ലോകത്തെ വീക്ഷിക്കൽ

മത്സ്യ​ത്തൊ​ലി​കൊണ്ട്‌ പാദര​ക്ഷ​കൾ

ലിമയി​ലെ വർത്തമാ​ന​പ്പ​ത്ര​മായ എൽ കോ​മേ​ഴ്‌സ്യോ റിപ്പോർട്ടു ചെയ്യു​ന്ന​ത​നു​സ​രിച്ച്‌, പെറു​വി​ലെ ആൻഡീസ്‌ പർവത​പ്ര​ദേ​ശത്ത്‌ ഒരു പുതിയ വ്യവസാ​യം ആരംഭി​ച്ചി​രി​ക്കു​ന്നു—മത്സ്യ​ത്തൊ​ലി​കൊ​ണ്ടുള്ള പാദരക്ഷ നിർമാ​ണം. മീൻമു​ട്ടകൾ വിരി​യി​ക്കുന്ന ശാലക​ളിൽനി​ന്നും മത്സ്യ ഫാമു​ക​ളിൽനി​ന്നും ലഭിക്കുന്ന തൊലി വൃത്തി​യാ​ക്കി, പ്രകൃ​തി​ജന്യ പദാർഥങ്ങൾ ഉപയോ​ഗിച്ച്‌ ഊറയ്‌ക്കി​ടു​ന്നു. തുടർന്ന്‌ അവയിൽ എണ്ണയി​ട്ട​ശേഷം മഞ്ഞൾ, കൊക്കി​നി​യൽ, ആച്ചി​യോ​ട്ടെ എന്നിങ്ങ​നെ​യുള്ള പ്രകൃതി വസ്‌തു​ക്കൾ ഉപയോ​ഗി​ച്ചു ചായം പൂശുന്നു. ഈ പ്രക്രിയ തൊലി​പ്പു​റത്തെ ആകർഷ​ക​മായ വജ്രാ​കാര രൂപമാ​തൃ​ക​കൾക്കു കോട്ടം വരുത്തു​ന്നില്ല. ഈ തോൽ “കൊച്ചു​ബാ​ഗു​കൾ, പേഴ്‌സ്‌, വാച്ചിന്റെ സ്‌ട്രാപ്പ്‌, മൊ​ബൈൽ ഫോൺ ഉറകൾ” എന്നിവ നിർമി​ക്കാ​നും ഉപയോ​ഗി​ക്കാം. ഈ സംരം​ഭ​ത്തി​നു നേതൃ​ത്വം നൽകിയ വ്യാവ​സാ​യിക എഞ്ചിനീ​യർ ബാർബറ ലേയോൺ പറയുന്നു: “ഊറയ്‌ക്കി​ടു​ന്ന​തിന്‌ ക്രോ​മി​യം പോലുള്ള കൃത്രിമ പദാർഥങ്ങൾ ഉപയോ​ഗി​ക്കു​ന്നില്ല എന്നതാണ്‌ ഏറ്റവും പ്രധാന സംഗതി. അതു​കൊ​ണ്ടു​തന്നെ മലിനീ​ക​ര​ണ​മെന്ന പ്രശ്‌നമേ ഉദിക്കു​ന്നില്ല, മത്സ്യ​ത്തൊ​ലി പരിസ്ഥി​തിക്ക്‌ യാതൊ​രു​വിധ ദോഷ​വും ചെയ്യുകയില്ല.”(g02 3/8)

 ചിരി—ഇപ്പോ​ഴും ഏറ്റവും മികച്ച ഔഷധം!

“നാല്‌ ആഴ്‌ച​ത്തേക്ക്‌ ദിവസ​വും അൽപ്പം തമാശ—വിഷാ​ദ​ല​ക്ഷ​ണങ്ങൾ കുറയ്‌ക്കു​ന്ന​തിൽ ഇത്‌ അങ്ങേയറ്റം ഫലപ്രദം ആയിരി​ക്കു​ന്ന​താ​യി ഇപ്പോൾ കണ്ടെത്തി​യി​രി​ക്കു​ന്നു” എന്ന്‌ ലണ്ടനിലെ ദി ഇൻഡി​പെൻഡന്റ്‌ റിപ്പോർട്ടു ചെയ്യുന്നു. “ചികി​ത്സ​യു​ടെ ഭാഗമാ​യി ദിവസ​വും 30 മിനിട്ടു നേരം തമാശ കാസെ​റ്റു​കൾ ശ്രദ്ധിച്ച രോഗി​ക​ളിൽ ചിലർ പൂർണ സൗഖ്യം പ്രാപി​ച്ച​പ്പോൾ മറ്റു ചിലർ തങ്ങളുടെ രോഗ​ല​ക്ഷ​ണ​ങ്ങ​ളിൽ പകുതി​യും ഇല്ലാതാ​യി​രി​ക്കു​ന്ന​താ​യി കണ്ടെത്തി.” നർമത്തി​ന്റെ ഫലമാ​യുള്ള ചിരി പ്രയോ​ജ​ന​പ്ര​ദ​മാ​ണെന്ന്‌ ഐക്യ​നാ​ടു​ക​ളിൽ നടത്തപ്പെട്ട 100-ലധികം പഠനങ്ങൾ കാണി​ച്ചി​രി​ക്കു​ന്നു. വിഷാ​ദ​രോ​ഗി​കൾക്കു മാത്രമല്ല, അലർജി, കൂടിയ രക്തസമ്മർദം, ദുർബ​ല​മായ രോഗ​പ്ര​തി​രോധ വ്യവസ്ഥ ഒക്കെ ഉള്ളവർക്കും, എന്തിന്‌ കാൻസ​റും റൂമ​റ്റോ​യിഡ്‌ ആർ​ത്രൈ​റ്റി​സും ഉള്ള രോഗി​കൾക്കു പോലും, ഈ ചികി​ത്സ​കൊ​ണ്ടു നല്ല ഗുണമു​ണ്ടാ​യി​ട്ടുണ്ട്‌. ചിരി ആരോ​ഗ്യ​ത്തി​നു നല്ലതാ​ണെ​ന്നു​ള്ളത്‌ കാലങ്ങ​ളാ​യി അംഗീ​ക​രി​ക്ക​പ്പെ​ട്ടി​ട്ടുള്ള ഒരു വസ്‌തു​ത​യാണ്‌. എന്നാൽ അത്‌ എന്തു​കൊ​ണ്ടാ​ണെന്ന്‌ ഇപ്പോ​ഴും വ്യക്തമാ​യി മനസ്സി​ലാ​ക്കാൻ കഴിഞ്ഞി​ട്ടില്ല. എങ്കിലും, മനശ്ശാ​സ്‌ത്ര​വി​ദ​ഗ്‌ധ​നായ ഡോ. എഡ്‌ ഡങ്കിൾബ്ലൗ ഇങ്ങനെ​യൊ​രു മുന്നറി​യി​പ്പു നൽകുന്നു: മറ്റുള്ള​വരെ അപമാ​നി​ക്കുന്ന തരം തമാശ ഒഴിവാ​ക്കുക. അതു​പോ​ലെ തമാശ അതിരു​ക​ട​ക്കാ​തി​രി​ക്കാ​നും ശ്രദ്ധി​ക്കണം. അല്ലെങ്കിൽ, തന്റെ പ്രശ്‌നം ആരും ഗൗരവ​ത്തോ​ടെ എടുക്കു​ന്നി​ല്ലെന്ന്‌ രോഗി​ക്കു തോന്നി​യേ​ക്കാം. (g02 3/8)

മതത്തിനു രണ്ടാം സ്ഥാനം

ബ്രസീ​ലി​യൻ നഗരങ്ങ​ളി​ലെ പ്രായ​പൂർത്തി​യായ ദരി​ദ്രർക്കി​ട​യിൽ നടത്തിയ ഒരു സർവേ അനുസ​രിച്ച്‌ അവരിൽ 67 ശതമാനം കത്തോ​ലി​ക്ക​രാ​ണെന്ന്‌ അവകാ​ശ​പ്പെ​ട്ടെ​ങ്കി​ലും, 35 ശതമാ​ന​ത്തി​നു മാത്രമേ യേശു​വി​ലും മറിയ​യി​ലും സഭാ പഠിപ്പി​ക്ക​ലു​ക​ളി​ലും വിശ്വാ​സം ഉണ്ടായി​രു​ന്നു​ള്ളൂ. അതിലും കുറവാണ്‌—വെറും 30 ശതമാനം—എല്ലാ ആഴ്‌ച​യി​ലും പള്ളിയിൽ പോകു​ന്ന​വ​രു​ടെ എണ്ണം. ബ്രസീ​ലി​ലെ ബിഷപ്പു​മാ​രു​ടെ ദേശീയ കോൺഫ​റൻസി​ന്റെ നിർദേ​ശ​പ്ര​കാ​രം നടത്തപ്പെട്ട സർവേ, അനേക​രും വിവാ​ഹ​പൂർവ ലൈം​ഗി​കത (44 ശതമാനം), വിവാ​ഹ​മോ​ചനം (59 ശതമാനം), പുനർവി​വാ​ഹം (63 ശതമാനം), ഗർഭനി​രോ​ധനം (73 ശതമാനം) എന്നിവ സംബന്ധിച്ച സഭയുടെ ഔദ്യോ​ഗിക പഠിപ്പി​ക്ക​ലു​ക​ളു​മാ​യി വിയോ​ജി​ക്കു​ന്നു​വെന്നു വ്യക്തമാ​ക്കി. ദൈവ​ശാ​സ്‌ത്ര​ജ്ഞ​നായ സെവെ​റി​നോ വിസേൻറ്റെ പറയു​ന്ന​ത​നു​സ​രിച്ച്‌, വൈദിക ക്ഷാമം, ബ്രസീ​ലി​ലെ വിദ്യാ​ഭ്യാ​സ സമ്പ്രദാ​യ​ത്തി​ന്മേ​ലുള്ള സ്വാധീന നഷ്ടം, പൊള്ള​യായ പഠിപ്പി​ക്ക​ലു​കൾ എന്നിവ​യെ​ല്ലാം സഭയുടെ നില പരുങ്ങ​ലി​ലാ​ക്കു​ക​യാണ്‌. അദ്ദേഹം പറയുന്നു: “കത്തോ​ലി​ക്ക​രു​ടെ പുതിയ തലമുറ, വിശ്വാ​സങ്ങൾ വ്യക്തി​പ​ര​മായ കാര്യ​മാണ്‌ എന്ന ചിന്താ​ഗ​തി​ക്കാ​രാണ്‌. അവർ മതത്തിനു മുഖ്യ സ്ഥാനം നൽകുന്നില്ല.”(g02 3/8)

ഉച്ചമയ​ക്ക​ത്തി​ന്റെ ശക്തി

ബ്രിട്ട​നി​ലെ ലഫ്‌ബൊറ സർവക​ലാ​ശാ​ല​യി​ലെ നിദ്രാ വിദഗ്‌ധൻ, പ്രൊ​ഫസർ ജിം ഹോൺ പറയു​ന്ന​ത​നു​സ​രിച്ച്‌, ഉച്ചകഴി​ഞ്ഞത്തെ ഉറക്കം തൂങ്ങലി​നുള്ള ഏറ്റവും നല്ല പരിഹാ​രം “ഉച്ചയ്‌ക്ക്‌ ഒരു പത്തു മിനിട്ട്‌ മയങ്ങു​ന്ന​താണ്‌” എന്ന്‌ ലണ്ടനിലെ ദ ടൈംസ്‌ റിപ്പോർട്ടു ചെയ്യുന്നു. “അത്‌ മറ്റേ​തൊ​രു ചികി​ത്സ​യും പോ​ലെ​ത​ന്നെ​യാണ്‌: പ്രശ്‌നം അനുഭ​വ​പ്പെ​ടാൻ ഇടയുള്ള സമയ​ത്തോട്‌ എത്ര അടുത്താ​ണോ ചികിത്സ ലഭ്യമാ​ക്കു​ന്നത്‌ അത്‌ അത്ര ഫലപ്ര​ദ​മാ​യി​രി​ക്കും” എന്ന്‌ ഹോൺ പറയുന്നു. ഐക്യ​നാ​ടു​ക​ളി​ലെ ചില കമ്പനികൾ, കിടക്ക, പുതപ്പ്‌, തലയിണ, ഉറക്കത്തി​നു സഹായ​ക​മായ ശബ്ദങ്ങൾ എന്നിവ​യും ഓരോ 20 മിനിട്ടു കൂടു​മ്പോ​ഴും അടിക്കുന്ന അലാറ​ങ്ങ​ളും സഹിതം ജോലി​ക്കാർക്കാ​യി പ്രത്യേ​കം സജ്ജീക​രിച്ച ഉച്ചമയക്ക മുറികൾ തന്നെ ഒരുക്കി​യി​ട്ടുണ്ട്‌. എന്നാൽ കൂടുതൽ സമയം, ഉദാഹ​ര​ണ​ത്തിന്‌ 25 മിനിട്ട്‌ ഉറങ്ങു​ന്നു​വെ​ന്നി​രി​ക്കട്ടെ, ഉണരു​മ്പോൾ നിങ്ങൾക്ക്‌ ഉന്മേഷം തോന്നാൻ ഇടയില്ല എന്ന്‌ പ്രൊ​ഫസർ ഹോൺ മുന്നറി​യി​പ്പു നൽകുന്നു. കാരണം, “ഉറങ്ങു​മ്പോൾ പത്തു മിനിട്ടു കഴിഞ്ഞാൽ ശരീരം അതു രാത്രി​യാ​ണെന്നു തെറ്റി​ദ്ധ​രി​ച്ചു​കൊണ്ട്‌ ഗാഢനി​ദ്ര​യി​ലേക്ക്‌ ആണ്ടുപോകും.”(g02 3/8)

പൊണ്ണ​ത്ത​ടി​യും കാൻസ​റും

“പാശ്ചാത്യ നാടു​ക​ളിൽ പുകവ​ലി​ക്കാ​ത്ത​വ​രു​ടെ ഇടയിൽ കാൻസ​റിന്‌ ഇടയാ​ക്കു​ന്ന​തും എന്നാൽ ഒഴിവാ​ക്കാ​നാ​കു​ന്ന​തു​മായ ഘടകങ്ങ​ളിൽ ഏറ്റവും മുഖ്യം പൊണ്ണ​ത്ത​ടി​യാണ്‌” എന്ന്‌ ലണ്ടനിലെ ദ ടൈംസ്‌ റിപ്പോർട്ടു ചെയ്യുന്നു. ജീവിത ശൈലി​യി​ലെ മാറ്റത്തിന്‌—അമിത​വണ്ണം കുറയ്‌ക്കു​ന്നത്‌ ഉൾപ്പെടെ—പുകവ​ലി​ക്കാ​ത്ത​വ​രു​ടെ ഇടയിലെ കാൻസർ നിരക്ക്‌ പകുതി​യാ​യി കുറയ്‌ക്കാ​നാ​കു​മെന്ന്‌ അമ്പതു വർഷത്തെ ഗവേഷണ ഫലങ്ങൾ കാണി​ച്ചി​രി​ക്കു​ന്നു. “നിങ്ങൾ പുകവ​ലി​ക്കാത്ത ആളാ​ണെ​ങ്കിൽ അമിത​വണ്ണം, ഉദരത്തി​ലെ​യും ഗർഭാ​ശ​യ​മു​ഖ​ത്തെ​യും കാൻസ​റിന്‌ കാരണ​മായ വൈറ​സു​കൾ എന്നിവ​യാണ്‌ ഏറ്റവു​മ​ധി​കം ശ്രദ്ധ അർഹി​ക്കുന്ന കാര്യങ്ങൾ” എന്ന്‌ ബ്രിട്ട​നി​ലെ കാൻസർ ഗവേഷണ ഇൻസ്റ്റി​റ്റ്യൂ​ട്ടി​ലെ പ്രൊ​ഫസർ ജൂലിയൻ പീറ്റോ പറയുന്നു. “ആഹാര​ക്രമം നിയ​ന്ത്രി​ച്ചു​കൊണ്ട്‌ ജന്തുക്ക​ളിൽ നടത്തിയ പരീക്ഷ​ണങ്ങൾ അവയിൽ കാൻസർ സാധ്യത വളരെ കുറച്ച​താ​യി കാണിച്ചു.” പ്രായം, ലിംഗം, ഉയരം, ശരീര​ഘടന എന്നീ ഘടകങ്ങൾ കണക്കി​ലെ​ടു​ക്കു​മ്പോൾ അഭികാ​മ്യ​മായ ശരീര​ഭാ​ര​ത്തെ​ക്കാൾ 20 ശതമാനം കൂടു​ത​ലാണ്‌ ഒരു വ്യക്തി​യു​ടെ തൂക്ക​മെ​ങ്കിൽ, വൈദ്യ​ശാ​സ്‌ത്ര​പ​ര​മാ​യി ആ വ്യക്തിയെ പൊണ്ണ​ത്ത​ടി​യു​ള്ള​വ​രു​ടെ ഗണത്തിൽ പെടു​ത്താം. (g02 3/8)

വിവാ​ഹ​ത്തി​നു മുമ്പ്‌ ഒരുമി​ച്ചു പാർക്കൽ

“വിവാ​ഹ​ത്തി​നു മുമ്പ്‌ ഒരുമി​ച്ചു ജീവി​ച്ചി​ട്ടുള്ള മാതാ​പി​താ​ക്കൾ വേർപി​രി​യാ​നുള്ള സാധ്യത ഏതാണ്ട്‌ ഇരട്ടി​യാണ്‌” എന്നു കാനഡ​യി​ലെ നാഷണൽ പോസ്റ്റ്‌ പറയുന്നു. ഒരു കുഞ്ഞ്‌ ഉണ്ടായി​രി​ക്കു​ന്നത്‌ മാതാ​പി​താ​ക്കൾക്കു പരസ്‌പ​ര​മുള്ള പ്രതി​ബ​ദ്ധ​ത​യു​ടെ തെളിവ്‌ ആണെന്നു കണ്ടെത്താ​നാ​ണു ഗവേഷകർ പ്രതീ​ക്ഷി​ച്ചത്‌ എന്ന്‌ ‘സ്റ്റാറ്റി​സ്റ്റി​ക്‌സ്‌ കാനഡ’ നടത്തിയ ഒരു പഠനത്തിൽ പങ്കെടുത്ത ഹെതർ ജൂബി പറഞ്ഞു. “എന്നാൽ, വിവാഹം കൂടാതെ ഒരുമി​ച്ചു ജീവി​ക്കാൻ തയ്യാറാ​കു​ന്നവർ ബന്ധം വേർപെ​ടു​ത്താ​നും എളുപ്പം തയ്യാറാ​കു​ന്നു.” വിവാ​ഹ​ത്തി​നു മുമ്പ്‌ ഒരുമി​ച്ചു ജീവി​ച്ച​വ​രിൽ 25.4 ശതമാനം വേർപി​രി​ഞ്ഞ​പ്പോൾ, അങ്ങനെ ചെയ്യാ​ഞ്ഞ​വ​രിൽ 13.6 ശതമാനം മാത്രമേ വേർപി​രി​ഞ്ഞു​ള്ളൂ എന്ന്‌ ഗവേഷകർ കണ്ടെത്തി. “വിവാ​ഹ​ത്തി​നു മുമ്പ്‌ ഒരുമി​ച്ചു ജീവി​ക്കു​ന്ന​വ​രു​ടെ ബന്ധത്തിന്‌ അത്ര ഉറപ്പില്ല. കാരണം, വിവാഹം കഴിക്കാ​തെ ഒരുമി​ച്ചു ജീവി​ക്കാൻ തയ്യാറാ​കു​ന്നവർ ഒരുപക്ഷേ വിവാ​ഹ​പ്ര​തി​ബ​ദ്ധ​ത​യു​ടെ മൂല്യത്തെ കുറച്ചു കാണു​ന്നവർ ആയിരി​ക്കാം” എന്നു ജൂബി പറയുന്നു. (g02 3/8)

ഇന്റർനെ​റ്റി​ലെ സ്‌മാരക ശുശ്രൂ​ഷ​കൾ

ദ ജപ്പാൻ ടൈംസ്‌ റിപ്പോർട്ടു ചെയ്യു​ന്ന​ത​നു​സ​രിച്ച്‌, ഇപ്പോൾ ഇന്റർനെ​റ്റിൽ കല്ലറകൾ സന്ദർശി​ക്കുക സാധ്യ​മാണ്‌. ബന്ധുക്കൾക്കും സുഹൃ​ത്തു​ക്കൾക്കും മരിച്ച​യാൾക്ക്‌ ഇന്റർനെ​റ്റി​ലൂ​ടെ ആദരാ​ഞ്‌ജ​ലി​കൾ അർപ്പി​ക്കാൻ കഴിയും. കല്ലറയു​ടെ ചിത്ര​ത്തോ​ടൊ​പ്പം മരിച്ച​യാ​ളു​ടെ ഫോ​ട്ടോ​യും വ്യക്തിയെ കുറിച്ചു ചുരു​ക്ക​ത്തി​ലുള്ള വിശദാം​ശ​ങ്ങ​ളും കമ്പ്യൂട്ടർ സ്‌ക്രീ​നിൽ തെളി​യും. സന്ദർശ​കർക്ക്‌ സന്ദേശങ്ങൾ എഴുതാ​നുള്ള ഒരു ഇടവു​മുണ്ട്‌. ബുദ്ധമ​ത​ക്കാ​രായ സന്ദർശ​ക​രു​ടെ ആവശ്യങ്ങൾ മാനിച്ച്‌ കമ്പ്യൂട്ടർ മൗസ്‌ ഉപയോ​ഗിച്ച്‌ പുഷ്‌പ​ഫ​ലാ​ദി​ക​ളും സാമ്പ്രാ​ണി​ത്തി​രി​ക​ളും ലഹരി​പാ​നീ​യ​ങ്ങ​ളും ഒക്കെ സ്‌ക്രീ​നി​ലെ കല്ലറയ്‌ക്കൽ അർപ്പി​ക്കാ​നുള്ള സൗകര്യ​വും ചെയ്‌തി​ട്ടുണ്ട്‌. ഇന്റർനെറ്റ്‌ സ്‌മാരക ശൂശ്രൂ​ഷാ കമ്പനി​യു​ടെ പ്രസി​ഡന്റ്‌ റ്റാഡാഷി വാട്ടാ​നാ​ബെ പറയു​ന്ന​ത​നു​സ​രിച്ച്‌, “വിദേ​ശ​താ​മ​സ​ക്കാ​രെ പോലെ കൂടെ​ക്കൂ​ടെ നേരിട്ടു കല്ലറ സന്ദർശി​ക്കാൻ കഴിയാ​ത്ത​വരെ സംബന്ധി​ച്ചി​ട​ത്തോ​ളം വളരെ പ്രാ​യോ​ഗി​ക​മായ ഒരു ആശയമാണ്‌ ഇതെന്നാണ്‌ ചിലരു​ടെ അഭിപ്രായം.”(g02 3/22)

ആർട്ടിക്‌ മുന്നറി​യിപ്പ്‌

“വ്യാവ​സാ​യിക വികസ​ന​ത്തി​ന്റെ തോത്‌ കുറയാ​ത്ത​പക്ഷം ഈ നൂറ്റാ​ണ്ടി​ന്റെ പകുതി ആകു​മ്പോ​ഴേ​ക്കും, എളുപ്പ​ത്തിൽ നശിപ്പി​ക്ക​പ്പെ​ടാ​വുന്ന ആർട്ടിക്‌ മേഖല​യു​ടെ ഏതാണ്ട്‌ 80 ശതമാ​ന​ത്തി​നു സാരമായ ക്ഷതമേ​റ്റി​രി​ക്കും” എന്നു കാനഡ​യി​ലെ ദ ഗ്ലോബ്‌ ആൻഡ്‌ മെയിൽ വർത്തമാ​ന​പ്പ​ത്രം പറയുന്നു. ‘യുഎൻ പരിസ്ഥി​തി പ്രോ​ഗ്രാം’ തയ്യാറാ​ക്കിയ ഒരു റിപ്പോർട്ട്‌ മുഴു ആർട്ടിക്‌ മേഖല​യി​ലും മനുഷ്യർ നടത്തി​യി​രി​ക്കുന്ന വികസന പ്രവർത്ത​ന​ങ്ങ​ളു​ടെ വർധി​ച്ചു​വ​രുന്ന അനന്തര​ഫ​ല​ങ്ങളെ കുറിച്ച്‌ അഭി​പ്രാ​യ​പ്പെ​ടു​ന്നു. അതനു​സ​രിച്ച്‌, അവിടെ 1940 മുതൽ 1990 വരെ നടത്തപ്പെട്ട അതേ തോതിൽ വ്യാവ​സാ​യിക വികസനം തുടരു​ക​യാ​ണെ​ങ്കിൽ അതിന്റെ ഫലങ്ങൾ വിപത്‌ക​ര​മാ​യി​രി​ക്കും. പല ആർട്ടിക്‌ ജന്തുക്ക​ളും ദേശാ​ടനം ചെയ്യുന്നവ ആയതി​നാൽ ഈ ഹാനി മറ്റു പ്രദേ​ശ​ങ്ങ​ളി​ലേ​ക്കും വ്യാപി​ക്കാൻ ഇടയു​ണ്ടെന്ന്‌ അതു പറയുന്നു. “ഇപ്പോൾത്തന്നെ വ്യാവ​സാ​യിക വികസനം ലോക​ത്തി​ലെ ആർട്ടിക്‌ മേഖല​യു​ടെ 10-15 ശതമാ​നത്തെ [പ്രതി​കൂ​ല​മാ​യി] ബാധി​ച്ചി​രി​ക്കു​ന്നു” എന്ന്‌ പത്രറി​പ്പോർട്ട്‌ പറയുന്നു. (g02 3/22)

കാര്യ​ജ്ഞാ​ന​ത്തോ​ടെ​യുള്ള സമ്മതം—നിലപാ​ടിൽ മാറ്റമില്ല

ഇറ്റലി​യി​ലെ ആരോഗ്യ മന്ത്രാ​ലയം ആദ്യമാ​യി 1991 ജനുവ​രി​യിൽ പുറ​പ്പെ​ടു​വിച്ച ഉത്തരവി​നെ തുടർന്ന്‌ പത്തു വർഷത്തി​നു ശേഷം വീണ്ടും രോഗി​യു​ടെ കാര്യ​ജ്ഞാ​ന​ത്തോ​ടെ​യുള്ള സമ്മതം കൂടാതെ രക്തപ്പകർച്ച നടത്താൻ പാടില്ല എന്ന്‌ എടുത്തു പറഞ്ഞി​രി​ക്കു​ന്നു. 2001 ജനുവരി 25-ന്‌ പുറ​പ്പെ​ടു​വിച്ച ഈ ഉത്തരവ്‌ ഗാറ്റ്‌സെറ്റാ ഊഫി​ചി​യാ​ലെ ഡെല്ലാ റേപൂ​ബ്ലി​ക്കാ ഇറ്റാലി​യാ​ന​യിൽ (ഇറ്റാലി​യൻ റിപ്പബ്ലി​ക്കി​ന്റെ ഔദ്യോ​ഗിക ഗസെറ്റ്‌) പ്രസി​ദ്ധീ​ക​രി​ച്ചു. അതിൽ ഇങ്ങനെ പറഞ്ഞി​രി​ക്കു​ന്നു: “രക്തമോ രക്തഘട​ക​ങ്ങ​ളോ ഘടകാം​ശ​ങ്ങ​ളോ ഉപയോ​ഗി​ച്ചുള്ള ചികിത്സ അപകട​വി​മു​ക്ത​മ​ല്ലെന്ന്‌ അറിയി​ച്ച​ശേഷം, രോഗി തന്റെ സമ്മതമോ വിസ്സമ്മ​ത​മോ രേഖാ​മൂ​ലം നൽകേ​ണ്ട​താണ്‌.” (g02 3/22)

ഗർഭി​ണി​കൾ മർദന​ത്തിന്‌ ഇരകൾ

“ഗർഭകാ​ലത്ത്‌ സാധാ​ര​ണ​മാ​യി ഉണ്ടാകാൻ ഇടയുള്ള ആരോ​ഗ്യ​പ്ര​ശ്‌ന​ങ്ങ​ളെ​ക്കാൾ കൂടു​ത​ലാ​യി ഇണയിൽനി​ന്നുള്ള അക്രമം അമ്മയ്‌ക്കും കുഞ്ഞി​നും ദോഷം ചെയ്യു​ന്ന​താ​യി ഇപ്പോൾ കണ്ടെത്തി​യി​രി​ക്കു​ന്നു” എന്ന്‌ ലണ്ടനിലെ ദി ഇൻഡി​പെൻഡന്റ്‌ പറയുന്നു. “ബ്രിട്ട​നിൽ വീടു​ക​ളി​ലെ അക്രമം സംബന്ധിച്ച്‌ റോയൽ കോ​ളെജ്‌ ഓഫ്‌ ഓബ്‌സ്റ്റെ​ട്രി​ഷ്യൻസ്‌ നടത്തിയ ഒരു പഠനം, സ്‌ത്രീ​കൾക്കെ​തി​രെ​യുള്ള അക്രമ​ത്തിൽ മൂന്നി​ലൊ​ന്നും ആദ്യമാ​യി അരങ്ങേ​റി​യത്‌ അവർ ഗർഭി​ണി​കൾ ആയിരി​ക്കെ​യാ​ണെന്നു കാണിച്ചു. ഒരു കുഞ്ഞ്‌ ഉണ്ടാകാൻ പോകു​ന്നു എന്ന വസ്‌തുത ജനിപ്പി​ക്കുന്ന അസൂയ ചില പുരു​ഷ​ന്മാർ അക്രമാ​സ​ക്ത​രാ​യി​ത്തീ​രാൻ ഇടയാ​ക്കു​ന്നു എന്നതിന്‌ വർധി​ച്ചു​വ​രുന്ന തെളി​വു​കൾ ഉണ്ട്‌.” “യുകെ-യിലെ കണക്കുകൾ ഞങ്ങളെ ഞെട്ടി​ച്ചു​ക​ളഞ്ഞു” എന്നു റോയൽ കോ​ളെജ്‌ ഓഫ്‌ ഓബ്‌സ്റ്റെ​ട്രി​ഷ്യൻസി​ലെ പ്രൊ​ഫസർ ജെയിംസ്‌ ഡ്രൈഫ്‌ പറഞ്ഞു. ഐക്യ​നാ​ടു​ക​ളിൽ നടത്തിയ സമാന​മായ ഒരു പഠനം അവിടെ ഗർഭി​ണി​കൾക്കി​ട​യി​ലെ മരണങ്ങ​ളിൽ അഞ്ചി​ലൊന്ന്‌ കൊല​പാ​ത​മാ​ണെന്നു കാണിച്ചു. അങ്ങനെ അത്‌ അവിടത്തെ “ഗർഭി​ണി​ക​ളു​ടെ മരണകാ​ര​ണ​ങ്ങ​ളിൽ ഏറ്റവും സാധാ​ര​ണ​മാ​യത്‌ ആയിത്തീർന്നിരിക്കുന്നു.”(g02 3/22)