അടിമ​ത്ത​ത്തിന്‌ എതി​രെ​യുള്ള നീണ്ട പോരാ​ട്ടം

“പീഡനം നിശ്ശബ്ദം സഹിക്കുക, മർദനത്തെ ഭയന്ന്‌ അനീതിക്ക്‌ എതിരെ ശബ്ദം ഉയർത്താ​തി​രി​ക്കുക. അടിമ​യാ​യി​രി​ക്കു​ക​യെ​ന്നാൽ ഇതാണ്‌ അർഥം.”—യുറി​പി​ഡിസ്‌, പൊ.യു.മു. അഞ്ചാം നൂറ്റാ​ണ്ടി​ലെ ഒരു ഗ്രീക്ക്‌ നാടക​കൃത്ത്‌.

അടിമ​ത്ത​ത്തി​ന്റെ ചരിത്രം നീണ്ടതും വിരൂ​പ​വു​മായ ഒന്നാണ്‌. ആദ്യകാല സംസ്‌കാ​ര​ങ്ങ​ളായ ഈജി​പ്‌തി​ന്റെ​യും മെസൊ​പ്പൊ​ത്താ​മ്യ​യു​ടെ​യും കാലം​തൊ​ട്ടേ ശക്തരായ രാഷ്‌ട്രങ്ങൾ ശക്തികു​റഞ്ഞ അയൽരാ​ഷ്‌ട്ര​ങ്ങളെ അടക്കി​ഭ​രി​ച്ചി​ട്ടുണ്ട്‌. അങ്ങനെ മാനവ അനീതി​യു​ടെ ദുഃഖ​പൂർണ​മായ ഒരു അധ്യാ​യ​ത്തി​നു തുടക്കം കുറി​ക്ക​പ്പെട്ടു.

പൊതു​യു​ഗ​ത്തി​നു മുമ്പുള്ള രണ്ടാം സഹസ്രാ​ബ്ദ​ത്തിൽ ലക്ഷക്കണ​ക്കിന്‌ ആളുകൾ അടങ്ങുന്ന ഒരു ജനതയെ ഒന്നടങ്കം ഈജി​പ്‌ത്‌ അടിമ​ക​ളാ​ക്കി. (പുറപ്പാ​ടു 1:13, 14; 12:37) മെഡി​റ്റ​റേ​നി​യൻ പ്രദേ​ശ​ത്തി​നു മേൽ ഗ്രീസ്‌ ആധിപ​ത്യം പുലർത്തി​യി​രുന്ന സമയത്ത്‌ പല ഗ്രീക്കു കുടും​ബ​ങ്ങൾക്കും ഒരു അടിമ​യെ​ങ്കി​ലും ഉണ്ടായി​രു​ന്നു—ഇന്നു ചില രാജ്യ​ങ്ങ​ളിൽ ഓരോ സാധാരണ കുടും​ബ​ത്തി​നും ഒരു കാറു​ള്ള​തു​പോ​ലെ. മനുഷ്യ​വർഗം യജമാ​ന​ന്മാർ, അടിമകൾ എന്നിങ്ങനെ രണ്ടായി വിഭജി​ക്ക​പ്പെ​ട്ടി​രി​ക്കു​ന്നു എന്നും ആദ്യത്തെ കൂട്ടർ ആജ്ഞകൾ നൽകാ​നും രണ്ടാമത്തെ കൂട്ടർ ആജ്ഞകൾ അനുസ​രി​ക്കാ​നു​മാ​യി ജനിച്ച​വ​രാണ്‌ എന്നും പറഞ്ഞു​കൊണ്ട്‌ ഗ്രീക്കു തത്ത്വചി​ന്ത​ക​നായ അരി​സ്റ്റോ​ട്ടിൽ ഈ സമ്പ്രദാ​യത്തെ ന്യായീ​ക​രി​ച്ചു.

എന്നാൽ ഗ്രീക്കു​കാ​രെ​ക്കാൾ അധിക​മാ​യി റോമാ​ക്കാ​രാണ്‌ ഈ സമ്പ്രദാ​യത്തെ പ്രോ​ത്സാ​ഹി​പ്പി​ച്ചത്‌. ഒരുപക്ഷേ അപ്പൊ​സ്‌ത​ല​നായ പൗലൊ​സി​ന്റെ കാലത്ത്‌ റോമാ നഗരത്തി​ലെ ജനസം​ഖ്യ​യിൽ പകുതി​യും—ലക്ഷക്കണ​ക്കിന്‌ ആളുകൾ—അടിമ​ക​ളാ​യി​രു​ന്നു. സ്‌മാ​ര​കങ്ങൾ പണിയാ​നും ഖനിക​ളി​ലും പാടങ്ങ​ളി​ലു​മൊ​ക്കെ പണി​യെ​ടു​ക്കാ​നും സമ്പന്നരു​ടെ മണിമാ​ളി​ക​ക​ളിൽ ജോലി ചെയ്യാ​നു​മാ​യി ഓരോ വർഷവും റോമാ സാമ്രാ​ജ്യ​ത്തിന്‌ അഞ്ചു ലക്ഷം അടിമ​ക​ളു​ടെ ആവശ്യ​മു​ണ്ടാ​യി​രു​ന്നു. a സാധാ​ര​ണ​മാ​യി യുദ്ധത്ത​ട​വു​കാ​രെ​യാണ്‌ അടിമ​ക​ളാ​ക്കി​യി​രു​ന്നത്‌. അതു​കൊണ്ട്‌ കൂടുതൽ അടിമ​കൾക്കാ​യുള്ള റോമി​ന്റെ അടങ്ങാത്ത ആവശ്യ​മാ​യി​രു​ന്നി​രി​ക്കാം യുദ്ധങ്ങ​ളിൽ  തുടർച്ച​യാ​യി ഏർപ്പെ​ടാൻ അതിനെ ശക്തമായി പ്രേരി​പ്പിച്ച ഒരു ഘടകം.

റോമൻ സാമ്രാ​ജ്യ​ത്തി​ന്റെ പതന​ത്തോ​ടെ അടിമ​ത്ത​ത്തിന്‌ കുറെ ശമനമു​ണ്ടാ​യെ​ങ്കി​ലും അതു പൂർണ​മാ​യി അവസാ​നി​ച്ചില്ല. ‘ഡൂംസ്‌ഡേ ബുക്ക്‌’ (പൊ.യു. 1086) പറയു​ന്ന​ത​നു​സ​രിച്ച്‌ മധ്യകാല ഇംഗ്ലണ്ടിൽ തൊഴി​ലാ​ളി​ക​ളു​ടെ 10 ശതമാ​ന​വും അടിമ​ക​ളാ​യി​രു​ന്നു. യുദ്ധത്തി​ലൂ​ടെ അടിമ​കളെ സമ്പാദി​ക്കുന്ന രീതി​യും തുടർന്നു​പോ​ന്നു. അടിമ എന്നതിന്റെ ഇംഗ്ലീഷ്‌ പദമായ ‘സ്ലേവ്‌’ രൂപം​കൊ​ണ്ടി​രി​ക്കു​ന്നത്‌ “സ്ലാവ്‌” എന്ന പദത്തിൽനി​ന്നാണ്‌. മധ്യകാ​ല​ഘ​ട്ട​ങ്ങ​ളു​ടെ തുടക്ക​ത്തിൽ യൂറോ​പ്പി​ലെ അടിമ​ക​ളിൽ വലി​യൊ​രു ഭാഗം സ്ലാവിക്‌ ഭാഷ സംസാ​രി​ക്കു​ന്നവർ ആയിരു​ന്നു എന്നതാണ്‌ അതിനു കാരണം.

എന്നാൽ ക്രിസ്‌തു​വി​നു ശേഷമുള്ള കാലഘ​ട്ട​ങ്ങ​ളിൽ അടിമ​ക്ക​ച്ച​വ​ട​ത്തി​ന്റെ യാതനകൾ ഏറ്റവും അനുഭ​വി​ച്ചി​ട്ടു​ള്ളത്‌ ആഫ്രിക്കൻ ഭൂഖണ്ഡ​മാണ്‌. യേശു​വി​ന്റെ സമയത്തി​നു മുമ്പു പോലും പുരാതന ഈജി​പ്‌തു​കാർ എത്യോ​പ്യൻ അടിമ​കളെ വാങ്ങു​ക​യും വിൽക്കു​ക​യും ചെയ്‌തി​രു​ന്നു. 1,250-ഓളം വർഷത്തെ ഒരു കാലഘ​ട്ട​ത്തി​നി​ട​യിൽ 1.8 കോടി ആഫ്രി​ക്ക​ക്കാ​രെ അടിമ​ക​ളാ​യി യൂറോ​പ്പി​ലേ​ക്കും മധ്യപൂർവ ദേശങ്ങ​ളി​ലേ​ക്കും കൊണ്ടു​പോ​യ​താ​യി കണക്കാ​ക്ക​പ്പെ​ടു​ന്നു. 16-ാം നൂറ്റാ​ണ്ടിൽ അമേരി​ക്ക​ക​ളു​ടെ അധിനി​വേശം ആരംഭി​ച്ച​തോ​ടെ ഒരു പുതിയ അടിമ​ക്ക​മ്പോ​ളം തുറക്ക​പ്പെട്ടു. താമസി​യാ​തെ അറ്റ്‌ലാ​ന്റി​ക്കി​നു കുറു​കെ​യുള്ള അടിമ​ക്ക​ച്ച​വടം ലോക​ത്തി​ലെ ഏറ്റവും ലാഭക​ര​മായ ബിസി​ന​സ്സു​ക​ളിൽ ഒന്നായി​ത്തീർന്നു. 1650-നും 1850-നും ഇടയ്‌ക്ക്‌ 1.2 കോടി​യി​ല​ധി​കം ആഫ്രി​ക്ക​ക്കാ​രെ അടിമ​ക​ളാ​യി മറ്റു സ്ഥലങ്ങളി​ലേക്കു  കൊണ്ടു​പോ​യ​താ​യി ചരി​ത്ര​കാ​ര​ന്മാർ കണക്കാ​ക്കു​ന്നു. b അനേക​രെ​യും അടിമ​ക്ക​മ്പോ​ള​ങ്ങ​ളിൽ വിറ്റു.

അടിമ​ത്ത​ത്തിന്‌ എതി​രെ​യുള്ള പോരാ​ട്ട​ങ്ങൾ

നൂറ്റാ​ണ്ടു​ക​ളി​ലു​ട​നീ​ളം വ്യക്തി​ക​ളും രാഷ്‌ട്ര​ങ്ങ​ളും അടിമ​ത്ത​ത്തിൽനി​ന്നുള്ള സ്വാത​ന്ത്ര്യ​ത്തി​നാ​യി പോരാ​ടി​യി​ട്ടുണ്ട്‌. ക്രിസ്‌തു​വി​നു മുമ്പ്‌ ഒന്നാം നൂറ്റാ​ണ്ടിൽ സ്‌പാർട്ട​ക്കസ്‌ എന്ന വ്യക്തി​യു​ടെ നേതൃ​ത്വ​ത്തിൽ 70,000-ത്തോളം റോമൻ അടിമകൾ സ്വാത​ന്ത്ര്യ​ത്തി​നാ​യി പോരാ​ടി​യെ​ങ്കി​ലും പരാജ​യ​പ്പെട്ടു. ഹെയ്‌റ്റി​ക്കാ​രായ അടിമകൾ ഏകദേശം രണ്ട്‌ നൂറ്റാ​ണ്ടു​കൾക്കു മുമ്പ്‌ നടത്തിയ വിപ്ലവം കുറെ​ക്കൂ​ടെ വിജയ​ക​ര​മാ​യി​രു​ന്നു. അത്‌ 1804-ൽ ഒരു സ്വതന്ത്ര ഗവൺമെന്റ്‌ സ്ഥാപി​ക്ക​പ്പെ​ടു​ന്ന​തി​ലേക്കു നയിച്ചു.

ഐക്യ​നാ​ടു​ക​ളിൽ വളരെ​ക്കാ​ലം കൂടെ അടിമത്ത സമ്പ്രദാ​യം നിലനി​ന്നു. ചില അടിമകൾ തങ്ങളെ​യും തങ്ങളുടെ പ്രിയ​പ്പെ​ട്ട​വ​രെ​യും അടിമ​നു​ക​ത്തിൽനി​ന്നു മോചി​പ്പി​ക്കാൻ കഠിന​മാ​യി യത്‌നി​ച്ചു. അതു​പോ​ലെ അടിമത്ത സമ്പ്രദാ​യം അവസാ​നി​പ്പി​ക്ക​ണ​മെന്നു ശക്തമായി വാദി​ക്കു​ക​യും രക്ഷപ്പെട്ട്‌ ഓടുന്ന അടിമ​കൾക്കു വേണ്ട സഹായങ്ങൾ നൽകു​ക​യും ചെയ്‌ത സ്വതന്ത്ര വ്യക്തികൾ ഉണ്ടായി​രു​ന്നു. എങ്കിലും 19-ാം നൂറ്റാ​ണ്ടി​ന്റെ അവസാനം ആയപ്പോൾ മാത്ര​മാണ്‌ രാജ്യ​ത്തു​ട​നീ​ളം ഈ സമ്പ്രദാ​യം നിരോ​ധി​ക്ക​പ്പെ​ട്ടത്‌. എന്നാൽ ഇന്നത്തെ കാര്യ​മോ?

പോരാ​ട്ട​ങ്ങ​ളെ​ല്ലാം വ്യർഥ​മാ​യി​രു​ന്നോ?

“ആരെ​ക്കൊ​ണ്ടെ​ങ്കി​ലും അടിമ​വൃ​ത്തി ചെയ്യി​ക്കു​ക​യോ ആരെയും അടിമ​ത്ത​ത്തിൽ വെക്കു​ക​യോ ചെയ്യാൻ പാടു​ള്ളതല്ല: എല്ലാത്തരം അടിമ​ത്ത​വും അടിമ​ക്ക​ച്ച​വ​ട​വും നിരോ​ധി​ക്ക​പ്പെ​ടണം” എന്നു ‘സാർവ​ലൗ​കിക മനുഷ്യാ​വ​കാശ പ്രഖ്യാ​പനം’ പറയുന്നു. 1948-ൽ ആവേശ​പൂർവം പ്രഖ്യാ​പി​ക്ക​പ്പെട്ട ആ ലക്ഷ്യം തീർച്ച​യാ​യും ശ്രേഷ്‌ഠ​മായ ഒന്നാണ്‌. ആത്മാർഥ​ഹൃ​ദ​യ​രായ പലരും തങ്ങളുടെ സമയവും ഊർജ​വും മറ്റ്‌ ആസ്‌തി​ക​ളും ആ ലക്ഷ്യ​പ്രാ​പ്‌തി​ക്കാ​യി ഉഴിഞ്ഞു​വെ​ച്ചി​ട്ടുണ്ട്‌. എന്നാൽ വിജയം അത്ര എളുപ്പമല്ല.

കഴിഞ്ഞ ലേഖനം ചൂണ്ടി​ക്കാ​ട്ടി​യതു പോലെ, ദശലക്ഷ​ക്ക​ണ​ക്കിന്‌ ആളുകൾ ഇന്നും യാതൊ​രു പ്രതി​ഫ​ല​വും ലഭിക്കാ​തെ ഞെട്ടി​ക്കു​ന്ന​തരം അവസ്ഥക​ളിൽ കഠിനാ​ധ്വാ​നം ചെയ്യു​ന്ന​വ​രാണ്‌. അവരിൽ പലരെ​യും സ്വന്ത ഇഷ്ടത്തിന്‌ എതിരാ​യി വിൽക്കു​ക​യും വാങ്ങു​ക​യും ചെയ്‌തി​രി​ക്കു​ന്ന​താണ്‌. അടിമത്ത നിർമാർജ​ന​ത്തി​നുള്ള സദു​ദ്ദേ​ശ്യ​പ​ര​മായ പല ശ്രമങ്ങ​ളും ഉണ്ടായി​ട്ടു​ണ്ടെ​ങ്കി​ലും—അതിനെ നിരോ​ധി​ക്കാ​നുള്ള അന്താരാ​ഷ്‌ട്ര കരാറു​കൾ ഒപ്പു വെച്ചി​ട്ടു​ണ്ടെ​ങ്കി​ലും—സകലർക്കും യഥാർഥ സ്വാത​ന്ത്ര്യം എന്ന ലക്ഷ്യം ഇന്നും ഒരു സ്വപ്‌നം മാത്ര​മാ​യി അവശേ​ഷി​ക്കു​ക​യാണ്‌. സമ്പദ്‌വ്യ​വ​സ്ഥ​യു​ടെ ആഗോ​ള​വ​ത്‌ക​രണം രഹസ്യ അടിമ​ക്ക​ച്ച​വ​ടത്തെ കൂടുതൽ ലാഭക​ര​മാ​ക്കി​യി​രി​ക്കു​ന്നു. ചിലയി​ട​ങ്ങ​ളിൽ അടിമത്തം മനുഷ്യ​വർഗ​ത്തി​ന്മേ​ലുള്ള അതിന്റെ നീരാ​ളി​പ്പി​ടി​ത്തം മുറു​ക്കി​യി​രി​ക്കു​ന്ന​താ​യാണ്‌ കാണാൻ കഴിയു​ന്നത്‌. പ്രത്യാ​ശ​യ്‌ക്കു യാതൊ​രു വകയു​മി​ല്ലേ? നമുക്കു നോക്കാം. (g02 6/22)

[അടിക്കു​റി​പ്പു​കൾ]

[4, 5 പേജു​ക​ളി​ലെ ചിത്രങ്ങൾ]

ആഫ്രിക്കയിൽനിന്ന്‌ ആളുകളെ അടിമ​ക്ക​പ്പ​ലു​ക​ളിൽ കൊണ്ടു​വന്ന്‌ (മുകളിൽ) അമേരി​ക്കൻ അടിമ​ക്ക​മ്പോ​ള​ങ്ങ​ളിൽ പതിവാ​യി വിറ്റി​രു​ന്നു

[കടപ്പാട്‌]

Godo-Foto

Archivo General de las Indias