ബൈബി​ളി​ന്റെ വീക്ഷണം

അശ്ലീല​വി​വ​ര​ങ്ങ​ളും ചിത്ര​ങ്ങ​ളും—നിർദോ​ഷ​ക​ര​മായ ഒരു നേര​മ്പോ​ക്കോ?

പോം​പെയ്‌ നഗരത്തി​ന്റെ പുരാതന ശൂന്യ​ശി​ഷ്ടങ്ങൾ കുഴി​ച്ചെ​ടു​ക്കു​ക​യാ​യി​രുന്ന വിക്‌ടോ​റി​യൻ കാലഘ​ട്ട​ത്തി​ലെ പുരാ​വ​സ്‌തു ഗവേഷകർ ഞെട്ടി​പ്പോ​യി. മനോ​ഹ​ര​മായ ചുവർച്ചി​ത്ര​ങ്ങ​ളു​ടെ​യും കരകൗശല വസ്‌തു​ക്ക​ളു​ടെ​യും കൂട്ടത്തിൽ, രതിരം​ഗങ്ങൾ പച്ചയായി ആവിഷ്‌ക​രി​ക്കുന്ന നിരവധി ഛായാ​ചി​ത്ര​ങ്ങ​ളും ശിൽപ്പ​ങ്ങ​ളും അങ്ങിങ്ങാ​യി ചിതറി​ക്കി​ട​ന്നി​രു​ന്നു. ഈ ചിത്രീ​ക​ര​ണങ്ങൾ വിക്ഷോ​ഭ​ക​ര​മാ​യി​രു​ന്ന​തി​നാൽ അധികൃ​തർ അവ രഹസ്യ മ്യൂസി​യ​ങ്ങ​ളിൽ സൂക്ഷി​ച്ചു​വെച്ചു. ലൈം​ഗിക സ്വഭാ​വ​മുള്ള ഈ ചിത്ര​ങ്ങ​ളെ​യും ശിൽപ്പ​ങ്ങ​ളെ​യും പ്രത്യേ​ക​മാ​യി സൂചി​പ്പി​ക്കാൻ അവർ “പോർണോ​ഗ്രഫി” എന്ന ഒരു പുതിയ പദത്തിനു രൂപം നൽകി. “വേശ്യ​കളെ കുറി​ച്ചുള്ള വിവരണം” എന്നർഥ​മുള്ള പോർണെ, ഗ്രാ​ഫോസ്‌ എന്നീ ഗ്രീക്ക്‌ വാക്കു​ക​ളിൽനി​ന്നു വന്നതാണ്‌ ഈ പദം. ഇന്ന്‌ പോർണോ​ഗ്രഫി അഥവാ അശ്ലീലം എന്ന പദത്തെ നിർവ​ചി​ക്കു​ന്നത്‌, ലൈം​ഗിക ഉത്തേജനം ഉളവാ​ക്കുക എന്ന ലക്ഷ്യത്തിൽ പുസ്‌ത​ക​ങ്ങ​ളി​ലും ചിത്ര​ങ്ങ​ളി​ലും ശിൽപ്പ​രൂ​പ​ങ്ങ​ളി​ലും സിനി​മ​ക​ളി​ലു​മൊ​ക്കെ അവതരി​പ്പി​ക്ക​പ്പെ​ടു​ന്ന​തായ ത്രസി​പ്പി​ക്കുന്ന രതി​ക്രീ​ഡകൾ എന്നാണ്‌.

അശ്ലീലം ഇന്ന്‌ ലോക​മെ​ങ്ങും അർബുദം പോലെ പടർന്നു​പി​ടി​ച്ചി​രി​ക്കു​ക​യാണ്‌. ആധുനിക സമൂഹ​ത്തി​ലെ മിക്കവ​രും അതിനെ രണ്ടു കയ്യും നീട്ടി സ്വീക​രി​ച്ചി​രി​ക്കു​ന്ന​താ​യി കാണ​പ്പെ​ടു​ന്നു. ഒരുകാ​ലത്ത്‌ നീലച്ചി​ത്ര​ങ്ങ​ളി​ലും ചുവന്ന തെരു​വു​ക​ളി​ലും മാത്രം ഒതുങ്ങി​നി​ന്നി​രുന്ന അത്‌ ഇപ്പോൾ പല സമൂഹ​ങ്ങ​ളി​ലും തികച്ചും സാധാ​ര​ണ​മായ ഒരു സംഗതി​യാ​യി മാറി​യി​രി​ക്കു​ക​യാണ്‌. ഐക്യ​നാ​ടു​ക​ളിൽ മാത്രം അശ്ലീലം പ്രതി​വർഷം 48,000 കോടി​യി​ല​ധി​കം രൂപ ഉണ്ടാക്കു​ന്നു​ണ്ട​ത്രേ!

വിരസ​മാ​യ ദാമ്പത്യ​ത്തെ ഉഷാറാ​ക്കാ​നുള്ള ഒരു മാർഗ​മാണ്‌ അശ്ലീലം എന്നു പറഞ്ഞു​കൊണ്ട്‌ ചിലർ അതിനെ പിന്താ​ങ്ങു​ന്നു. ഒരു എഴുത്തു​കാ​രൻ പറഞ്ഞത്‌ ഇങ്ങനെ​യാണ്‌: “അത്‌ സങ്കൽപ്പ​ങ്ങൾക്ക്‌ എരിവും പുളി​യും പകരുന്നു, ലൈം​ഗിക സുഖം നേടു​ന്ന​തി​നു വേണ്ട നിർദേശം നൽകുന്നു.” ലൈം​ഗിക കാര്യങ്ങൾ മൂടി​വെ​ക്കാ​തി​രി​ക്കാൻ അതു പ്രോ​ത്സാ​ഹി​പ്പി​ക്കു​ന്നു എന്നാണു മറ്റു ചിലരു​ടെ പക്ഷം. “അശ്ലീലം സ്‌ത്രീ​കൾക്കു പ്രയോ​ജനം ചെയ്യുന്നു” എന്ന്‌ എഴുത്തു​കാ​ര​നായ വെൻഡി മക്കെൽറോയ്‌ അവകാ​ശ​പ്പെ​ടു​ന്നു.

എന്നാൽ എല്ലാവ​രും ഇതി​നോ​ടു യോജി​ക്കു​ന്നില്ല. ദോഷ​ക​ര​മായ ഒട്ടനവധി പരിണ​ത​ഫ​ല​ങ്ങൾക്കും മനോ​ഭാ​വ​ങ്ങൾക്കും അശ്ലീലം മിക്ക​പ്പോ​ഴും കാരണ​മാ​യി​ട്ടുണ്ട്‌. അശ്ലീല​ത്തിന്‌ ബലാത്സം​ഗ​വും സ്‌ത്രീ​കൾക്കും കുട്ടി​കൾക്കും എതി​രെ​യുള്ള മറ്റ്‌ അതി​ക്ര​മ​ങ്ങ​ളും ആയി ബന്ധമു​ണ്ടെന്നു ചിലർ ചൂണ്ടി​ക്കാ​ട്ടു​ന്നു. തനിക്ക്‌ “അക്രമാ​സ​ക്ത​മായ അശ്ലീല​ത്തോ​ടു വല്ലാ​ത്തൊ​രു അഭിനി​വേശം” ഉണ്ടായി​രു​ന്ന​താ​യി കൊല​പാ​തക പരമ്പര​തന്നെ നടത്തി​യി​ട്ടുള്ള കുപ്ര​സിദ്ധ കൊല​യാ​ളി ടെഡ്‌ ബൻഡി സമ്മതി​ക്കു​ന്നു. അയാൾ പറയുന്നു: “ഈ അവസ്ഥയെ കുറിച്ചു വ്യക്തി ഉടനടി മനസ്സി​ലാ​ക്കു​ക​യോ തന്റേത്‌ ഗുരു​ത​ര​മായ ഒരു പ്രശ്‌ന​മാ​ണെന്നു തിരി​ച്ച​റി​യു​ക​യോ ചെയ്യു​ന്നില്ല. . . . എന്നാൽ ഈ താത്‌പ​ര്യം . . . പതുക്കെ അക്രമം ഉൾപ്പെട്ട ലൈം​ഗിക വിഷയ​ങ്ങ​ളി​ലേക്കു തിരി​യു​ന്നു. അതു ക്രമേണ സംഭവി​ക്കുന്ന ഒരു കാര്യ​മാ​ണെന്നു ഞാൻ തീർത്തു പറയാം, അല്ലാതെ പെട്ടെന്ന്‌ ഒരു ദിവസം​കൊണ്ട്‌ ഉണ്ടാകു​ന്നതല്ല.”

അശ്ലീലം ഇന്നു വ്യാപ​ക​മാ​യി​രി​ക്കു​ന്ന​തി​നാ​ലും ഈ വിഷയം സംബന്ധിച്ച്‌ അസംഖ്യം സംവാ​ദങ്ങൾ നിലവി​ലു​ള്ള​തി​നാ​ലും, ‘ഇതു സംബന്ധി​ച്ചു് ബൈബിൾ എന്തെങ്കി​ലും മാർഗ​നിർദേശം പ്രദാനം ചെയ്യു​ന്നു​ണ്ടോ’ എന്നു നിങ്ങൾ ചിന്തി​ച്ചേ​ക്കാം.

ബൈബിൾ ലൈം​ഗി​ക​തയെ കുറിച്ചു തുറന്നു സംസാ​രി​ക്കു​ന്നു

ലൈം​ഗിക വിഷയ​ങ്ങളെ കുറിച്ച്‌ ബൈബിൾ ലജ്ജ കൂടാതെ തുറന്നു സംസാ​രി​ക്കു​ന്നു. (ആവർത്ത​ന​പു​സ്‌തകം 24:5; 1 കൊരി​ന്ത്യർ 7:3, 4) ശലോ​മോൻ ഇങ്ങനെ പറഞ്ഞു:  “നിന്റെ യൌവ​ന​ത്തി​ലെ ഭാര്യ​യിൽ സന്തോ​ഷി​ച്ചു​കൊൾക. . . . അവളുടെ സ്‌തനങ്ങൾ എല്ലാകാ​ല​ത്തും നിന്നെ രമിപ്പി​ക്കട്ടെ.” (സദൃശ​വാ​ക്യ​ങ്ങൾ 5:18, 19) ലൈം​ഗിക ബന്ധങ്ങൾ സംബന്ധിച്ച്‌, ഏതു പരിധി​ക്കു​ള്ളിൽ നിന്നു​കൊണ്ട്‌ അത്‌ ആസ്വദി​ക്കണം എന്നത്‌ ഉൾപ്പെടെ, വളരെ വ്യക്തമായ ബുദ്ധി​യു​പ​ദേശം നമുക്കു നൽക​പ്പെ​ട്ടി​രി​ക്കു​ന്നു. ദാമ്പത്യ ബന്ധത്തിനു വെളി​യി​ലുള്ള ലൈം​ഗി​ക​തയെ ബൈബിൾ വിലക്കു​ന്നു, അതു​പോ​ലെ​തന്നെ എല്ലാത്തരം രതി​വൈ​കൃ​ത​ങ്ങ​ളെ​യും.—ലേവ്യ​പു​സ്‌തകം 18:22, 23; 1 കൊരി​ന്ത്യർ 6:9; ഗലാത്യർ 5:19.

ഈ പരിധി​കൾക്കു​ള്ളിൽ പോലും ഒരുവൻ നിയ​ന്ത്ര​ണ​വും മാന്യ​ത​യും പാലി​ക്കാൻ പ്രതീ​ക്ഷി​ക്ക​പ്പെ​ടു​ന്നു. “വിവാഹം എല്ലാവർക്കും മാന്യ​വും കിടക്ക നിർമ്മ​ല​വും ആയിരി​ക്കട്ടെ” എന്ന്‌ അപ്പൊ​സ്‌ത​ല​നായ പൗലൊസ്‌ എഴുതു​ന്നു. (എബ്രായർ 13:4) അശ്ലീല​ത്തി​ന്റെ ഉദ്ദേശ്യ​ത്തി​നും അതു നൽകുന്ന സന്ദേശ​ത്തി​നും കടകവി​രു​ദ്ധ​മാണ്‌ ഈ ബുദ്ധി​യു​പ​ദേശം.

അശ്ലീലം ലൈം​ഗി​ക​തയെ വികല​മാ​ക്കു​ന്നു

മാന്യ​മായ വിവാ​ഹ​ജീ​വി​ത​ത്തി​ലെ, ഒരു പുരു​ഷ​ന്റെ​യും സ്‌ത്രീ​യു​ടെ​യും ഗാഢമായ സ്‌നേ​ഹ​ത്തി​ന്റെ മനോ​ഹ​ര​മായ പ്രകട​ന​മെന്ന നിലയിൽ ലൈം​ഗി​ക​തയെ ചിത്രീ​ക​രി​ക്കു​ന്ന​തി​നു പകരം അശ്ലീലം ലൈം​ഗിക ബന്ധത്തെ വികല​മാ​ക്കു​ക​യും താഴ്‌ത്തി​ക്കെ​ട്ടു​ക​യും ചെയ്യുന്നു. നിസ്സം​ഗ​വും വികൃ​ത​വു​മായ രതി​ക്രീ​ഡകൾ, ലഹരി പിടി​പ്പി​ക്കു​ന്ന​തും രസം പകരു​ന്ന​തു​മാ​യി അവതരി​പ്പി​ക്ക​പ്പെ​ടു​ന്നു. മറ്റേ വ്യക്തി​യു​ടെ സംതൃ​പ്‌തി ഗണ്യമാ​ക്കാ​തെ സ്വന്തം തൃഷ്‌ണ ശമിപ്പി​ക്കുക എന്ന സന്ദേശ​മാണ്‌ അതു നൽകു​ന്നത്‌.

കേവലം ലൈം​ഗിക തൃഷ്‌ണ ശമിപ്പി​ക്കാ​നുള്ള ഉപകര​ണങ്ങൾ ആയിട്ടാ​ണു സ്‌ത്രീ​പു​രു​ഷ​ന്മാ​രും കുട്ടി​ക​ളും ചിത്രീ​ക​രി​ക്ക​പ്പെ​ടു​ന്നത്‌. “ശരീരാ​വ​യ​വ​ങ്ങ​ളു​ടെ അനുപാ​തം നോക്കി​യാ​ണു സൗന്ദര്യം അളക്ക​പ്പെ​ടു​ന്നത്‌,” ഒരു റിപ്പോർട്ടു പറയുന്നു. “അത്‌ അവാസ്‌ത​വി​ക​മായ പ്രതീ​ക്ഷ​കൾക്കു രൂപം നൽകുന്നു.” “പണമു​ണ്ടാ​ക്കാ​നും വിനോ​ദി​പ്പി​ക്കാ​നും വേണ്ടി വസ്‌ത്ര​മു​രി​ഞ്ഞു നഗ്നത പ്രദർശി​പ്പി​ക്കു​ക​യും അവസര​ങ്ങൾക്കാ​യി സദാ കാത്തു​കെ​ട്ടി​നി​ന്നു​കൊ​ണ്ടു പുരു​ഷ​ന്മാ​രു​ടെ കാമാർത്തി ശമിപ്പി​ക്കുന്ന വ്യക്തി​ത്വ​മി​ല്ലാത്ത കളിപ്പാ​ട്ട​ങ്ങ​ളാ​യി വർത്തി​ക്കു​ക​യും ചെയ്യു​ന്ന​വ​രെന്ന നിലയിൽ സ്‌ത്രീ​കളെ വരച്ചു​കാ​ട്ടുന്ന രീതി അവർക്കു സമത്വ​മോ മാന്യ​ത​യോ മാനു​ഷിക മൂല്യ​മോ നേടി​ക്കൊ​ടു​ക്കു​ക​യില്ല” എന്നു മറ്റൊരു റിപ്പോർട്ടു പറയുന്നു.

ഇതിനു വിരു​ദ്ധ​മാ​യി, സ്‌നേഹം “അന്തസ്സി​ല്ലാ​തെ പെരു​മാ​റു​ന്നില്ല” എന്നു പൗലൊസ്‌ എഴുതി. അത്‌ “സ്വന്തം താത്‌പ​ര്യ​ങ്ങൾ അന്വേ​ഷി​ക്കു​ന്നില്ല.” (1 കൊരി​ന്ത്യർ 13:5, NW) സ്‌ത്രീ​കളെ വെറും ലൈം​ഗിക സംതൃ​പ്‌തി നേടാ​നുള്ള ഉപകര​ണ​ങ്ങ​ളാ​യി കണക്കാ​ക്കാ​തെ, “തങ്ങളുടെ ഭാര്യ​മാ​രെ സ്വന്ത ശരീര​ങ്ങ​ളെ​പ്പോ​ലെ സ്‌നേഹി”ക്കാനും “അവർക്കു ബഹുമാ​നം കൊടു”ക്കാനും ബൈബിൾ പുരു​ഷ​ന്മാ​രെ ഉദ്‌ബോ​ധി​പ്പി​ക്കു​ന്നു. (എഫെസ്യർ 5:28; 1 പത്രൊസ്‌ 3:7) ഒരു വ്യക്തി—പുരു​ഷ​നോ സ്‌ത്രീ​യോ ആയി​ക്കൊ​ള്ളട്ടെ—മറ്റുള്ള​വ​രു​ടെ രതിലീ​ല​ക​ളു​ടെ രംഗങ്ങൾ സ്ഥിരമാ​യി കണ്ടാസ്വ​ദി​ക്കു​ന്നെ​ങ്കിൽ അയാൾ അല്ലെങ്കിൽ അവൾ അന്തസ്സോ​ടെ​യാ​ണു പെരു​മാ​റു​ന്ന​തെന്നു യഥാർഥ​ത്തിൽ പറയാൻ കഴിയു​മോ? ആ വ്യക്തി വാസ്‌ത​വ​ത്തിൽ ആദരവും ബഹുമാ​ന​വും പ്രകട​മാ​ക്കു​ക​യാ​ണോ ചെയ്യു​ന്നത്‌? അശ്ലീലം സ്‌നേ​ഹ​ത്തി​നു പകരം സ്വാർഥ മോഹ​മാ​ണു നട്ടുവ​ളർത്തു​ന്നത്‌.

പരിചി​ന്തി​ക്കേണ്ട മറ്റൊരു ഘടകം കൂടെ​യുണ്ട്‌. താമസി​യാ​തെ, അനുചി​ത​മായ മറ്റേ​തൊ​രു ഉത്തേജ​ന​ത്തി​ന്റെ​യും കാര്യ​ത്തി​ലെന്ന പോലെ, ആദ്യ​മൊ​ക്കെ ലൈം​ഗിക വികാ​ര​ങ്ങളെ ഉണർത്തി​യി​രുന്ന സംഗതി​കൾ പിന്നീട്‌ അതിനു പര്യാ​പ്‌ത​മ​ല്ലാ​ത്ത​വ​യാ​യി മാറുന്നു. ഒരു എഴുത്തു​കാ​രൻ ഇപ്രകാ​രം പറയുന്നു: “[അശ്ലീലം സ്ഥിരമാ​യി ആസ്വദി​ക്കു​ന്ന​വർക്ക്‌] ക്രമേണ കൂടുതൽ കട്ടി​യേ​റി​യ​തും വ്യത്യ​സ്‌ത​വു​മായ അശ്ലീല രംഗങ്ങൾ വേണ്ടി​വ​രും . . . അവർ തങ്ങളുടെ പങ്കാളി​കളെ കൂടുതൽ വികൃ​ത​മായ ലൈം​ഗിക നടപടി​കൾക്കു നിർബ​ന്ധി​ച്ചേ​ക്കാം . . . , അത്‌ യഥാർഥ പ്രേമ​പ്ര​ക​ട​നങ്ങൾ നടത്താ​നുള്ള അവരു​ടെ​തന്നെ പ്രാപ്‌തി​യെ ക്ഷയിപ്പി​ച്ചേ​ക്കാം.” ഈ പറഞ്ഞതി​ന്റെ വീക്ഷണ​ത്തിൽ അശ്ലീലം നിരു​പ​ദ്ര​വ​ക​ര​മായ ഒരു നേര​മ്പോ​ക്കാ​ണെന്നു തോന്നു​ന്നു​ണ്ടോ? എന്നാൽ അശ്ലീലം ഉപേക്ഷി​ക്കാൻ മറ്റൊരു പ്രധാന കാരണ​മുണ്ട്‌.

ബൈബി​ളും ലൈം​ഗിക തൃഷ്‌ണ​യും

രതിഭാ​വ​ന​ക​ളിൽ മുഴു​കു​ന്ന​തിൽ തെറ്റോ അപകട​മോ ഇല്ലെന്നു പലരും ഇന്നു കരുതു​ന്നു​ണ്ടെ​ങ്കി​ലും ബൈബിൾ അതി​നോ​ടു യോജി​ക്കു​ന്നില്ല. നാം നമ്മുടെ മനസ്സിൽ നിറയ്‌ക്കുന്ന കാര്യ​ങ്ങൾക്കും നമ്മുടെ പ്രവൃ​ത്തി​കൾക്കും തമ്മിൽ അഭേദ്യ​മായ ബന്ധമു​ണ്ടെന്ന്‌ അതു വ്യക്തമാ​ക്കു​ന്നു. “ഓരോ​രു​ത്തൻ പരീക്ഷി​ക്ക​പ്പെ​ടു​ന്നതു സ്വന്ത​മോ​ഹ​ത്താൽ  ആകർഷി​ച്ചു വശീക​രി​ക്ക​പ്പെ​ടു​ക​യാൽ ആകുന്നു” എന്ന്‌ ക്രിസ്‌തീയ ശിഷ്യ​നായ യാക്കോബ്‌ പറയുന്നു. “മോഹം ഗർഭം ധരിച്ചു പാപത്തെ പ്രസവി​ക്കു​ന്നു; പാപം മുഴു​ത്തി​ട്ടു മരണത്തെ പെറുന്നു.” (യാക്കോബ്‌ 1:14, 15) യേശു പറയുന്നു: “ഒരു സ്‌ത്രീ​യോട്‌ ആസക്തി തോന്ന​ത്ത​ക്ക​വണ്ണം അവളെ തുടർച്ച​യാ​യി നോക്കി​ക്കൊ​ണ്ടി​രി​ക്കുന്ന ഏവനും തന്റെ ഹൃദയ​ത്തിൽ അവളു​മാ​യി വ്യഭി​ചാ​രം ചെയ്‌തു​ക​ഴി​ഞ്ഞി​രി​ക്കു​ന്നു എന്നു ഞാൻ നിങ്ങ​ളോ​ടു പറയുന്നു.”—മത്തായി 5:28, NW.

യാക്കോ​ബും യേശു​വും സൂചി​പ്പി​ച്ച​തു​പോ​ലെ, മനുഷ്യർ തങ്ങളുടെ ആന്തരിക മോഹ​ങ്ങ​ളു​ടെ പ്രേര​ണ​യ്‌ക്കൊ​ത്താ​ണു പ്രവർത്തി​ക്കു​ന്നത്‌. ആ മോഹ​ങ്ങളെ ഊട്ടി​വ​ളർത്തു​മ്പോൾ ക്രമേണ അവ ശക്തമായ ആസക്തി​ക​ളാ​യി പരിണ​മി​ച്ചേ​ക്കാം. ആസക്തി​കളെ ചെറു​ക്കാൻ വളരെ പ്രയാ​സ​മാണ്‌, അവ ക്രമേണ ഒരു വ്യക്തിയെ പ്രവർത്ത​ന​ത്തി​നു പ്രേരി​പ്പി​ക്കു​ന്നു. അങ്ങനെ, നാം മനസ്സിൽ നിറയ്‌ക്കുന്ന കാര്യ​ങ്ങൾക്കു നമ്മുടെ പ്രവൃ​ത്തി​ക​ളു​ടെ മേൽ ശക്തമായ സ്വാധീ​നം ചെലു​ത്താ​നാ​കും.

രതിഭാ​വ​ന​കൾ നമ്മുടെ ദൈവാ​രാ​ധ​നയെ നേരിട്ടു ബാധി​ച്ചേ​ക്കാം. അതു​കൊ​ണ്ടാ​ണു പൗലൊസ്‌ ഇങ്ങനെ എഴുതി​യത്‌: “പരസംഗം, അശുദ്ധി, ലൈം​ഗിക തൃഷ്‌ണ, ദ്രോ​ഹ​ക​ര​മായ മോഹങ്ങൾ, വിഗ്ര​ഹാ​രാ​ധ​ന​യായ അത്യാ​ഗ്രഹം എന്നിവ സംബന്ധിച്ച്‌ . . . നിങ്ങളു​ടെ അവയവ​ങ്ങളെ മരിപ്പി​പ്പിൻ.”—കൊ​ലൊ​സ്സ്യർ 3:5, NW.

പൗലൊസ്‌ ഇവിടെ ലൈം​ഗിക തൃഷ്‌ണയെ അത്യാ​ഗ്ര​ഹ​വു​മാ​യി, അതായത്‌ സ്വന്തമാ​യി ഇല്ലാത്ത ഒന്നി​നോ​ടുള്ള അമിത​മായ ആഗ്രഹ​വു​മാ​യി ബന്ധിപ്പി​ക്കു​ന്നു. a അത്യാ​ഗ്രഹം ഒരുതരം വിഗ്ര​ഹാ​രാ​ധന കൂടെ​യാണ്‌. എന്തു​കൊണ്ട്‌? അത്യാ​ഗ്ര​ഹ​മുള്ള ഒരു വ്യക്തി, താൻ ആഗ്രഹി​ക്കുന്ന സംഗതി​യെ ദൈവം ഉൾപ്പെടെ മറ്റെല്ലാ​ത്തി​നും ഉപരി​യാ​യി പ്രതി​ഷ്‌ഠി​ക്കു​ന്നു എന്നതു​കൊ​ണ്ടു​തന്നെ. അശ്ലീലം ഒരു വ്യക്തി​യിൽ തനിക്കി​ല്ലാത്ത ഒന്നി​നോ​ടുള്ള തൃഷ്‌ണ ജനിപ്പി​ക്കു​ന്നു. ഒരു എഴുത്തു​കാ​രൻ പറയു​ന്നതു ശ്രദ്ധി​ക്കുക: “മറ്റൊ​രാ​ളു​ടെ ലൈം​ഗിക ജീവി​ത​ത്തെ​യാണ്‌ നിങ്ങൾ ആഗ്രഹി​ക്കു​ന്നത്‌. . . . നിങ്ങൾക്കി​ല്ലാത്ത ആ സംഗതി​യോ​ടുള്ള അടങ്ങാത്ത ദാഹമ​ല്ലാ​തെ മറ്റൊ​ന്നും നിങ്ങളു​ടെ മനസ്സിൽ ഉണ്ടായി​രി​ക്കു​ക​യില്ല. . . . നമുക്ക്‌ എന്തി​നോട്‌ ആസക്തി തോന്നു​ന്നു​വോ അതിനെ നാം ആരാധി​ക്കു​ന്നു.”

അശ്ലീലം ദുഷി​പ്പി​ക്കു​ന്നു

‘നിർമ്മ​ല​മാ​യത്‌ ഒക്കെയും രമ്യമാ​യത്‌ ഒക്കെയും സല്‌ക്കീർത്തി​യാ​യത്‌ ഒക്കെയും സൽഗു​ണ​മോ പുകഴ്‌ച​യോ ആയത്‌ ഒക്കെയും ചിന്തി​ച്ചു​കൊൾവിൻ’ എന്നു ബൈബിൾ ഉദ്‌ബോ​ധി​പ്പി​ക്കു​ന്നു. (ഫിലി​പ്പി​യർ 4:8) അശ്ലീലം​കൊണ്ട്‌ തന്റെ കണ്ണുകൾക്കും മനസ്സി​നും വിരു​ന്നൂ​ട്ടുന്ന ഒരുവൻ പൗലൊ​സി​ന്റെ ഈ ഉദ്‌ബോ​ധനം തള്ളിക്ക​ള​യു​ക​യാണ്‌. രണ്ടു വ്യക്തികൾ തമ്മിലുള്ള ഏറ്റവും ഗാഢവും സ്വകാ​ര്യ​വു​മായ പ്രകട​ന​ങ്ങളെ മറ്റുള്ള​വ​രു​ടെ മുമ്പാകെ നിർലജ്ജം പ്രദർശി​പ്പി​ക്കു​ന്ന​തി​നാൽ അശ്ലീലം ആഭാസ​മാണ്‌. അതു നിന്ദ്യ​വു​മാണ്‌, കാരണം അത്‌ ആളുകളെ തരംതാ​ഴ്‌ത്തു​ക​യും മനുഷ്യ​രെന്ന നിലയി​ലുള്ള അവരുടെ മാന്യ​തയെ ഇല്ലാതാ​ക്കു​ക​യും ചെയ്യുന്നു. ആർദ്ര​ത​യെ​യോ പരിഗ​ണ​ന​യെ​യോ പ്രോ​ത്സാ​ഹി​പ്പി​ക്കു​ന്നി​ല്ലാ​ത്ത​തി​നാൽ അതു സ്‌നേ​ഹ​ര​ഹി​ത​മായ ഒരു സംഗതി​യാണ്‌. അശ്ലീലം സ്വാർഥ​പ​ര​മായ തൃഷ്‌ണയെ മാത്രമേ പ്രോ​ത്സാ​ഹി​പ്പി​ക്കു​ന്നു​ള്ളൂ.

അധാർമി​ക​വും അധമവു​മായ ചെയ്‌തി​കളെ പച്ചയായി ആവിഷ്‌ക​രി​ക്കു​ക​വഴി അശ്ലീലം, ‘തിന്മ​യോട്‌ വെറുപ്പ്‌’ വളർത്താ​നുള്ള ഒരു ക്രിസ്‌ത്യാ​നി​യു​ടെ ശ്രമങ്ങളെ ദുർബ​ല​മാ​ക്കു​ക​യോ നശിപ്പി​ക്കു​ക​യോ ചെയ്യുന്നു. (ആമോസ്‌ 5:15, NW) അതു പാപം ചെയ്യാൻ പ്രോ​ത്സാ​ഹനം നൽകുന്നു. എഫെസ്യർക്ക്‌ പൗലൊസ്‌ നൽകിയ ഈ പ്രോ​ത്സാ​ഹ​ന​ത്തി​നു കടകവി​രു​ദ്ധ​മാണ്‌ അത്‌: “ദുർന്ന​ട​പ്പും യാതൊ​രു അശുദ്ധി​യും അത്യാ​ഗ്ര​ഹ​വും നിങ്ങളു​ടെ ഇടയിൽ പേർ പറക​പോ​ലും അരുതു; അങ്ങനെ ആകുന്നു വിശു​ദ്ധ​ന്മാർക്കു ഉചിതം. ചീത്തത്തരം, പൊട്ട​ച്ചൊൽ . . . ഇങ്ങനെ ചേർച്ച​യ​ല്ലാ​ത്തവ ഒന്നും അരുതു.”—എഫെസ്യർ 5:3, 4.

അശ്ലീലം നിരു​പ​ദ്ര​വ​ക​ര​മാ​ണെന്ന്‌ ഒരു പ്രകാ​ര​ത്തി​ലും പറയാൻ കഴിയില്ല. അത്‌ ഒരു വ്യക്തിയെ ചൂഷണം ചെയ്യു​ക​യും ദുഷി​പ്പി​ക്കു​ക​യും ചെയ്യുന്നു. സ്വാഭാ​വി​ക​മായ രീതി​യി​ലൂ​ടെ ലൈം​ഗിക സംതൃ​പ്‌തി നേടു​ന്ന​തി​നു പകരം, അന്യരു​ടെ ലൈം​ഗിക പ്രവൃ​ത്തി​കൾ കണ്ടു നിർവൃ​തി​യ​ട​യാൻ പ്രേരി​പ്പി​ക്കു​ന്ന​തി​നാൽ അതിനു ബന്ധങ്ങളെ തകർക്കാ​നാ​കും. അത്‌ ഒരു വ്യക്തി​യു​ടെ മനസ്സി​നെ​യും ആത്മീയ​ത​യെ​യും വിഷലി​പ്‌ത​മാ​ക്കു​ന്നു. അതു സ്വാർഥ​ത​യെ​യും അത്യാ​ഗ്ര​ഹ​ത്തെ​യും പ്രോ​ത്സാ​ഹി​പ്പി​ക്കു​ന്നു, മറ്റുള്ള​വരെ തങ്ങളുടെ ലൈം​ഗിക തൃഷ്‌ണ ശമിപ്പി​ക്കാ​നുള്ള വെറും ഉപകര​ണ​ങ്ങ​ളാ​യി കാണാൻ അത്‌ ആളുകളെ പ്രോ​ത്സാ​ഹി​പ്പി​ക്കു​ന്നു. നന്മ ചെയ്യാ​നും ശുദ്ധ മനസ്സാക്ഷി കാത്തു​സൂ​ക്ഷി​ക്കാ​നു​മുള്ള ശ്രമങ്ങൾക്ക്‌ അതു തുരങ്കം വെക്കുന്നു. സർവോ​പരി, അതിന്‌ ഒരു വ്യക്തിക്ക്‌ ദൈവ​വു​മാ​യുള്ള ആത്മീയ ബന്ധത്തിനു പ്രതി​ബന്ധം സൃഷ്ടി​ക്കാ​നോ അതിനെ നശിപ്പി​ക്കാൻ പോലു​മോ കഴിയും. (എഫെസ്യർ 4:17-19) അതേ, അശ്ലീലം തീർച്ച​യാ​യും അകറ്റി​നി​റു​ത്തേണ്ട ഒരു ബാധയാണ്‌.—സദൃശ​വാ​ക്യ​ങ്ങൾ 4:14, 15. (g02 7/8)

[അടിക്കു​റിപ്പ്‌]

[20-ാം പേജിലെ ചിത്രം]

അശ്ലീലം എതിർലിം​ഗ​ത്തിൽ പെട്ടവരെ കുറി​ച്ചുള്ള ഒരുവന്റെ വീക്ഷണത്തെ വികല​മാ​ക്കു​ന്നു