ലോകത്തെ വീക്ഷിക്കൽ

ചായ വൈറ​സി​നെ​തി​രെ പ്രവർത്തി​ക്കു​ന്നു

“വിപണി​യിൽ ലഭ്യമായ ചായയു​ടെ വ്യത്യസ്‌ത ഇനങ്ങൾ വൈറ​സു​കളെ നിർവീ​ര്യ​മാ​ക്കു​ക​യോ നശിപ്പി​ക്കു​ക​യോ ചെയ്യുന്നു” എന്ന്‌ പരീക്ഷ​ണ​ശാ​ല​ക​ളി​ലെ പ്രാഥ​മിക പഠനങ്ങൾ കാണി​ക്കു​ന്നു​വെന്നു റോയി​റ്റേ​ഴ്‌സ്‌ ഹെൽത്ത്‌ ഇൻഫർമേഷൻ റിപ്പോർട്ടു ചെയ്യുന്നു. വിവി​ധ​തരം പച്ചത്തേ​യി​ല​യും കറുത്ത തേയി​ല​യും ഉപയോ​ഗിച്ച്‌ ഉണ്ടാക്കുന്ന ചൂടു​ള്ള​തോ ഐസി​ട്ട​തോ ആയ ചായ ഹെർപ്പിസ്‌ സിംപ്ല​ക്‌സ്‌ 1-ഉം 2-ഉം ടൈപ്പു​ക​ളും റ്റിവൺ വൈറ​സും (ബാക്‌റ്റീ​രി​യയെ ബാധി​ക്കു​ന്നത്‌) പോലുള്ള വൈറ​സു​കൾ ബാധിച്ച ജന്തുക​ല​ക​ളിൽ പരീക്ഷി​ച്ചു​നോ​ക്കി. “ഐസിട്ട ചായയും ചൂടു​ചാ​യ​യും ഏതാനും മിനി​ട്ടു​കൾക്കു​ള്ളിൽ [ഹെർപ്പിസ്‌] വൈറ​സി​നെ നശിപ്പി​ക്കു​ക​യോ നിർവീ​ര്യ​മാ​ക്കു​ക​യോ ചെയ്യുന്നു” എന്ന്‌ ന്യൂ​യോർക്കി​ലെ പെയ്‌സ്‌ യൂണി​വേ​ഴ്‌സി​റ്റി​യി​ലെ ഗവേഷകൻ ഡോ. മിൽട്ടൺ ഷിഫൻബൗർ പറയുന്നു. റ്റിവൺ വൈറ​സി​ന്റെ കാര്യ​ത്തി​ലും സമാന ഫലങ്ങൾ കാണു​ക​യു​ണ്ടാ​യി. ചായ ഈ വൈറ​സു​ക​ളു​ടെ അതിജീ​വ​നത്തെ രോധി​ക്കാ​നുള്ള കാരണം അറിവാ​യി​ട്ടി​ല്ലെ​ങ്കി​ലും, തീരെ കടുപ്പം കുറഞ്ഞ ചായ പോലും ഇതിൽ ഫലപ്ര​ദ​മാ​ണെന്നു ഗവേഷകർ കണ്ടെത്തി. ഈ കാര്യ​ത്തിൽ പച്ചത്തേ​യി​ല​യെ​ക്കാൾ മുന്തി​നി​ന്നത്‌ കറുത്ത തേയില ആയിരു​ന്നു. (g02 1/8)

 ഒച്ച കേൾപ്പിച്ച്‌ ഭക്ഷണം കഴിക്കു​ന്നതു സംബന്ധിച്ച വിവാദം

ഒച്ച കേൾപ്പിച്ച്‌ ഭക്ഷണം കഴിക്ക​ണ​മോ വേണ്ടയോ? ജപ്പാനി​ലെ പ്രസി​ദ്ധ​മായ നൂഡിൽ സൂപ്പ്‌ റെസ്റ്ററ​ന്റു​ക​ളിൽ എത്തുന്ന​വ​രെ​ങ്കി​ലും പരിചി​ന്തി​ക്കുന്ന ചോദ്യ​മാണ്‌ അത്‌. നീളമുള്ള നൂഡിൽസ്‌ ചൂടോ​ടെ സൂപ്പിന്റെ കൂട്ടത്തിൽ ഒച്ച കേൾപ്പി​ച്ചു കഴിക്കു​ന്ന​താണ്‌ വാസ്‌ത​വ​ത്തിൽ കൂടുതൽ രുചി​കരം എന്ന്‌ മധ്യവ​യ​സ്‌ക​രും പ്രായം ചെന്നവ​രു​മായ നിരവധി ജപ്പാൻകാർ കരുതു​ന്നു. ഇങ്ങനെ ഒച്ച കേൾപ്പി​ക്കു​ന്നതു സ്വാഭാ​വി​ക​മാ​ണെ​ന്നും ഒരുവൻ ഭക്ഷണം നന്നായി ആസ്വദി​ക്കു​ന്നു എന്നതിന്റെ സൂചന​യാ​ണെ​ന്നും അവർ കരുതു​ന്നു. എന്നാൽ പുത്തൻ ജാപ്പനീസ്‌ തലമു​റ​യ്‌ക്ക്‌ നൂഡിൽസ്‌ ഭോജ​ന​മ​ര്യാ​ദ സംബന്ധി​ച്ചു വ്യത്യ​സ്‌ത​മായ ഒരു വീക്ഷണ​മാണ്‌ ഉള്ളത്‌. ദ ജപ്പാൻ ടൈംസ്‌ ഇങ്ങനെ റിപ്പോർട്ടു ചെയ്യുന്നു: “തങ്ങളുടെ സിൽക്കു ടൈക​ളി​ലും [ഡി​സൈനർ] വസ്‌ത്ര​ങ്ങ​ളി​ലും മറ്റും സൂപ്പ്‌ വീഴി​ക്കാ​തി​രി​ക്കാൻ കൂടുതൽ ശ്രദ്ധയു​ള്ള​വ​രാണ്‌ ഇളം ജാപ്പനീസ്‌ തലമുറ. പാശ്ചാത്യ മര്യാ​ദ​ക​ള​നു​സ​രി​ച്ചു വളർന്നു​വ​ന്ന​വ​രും കൂടു​ത​ലാ​യും പാശ്ചാത്യ രീതി​യി​ലുള്ള ഒരു ഭക്ഷ്യ​ക്രമം ശീലി​ച്ച​വ​രു​മായ അവർ, മറ്റുള്ളവർ ഒച്ച കേൾപ്പി​ച്ചു കഴിക്കു​മ്പോൾ നീരസ​പ്പെ​ടാ​നാ​ണു സാധ്യത.” ഒച്ച കേൾപ്പി​ച്ചു കഴിക്കു​ന്നതു സംബന്ധി​ച്ചുള്ള ഈ പ്രശ്‌നം ജപ്പാന്റെ തലമു​റ​വി​ട​വി​ന്റെ ഒരു ഭാഗമാ​യി​രി​ക്കു​ക​യാണ്‌. പൊതു​സ്ഥ​ല​ത്തി​രുന്ന്‌ നൂഡിൽസ്‌ കഴിക്കു​മ്പോൾ നിശ്ശബ്ദത ഭേദി​ക്കാ​തി​രി​ക്കാൻ പ്രായം ചെന്നവ​രിൽ ചിലർ ഇപ്പോൾ ശ്രദ്ധാ​ലു​ക്ക​ളാണ്‌. ഈ പ്രശ്‌ന​ത്തിൽ പ്രായം ചെന്നവ​രു​ടെ പക്ഷത്തു നിന്നു​കൊണ്ട്‌ ജപ്പാനി​ലെ ഒരു പ്രമുഖ പത്രം ഇങ്ങനെ വിലപി​ച്ചു: “മേലാൽ ആരും ഒച്ച കേൾപ്പി​ച്ചു കഴിക്കാ​തി​രി​ക്കു​മ്പോൾ, വല്ലാത്ത ഒരു ഏകാന്തത അനുഭ​വ​പ്പെ​ടും എന്നതു തീർച്ചയാണ്‌.”(g02 1/22)

പുകവ​ലി​യു​ടെ അപകടങ്ങൾ

“പുകവ​ലി​ക്കാ​ത്ത​വ​രു​ടെ ഇടയിലെ ഓരോ എട്ട്‌ ‘ശ്വാസ​കോശ അർബുദ മരണങ്ങ’ളിൽ ഒന്നിനു വീതം കാരണം മറ്റുള്ളവർ വലിച്ചു​വി​ടുന്ന പുക ശ്വസി​ക്കു​ന്ന​താണ്‌” എന്ന്‌ ‘നാഷണൽ കാൻസർ സെന്റർ റിസേർച്ച്‌ ഇൻസ്റ്റി​റ്റ്യൂട്ട്‌ ഓഫ്‌ ജപ്പാനി’ലെ നാവോ​ഹി​തോ യാമാ​ഗൂ​ച്ചി പറയുന്നു. ശ്വാസ​കോശ അർബുദം മൂലം മരിച്ച 52,000 ആളുകളെ കുറിച്ചു നടത്തിയ പഠനത്തിൽ അധിഷ്‌ഠി​ത​മാ​യി​രു​ന്നു ശാസ്‌ത്ര​കാ​ര​ന്മാ​രു​ടെ ഈ കണ്ടെത്ത​ലു​കൾ. മാത്രമല്ല, “പുകവ​ലി​ക്കു​ന്നവർ ഉള്ളി​ലേക്കു നേരിട്ടു വലിക്കുന്ന പുകയി​ലേ​തി​നെ​ക്കാൾ അവർ പുറ​ത്തേക്കു വിടുന്ന പുകയിൽ വിഷപ​ദാർഥ​മായ കാർബൺ മോ​ണോ​ക്‌​സൈ​ഡും കാൻസ​റിന്‌ ഇടയാ​ക്കുന്ന ഘടകങ്ങ​ളും കൂടുതൽ അടങ്ങി​യി​ട്ടുണ്ട്‌ എന്നു ദീർഘ​കാല ഗവേഷണം കാണി​ക്കു​ന്നു” എന്ന്‌ ആസാഹി ഷിംബുൻ എന്ന പത്രം പറയുന്നു. 14,000 പേരെ ഉൾപ്പെ​ടു​ത്തി​ക്കൊണ്ട്‌ 1999-ൽ ജാപ്പനീസ്‌ ഗവൺമെന്റ്‌ നടത്തിയ ഒരു പഠനത്തിൽ ജോലി​സ്ഥ​ല​ത്തോ സ്‌കൂ​ളി​ലോ ആയിരി​ക്കു​ന്ന​വ​രിൽ 35 ശതമാ​ന​ത്തി​നും വീട്ടിൽ ആയിരി​ക്കു​ന്ന​വ​രിൽ 28 ശതമാ​ന​ത്തി​നും മറ്റുള്ളവർ വലിച്ചു​വി​ടുന്ന പുക ശ്വസി​ക്കേ​ണ്ടി​വ​രു​ന്നു എന്നു കണ്ടെത്തി. “തങ്ങൾ പുകവ​ലി​ക്കാ​ത്ത​വർക്കു ഹാനി വരുത്തു​ന്നു എന്ന ബോധം പുകവ​ലി​ക്കു​ന്ന​വ​രിൽ ഉണ്ടാകു​മാറ്‌ ഇരു കൂട്ട​രെ​യും പരസ്‌പരം മാറ്റി​നി​റു​ത്താ​നുള്ള ബോധ​പൂർവ​ക​മായ ഒരു ശ്രമം നടത്ത​പ്പെ​ടണം” എന്ന്‌ യാമാ​ഗൂ​ച്ചി പറയുന്നു. (g02 1/8)

വ്യായാ​മം വിഷാദം കുറയ്‌ക്കു​ന്നു

“ചില രോഗി​കളെ സംബന്ധി​ച്ചി​ട​ത്തോ​ളം, വിഷാ​ദ​ത്തി​നുള്ള ചികി​ത്സ​യിൽ സാധാരണ നടത്തി​വ​രുന്ന മരുന്നു​കൾ ഉപയോ​ഗി​ച്ചുള്ള ചികി​ത്സ​യെ​ക്കാൾ ശാരീ​രിക വ്യായാ​മം ഏറെ ഫലം ചെയ്‌തേ​ക്കാം” എന്ന്‌ ഐക്യ​നാ​ടു​ക​ളി​ലെ ഡ്യൂക്ക്‌ യൂണി​വേ​ഴ്‌സി​റ്റി മെഡിക്കൽ സെന്ററിൽ നടത്തിയ ഗവേഷ​ണത്തെ കുറിച്ചു പറയവേ ദ ഹാർഡ്‌വാർഡ്‌ മെന്റൽ ഹെൽത്ത്‌ ലെറ്റർ പ്രസ്‌താ​വി​ക്കു​ന്നു. കടുത്ത വിഷാദം അനുഭ​വി​ച്ചി​രുന്ന 50 പേർ വീതം അടങ്ങിയ മൂന്നു വിഭാ​ഗ​ങ്ങൾക്ക്‌ നാലു മാസ​ത്തേക്കു വ്യത്യ​സ്‌ത​മായ ചികിത്സ നൽകി. ഒരു വിഭാഗം വിഷാദം മാറു​ന്ന​തി​നുള്ള മരുന്നു കഴിച്ചു, രണ്ടാമത്തെ വിഭാഗം വ്യായാ​മം മാത്രം ചെയ്‌തു, മൂന്നാ​മത്തെ വിഭാഗം അവ രണ്ടും ചെയ്‌തു. നാലു മാസത്തി​നു ശേഷം, ഈ മൂന്നു വിഭാ​ഗ​ങ്ങ​ളി​ലെ​യും 60 മുതൽ 70 വരെ ശതമാനം രോഗി​കൾക്ക്‌ “മേലാൽ വിഷാ​ദ​രോ​ഗം ഇല്ലായി​രു​ന്നു” എന്ന്‌ ആ ഹെൽത്ത്‌ ലെറ്റർ പറഞ്ഞു. എന്നാൽ, തുടർന്നു​വന്ന ആറു മാസക്കാ​ലത്ത്‌, വ്യായാമ ചികി​ത്സ​യ്‌ക്കു വിധേ​യ​രാ​ക്കിയ രോഗി​കൾ “വൈകാ​രി​ക​മാ​യും ശാരീ​രി​ക​മാ​യും മെച്ചപ്പെട്ട അവസ്ഥയിൽ ആയിരു​ന്നു; അവരിൽ എട്ടു ശതമാ​ന​ത്തിൽ മാത്ര​മാ​ണു വീണ്ടും വിഷാ​ദ​ത്തി​ന്റെ ലക്ഷണങ്ങൾ കണ്ടത്‌.” എന്നാൽ മരുന്നു കഴിച്ച​വ​രിൽ 38 ശതമാ​ന​ത്തി​നും വ്യായാ​മം ചെയ്യു​ക​യും മരുന്നു കഴിക്കു​ക​യും ചെയ്‌ത​വ​രിൽ 31 ശതമാ​ന​ത്തി​നും വീണ്ടും വിഷാദം ഉണ്ടായി. (g02 1/8)

മദ്യത്തി​ന്റെ അപകടങ്ങൾ

“സമീപ വർഷങ്ങ​ളിൽ, യൂറോ​പ്പി​ലുള്ള യുവ​പ്രാ​യ​ക്കാ​രു​ടെ ഇടയിൽ മദ്യവു​മാ​യി ബന്ധപ്പെട്ട അപകട​ങ്ങ​ളും വൈക​ല്യ​ങ്ങ​ളും മരണവും ഞെട്ടി​പ്പി​ക്കും​വി​ധം വർധി​ച്ചി​രി​ക്കു​ന്നു” എന്ന്‌ ബ്രിട്ട​നി​ലെ മെഡിക്കൽ ജേർണ​ലായ ദ ലാൻസെറ്റ്‌ പറയുന്നു. ലോക​ത്തിൽ ഏറ്റവു​മ​ധി​കം മദ്യം ഉപയോ​ഗി​ക്ക​പ്പെ​ടുന്ന യൂറോ​പ്പിൽ പ്രതി​വർഷം മദ്യപാ​നം മൂലം മരിക്കുന്ന യുവജ​ന​ങ്ങ​ളു​ടെ എണ്ണം 55,000 ആണ്‌. ഒരു സർവേ​യു​ടെ ഭാഗമാ​യി, മദ്യപാന ശീലങ്ങളെ കുറിച്ചു ചോദി​ച്ച​പ്പോൾ അയർലൻഡ്‌, ഗ്രീൻലൻഡ്‌, ഡെന്മാർക്ക്‌, ഫിൻലൻഡ്‌, ബ്രിട്ടൻ എന്നിവി​ട​ങ്ങ​ളി​ലെ വിദ്യാർഥി​ക​ളിൽ മൂന്നി​ലൊന്ന്‌ തങ്ങൾ തലേ മാസം ചുരു​ങ്ങി​യതു മൂന്നു പ്രാവ​ശ്യ​മെ​ങ്കി​ലും മദ്യപി​ച്ചു ലക്കു​കെ​ട്ട​താ​യി സമ്മതിച്ചു. 30 യൂറോ​പ്യൻ നാടു​ക​ളിൽ 15-നും 16-നും ഇടയിൽ പ്രായ​മുള്ള 1,00,000 വിദ്യാർഥി​കളെ ഉൾപ്പെ​ടു​ത്തി നടത്തിയ ഒരു പഠനം, യുവജന മദ്യപാ​ന​ത്തിൽ ഏറ്റവു​മ​ധി​കം വർധനവ്‌ ഉള്ള രാജ്യങ്ങൾ പോളണ്ട്‌, ലിത്വാ​നിയ, സ്ലോവാക്ക്‌ റിപ്പബ്ലിക്ക്‌, സ്ലോ​വേ​നിയ എന്നിവ ആണെന്നു വെളി​പ്പെ​ടു​ത്തി. ലണ്ടനിലെ ഇൻഡി​പെൻഡന്റ്‌ പത്രത്തിൽ റിപ്പോർട്ട്‌ ചെയ്‌ത​ത​നു​സ​രിച്ച്‌, “40-കളിലും 50-കളിലും ആയിരി​ക്കുന്ന മുഴു​ക്കു​ടി​യ​ന്മാ​രിൽ സാധാരണ കണ്ടുവ​രാ​റുള്ള ഗുരു​ത​ര​മായ കരൾവീ​ക്കം” 20-കളുടെ ആരംഭ​ത്തി​ലുള്ള യുവതി​ക​ളി​ലും “ഇപ്പോൾ കണ്ടുതു​ട​ങ്ങി​യി​രി​ക്കു​ന്ന​താ​യി” ബ്രിട്ട​നി​ലെ ‘റോയൽ കോ​ളെജ്‌ ഓഫ്‌ ഫിസി​ഷ്യൻസ്‌’ മുന്നറി​യി​പ്പു നൽകുന്നു. ആ സ്ഥാപനം “ബ്രിട്ട​നി​ലെ ഏറ്റവും ചെല​വേ​റിയ പൊതു​ജന ആരോഗ്യ പ്രശ്‌ന​ങ്ങ​ളിൽ ഒന്നായി മദ്യത്തെ തിരിച്ചറിയിച്ചു.”(g02 1/22)

രോഗി​ക​ളോ​ടുള്ള സൗഹാർദ സമീപനം സുഖ​പ്പെടൽ ത്വരി​ത​പ്പെ​ടു​ത്തു​ന്നു

“രോഗി​കൾ സുഖ​പ്പെ​ടു​മെന്ന ഉറപ്പു നൽകു​ക​യും അവരോ​ടു നന്നായി പെരു​മാ​റു​ക​യും ചെയ്യുന്ന സൗഹാർദ മനോ​ഭാ​വ​മുള്ള ഒരു ഡോക്ടർക്ക്‌ യഥാർഥ​ത്തിൽ മെച്ചമായ ഫലങ്ങൾ ലഭിക്കും” എന്ന്‌ ലണ്ടനിലെ ദ ടൈംസ്‌ പ്രസ്‌താ​വി​ക്കു​ന്നു. പ്രസ്‌തുത വിഷയത്തെ കുറി​ച്ചുള്ള 25 പഠനങ്ങ​ളു​ടെ റിപ്പോർട്ടു​കൾ വിശക​ലനം ചെയ്‌ത​ശേഷം, ഇംഗ്ലണ്ടി​ലെ യോർക്ക്‌, എക്‌സെറ്റർ, ലീഡ്‌സ്‌ എന്നീ യൂണി​വേ​ഴ്‌സി​റ്റി​ക​ളിൽ നിന്നുള്ള ഗവേഷകർ ഈ നിഗമ​ന​ത്തി​ലെത്തി: “രോഗി​ക​ളു​മാ​യി ഊഷ്‌മ​ള​വും ഹൃദ്യ​വു​മായ ഒരു ബന്ധം സ്ഥാപി​ക്കാൻ ശ്രമി​ക്കു​ക​യും അവർ പെട്ടെ​ന്നു​തന്നെ സുഖമാ​കു​മെന്ന്‌ ഉറപ്പു നൽകു​ക​യും ചെയ്‌ത ഡോക്ടർമാർ, രോഗി​ക​ളു​മാ​യി വ്യക്തിഗത ബന്ധം സ്ഥാപി​ക്കാ​തെ രോഗീ​സ​ന്ദർശ​നത്തെ ഔപചാ​രി​ക​മായ തലത്തിൽ നിറു​ത്തു​ക​യും സുഖ​പ്പെടൽ സംബന്ധിച്ച്‌ അവർക്ക്‌ യാതൊ​രു വിധ ഉറപ്പും നൽകാ​തി​രി​ക്കു​ക​യും ചെയ്‌ത ഡോക്ടർമാ​രെ​ക്കാൾ ഏറെ ഫലപ്ര​ദ​രെന്നു തെളിഞ്ഞു.” “ഡോക്ടർ, രോഗി​കൾ സുഖം പ്രാപി​ക്കു​മെന്ന്‌ ഉറപ്പു നൽകു​ക​യും ചോദ്യ​ങ്ങൾ ചോദി​ക്കാൻ അവരെ പ്രോ​ത്സാ​ഹി​പ്പി​ക്കു​ക​യും കൂടു​ത​ലാ​യി അൽപ്പസ​മയം അവരോ​ടൊ​ത്തു ചെലവ​ഴി​ക്കു​ക​യും ചെയ്‌ത​പ്പോൾ അവർ വേഗത്തിൽ സുഖം പ്രാപി​ച്ചു” എന്ന്‌ സ്വീഡ​നിൽ നടത്തിയ ഒരു പഠനം വ്യക്തമാ​ക്കി. (g02 1/22)

പതിവു വ്യായാ​മ​ത്തി​ന്റെ മൂല്യം

കായി​കാ​ധ്വാ​ന​മി​ല്ലാത്ത ഓഫീസ്‌ ജീവി​ത​ത്തി​ന്റെ ഫലമാ​യുള്ള അമിത വണ്ണം, ഹൃ​ദ്രോ​ഗം, മറ്റ്‌ ആരോഗ്യ പ്രശ്‌നങ്ങൾ എന്നിവ ഒഴിവാ​ക്കുക എന്ന ലക്ഷ്യത്തിൽ പലരും വല്ലപ്പോ​ഴു​മൊ​ക്കെ കഠിന വ്യായാ​മ​ത്തിൽ ഏർപ്പെ​ടു​ന്നു. എന്നിരു​ന്നാ​ലും, ശരീര​ത്തി​ന്റെ ഉപാപചയ പ്രവർത്തനം മെച്ച​പ്പെ​ടു​ത്തു​ന്ന​തിൽ വല്ലപ്പോ​ഴു​മുള്ള തീവ്ര വ്യായാ​മ​ത്തെ​ക്കാൾ പതിവാ​യുള്ള മിതമായ വ്യായാ​മ​മാ​ണു മെച്ച​മെന്ന്‌ ഒരു സമീപ​കാല പഠനം തെളി​യി​ക്കു​ന്നു​വെന്ന്‌ ജർമനി​യി​ലെ സ്യൂറ്റ്‌ഡോ​യിച്ച്‌ റ്റ്‌​സൈ​റ്റുങ്‌ എന്ന പത്രം പറയുന്നു. ഡച്ചു ഗവേഷ​ക​നായ ഡോ. ക്ലാസ്‌ വെസ്റ്റർടെർപ്പ്‌, സ്വമേ​ധയാ മുന്നോ​ട്ടു വന്ന 30 പേരുടെ ഓരോ മിനി​ട്ടി​ലെ​യും ഊർജ​വ്യ​യം പഠനവി​ധേ​യ​മാ​ക്കി. “നിഷ്‌ക്രി​യ​ത​യു​ടെ ഘട്ടങ്ങളെ ഇടയ്‌ക്കുള്ള തീവ്ര​മായ ഊർജിത പ്രവർത്ത​ന​ങ്ങൾകൊണ്ട്‌ സമനി​ല​യിൽ വരുത്താൻ” ശ്രമി​ക്കു​ന്ന​തി​നെ​ക്കാൾ വളരെ ഫലപ്ര​ദ​മാ​ണു വർധിച്ച ശാരീ​രിക പ്രവർത്തനം അനുദിന ജീവി​ത​ത്തി​ന്റെ ഭാഗമാ​ക്കാൻ ശ്രമി​ക്കു​ന്നത്‌ എന്ന്‌ ആ പഠനത്തി​ന്റെ ഫലങ്ങൾ പ്രകട​മാ​ക്കി. ആ റിപ്പോർട്ട്‌ ഇങ്ങനെ ശുപാർശ ചെയ്യുന്നു: “തുടർച്ച​യാ​യി ഇരിക്കു​ക​യും നിൽക്കു​ക​യും ചെയ്യേ​ണ്ടി​വ​രു​ന്നെ​ങ്കിൽ, നടക്കു​ന്ന​തോ സൈക്കിൾ ചവിട്ടു​ന്ന​തോ പോലുള്ള ഊർജിത പ്രവർത്ത​ന​ങ്ങ​ളിൽ സാധി​ക്കു​മ്പോ​ഴെ​ല്ലാം ഏർപ്പെടുക.”(g02 1/22)

സമ്മർദം അനുഭ​വി​ക്കുന്ന കുട്ടികൾ

“പണ്ടൊക്കെ ബാല്യ​കാ​ല​മെ​ന്നതു പുറത്തു കളിച്ചു​ന​ട​ക്കാൻ കഴിയുന്ന, അല്ലലോ പിരി​മു​റു​ക്ക​മോ ഇല്ലാത്ത ഒരു കാലഘ​ട്ട​മാ​യി​രു​ന്നു. എന്നാൽ ഇന്ന്‌ ആ കാല​മൊ​ക്കെ പൊയ്‌പോ​യി​രി​ക്കു​ന്നു,” മെക്‌സി​ക്കോ നഗരത്തി​ലെ എൽ യൂണി​വെ​ഴ്‌സാൽ എന്ന പത്രം പറയുന്നു. 1950-ൽ 25 വയസ്സുള്ള ഒരാൾക്ക്‌ ഉണ്ടായി​രുന്ന അത്രയും സമ്മർദം ഇന്ന്‌ ഒരു 10-വയസ്സു​കാ​രന്‌ ഉണ്ട്‌ എന്നു ഗവേഷകർ നിഗമനം ചെയ്‌തി​രി​ക്കു​ന്നു. കുട്ടി​ക​ളു​ടെ സമ്മർദ​ത്തിൽ അധിക​ത്തി​നും കാരണം മെച്ചപ്പെട്ട ഒരു ഭാവി ഉണ്ടായി​രി​ക്കാൻ അവരെ സഹായി​ക്കു​മെന്നു മാതാ​പി​താ​ക്കൾ വിചാ​രി​ക്കുന്ന ക്ലാസ്സു​ക​ളും മറ്റു പ്രവർത്ത​ന​ങ്ങ​ളു​മാണ്‌. എന്നാൽ കൂടു​ത​ലായ ഈ ഭാരം “അവന്റെ ആരോ​ഗ്യ​ത്തെ​യും വിശ്ര​മ​ത്തെ​യും വളർച്ചയെ തന്നെയും ബാധി​ക്കു​ന്നു” എന്ന്‌ ആ പത്രം അഭി​പ്രാ​യ​പ്പെ​ടു​ന്നു. കുട്ടി​കൾക്കു കൂടുതൽ സമയം വീട്ടിൽ ചെലവ​ഴി​ക്കാൻ കഴിയു​മാറ്‌, അവരുടെ പട്ടിക​യിൽ ഉൾപ്പെ​ടു​ത്തി​യി​രി​ക്കുന്ന പ്രവർത്ത​ന​ങ്ങളെ പുനര​വ​ലോ​കനം ചെയ്യാൻ ആ റിപ്പോർട്ട്‌ മാതാ​പി​താ​ക്ക​ളോ​ടു ശുപാർശ ചെയ്യുന്നു. എന്നാൽ സ്‌കൂൾ കഴിഞ്ഞുള്ള സമയം മുഴുവൻ യാതൊ​ന്നും ചെയ്യാതെ ടിവി​യു​ടെ​യോ കമ്പ്യൂ​ട്ട​റി​ന്റെ​യോ മുന്നിൽ കുത്തി​യി​രി​ക്കുക എന്നതല്ല, മറിച്ച്‌ “അവർ പുറത്തു പോയി മറ്റു കുട്ടി​ക​ളു​മാ​യി കളിക്കു​ക​യും ഓടി​ന​ട​ക്കു​ക​യും സൈക്കിൾ ചവിട്ടു​ക​യും പുസ്‌ത​ക​ങ്ങ​ളി​ലും മറ്റുമുള്ള വിഷമ​പ്ര​ശ്‌നങ്ങൾ പരിഹ​രി​ക്കു​ക​യും ചിത്രങ്ങൾ വരയ്‌ക്കു​ക​യും ഒക്കെ ചെയ്യണം എന്നതാണ്‌ ഇതിന്റെ ഉദ്ദേശ്യം.”(g02 1/22)

ഫ്രാൻസി​ലെ വേഗ​മേ​റിയ ട്രെയി​നു​കൾ

പാരീ​സിൽനി​ന്നു തെക്കുള്ള മാഴ്‌സേ​യി​ലേക്ക്‌ തീവണ്ടി​മാർഗം യാത്ര ചെയ്യാൻ 1867-ൽ 16 മണിക്കൂർ വേണമാ​യി​രു​ന്നു. 1960-കളിൽ, അത്‌ ഏഴര മണിക്കൂ​റാ​യി കുറഞ്ഞു. എന്നാൽ, 2001 ജൂണിൽ ‘ഫ്രഞ്ച്‌ നാഷണൽ റെയിൽവെ​യ്‌സ്‌’ ഈ രണ്ടു നഗരങ്ങളെ തമ്മിൽ ബന്ധിപ്പി​ക്കുന്ന ഒരു പുതിയ ഹൈ-സ്‌പീഡ്‌ റെയിൽ സംവി​ധാ​നം ഏർപ്പെ​ടു​ത്തി. ഇപ്പോൾ യാത്ര​ക്കാർക്ക്‌ 740 കിലോ​മീ​റ്റർ വരുന്ന ആ ദൂരം മണിക്കൂ​റിൽ 300-ലധികം കിലോ​മീ​റ്റർ വേഗത്തിൽ വെറും മൂന്നു മണിക്കൂർകൊണ്ട്‌ സഞ്ചരി​ക്കാ​നാ​കും. 500-ലധികം പാലങ്ങ​ളും മനോ​ഹ​ര​മായ ആർച്ചു​പാ​ലങ്ങൾ ഉൾപ്പെട്ട 17 കിലോ​മീ​റ്റർ ഭാഗവും ഏകദേശം 8 കിലോ​മീ​റ്റർ ദൈർഘ്യ​മുള്ള ഒരു തുരങ്ക​വും കടന്നാണ്‌ ലിയോ​ണി​നു തെക്കുള്ള 150 കിലോ​മീ​റ്റർ ദൂരം തീവണ്ടി​കൾ പിന്നി​ടു​ന്നത്‌. ആവശ്യ​മെ​ങ്കിൽ, “ഇരുദി​ശ​ക​ളി​ലേ​ക്കും മണിക്കൂ​റിൽ 20 ട്രെയി​നു​കൾ വരെ അങ്ങേയറ്റം സുരക്ഷി​ത​മാ​യി ഓടി​ക്കാ​നാ​കും” എന്നു ഫ്രഞ്ച്‌ പത്രമായ ല മോൺട്‌ പറയുന്നു. അപ്പോൾ ഓരോ മൂന്നു മിനി​ട്ടി​ലും ഒരു ട്രെയിൻ വീതമാ​യി​രി​ക്കും ഇതിലൂ​ടെ സഞ്ചരി​ക്കു​ന്നത്‌. (g02 1/22)