യുവജ​നങ്ങൾ ചോദി​ക്കു​ന്നു . . .

കൂടെ താമസി​ക്കാൻ പറ്റിയ ഒരു വ്യക്തിയെ എങ്ങനെ കണ്ടെത്താം?

“ഒറ്റയ്‌ക്കു താമസി​ച്ചു​കൊണ്ട്‌ മുഴു സമയ ശുശ്രൂ​ഷ​ക​യാ​യി സേവി​ക്കാ​നും വാടക​യും മറ്റു ബില്ലു​ക​ളും അടയ്‌ക്കാ​നും എനിക്കു കഴിയു​മാ​യി​രു​ന്നില്ല.”—ലിൻ. a

പലപ്പോ​ഴും ആദ്യമാ​യി യുവജ​നങ്ങൾ വീടു​വി​ട്ടു പുറത്തു താമസി​ക്കാൻ തുടങ്ങു​മ്പോൾ ‘യഥാർഥ ലോക​ത്തി​ലെ’ ജീവിതം എത്ര ചെല​വേ​റി​യ​താ​ണെന്ന്‌ ഒരു ഞെട്ട​ലോ​ടെ അവർ മനസ്സി​ലാ​ക്കു​ന്നു. ഒന്നോ അതില​ധി​ക​മോ വ്യക്തി​ക​ളോ​ടൊ​ത്തു താമസി​ക്കു​ന്നത്‌ ഭാര​മേ​റിയ ഈ ചെലവു​കൾ വഹിക്കാൻ സഹായി​ക്കുന്ന ഒരു മാർഗ​മാ​ണെന്ന്‌ അവരിൽ പലരും കണ്ടെത്തു​ന്നു.

എന്നാൽ ഈ പരമ്പര​യി​ലെ മുൻ ലേഖനം ചൂണ്ടി​ക്കാ​ട്ടി​യതു പോലെ, മറ്റൊ​രാ​ളോ​ടൊ​പ്പം—പ്രത്യേ​കിച്ച്‌ മുമ്പ്‌ ഒട്ടും പരിച​യ​മി​ല്ലാ​യി​രുന്ന ഒരു വ്യക്തി​യോ​ടൊ​പ്പം—ഉള്ള താമസ​ത്തി​നു ശരിക്കു​മൊ​രു വെല്ലു​വി​ളി ആയിരി​ക്കാ​നാ​കും. b മുഴു​സമയ ശുശ്രൂ​ഷ​ക​രാ​യി സേവി​ക്കു​ന്ന​തിന്‌ ഒരുമി​ച്ചു താമസി​ക്കുന്ന യുവ ക്രിസ്‌ത്യാ​നി​ക​ളു​ടെ കാര്യ​ത്തിൽ പോലും ഇതു സത്യമാണ്‌. നിങ്ങളു​ടെ സാഹച​ര്യം എന്തുതന്നെ ആയിരു​ന്നാ​ലും മറ്റൊരു വ്യക്തി​യോ​ടൊ​പ്പം മുറി പങ്കിട്ടു കഴിയു​ന്ന​തി​നെ കുറിച്ചു ചിന്തി​ക്കു​ന്നെ​ങ്കിൽ, ആ വ്യക്തിയെ തിര​ഞ്ഞെ​ടു​ക്കുന്ന കാര്യ​ത്തിൽ “പ്രാ​യോ​ഗിക ജ്ഞാനം” പ്രകട​മാ​ക്കു​ന്നതു ന്യായ​യു​ക്ത​മാണ്‌. c—സദൃശ​വാ​ക്യ​ങ്ങൾ 3:21, NW.

മോശ​മായ സഹവാ​സ​ത്തി​ന്റെ അപകടങ്ങൾ

അനേകം യുവജ​ന​ങ്ങ​ളും കൂടെ താമസി​ക്കാൻ പറ്റിയ ഒരു വ്യക്തിയെ കണ്ടെത്താൻ ബുള്ളറ്റിൻ ബോർഡു​കൾ, പത്ര പരസ്യങ്ങൾ, ഇന്റർനെറ്റ്‌ എന്നിവ​യി​ലേക്കു തിരി​യു​ന്നു. എന്നാൽ യുവ​ക്രി​സ്‌ത്യാ​നി​കൾ അവയി​ലേക്കു തിരി​യു​ന്നത്‌ അപകട​ക​ര​മാണ്‌. കാരണം സാധ്യ​ത​യ​നു​സ​രിച്ച്‌ അവ നിങ്ങളു​ടെ വിശ്വാ​സ​മോ ധാർമിക നിലവാ​ര​ങ്ങ​ളോ മൂല്യ​ങ്ങ​ളോ പിൻപ​റ്റാത്ത വ്യക്തി​ക​ളി​ലേക്ക്‌ ആയിരി​ക്കും നിങ്ങളെ നയിക്കുക. ഒരേ വിശ്വാ​സ​ത്തി​ലുള്ള വ്യക്തി​ക​ളോ​ടൊ​പ്പമേ താമസി​ക്കൂ എന്നു പറയു​ന്നത്‌ ഇടുങ്ങി​യ​തും സാമൂ​ഹി​ക​വി​രു​ദ്ധ​വു​മായ ചിന്താ​ഗ​തി​യാ​ണോ? അല്ല, മറിച്ച്‌ അത്‌ ജ്ഞാനമാർഗ​മാണ്‌. ബൈബിൾതന്നെ ഈ മുന്നറി​യി​പ്പു നൽകുന്നു: “മോശ​മായ സഹവാ​സങ്ങൾ പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു.”—1 കൊരി​ന്ത്യർ 15:33, NW.

ലീ എന്ന പെൺകു​ട്ടി​യു​ടെ അനുഭവം എടുക്കുക. കോ​ളെജ്‌ ഹോസ്റ്റ​ലിൽ താമസി​ക്കാൻ തുടങ്ങി​യ​പ്പോൾ അവൾ ഒരു ക്രിസ്‌ത്യാ​നി​യെന്ന നിലയിൽ സ്‌നാ​പ​ന​മേ​റ്റി​ട്ടു​ണ്ടാ​യി​രു​ന്നില്ല. “അവിടത്തെ അന്തരീക്ഷം അപകടം പിടി​ച്ച​താ​യി​രു​ന്നു,” അവൾ അനുസ്‌മ​രി​ക്കു​ന്നു. “ചിലർ മുറി​യിൽ തിരി​ച്ചെ​ത്തു​മ്പോൾ കാണു​ന്നത്‌ കൂടെ താമസി​ക്കുന്ന കുട്ടി ലൈം​ഗിക വേഴ്‌ച​യിൽ ഏർപ്പെ​ടു​ന്നത്‌ ആയിരി​ക്കും.” അവിടത്തെ ജീവിതം പെട്ടെ​ന്നു​തന്നെ ലീയുടെ ആത്മീയ​തയെ മോശ​മാ​യി ബാധി​ക്കാൻ തുടങ്ങി. “ഞാൻ കൂടെ​ക്കൂ​ടെ ക്രിസ്‌തീയ യോഗങ്ങൾ മുടക്കാൻ തുടങ്ങി” എന്ന്‌ അവൾ സമ്മതിച്ചു പറയുന്നു. അവളുടെ സ്വഭാവം ഒന്നി​നൊ​ന്നു വഷളാ​കാൻ തുടങ്ങി​യ​തിൽ അതിശ​യ​മില്ല. “ഒരു ദിവസം സംസാ​ര​ത്തി​നി​ട​യ്‌ക്ക്‌ ഞാൻ വളരെ മോശ​മായ ഭാഷ ഉപയോ​ഗി​ച്ചു. ഒരു കുട്ടി ഉടനെ എന്നോടു ചോദി​ച്ചു: ‘അത്തരം സംസാ​ര​മൊ​ക്കെ യഹോവ അംഗീ​ക​രി​ക്കു​മോ?’” എത്ര വലിയ നാണ​ക്കേട്‌! സന്തോ​ഷ​ക​ര​മെന്നു പറയട്ടെ, ലീ അനാ​രോ​ഗ്യ​ക​ര​മായ ആ ചുറ്റു​പാ​ടിൽനി​ന്നു പുറത്തു പോരു​ക​യും ആത്മീയ പുരോ​ഗതി വരുത്തു​ക​യും ചെയ്‌തു. എന്നാൽ നിങ്ങളു​ടെ നിലവാ​ര​ങ്ങളെ മാനി​ക്കാത്ത വ്യക്തി​ക​ളോ​ടൊ​പ്പം താമസി​ക്കു​ന്ന​തിൽ ഉൾപ്പെ​ട്ടി​രി​ക്കുന്ന അപകടം തിരി​ച്ച​റി​യാൻ അവളുടെ അനുഭവം സഹായി​ക്കു​ന്നു.

അനു​യോ​ജ്യ​രായ സഹതാ​മ​സ​ക്കാ​രെ കണ്ടെത്തൽ

അങ്ങനെ​യെ​ങ്കിൽ പിന്നെ നിങ്ങൾ എവിടെ അന്വേ​ഷി​ക്കും? യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക സഭയിൽത്തന്നെ തുടങ്ങാ​വു​ന്ന​താണ്‌. മുഴു​സമയ ശുശ്രൂ​ഷകർ  പലപ്പോ​ഴും അവർക്കാ​യി പ്രത്യേ​കം നടത്ത​പ്പെ​ടുന്ന അനേകം സ്‌കൂ​ളു​ക​ളി​ലും യോഗ​ങ്ങ​ളി​ലും വെച്ച്‌ ആത്മീയ മനസ്‌ക​രായ മറ്റു യുവജ​ന​ങ്ങളെ കണ്ടുമു​ട്ടു​ന്നു. d മാതാ​പി​താ​ക്കൾക്കും പ്രാ​ദേ​ശിക സഭയിലെ മൂപ്പന്മാർക്കും സഞ്ചാര മേൽവി​ചാ​ര​ക​ന്മാർക്കും മറ്റും നിങ്ങളെ സഹായി​ക്കാൻ കഴി​ഞ്ഞേ​ക്കും. നിങ്ങ​ളോ​ടൊ​പ്പം താമസി​ക്കാൻ പറ്റിയ ചില യുവജ​ന​ങ്ങളെ അവർക്ക്‌ ഒരുപക്ഷേ അറിയാ​മാ​യി​രി​ക്കും.

കൂടെ താമസി​ക്കാൻ പറ്റിയ ഒരു വ്യക്തിയെ നിങ്ങൾ തിരയു​ക​യാ​ണെന്ന്‌ മറ്റുള്ള​വ​രോ​ടു പറയു​ന്ന​തും സഹായ​ക​മാ​യി​രു​ന്നേ​ക്കാം. നിങ്ങളു​ടെ ആവശ്യം എത്രയ​ധി​കം പേരെ അറിയി​ക്കു​ന്നു​വോ അത്രയ​ധി​ക​മാണ്‌ ഫലം കിട്ടാ​നുള്ള സാധ്യ​ത​യും. (സഭാ​പ്ര​സം​ഗി 11:6) എല്ലാറ്റി​ലും ഉപരി, ഈ കാര്യ​ത്തിൽ നിങ്ങളെ സഹായി​ക്കാൻ യഹോ​വ​യോട്‌ അപേക്ഷി​ക്കു​ക​യും അവനിൽ ആശ്രയി​ക്കു​ക​യും ചെയ്യുക.—1 യോഹ​ന്നാൻ 5:14, 15.

ആവശ്യ​മായ വിവരങ്ങൾ അന്വേ​ഷി​ച്ച​റി​യുക

കൂടെ താമസി​ക്കാൻ പറ്റിയ​തെന്നു തോന്നുന്ന ഒരു വ്യക്തിയെ നിങ്ങൾ കണ്ടെത്തി​യെ​ന്നി​രി​ക്കട്ടെ. പെട്ടെ​ന്നു​തന്നെ ഒരുമി​ച്ചു താമസം തുടങ്ങാൻ നിങ്ങൾ ഒരുപക്ഷേ ആഗ്രഹി​ച്ചേ​ക്കും. എന്നാൽ അതിനു മുമ്പായി അൽപ്പം അന്വേ​ഷണം നടത്തു​ന്നതു ബുദ്ധി​യാണ്‌. ആ വ്യക്തി സ്വന്തം സഭയിലെ “സഹോ​ദ​ര​ന്മാ​രാൽ നല്ല സാക്ഷ്യം​കൊ​ണ്ടവൻ” ആണോ? (പ്രവൃ​ത്തി​കൾ 16:1, 2) ഒരുപക്ഷേ നിങ്ങൾക്കോ മാതാ​പി​താ​ക്കൾക്കോ അവനെ അല്ലെങ്കിൽ അവളെ അറിയാ​വുന്ന ആത്മീയ യോഗ്യ​ത​യുള്ള വ്യക്തി​ക​ളു​മാ​യി നേരിട്ടു സംസാ​രി​ക്കാ​നാ​കും. നിങ്ങൾക്ക്‌ ഇങ്ങനെ ചോദി​ക്കാ​വു​ന്ന​താണ്‌: ‘ഈ വ്യക്തിയെ കുറി​ച്ചുള്ള പൊതു അഭി​പ്രാ​യം എന്താണ്‌? ഇയാൾ ആത്മീയ​മാ​യും വൈകാ​രി​ക​മാ​യും സമനി​ല​യു​ള്ള​വ​നാ​ണോ? പ്രസം​ഗ​പ്ര​വർത്ത​ന​ത്തി​ലും യോഗ​ങ്ങ​ളിൽ അഭി​പ്രാ​യം പറയു​ന്ന​തി​ലും ഈ വ്യക്തി പങ്കെടു​ക്കാ​റു​ണ്ടോ? ഇയാൾ നല്ല നടത്തയ്‌ക്ക്‌ അറിയ​പ്പെ​ടുന്ന വ്യക്തി​യാ​ണോ?’

“ജ്ഞാനി​ക​ളോ​ടു​കൂ​ടെ നടക്ക; നീയും ജ്ഞാനി​യാ​കും” എന്ന കാര്യം ഓർക്കുക. (സദൃശ​വാ​ക്യ​ങ്ങൾ 13:20) “എന്റെ കൂടെ താമസി​ക്കു​ന്ന​യാൾ നല്ല ആത്മീയ​ത​യുള്ള വ്യക്തി​യാണ്‌,” ഡേവിഡ്‌ പറയുന്നു. “എന്റെ ആത്മീയത നിലനി​റു​ത്താൻ അതെന്നെ സഹായി​ക്കു​ന്നു.” സമാന​മാ​യി, പല വ്യക്തി​ക​ളോ​ടൊ​പ്പം താമസി​ച്ചി​ട്ടുള്ള റെന്നേ പറയുന്നു: “ദിവസ​വും രാത്രി ബൈബി​ളി​ലെ ഒരു അധ്യായം ഒരുമി​ച്ചു വായി​ക്കാ​മെന്ന്‌ കൂടെ താമസി​ക്കു​ന്ന​വ​രിൽ ചിലർ പറയു​മാ​യി​രു​ന്നു. എന്റെ മാതാ​പി​താ​ക്കൾ സാക്ഷി​ക​ള​ല്ലാ​യി​രു​ന്ന​തു​കൊണ്ട്‌ ഞങ്ങൾക്ക്‌ ഒരു കുടുംബ ബൈബിൾ അധ്യയനം ഉണ്ടായി​രു​ന്നില്ല. അതു​കൊണ്ട്‌ കൂടെ താമസി​ക്കുന്ന കുട്ടി​ക​ളു​മാ​യി ‘കുടുംബ അധ്യയനം’ നടത്താൻ കഴിഞ്ഞത്‌ എത്ര നല്ല അനുഭ​വ​മാ​യി​രു​ന്നെ​ന്നോ!” അതേ, നിങ്ങ​ളെ​പ്പോ​ലെ​തന്നെ ആത്മീയ കാര്യ​ങ്ങളെ പ്രിയ​പ്പെ​ടുന്ന ഒരു വ്യക്തി​യോ​ടൊ​പ്പം താമസി​ക്കു​ന്നത്‌ ഒരു യഥാർഥ അനു​ഗ്രഹം ആയിരി​ക്കാൻ കഴിയും.

 കാര്യങ്ങൾ തുറന്നു ചർച്ച ചെയ്യുക

അടുത്ത​താ​യി, തമ്മിൽ കണ്ട്‌ കാര്യങ്ങൾ ചർച്ച ചെയ്യുക. നിങ്ങൾ ഒത്തു​പോ​കു​ന്ന​തരം വ്യക്തി​ക​ളാ​ണോ എന്നു തീരു​മാ​നി​ക്കാൻ അത്തരം സംഭാ​ഷ​ണങ്ങൾ സഹായി​ക്കും. ആശയവി​നി​മയ ഗവേഷണ റിപ്പോർട്ടു​കൾ (ഇംഗ്ലീഷ്‌) എന്ന പത്രി​ക​യിൽ വന്ന ഒരു പഠന റിപ്പോർട്ടു ശ്രദ്ധേ​യ​മാണ്‌. കൂടെ താമസി​ക്കു​ന്ന​വ​രു​ടെ ആശയവി​നി​മയ ശൈലി​കൾ സമാന​മാ​യി​രി​ക്കു​മ്പോൾ അവർ “ഏറ്റവു​മ​ധി​കം സംതൃ​പ്‌തി​യും പരസ്‌പര അടുപ്പ​വും ഉള്ളവരാ​യി​രി​ക്കു​ന്ന​താ​യി” അതു പറഞ്ഞു. അതു​കൊണ്ട്‌ നിങ്ങൾ തുറന്ന്‌ ഇടപെ​ടു​ക​യും ആശയങ്ങൾ തുറന്നു പ്രകടി​പ്പി​ക്കു​ക​യും ചെയ്യുന്ന സൗഹൃ​ദ​പ്ര​കൃ​ത​മുള്ള ആളാ​ണെ​ങ്കിൽ അധിക​മൊ​ന്നും മിണ്ടാത്ത, ഒറ്റയ്‌ക്കാ​യി​രി​ക്കാൻ ഇഷ്ടപ്പെ​ടുന്ന ഒരു വ്യക്തി​യോ​ടൊ​പ്പം താമസി​ക്കു​ന്നതു പ്രശ്‌ന​ങ്ങൾക്ക്‌ ഇടയാ​ക്കി​യേ​ക്കാം.

നിങ്ങളു​ടെ ചർച്ച പോലീസ്‌ മുറയി​ലുള്ള ഒരു ചോദ്യം​ചെയ്യൽ പോലെ ആയിത്തീ​രാൻ നിങ്ങൾ തീർച്ച​യാ​യും ആഗ്രഹി​ക്കില്ല. എങ്കിലും, കൂടെ താമസി​ക്കാൻ പോകുന്ന വ്യക്തി സമീപ ഭാവി​യി​ലേക്കു വെച്ചി​രി​ക്കുന്ന ലക്ഷ്യങ്ങളെ കുറി​ച്ചും ആസൂ​ത്രണം ചെയ്‌തി​രി​ക്കുന്ന പദ്ധതി​കളെ കുറി​ച്ചു​മൊ​ക്കെ ചർച്ച ചെയ്യു​ന്നത്‌ സഹായ​ക​മാ​യി​രു​ന്നേ​ക്കാം. അവൻ അല്ലെങ്കിൽ അവൾ ആത്മീയ​മാ​യി പുരോ​ഗ​മി​ക്കാൻ ആഗ്രഹി​ക്കു​ന്നു​വോ അതോ വീട്ടിലെ സുഖക​ര​മ​ല്ലാത്ത ഒരു സാഹച​ര്യ​ത്തിൽനി​ന്നു രക്ഷപ്പെ​ടുക മാത്ര​മാ​ണോ ഉദ്ദേശ്യം? ഉയർന്നു വന്നേക്കാ​വുന്ന മറ്റൊരു പ്രശ്‌നം ലിൻ ചൂണ്ടി​ക്കാ​ട്ടു​ന്നു: “എന്റെ കൂടെ താമസി​ച്ചി​രുന്ന കുട്ടിക്ക്‌ ഒരു ബോയ്‌ഫ്രണ്ട്‌ ഉണ്ടായി​രു​ന്നു. എപ്പോൾ നോക്കി​യാ​ലും അവൻ ഞങ്ങളുടെ താമസ സ്ഥലത്താ​യി​രി​ക്കും. രാത്രി വളരെ വൈകി​യേ തിരി​ച്ചു​പോ​കു​മാ​യി​രു​ന്നു​ള്ളൂ.” ലിന്നിന്‌ അവരുടെ സ്‌നേ​ഹ​പ്ര​ക​ട​നങ്ങൾ അനുചി​ത​മാ​യി തോന്നി. അവൾക്ക​തിൽ വലിയ അസ്വസ്ഥത അനുഭ​വ​പ്പെട്ടു. എന്നാൽ നേര​ത്തേ​തന്നെ ചില അടിസ്ഥാന ചട്ടങ്ങൾ വെക്കു​ക​യാ​ണെ​ങ്കിൽ ഇത്തരം പ്രശ്‌നങ്ങൾ ഒഴിവാ​ക്കാൻ കഴിയും. ഉദാഹ​ര​ണ​ത്തി​നു റെന്നേ പറയുന്നു: “ഒരു പ്രത്യേക സമയം കഴിഞ്ഞാൽ ആൺകു​ട്ടി​കൾ ഞങ്ങളുടെ താമസ​സ്ഥ​ലത്തു വരരുത്‌ എന്ന ഒരു നിയമം ഞങ്ങൾ വെച്ചി​രു​ന്നു.” അതു​പോ​ലെ എതിർലിം​ഗ വർഗത്തിൽ പെട്ട ഒരാ​ളോ​ടൊ​പ്പം തങ്ങൾ ഒരിക്ക​ലും വീട്ടി​ലോ മുറി​യി​ലോ തനിച്ചാ​യി​രി​ക്കു​ക​യില്ല എന്ന ഒരു ധാരണ​യിൽ കൂടെ താമസി​ക്കുന്ന എല്ലാവ​രും എത്തുന്ന​തും നല്ലതാ​യി​രി​ക്കും.

ഹോബി​കൾ, ഇഷ്ടാനി​ഷ്ടങ്ങൾ, സംഗീ​താ​ഭി​രു​ചി​കൾ തുടങ്ങിയ കാര്യങ്ങൾ ചർച്ച ചെയ്യു​ന്ന​തും നന്നായി​രി​ക്കും. “എനിക്കു താത്‌പ​ര്യ​മുള്ള കാര്യങ്ങൾ ഇഷ്ടപ്പെ​ടുന്ന, സമാന​മായ വ്യക്തി​ത്വ​മുള്ള, ഞാൻ ഇഷ്ടപ്പെ​ടു​ന്ന​തരം കാര്യങ്ങൾ ചെയ്യാൻ ആഗ്രഹി​ക്കുന്ന ഒരാളെ കൂടെ താമസി​ക്കാൻ കിട്ടു​ന്ന​താണ്‌ എനിക്ക്‌ ഇഷ്ടം” എന്നു മാർക്ക്‌ പറയുന്നു. അഭിരു​ചി​കൾ വ്യത്യ​സ്‌ത​മാ​യ​തു​കൊണ്ട്‌ ഒപ്പം താമസി​ക്കാൻ പറ്റില്ല എന്ന്‌ ഇതിന്‌ അർഥമില്ല. നിങ്ങൾ രണ്ടു​പേ​രും എത്ര വഴക്കമു​ള്ള​വ​രാണ്‌ എന്നതാണ്‌ യഥാർഥ പ്രശ്‌നം. വ്യത്യ​സ്‌ത​ത​ക​ളു​മാ​യി ഒത്തു​പോ​കാൻ, പൊരു​ത്ത​പ്പെ​ടു​ത്ത​ലു​കൾ വരുത്താൻ നിങ്ങൾ തയ്യാറാ​ണോ?

ലീ ഈ നിർദേശം നൽകുന്നു: “മറ്റേ വ്യക്തി ഈ ക്രമീ​ക​ര​ണ​ത്തിൽനിന്ന്‌ എന്താണു പ്രതീ​ക്ഷി​ക്കു​ന്ന​തെ​ന്നും ചോദി​ക്കുക. ചിലർ നിങ്ങൾ അവരുടെ ഉറ്റ ചങ്ങാതി ആയിരി​ക്കാൻ പ്രതീ​ക്ഷി​ക്കു​ന്നു. എന്നാൽ എനിക്ക്‌ അതിലല്ല താത്‌പ​ര്യം.” സമാന​മാ​യി ഡേവിഡ്‌ പറയുന്നു: “ഒരുമി​ച്ചു കാര്യങ്ങൾ ചെയ്യാൻ കഴിയുന്ന ഒരാൾ കൂടെ താമസി​ക്കു​ന്നതു നല്ലതാണ്‌. എന്നാൽ ഏതു നേരവും, മറ്റുള്ള​വ​രോ​ടൊത്ത്‌ എന്തെങ്കി​ലും ചെയ്യാൻ ഞാൻ ആഗ്രഹി​ക്കു​മ്പോൾ പോലും, നിഴൽപോ​ലെ പിന്നാലെ കൂടു​ന്നത്‌ എനിക്കി​ഷ്ട​മില്ല.” അതു​പോ​ലെ, ഈ വ്യക്തിക്ക്‌ സുവി​ശേഷ വേലയിൽ നിങ്ങളു​ടെ പങ്കാളി ആയിരി​ക്കാ​നാ​ണോ താത്‌പ​ര്യം അതോ ഒരു വിദേശ ഭാഷാ സഭയിൽ സേവി​ക്കു​ന്നതു പോ​ലെ​യുള്ള മറ്റെന്തി​ലെ​ങ്കി​ലു​മാ​ണോ താത്‌പ​ര്യം എന്നു മനസ്സി​ലാ​ക്കുക.

അവസാ​ന​മാ​യി, പാചകം (നിങ്ങളിൽ ആർക്കെ​ങ്കി​ലും പാചകം അറിയാ​മോ?), വീട്ടു​ജോ​ലി​ക​ളു​ടെ പങ്കു​വെക്കൽ, വ്യക്തി​പ​ര​മായ ഉപകര​ണ​ങ്ങ​ളു​ടെ ഉപയോ​ഗം, വസ്‌ത്ര​ങ്ങ​ളും മറ്റും വെക്കാ​നുള്ള സ്ഥലം, ഫർണിച്ചർ, സാധനങ്ങൾ സൂക്ഷി​ക്കാ​നുള്ള സ്ഥലം, ഓമന​മൃ​ഗങ്ങൾ എന്നിങ്ങ​നെ​യുള്ള വിഷയ​ങ്ങ​ളും അവഗണി​ക്ക​രുത്‌. ഇത്തരം കാര്യ​ങ്ങളെ കുറിച്ചു നേരത്തേ തന്നെ സംസാ​രി​ക്കു​ന്നത്‌ തെറ്റി​ദ്ധാ​ര​ണ​ക​ളും വ്രണിത വികാ​ര​ങ്ങ​ളും ഒഴിവാ​ക്കാൻ സഹായി​ക്കും. സദൃശ​വാ​ക്യ​ങ്ങൾ 20:18 പറയുന്നു: “ഉദ്ദേശങ്ങൾ ആലോ​ച​ന​കൊ​ണ്ടു സാധി​ക്കു​ന്നു.”

“ഉചിത​മാ​യും ക്രമമാ​യും”

സഹായ​ക​മായ മറ്റൊരു തത്ത്വം ലൂക്കൊസ്‌ 14:28-ൽ (പി.ഒ.സി. ബൈബിൾ) കാണാം. അവിടെ, ‘ചെലവു ആദ്യ​മേ​തന്നെ കണക്കു​കൂ​ട്ടി​നോ​ക്കാൻ’ ഉദ്‌ബോ​ധി​പ്പി​ക്കു​ന്നു. അതേ, നിങ്ങളു​ടെ ജീവിത ചെലവു​കൾ എത്രയാ​യി​രി​ക്കു​മെന്നു കണക്കു​കൂ​ട്ടാൻ ശ്രമി​ക്കുക. വാടക എത്രയാ​യി​രി​ക്കും? ഭക്ഷണത്തി​നും മറ്റു ചെലവു​കൾക്കും എത്ര പണം വേണ്ടി​വ​രും? നിങ്ങൾ ഒരു ടെലി​ഫോ​ണാ​ണോ ഉപയോ​ഗി​ക്കുക? അങ്ങനെ​യെ​ങ്കിൽ അതിന്റെ ബില്ല്‌ എങ്ങനെ പകുക്കും? “ചെലവു​കൾ പങ്കു വെക്കു​മെന്ന്‌ ഉറപ്പുള്ള ഒരു കുട്ടിയെ മാത്രമേ കൂടെ താമസി​ക്കാൻ ഞാൻ തിര​ഞ്ഞെ​ടു​ക്കൂ” എന്ന്‌ ലിൻ പറയുന്നു. അടുത്ത പടി (ഇംഗ്ലീഷ്‌) എന്ന ഇന്റർനെറ്റ്‌ മാസിക ശരിയാ​യി​ത്തന്നെ ഇങ്ങനെ പറയുന്നു: “വാടക​യ്‌ക്കും ഭക്ഷണത്തി​നു​മുള്ള ചെലവി​ന്റെ പങ്കു വഹിക്കാത്ത . . . അല്ലെങ്കിൽ വലിയ ബില്ലുകൾ വരുത്തി​വെ​ക്കുന്ന വ്യക്തികൾ ആവശ്യ​മി​ല്ലാത്ത സമ്മർദ​ത്തിന്‌ ഇടയാ​ക്കു​ന്നു.”

“ചില​പ്പോൾ എത്ര അടയ്‌ക്കു​ന്നു എന്നതല്ല പ്രശ്‌നം,” റെന്നേ പറയുന്നു, “എന്നാൽ എപ്പോൾ അടയ്‌ക്കു​ന്നു എന്നതാണ്‌!” അവൾ വിശദീ​ക​രി​ക്കു​ന്നു: “എല്ലാ മാസവും മൂന്നാം തീയതി​യാണ്‌ ഞങ്ങൾ വാടക അടയ്‌ക്കേ​ണ്ടത്‌. എന്നാൽ ചില​പ്പോൾ കൂടെ താമസി​ക്കു​ന്ന​വ​രിൽ ചിലർ വാരാ​ന്ത​മാ​കു​മ്പോൾ വാടക​യി​ലെ അവരുടെ പങ്കു തരാതെ ഒറ്റ പോക്കു പോകും. പിന്നെ ഞാൻ വേണം ഞങ്ങളുടെ വീട്ടു​ട​മ​സ്ഥ​നോ​ടു സമാധാ​നം പറയാൻ.” വ്യക്തമാ​യും, എല്ലാം “ഉചിത​മാ​യും ക്രമമാ​യും” ചെയ്യു​ന്നത്‌, പ്രധാ​ന​പ്പെട്ട സംഗതി​ക​ളു​ടെ കാര്യ​ത്തിൽ എല്ലാം വരുന്ന​തു​പോ​ലെ വരട്ടെ എന്നു വെച്ച്‌ വിടാ​തി​രി​ക്കു​ന്നത്‌, ജ്ഞാനപൂർവ​ക​മാണ്‌. (1 കൊരി​ന്ത്യർ 14:39ബി) പലപ്പോ​ഴും കരാറു​കൾ എഴുതി​വെ​ക്കു​ന്ന​താണ്‌ ബുദ്ധി.

നിങ്ങ​ളോ​ടൊ​പ്പം താമസി​ക്കാൻ ഒരാളെ തിര​ഞ്ഞെ​ടു​ക്കുന്ന കാര്യ​ത്തിൽ സൂക്ഷ്‌മ ശ്രദ്ധയും ജ്ഞാനവും പ്രകട​മാ​ക്കു​ന്നെ​ങ്കിൽ അതിന്‌ ദുഃഖ​ത്തി​നു പകരം സന്തോഷം കൈവ​രു​ത്താ​നാ​കും. എന്നാൽ പ്രശ്‌ന​ങ്ങ​ളും വ്യക്തിത്വ ഭിന്നത​ക​ളും തലപൊ​ക്കു​ന്നെ​ങ്കിൽ എന്ത്‌? ഭാവി​യിൽ മറ്റൊരു ലേഖനം അതേക്കു​റി​ച്ചു ചർച്ച ചെയ്യും. (g02 5/22)

[അടിക്കു​റി​പ്പു​കൾ]

[14-ാം പേജിലെ ചിത്രം]

ബൈബിളിന്റെ ധാർമിക നിലവാ​രങ്ങൾ പിൻപ​റ്റാ​ത്ത​വ​രു​മൊ​ത്തു താമസി​ക്കു​ന്ന​തിൽ അപകട​ങ്ങ​ളുണ്ട്‌

[14-ാം പേജിലെ ചിത്രം]

ഒരുമിച്ചു താമസി​ക്കാ​മെന്ന്‌ ആർക്കെ​ങ്കി​ലും വാക്കു കൊടു​ക്കു​ന്ന​തി​നു മുമ്പ്‌, ഒന്നിച്ചി​രുന്ന്‌ പ്രധാന കാര്യങ്ങൾ ചർച്ച ചെയ്യുക