ലോകത്തെ വീക്ഷിക്കൽ

പക്ഷികൾക്കുള്ള “മിഠാ​യി​കൾ”

‘ബ്രസീ​ലി​ലെ ഒരു സസ്യം അതിന്റെ പരാഗണ നിരക്കു വർധി​പ്പി​ക്കാ​നാ​യി ഇന്നോളം നിഗൂ​ഢ​മാ​യി​രുന്ന ഒരു തന്ത്രം ഉപയോ​ഗി​ക്കു​ന്നു’ എന്നു ജർമൻ മാസി​ക​യായ ഗേയോ റിപ്പോർട്ടു ചെയ്യുന്നു. കോ​മ്പ്രെറ്റം ലാൻസി​യോ​ലേറ്റം എന്ന കുറ്റി​ച്ചെടി തന്റെ വിരു​ന്നു​കാ​രെ ദ്രവരൂ​പ​ത്തി​ലുള്ള പൂന്തേ​നി​നു പകരം “മിഠായി” നൽകി​യാ​ണു സത്‌ക​രി​ക്കു​ന്നത്‌. രാത്രി​യിൽ അതിന്റെ പൂക്കൾ ജെല്ലി​പോ​ലുള്ള, ഗുളി​ക​രൂ​പ​ത്തി​ലുള്ള മധുര​മേ​റിയ ഒരുതരം വസ്‌തു ഉത്‌പാ​ദി​പ്പി​ക്കു​ന്നു, അവ പിന്നീട്‌ ഉറച്ച്‌ ഏതാണ്ട്‌ 6 മില്ലി​മീ​റ്റർ വ്യാസ​മുള്ള ഉരുള​ക​ളാ​യി മാറുന്നു. ഗ്ലൂക്കോ​സും ഫ്രക്‌ടോ​സു​മാണ്‌ ഈ ജെല്ലിക്കു മധുരം നൽകു​ന്നത്‌. വിപണി​യിൽ വാങ്ങാൻ കിട്ടുന്ന “ജെല്ലി ബേബി” എന്ന മിഠാ​യി​യു​ടെ ‘ഏതാണ്ട്‌ അതേ സ്വാദാണ്‌’ അവയ്‌ക്ക്‌ എന്ന്‌ ഗവേഷകർ പറയുന്നു. “സൂര്യോ​ദയ സമയത്ത്‌ പൂക്കൾ വിരി​യു​മ്പോൾ മിന്നുന്ന, സുതാ​ര്യ​മായ ഈ മിഠാ​യി​കൾ ഒരു ട്രേയി​ലെ​ന്ന​പോ​ലെ നിരന്നി​രി​പ്പു​ണ്ടാ​കും,” റിപ്പോർട്ട്‌ വിശദീ​ക​രി​ക്കു​ന്നു. പുക്ക​ളൊ​രു​ക്കുന്ന ഈ വിരുന്ന്‌ കുറഞ്ഞത്‌ “എട്ട്‌ കുടും​ബ​ങ്ങ​ളിൽനി​ന്നുള്ള 28 പക്ഷി വർഗങ്ങളെ”യെങ്കി​ലും ആകർഷി​ക്കു​ന്നുണ്ട്‌. കുറ്റി​ച്ചെ​ടി​കൾതോ​റും കയറി​യി​റങ്ങി വിരു​ന്നു​ണ്ണുന്ന പക്ഷിക​ളു​ടെ മേലാകെ പൂമ്പൊ​ടി പറ്റിപ്പി​ടി​ക്കു​ന്നു, അത്‌ ഈ സസ്യത്തി​ന്റെ ത്വരി​ത​ഗ​തി​യി​ലുള്ള പരാഗ​ണ​ത്തി​നു സഹായി​ക്കു​ക​യും ചെയ്യുന്നു. (g02 7/8)

പക്ഷികൾ ‘V’ ആകൃതി​യി​ലുള്ള കൂട്ടമാ​യി പറക്കു​ന്നത്‌ എന്തു​കൊണ്ട്‌?

വാത്തക​ളും ഞാറപ്പ​ക്ഷി​ക​ളും മറ്റും “V ആകൃതി​യി​ലുള്ള കൂട്ടമാ​യി പറക്കു​ന്നത്‌ ദീർഘ​ദൂര ദേശാ​ട​നങ്ങൾ നടത്തു​മ്പോൾ, വലിവു കുറയ്‌ക്കാ​നും ഊർജം ലാഭി​ക്കാ​നും ആണ്‌” എന്നതിനു ഗവേഷ​കർക്ക്‌ ഇപ്പോൾ ഈടുറ്റ തെളിവു ലഭിച്ചി​രി​ക്കു​ന്ന​താ​യി നേച്ചർ മാസി​ക​യി​ലെ ഒരു റിപ്പോർട്ട്‌ ചർച്ച ചെയ്യവേ ലണ്ടന്റെ ദ ഡെയ്‌ലി ടെലി​ഗ്രാഫ്‌ പറയുന്നു. ഫ്രാൻസി​ലെ വിൽയേ ആൻ ബ്വായി​ലുള്ള നാഷണൽ സെന്റർ ഓഫ്‌ സയന്റി​ഫിക്‌ റിസർച്ചി​ലെ ശാസ്‌ത്രജ്ഞർ, V ആകൃതി​യിൽ പറക്കു​ക​യാ​യി​രുന്ന ഒരു ഞാറപ്പ​ക്ഷി​ക്കൂ​ട്ട​ത്തി​ലെ എട്ട്‌ പക്ഷിക​ളു​ടെ ഹൃദയ​മി​ടിപ്പ്‌ അളന്ന​ശേഷം ആ സംഖ്യ​കളെ അവയുടെ “ചിറക​ടി​ക​ളും പറക്കൽ രീതി​യും” ആയി താരത​മ്യം ചെയ്‌തു. തനിച്ചു പറക്കു​മ്പോ​ഴ​ത്തേ​തി​നെ അപേക്ഷിച്ച്‌, ഇങ്ങനെ കൂട്ടമാ​യി പറക്കു​മ്പോൾ പക്ഷിക​ളു​ടെ ഹൃദയ​മി​ടി​പ്പു താഴു​ന്ന​താ​യും അതു​പോ​ലെ വേഗത്തി​നു മാറ്റമി​ല്ലാ​ഞ്ഞി​ട്ടും അവയുടെ ചിറക​ടി​യു​ടെ തോതു കുറയു​ന്ന​താ​യും ഗവേഷകർ കണ്ടെത്തി. ഇങ്ങനെ “പക്ഷികൾ കൂട്ടമാ​യി പറക്കു​മ്പോൾ കൂട്ടത്തി​ലുള്ള മറ്റു പക്ഷിക​ളു​ടെ ചിറകടി മൂലം വായു മുകളി​ലേക്കു വിസ്ഥാ​പനം ചെയ്യ​പ്പെ​ടു​ന്നു. അത്‌ ഓരോ പക്ഷിയു​ടെ​യും സുഗമ​മായ പറക്കലി​നു സഹായി​ക്കു​ന്നു,” നേച്ചർ പറയുന്നു. തനിച്ചു പറക്കു​മ്പോ​ഴ​ത്തേ​തി​നെ അപേക്ഷിച്ച്‌ 20 ശതമാനം കൂടുതൽ ഊർജം ലാഭി​ക്കാൻ ഈ തന്ത്രം വലിയ വെള്ള-ഞാറപ്പ​ക്ഷി​കളെ സഹായി​ക്കു​ന്നു. (g02 7/8)

ഫ്രാൻസി​ലെ ബൈബിൾ വായന

കത്തോ​ലി​ക്കാ പത്രമായ ലാ ക്രവോ​യിൽ പ്രസി​ദ്ധീ​ക​രിച്ച ഒരു സർവേ റിപ്പോർട്ടു കാണി​ക്കുന്ന പ്രകാരം, സർവേ​യിൽ പങ്കെടുത്ത ഫ്രഞ്ചു​കാ​രിൽ 42 ശതമാ​ന​ത്തി​ന്റെ​യും കൈവശം ബൈബിൾ ഉണ്ടെങ്കി​ലും ഏതാണ്ടു 2 ശതമാനം മാത്രമേ അത്‌ എല്ലാ ദിവസ​വും​തന്നെ വായി​ക്കു​ന്ന​താ​യി അവകാ​ശ​പ്പെ​ട്ടു​ള്ളൂ. 72 ശതമാനം പറഞ്ഞത്‌ അവർ “ഒരിക്ക​ലും ബൈബിൾ വായി​ക്കാ​റില്ല” എന്നാണ്‌. സർവേ​യിൽ പങ്കെടു​ത്ത​വ​രിൽ 54 ശതമാനം “ആധുനിക ലോക​ത്തി​നു ചേരാത്ത ഒരു പഴഞ്ചൻ ഗ്രന്ഥം” ആയിട്ടാ​ണു ബൈബി​ളി​നെ വീക്ഷി​ച്ചത്‌. “ഫ്രഞ്ചു​കാർ ബൈബി​ളി​നെ മുഖ്യ​മാ​യും വിദ്യാ​ഭ്യാ​സ​പ​ര​മായ ഒരു തലത്തിൽനി​ന്നു​കൊ​ണ്ടാ​ണു പരിചി​ന്തി​ക്കു​ന്നത്‌” എന്നു റിപ്പോർട്ട്‌ വിശദ​മാ​ക്കു​ന്നു, “അതായത്‌, യഹൂദ മതത്തി​ന്റെ​യും ക്രിസ്‌ത്യാ​നി​ത്വ​ത്തി​ന്റെ​യും ഉത്ഭവങ്ങൾ” സംബന്ധിച്ച്‌ അവർ അതിൽ വിശദീ​ക​രണം തെരയു​ന്നു. “ഓരോ വർഷവും ഏതാണ്ട്‌ 2,50,000 ബൈബി​ളു​ക​ളും 30,000 പുതിയ നിയമ​ങ്ങ​ളും ഫ്രാൻസിൽ വിറ്റഴി​ക്ക​പ്പെ​ടു​ന്നുണ്ട്‌,” ലാ ക്രവോ വ്യക്തമാ​ക്കു​ന്നു. (g02 7/8)

എവറസ്റ്റ്‌ പർവത ശുചീ​കരണ പരിപാ​ടി

ഭൂമി​യി​ലെ ഏറ്റവും ഉയരം കൂടിയ പർവത​മായ എവറസ്റ്റി​നെ (8,850 മീറ്റർ) സാധാരണ ചിത്രീ​ക​രി​ച്ചു കാണു​ന്നത്‌ കളങ്കമറ്റ മനോ​ഹാ​രി​ത​യും ഗാംഭീ​ര്യ​വും ഒത്തിണ​ങ്ങിയ ഒന്നായി​ട്ടാണ്‌. എന്നാൽ ന്യൂഡൽഹി​യിൽനി​ന്നു പ്രസി​ദ്ധീ​ക​രി​ക്കുന്ന ഡൗൺ റ്റു എർത്ത്‌ മാഗസി​നിൽ വന്ന ഒരു റിപ്പോർട്ട്‌ പ്രകാരം എവറസ്റ്റ്‌ പർവതം ഇപ്പോൾ ഒരു കൂറ്റൻ ചവറ്റു​കൂ​ന​യാ​യി മാറി​യി​രി​ക്കു​ക​യാണ്‌. പതിറ്റാ​ണ്ടു​ക​ളി​ലു​ട​നീ​ളം എവറസ്റ്റ്‌ കയറി​യി​ട്ടുള്ള നൂറു​ക​ണ​ക്കി​നു പർവതാ​രോ​ഹകർ “കാലി ഓക്‌സി​ജൻ സിലി​ണ്ട​റു​ക​ളും പഴയ ഏണിക​ളും നാട്ടു​കാ​ലു​ക​ളും പ്ലാസ്റ്റിക്ക്‌ കാനു​ക​ളു​മൊ​ക്കെ​യാ​യി” ടൺകണ​ക്കി​നു ചപ്പുച​വ​റു​കൾ അവിടെ ഉപേക്ഷി​ച്ചി​ട്ടു പോന്നി​രി​ക്കു​ന്നു. ഏറ്റവും വൃത്തി​ഹീ​ന​മായ ക്യാമ്പ്‌, “സൗത്ത്‌ കോൾ ക്യാമ്പ്‌” ആണെന്ന്‌ റിപ്പോർട്ട്‌ പറയുന്നു. “അവി​ടെ​നി​ന്നാണ്‌ മിക്ക പർവതാ​രോ​ഹ​ക​രും പർവത​ത്തി​ന്റെ കൊടു​മു​ടി​യി​ലേ​ക്കുള്ള കയറ്റം കയറു​ന്നത്‌.” “[ഷെർപ്പ​കൾക്ക്‌] അവർ ശേഖരി​ക്കുന്ന ഓരോ കിലോ​ഗ്രാം [2.2 പൗണ്ട്‌] പാഴ്‌വ​സ്‌തു​ക്കൾക്കും 650 രൂപാ വീതം നൽകു​ന്ന​തി​നെ കുറിച്ച്‌ ആലോ​ചി​ക്കു”ന്നതായി നേപ്പാൾ പർവതാ​രോ​ഹണ സമിതി​യി​ലെ ഒരു ഉദ്യോ​ഗ​സ്ഥ​നായ ഭൂമി​ലാൽ ലാമ പറഞ്ഞു. ഷെർപ്പകൾ “സാധാ​ര​ണ​ഗ​തി​യിൽ” എവറസ്റ്റ്‌ കയറു​ന്ന​വർക്ക്‌ “വഴികാ​ട്ടി​ക​ളാ​യി വർത്തി​ക്കു​ന്നു​വെ​ന്നും അവർക്ക്‌ ആവശ്യ​മായ സാധനങ്ങൾ ചുമന്നു​കൊ​ണ്ടു പോകു​ന്നു”വെന്നും റിപ്പോർട്ട്‌ പറയുന്നു. (g02 7/8)

പാളി​പ്പോയ “മന്ത്ര​പ്ര​യോ​ഗം”

“ശരീര​ത്തിൽ വെടി​യുണ്ട ഏൽക്കാ​തി​രി​ക്കാ​നുള്ള ഒരു മന്ത്ര​പ്ര​യോ​ഗ​ത്തി​ന്റെ പരീക്ഷ​ണ​ത്തി​നി​ട​യിൽ ഒരു ഘാനാ​ക്കാ​രൻ സഹ ഗ്രാമ​വാ​സി​യു​ടെ വെടി​യേറ്റു മരിച്ചു,” റോയി​റ്റേ​ഴ്‌സ്‌ ന്യൂസ്‌ സർവീസ്‌ റിപ്പോർട്ടു ചെയ്യുന്നു. തങ്ങളുടെ ശരീരം വെടി​യുണ്ട ഏൽക്കാത്ത തരത്തി​ലു​ള്ള​താ​ക്കി​ത്ത​രണം എന്ന്‌ ആവശ്യ​പ്പെട്ട്‌ വടക്കു​കി​ഴക്കൻ ഘാനയി​ലെ നിരവധി ഗ്രാമ​വാ​സി​കൾ ഒരു മന്ത്രവാ​ദി​യെ സമീപി​ച്ചി​രു​ന്നു. റിപ്പോർട്ട്‌ തുടരു​ന്നു: “[മന്ത്രവാ​ദി] ഓരോ ദിവസ​വും ഏതോ പച്ചമരു​ന്നു​കൂട്ട്‌ അരച്ച്‌ ആ വ്യക്തി​യു​ടെ ശരീര​ത്തിൽ തേച്ചു​പി​ടി​പ്പി​ച്ചി​രു​ന്നു. ഇതു രണ്ടാഴ്‌ച തുടർന്നു. ഒടുവിൽ, മന്ത്ര​പ്ര​യോ​ഗം വിജയി​ച്ചോ എന്നറി​യാൻ [അയാൾ] നിറ​യൊ​ഴി​ക്കാ​നാ​യി സ്വമേ​ധയാ നിന്നു​കൊ​ടു​ക്കു​ക​യാ​യി​രു​ന്നു.” എന്നാൽ ഒറ്റ വെടി​ക്കു​തന്നെ ആൾ മരിച്ചു​വീ​ഴു​ക​യാ​ണു​ണ്ടാ​യത്‌. മന്ത്ര​പ്ര​യോ​ഗം പാളി​പ്പോ​യ​തിൽ രോഷാ​കു​ല​രായ നാട്ടു​കാർ മന്ത്രവാ​ദി​യെ പിടി​കൂ​ടി മർദി​ച്ച​വ​ശ​നാ​ക്കി. ഘാനയിൽ അങ്ങു വടക്ക്‌ താമസി​ക്കുന്ന ആളുകൾ, എതിർ ഗോ​ത്ര​ക്കാ​രിൽനി​ന്നു സംരക്ഷണം നേടാ​നാ​യി മന്ത്രവാ​ദി​കളെ ചെന്നു​കാ​ണു​ന്നതു പതിവാണ്‌. (g02 7/8)