥ​യുള്ള വൃദ്ധർക്കും എച്ച്‌ഐവി-എയ്‌ഡ്‌സ്‌ രോഗി​കൾക്കും മറ്റും ഭീഷണി​യാ​യേ​ക്കാം” എന്ന്‌ ദ ഗ്ലോബ്‌ പറയുന്നു. ചില നോട്ടു​ക​ളിൽ ഇവയെ​ക്കാൾ അപകട​ക​ര​മായ ബാക്ടീ​രിയ ഉണ്ട്‌. അക്ഷരീ​യ​മാ​യി​ത്തന്നെ “പണം കഴുകു​ന്ന​തിന്‌” സമയം ആയിരി​ക്കു​ന്നു​വെന്ന്‌ ഗവേഷകർ പറയുന്നു. ജപ്പാനി​ലെ ഉപഭോ​ക്താ​ക്കൾക്ക്‌ ഇപ്പോൾത്തന്നെ വൃത്തി​യുള്ള ഓട്ടോ​മാ​റ്റിക്‌ ടെല്ലർ മെഷീ​നു​ക​ളിൽ”നിന്ന്‌ “200 ഡിഗ്രി സെൽഷ്യ​സു വരെ—പണം കരിച്ചു​ക​ള​യാ​തെ പല ബാക്ടീ​രി​യ​യെ​യും കൊല്ലാൻ കഴിയുന്ന ചൂട്‌—ചൂടാ​ക്കിയ യെൻ ലഭിക്കും.” ഗ്ലോബ്‌ ബുദ്ധി​യു​പ​ദേ​ശി​ക്കു​ന്നു: പണം കൈകാ​ര്യം ചെയ്‌തു​ക​ഴിഞ്ഞ്‌ “കൈ കഴുകുക!” (g01 12/22)

ഐക്യ​നാ​ടു​ക​ളിൽ മസ്‌ജി​ദു​ക​ളു​ടെ എണ്ണം പെരു​കു​ന്നു

രാജ്യത്തെ മുസ്ലീ​ങ്ങ​ളു​ടെ എണ്ണം വർധി​ക്കു​ന്നു​വെ​ന്ന​തി​ന്റെ സൂചക​മെന്ന നിലയിൽ “ആറു വർഷത്തി​നു​ള്ളിൽ ഐക്യ​നാ​ടു​ക​ളി​ലെ മുസ്ലീം പള്ളിക​ളു​ടെ എണ്ണത്തിൽ ഏതാണ്ട്‌ 25 ശതമാനം വർധന ഉണ്ടായി​രി​ക്കുന്ന”തായി ദ ന്യൂ​യോർക്ക്‌ ടൈംസ്‌ പറയുന്നു. അവിടെ ഇപ്പോൾ “1,200-ൽ അധികം മസ്‌ജി​ദു​കൾ ഉണ്ട്‌.” ജോർജ്‌ടൗൺ യൂണി​വേ​ഴ്‌സി​റ്റി​യി​ലെ മുസ്ലീം-ക്രിസ്‌ത്യൻ ധാരണ​യ്‌ക്കാ​യുള്ള കേന്ദ്ര​ത്തി​ന്റെ ഡയറക്ടർ ജോൺ എസ്‌പോ​സീ​റ്റോ കരുതുന്ന പ്രകാരം മുസ്ലീ​ങ്ങ​ളു​ടെ എണ്ണം ഇപ്പോൾ “40 ലക്ഷത്തി​നും 60 ലക്ഷത്തി​നും ഇടയ്‌ക്കു വരും.” നാല്‌ അമേരി​ക്കൻ ഇസ്ലാമിക സംഘട​നകൾ അടുത്ത​കാ​ലത്ത്‌ സ്‌പോൺസർ ചെയ്‌ത ഒരു പഠനം അനുസ​രിച്ച്‌ ഈ സംഖ്യ അതിലും അധിക​മാ​യി​രി​ക്കാം. എന്തായി​രു​ന്നാ​ലും “തുടർച്ച​യായ കുടി​യേ​റ്റ​വും മുസ്ലീം കുടും​ബ​ങ്ങ​ളു​ടെ വലിപ്പ​ക്കൂ​ടു​ത​ലും” ഈ വർധന തുടരു​ന്ന​തിന്‌ ഇടയാ​ക്കു​മെന്ന്‌ എസ്‌പോ​സീ​റ്റോ അഭി​പ്രാ​യ​പ്പെട്ടു. “ഏതാനും പതിറ്റാ​ണ്ടു​കൾക്കു​ള്ളിൽ ഇസ്ലാം അമേരി​ക്ക​യി​ലെ രണ്ടാമത്തെ വലിയ മതമാ​യി​ത്തീ​രും.” മസ്‌ജി​ദു​ക​ളിൽ ഹാജരാ​കു​ന്നവർ “ഏറിയ​പ​ങ്കും പുരു​ഷ​ന്മാ​രാണ്‌” എന്ന്‌ ടൈംസ്‌ പറയുന്നു. “ഭക്തർ വിവിധ വർഗക്കാ​രാണ്‌” എന്നും പഠനം കാണിച്ചു. “മൂന്നി​ലൊന്ന്‌ ദക്ഷിണ ഏഷ്യക്കാ​രും 30 ശതമാനം ആഫ്രിക്കൻ അമേരി​ക്ക​ക്കാ​രും 25 ശതമാനം അറബി​ക​ളും ആയിരു​ന്നു.” (g01 12/22)