ബൈബി​ളി​ന്റെ വീക്ഷണം

കുറ്റ​ബോ​ധം അത്‌ എല്ലായ്‌പോ​ഴും അനഭി​ല​ഷ​ണീ​യ​മോ?

അനഭി​ല​ഷ​ണീ​യ​മായ ഒരു വികാ​ര​മാ​യാണ്‌ ഇന്ന്‌ പലരും കുറ്റ​ബോ​ധത്തെ കാണു​ന്നത്‌. “എക്കാല​വും മനുഷ്യ​നെ അടക്കി വാണി​രി​ക്കുന്ന അതിഭീ​ക​ര​മായ ഒരു വ്യാധി​യാണ്‌ കുറ്റ​ബോ​ധം” എന്ന ജർമൻ തത്ത്വചി​ന്ത​ക​നായ ഫ്രി​ഡ്രിഹ്‌ നിച്ചി​യു​ടെ അഭി​പ്രാ​യ​ത്തോട്‌ അവർ യോജി​ക്കു​ന്നു.

എന്നാൽ ഇപ്പോൾ ചില ഗവേഷകർ വ്യത്യ​സ്‌ത​മായ ഒരു നിഗമ​ന​ത്തി​ലേക്കു വന്നു​കൊ​ണ്ടി​രി​ക്കു​ക​യാണ്‌. അന്തർദേ​ശീയ അംഗീ​കാ​രം ലഭിച്ചി​ട്ടുള്ള ചികി​ത്സ​ക​യും ഗ്രന്ഥകാ​രി​യു​മായ സൂസൻ ഫോർവേർഡ്‌ (പിഎച്ച്‌.ഡി) പറയു​ന്നത്‌ ഇങ്ങനെ​യാണ്‌: “വികാ​ര​ങ്ങ​ളുള്ള, ഉത്തരവാ​ദി​ത്വ​ബോ​ധ​ത്തോ​ടു കൂടിയ ഒരു വ്യക്തി​യാ​യി​രി​ക്കു​ന്ന​തിന്‌ അനു​പേ​ക്ഷ​ണീ​യ​മായ ഒരു ഘടകമാണ്‌ കുറ്റ​ബോ​ധം. അത്‌ മനസ്സാ​ക്ഷി​യു​ടെ ഒരു ഭാഗമാ​യി വർത്തി​ക്കു​ന്നു.” അങ്ങനെ​യെ​ങ്കിൽ, കുറ്റ​ബോ​ധ​ത്തി​ന്റേ​തായ എല്ലാ തോന്ന​ലു​ക​ളും അനഭി​ല​ഷ​ണീ​യ​മാ​ണോ? കുറ്റ​ബോ​ധം സഹായ​ക​മാ​യി​രി​ക്കാ​വുന്ന സന്ദർഭങ്ങൾ ഉണ്ടോ?

എന്താണു കുറ്റ​ബോ​ധം?

സ്‌നേ​ഹി​ക്കുന്ന ആരെ​യെ​ങ്കി​ലും മുറി​പ്പെ​ടു​ത്തി​യെന്നു തിരി​ച്ച​റി​യു​മ്പോ​ഴോ പാലി​ക്കേ​ണ്ട​തെന്നു നാം വിശ്വ​സി​ക്കുന്ന മാനദ​ണ്ഡ​ങ്ങൾക്കു ചേർച്ച​യിൽ ജീവി​ക്കാൻ കഴിയാ​തെ വരു​മ്പോ​ഴോ നമ്മിൽ കുറ്റ​ബോ​ധം നാമ്പെ​ടു​ത്തേ​ക്കാം. ഒരു പരാമർശ കൃതി പറയു​ന്ന​തു​പോ​ലെ, “ഒരു പരാജയം സംഭവി​ക്കു​ന്ന​തി​ന്റെ അല്ലെങ്കിൽ ഒരു കുറ്റമോ കുറ്റകൃ​ത്യ​മോ പാപമോ ചെയ്യു​ന്ന​തി​ന്റെ ഫലമായി ഒരു വ്യക്തിക്ക്‌ ഉണ്ടാകുന്ന ബാധ്യ​ത​യു​ടേ​തായ തോന്ന​ലാണ്‌” കുറ്റ​ബോ​ധം.

ഒരു ഇസ്രാ​യേ​ല്യൻ ദൈവ​ത്തി​ന്റെ ന്യായ​പ്ര​മാ​ണം അനുസ​രി​ച്ചു ജീവി​ക്കാൻ പരാജ​യ​പ്പെ​ടു​മ്പോൾ അയാൾക്കു കുറ്റ​ബോ​ധം തോ​ന്നേ​ണ്ടി​യി​രു​ന്നു എന്ന്‌ എബ്രായ തിരു​വെ​ഴു​ത്തു​കൾ സൂചി​പ്പി​ക്കു​ന്നു. (ലേവ്യ​പു​സ്‌തകം 5:15) സമാന​മാ​യി, ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളി​ലും കുറ്റ​ബോ​ധ​മെന്ന ആശയം ദൈവ​ത്തി​നെ​തി​രെ​യുള്ള ഗുരു​ത​ര​മായ പാപങ്ങ​ളോ​ടുള്ള ബന്ധത്തി​ലാ​ണു പ്രത്യ​ക്ഷ​പ്പെ​ടു​ന്നത്‌.—1 കൊരി​ന്ത്യർ 11:27.

യഥാർഥ​ത്തിൽ കുറ്റ​മൊ​ന്നും ചെയ്‌തി​ട്ടി​ല്ലെ​ങ്കി​ലും ചില​പ്പോൾ നമുക്കു കുറ്റ​ബോ​ധം തോന്നി​യേ​ക്കാം. ഉദാഹ​ര​ണ​ത്തിന്‌, പൂർണ​താ​വാ​ദി​യായ ഒരു വ്യക്തി തനിക്കു​വേ​ണ്ടി​ത്തന്നെ ന്യായ​യു​ക്ത​മ​ല്ലാത്ത ചില നിലവാ​രങ്ങൾ വെച്ചേ​ക്കാം. അവയിൽ എത്തി​ച്ചേ​രാൻ കഴിയാ​തെ വരുന്ന ഓരോ തവണയും അയാൾക്ക്‌ അനാവ​ശ്യ​മായ കുറ്റ​ബോ​ധം അനുഭ​വ​പ്പെ​ട്ടേ​ക്കാം. (സഭാ​പ്ര​സം​ഗി 7:16) അല്ലെങ്കിൽ ചില​പ്പോൾ, ചെയ്‌തു​പോയ തെറ്റിനെ പ്രതി തോന്നുന്ന ഉചിത​മായ പശ്ചാത്താ​പം തീവ്ര​മായ ആത്മനി​ന്ദ​യ്‌ക്കു വഴിമാ​റാൻ അനുവ​ദി​ച്ചു​കൊണ്ട്‌ നാം അനാവ​ശ്യ​മാ​യി സ്വയം ശിക്ഷി​ച്ചേ​ക്കാം. അങ്ങനെ​യെ​ങ്കിൽ, കുറ്റ​ബോ​ധ​ത്തി​നു പ്രയോ​ജ​ന​ക​ര​മാ​യി​രി​ക്കാൻ കഴിയു​ന്നത്‌ എങ്ങനെ?

കുറ്റ​ബോ​ധം പ്രയോ​ജനം ചെയ്‌തേ​ക്കാം

കുറ്റ​ബോ​ധം കുറഞ്ഞത്‌ മൂന്നു വിധങ്ങ​ളി​ലെ​ങ്കി​ലും പ്രയോ​ജനം ചെയ്‌തേ​ക്കാം. ആദ്യമാ​യി, സ്വീകാ​ര്യ​മായ മാനദ​ണ്ഡ​ങ്ങളെ കുറിച്ചു നാം ബോധ​വാ​ന്മാ​രാ​ണെന്ന്‌ അതു കാണി​ക്കു​ന്നു. നമുക്ക്‌ പ്രവർത്ത​ന​ക്ഷ​മ​മായ ഒരു മനസ്സാക്ഷി ഉണ്ടെന്നു​ള്ള​തിന്‌ ഒരു തെളി​വാണ്‌ അത്‌. (റോമർ 2:15) സമൂഹ​ത്തി​നു ഭീഷണി ഉയർത്തുന്ന  പെരു​മാ​റ്റ​രീ​തി​ക​ളി​ലേക്കു നയി​ച്ചേ​ക്കാ​വുന്ന ഒരു സ്ഥിതി​വി​ശേ​ഷ​മാ​യി​ട്ടാണ്‌ അമേരി​ക്കൻ സൈക്കി​യാ​ട്രിക്‌ അസോ​സി​യേ​ഷന്റെ ഒരു പ്രസി​ദ്ധീ​ക​രണം കുറ്റ​ബോ​ധ​മി​ല്ലാ​യ്‌മയെ വർണി​ക്കു​ന്നത്‌. ദുഷിച്ച അല്ലെങ്കിൽ മരവിച്ച മനസ്സാ​ക്ഷി​യുള്ള വ്യക്തി​കൾക്കു ശരിയും തെറ്റും തമ്മിലുള്ള വ്യത്യാ​സം കാണാൻ ബുദ്ധി​മു​ട്ടാണ്‌, അത്‌ അപകട​ക​ര​മാ​യി​രു​ന്നേ​ക്കാം.—തീത്തൊസ്‌ 1:15, 16.

രണ്ടാമ​താ​യി, കുറ്റ​ബോ​ധ​മുള്ള മനസ്സാക്ഷി അനുചി​ത​മായ കാര്യങ്ങൾ ചെയ്യാ​തി​രി​ക്കാൻ നമ്മെ സഹായി​ക്കും. ശാരീ​രിക വേദന ഏതെങ്കി​ലു​മൊ​രു ആരോഗ്യ പ്രശ്‌നത്തെ കുറിച്ചു സൂചന നൽകു​ന്ന​തു​പോ​ലെ, കുറ്റം ചെയ്യു​ന്ന​തി​നെ തുടർന്ന്‌ ഉണ്ടാകുന്ന വൈകാ​രിക വേദന, ധാർമി​ക​മോ ആത്മീയ​മോ ആയ ഒരു പ്രശ്‌ന​ത്തി​ലേക്കു നമ്മുടെ ശ്രദ്ധ ക്ഷണിക്കു​ന്നു. ആ ബലഹീ​ന​തയെ കുറിച്ചു നാം ബോധ​വാ​ന്മാർ ആയിക്ക​ഴി​ഞ്ഞാൽ ഭാവി​യിൽ വീണ്ടും നമ്മെത്ത​ന്നെ​യോ നമ്മുടെ പ്രിയ​പ്പെ​ട്ട​വ​രെ​യോ മറ്റുള്ള​വ​രെ​യോ മുറി​പ്പെ​ടു​ത്തു​ന്നത്‌ ഒഴിവാ​ക്കാൻ നാം ചായ്‌വു​ള്ളവർ ആയിരി​ക്കും.—മത്തായി 7:12.

ഒടുവിൽ, കുറ്റം ഏറ്റുപ​റ​യു​ന്നത്‌ കുറ്റം ചെയ്‌ത ആളെയും അതിന്‌ ഇരയായ വ്യക്തി​യെ​യും ഒരു​പോ​ലെ സഹായി​ക്കും. ഉദാഹ​ര​ണ​ത്തിന്‌, കുറ്റ​ബോ​ധം ദാവീദു രാജാ​വിന്‌ തീവ്ര​മായ വൈകാ​രിക വേദന ഉളവാക്കി. “ഞാൻ മിണ്ടാ​തെ​യി​രു​ന്ന​പ്പോൾ നിത്യ​മായ ഞരക്കത്താൽ എന്റെ അസ്ഥികൾ ക്ഷയിച്ചു​പോ​യി” എന്ന്‌ അവൻ എഴുതി. എന്നാൽ ദൈവ​ത്തോ​ടു തന്റെ കുറ്റം ഏറ്റുപറഞ്ഞ ശേഷം ദാവീദ്‌ ആനന്ദ​ത്തോ​ടെ ഇങ്ങനെ പാടി: “രക്ഷയുടെ ഉല്ലാസ​ഘോ​ഷം​കൊ​ണ്ടു നീ എന്നെ ചുററി​ക്കൊ​ള്ളും.” (സങ്കീർത്തനം 32:3, 7) കുറ്റക്കാ​രൻ തന്റെ തെറ്റ്‌ ഏറ്റുപ​റ​യു​ന്നത്‌ അതിന്‌ ഇരയായ വ്യക്തി​ക്കും ആശ്വാസം നൽകും. കാരണം തന്നെ വേദനി​പ്പി​ച്ച​തിൽ പശ്ചാത്ത​പി​ക്കുന്ന അളവോ​ളം മറ്റേയാൾ തന്നെ സ്‌നേ​ഹി​ക്കു​ന്നു​വെന്ന്‌ അത്‌ അയാൾക്ക്‌ ഉറപ്പു നൽകുന്നു.—2 ശമൂവേൽ 11:2-15.

കുറ്റ​ബോ​ധം സംബന്ധിച്ച സന്തുലിത വീക്ഷണം

പാപി​ക​ളെ​യും പാപ​ത്തെ​യും കുറി​ച്ചുള്ള യേശു​വി​ന്റെ​യും പരീശ​ന്മാ​രു​ടെ​യും കാഴ്‌ച​പ്പാ​ടി​ലെ വൈരു​ദ്ധ്യം മനസ്സി​ലാ​ക്കു​ന്നത്‌, കുറ്റ​ബോ​ധം സംബന്ധിച്ച്‌ ഒരു സന്തുലിത വീക്ഷണം ഉണ്ടായി​രി​ക്കാൻ നമ്മെ സഹായി​ക്കും. യേശു ഒരു പരീശന്റെ ഭവനത്തിൽ ഭക്ഷണം കഴിച്ചു​കൊ​ണ്ടി​രി​ക്കെ അവി​ടേക്ക്‌ ഒരു അധാർമിക സ്‌ത്രീ കടന്നു​ചെ​ന്ന​താ​യി ലൂക്കൊസ്‌ 7:36-50-ൽ നാം വായി​ക്കു​ന്നു. ആ സ്‌ത്രീ യേശു​വി​ന്റെ അരികിൽ ചെന്ന്‌ തന്റെ കണ്ണുനീ​രു​കൊണ്ട്‌ അവന്റെ പാദം കഴുകി വില​യേ​റിയ പരിമ​ള​തൈലം പൂശി.

മതഭക്ത​നാ​യി​രു​ന്ന ആ പരീശൻ, തന്റെ സമയമോ ശ്രദ്ധയോ അർഹി​ക്കാത്ത ഒരുവ​ളാ​യി​ട്ടാണ്‌ ആ സ്‌ത്രീ​യെ വീക്ഷി​ച്ചത്‌. അവൻ തന്നോ​ടു​തന്നെ പറഞ്ഞു: “ഇവൻ [യേശു] പ്രവാ​ചകൻ ആയിരു​ന്നു എങ്കിൽ, തന്നെ തൊടുന്ന സ്‌ത്രീ ആരെന്നും എങ്ങനെ​യു​ള്ളവൾ എന്നും അറിയു​മാ​യി​രു​ന്നു; അവൾ പാപി​യ​ല്ലോ.” (ലൂക്കൊസ്‌ 7:39) എന്നാൽ യേശു ഉടനെ ആ പരീശന്റെ ചിന്താ​ഗ​തി​യെ തിരു​ത്തി​ക്കൊണ്ട്‌ പറഞ്ഞു: “നീ എന്റെ തലയിൽ തൈലം പൂശി​യില്ല; ഇവളോ പരിമ​ള​തൈ​ലം​കൊ​ണ്ടു എന്റെ കാൽ പൂശി. ആകയാൽ ഇവളുടെ അനേക​മായ പാപങ്ങൾ മോചി​ച്ചി​രി​ക്കു​ന്നു എന്നു ഞാൻ നിന്നോ​ടു പറയുന്നു; അവൾ വളരെ സ്‌നേ​ഹി​ച്ചു​വ​ല്ലോ.” അനുകമ്പ തുളു​മ്പുന്ന ഈ വാക്കുകൾ ആ സ്‌ത്രീ​യെ പ്രോ​ത്സാ​ഹി​പ്പി​ക്കു​ക​യും അവളുടെ ഹൃദയ​ഭാ​രം കുറയ്‌ക്കു​ക​യും ചെയ്‌തു എന്നതിനു സംശയ​മില്ല.—ലൂക്കൊസ്‌ 7:46, 47.

യേശു യാതൊ​രു​പ്ര​കാ​ര​ത്തി​ലും അധാർമി​ക​തയെ ശരി​വെ​ക്കു​ക​യാ​യി​രു​ന്നില്ല. യഥാർഥ​ത്തിൽ അവൻ, ദൈവത്തെ സേവി​ക്കു​ന്ന​തി​നുള്ള പ്രചോ​ദന ഘടകമെന്ന നിലയിൽ സ്‌നേ​ഹ​ത്തി​ന്റെ ശ്രേഷ്‌ഠ​തയെ കുറിച്ച്‌ അഹങ്കാ​രി​യായ ആ പരീശനെ പഠിപ്പി​ക്കു​ക​യാ​യി​രു​ന്നു. (മത്തായി 22:36-40) തന്റെ കഴിഞ്ഞ​കാല ജീവി​ത​ഗതി സംബന്ധിച്ച്‌ ആ സ്‌ത്രീ​ക്കു കുറ്റ​ബോ​ധം തോന്നി​യത്‌ ഉചിത​മാ​യി​രു​ന്നു. അവൾ അനുത​പി​ച്ചി​രു​ന്നു എന്നതും വ്യക്തമാണ്‌. അവൾ കരഞ്ഞതും തന്റെ മുൻന​ട​ത്തയെ ന്യായീ​ക​രി​ക്കാൻ ശ്രമി​ക്കാ​ഞ്ഞ​തും യേശു​വി​നെ പരസ്യ​മാ​യി ആദരി​ക്കാൻ സജീവ​മായ പടികൾ സ്വീക​രി​ച്ച​തും അതിനു തെളി​വാണ്‌. അതുകണ്ട്‌ യേശു അവളോട്‌ ഇങ്ങനെ പറഞ്ഞു: “നിന്റെ വിശ്വാ​സം നിന്നെ രക്ഷിച്ചി​രി​ക്കു​ന്നു; സമാധാ​ന​ത്തോ​ടെ പോക.”—ലൂക്കൊസ്‌ 7:50.

എന്നാൽ, ആ പരീശൻ തുടർന്നും അവളെ പാപി​നി​യാ​യി കണക്കാ​ക്കു​ക​യും നിന്ദ​യോ​ടെ വീക്ഷി​ക്കു​ക​യും ചെയ്‌തു. ദൈവ​ത്തോ​ടു കണക്കു ബോധി​പ്പി​ക്കേണ്ടി വരുമെന്ന ഭയം അവളിൽ ഉളവാ​ക്കാ​നും ആത്മനിന്ദ ജനിപ്പി​ക്കാ​നും അയാൾ ആഗ്രഹി​ച്ചി​രി​ക്കാം. നാം വിചാ​രി​ക്കുന്ന വിധത്തിൽ മറ്റുള്ളവർ എല്ലായ്‌പോ​ഴും കാര്യങ്ങൾ ചെയ്യാതെ വരു​മ്പോൾ അവരിൽ കുറ്റ​ബോ​ധം ജനിപ്പി​ക്കാൻ നിരന്തരം ശ്രമി​ക്കു​ന്നത്‌ സ്‌നേ​ഹ​മി​ല്ലാ​യ്‌മ​യാണ്‌, ഒടുവിൽ അതു വിപരീ​ത​ഫലം ചെയ്‌തേ​ക്കാം. (2 കൊരി​ന്ത്യർ 9:7) നല്ല മാതൃക വെക്കു​ക​യും മറ്റുള്ള​വരെ ആത്മാർഥ​മാ​യി അഭിന​ന്ദി​ക്കു​ക​യും അവരിൽ വിശ്വാ​സം പ്രകട​മാ​ക്കു​ക​യും ചെയ്‌തു​കൊണ്ട്‌—ചില​പ്പോൾ ശാസന​യും ബുദ്ധി​യു​പ​ദേ​ശ​വും നൽകേ​ണ്ട​തു​ണ്ടാ​യി​രി​ക്കാം—യേശു​വി​നെ അനുക​രി​ക്കു​ന്നത്‌ ഏറ്റവും നല്ല ഫലം കൈവ​രു​ത്തും.—മത്തായി 11:28-30; റോമർ 12:10; എഫെസ്യർ 4:29.

അതു​കൊണ്ട്‌, എന്തെങ്കി​ലും തെറ്റു ചെയ്‌തി​ട്ടു​ണ്ടെ​ങ്കിൽ കുറ്റ​ബോ​ധം തോന്നു​ന്നതു നല്ലതാണ്‌, ചില​പ്പോൾ അത്‌ അനിവാ​ര്യം പോലു​മാണ്‌. “പാപപ​രി​ഹാ​രം അർഹി​ക്കുന്ന കുറ്റത്തെ ഭോഷ​ന്മാർ നിസ്സാ​ര​മാ​യി തള്ളുന്നു” എന്ന്‌ സദൃശ​വാ​ക്യ​ങ്ങൾ 14:9 (നോക്‌സ്‌) പറയുന്നു. തെറ്റ്‌ ഏറ്റുപ​റ​യാ​നും ആവശ്യ​മായ നടപടി​കൾ സ്വീക​രി​ക്കാ​നും കുറ്റ​ബോ​ധ​മുള്ള ഒരു മനസ്സാക്ഷി നമ്മെ പ്രേരി​പ്പി​ക്കു​ന്നു. എന്നിരു​ന്നാ​ലും യഹോ​വയെ സേവി​ക്കാ​നുള്ള നമ്മുടെ അടിസ്ഥാന കാരണം എല്ലായ്‌പോ​ഴും സ്‌നേ​ഹ​മാ​യി​രി​ക്കണം അല്ലാതെ കുറ്റ​ബോ​ധം ആയിരി​ക്ക​രുത്‌. (ഇയ്യോബ്‌ 1:9-11; 2:4, 5) ഇക്കാര്യം മനസ്സിൽ പിടി​ച്ചു​കൊണ്ട്‌ നല്ലവരായ ആളുകൾക്കു പ്രോ​ത്സാ​ഹ​ന​വും ആശ്വാ​സ​വും പ്രദാനം ചെയ്യു​മ്പോൾ അവർ തങ്ങളുടെ കഴിവി​ന്റെ പരമാ​വധി ചെയ്യും എന്ന്‌ ബൈബിൾ ഉറപ്പു​ത​രു​ന്നു. അതിലു​പരി, സന്തോ​ഷ​ത്തോ​ടെ ആയിരി​ക്കും അവർ അതു ചെയ്യുക. (g02 3/8)