തേൻ—മധുര​മുള്ള ഒരു ഔഷധം

പഴുപ്പും വീക്കവും തടയു​ന്ന​തി​ലെ തേനിന്റെ ഫലപ്ര​ദ​ത്വം സംബന്ധിച്ച്‌ ചില വൈദ്യ​ശാ​സ്‌ത്ര ഗവേഷകർ ആവേശ​ഭ​രി​ത​രാണ്‌. കാനഡ​യി​ലെ ദ ഗ്ലോബ്‌ ആൻഡ്‌ മെയിൽ വർത്തമാ​ന​പ്പ​ത്രം ഇങ്ങനെ റിപ്പോർട്ടു ചെയ്യുന്നു: “ആന്റിബ​യോ​ട്ടിക്‌ പ്രതി​രോ​ധ​ശേ​ഷി​യുള്ള സൂക്ഷ്‌മാ​ണു​ക്ക​ളു​ടെ മുന്നിൽ അടിയ​റവു പറഞ്ഞി​രി​ക്കുന്ന മനുഷ്യ​നിർമിത ആന്റിബ​യോ​ട്ടി​ക്കു​ക​ളിൽനി​ന്നു വ്യത്യ​സ്‌ത​മാ​യി, തേനിന്‌ മുറി​വു​ക​ളി​ലെ രോഗാ​ണു​ക്ക​ളിൽ ചിലതി​നെ​യെ​ങ്കി​ലും ചെറുത്തു തോൽപ്പി​ക്കാൻ കഴിയു​ന്ന​താ​യി കാണ​പ്പെ​ടു​ന്നു.”

തേനിന്റെ ഈ ഔഷധ​ഗു​ണ​ത്തി​നു പിന്നിൽ എന്താണ്‌? പുഷ്‌പ​ങ്ങ​ളിൽനി​ന്നു തേൻ ശേഖരി​ക്കുന്ന ജോലി​ക്കാ​രായ തേനീ​ച്ച​കൾക്ക്‌ ഇതിൽ പങ്കുണ്ട്‌. തേനീ​ച്ച​യു​ടെ ഉമിനീ​രിൽ പൂന്തേ​നി​ലെ ഗ്ലൂക്കോ​സി​നെ വിഘടി​പ്പി​ക്കുന്ന ഒരു പ്രധാന രാസാ​ഗ്നി​യായ (enzyme) ഗ്ലൂക്കോസ്‌-ഓക്‌സി​ഡേസ്‌ അടങ്ങി​യി​ട്ടുണ്ട്‌. ഈ വിഘട​ന​ത്തി​ന്റെ ഒരു ഉപോ​ത്‌പ​ന്ന​മായ ഹൈ​ഡ്രജൻ പെറോ​ക്‌​സൈഡ്‌ സാധാ​ര​ണ​മാ​യി മുറി​വു​കൾ വൃത്തി​യാ​ക്കു​ന്ന​തി​നും അണുവി​മു​ക്ത​മാ​ക്കു​ന്ന​തി​നും ഉപയോ​ഗി​ക്കാ​റുണ്ട്‌. ഹൈ​ഡ്രജൻ പെറോ​ക്‌​സൈഡ്‌ നേരിട്ട്‌ ഒരു മുറി​വിൽ പുരട്ടു​മ്പോൾ സാധാ​ര​ണ​ഗ​തി​യിൽ അതിന്റെ ഗുണം ഏറെ നേരം നീണ്ടു​നിൽക്കാ​റില്ല. എന്നാൽ തേനിന്റെ കാര്യ​ത്തിൽ സംഗതി വ്യത്യ​സ്‌ത​മാണ്‌. “മുറി​വിൽ പുരട്ടു​മ്പോൾ ശരീര​ദ്ര​വങ്ങൾ കലർന്ന്‌ തേനിന്‌ സ്വാഭാ​വി​ക​മാ​യുള്ള അമ്ലത കുറയു​ന്നു” എന്ന്‌ ഗ്ലോബ്‌ പറയുന്നു. അമ്ലത കുറഞ്ഞ ഈ ചുറ്റു​പാ​ടിൽ മേൽ പരാമർശിച്ച രാസാഗ്നി പ്രവർത്തി​ക്കു​ന്നു. തേനിലെ പഞ്ചസാ​ര​യു​ടെ വിഘടനം സാവധാ​ന​ത്തി​ലും തുടർച്ച​യാ​യും നടക്കുന്നു. ആരോ​ഗ്യ​മുള്ള ശരീര കലകൾക്കു കേടു​വ​രു​ത്താ​തെ ഒരു പ്രദേ​ശ​ത്തുള്ള ബാക്ടീ​രി​യയെ നശിപ്പി​ക്കാൻ ആവശ്യ​മാ​യത്ര അളവി​ലുള്ള ഹൈ​ഡ്രജൻ പെറോ​ക്‌​സൈഡ്‌ മാത്രമേ ഈ പ്രക്രി​യ​യി​ലൂ​ടെ ഉത്‌പാ​ദി​പ്പി​ക്ക​പ്പെ​ടു​ന്നു​ള്ളൂ.

ഗ്ലോബ്‌ പറയു​ന്ന​ത​നു​സ​രിച്ച്‌, മുറിവ്‌ ഉണങ്ങാൻ സഹായി​ക്കുന്ന പല സവി​ശേ​ഷ​ത​ക​ളും തേനി​നുണ്ട്‌. “തേൻ നനവു പ്രദാനം ചെയ്യു​ന്ന​തി​നാൽ അതു ചർമത്തെ സംരക്ഷി​ക്കു​ക​യും മുറി​വിൽ പൊറ്റ​കെ​ട്ടു​ന്നതു തടയു​ക​യും ചെയ്യുന്നു. തേൻ പുതിയ രക്തലോ​മി​കകൾ രൂപം​കൊ​ള്ളാ​നും വളരാ​നും ഇടയാ​ക്കു​ക​യും പുതിയ ത്വക്ക്‌ വളരു​ന്ന​തി​നി​ട​യാ​ക്കുന്ന കോശ​ങ്ങളെ ഉത്തേജി​പ്പി​ക്കു​ക​യും ചെയ്യുന്നു.” കൂടാതെ, തേനിൽ അടങ്ങി​യി​രി​ക്കുന്ന ഓക്‌സീ​ക​ര​ണ​രോ​ധി​കൾ “വീക്കം തടയാ​നും രക്തപര്യ​യനം മെച്ച​പ്പെ​ടു​ത്താ​നും മുറി​വു​ക​ളി​ലൂ​ടെ ദ്രവങ്ങൾ പുറ​ത്തേക്ക്‌ ഒഴുകു​ന്നതു തടയാ​നും” സഹായി​ക്കു​ന്നു.

“എന്നാൽ തേൻ എല്ലാവ​രു​ടെ​യും ചികി​ത്സ​യിൽ ഉപയോ​ഗി​ക്കാ​നാ​വില്ല” എന്ന്‌ റിപ്പോർട്ട്‌ മുന്നറി​യി​പ്പു നൽകുന്നു. തേനിന്റെ 5 ശതമാ​ന​ത്തിൽ ഭക്ഷ്യവി​ഷ​ബാ​ധ​യ്‌ക്കു കാരണ​മാ​കുന്ന ബോട്ടു​ലി​നം അണുക്കൾ അടങ്ങി​യി​ട്ടു​ള്ള​താ​യി കണക്കാ​ക്ക​പ്പെ​ടു​ന്നു. ‘ഹെൽത്ത്‌ കാനഡ’യുടെ ‘ബോട്ടു​ലി​സം റെഫറൻസ്‌ സർവീ​സും’ ശിശു​രോ​ഗ​ചി​കി​ത്സാ സൊ​സൈ​റ്റി​ക​ളും മറ്റും ഒരു വയസ്സിനു താഴെ​യുള്ള ശിശു​ക്കൾക്കു തേൻ നൽകു​ന്ന​തി​നെ​തി​രെ ബുദ്ധി​യു​പ​ദേ​ശി​ക്കു​ന്നു. കാരണം, “ആ ബാക്ടീ​രി​യ​ത്തിൽനി​ന്നുള്ള സംരക്ഷ​ണ​ത്തിന്‌ ആവശ്യ​മായ സൂക്ഷ്‌മ​ജീ​വി​കൾ അപ്പോ​ഴും കുഞ്ഞു​ങ്ങ​ളു​ടെ കുടലിൽ വേണ്ട അളവിൽ ഉണ്ടായിരിക്കുകയില്ല.”(g02 3/8)