ബൈബി​ളി​ന്റെ വീക്ഷണം

ദൈവം യുദ്ധങ്ങളെ അംഗീ​ക​രി​ക്കു​ന്നു​വോ?

ഭ രണാധി​പ​ന്മാ​രും സേനാ​പ​തി​ക​ളും, എന്തിന്‌ പുരോ​ഹി​ത​ന്മാർ പോലും, എത്രയോ തവണ ദൈവ​നാ​മ​ത്തിൽ യുദ്ധത്തിന്‌ ആഹ്വാനം ചെയ്യു​ക​യും യുദ്ധങ്ങൾക്കു പിന്തുണ പ്രഖ്യാ​പി​ക്കു​ക​യും ചെയ്‌തി​രി​ക്കു​ന്നു! 1095-ൽ അർബൻ രണ്ടാമൻ പാപ്പാ​യു​ടെ അനു​ഗ്ര​ഹാ​ശി​സ്സു​ക​ളോ​ടെ ആദ്യത്തെ കുരി​ശു​യു​ദ്ധം നടന്നു. ‘വിശുദ്ധ നഗരമായ’ യെരൂ​ശ​ലേം തിരിച്ചു പിടി​ക്കുക എന്നതാ​യി​രു​ന്നു ക്രൈ​സ്‌ത​വ​രു​ടെ ലക്ഷ്യം. എന്നാൽ ആ ലക്ഷ്യത്തിൽ എത്തുന്ന​തി​നു മുമ്പ്‌ ഒരു കൂട്ടം കുരി​ശു​യുദ്ധ പടയാ​ളി​കളെ തുർക്കി​കൾ വധിച്ചു. കാരണം, അള്ളാഹു​വി​നോ​ടുള്ള തുർക്കി​ക​ളു​ടെ തീക്ഷ്‌ണത ആ ക്രൈ​സ്‌ത​വ​രു​ടെ ത്രിത്വ​ദൈവ വിശ്വാ​സ​ത്തെ​ക്കാൾ ഒട്ടും പിന്നി​ലാ​യി​രു​ന്നില്ല.

ഒന്നാം ലോക മഹായു​ദ്ധം നടന്നു​കൊ​ണ്ടി​രി​ക്കെ, 1914 ആഗസ്റ്റിൽ ഒരു ജർമൻ യുവാവ്‌ തന്റെ സൈനിക പാളയ​ത്തിൽനിന്ന്‌ ഇങ്ങനെ എഴുതി: “മാനവ​ച​രി​ത്ര​ത്തിൽ നീതി​യും ദിവ്യ വഴിന​ട​ത്തി​പ്പും ഉണ്ടെങ്കിൽ—ഉണ്ടെന്ന കാര്യ​ത്തിൽ എനിക്ക്‌ അങ്ങേയറ്റം ഉറപ്പുണ്ട്‌—വിജയം ഞങ്ങൾക്കാ​യി​രി​ക്കും.” ആ മാസം​തന്നെ ജർമനി​ക്കെ​തി​രെ തന്റെ സേനയെ അയച്ച​പ്പോൾ റഷ്യൻ ചക്രവർത്തി നിക്കോ​ളസ്‌ രണ്ടാമൻ ഇങ്ങനെ പ്രഖ്യാ​പി​ച്ചു: “എന്റെ ധീര പടയാ​ളി​കൾക്കും ശ്രേഷ്‌ഠ സഖ്യക​ക്ഷി​കൾക്കും ഹൃദ​യോ​ഷ്‌മ​ള​മായ അഭിവാ​ദ​നങ്ങൾ. ദൈവം നമ്മോ​ടു​കൂ​ടെ ഉണ്ട്‌!”

ഇങ്ങനെ, ദശലക്ഷ​ക്ക​ണ​ക്കി​നു സൈനി​കർ ദൈവം തങ്ങളുടെ പക്ഷത്തു​ണ്ടെന്ന ദൃഢവി​ശ്വാ​സ​ത്തോ​ടെ യുദ്ധക്ക​ള​ത്തി​ലേക്കു പോയി​രി​ക്കു​ന്നു. സ്വാത​ന്ത്ര്യ​ത്തി​നാ​യി ഒടു​ക്കേണ്ടി വരുന്ന ഒരു വിലയെന്ന നിലയിൽ ഇത്തരം പോരാ​ട്ട​ങ്ങളെ ദൈവം അനുവ​ദി​ക്കു​ന്നു​വെന്നു ചിലർ കരുതു​ന്നു. അതിനുള്ള തെളി​വെന്ന നിലയിൽ അവർ എബ്രായ തിരു​വെ​ഴു​ത്തു​ക​ളിൽ (പൊതു​വേ പഴയനി​യമം എന്നറി​യ​പ്പെ​ടുന്ന ഭാഗം) രേഖ​പ്പെ​ടു​ത്തി​യി​രി​ക്കുന്ന യുദ്ധങ്ങ​ളി​ലേക്കു വിരൽചൂ​ണ്ടു​ന്നു. എന്നാൽ ദൈവ​വ​ച​ന​ത്തിന്‌ അവർ നൽകുന്ന ഈ വ്യാഖ്യാ​നം ശരിയാ​ണോ?

പുരാതന ഇസ്രാ​യേ​ലി​ലെ യുദ്ധങ്ങൾ

വാഗ്‌ദത്ത ദേശത്തു​നി​ന്നു ദുഷിച്ച കനാന്യ​രെ നീക്കം ചെയ്യു​ന്ന​തി​നാ​യി യുദ്ധം ചെയ്യാൻ യഹോ​വ​യാം ദൈവം ഇസ്രാ​യേ​ല്യ​രോ​ടു കൽപ്പിച്ചു. (ലേവ്യ​പു​സ്‌തകം 18:1, 24-28; ആവർത്ത​ന​പു​സ്‌തകം 20:16-18) നോഹ​യു​ടെ നാളിൽ ജലപ്ര​ളയം വരുത്തി​യും സൊ​ദോ​മി​ന്റെ​യും ഗൊ​മോ​ര​യു​ടെ​യും കാര്യ​ത്തിൽ തീ ഉപയോ​ഗി​ച്ചും ദൈവം ദുഷ്‌പ്ര​വൃ​ത്തി​ക്കാ​രെ നശിപ്പി​ച്ച​തു​പോ​ലെ, അവൻ ഇസ്രാ​യേൽ ജനതയെ തന്റെ ന്യായ​വി​ധി നടപ്പാ​ക്കാ​നുള്ള വാളായി ഉപയോ​ഗി​ക്കു​ക​യാ​യി​രു​ന്നു.—ഉല്‌പത്തി 6:12, 17; 19:13, 24, 25.

ബൈബി​ളിൽ കാണുന്ന പ്രകാരം ദൈവ​ത്തി​ന്റെ മാർഗ​നിർദേ​ശ​ത്തിൻ കീഴിൽ ഇസ്രാ​യേ​ല്യർ മറ്റു യുദ്ധങ്ങ​ളും നടത്തി, പലപ്പോ​ഴും യാതൊ​രു പ്രകോ​പ​ന​വും കൂടാതെ ഇങ്ങോട്ടു വന്ന്‌ ആക്രമിച്ച ശത്രു​ക്കളെ ചെറു​ക്കാ​നാ​യി​രു​ന്നു അവ. ജനം യഹോ​വയെ അനുസ​രി​ച്ച​പ്പോൾ, അവർ യുദ്ധങ്ങ​ളിൽ വിജയം കണ്ടു. (പുറപ്പാ​ടു 34:24; 2 ശമൂവേൽ 5:17-25) എന്നാൽ ദിവ്യ​ഹി​ത​ത്തിന്‌ എതിരാ​യി ഇസ്രാ​യേൽ യുദ്ധത്തിൽ ഏർപ്പെട്ട സന്ദർഭ​ങ്ങ​ളി​ലെ​ല്ലാം അതു സാധാ​ര​ണ​ഗ​തി​യിൽ വലിയ വിപത്തിൽ കലാശി​ച്ചു. യൊ​രോ​ബെ​യാം രാജാ​വി​ന്റെ കാര്യം എടുക്കുക. നേരി​ട്ടുള്ള പ്രാവ​ച​നിക മുന്നറി​യിപ്പ്‌ അവഗണി​ച്ചു​കൊണ്ട്‌ അവൻ സഹോദര രാജ്യ​മായ യഹൂദ​യ്‌ക്കെ​തി​രെ ഒരു വൻ സൈന്യ​ത്തെ അയച്ചു. ആ യുദ്ധം യൊ​രോ​ബെ​യാ​മി​ന്റെ 5,00,000 പടയാ​ളി​ക​ളു​ടെ മരണത്തിൽ കലാശി​ച്ചു. (2 ദിനവൃ​ത്താ​ന്തം 13:12-18) വിശ്വസ്‌ത രാജാ​വാ​യി​രുന്ന യോശീ​യാ​വു പോലും ഒരിക്കൽ അനാവ​ശ്യ​മായ ഒരു യുദ്ധത്തിൽ ഏർപ്പെട്ടു. അവന്റെ ആ തെറ്റായ തീരു​മാ​ന​ത്തി​ന്റെ ഫലം സ്വന്തം ജീവന്റെ നഷ്ടമാ​യി​രു​ന്നു.—2 ദിനവൃ​ത്താ​ന്തം 35:20-24.

ഈ സംഭവ​ങ്ങ​ളെ​ല്ലാം എന്താണു കാണി​ക്കു​ന്നത്‌? പുരാതന ഇസ്രാ​യേ​ലിൽ ഒരു യുദ്ധം നടത്തണോ വേണ്ടയോ എന്നു തീരു​മാ​നി​ച്ചി​രു​ന്നത്‌ ദൈവ​മാണ്‌. (ആവർത്ത​ന​പു​സ്‌തകം 32:35, 43) ചില പ്രത്യേക ഉദ്ദേശ്യ​ങ്ങൾ നിറ​വേ​റ്റാ​നാണ്‌  യുദ്ധം ചെയ്യാൻ യഹോവ തന്റെ ജനത്തോട്‌ ആവശ്യ​പ്പെ​ട്ടത്‌. ഈ ഉദ്ദേശ്യ​ങ്ങ​ളെ​ല്ലാം വളരെ കാലങ്ങൾക്കു മുമ്പേ​തന്നെ സാക്ഷാ​ത്‌ക​രി​ക്ക​പ്പെ​ട്ടി​രി​ക്കു​ന്നു. കൂടാതെ, “അന്ത്യകാ​ലത്തു” തന്നെ സേവി​ക്കു​ന്നവർ ‘തങ്ങളുടെ വാളു​കളെ കൊഴു​ക്ക​ളാ​യി അടിച്ചു​തീർക്കും’ എന്നും അവർ ‘യുദ്ധം അഭ്യസി​ക്ക​യില്ല’ എന്നും യഹോവ മുൻകൂ​ട്ടി പറഞ്ഞു. (യെശയ്യാ​വു 2:2-4) തീർച്ച​യാ​യും ബൈബി​ളി​ലെ യുദ്ധങ്ങൾ ആധുനി​ക​കാല പോരാ​ട്ട​ങ്ങളെ—അവയൊ​ന്നും ദൈവ​ത്തി​ന്റെ മാർഗ​നിർദേ​ശ​ത്തിൻ കീഴി​ലോ അവന്റെ കൽപ്പന പ്രകാ​ര​മോ അല്ല നടത്ത​പ്പെ​ടു​ന്നത്‌—യാതൊ​രു വിധത്തി​ലും ന്യായീ​ക​രി​ക്കു​ന്നില്ല.

ക്രിസ്‌തു​വി​ന്റെ പഠിപ്പി​ക്ക​ലി​ന്റെ ഫലം

യേശു ഭൂമി​യി​ലാ​യി​രു​ന്ന​പ്പോൾ വിദ്വേ​ഷ​ത്തി​നു പകരം എങ്ങനെ നിസ്വാർഥ സ്‌നേഹം പ്രകടി​പ്പി​ക്കാ​മെന്നു കാണി​ച്ചു​കൊണ്ട്‌ അവൻ ഇങ്ങനെ കൽപ്പിച്ചു: “ഞാൻ നിങ്ങളെ സ്‌നേ​ഹി​ച്ചി​രി​ക്കു​ന്ന​തു​പോ​ലെ നിങ്ങളും തമ്മിൽ തമ്മിൽ സ്‌നേ​ഹി​ക്കേണം.” (യോഹ​ന്നാൻ 15:12) അവൻ ഇങ്ങനെ​യും പറഞ്ഞു: “സമാധാ​നം ഉണ്ടാക്കു​ന്നവർ ഭാഗ്യ​വാ​ന്മാർ [“സന്തുഷ്ടർ,” NW].” (മത്തായി 5:9) തന്മൂലം, സമാധാ​നം നട്ടുവ​ളർത്തു​ന്ന​തും നല്ല ബന്ധങ്ങൾ ഉന്നമി​പ്പി​ക്കാൻ സജീവ​മാ​യി ശ്രമി​ക്കു​ന്ന​തും അതിൽ ഉൾപ്പെ​ടു​ന്നു.

യേശു​വി​ന്റെ അറസ്റ്റിന്റെ സമയത്ത്‌ അപ്പൊ​സ്‌ത​ല​നായ പത്രൊസ്‌ ഒരു മാരകാ​യു​ധം ഉപയോ​ഗിച്ച്‌ അതു തടുക്കാൻ ശ്രമിച്ചു. എന്നാൽ ദൈവ​പു​ത്രൻ അവനെ ശാസി​ച്ചു​കൊണ്ട്‌ ഇപ്രകാ​രം പറഞ്ഞു: “വാൾ ഉറയിൽ ഇടുക; വാൾ എടുക്കു​ന്നവർ ഒക്കെയും വാളാൽ നശിച്ചു​പോ​കും.” (മത്തായി 26:52) ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ ആ വാക്കുകൾ എങ്ങനെ​യാണ്‌ ബാധക​മാ​ക്കി​യത്‌? പിൻവ​രുന്ന ഉദ്ധരണി​കൾ ശ്രദ്ധി​ക്കുക.

“ലഭ്യമായ എല്ലാ വിവര​ങ്ങ​ളു​ടെ​യും ഒരു സൂക്ഷ്‌മ അവലോ​കനം, മാർക്കസ്‌ ഔറേ​ലി​യ​സി​ന്റെ കാലം വരെ [പൊ.യു. 121-180] ഒരു ക്രിസ്‌ത്യാ​നി​യും പട്ടാള​ക്കാ​രൻ ആയിരു​ന്നില്ല എന്നു കാണി​ക്കു​ന്നു. ക്രിസ്‌ത്യാ​നി​യായ ശേഷം ഒരു പട്ടാള​ക്കാ​ര​നും സൈനിക സേവന​ത്തിൽ തുടർന്നു​മില്ല.”—ക്രിസ്‌ത്യാ​നി​ത്വ​ത്തി​ന്റെ ഉദയം (ഇംഗ്ലീഷ്‌).

“[ആദിമ] ക്രിസ്‌ത്യാ​നി​ക​ളു​ടെ പെരു​മാ​റ്റം റോമാ​ക്കാ​രു​ടേ​തിൽനി​ന്നു വളരെ വ്യത്യ​സ്‌ത​മാ​യി​രു​ന്നു. . . . ക്രിസ്‌തു സമാധാ​ന​ത്തെ​ക്കു​റി​ച്ചു പ്രസം​ഗി​ച്ചി​രു​ന്ന​തി​നാൽ അവർ പടയാ​ളി​കൾ ആകാൻ വിസമ്മ​തി​ച്ചു.”—നമ്മുടെ ലോകം യുഗങ്ങ​ളി​ലൂ​ടെ (ഇംഗ്ലീഷ്‌).

ക്രിസ്‌തു​വി​ന്റെ ശിഷ്യ​ന്മാർ ചക്രവർത്തി​യു​ടെ സൈന്യ​ത്തിൽ സേവി​ക്കാൻ വിസമ്മ​തി​ച്ച​തി​നാൽ റോമാ​ക്കാർ അവരിൽ പലരെ​യും വധിച്ചു. തങ്ങളെ ഇത്രയ​ധി​കം വിദ്വേ​ഷ​ത്തി​നു പാത്ര​മാ​ക്കിയ ഒരു നില ക്രിസ്‌ത്യാ​നി​കൾ കൈ​ക്കൊ​ണ്ടത്‌ എന്തു​കൊ​ണ്ടാണ്‌? കാരണം, സമാധാ​നം ഉണ്ടാക്കു​ന്നവർ ആയിരി​ക്കാൻ യേശു അവരെ പഠിപ്പി​ച്ചു.

ആധുനിക യുദ്ധങ്ങൾ

ക്രിസ്‌തു​വി​ന്റെ അനുയാ​യി​കൾ ശത്രു സൈന്യ​ങ്ങ​ളിൽ ആയിരു​ന്നു​കൊണ്ട്‌ പരസ്‌പരം കൊ​ന്നൊ​ടു​ക്കുന്ന ഭീകര​മായ അവസ്ഥയെ കുറിച്ചു ചിന്തി​ക്കുക. അതു തീർച്ച​യാ​യും ക്രിസ്‌തീയ തത്ത്വങ്ങൾക്കു വിരു​ദ്ധ​മാ​യി​രി​ക്കും. വാസ്‌ത​വ​ത്തിൽ, ബൈബി​ളി​ലെ ദൈവത്തെ അനുസ​രി​ക്കു​ന്നവർ ആരെയും—ശത്രു​ക്കളെ പോലും—ഉപദ്ര​വി​ക്കു​ക​യില്ല. a—മത്തായി 5:43-45.

വ്യക്തമാ​യും മനുഷ്യർ തമ്മിൽ നടത്തുന്ന മൃഗീ​യ​മായ ആധുനിക യുദ്ധങ്ങ​ളു​ടെ​മേൽ ദൈവ​ത്തി​ന്റെ അനു​ഗ്രഹം ഇല്ല. സമാധാ​നം ഉണ്ടാക്കു​ന്നവർ എന്ന നിലയിൽ സത്യ​ക്രി​സ്‌ത്യാ​നി​കൾ ദൈവ​രാ​ജ്യ​ത്തിൻ കീഴിൽ ലോക​വ്യാ​പ​ക​മാ​യി സ്ഥാപി​ക്ക​പ്പെ​ടാൻ പോകുന്ന സമാധാ​ന​ത്തി​നാ​യി നില​കൊ​ള്ളു​ന്നു. (g02 5/8)

[അടിക്കു​റിപ്പ്‌]

[22-ാം പേജിലെ ചിത്രം]

സ്‌പാനിഷ്‌ സേനാ​പതി ഫ്രാൻസി​സ്‌കോ ഫ്രാങ്കോ ഏതാനും കത്തോ​ലി​ക്കാ വൈദി​ക​രോ​ടൊ​പ്പം

[കടപ്പാട്‌]

U.S. National Archives photo

[23-ാം പേജിലെ ചിത്രം]

കൊസോവോയിലേക്കു പുറ​പ്പെ​ടു​ന്ന​തി​നു മുമ്പ്‌ ഗ്രീക്ക്‌ ഓർത്ത​ഡോ​ക്‌സ്‌ പുരോ​ഹി​ത​ന്മാർ സൈനി​കരെ അനു​ഗ്ര​ഹി​ക്കു​ന്നു, 1999 ജൂൺ 11

[കടപ്പാട്‌]

AP Photo/Giorgos Nissiotis