സുഗന്ധ​ദ്ര​വ്യ​ങ്ങൾ ചരിത്ര താളു​ക​ളി​ലൂ​ടെ

മെക്‌സിക്കോയിലെ ഉണരുക! ലേഖകൻ

സുഗന്ധ​ദ്ര​വ്യ​ങ്ങൾക്ക്‌ അതിപു​രാ​ത​ന​മായ ചരി​ത്ര​മാണ്‌ ഉള്ളത്‌. മതകർമ​ങ്ങ​ളിൽ മരക്കറകൾ കത്തിച്ചു ധൂപവർഗം അർപ്പി​ക്കാൻ തുടങ്ങി​യ​തോ​ടെ ആദ്യകാല സുഗന്ധ​ദ്രവ്യ നിർമാ​ണം ആരംഭി​ച്ച​താ​യി കണക്കാ​ക്ക​പ്പെ​ടു​ന്നു. ഈജി​പ്‌തു​കാർ പണ്ടു മുതലേ സുഗന്ധ​ദ്ര​വ്യ​ങ്ങൾ ഉപയോ​ഗി​ച്ചി​രു​ന്ന​താ​യി പുരാതന രേഖകൾ കാണി​ക്കു​ന്നു. തൂത്തൻഖാ​മൻ ഫറവോ​ന്റെ ശവകു​ടീ​ര​ത്തിൽ സുഗന്ധ​ദ്ര​വ്യ​ങ്ങൾ നിറച്ച 3,000-ത്തിലധി​കം ഭരണികൾ കണ്ടെത്തി. 30-ലേറെ നൂറ്റാ​ണ്ടു​കൾക്കു ശേഷവും അവയുടെ സൗരഭ്യം നഷ്ടപ്പെ​ട്ടി​രു​ന്നില്ല!

പൊതു​യു​ഗ​ത്തിന്‌ 1,500 വർഷങ്ങൾക്കു മുമ്പ്‌, ഇസ്രാ​യേല്യ പുരോ​ഹി​ത​ന്മാർ ഉപയോ​ഗി​ക്കേ​ണ്ടി​യി​രുന്ന വിശുദ്ധ അഭി​ഷേ​ക​തൈ​ല​ക്കൂ​ട്ടിൽ ‘മേത്തരം സുഗന്ധ​വർഗങ്ങൾ’ ഉൾപ്പെ​ടു​ത്താൻ ദൈവം പറഞ്ഞി​രു​ന്നു. (പുറപ്പാ​ടു 30:23-33) എബ്രായർ സൗന്ദര്യ വർധന​യ്‌ക്കും ചികി​ത്സ​യ്‌ക്കു​മാ​യി സുഗന്ധ ലേപനങ്ങൾ ഉപയോ​ഗി​ച്ചി​രു​ന്നു. കൂടാതെ, അവ അണുനാ​ശി​നി​ക​ളും ദുർഗ​ന്ധ​ഹാ​രി​ക​ളും ആയി വർത്തി​ച്ച​തി​നാൽ ശവശരീ​രങ്ങൾ അടക്കം ചെയ്യു​മ്പോ​ഴും അവർ അവ ഉപയോ​ഗി​ച്ചു. ഉദാഹ​ര​ണ​ത്തിന്‌, യേശു​വി​ന്റെ ശരീര​ത്തിൽ പൂശു​ന്ന​തിന്‌ സ്‌ത്രീ​കൾ സുഗന്ധ​വർഗ​വും പരിമ​ള​തൈ​ല​വും അവന്റെ കല്ലറയി​ലേക്കു കൊണ്ടു​പോ​യി. (ലൂക്കൊസ്‌ 23:56; 24:1) വീട്ടിൽ വരുന്ന അതിഥി​യു​ടെ പാദങ്ങ​ളിൽ പരിമ​ള​തൈലം പൂശു​ന്നത്‌ ആതിഥ്യ മര്യാ​ദ​യാ​യി ഇസ്രാ​യേ​ല്യർ കണക്കാ​ക്കി​യി​രു​ന്നു.—ലൂക്കൊസ്‌ 7:37-46.

ഒന്നാം നൂറ്റാ​ണ്ടിൽ റോമാ​ക്കാർ ഒരു വർഷം ഏകദേശം 2,800 ടൺ കുന്തു​രു​ക്ക​വും 550 ടൺ മൂരും ഉപയോ​ഗി​ച്ചി​രു​ന്ന​താ​യി പറയ​പ്പെ​ടു​ന്നു. ശിശു​വായ യേശു​വി​നു ലഭിച്ച സമ്മാന​ങ്ങ​ളു​ടെ കൂട്ടത്തിൽ അത്തരം സുഗന്ധ​ക്കൂ​ട്ടു​കൾ ഉണ്ടായി​രു​ന്നു. (മത്തായി 2:1, 11) പൊ.യു. 54-ൽ റോമൻ ചക്രവർത്തി​യായ നീറോ ഒരു വിരുന്നു സത്‌കാ​ര​വേ​ള​യിൽ പരിമളം പരത്തു​ന്ന​തി​നാ​യി 46,00,000 രൂപയ്‌ക്കു തുല്യ​മായ തുക ചെലവ​ഴി​ക്കു​ക​യു​ണ്ടാ​യ​ത്രേ. പുറമേ കാണാൻ കഴിയാത്ത വിധത്തിൽ അദ്ദേഹ​ത്തി​ന്റെ ഊണു​മു​റി​ക​ളിൽ സ്ഥാപി​ച്ചി​രുന്ന പൈപ്പു​ക​ളിൽനിന്ന്‌ സുഗന്ധ​ദ്ര​വ്യം കലർത്തിയ ജലം അതിഥി​ക​ളു​ടെ​മേൽ നേർത്ത മഞ്ഞുക​ണ​ങ്ങൾപോ​ലെ പെയ്‌തു​കൊ​ണ്ടി​രു​ന്നു. പൊ.യു. ഏഴാം നൂറ്റാണ്ടു മുതൽ ചൈന​ക്കാർ സുഗന്ധ​ദ്ര​വ്യ​ങ്ങൾ ചെറു​സ​ഞ്ചി​ക​ളി​ലും മറ്റും നിറച്ച്‌ ഉപയോ​ഗി​ക്കാൻ തുടങ്ങി. മധ്യയു​ഗ​ങ്ങ​ളിൽ സുഗന്ധ​ദ്ര​വ്യ​ങ്ങ​ളു​ടെ—പ്രത്യേ​കി​ച്ചും പനിനീർ പുഷ്‌പ​ത്തി​ന്റെ പരിമ​ള​മു​ള്ള​വ​യു​ടെ—ഉപയോ​ഗം ഇസ്ലാമിക സംസ്‌കാ​ര​ത്തി​ന്റെ​യും ഭാഗമാ​യി​ത്തീർന്നു.

പതി​നേ​ഴാം നൂറ്റാ​ണ്ടിൽ ഫ്രാൻസിൽ സുഗന്ധ​ദ്രവ്യ വ്യവസാ​യം സുസ്ഥാ​പി​തം ആയിത്തീർന്നു. ലൂയി പതിന​ഞ്ചാ​മന്റെ രാജസ​ദസ്സ്‌ ‘പരിമളം പരത്തുന്ന രാജസ​ദസ്സ്‌’ എന്ന്‌ അറിയ​പ്പെ​ടാൻ പോലും ഇടയായി. ദേഹത്തു മാത്രമല്ല, വസ്‌ത്ര​ങ്ങ​ളി​ലും കൈയു​റ​ക​ളി​ലും പങ്കകളി​ലും ഫർണി​ച്ച​റി​ലു​മെ​ല്ലാം സുഗന്ധ​ദ്ര​വ്യ​ങ്ങൾ പൂശി​യി​രു​ന്നു.

പതി​നെ​ട്ടാം നൂറ്റാ​ണ്ടിൽ സുഗന്ധ​ദ്ര​വ്യ​മായ കൊ​ളോൺ രംഗ​ത്തെത്തി. അത്‌ കുളി​ക്കുന്ന വെള്ളത്തി​ലും വീഞ്ഞി​ലും കലർത്തി ഉപയോ​ഗി​ച്ചു തുടങ്ങി. വായ്‌നാ​റ്റം അകറ്റു​ന്ന​തിന്‌ അത്‌ ഒരു പഞ്ചസാ​ര​ക്ക​ട്ട​യോ​ടൊ​പ്പം തിന്നുന്ന രീതി​യും ഉണ്ടായി​രു​ന്നു. അതു​പോ​ലെ എനിമ​ക​ളി​ലും വ്രണങ്ങ​ളിൽ പുരട്ടുന്ന ലേപന​ങ്ങ​ളി​ലും അതു ചേർക്കു​മാ​യി​രു​ന്നു. 19-ാം നൂറ്റാ​ണ്ടിൽ കൃത്രിമ സുഗന്ധ​ദ്ര​വ്യ​ങ്ങ​ളു​ടെ ഉത്‌പാ​ദനം ആരംഭി​ച്ചു. അങ്ങനെ ചരി​ത്ര​ത്തി​ലാ​ദ്യ​മാ​യി ചികി​ത്സാ​പ​ര​മായ ഗുണങ്ങ​ളി​ല്ലാത്ത സുഗന്ധ​ദ്ര​വ്യ​ങ്ങൾ വിപണി​യി​ലെത്തി. ഇന്ന്‌ സുഗന്ധ​ദ്രവ്യ നിർമാ​ണം കോടി​ക്ക​ണ​ക്കി​നു രൂപയു​ടെ ഒരു ബിസി​ന​സ്സാണ്‌. a(g02 2/8)

[അടിക്കു​റിപ്പ്‌]

[31-ാം പേജിലെ ചിത്രം]

ഈജിപ്‌ത്‌, തൂത്തൻഖാ​മന്റെ ശവകു​ടീ​ര​ത്തിൽ കണ്ടെത്തിയ സുഗന്ധ​ദ്ര​വ്യ​ങ്ങൾ അടങ്ങിയ ഭരണി, പൊ.യു.മു. 14-ാം നൂറ്റാണ്ട്‌

[കടപ്പാട്‌]

Werner Forman/Egyptian Museum, Cairo, Egypt/Art Resource, NY

[31-ാം പേജിലെ ചിത്രം]

ഗ്രീസ്‌, പൊ.യു.മു. 5-ാം നൂറ്റാണ്ട്‌

[കടപ്പാട്‌]

Musée du Louvre, Paris

[31-ാം പേജിലെ ചിത്രം]

ഫ്രാൻസ്‌, പൊ.യു. 18-ാം നൂറ്റാണ്ട്‌

[കടപ്പാട്‌]

Avec lʹaimable autorisation du Musée de la Parfumerie Fragonard, Paris

[31-ാം പേജിലെ ചിത്രം]

ഒരു ആധുനിക സുഗന്ധ​ദ്രവ്യ കുപ്പി